Category کھیل

اسلام آباد(ایمرا نیوز/مانیٹرنگ ڈیسک) پاکستانی نمبر ون ٹینس کھلاڑی اعصام الحق نے کہا ہے کہ ٹینس فیڈریشن کو مزید نئے جونیئر کھلاڑیوں پر توجہ دینا ہوگی۔پاکستان اسپورٹس کمپلیکس میں ایکسپریس سے گفتگوکرتے ہوئے اعصام الحق کا کہنا تھا جب بھی پاکستان کومیری ضرورت پڑتی ہے میں انٹرنیشنل ٹینس کی اسائمنٹس چھوڑکر پاکستان کے لیے کھیلنے کے آجاتا ہوں لیکن کب تک پی ٹی ایف میری خدمات حاصل کرے گی، پاکستان ٹینس فیڈریشن کو مزید نئے جونیئر کھلاڑیوں پر توجہ دینا ہوگی، ٹیلنٹ کی تلاش کے لیے ملک بھر میں موجود ٹینس ایسوسی ایشنز کا ٹاسک دینا ہوگا تاکہ وہ اپنے اپنے علاقوں اور ریجنز میں ٹینس کے کھلاڑیوں کا انتخاب کریں اورسابق ٹینس کے اسٹارز ان کھلاڑیوں کی تربیت کریں۔ٹینس اسٹار نے کہا کہ وہ اورعقیل خان کی عمر 30 برس سے زائد ہے جبکہ ہمارے مدمقابل نوجوان کھلاڑی انٹرنیشنل سرکٹ میں شرکت کرتے ہیں، ازبکستان کے خلاف ناکامی کی وجہ فٹنس اورگرم موسم تھا، بدقسمتی سے ہم اپنے ہوم ٹینس کورٹس پر بہتر نہیں کھیل سکے، اس کے مقابلے میں ازبک کھلاڑی پورے ایونٹ میں چھائے رہے۔ایک سوال کے جواب میں انھوں نے کہاکہ ملک میں بین الاقوامی کھیلوں کے مقابلوں کے حوالے سے ماحول سازگار ہے، کرکٹ، اسکواش کے بعد ٹینس کے انٹرنیشنل مقابلے پاکستان میں منعقدہورہے ہیں یہ پاکستان کی کامیابی ہے، انٹرنیشنل ٹینس فیڈریشن کو مزید ٹینس ٹورنامنٹس پاکستان میں منعقد کرنے چاہئیں اورجونئیرسطح کے مقابلوں کی تعداد میں اضافہ کیا جائے تاکہ نوجوانوں کو دنیا کے مقبول ترین کھیل ٹینس کی جانب راغب کیا جاسکے۔
جونیئر ٹینس کی اکیڈمیوں کے ساتھ کوچنگ کے کورسزز کا انعقاد بھی کیا جائے تاکہ کوالیفائیڈ کوچز بہترانداز سے نوجوانوں کو تربیت فراہم کرسکتے ہیں۔اعصام الحق نے کہاکہ پاکستان میرا ملک ہے مجھے اپنے ملک سے بے پناہ عقیدت ہے، میں جو کچھ بھی ہوں پاکستان کی وجہ سے ہوں۔ پاکستان میں ٹینس کھیل کر خوب انجوائے کرتا ہوں، نوجوان کھلاڑی محنت اور لگن کو اپنا شیوہ بنائیں، حکومت کے ساتھ ساتھ پرائیویٹ اداروں کو ٹینس کے کھلاڑیوں کو ملازمت کے مواقع فراہم کرنے چاہئیں اور کھلاڑیوں کو اسپانسر کیا جائے تاکہ کھلاڑی معاشی طور پر مضبوط ہوسکیں۔

