Category کھیل

باکسنگ کے کھلاڑیوں کے لیے اچھی خبر، 40 سال سے زیر تعمیر پنجاب باکسنگ کمپلیکس کو مکمل کرنے کے لیےکام کا آغاز کر دیا گیا۔ منصوبے پر 30 کروڑ کی لاگت آئے گی۔

تفصیلات کے مطابق نشتر پارک سپورٹس کمپلیکس میں40سال قبل باکسنگ کمپلیکس کو تعمیر کرنے کے کام کا آغاز ہوا تھا۔ جسے تعمیر کرانے کا وعدہ اس وقت کے وزیر اعظم ذوالفقار علی بھٹو نے کیا لیکن مارشل لاء لگنے کے بعد اس کام کو روک دیا گیا۔ وقت گزرنے کے ساتھ ساتھ یہ کمپلیکس کھنڈر کا منظر پیش کرنے لگا اور پھر یہ پراجیکٹ گمنامی کے اندھیروں میں ڈوب گیا۔

پنجاب سپورٹس سٹیئرنگ کمیٹی کے چیئرمین حنیف عباسی نے سٹی فورٹی ٹو پر اس حوالے سےچلنے والی رپورٹ پر فوری نوٹس لیا۔ اس ضمن میں حکومت پنجاب سے منظوری لیکر فنڈز جاری کر دئیے گئے ہیں۔ باکسنگ کمپلیکس پر سروے کا کام مکمل ہوچکا ہے اور اس کو مکمل کرنے کے لیے 31 مارچ تک کی ڈیڈ لائن بھی دے دی گئی ہے۔

دوسری جانب کمپلیکس کا نقشہ منظور ہوگیا ہے۔ بلڈنگ ڈیپارٹمنٹ نے پرانی عمارت کو بھی قابل استعمال ہونے کا سرٹیفکیٹ دے دیا ہے۔ حنیف عباسی کےمطابق اس باکسنگ کمپلیکس میں سٹیٹ آف دی آرٹ باکسنگ اکیڈمی بھی بنائی جائے گی۔

تفصیلات کے مطابق نشتر پارک سپورٹس کمپلیکس میں40سال قبل باکسنگ کمپلیکس کو تعمیر کرنے کے کام کا آغاز ہوا تھا۔ جسے تعمیر کرانے کا وعدہ اس وقت کے وزیر اعظم ذوالفقار علی بھٹو نے کیا لیکن مارشل لاء لگنے کے بعد اس کام کو روک دیا گیا۔ وقت گزرنے کے ساتھ ساتھ یہ کمپلیکس کھنڈر کا منظر پیش کرنے لگا اور پھر یہ پراجیکٹ گمنامی کے اندھیروں میں ڈوب گیا۔

پنجاب سپورٹس سٹیئرنگ کمیٹی کے چیئرمین حنیف عباسی نے سٹی فورٹی ٹو پر اس حوالے سےچلنے والی رپورٹ پر فوری نوٹس لیا۔ اس ضمن میں حکومت پنجاب سے منظوری لیکر فنڈز جاری کر دئیے گئے ہیں۔ باکسنگ کمپلیکس پر سروے کا کام مکمل ہوچکا ہے اور اس کو مکمل کرنے کے لیے 31 مارچ تک کی ڈیڈ لائن بھی دے دی گئی ہے۔

دوسری جانب کمپلیکس کا نقشہ منظور ہوگیا ہے۔ بلڈنگ ڈیپارٹمنٹ نے پرانی عمارت کو بھی قابل استعمال ہونے کا سرٹیفکیٹ دے دیا ہے۔ حنیف عباسی کےمطابق اس باکسنگ کمپلیکس میں سٹیٹ آف دی آرٹ باکسنگ اکیڈمی بھی بنائی جائے گی۔

بلائنڈ کرکٹ ورلڈ کپ کا فائنل پاکستان اور بھارت کی ٹیموں کے درمیان آج شارجہ میں کھیلا جائے گا، دونوں ٹیموں نے فائنل کی بھرپورتیاری کی ہے۔میچ صبح ساڑھے نو بجے شروع ہوگا۔

بلائنڈ کرکٹ ورلڈ کپ میں ٹائٹل کےلیے مقابلہ ہوگا،شارجہ کے تاریخی اسٹیڈیم میں پاکستان اور بھارت کی ٹیمیں مد مقابل ہوں گی ۔

پاکستان نے سیمی فائنل میں سری لنکا کو زیر کیا تو بھارتی ٹیم بنگلا دیش کو ہرا کر فائنل میں پہنچی ہے ۔

