Category کھیل

میڈیا رپورٹس کے مطابق مہمان ٹیم کی سکیورٹی کیلئے پولیس کے 3000 افسران واہلکاروں سکیورٹی کے فرائض سرانجام دے رہے ہیں۔ مہمان ٹیم کی آمدورفت کے روٹ اور سٹیڈیم کے گردونواح میں چھتوں پرسنائپرز بھی تعینات ہیں۔ جبکہ ٹریفک کی نگرانی کیلئے بھی خصوصی انتظامات کیے گئے ہیں۔

ذرائع کے مطابق مہمان کرکٹرز کیلئے سکیورٹی ببل بنایا گیا ہے جس میں سے باہر جانے کی اجازت نہیں، انہیں ہوٹل میں ہی مختلف سرگرمیوں کا موقع دے دیا گیا، کھلاڑیوں کیلئے منی گالف کا انتظام بھی ہے۔ متعدد کھلاڑی اپنے ساتھ گیمز بھی ساتھ لائے ہیں۔ جن میں بین اسٹوکس ویڈیو گیمز، زیک کرولی اپنے ساتھ کارڈز گیم لائے ہیں۔

مہمان کھلاڑیوں کو باہر سے کچھ منگوانے کی اجازت نہیں جس کی وجہ سے کافی کے شوقین کیٹن جیننگزمشین ہمراہ لائے ہیں، ببل میں ہی پسندیدہ پکوان فراہم کرنے کی سہولت موجود ہے، اس مقصد کیلیے انگلش اسکواڈ کا اپنا خصوصی شیف بھی ساتھ موجود ہے۔

دوسری جانب انگلینڈ کے ہیڈ کوچ برینڈن میک کولم نے سکیورٹی انتظامات پر مکمل اطمینان کا اظہار کیا۔ ان کا کہنا تھا کہ پاکستان میں ہمارا ہر لحاظ سے خیال رکھا جارہا ہے، سیکیورٹی پابندیوں کے باوجود اپنے قیام سے لطف اندوز ہورہے ہیں۔

ممبئی (ایمرا نیوز)ایشین کرکٹ کونسل کے صدر اور بھارتی کرکٹ بورڈ کے سیکرٹری جے شاہ نے اعلان کیا ہے کہ 2023 کے ایشیا کپ میں بھارتی ٹیم پاکستان نہیں جائے گی۔
بھارتی میڈیا کے مطابق بھارتی کرکٹ بورڈ کی سالانہ جنرل میٹنگ آج ممبئ میں ہوئی جس میں جے شاہ نے پاکستان نہ جانے کا بیان دیا۔
ذرائع کا کہنا ہے کہ بھارت نے ایشین کرکٹ کونسل کے فورم کو نظر انداز کر دیا ،بھارت سے تعلق رکھنے والے اے سی سی کے صدر نے خود فیصلے سنانے شروع کر دیے ہیں، انہوں نے ایشین کرکٹ کونسل کے اجلاس کے بغیر ہی فیصلہ سُنایا۔
ذرائع کے مطابق پاکستان کرکٹ بورڈ نے اس فیصلے پر فی الحال اپنا مؤقف دینے سے انکار کردیا ہے، پاکستان کرکٹ بورڈ اے سی سی کے فیصلے کا انتظار کرے گا ۔
خیال رہے کہ پاکستان نے ون ڈے فارمیٹ کے ایشیا کپ کی میزبانی اگلے برس ستمبر میں کرنی ہے۔

ٹوکیو(ایمر ا نیوز)جاپان کے عالمی شہرت یافتہ ریسلر انوکی 79 برس کی عمر میں انتقال کرگئے۔جاپانی میڈیا کے مطابق ریسلر انوکی کچھ عرصے سے خرابی صحت کے سبب اسپتال میں داخل تھے جہاں وہ جانبر نہ ہوسکے۔
جاپانی میڈیا کا کہنا ہےکہ انوکی جاپانی عوام میں انتہائی مقبول تھے اور ان کی وفات پر حکومت اور عوام افسردہ ہیں۔
انوکی پاکستان اور پاکستانی عوام سے بہت محبت اور انسیت رکھتے تھے، 1979 میں پاکستانی جھارا پہلوان سے شکست کے بعد وہ پاکستان میں مقبول ہوئے تھے، انوکی نے جھارا پہلوان کی وفات کے بعد ان کے بھتیجے کو جاپان میں اپنی نگرانی میں تربیت دی، انوکی پاک بھارت امن کے فروغ کے لیے واہگہ بارڈر پر امن واک کرنا چاہتے تھے۔
انوکی نے عراق امریکا جنگ کے دوران صدام حسین سے ذاتی تعلقات کی بنا پر درجنوں جاپانی شہریوں کو رہائی دلوائی تھی اور انہوں نے صدام حسین کی دعوت پر ہی اسلام قبول کیا جب کہ انوکی کا اسلامی نام محمد حسین رکھا گیا تھا۔
انوکی اپنی وفات تک جاپانی رکن پارلیمنٹ تھے اور چار دفعہ رکن پارلیمنٹ رہے۔

