Category کھیل

لاہور (میڈیا پاکستان) میلبورن آسٹریلیا میں ہونے والے چار ملکی ہاکی ٹورنامنٹ کے لیے 22 ممکنہ کھلاڑیوں کے ناموں کا اعلان کردیا۔تفصیلات کے مطابق پاکستان ہاکی فیڈریشن کی جانب سے میلبورن میں چار ملکی ہاکی ٹورنامنٹ کیلئے 22ممکنہ کھلاڑیوں کا اعلان کیا گیا ہے ، ایونٹ 8 سے 12 نومبر تک ہو گا جس میں پاکستان ، آسٹریلیا، نیوزی لینڈاورجاپان کی ٹیمیں شرکت کریں گی۔ ممکنہ کھلاڑیوں میں مظہر عباس، امجد علی، محمد عرفان، عاطف مشتاق، مبشر علی، احمد شکیل، ابوبکر محمود، تصور عباس، رضوان جونیئر، ارسلان قادر، ا ظفر یعقوب، عمر بھٹہ، علی شان، محمد عتیق ارشد، اعجاز احمد، شان ارشاد، قمر بخاری ، خضر اختر، شجیہ احمد ، حسن انور، بلال قادر، عمر ہمدانی شامل ہیں۔

لاہور (میڈیا پاکستان) پاکستان اور سری لنکا کے درمیان تیسرے ٹی ٹوئنٹی کیلئے انتظامات کو حتمی شکل دی جا رہی ہے ، گاڑیوں کی پارکنگ ، سٹیڈیم کی گنجائش کو بڑھایا جا رہا ہے۔تفصیلات کے مطابق سٹیڈیم میں کْل ملا کر 20382 تماشائیوں کی گنجائش ہے جو ٹکٹ لے کر میچ دیکھ سکتے ہیں ، ان انکلوژرز میں عمران خان ، فضل محمود ، سعید انور اور راجاز انکلوژر میں 2500 تماشائیوں کی گنجائش ہے۔سرفراز نواز انکلوژر میں 2100 ، ظہیر عباس 383 ، وقار یونس 400 ، وسیم اکرم 410 ، حنیف محمد 392 ، امتیاز احمد 367 ، جاوید میانداد 1900 ، اے ایچ کاردار میں 1900 انیس سو، قائد انکلوژر میں 400 اور انضمام انکلوژر میں 1800 تماشائیوں کی گنجائش ہے۔گاڑیوں کی پارکنگ کیلئے ایف سی کالج کا انتخاب کیا گیا ہے جبکہ اس کیساتھ قرشی پارک میں بھی پارکنگ بنائی گئی ہے۔150 گاڑیوں اور 500 موٹر سائیکلوں کی گنجائش ہے ، یہاں کلمہ چوک کی جانب سے آنے والے شائقین اپنی گاڑیاں پارک کریں گے۔

لاہور (میڈیا پاکستان) پاکستان اور سری لنکن ٹیم کے مابین ہونے والے ٹی 20 میچ کی سکیورٹی کے حوالے سے سی سی پی او امین وینس کی زیر صدارت اجلاس، تین گھنٹے سے زائد طویل اجلاس میں لاہور ایئر پورٹ سے ہوٹل اور پھر قذافی سٹیڈیم تک کے تمام پوائنٹس کا تفصیلی جائزہ لیا گیا۔پولیس لائنز قلعہ گجر سنگھ میں ہونے والے اجلاس میں ڈی آئی جی آپریشنز ڈاکٹر حیدر اشرف سمیت تمام ڈویڑنل ایس پیز نے شرکت کی۔ اجلاس میں لاہور پولیس کے تیار کردہ سکیورٹی پلان کا ازسرنو جائزہ لیا گیا جس میں سری لنکن ٹیم کی لاہور ایئر پورٹ پر آمد کے بعد ہوٹل اور پھر ہوٹل سے قذافی سٹیڈیم تک لانے سمیت تمام سکیورٹی پوائنٹس کا تفصیلی جائزہ لیا گیا۔سی سی پی او امین وینس کا کہنا تھا کہ لاہور پولیس ٹیموں کے ساتھ ساتھ شائقین کرکٹ کو بھی فول پروف سکیورٹی فراہم کرے گی۔

