Category تعلیم

لاہور (میڈیا 92 نیوز آن لائن ) پنجاب یونیورسٹی کی انتظامیہ نے طالبات کا ڈیٹا چوری ہونے کے معاملے پر وضاحتیں دینا شروع کردی ہیں۔
ترجمان یونیورسٹی کی وضاحت سے لگ یہ رہاہے کہ پنجاب یونیورسٹی انتظامیہ معاملہ سمجھنے سے قاصر ہے۔ یونیورسٹی انتظامیہ نے تحقیقات کے لیے ایف آئی کو خط لکھ دیا ہے۔

پنجاب یونیورسٹی کے ترجمان کی طرف سے جاری بیان میں کہا گیا ہے کہ ایف آئی اے حکام کو خط لکھ دیا گیا ہےاور کہا گیا ہے کہ تحقیقات میں معلومات کا تبادلہ کیا جائے۔

ترجمان کے مطابق پنجاب یونیورسٹی کی سرکاری ویب سائٹ پر طالبات کی کسی قسم کی معلومات موجود نہیں ہیں۔ ویب سائٹ پر معلومات نہ ہونے کے باعث ویب سائٹ سے ڈیٹا ہیک ہونے کا سوال ہی پیدا نہیں ہوتا۔ ڈیٹا چوری سے متعلق خبروں میں کسی قسم کی صداقت نہیں ہے ۔ ایف آئی اے حکام یا یونیورسٹی انتظامیہ کو کسی طالبہ کی جانب سے کوئی شکایت بھی موصول نہیں ہوئی۔

ذرائع کا کہنا ہے کہ طالبات کا ڈیٹا ڈارک ویب پر تاحال موجود ہے اور یہ ڈیٹا موبائل فونز سے چوری ہواہے۔
یاد رہے 9اپریل کو خبر سامنے آئی تھی کہ ہیکرز کی جانب سے پنجاب یونیورسٹی کی طالبات کا ڈیٹا ہیک کرکے فروخت ہونے کا انکشاف ہوا ہے۔

اسپائی ایپلیکیشنز کے ذریعے چرائی گئی یونیورسٹی طالبات کی معلومات کو مارکیٹ میں فروخت کیا جارہا ہے۔ ڈیپ ویب پرطالبات کی تصاویر، ویڈیوز اور فون نمبرز بھی دستیاب ہیں۔
پنجاب یونیورسٹی کی طالبات کی معلومات ڈیجیٹل کرنسی بٹ کوائنز میں فروخت ہورہی ہیں۔ ایک بٹ کوائن کی قیمت پاکستانی سات لاکھ پاکستانی روپے بنتے ہیں۔

اسکینڈل کا انکشاف ہونے کے بعد ایف آئی اے سائبر کرائم ونگ نے معاملے کی تحقیقات شروع کردی ہیں۔
واضح رہے کہ گزشتہ برس برطانوی میڈیا نے انکشاف کیا تھا کہ ہیکرز نے سماجی رابطوں کی معروف ویب سائٹ فیس بک کے 81 ہزار صارفین کی معلومات چرا کر فروخت کے لیے پیش کی گئی ہیں۔

اسلام آباد(ایمرا نیوزآن لائن رپورٹ اظہر محمود سے) وزیراعظم عمران خان آج وفاقی اردو یونیورسٹی حیدرآباد کا سنگ بنیاد رکھیں گے جس کی تقریب اسلام آباد میں ہوگی۔سندھ کے دوسرے بڑے شہر حیدرآباد میں یونیورسٹی کے قیام کا دیرینہ مطالبہ آج پورا ہونے جارہا ہے، حیدرآباد کی سیاسی و سماجی تنظیموں کی جانب سے یونیورسٹی کے کیمپس کے سنگ بنیاد کا خیر مقدم کیا گیا ہے۔حیدرآباد یونیورسٹی کے سنگ بنیاد کی تقریب آج سہہ پہر چار بجے وزیراعظم سیکریٹریٹ میں ہوگی جس کے لیے تحریک انصاف اور ایم کیو ایم پاکستان کے رہنماؤں کو تقریب کے دعوت نامے جاری کیے گئے ہیں۔تقریب میں گورنر سندھ عمران اسماعیل، تحریک انصاف کے اراکین قومی و صوبائی اسمبلی شریک ہوں گے۔دوسری جانب وزیر تعلیم سندھ سید سردار شاہ کا کہنا ہے کہ وزیراعظم کے اعلان سے کچھ نہیں ہوگا، یونیورسٹی بنانے کے لیے سندھ اسمبلی سے رجوع کرنا پڑے گا۔

