Category کھیل

لاہور(ویب ڈیسک) ٹی 20 ورلڈ کپ کیلئے قومی ٹیم کے بولنگ کنسلٹنٹ ورنون فلینڈر پاکستان پہنچ گئے۔انہیں روم آئسولیشن مکمل کرنے کے بعد اسکواڈ کے بائیو ببل کا حصہ بنایا جائے گا ۔سابق پروٹیز کرکٹر بولرز کی کارکردگی کا جائزہ لے کر ان کی رہنمائی کرنا چاہتے تھے مگر بلوچستان کے اسکواڈ میں 4 کھلاڑیوں کے کورونا ٹیسٹ پازیٹو آنے کے بعد ورلڈکپ کے لیے منتخب کرکٹرز کے قرنطینہ کا پلان بھی تبدیل ہوگیا، اب سب کو ڈومیسٹک کرکٹ ٹورنامنٹ ادھورا چھوڑ کر مقامی ہوٹل میں قائم بائیو ببل کا حصہ بننا ہے.

لاہور(ویب ڈیسک) پاکستان کرکٹ ایک بار پھر کوویڈ وائرس کا شکار ہو گئی ہے۔لاہور میں شروع ہونے والے نیشنل ٹی 20 کے ابتدائی روز بلوچستان ٹیم کے 4 کھلاڑیوں کی کوویڈ رپورٹ مثبت آئی۔اس کے باعث بلوچستان اور نادرن کے درمیان آج شام سات بجے کھیلا جانے والا میچ کا پروگرام بدل دیا گیا ہے۔ ترمیمی شیڈول کے تحت آج ناردرن کی ٹیم سدرن پنجاب کے ساتھ کھیلے گی جبکہ بلوچستان اور ناردرن کا میچ اب 9 اکتوبر کو رکھا گیا ہے۔
ان چاروں کھلاڑیوں کو 10 روز کے لئے قرنطینہ کردیا گیا ہے۔ بائیو سیکیور ببل میں موجود تمام شرکاء کے کوویڈ 19 ٹیسٹ منگل کو لیے گئے، اسکواڈ میں شامل باقی تمام کھلاڑیوں کے کوویڈ 19 ٹیسٹ کی رپورٹ منفی آئی ہے۔

آسٹریلیا (ویب ڈیسک)سابق آسٹریلوی کرکٹرمائیکل سلیٹرکومیچ کےکمنٹری پینل سےنکال دیاگیا ہے۔میڈیا رپورٹس کے مطابق ایک نجی چینل نے مائیکل سلیٹر کا کانٹریکٹ رینیو نہ کرنے کا فیصلہ کیا ہے جس کے بعد وہ ٹی وی کے کمنٹری پینل سے آئوٹ ہوگئے ہیں۔ بتایا گیا ہےکہ مائیکل سلیٹر نے کورونا سے متعلق پابندیوں پر آسٹریلوی وزیراعظم اسکاٹ موریسن کوتنقید کا نشانپ بنایاتھا جس کے باعث انہیں پینل سے نکالا گیا ہے۔انہوں نے مئی میں آسٹریلوی حکومت کی طرف سے بھارت سے آسٹریلوی شہریوں کی وطن واپسی پر پابندی کے فیصلے پر شدید تنقید کی تھی.نجی چینل کی انتظامیہ کا کہنا ہے کہ سلیٹر کا کانٹریکٹ رینیو نہ کرنے کی وجہ ادارے کا بجٹ اور بزنس کے معاملات بتائے گئے ہیں۔

کراچی(ویب ڈیسک) بیرون ملک جانے والے ممتاز بیٹسمین عمر اکمل نے امریکہ میں لیگ کرکٹ کھیلنا شروع کر دی۔
ذرائع کے مطابق 31 سالہ عمر اکمل کا ناردرن کیلیفورنیا کرکٹ ایسوسی ایشن سے محدود مدت کا معاہدہ طے پاگیا، تاہم میچ فکسنگ کے مجرم کرکٹرکا امریکہ میں ناکام آغاز ہوا۔
اطلاعات کے مطابق عمر اکمل اپنے پہلے ہی میچ میں ناکام رہے۔ کیلیفورنیا زلمی کی نمائندگی کرنیوالے عمر اکمل صفر کی خفت کا شکار ہوگئے۔ وہ بغیر کوئی رنز بنائے پویلین واپس لوٹ گئے۔
ذرائع کا کہنا ہے کہ عمر اکمل امریکہ میں مستقل قیام کے خواہاں ہیں اور قانونی قیام کے لیے امریکہ میں طویل مدتی معاہدہ کرنا چاہتے ہیں، ڈومیسٹک سیزن میں نظر انداز کیے جانے پر بددل ہونے والے عمر اکمل اب امریکہ میں مستقل قیام پر غور کر رہے ہیں۔