شارجہ(میڈیا پاکستان) پاکستانی فاسٹ بولر عثمان خان شنواری نے توقعات پر پورا اتر کر رشتہ داروں کا سر بھی فخر سے بلند کر دیا۔بی بی سی کو انٹرویو میں عثمان شنواری نے کہا کہ میرے رشتے داروں نے کہا تھا کہ محمد عامر کی جگہ ٹیم میں شامل ہوئے ہو ویسی پرفارمنس بھی دکھانا، انہوں نے گزشتہ دنوں سری لنکا کیخلاف پانچویں میچ میں شاندار بولنگ کرتے ہوئے صرف 34رنز دے کر5 وکٹیں اپنے نام کی تھیں، یہ ان کا محض دوسرا ہی ون ڈے انٹرنیشنل تھا، جس میں کیریئر کی بہترین بولنگ کردی۔
عثمان نے کہاکہ یقیناً مجھ پردباؤ تھاکہ جس بولر کی جگہ ٹیم میں شامل ہوا ہوں اسی کی طرح پرفارم بھی کرنا ہے، یہ بات رشتے داروں نے بھی مجھے میچ سے قبل باور کرائی تھی، انھوں نے کہا کہ میں محمد عامر سے اپنا موازنہ نہیں کر سکتا وہ بہت اچھے بولر ہیں،میں ان کی بولنگ سے سیکھتا ہوں، میں عامر کے ان فٹ ہونے پر قومی ٹیم میں شامل ہوا لیکن مجھے خوشی ہے کہ میری پرفارمنس اچھی رہی۔
خیبر ایجنسی سے تعلق رکھنے والے عثمان پشاور میں رہائش پذیر ہیں، انھیں جب بھی وقت ملے اپنے گاؤں جاکر نوجوان کرکٹرز کی حوصلہ افزائی کرتے ہیں۔ انھوں نے کہاکہ قبائلی علاقوں میں نوجوان کرکٹ کے جنون میں مبتلا لیکن وہاں سہولتیں نہیں ہیں۔
عثمان سے پوچھا گیا کہ علاقے کے لوگ آفریدی کو کھیلتے دیکھنے کے لیے دیوانہ وار اسٹیڈیم کا رخ کرتے تھے کیا وہ انھیں دوبارہ اسٹیڈیم میں لانے کا سبب بنیں گے؟ جواب میں انھوں نے کہاکہ پختون قوم کرکٹ کی بہت شوقین ہے چاہے کوئی پٹھان ٹیم میں کھیل رہا ہو یا نہیں وہ میچ ضرور دیکھتی ہے، میری کوشش ہو گی کہ اچھی کارکردگی دکھاؤں تاکہ پختون میچز دیکھنے آتے رہیں۔

لاہور(میڈیا پاکستان) سری لنکا سے ٹی ٹوئنٹی سیریزکیلیے محمد عامر بھی یواے ای روانہ ہوگئے۔آئی لینڈرز سے دوسرے ٹیسٹ میں انجرڈ ہونے والے پیسر ایک بھی ون ڈے میچ نہیں کھیل پائے تھے۔ ان کی ٹی ٹوئنٹی اسکواڈ میں شمولیت فٹنس سے مشروط کی گئی تھی، محمد عامر نے ایک ہفتے نیشنل کرکٹ اکیڈمی لاہور میں بحالی فٹنس کے پروگرام پر عمل کرتے ہوئے مسائل سے نجات پائی، اب وہ ٹی ٹوئنٹی سیریز کا حصہ بننے کیلیے تیار ہیں۔
واضح رہے کہ پنڈلی میں تکلیف کا شکار ہونے والے پیسر کو فٹنس کی بحالی کیلیے سارا پلان یواے ای میں ہی ٹرینر گرانٹ لیوڈن اور ڈاکٹر سہیل سلیم نے بناکر دیا تھا جس پر انھوں نے لاہور میں عمل درآمد کیا اور بتدریج بہتری کی جانب گامزن رہے تاہم گزشتہ روز عامر نے این سی اے میں مشقوں کے ساتھ بھرپور رننگ بھی کی، ان کی لاہور کے علامہ اقبال ایئرپورٹ سے روانگی رات ایک بجے شیڈول تھی۔
دوسری جانب سری لنکا سے ٹوئنٹی 20 اسکواڈ کیلیے3 کھلاڑیوں نے یو اے ای میں پاکستانی ٹیم کو جوائن کر لیا، ان میں محمد نواز، عمر یامین اور عمر امین شامل ہیں۔
یاد رہے پہلا میچ جمعرات اور دوسرا جمعے کو ابوظبی میں کھیلا جائے گا، آخری میچ 29 اکتوبر کو قذافی اسٹیڈیم لاہور میں شیڈول ہے۔