جہلم (ایمرا نیوز آن لائن)
ایجوکیشن ڈیپارٹمنٹ نے گزشتہ ماہ اساتذہ و طلبہ کی حاضری، انتظامی افسران کے دورہ جات اور سہولیات کی فراہمی کے حوالے سے حکومت کے مقرر کردہ اہداف کامیابی سے حاصل کئے ہیں، ضلع بھر کے 24 سکولوں میں اسلامی تربیہ پروگرام کا انعقاد کیا جا رہا ہے ، ٹیچرز اور ہیڈ ٹیچر بچوں کی اخلاقی تربیت کے ساتھ ساتھ طلبہ کے لباس کی صفائی اوراداب کا خاص خیال رکھیں گے ، طلبہ کی لکھائی میں بہتری کے لئے تختی کا استعما ل کیا جائے ، سکول کونسل کے ممبران مذکورہ سکول میں ضروری تعمیراتی کام کروائیں گے ، ڈسٹرکٹ ایجوکیشن اتھارٹی کی ویب سائٹ تعمیر کی جا رہی ہے ، پی ای سی امتحان میں بد تر کارکردگی کا مظاہرہ کرنے والے اساتذہ کے خلاف کارروائی عمل میں لائی جائے گی ، سکولوں میں صفائی ستھرائی کے بہترین انظامات یقینی بنایں۔ان خیالات کا اظہار ڈپٹی کمشنر جہلم محمد سیف انور جپہ نے ڈسٹرکٹ ایجوکیشن ریویو کمیٹی کے اجلاس کی صدارت کرتے ہوئے کیا۔

اجلاس میں بتایا گیا کا جہلم بھر کے 791 سکولوں میں بچوں کی حاضری کی شرح 96 فیصد سے زیادہ رہی، جبکہ مجموعی طور پر ایل این ڈی فیکٹرز کا ہدف مکمل کیا گیا ، ڈپٹی کمشنر نے کہا ہے کہ اساتذہ کرام کو سکول میں موبائل فون استعمال کرنے کی اجازت نا ہوگی اور اساتذہ سگریٹ نوشی نہیں کریں گے خلاف ورزی کرنے والے کو بلا تفریق کارروائی کا سامنا کرنا پڑھے گا۔بہتر کارکردگی کا مظاہرہ کرنے والے سکولوں کو ماڈل سکول کا درجہ دیا جائے گا۔ تمام اساتذہ کرام صاف ستھری شلوار کامیز اور ویسٹ کوٹ پہن کر سروس سرانجام دیں گے ، مرد اساتذہ کرام جینز، چپل اور ٹی شرٹ کا استعمال نہیں کریں گے ۔ڈپٹی کمشنر نے اجلاس میں تفصیلی بریفنگ دی اور ضلع کو آیندہ رینکنگ کے لئے ٹاپ اضلا ع میں شامل کرنے کے لئے عملی اقدامات شروع کیے ہیں۔ انہوں نے نویں اور دسویں جماعت کے طلبہ کو کمزور سبجیکٹس میں مزید توجہ دینے کی ہدایت دی۔

انہوں نے کہا ہے کہ ایجوکیشن ٹیم سرکاری سکولوں میں معیار تعلیم بہتر بنانے کیلئے کمزور شعبہ جات کو بہتر کرے جبکہ پہلے سے مضبوط شعبوں میں بھی مزید بہتری لائی جائے ۔ اجلاس میں سی ای او ایجوکیشن سید مظہر اقبال ، ڈی ای او ز، ڈپٹی ڈی ای اوز، اے ای اوز اور دیگر اساتذہ کرام اور مانیٹرنگ افسران موجود تھے ۔اجلاس میں بچوں کی حاضری کو مزید فعال کرنے کی ہدایات دی گئی ۔ ڈپٹی کمشنرنے کہاکہ حکومت پنجاب اربوں روپے کی لاگت سے بنیادی اور اعلی تعلیمی سہولیات عام کر رہی ہے ، پوزیشن ہولڈر طلبا ؤ طالبات کو تعلیمی وظائف دیئے جا رہے ہیں اور معیاری تعلیم کی سہولیات شہروں کے ساتھ ساتھ دور دراز کے دیہی علاقوں تک فراہم کی جا رہی ہیں۔ ڈپٹی کمشنر نے کہا کہ ایل این ڈی بہتر بنانے کیلئے محنت کی جائے ۔