دونوں ٹیمیں ورلڈ کپ ٹرافی جیتنے کا لطف اٹھا چکی ہیں ، پاکستان نے دو مرتبہ یہ اعزاز جیتا ہے جبکہ بھارت ایک بار ورلڈ کپ جیت سکا ہے۔ بلائنڈ ورلڈ کپ کا فائنل صبح ساڑھے نو بجے شروع ہوگا۔

وینگری(اے این این )نیوزی لینڈ میں جاری انڈر 19 ورلڈکپ میں پاکستان نے سری لنکا کو 3 وکٹوں سے ہرا دیا۔وینگری میں انڈر 19 ورلڈکپ کا اٹھارہواں میچ پاکستان اور سری لنکا کے درمیان کھیلا گیا، آئی لینڈرز نے 189 رنز کا ہدف دیا، جواب میں پاکستانی جونیئر کھلاڑیوں نے بڑی مزاحمت اور ہمت دکھائی۔ علی زریاب آصف 59 رنز کے ساتھ نمایاں رہے۔ اس شاندار کارکردگی پر انہیں مین آف دی میچ ایوارڈ دیا گیا۔کپتان حسن خان 24 اور جارحانہ انداز اپنانے والے محمد موسی 23 رنز پر ناٹ آئو ٹ رہے جس کی بدولت قومی ٹیم نے چوالیسویں اوور میں ہی مطلوبہ ہدف پورا کر لیا۔ اس زبردست کامیابی کے ساتھ ہی قومی ٹیم نے انڈر 19 ورلڈکپ کے گروپ ڈی سے کوارٹر فائنل میں جگہ بنا لی۔

ویلنگٹن(اے این این )نیوزی لینڈ کیخلاف ون ڈے سیریز میں کلین سویپ شکست کے بعد کپتان سرفراز احمد نے ٹاپ آرڈر کی بیٹنگ پرفارمنس پر مایوسی کا اظہار کیا ہے، انہوں نے کہا ہے سیریز میں سینئرز پرفارم نہ کر سکے، نوجوان کھلاڑیوں کی کارکردگی سے وہ مطمئن ہیں۔کیویز کے ہاتھوں پانچ صفر کی بدترین شکست نے کپتان سرفراز احمد کو بلے بازوں کی پرفارمنس سے مایوس کر دیا۔ میڈیا سے گفتگو میں ا نہوں نے کہا کہ ٹاپ آرڈر نہیں چلا، ٹی ٹونٹی سیریز میں خامیاں دور کرنے کی کوشش کریں گے۔ انہوں نے میڈیا سے بات کرتے ہوئے حارث سہیل کی بیٹنگ کو سراہا۔

ویلنگٹن (اے این این )پاکستان کرکٹ ٹیم کے ہیڈ کوچ مکی آرتھر نے کہا ہے کہ سیریز کے ہر میچ میں ٹاپ آرڈر فیل ہوا جس کی وجہ سے شکست ہوئی۔ویلنگٹن میں میچ کے بعد میڈیا کے سوالوں کا جواب دیتے ہوئے مکی آرتھر نے کہا کہ ورلڈ کپ قریب ہے ہمیں اگلی سیریز سے قبل اپنی تمام خامیاں دور کرنا ہوں گی۔انہوں نے کہا کہ جب بھی نوجوان کھلاڑیوں کو آزمایا گیا ہے انہوں نے اچھا پرفارم کیا ہے۔قومی ٹیم کے ہیڈ کوچ نے کہا کہ نیوزی لینڈ کے دورے سے قبل ٹیم کے زیادہ تر کھلاڑی لیگز کھیل کر آرہے تھے۔ انہوں نے کہا کہ ٹیم اس سے بہت بہتر ہے جیسا انہوں نے یہاں پرفارم کیا۔واضح رہے کہ آج ویلنگٹن میں نیوزی لینڈ نے پانچویں اور آخری ون ڈے میں پاکستان کو 16 رنز سے شکست دے کر سیریز میں پانچ۔صفر سے کلین سوئپ کیا ہے۔

پاکستان کے دراز قد فاسٹ بولر محمد عرفان پی ایس ایل کے بعد ٹریننگ کے لیے امریکاجائیں گے۔

محمد عرفان کے قریبی ذرائع کے مطابق فاسٹ بولر کےامریکا کےمقامی کلب کے ساتھ معاملات طے پا گئے ہیں۔ وہ پی ایس ایل تھری کے بعد امریکا جائیں گے جہاں وہ ٹریننگ کریں گے۔

ٹریننگ کے ساتھ ساتھ وہ باسکٹ بال میں مہارت حاصل کرنے کے بعد کلب کی سطح پر میچز بھی کھیلیں گے ۔

