Category کھیل

آئرلینڈ نے ویسٹ انڈیز کو تیسرے ون ڈے میں دو وکٹوں سے شکست دے کر تین میچز کی سیریز دو ایک سے اپنے نام کرلی۔
کنگسٹن میں تیسرے ون ڈے میں میزبان ویسٹ انڈیز نے پہلے بیٹنگ کرتے ہوئے دو سو بارہ رنز بنائے، جیسن ہولڈر چوالیس رنز بنا کر نمایاں رہے، آئرش باولر مائک برائن نے چار وکٹیں حاصل کیں۔
جوابی اننگز میں مہمان آئرلینڈ نے دو سو تیرہ رنز کا ہدف آٹھ وکٹوں کے نقصان پر پینتالیسویں اوور میں حاصل کرلیا ، شاندار کارکردگی پر مائک برائن میچ اور سیریز کے بہترین کھلاڑی قرار دیئے گئے۔

چیئرمین پاکستان کرکٹ بورڈ رمیز راجہ نے باہمی سیریز کا آئیڈیا فرسودہ قرار دیتے ہوئے کہا ہے کہ ٹی ٹونٹی کرکٹ کو تازگی کی ضرورت ہے، تھکاوٹ کے شکار شائقین کی بھوک مٹانے کیلئے فیوچرٹور پروگرام سے باہر نکل کر کچھ کرنا ہوگا، دوکی جگہ چار یا پانچ ٹیمیں کہیں زیادہ سرمایہ کما سکتی ہیں، بگ فور جیسی متوازی باڈی ہرگز درکار نہیں بلکہ مالیاتی ذرائع کی تلاش اور سرمائے کی تقسیم کیلئے نئے ڈھانچے کی تشکیل ہونی چاہئے۔
آئندہ آئی سی سی اجلاس میں پاکستان اور بھارت سمیت چار ملکی ٹی ٹونٹی سپر سیریز کا آئیڈیا پیش کرنے کا عندیہ دینے والے چیئرمین پی سی بی رمیز راجہ کا کہنا ہے کہ وہ مارچ میں ہونیوالے گورننگ باڈی اجلاس میں اس بات پر روشنی ڈالیں گے کہ باہمی سیریز مالی اعتبار سے انحطاط کا شکار ہیں جبکہ چار یا پانچ ٹیموں پر مشتمل ایونٹ زیادہ منفعت بخش ثابت ہو سکتا ہے۔ ان کا کہنا تھا کہ مالیاتی ذرائع کی تلاش اور سرمائے کی تقسیم کیلئے نئے ڈھانچے کی تشکیل ہونی چاہئے اور آئی سی سی کے زیر انتظام ایک رجسٹرڈ کمپنی کام کرے جس کے فنانشل ماڈل کی دیکھ بھال کیلئے فرض شناس چیف ایگزیکٹو کا تقرر کیا جائے جو آمدنی کو تمام رکن ممالک میں تقسیم کر سکے۔
رمیز راجہ کا کہنا تھا کہ تھکاوٹ کے شکار شائقین کی بھوک مٹانے کیلئے فیوچرٹور پروگرام سے باہرنکل کر کچھ کرنا ہوگا اور پاک بھارت مقابلوں کی طرح ایشز کی رقابت زیادہ کارگر اور دلچسپ ثابت ہو سکتی ہے کیونکہ وہ ذاتی طور پر باہمی ٹی ٹونٹی سیریز کے حامی نہیں کیونکہ فرنچائز کرکٹ کی موجودگی میں مختصر فارمیٹ کو نئی لائف درکار ہے۔ ان کا کہنا تھا کہ پانچ میچوں پر مشتمل ٹی ٹونٹی سیریز تھکا دینے والی ہوتی ہے جبکہ تین یا چار ممالک ایک دوسرے کیخلاف کھیل رہے ہوں تو اس سے سرمائے کے حصول کے کہیں زیادہ ذرائع پیدا ہوں گے البتہ ایسا کرتے ہوئے وہ بگ فور جیسی متوازی باڈی کی تخلیق کے خواہاں نہیں بلکہ ان کی خواہش ہے کہ کھیل کی دلچسپی اور مالیاتی فائدہ دوسرے ممالک تک بھی پہنچ سکے۔