اسلام آباد(ایمرا نیوز آن لائن) علامہ اقبال اوپن یونیورسٹی میں ‘بچوں کی ابتدائی ڈیولپمنٹ)ای سی ڈی( ‘ پر تیسری عالمی کانفرنس ‘ارلی چائیلڈ ہوڈ ڈیولپمنٹ کا وعدہ : ابتدائی سالوں میں سرمایہ کاری’ کے موضوع پرمنعقد کرنے کا فیصلہ کیا گیا ہے۔یہ کانفرنس پاکستان الائنس برائے ارلی چائیلڈ ہوڈ ڈیولپمنٹ روپانی فاﺅنڈیشن SUN سیکریٹریٹ نیوٹریشن سیکشن وزارت منصوبہ بندی و ترقی اور کراکورم انٹرنیشنل یونیورسٹی کے تعاون سے 25اور 26ستمبر کو منعقد ہوگی۔تعاون کرنے والے اداروں کے نمائندوں نے وائس چانسلر پروفیسر ڈاکٹر ضیاءالقیوم کے ساتھ منعقدہ اجلاس میں کانفرنس اوپن یونیورسٹی ہی میں منعقد کرنے پر اتفاق رائے کا اظہار کیا۔اس اجلاس میں مجوزہ کانفرنس کے شیڈول کو ختمی شکل دے دی گئی تھی اور انتظامات کی ذمہ داریاں سونپ دی گئی تھی۔ اس اجلاس میں پاکستان الائنس برائے ارلی چائیلڈ ہوڈ ڈیولپمنٹ کے چئیرمین نصرالدین روپانی اور سی ای او خدیجہ خان کراکورم انٹرنیشنل یونیورسٹی کے وائس چانسلر پروفیسر انجنئیر ڈاکٹر عطاءاﷲ شاہ اور ڈین فیکلٹی آف ایجوکیشن پروفیسر ڈاکٹر ناصر محمود شامل تھے۔

ایبٹ آباد(ایمرا نیوزآن لائن رپورٹ اظہر محمود سے) کراچی سمیت سندھ بھر میں گزشتہ روز سے میٹرک کے امتحانات کا آغاز ہوا ہے، جبکہ ایبٹ آباد میں بھی میٹرک کے امتحانات جاری ہیں۔ایبٹ آباد، حیدرآباد اور میرپور خاص میں آج ہونے والا میٹرک کا پرچہ آؤٹ ہو گیا۔حیدرآباد میں پرچہ امتحان شروع ہونے سے آدھا گھنٹہ پہلے آؤٹ ہوگیا۔میر پور خاص میں نویں جماعت کا کیمسٹری کا پرچہ واٹس ایپ گروپ کے ذریعے آؤٹ ہو گیا، جبکہ امتحانی مراکز میں بھی موبائل فون پر حل شدہ پرچہ پہنچ گیا۔ادھر ایبٹ آباد کے اعلیٰ ثانوی تعلیمی بورڈ کے تحت میٹرک کا فزکس کاپرچہ آؤٹ ہو گیا۔اعلیٰ ثانوی تعلیمی بورڈ ایبٹ آباد کے ترجمان کے مطابق میٹرک کا فزکس کاپرچہ آؤٹ ہونے کی وجہ سے منسوخ کر دیا گیا ہے۔ترجمان بورڈ کا یہ بھی کہنا ہے کہ منسوخ ہونے والا پرچہ کل دوبارہ لیا جائے گا۔واضح رہے کہ سندھ بھر میں میٹرک کے امتحانی مراکز کے اطراف میں فوٹو اسٹیٹ کی دکانوں پر امتحانات کے دوران پابندی عائد کیے جانے کے باوجود گزشتہ روز بھی سندھ کے کئی شہروں میں ہونے والا پہلا پرچہ آؤٹ ہو گیا تھا، جبکہ کئی امتحانی مراکز پر کھلے عام نقل دیکھنے میں آئی تھی۔واضح رہے کہ وزیراعلیٰ سندھ مراد علی شاہ نے گزشتہ روز مختلف شہروں میں میٹرک کے پرچے آؤٹ ہونے کا نوٹس لیتے متعلقہ چیئرمین بورڈ اور کمشنرز سے رپورٹ طلب کی تھی۔وزیراعلیٰ سندھ نے ان سے پوچھا تھا کہ سوالیہ پیپر کیسے آؤٹ ہوا؟ اس میں کس کی غفلت تھی؟وزیراعلیٰ سندھ نے امتحانی مراکز پر اچھے اور سخت انتظامات کرنے کی ہدایت کرتے ہوئے کہا تھا کہ امتحانی پیپرز کا آؤٹ ہونا ناقابل برداشت ہے۔