اسلام آباد(ایمرا نیوز)وفاقی دارالحکومت اسلام آباد سے تعلق رکھنے والا فاسٹ بولر دل کا دورہ پڑنے سے چل بسا۔سوشل میڈیا پر کرکٹ تجزیہ کار فرحان ناصر کی جانب سے ایک پوسٹ شیئر کرتے ہوئے فاسٹ بولر شہزاد اعظم کے انتقال کی خبر دی گئی۔
ٹوئٹر پر جاری پوسٹ میں بتایا گیا کہ اسلام آباد سے تعلق رکھنے والے 36 سالہ فاسٹ بولر شہزاد اعظم دل کا دورہ پڑنے سے انتقال کر گئے۔
فرحان ناصر نے مرحوم شہزاد اعظم کی تعریف کرتے ہوئے بتایا کہ فاسٹ بولر نے 95 فرسٹ کلاس میچز میں 388 وکٹیں حاصل کیں۔

کراچی (ایمرا نیوز)قومی کرکٹ ٹیم کے چیف سلیکٹر محمد وسیم نے سابق کرکٹرز سے کھلاڑیوں پر تنقید نہ کرنے کی اپیل کردی۔
چیف سلیکٹر محمد وسیم نے نجی ٹی وی کو انٹرویو دیتے ہوئے کہا کہ سابق کرکٹرز سلیکشن اور مجھ پر جتنا چاہے تنقید کریں کیونکہ سب کی اپنی رائے ہوتی ہے۔
انہوں نے کہا کہ برا تب لگتا ہے جب سابق کرکٹر نام لے لے کر کھلاڑیوں کو نشانہ بناتے ہیں، ہر کھلاڑی کی عزت ہوتی ہے اور سب سے بڑھ کر ملک کی عزت ہوتی ہے۔
قبل ازیں گزشتہ دنوں سابق کرکٹرز نے محمد رضوان اور بابراعظم کو تنقید کا نشانہ بنایا تھا جس پر وکٹ کیپر اور کپتان نے پریس کانفرنس میں جوابات دیتے ہوئے ناراضگی کا اظہار کیا تھا۔
بابراعظم نے عاقب جاوید کو جواب دیتے ہوئے کہا تھا کہ میرے رن ریٹ کے حوالے سے جو کہا وہ میں نے نہیں سُنا لیکن انہیں کچھ بولتے ہوئے خیال کرنا چاہیے، وہ خود بھی کبھی کرکٹر رہے ہیں۔
کپتان کا کہنا تھا کہ خراب پرفارمنس پر بات ضرور کریں مگر کسی کی ذات پر حملہ نہیں ہونا چاہیے۔

دبئی(ایمرا نیوز) انٹرنیشنل کرکٹ کونسل (آئی سی سی) نے گیند پر تھوک لگانے کی پابندی کو مستقل کرنے سمیت بہت سی پلینگ کنڈیشنز میں تبدیلیاں کردیں۔
ایکسپریس نیوز کے مطابق انٹرنیشنل کرکٹ کونسل نے کرکٹ کی پلینگ کنڈیشنز تبدیل کرتے ہوئے نیا نظام متعارف کروایا ہے، نئے رولز کے تحت کیچ پکڑنے پر کراسنگ کے باوجود اب نیا آنے والا بیٹر ہی گیند کا سامنا کرے گا، ٹیسٹ اور ون ڈے میں نئے آنے والے بیٹر کے لیے 2 منٹ میں بال کھیلنے کے لیے تیار ہونا ضروری ہوگا، اس سے پہلے یہ تین منٹ کا وقت تھا۔
اسی طرح مقررہ وقت گزر جانے کے بعد حریف کپتان ٹائم آؤٹ کی اپیل کرسکے گا البتہ ٹی20 میں یہ وقت ایک منٹ تیس سکینڈ برقرار رہے گا۔
بالر جب گیند کرنے کے لیے بھاگ رہا ہوگا تو اس دوران فیلڈنگ میں تبدیلی کرنےپر ڈیڈ بال کے ساتھ حریف ٹیم کو پانچ رنز بھی دیئے جائیں گے جبکہ بال ڈیلیور ہونے سے پہلے وکٹ سے باہر آنے والے اسٹرائیکر کو تھرو کرنے کی کوشش پر امپائر ڈیڈ بال دینے کا پابند ہوگا۔
نان اسٹرائیکر اگر گیند پھینکے جانے سے پہلے رن لینے کے لیے کریز سے آگے نکلے گا تو بولر کی طرف سے وہ رن آؤٹ غیر منصفانہ نہیں ہوگا بلکہ باقاعدہ رن آوٹ کہلائے گا۔

