Tag ایمرا سپورٹس

جرمنی (ویب ڈیسک)اداکارعمرشریف کی اہلیہ زرین غزل کو جرمنی میں کئی گھنٹے تھانے میں گزارنے پڑے.تفصیلات کے مطابق اداکارعمرشریف کی اہلیہ زرین غزل کو جرمنی میں اسٹاپ اوور کے دوران کم از کم 4 گھنٹے نیورمبرگ ائیرپورٹ کے قریبی تھانے میں گزارنے پڑے. ڈاکٹر طارق شہاب کے مطابق لمبا سفر کرنے کے دوران عمر شریف کو بخار اور تھکاوٹ ہو گئی جس کی وجہ سے کمپنی نے اسٹاپ اوور طویل کرنے کا فیصلہ کیا اور مزید طبی معائنے کے لیے نیورمبرگ کے ایک اسپتال میں داخل کیا. زرین غزل کے پاس جرمنی کا ویزہ نہیں تھا جس کی وجہ سے وہ ائیرپورٹ سے باہر نہیں جا سکتی تھیں لہذاٰ انہیں ہنگامی ویزے کے لیے پولیس سے رجوع کرنا پڑا۔ویزا حاصل کرنے کے طویل پراسیس کے دوران زرین غزل نے لگ بھگ 4 گھنٹے نیورمبرگ ائیرپورٹ کے قریبی تھانے میں گزارے۔

لاہور(ویب ڈیسک) پاکستان کرکٹ بورڈ کے چیف ایگزیکٹو وسیم خان نے استعفیٰ دے دیا۔ذرائع کے مطابق وسیم خان نے چیئرمین پی سی بی رمیز راجہ کو استعفیٰ پیش کیا.علاوہ ازیں پاکستان کرکٹ بورڈ نے بھی چیف ایگزیکٹو کے عہدے سے استعفےٰ کی تصدیق کردی ہے ہے.ذرائع کے مطابق استعفےٰ کی وجہ یہ تھی کہ وسیم خان اختیارات میں کمی کے معاملے پرخوش نہیں تھے۔

لاہور (ویب ڈیسک)سابق قومی بیڈ منٹن چیمپیئن تانیہ ملک پی سی بی ویمنز کرکٹ کی سربراہ مقرر ہو گئی ہیں.۔وہ 1 اکتوبر سےعہدےکا چارج سنبھالیں گی۔تانیہ ملک نے لمز یونیورسٹی سے ماسٹرز کی ڈگری حاصل کی پھر انہوں نے 1986 سیول ایشین گیمز میں پاکستان کی نمائندگی کی جب کہ وہ 88-1987 میں قومی بیڈمنٹن چیمپیئن بھی رہ چکی ہیں۔علاوہ ازیں وہ پنجاب اولمپک ایسوسی ایشن اور پنجاب اسکواش ایسوسی ایشن کی نائب صدر بھی رہ چکی ہیں۔

اسلام آباد (ویب ڈیسک) شہزاد اکبرکا کہنا ہے شہباز شریف کیخلاف منی لانڈرنگ کا لندن میں کوئی مقدمہ بنایا ہی نہیں گیا تھا مگر تاثردینے کی کوشش کی گئی کہ شہباز شریف کو کیس میں بریت ملی. انہوں نے تفصیل بتاتے ہوئے کہا کہ برطانوی نیشنل کرائم ایجنسی کا فیصلہ سلمان شہباز کے دومنجمد اکاؤنٹس سے متعلق تھا۔
مشیر داخلہ شہزاد اکبر نے اس سلسلے میں پریس کانفرنس کی .کانفرنس کے دوران انہوں نے کہا کہ برطانوی عدالت نے شہباز شریف کیس کے حوالے سے 2 صفحات پر مشتمل مختصر فیصلہ سنایا، برطانوی نیشنل کرائم ایجنسی نےسلمان شہباز کے 2 اکاؤنٹس منجمد کرنے کا آرڈر 10 ستمبر کو جاری کیا تھا، اس آرڈر میں شہباز شریف کا نام نہیں تھا، برطانوی عدالت نے بریت کا کوئی فیصلہ نہیں دیا۔
شہزاد اکبر کا مزید کہنا تھا کہ پاکستان میں شہباز شریف کیخلاف منی لانڈرنگ کے 2 مقدمے چل رہے ہیں، شہباز شریف کے سرخرو ہونے کی منطق پر حیران ہوں.