امتحانی مراکز میں سخت نگرانی کا نظام نافذکیا جائے گا، خصوصی ٹیمیں تشکیل دے دی گئی ہیں
اسلام آباد (ایمرا نیوز آن لائن)علامہ اقبال اوپن یونیوورسٹی کے سمسٹرخزاں 2018ءمیں پیش کئے گئے اے ٹی ٹی سی پی ٹی سی سی ٹی بی ایڈ)اولڈ( میٹرک ایف اے/ایف ایس سی ڈپلومہ اِن ایجوکیشن اوپن ٹیک نان کریڈٹ کورسسز اور بی اے پروگرامز کے فائنل امتحانات22۔اپریل سے ملک بھر میں ایک ساتھ شروع ہوں گے۔ طلبہ و طالبات کو رول نمبر سلپس ارسال کی جارہی ہیں۔ڈیٹ شیٹ یونیورسٹی کی ویب سائٹ پر موجود ہے۔ وائس چانسلر پروفیسر ڈاکٹر ضیاءالقیوم کی خصوصی ہدایت پر طلبہ و طالبات کو قریب ترین مقامات پر امتحانات میں شرکت کی سہولت فراہم کرنے کے لئے شعبہ امتحانات نے ضلع اور تحصیل سطح پر 850۔ امتحانی مراکز قائم کردئیے ہیں۔ وائس چانسلر کی واضح احکامات پرامتحانات کے نظام کی شفافیت کو یقینی بنانے کے لئے امتحانی مراکز میں سخت نگرانی کا نظام نافذکیا جائے گا، اس ضمن میں خصوصی ٹیمیں تشکیل دے دی گئی ہیں۔وائس چانسلر کی ہدایت پر امتحانی مراکز میں طلبہ کو ہر قسم کی ضروری سہولتیں فراہم کی جائیں گی ۔