کراچی (ویب ڈیسک) پاکستان کرکٹ بورڈ کے چیئرمین رمیز راجا نے کہا ہے کہ ہماری کرکٹ اکانومی اچھی ہو تو غیر ملکی ٹیمیں واپس نہیں جائیں گی۔کراچی میں پاکستان اسٹاک ایکسچینج کے دورے کے موقع پر رمیز راجا نے اپنے خیالات کا اظہار کیا.انہوں نے کہا کہ پاکستان میں لوگ کرکٹ کو پسند کرتے ہیں، ہمیں اپنے کرکٹ گراؤنڈ کو بہتر کرنے کی ضرورت ہے، ہماری پچز اور گراس روٹ کرکٹ کا بہت برا حال ہے، ہمارے پاس اسکول اور کالجوں کے بعد فرسٹ کلاس کرکٹ بھی اچھی نہیں،جب تک میں ہوں صرف کرکٹ پر بات ہوگی، آہستہ آہستہ چیزیں بہتر ہوں گی۔
رمیز راجا کا مزید کہنا تھا کہ انگلینڈ اور نیوزی لینڈ ٹیموں کے جانے سے دو باتوں کا اندازہ ہوا، ایک یہ کہ اگر آپ کی ٹیم نمبر ون ہو تو ٹیمیں واپس نہیں جائیں گی، دوسرا اگر کرکٹ اکانومی اچھی ہو تو بھی ٹیمیں واپس نہیں جائیں گی۔ ہمارے پڑوسی ملک میں سرمایہ کاری سے کرکٹ بہت آگے نکل گئی۔

لاہور: ٹی ٹوئنٹی ورلڈکپ میں پاکستان اور بھارت کے درمیان میچ کے تمام ٹکٹ چند گھنٹوں میں فروخت ہو گئے۔

رواں ماہ ٹی 20 ورلڈ کپ میں روایتی حریف پاکستان اور بھارت کے درمیان ہونے والے میچ کے ٹکٹ آن لائن فروخت کئے گئے، ویب سائٹ پر خریداری کے لیے ونڈو کھلتے ہی ہزاروں کی تعداد میں شائقین ٹکٹ کے حصول کے لیے کوشاں تھے۔

لاہور (ویب ڈیسک) پاکستان کے سب سے بڑے رئیل اسٹیٹ پورٹل زمین ڈاٹ کام نے پروفیسر مختار احمد بٹ کارپوریٹ لیگ 2021 جیت لی۔ یہ پروفیسر مختار احمد بٹ کارپوریٹ لیگ کا دسواں ایڈیشن تھا۔ تفصیلات کے مطابق اتفاق کرکٹ گراونڈ ارفع کریم میں منعقد ہونے والا فائنل میچ زمین ڈاٹ کام اور نیٹ سول کے درمیان کھیلا گیا۔ فائنل میچ کا ٹاس نیٹ سول نے جیت کر پہلے باولنگ کا فیصلہ کیا۔ زمین ڈاٹ کام نے مقررہ اوورز میں 180 رنز کا پہاڑ کھڑا کیا ،جس کے جواب میں نیٹ سول کی پوری ٹیم محض 112 رنز بنا کر آل آوٹ ہوگئی۔ فائنل کے مین آف دی میچ کااعزاز ندیم اکمل کو حاصل ہوا جنہوں نے اپنی شاندار آل راونڈ کارکردگی کی بدولت جیت میں اہم کردار ادا کیا۔ ندیم اکمل نے فائنل میں 50 رنز بنانے کے ساتھ ساتھ مخالف ٹیم کی 5 اہم وکٹیں بھی حاصل کیں۔ اس ٹورنامنٹ کے بہترین بلے باز کا اعزاز زمین ڈاٹ کام کے زوہیب نبی کو حاصل ہوا جنہوں نے 280 رنز سکور کئے۔ ٹورنامنٹ کے بہترین وکٹ کیپر کا اعزاز سلمان شاہد کو حاصل ہوا جنہوں نے وکٹوں کے پیچھے 4 اہم کیچ پکڑنے کے ساتھ ساتھ ایک سٹمپ آوٹ بھی کیا۔
فائنل جیتنے کے موقع پر گفتگو کرتے ہوئے زمین ڈاٹ کام کے سینئر منیجر مارکیٹنگ رضوان کاظمی کا کہنا تھا کہ اس اہم ٹورنامنٹ کی جیت پر اللہ کے شکرگزار ہیں۔ زمین ڈاٹ کام کی کرکٹ کے علاوہ بھی مختلف کھیل کے میدانوں میں موجود ہے اور وہاں بھی کئی ٹرافیاں اپنے نام کر چکی ہے ۔ اُن کا کہنا تھا کہ جیت کا یہ سفر مستقبل میں بھی جاری رہے گا۔ انہوں نے کہا کہ ہم کھیل جیسی صحت مند سرگرمیوں کی حوصلہ افزائی کرتے ہیں ، ایسی مزید سرگرمیاں بھی کارپوریٹ سیکٹرمیں ہونی چاہئے ۔
زمین ڈاٹ کام کرکٹ ٹیم کے کپتان زوہیب بنی نے کہا کہ اگرچہ فائنل میچ کا ایک پریشر ہوتا ہے لیکن ہم نے اس میچ کو نیچرل انداز میں پریشر لئے بغیر کھیلا اور بہترین پرفامنس کا مظاہرہ کرتے ہوئے جیت اپنے نام کی ۔اُن کا مزید کہنا تھاکہ جب ہم نے مخالف ٹیم کو 180 رنز کا ناممکن ٹارگٹ دیا تو آدھا میچ ہم تب ہی جیت چکے تھے باقی کے میچ کیلئے ہمارے باولرز نے بہترین پرفارمنس کا مظاہرہ کیا اور مخالفین کو صرف 112 رنز پر آل آؤٹ کر کے ٹرافی جیتنے میں کردار ادا کیا۔
زمین ڈاٹ کام کرکٹ ٹیم کے کوچ عمران خٹک نے کہا کہ ہمارے کھلاڑیوں نے فائنل میں اچھاپرفارم کیا، ہم نے میچ کے آغاز میں ہی اپنی گرفت مضبوط کر لی تھی اور پھر اس کو آخر تک قائم بھی رکھا اور یہی ہماری حکمت عملی بھی تھی کہ فائنل میچ میں کسی بھی لمحے پر کمزوری نہیں دکھانی ہے اور نہ ہی کوئی پریشر لینا ہے۔ اس کامیاب حکمت عملی کی بدولت ہماری بیٹنگ اور باولنگ دونوں شعبوں نے قابل رشک کھیل کا مظاہرہ کرتے ہوئے فائنل میچ اپنے نام کیا ہے ۔