لاہور(ایمرا نیوز/مانیٹرنگ ڈیسک) شاہد خان آفریدی کی صرف ایک ٹویٹ نے پورے بھارت کو ہلا کر رکھ دیا اور ہر کوئی ان کیخلاف ردعمل دینے کیلئے میدان میں آ رہا ہے۔ بھارتیوں کی جانب سے شاہد آفریدی کیخلاف زہر اگلا گیا تو احمد شہزاد لالہ کے دفاع کیلئے میدان میں آئے اور اب شعیب اختر نے بھی ’’باؤنسر‘‘ دے مارا ہے اور ایسی بات کہہ دی ہے کہ بھارتیوں کو لگی مرچوں میں خوب اضافہ ہو گیا ہے۔شعیب اختر نے سماجی رابطوں کی ویب سائٹ ٹوئٹر پر جاری اپنے پیغام میں لکھا ’’دونوں طرف کی نوجوان نسل کو پاکستان اور بھارت کے تعلقات کیلئے کھڑا ہونے اور حکام سے ایک صحیح اور سچا سوال کرنے کی ضرورت ہے کہ ہم گزشتہ 70 سالوں میں اپنے زیر التواء مسائل کو حل نہیں کر سکے۔۔۔ میں آپ سے پوچھتا ہوں کہ کیا آپ اس نفرت کیساتھ مزید 70 سال جینے کیلئے تیار ہیں۔۔۔‘‘شعیب اختر کی یہ ٹویٹ سامنے آئی تو بھارتیوں نے مثبت جواب دینے کے بجائے ایک مرتبہ پھر پاکستان پر الزام تراشی شروع کر دی اور پھر پاکستانی بھی کہاں پیچھے رہنے والے تھے۔سبھا نارائن نامی صارف نے لکھا ’’پاکستان کی حمایت یافتہ دہشت گردی بند ہو جائے گی تو سب ٹھیک ہو جائے گا‘‘مرزا راحیل نے لکھا ’’کلبھوشن تو اپنی بیٹی کے ولیمے پر آیا تھا ناں۔۔۔ تم جو لوگ مقبوضہ کشمیر میں کر رہے ہو وہ دہشت گردی ہے‘‘آنندا سرکار نے لکھا ’’کلبھوشن سب سے بڑا ڈرامہ ہے جو ہم نے دیکھا۔ کوئی شک نہیں کہ کلبھوشن گرفتار ہوا۔۔۔ پیارے تم تو یہ بھی نہیں جانتے کہ بھارت کشمیر میں روزانہ پاکستانی دہشت گردوں کو پکڑتا ہے۔
گزشتہ روز بھی کشمیر پولیس نے ایک دہشت گرد گرفتار کیا جس کا تعلق ملتان سے ہے‘‘مرزا راحیل نے جواب دیتے ہوئے لکھا ’’ہاہاہاہاہاہاہا۔۔۔ اچھا مذاق ہے۔ کشمیر میں گرفتار ہوا؟؟؟ تو پھر تم کشمیر میں کیا کر رہے ہو؟؟؟ کیا آپ انہیں ریلیف دے رہے ہیں یا ان کی جانیں لے رہے ہیں؟؟؟‘‘

گولڈ کوسٹ/آسٹریلیا (سپورٹس ڈیسک ایمرا نیوز) 21 ویں کامن ویلتھ شوٹنگ ایونٹ میں پاکستان کے عثمان چاند نے پہلے روز سکیٹ میں اگلے راؤنڈ کے لئے کوالیفائی کر لیا جبکہ غفران عادل، مہوش فرحان کوالیفیکشن راؤنڈ سے آگے نہ بڑھ سکیں۔ گذشتہ روز ہونے والے شوٹنگ کے 10 میٹر ائر رائفل مقابلے میں پاکستان کے غفران عادل نے حصہ لیا۔ اس مقابلے میں مجموعی طور پر 18 شوٹرز نے حصہ لیا جس میں غفران عادل دسویں نمبر پر آئے۔ 10 میٹر ائر پسٹل مقابلے میں پاکستان کی خاتون کھلاڑی نے حصہ لیا۔ اس مقابلے میں 25 خواتین کھلاڑی ایکشن میں آئیں پاکستان کے مہوش چھٹے نمبر پر رہیں۔ شوٹنگ کے سکیٹ مقابلے میں عثمان چاند نے 49 پوائنٹس حاصل کر کے کوالیکیشن راؤنڈ کے دوسرے مرحلے کے لئے کوالیفائی کر لیا۔ پیر 9 اپریل کو دوبارہ ایکش میں دکھائی دینگے۔