تین لاکھ سے زائد طلبا وطالبات سائنس اور جنرل گروپ کے امتحانات میں حصہ لے رہے ہیں،حیدرآباد تعلیمی بورڈ کے تحت نویں اور دسویں جماعت کے امتحانات بھی شروع، دس اضلاع میں 216 امتحانی مراکز قائم
#/h#
کراچی( آن لائن ) سندھ بھر میں نہم اور دہم جماعت کے امتحانات شروع ہو گئے ہیں ۔ کراچی میں تین لاکھ سے زائد طلبا وطالبات سائنس اور جنرل گروپ کے امتحانات میں حصہ لے رہے ہیں۔نویں کلاس سائنس گروپ کے امتحانات میں ایک لاکھ اٹھاون ہزار اور دسویں کلاس کے امتحانات میں ایک لاتریسٹھ ہزار سے زائد امیدوار شرکت کر رہے ہیں۔ جنرل گروپ کے امتحان میں پینتالیس ہزار سے زائد امیدوار شریک ہیں۔کراچی میں سائنس اور جنرل گروپ کے طلبا کے لیے تین سو سرسٹھ امتحانی مراکز بنائے گئے ہیں۔ امتحانی مراکز پر دفعہ 144 نافذ ہے۔ بلدیہ، اورنگی، لانڈھی اور کورنگی کے ساٹھ مراکز کو حساس قرار دیا گیا ہے۔حیدرآباد کے دس اضلاع میں 216 امتحانی مراکز قائم کیے گئے ہیں۔ نویں اور دسویں کلاس کے امتحانات میں ایک لاکھ انتالیس ہزار آٹھ سو انسٹھ امیدوار حصہ لے رہے ہیں۔ضلع سکھر میں مجموعی طور پر چالیس امتحانی مراکز قائم ہیں۔ گھوٹکی، خیرپوراور نوشہرو فیروزمیں بھی میٹرک کے امتحانات ہو رہے ہیں۔سکھر تعلیمی بورڈ کے زیر انتظام گھوٹکی میں ہونے والے نویں جماعت کا انگلش کا پرچہ آٹ ہونے کی اطلاعات ہیں۔ پرچہ واٹس ایپ گروپ کی مدد سے آٹ کیا گیا۔ گھوٹکی 34 امتحانی مراکز قائم کردیے گئے ہیں۔ گھوٹکی سے 21 ہزار طلبا اور طالبات امتحان میں حصہ لے رہے ہیں۔ امتحانوں میں نقل کو روکنے کے لیے چھاپہ مار ٹیمیں تشکیل دی گئی ہیں۔ضلع سکھر میں مجموعی طور پر 40 امتحانی مراکز قائم کیے گئے ہیں۔ خیرپور ضلع میں مجموعی طور پر 80 امتحانی مراکز بنائے گئے ہیں جن میں 38917 طلبا و طالبات امتحان دیں گے۔ ضلع نوشہرو فیروز میں 52 مراکز قائم کیے گئے ہیں اور 25923 طلبا و طالبات امتحان میں حصہ لیں گے۔حیدرآباد تعلیمی بورڈ کے تحت نویں اور دسویں جماعت کے امتحانات بھی شروع ہو گئے ہیں۔ دس اضلاع میں 216 امتحانی مراکز قائم کیے گئے ہیں۔ حیدرآباد، مٹیاری، ٹنڈوالیار، ٹنڈو محمد خان، بدین، سجاول، ٹھٹہ، جامشورو، دادو اور نوابشاہ میں امتحانات ہو رہے ہیں۔ 63 امتحانی سینٹرز کو حساس قرار دے دیا گیا۔حیدر آباد بورڈ انتظامیہ کے مطابق نویں اور دسویں میں ایک لاکھ 39 ہزار 859 امیدوار امتحان دیں گے۔ امتحانات کی مانیٹرنگ کے لئے بورڈ کی جانب سے 23 ویجلنس کمیٹیاں قائم کی گئی ہیں اور حیدرآباد بورڈ میں مانیٹرنگ سیل قائم کردیا گیا ہے۔#/s#
٭٭٭٭٭

کراچی(ایمرا نیوزآن لائن رپورٹ اظہر محمود سے) کراچی سمیت سندھ بھر میں نویں اور دسویں جماعت کے امتحانات کا آغاز آج سے ہوگیا ہے، کراچی میں 3 لاکھ 67 ہزار 6 سو طلبہ و طالبات سائنس اور جنرل سائنس کے امتحانات دے رہے ہیں۔کراچی میں نویں اور دسویں جماعت کے امتحانات کے لیے 365امتحانی مراکز بنائے گئے ہیں، ان میں 202 نجی اسکول اور 163 سرکاری اسکول شامل ہیں۔نویں کلاس سائنس گروپ کے امتحانات میں ایک لاکھ 58ہزار 680طلبہ وطالبات حصہ لیں گے، دسویں کلاس میں ایک لاکھ 63 ہزار 371 امیدوار شرکت کریں گے۔لڑکیوں کے لیے 167 اور لڑکوں کے لیے 198 امتحانی مراکز بنائے گئے ہیں۔جنرل گروپ کے امتحان میں 45 ہزارپانچ سو 55امیدوار شریک ہوں گے۔دفعہ 144 کے تحت امتحانی مراکز کے اطراف فوٹو اسٹیٹ کی دکانیں دورانِ امتحانات بند رہیں گی۔