محمد عرفان کا ماننا ہے کہ درازقد کھلاڑیوں کی باسکٹ بال کلب میں ٹریننگ اچھے انداز میں ہوتی ہے اس لئے محمد عرفان نے باسکٹ بال کلب کے ساتھ اپنے معاملات طے کئے ہیں۔

انڈر 19 کرکٹ ورلڈ کپ میں پاکستان نے سری لنکا کو3 وکٹوں سے شکست دے کر سیمی فائنل کے لیے کوالیفائی کرلیا۔

قومی انڈر 19 ٹیم کو میچ میں سری لنکا کی جانب سے جیت کے لیے 189رنز کا ہدف ملا تھا جسے اس نے 43 ویں اوور میں 6 وکٹوں کے نقصان پر باآسانی حاصل کر لیا۔

پاکستان کی جانب سے علی زریاب آصف نے 59 رنز کی اننگز کھیل کر جیت میں اہم کردار ادا کیا۔

یوزی لینڈ کے 272 رنزکے تعاقب میں پاکستان کی پوری ٹیم 49 اوور میں 256 رنز بنا سکی۔ حارث سہیل اور شاداب خان نے نصف سنچریاں اسکور کیں، دونوں نے چھٹی وکٹ کی پارٹنرشپ میں 105 رنز بنائے۔

ہدف کے تعاقب میں پاکستان کی پوری ٹیم 57 رنز پر آؤٹ ہوگئی، فخر زمان 12، عمر امین 2، بابر اعظم 10، محمد حفیظ 6 اور کپتان سرفراز احمد 3 رنز بنا کر آؤٹ ہوئے۔

حارث سہیل اور شاداب خان نے کیوی بولرز کا اعتماد کے ساتھ سامنا کیا اور چھٹی وکٹ کی شراکت میں 105 رنز بنائے، حارث سہیل 63 رنز بناکر آؤٹ ہوگئے۔

حارث سہیل کے آوٹ ہونے کے بعد شاداب خان بھی وکٹ پر مزید نہ ٹھہر سکے اور وہ 54 رنز بنا کر سینٹنر کا شکار بنے۔

ان کے بعد آنے والے فہیم اشرف نے جارحانہ انداز اپنایا تاہم وہ لمبی اننگز نہ کھیل سکے اور 23 رنز بنا کر سینٹنر کی بال پر ساؤتھی کو کیچ دے بیٹھے۔

محمد نواز نے دسویں نمبر پر کھیلے ہوئے 23 رنز بنائے وہ فرگوسن کا شکار بنے۔

یوں پوری ٹیم 49 ویں اوور میں 256رنز بناسکی اور نیوزی لینڈ نے 16 رنز سے میچ اپنے نام کرلیا۔

اس سے قبل کیوی ٹیم کی جانب سے اوپنر مارٹن گپٹل نے 126گیندوں پر 10چوکوں اور ایک چھکے کی مدد سے 100رنز بنائے، جبکہ روس ٹیلر نے 59 رنز بنائے۔

کیوی اننگز کے دوران مارٹن گپٹل اور روس ٹیلر کے درمیان تیسری وکٹ پر 102رنز کی شراکت بھی قائم ہوئی، جس سے کیوی ٹیم کو ایک بڑا ہدف دینے میں مدد ملی اور مقررہ 50 اوورز میں کیویز نے 7 وکٹوں کے نقصان پر 271رنز بنالئے۔

پاکستان کی جانب سے رومان رئیس نے 3، فہیم اشرف نے 2 اور عامر یامین نے ایک وکٹ حاصل کی۔

لاہور (اے این این )ورلڈ الیون کے خلاف پاکستان ہاکی ٹیم نے اپنی20رکنی ٹیم کا اعلان کردیا، میچ 19اور21جنوری کو ہو نگے۔تفصیلات کے مطابق پاکستان ہاکی فیڈریشن نے ورلڈ الیون کے خلاف اپنی20رکنی ٹیم کا اعلان کر دیا ہے،جس کی قیادت جنید منظورکریں گے جبکہ گول کیپر کے فرائض وقار یونس انجام دیں گے دیگر کھلاڑیوں میں اویس ارشد، رانا وحید، احمد ندیم، محمد الیاس، نوید عالم، عادل راو، امجد علی، وقار علی، ذکی اللہ ،ابراہیم ، شاہ زیب خان، غضنفر علی، افراز حکیم ، عمیر ستار،رضوان علی، ریحان بٹ، معین شکیل اور عدیل لطیف شامل ہیں۔پاکستان اور ورلڈ الیون کے درمیان پہلا میچ (آج)جمعہ کو کراچی جبکہ دوسرا میچ 21 جنوری کو لاہور میں کھیلا جائے گا۔