ملبورن (سپورٹس ڈیسک/ وقت نیوز)آسٹریلیا کے بیٹسمین عثمان خواجہ ریچل میکلیلن کے ساتھ رشتہ ازداوج سے منسلک ہوگئے ۔دونوں کی شادی گزشتہ روز سر انجام پائی ۔عثمان خواجہ کی ریچل کے ساتھ نیو یارک میں چھٹیوں کے دوران ملاقات ہوئی تھی ۔جس کے دونوں میں قربتیں بڑھتی گئیں ۔عثمان خواجہ کی شریک حیات نے گزشتہ دنوں اپنا مہذب چھوڑ کر اسلام بھی قبول کیا تھا ۔عثمان خواجہ نے شادی کے موقع پر کلے رنگ کا کورٹ اور سفید رنگ کی شرٹ پہن رکھی تھی جبکہ ان کی اہلیہ نے سفید رنگ کا ڈریس پہنا ہوا تھا ۔بیٹسمین اپنی نئی اننگز کا آغاز کرنے پر کافی خوش دکھائی دئے ۔اور اس موقع پر اپنی والدہ کے ساتھ بھی تصاویر بنوائی ان کی شادی کی تقریب میں آسٹریلیا کے کرکٹرز نے بھی شرکت کی ۔

زیورخ (سپورٹس ڈیسک / وقت نیوز)فٹ بال کی عالمی تنظیم (فیفا)کے زیراہتمام رواں برس شیڈول رولڈ کپ فٹ بال ٹورنامنٹ 14 جون سے روس میں شروع ہوگا جس کے کامیاب انعقاد کے لئے تیاریاں عروج پر ہیں ،اس سلسلے میں فیفا نے ٹورنامنٹ آفیشلز کا اعلان پہلے ہی کر رکھا ہے ،کسی بر طانوی ریفری کو منتخب نہیں کیا گیا ،یہ 1938 ءکے بعد موقع ہے کہ میگا ٹورنامنٹ کیلئے برطانوی ریفری کا چناﺅنہ کیا گیا ہو ۔

کراچی(سپورٹس ڈیسک/ وقت نیوز)مقبوضہ جموں وکشمیر میں بھارتی فوج کے مظالم کے خلاف آواز اٹھانے پر سابق بھارتی کرکٹرز اور وہاں کا میڈیا پاکستانی کر کٹر شاہد آفریدی کے پیچھے پڑگیا ہے ۔لیکن پاکستانی شائقین کیلئے مایوس کن بات یہ ہے کہ کوئی دوسرا پاکستانی کرکٹراس معاملے میں آفریدی کے ساتھ نہیں کھڑا ہے جو انہتائی حیران کن بات ہے ۔سابق پاکستانی پلیئرز کے بھی بھارت میں مفادات ہیںجس کے سبب ان کی زبان کو تالے لگے ہوئے ہیں لیکن کرکٹ میدانوں پر بھارتیوں کے چھکے چھٹرانے والا شاہد آفریدی آج بھی اکیلا پورے بھارت کو جواب سے رہا ہے لیکن حران کن طور پر کوئی سابق کرکٹر اس معاملے میں زبان کھولنے کیلئے تیار نہیں ہے ۔

لندن(سپورٹس ڈیسک/ وقت نیوز) انگلش کلب ہمپشائر نے رواں برس شیڈول سیزن شیڈول کاﺅنٹی سیزن کیلئے جنوبی افریقن فاسٹ باﺅلر ڈیل سٹین کی خدمات حاصل کرلیں ۔گزشتہ دوبرس سے انجری مسائل کے باعث سٹین کا کیرئیر بری طرح متاثر ہوا ہے اور وہ انٹرنیشنل کرکٹ میں واپسی کیلئے جہد وجہد کرتے نظر آرہے ہیں ۔سٹین نے اپنے بیان میں کہا کہ ہمپشائر سے معاہدہ کرنے پر خوشی کر رہا ہوں ،کوشش ہوگی کہ ایونٹ میں ردھم بحال کر کے بھر پور طریقے سے انٹرنیشنل کر کٹ میں کم بیک کروں ۔سٹین نے2004 ءمیں کیرئیر کا آغاز کیا تھا اور انہوں نے ابتک 419 وکٹیں لے رکھی ہیں ۔