اوپن یونیورسٹی نے ایم فل(ٹیچر ایجوکیشن)کی گروپ ٹریننگ ورکشاپس کا شیڈول جاری کردیا
اسلام آباد(ایمرا نیوز آن لائن) علامہ اقبال اوپن یونیورسٹی کی فیکلٹی آف ایجوکیشن نے ایم فل)ٹیچر ایجوکیشن(کی گروپ ٹریننگ ورکشاپس کا شیڈول جاری کردیا ہے تفصیلات کے مطابق ٹیچنگ سٹریٹیجیز۔I )کوڈ 3739 (کی ورکشاپ یکم فروری سے شروع ہوگی جو 5۔اپریل تک جاری رہے گی ٹیچنگ سٹریٹیجیز۔II )کوڈ 3740 (کی ورکشاپ 8اپریل سے شروع ہوکر 12۔اپریل کو ختم ہوگی، اسی طرح ایڈوانس اپروچز ٹو کریکولم ڈیولپمنٹ۔I )کوڈ 3736 (کی ورکشاپ 15اپریل کو شروع ہوگی اور 19۔اپریل تک جاری رہے گی۔ ایڈوانس اپروچز ٹو کریکولم ڈیولپمنٹ۔II )کوڈ 3737 (کی ورکشاپ 22اپریل کو شروع ہوگی اور 26۔اپریل کو ختم ہوگی۔ میرمنٹ اینڈ ایوالیوشن اِن ایجوکیشن۔II )کوڈ 3743 (کی ورکشاپ 29اپریل کو شروع ہوگی جو 3۔مئی تک جاری رہے گی۔ڈین فیکلٹی آف ایجوکیشن پروفیسر ڈاکٹر ناصر محمود کے مطابق یہ ورکشاپس یونیورسٹی کے اکیڈمک کمپلیکس بلڈنگ میں منعقد کی جائے گی اور اوقات کار صبح 8تا سہ پہر 4۔بجے ہوں گے۔طلبہ و طالبات کو ورکشاپ میں شرکت کے لئے اطلاع نامے ارسال کئے گئے ہیں اور اطلاع بذریعہ ایس ایم ایس بھی دے دی گئی ہے۔ ورکشاپ کا شیڈول یونیورسٹی کی ویب سائٹ پر دستیاب ہے۔( صدام )