پاکستان سپر لیگ کے دیوانوں اور اہل لاہور کیلئے اچھی خبر،کھلاڑیوں کی سٹیڈیم آمد اور واپسی پر سٹرکیں مکمل بند نہیں ہوں گی۔
چیئرمین واٹر اینڈ انوائرمنٹل کمیشن کی زیرصدارت اجلاس میں فیصلہ کیا گیا کہ کھلاڑیوں کو ہوٹل سے اسٹیڈیم تک سگنل ٹو سگنل فری ٹریفک روٹ فراہم کیا جائے گا،،آسٹریلیا کی کرکٹ ٹیم کیلئےفول پروف سکیورٹی انتظامات کیے جائیں گئے، آسٹریلیا کے کھلاڑیوں کی ہوٹل سے اسٹیڈیم تک آمد کے وقت سٹرکیں مکمل بند کی جائیں گئیں،
پاکستان سپر لیگ سیون سیزن کیلئے ٹکٹوں کی فروخت بھی شروع کر دی گئی، شائقین کرکٹ بک می ڈاٹ کام سے آن لائن ٹکٹ خرید سکیں گے، درست کرونا ویکسینیشن سرٹیفیکٹ دیکھانا لازمی ہو گا، ایک شناختی کارڈ پر چھ ٹکٹیں خریدی جا سکیں گی،،کم سے کم ٹکٹ 500 روپے اور زیادہ سے زیادہ 3 ہزار روپے قیمت مقرر کی گئی ہے،، وی آئی پی انکلوژرز کے ٹکٹ کی قیمت 4 ہزار روپے مقرر کی گئی ہے،، افتتاحی میچ 27جنوری کو نیشنل اسٹیڈیم کراچی میں کھیلا جائے گا،،17جنوری تک بک کی جانے والی فرسٹ کلاس اور جنرل اسٹینڈز کی ٹکٹوں پر خصوصی رعایت دی جائے گی،، ان میں پلے آف یا فائنل کے ٹکٹ شامل نہیں ہوں گے،،ٹکٹوں کی ادائیگی ایزی پیسہ، جاز کیش، کریڈٹ کارڈ، این آئی ایف ٹی کے ذریعے کی جاسکے گی،،قذافی اسٹیڈیم لاہور میں وسیم اکرم اور وقار یونس انکلوژرز کو ہاسپٹیالٹی اسٹینڈز کا درجہ دیا گیا ہے، ان اسٹینڈز کے ٹکٹ کی قیمت چار ہزار سے سات ہزار روپے تک مقرر ہے،،،ایونٹ کے 6 ڈبل ہیڈرز کے ایام میں جنرل اسٹینڈز کے ٹکٹ کی قیمت ایک ہزار، فرسٹ کلاس انکلوژرز کے ٹکٹ کی قیمت 2 ہزار جبکہ پریمیئم انکلوژرز کے ٹکٹ کی قیمت اڑھائی ہزار اور وی آئی پی انکلوژرز کے ٹکٹ کی قیمت تین ہزار روپے مقرر کی گئی ہے۔

پی سی بی نے دو ہزار اکیس کے بہترین کھلاڑیوں کیلئے ایوارڈز کا اعلان کر دیا
سال کی سب سے متاثر کن کارکردگی کا ایوارڈ شاہین شاہ آفریدی نے جیت لیا، حسن علی سال کے بہترین ٹیسٹ کرکٹر قرار پائے،، ون ڈے انٹرنیشنل کرکٹر آف دی ایئر کا ایوارڈ بابر اعظم نے جیتا۔ وسیم جونیئر ایمرجنگ اور صاحبزادہ فرحان ڈومیسٹک کرکٹر آف دی ایئر قرار پائے،، ندا ڈار کو سال کی بہترین خاتون کرکٹر کا اعزاز ملا،،پی سی بی ایوارڈز جیتنے پر کپتان قومی ٹیم بابر اعظم، شاہین شاہ آفریدی اور وسیم جونئیر خوش ہیں۔ بابر عظم کا کہنا ہے کوشش ہوتی ہے ہر شعبے میں کمزوریوں پر قابو پا کر بہتر کارکردگی دکھا ؤں، انگلینڈ میں 154رنز کی اننگز بیسٹ رہی،،شاہین شاہ آفریدی نے کہا کوشش ہوتی پاکستان ٹیم کے لیے کارکردگی دکھاؤں،، وسیم جونئیر کا کہنا ہے کارکردگی کا تسلسل برقرار رکھوں گا۔

نگلہ دیشی کرکٹ ٹیم نے تاریخ رقم کرتے ہوئے پہلی بار نیوزی لینڈ کو ٹیسٹ میچ 8 وکٹوں سے ہرا دیا۔
نیوزی لینڈ نے پہلی اننگز میں 328 اور دوسری اننگز میں 169رنز بنائے، بنگلہ دیش نے پہلی اننگز میں 458 اور دوسری اننگز میں 40 رنز کا ہدف 2وکٹ کے نقصان پر حاصل کر لیا۔ عبادت حسین کو مین آف دی میچ قرار دیا گیا۔
بنگلہ دیش نے کیویز سرزمین پر یہ پہلا ٹیسٹ جیتا ہے۔