لاہور(ویب ڈیسک) دورہ سری لنکا کے لیے پاکستان کرکٹ ٹیم کے اسکواڈ کا اعلان کردیا گیا ہے۔
میڈیارپورٹس کے مطابق دورہ سری لنکا کے لیے پاکستان کرکٹ ٹیم کے اسکواڈ کا اعلان کردیا گیا ہے، قومی ٹیم 21 اکتوبر کو سری لنکا روانہ ہوگی، دورے میں 2 چار روزہ اور 3 ون ڈے میچز شامل ہیں۔قومی کرکٹ ٹیم کے 19 رکنی اسکواڈ کی قیادت سعود شکیل کریں گے، دیگر کھلاڑیوں میں حیدر علی، عبداللہ شفیق، ابرار احمد، عباس آفریدی اور احمد صفی عبداللہ، عاکف جاوید، ارشد اقبال، عرفان اللہ شاہ، کامران غلام، خرم شہزاد، محمد حارث، نسیم شاہ، عمیر بن یوسف، قاسم اکرم اور سلمان علی آغا، سلمان خان، عثمان صلاح الدین اور زاہد محمود بھی اعلان کردہ اسکواڈ کا حصہ ہیں۔ ٹیم کے ہیڈ کوچ و منیجر اعجاز احمد، اسسٹنٹ کوچ راؤ افتخاراور فیلڈنگ کوچ کے لئے محتشم رشید کو مقرر کیا گیا ہے۔

لاہور(ویب ڈیسک) سابق کپتان انضمام الحق شدید تکلیف میں ہسپتال پہنچ گئے.تفصیلات کے مطابق سابق کپتان انضمام الحق لاہورکے مقامی ہسپتال میں زیرعلاج ہیں.انہیں گزشتہ شب ہارٹ اٹیک ہوا جس کے بعد ان کی اینجوپلاسٹی کی گئی، اہل خانہ کا کہنا ہے کہ دل میں تکلیف محسوس ہونے پرانہیں فوری طورپرہسپتال لایا گیا، جہاں ان کی اینجوپلاسٹی ہوئی ہے۔انہیں ایک اسٹنٹ ڈلاہے، ابھی فی الحال وہ خصوصی نگرانی ہیں۔ انضمام طعبیت میں بہتری محسوس کررہے ہیں، احباب نے ان کے لیے دعا کی اپیل ہے کہ اللہ تعالی انہیں جلد مکمل صحت دے۔

لاہور(ویب ڈیسک)اعظم خان اور شاہین شاہ آفریدی مشکل میں پھنس گئے.تفصیلات کے مطابق نیشنل ٹی 20 کپ کے دوران امپائر کے فیصلے پر ناراضگی کا اظہار کرنے پراعظم خان اور شاہین شاہ آفریدی کو جرمانہ کیا گیا ہے۔ میچ کے پہلے مرحلے میں سلو اوور ریٹ پر سینٹرل پنجاب اور خیبرپختونخواکو بالترتیب 40 ہزار اور 50 ہزار روپے جرمانہ عائد کردیا گیا ہے۔ سینٹرل پنجاب نے خیبرپختونخوا کے خلاف اتوار کوکھیلے گئے میچ میں مقررہ وقت سے 3 اوورز کم کیے۔ اسی طرح ہفتے کو کھیلے گئے میچ میں خیبرپختونخوا نے سدرن پنجاب کے خلاف مقررہ وقت سے دو اوورز کم کیے لہذٰا ان دونوں ٹیموں کو پی سی بی کوڈ آف کنڈکٹ کی شق 2.22 کے تحت جرمانہ عائد کیا گیا ہے۔دونوں کھلاڑیوں کو پی سی بی کوڈ آف کنڈکٹ کی شق 2.8 کے تحت جرمانہ عائد کیا گیا ہے۔