لاہور(سپورٹس ڈیسک/ وقت نیوز)سابق پاکستانی کرکٹر اور کمنٹیٹر رمیز راجہ نے سنچری بنانے کے بعد بھی کپتان عمران خان سے گالیاں پڑنے کا ایسا دلچسپ واقعہ سنایا ہے کہ سوشل میڈیا پر ہنسی کا طوفان برپا ہے۔نجی ٹی وی میں گفتگو کرتے ہوئے رمیز راجہ نے کہا کہ ”جب کوئی بلے باز اچھی بیٹنگ نہیں کررہا ہوتا تھا یا بلے باز حالات کو ٹھیک طرح سے سمجھ نہیں پارہا ہوتا تھا تو اسے ’گلوز‘بھجوادیئے جاتے تھے یعنی ہدایات دی جاتی تھیں ۔جے پور میں ٹیسٹ میں میں نے سنچری بنائی جس کے بعد بھارتی ٹیم کے دوسرا گیند لیا ۔کپل دیو نے گیند کروائی تو آﺅٹ ہوگیا جس کے بعد پویلین کی جانب چل پڑا ۔میں باہر آیا اور ابھی ڈریسنگ روم سے کافی پیچھے ہی تھا کہ دروازے سے گالیاں پڑنا شروع ہو گئیں ۔میں نے حیران ہو کر سوچا کہ میں نے 100 کیا ہوا ہے اور گالیاں کیوں پڑرہی ہیں ۔اب کہا جارہا تھا کہ ’تمہاری بھی کلب والی ذہنیت ہے ،100 کیا اور آﺅٹ ہوگئے اور وہ بھی اس فوکر باﺅلر سے “ ۔یہ تو مجھے بعد میں معلوم ہوا کہ ان کی کپل دیو سے بہت زیادہ لگتی تھی اور غصہ بھی اس بات پر ہی تھا کہ کپل دیو سے کیوں آﺅٹ ہوئے ۔

گولڈ کوسٹ (سپورٹس ڈیسک / وقت نیوز)آسٹریلیا میں ہونے والے کومن ویلتھ گیمز میںمچھروں کی بہتات سے ایتھلیٹس ملیریا میں مبتلا ہونے لگے ۔کھلاڑیوں میں سے ایک کی حالت کافی نازک بتائی جارہی ہے جسے کو ئنز لینڈ کے مقامی ہسپتال میں داخل کیا گیا ہے ۔ٹورنا منٹ کی انتظامیہ کے مطابق پلیئرز میں زیادہ تعداد انگلینڈ اوت سکاﺅٹ لینڈ کی ہے ۔کھلاڑیوں کو مچھروں سے بچانے کیلئے تمام اقدامات اٹھا ئے جا رہے ہیں ۔

اسلام آباد(سپورٹس ڈیسک/ وقت نیوز)پاک ازبکستان ڈیوس کپ ٹائی ایشیا اوشینیا گروپ ون کے مقابلوں میں اعصام الحق کو شکست جبکہ عقیل خان نے میدان مار لیا ۔پاکستان سپورٹس کمپلیکس کے گراس کورٹ پر کھیلے گئے ایونٹ کے پہلے میچ میں پاکستان کے اعصام اؒلحق قریشی انجری کے باعث ازبکستان کے ڈینس اسٹومن کے ہاتھوں ہار گئے ،اعصام الحق کو پہلے سیٹ میں ازبکستان کے ڈینس اسٹومن کے ہاتھوں (1-7 )7-6 اور 1-4 سے شکست کا سامنا کرنا پڑا ،میچ کا دوسرا سیٹ صرف 13 منٹ ہی چل سکا جس کے بعد اعصام قریشی دائیں ہاتھ کے انگوٹھے میں چوٹ آنے کی وجہ سے انجری کا شکار ہوگئے اور دوسرا سیٹ نہیں کھیل سکے جس کے باعث ازبکستان کے ڈینس اسٹومن کو فاتح قرار دیا گیا ۔دوسرے میچ میں پاکستان کے عقیل خان نے ازبکستا ن کے سنجیر فازیف کو 2-1 سے ہرادیا ،پہلے سیٹ میں ازبکستان کے سنجیر فازیف نے6-7 سے کامیابی حاصل کی جبکہ پاکستان کے عقیل خان نے دوسرے اور تیسرے سیٹ میں 6-7 اور6-4 سے کامیابی حاصل کرکے میچ اپنے نام کر لیا ۔