لاہور (میڈیا پاکستان) پاکستان اور سری لنکن ٹیم کے مابین ہونے والے ٹی ٹوئنٹی میچ کی سیکیورٹی کے لیے حکومت نے میڈیا کے ڈرونز پر پابندی عائد کر دی، میڈیا ہاؤسز کو بھی اطلاع کر دی گئی۔پنجاب حکومت کی جانب سے تمام میڈیا ہاوسز کو بتایا گیا ہے کہ سکیورٹی کے پیش نظر ڈرون کیمروں کا استعمال نہ کیا جائے۔ ذرائع کا کہنا تھا کہ حکومت کی جانب سے ڈرون کیمروں کی مدد سے سری لنکن ٹیم کی موومنٹ اور میچ کے دوران سکیورٹی کی فوٹیج بنانے سے سیکیورٹی پر تعینات اہلکاروں اور افسران کے بارے میں باآسانی معائنہ کیا جا سکتا ہے اور اس کو شرپسند افراد اپنے مذموم مقاصد کے لیے استعمال کر سکتے ہیں۔

لاہور(میڈیا پاکستان) ایشین ویمنز چیلنج ہاکی کپ میں پاکستان نے فتح کا مزہ چکھ ہی لیا۔ایشین ویمنز چیلنج ہاکی کپ برونائی میں جاری ہیں۔ گزشتہ روز صرف ایک میچ کا فیصلہ ہوا، پاکستانی ٹیم قدرے کمزور حریف برونائی کی ٹیم کو صفر کے مقابلے میں 4 گول سے زیر کرنے میں کامیاب رہی۔ پاکستان کی طرف سے حمرا لطیف خطرناک موڈ میں دکھائی دیں، انھوں نے3 بار گیند کو جال کی راہ دکھاکرٹیم کی فتح پرمہرثبت کردی۔
میچ کے آغاز میں ہی پاکستانی ٹیم حمرا لطیف کے ذریعے ایک گول کی برتری حاصل کرنے میں کامیاب ہو گئی، دوسرے کوارٹر کے تیسرے منٹ میں حمرا نے دوبارہ گیند کو جال کی راہ دکھاکر اسکور 2-0کر دیا، 30ویں منٹ میں حمراء لطیف نے نہ صرف گولز کی ہیٹ ٹرک مکمل کرتے ہوئے میزبان ٹیم کے لیے میچ میں واپسی کے تمام راستے بند کردیے۔
تیسرے کوارٹرمیں کوئی بھی ٹیم مزید گول نہ کر سکی، چوتھے کوارٹرکے چھٹے منٹ میں امبرین ارشد پاکستانی ٹیم کی طرف سے چوتھا گول کرنے میں کامیاب رہیں۔ میچ کے دوران میزبان سائیڈ نے بھی پاکستان کے خلاف گول کرنے کی بھر پور کوشش کی لیکن گرین شرٹس کے مضبوط دفاع کے سامنے ان کی فاروڈز اپنے مقصد میں کامیاب نہ ہو سکیں۔
چیمپئن شپ کے دوران پاکستان ایک فتح اور ایک ناکامی کے ساتھ دوسرے نمبر پر ہے، برونائی کی ٹیم دونوں میچ ہار چکی ہے، پاکستان کا اگلا مقابلہ جمعرات کوہانگ کانگ سے ہوگا۔