کراچی (ایمرا نیوز)پاکستان اور انگلینڈ کی کرکٹ ٹیمیں پہلے ٹی ٹوئنٹی انٹرنیشنل میچ میں آج نیشنل اسٹیڈیم کراچی میں آمنے سامنے ہوں گی۔
7 ٹی ٹوئنٹی میچز کی سیریز کے چار میچز کراچی اور تین لاہور میں ہوں گے، سیریز کی تیاریاں مکمل ہوچکی ہیں اور گزشتہ روز ٹرافی کی رونمائی بھی کی گئی۔
انگلینڈ ٹیم کے کپتان جوز بٹلر انجری کی وجہ سے کراچی میں ہونے والے میچز میں شرکت نہیں کرسکیں گے، اس دوران کپتانی کے فرائض معین علی انجام دیں گے۔
کپتان معین علی کا کہنا ہے کہ شاید بٹلر آخری دو میچز کیلئے ٹیم کو دستیاب ہوں گے۔دوسری جانب گرین شرٹس ہوم کنڈیشنز میں حریف کو زیر کرنے کیلئے پر امید ہے۔
اعداد و شمار دیکھیں تو انگلینڈ اور پاکستان کے درمیان اب تک کل 21 ٹی ٹوئنٹی میچز کھیلے گئے ہیں جن میں سے 13 میں انگلینڈ نے کامیابی حاصل کی ہے جبکہ گرین شرٹس صرف 6 میچز جیت سکی ہے اور ایک میچ بے نتیجہ رہا۔
2015 شارجہ میں ہونے والا میچ انگلینڈ نے ٹائی ہونے کے بعد سپر اوور پر جیتا تھا۔میچ پاکستانی وقت کے مطابق شام ساڑھے 7 بجے شروع ہوگا۔

کراچی (ایمرا نیوز)اسپیشل سکیورٹی یونٹ سندھ پولیس کے ڈی آئی جی مقصود میمن کا کہنا ہے کہ پی سی بی چیئرمین رمیز راجا کی اجازت سے سیلاب متاثرین کے لیے اسٹیڈیم میں انٹری فری ہے۔
مقصود میمن نے کہا کہ سیلاب متاثرین 15 پر فون کریں انہیں اسٹیڈیم لے کر آئیں گے، ہماری ٹیمیں ٹرانسپورٹ کی سہولتیں فراہم کریں گی۔
دوسری جانب ایڈیشنل آئی جی کراچی جاوید عالم اوڈھو کا کہنا ہے کہ انگلینڈ ٹیم کے لیے بہترین سکیورٹی فراہم کی گئی ہے، سکیورٹی پلان مناسب انداز سے بنایا گیا ہے۔
جاوید عالم اوڈھو نے کہا کہ انگلش سکیورٹی آفیشلز بھی ہماری پلاننگ سے مطمئن ہیں۔انہوں نے بتایا کہ میچز کے لیے 5 ہزار سکیورٹی اہلکار تعینات کیے گئے ہیں، ہوٹل اور اسٹیڈیم کی سکیورٹی پر عملدرآمد شروع ہو چکا ہے۔
اے آئی جی پولیس نے کہا کہ تمام فورسز کے اہلکار کل ہونے والی ریہرسل میں حصہ لیں گے، کراچی کے شہری اسٹیڈیم آئیں اور ایونٹ کو کامیاب بنائیں۔

نیوزی لینڈ کرکٹ ٹیم کا دورہ آسٹریلیا ملتوی ہو گیا،نیوزی لینڈ کرکٹ ٹیم نے 24جنوری سے 9 فروری تک آسٹریلیا کا دورہ کرنا تھا، دورے میں 3ون ڈے اور ایک ٹی ٹوئنٹی شامل تھا
نیوزی لینڈ کرکٹ کی جانب سے جاری بیان میں کہا گیا ہے کہ کرونا کی موجودہ صورت حال کے باعث دورہ آسٹریلیا ملتوی کیا گیا، کرکٹ آسٹریلیا نے بھی سیریز ملتوی ہونےکی تصدیق کر دی ہے، کرکٹ نیوزی لینڈ کا کہنا ہے کہ دونوں بورڈز باہمی مشاورت سے سیریز کی نئی تاریخوں کا فیصلہ کریں گے۔

پی ایس ایل سیون کیلئے میچ آفیشلز کا اعلان کر دیا گیا، میچ ریفری رنجن مدوگالے پہلی مرتبہ پاکستان سپر لیگ میں ذمہ داریاں نبھائیں گے۔
ایونٹ کا فائنل 27فروری کو قذافی اسٹیڈیم لاہور میں کھیلا جائے گا، رنجن مدوگالے کے علاوہ روشن ماہنامہ اس مرتبہ بھی ایچ بی ایل پی ایس ایل میں ریفری کی ذمہ داریاں ادا کریں گے،، وہ 27 جنوری سے شروع ہونے والے ایونٹ کے افتتاحی میچ کے علاوہ ایچ بی ایل پی ایس ایل 7میں کُل 7میچز میں ریفری کے فرائض انجام دیں گے،ایونٹ کے افتتاحی میچ میں علیم ڈار اور رچرڈ ایلنگ ورتھ آن فیلڈ امپائرز کی ذمہ داریاں ادا کریں گے،احسن رضا تھرڈ امپائر اور عمران جاوید فورتھ امپائر ہوں گے۔