آل راونڈر محمد حفیظ نے انٹرنیشنل کرکٹ سے ریٹائرمنٹ لینے کا باضابطہ اعلان کر دیا،،
محمد حفیظ کا کہنا تھا کہ انٹرنیشنل کرکٹ سے فخر کیساتھ ریٹائرمنٹ کا اعلان کررہا ہوں، اپنے کیریئر سے خوش ہوں، آج جس مقام پر ہوں اس کا کبھی تصور بھی نہیں کیا تھا، یہ سب کرکٹ کی وجہ سے ہے لہذا اپنے تمام ساتھی کرکٹرز ، کپتانوں، سپورٹ سٹاف اور پاکستان کرکٹ بورڈ کا شکریہ ادا کرتا ہوں۔
انہوں نے کہا کہ 18سال پاکستان کے سبز رنگ کی کٹ زیب تن کرنے پر خوش قسمت اور فخر محسوس کرتا ہوں، کیریئر میں کئی اتار چڑھاو کا سامنا کرنا پڑا مگر اس دوران اپنے دور کے بہترین کھلاڑیوں کے ساتھ کھیلنے کا اعزاز حاصل ہوا۔

خیبر پختونخوا نے قائد اعظم ٹرافی کا ٹائٹل جیت لیا، فائنل میں ناردرن کی ٹیم کو ایک سو انہتر رنز سے شکست دی،
کے پی نے افتخار احمد کی سنچری کی بدولت پہلی اننگز میں تین سو چوہتر رنز بنائے، دوسری اننگز میں دو سو پینسٹھ رنز اسکور کیے،،ناردرن پہلی اننگز میں دو سو چھپن، دوسری میں دو سو چودہ رنز بنا سکی، ساجد خان کی میچ میں نو وکٹیں ہوئیں۔

انٹرنیشنل کرکٹ کونسل (آئی سی سی) کے پلیئر آف دی ایئر کے لیے نامزد کھلاڑیوں میں پاکستان کے کپتان بابر اعظم بھی شامل ہیں۔
آئی سی سی نے گزشتہ روز سال کے بہترین ٹی ٹوئنٹی کھلاڑی کے لیے 4نامزدگیاں کی تھیں جس میں پاکستان کے محمد رضوان، سری لنکا کے ہسا رنگا، آسٹریلیا کے مچل مارش اور انگلینڈ کے جوز بٹلر کا اعلان کیا تھا۔
اب آئی سی سی نے ون ڈے کے پلئیر آف دی ایئر کے لیے بھی نامزدگیوں کا اعلان کر دیا ہے۔
آئی سی سی کی جانب سے ون ڈے کےلیے نامزد کردہ بہترین کھلاڑیوں میں پاکستان کے کپتان بابر اعظم کے علاوہ بنگلا دیش کے شکیب الحسن، جنوبی افریقا کے ینامن ملان اور آئرلینڈ کے پال اسٹرلنگ بھی شامل ہیں۔

پی ایس ایل کے ساتویں سیزن میں سٹیڈیم کرکٹ لورز کے نعروں سے گونجیں گے، این سی او سی نے میچز میں سو فیصد شائقین کی منظوری دے دی،
این سی او سی نے وفاق، صوبوں اور پی سی بی کو مراسلہ ارسال کر دیا جس کے مطابق مکمل ویکسینیٹڈ افراد کو سٹیڈیم میں میچ دیکھنے کی اجازت ہو گی، تمام عمر کے افراد کو سٹیڈیم میں پی ایس ایل میچ دیکھنے کی اجازت ہو گی، سٹیڈیم میں آنے کیلئے 12سال سے زائد عمر والوں کی ویکسینیشن لازم ہو گی، پی سی بی ویکسینیٹڈ افراد کو ٹکٹ کے اجراء کیلئے میکنزم تیار کرے گا، پی سی بی کرکٹ میچز کیلئے سیکورٹی انتظامات کی ذمہ دار ہو گی، پی سی بی کرکٹ گرائونڈ میں ایس او پیز پر عملدرآمد کی ذمہ دار ہو گی، کرکٹ سٹیڈیم میں تماشائیوں کیلئے ماسک، سماجی فاصلہ رکھنا لازم ہو گا۔

آسٹریلیا نے انگلینڈ کو تیسرے ٹیسٹ میں ایک اننگز اور 14رنز سے شکست دے کر ایشزکا اعزاز برقرار رکھا۔
ایشز کے پانچ میچوں کی سیریز میں آسٹریلیا کو تین صفر کی ناقابل شکست برتری حاصل ہوگئی۔
تیسرے ٹیسٹ کے دوران انگلینڈ نے پہلی اننگز میں 185رنز بنائے جس کے جواب میں آسٹریلیا نے 267رنز بنائے، انگلینڈ کی ٹیم دوسری اننگز میں صرف 68رنز پر آؤٹ ہوگئی اور کپتان جو روٹ 28رنز بنا کر نمایاں رہے جب کہ4 کھلاڑی صفر پر آؤٹ ہوئے، ٹیسٹ ڈیبیو کرنے والے فاسٹ بولر سکاٹ بولینڈ نے 4اوورز میں 7رنز دے کر6 وکٹیں لیں۔