لاہور (میڈیا پاکستان) بڑا میچ، بڑا ٹاکرا پاکستان بمقابلہ سری لنکا فائنل میچ انتیس اکتوبر کو لاہور میں ہوگا، میچ سے قبل ٹکٹس کا امتحان شروع ہوگیا، ہربار کی طرح اس بار بھی پانچ سو اور ایک ہزار والی ٹکٹس نایاب، کرکٹ کے شائقین مایوسی کا۔تفصیلات کے مطابق سیٹی بجے گی، تالی بجے گی کھیل سجے گا، پاکستان اور سری لنکا کے مابین تیسرے ٹی ٹوئنٹی مقابلے میں پانچ روز باقی ہیں،کرکٹ شائقین کی جانب سے ٹکٹوں کی فروخت عروج پر پہنچ گئی۔لوگوں کی بڑی تعداد ٹکٹوں کے حصول کے لئے ٹی سی ایس گلبرگ برانچ پہنچ گئی۔ مگر ہربار کی طرح اس بار بھی میچ کے لئے پانچ سو اور ایک ہزار والی ٹکٹس نایاب صرف، پندرہ سو، تین ہزار اور پانچ ہزار والی ٹکٹیں ہی شائقین کرکٹ کو نصیب ہوئی۔کرکٹ کے دیوانے ٹکٹ کا کہنا تھا کہ پاکستان میں انٹرنیشنل کرکٹ کی بحالی خوش آئند ہے اور وہ ان لمحات کو سٹیڈیم میں دیکھاناچاہتے ہیں، مگر ٹکٹ خریدنا غریب آدمی کے بس میں نہیں ہے۔ٹی ٹونٹی کرکٹ میچ کی ٹکٹوں کی فروخت اگلے ہفتے تک لاہور میں ٹی سی ایس کی بیس سے زائد برانچز میں جاری رہے گی۔

لاہور (میڈیا پاکستان) ٹی ٹوئنٹی ٹیم کے تین پلیئرز سری لنکا سے سیریز کھیلنے کےلئے دبئی روانہ، سیریز کا آغاز چھبیس اکتوبر کو ہو گا۔ذرائع کے مطابق ون ڈے سیریز میں سری لنکا کو وائٹ واش کرنے کے بعد ٹی ٹوئنٹی سیریز کا میلہ سجنے والا ہے جس کے نتیجے میں پاکستان کرکٹ ٹیم کے تین پلیئرز قومی سکواڈا کا حصہ بننے کے لئے دبئی روانہ ہو گئے۔سیریز کا آغاز چھبیس اکتوبر کو ہونے والے میچ سے ہو گا،دوسرا میچ ستائیس اور تیسرا میچ انتیس کو لاہور میں کھیلا جائے گا،دبئی جانے والے کھلاڑیوں میں عمر امین،عامر یامین اور محمد نواز شامل ہیں،رات گئے تینوں کھلاڑی ایمریٹس کی فلائٹ نمبر ای کے 623 کے ذریعے دبئی روانہ ہوئے۔

لندن(میڈیا پاکستان) شہرہ آفاق فٹبالر کرسٹیانو رونالڈو نے ایک بار پھر دنیا کے بہترین فٹبالر کا ایوارڈ اپنے نام کرلیا۔پرتگال سے تعلق رکھنے والے رونالڈو نے ارجنٹینا کے لیونل میسی اور برازیل کے نیمار کوشکست دیتے ہوئے نمبر ون فٹبالر ہونے کا اعزاز حاصل کرکے ٹرافی پر قبضہ جمالیا۔ فٹبال کی عالمی تنظیم فیفا نے رونالڈو کو سال 2017 کا بہترین کھلاڑی قرار دیا۔ رونالڈو کے باس اور ریال میڈریڈ کےکوچ زین الدین زیڈان کو فیفا کوچ آف دی ایئرکے اعزاز سے نوازا گیا۔
معروف ہسپانوی کلب کے اسٹرائیکر رونالڈو نے کلینڈرایئر میں 48مقابلوں میں سب سے زیادہ 44گول کرکے ٹیم کی جیت میں کلیدی کردار ادا کیا۔32 سالہ رونالڈو نے چیمپئنز لیگ اور لالیگا لیگ میں اپنے بہترین کارکردگی سے ٹیم کو فتوحات سے ہمکنارکیا۔
لندن میں منعقدہ تقریب میں ایوارڈ حاصل کرنے کے بعد رونالڈو نے مداحوں کوان کی بھرپور حمایت پر شکریہ ادا کیااور کہا کہ اس کامیابی پر وہ ٹیم کے دیگر کھلاڑیوں،کوچ اور مداحوں کے مشکور ہیں جب کہ اس اعزازی تقریب میں لیونل میسی اور نیمار کی موجودگی میرے لیے باعث فخر ہے۔