کراچی(ایمرا نیوزآن لائن رپورٹ عمر خالد سے) سندھ بھر کے اساتذہ نے گزشتہ روز کراچی میں اساتذہ کے احتجاج پر پولیس کے لاٹھی چارج ، شیلنگ اور گرفتاریوں کے خلاف آج سے صوبے بھر میں تدریسی عمل کے بائیکاٹ کا اعلان کیا ہے۔اساتذہ کے احتجاج کے باعث آج سرکاری اسکولوں میں کوئی کلاس نہیں ہو گی۔دوسری جانب کراچی میں میٹرک امتحانات پھر تاخیر کا شکار ہونے کا خدشہ ہے کیونکہ اساتذہ نے اس کے بائیکاٹ کی دھمکی دے دی ہے۔پیپلز پارٹی کے چیئرمین بلاول بھٹو زرداری کے مظاہرہ کرنے والے اساتذہ پر پولیس تشدد اور گرفتاریوں کا نوٹس لینے کے بعد سندھ حکومت نے اساتذہ کو منانے کی کوششیں شروع کر دیں۔حکومت نے مطالبات کی منظوری کے لیے وقت مانگ لیا۔کراچی میں گروپ انشورنس اور پروموشن کے لیے گزشتہ روز ہونے والے اساتذہ کے مظاہرے پر پولیس نے آنسو گیس کی شیلنگ، لاٹھی چارج کیا تھا اور کئی مظاہرہ کرنے والے اساتذہ کو گرفتاربھی کیا تھا۔گزشتہ روز گورنمنٹ سندھ ٹیچرز ایسوسی ایشن کے تحت کراچی پریس کلب کے سامنے دھرنا دیے بیٹھے اساتذہ کے مطالبات پر کسی جانب سے شنوائی نہ ہو نے پر جمعرات کے روز مظاہرین نے ریڈ زون کی جانب مارچ کی کوشش کی تھی جسے پولیس نے ناکام بنا دیا اور مظاہرین کو منتشر کرنے کے لیے ان پر شدید شیلنگ اور لاٹھی چارج کیا جس سے متعدد اساتذہ زخمی ہو گئے جبکہ علاقہ میدان جنگ بن گیا۔مظاہرین نے بھی پولیس پر پتھرائو کیا مگر احتجاج کرنے والے اساتذہ پولیس ایکشن کے آگے بے بس اور رینجرز کی آمد پر منشتر ہو گئے جبکہ پولیس نے8 سے زائد مظاہرین اساتذہ کو حراست میں بھی لے لیا۔جس کے بعد سندھ ٹیچرز ایسوسی ایشن نے مستقلی، ترقی اور ٹائم ا سکیل سمیت8 مطالبات کی منظوری کے لیے نئی حکمت عملی بنانے پر غور شروع کر دیا اور میٹرک امتحانات کے بائیکاٹ کی دھمکی بھی دے دی۔تاہم وزیر تعلیم سندھ سردار علی شاہ کا کہنا ہے کہ میٹرک کے امتحانات نئے شیڈول کے مطابق ہوں گے۔یکم اپریل سے سندھ بھر میں ہونے والے میٹرک کے امتحانات میں ساڑھے3 لاکھ سے زائد طلبہ شرکت کر یں گے۔ادھر کمشنر کراچی کے ساتھ اجلاس میں اساتذہ رہنماؤں پر واضح کر دیا گیا تھا کہ وہ ریڈ زون میں داخل نہ ہوں اور قانون کو ہاتھ میں نہ لیں، اس کے باوجود اساتذہ ریڈ زون میں داخل ہوئے اور احتجاج کر نے کی کوشش کی جس پر پولیس کو قانون کا استعمال کر نا پڑااور مظاہرین کو منتشر کر نے کی کارروائی کر نا پڑی اور بعض مظاہرین کو گرفتار بھی کر نا پڑا۔وزیر اعلیٰ سندھ مراد علی شاہ کی ہدایت پر گرفتار ہونے والے مظاہرین کو رہاکردیا گیا۔پاکستان پیپلز پارٹی کے چیئرمین بلاول بھٹو زرداری نے کراچی میں احتجاج کرنے والے اساتذہ پر پولیس کی جانب سے آنسو گیس کے استعمال کی شدید الفاظ میں مذمت کرتے ہوئے کہا ہے کہ پرامن احتجاجی مظاہروں کے خلاف اس طرح کے اقدامات ناقابلِ برداشت ہیں۔اپنے بیان میں پی پی پی چیئرمین نے کہا کہ پرامن احتجاج کرنا ہر شہری کا جمہوری حق ہے اور ہماری پارٹی نے ہمیشہ عوام کے حقوق کے لیئے جدوجہد کی ہے۔انہوں نے کہا کہ اساتذہ کے احتجاج سے تشدد کے بجائے مہذب برتاو بھی اختیار کیا جاسکتا تھا، گرفتار اساتذہ کو فی الفور رہا کیا جائے۔علاو ہ ازیں کمشنر کراچی افتخار شالوانی نے گورنمنٹ اسکول اساتذہ کی جانب سے کراچی میں اپنے مطالبات کے سلسلے میں کراچی پریس کلب پر احتجاج اور بعد ازاں ریڈ زون میں داخل ہونے کے بعد پولیس کاررو ا ئی کے بارے میں وضاحت کی ہے کہ کراچی انتظامیہ نے گورنمنٹ اساتذہ کے مطالبات کے سلسلہ میں پر امن احتجاج کے دوران اساتذہ رہنماؤں کے ساتھ اپنے دفتر میں ملاقات کی اور انہیں ان کے مطالبات کے سلسلے میں حکومت کی کوششوں اور تعاون کی پیشکش سے آگاہ کیا۔دوسری جانب جماعت اسلامی کراچی کے امیر حافظ نعیم الرحمان، متحدہ قومی موومنٹ پاکستان کی رابطہ کمیٹی اور ایم کیو ایم بحالی کمیٹی کے سر براہ ڈاکٹر فاروق ستار نے سرکاری اسکولوں کے اساتذہ کے مظاہرے کے دوران پولیس کے لاٹھی چارج، شیلنگ،تشدد اور گرفتاریوں کی شدید مذمت کرتے ہوئے کہا ہے کہ مسائل کے حل اور مطالبات کی منظوری کے لیے اساتذہ کرام کے احتجاج کو بزور طاقت دبانا کسی طرح بھی درست طرزِ عمل نہیں ۔