لاہور(ویب ڈیسک) پولیس کی جانب سے قحبہ خانوں کے خلاف کریک ڈاؤن کا سلسلہ جاری ہے۔سول لائنز پولیس نے ملزمان کے خلاف بڑی کارروائی کرتے ہوئے لاہور ایسکرٹ کے نام سے سوشل میڈیا پر کام کرنے والے تین ملزمان عمران خان، زمان اور ریاض کوپکڑ لیا۔ ملزمان آن لائن مکروہ دھندہ کرتے اور لڑکیوں کی سپلائی میں ملوث تھے. گزشتہ 10 روز سے جاری کریک ڈاؤن میں 450 ملزمان گرفتار ہوئے اور مختلف تھانوں میں 102 مقدمات کا اندراج کیا گیا۔
ڈی آئی جی آپریشنز سہیل چودھری نے اس حوالے سے پولیس افسران کو کارروائیاں تیز کرنے کا حکم دیا اورکہا کہ غیر اخلاقی و غیر قانونی سرگرمیاں کسی صورت برداشت نہیں ہوں گی، نوجوان نسل کو تباہی کے راستے سے بچانے کیلئے ٹھوس اقدامات جاری ہیں .

ممبئی (ویب ڈیسک) بھارتی سیاستدان و سابق کرکٹر نوجوت سنگھ سدھو نے پنجاب کانگریس کے سربراہ کے عہدے سے استعفیٰ دے دیا. تفصیلات کے مطابق نوجوت سنگھ سدھو نے کانگریس پنجاب کے سربراہ کے عہدے سے مستعفیدے دیا ہے.بھارتی میڈیا کے مطابق کانگریس پارٹی کے بعض افراد کا کہنا ہے کہ سدھو اس بات سے کافی مایوس ہیں کہ پنجاب کے سابق وزیراعلیٰ امریندر سنگھ کے مستعفی ہونے کے بعد ان کا نام تجویزکیوں نہیں کیا گیا۔سدھو نے اپنا استعفیٰ پارٹی سربراہ سونیا گاندھی کو بھیج دیا اور اس میں لکھا کہ وہ کانگریس کیلئے اپنی خدمات جاری رکھیں گے۔ انہوں نے مزید کہا کہ میں پنجاب کے مستقبل اور پنجاب کی فلاح و بہبود کے ایجنڈے پر کبھی سمجھوتہ نہیں کر سکتا۔

اسلام آباد (ویب ڈیسک)وفاقی وزیرِاطلاعات و نشریات فواد چوہدری نے کہا ہے کہ حکومت کی غلطی تھی کہ لوکل گورنمنٹ الیکشن نہیں کرائے.سابق وزیراعلیٰ پنجاب شہباز شریف نے پنجاب کے بجٹ کا بڑا حصہ صرف لاہورشہر پر خرچ کردیا۔فواد چوہدری نےاسلام آباد میں مقامی حکومتوں کے مستقبل پر ہونے والی قومی کانفرنس سے خطاب کیا .ان کا کہنا تھا کہ سندھ حکومت کراچی میں ایک روپیہ بھی خرچ نہیں کرتی، انہوں نے مزید تنقید کا نشانہ بناتے ہوئے کہا کہ اسلام آباد میں بیٹھ کر کراچی کے مسئلے کیسے حل کرسکتے ہیں؟ سیاسی دباؤ کی وجہ سے کراچی کو 1100 ارب روپے دے رہے ہیں۔

لندن (ویب ڈیسک) سابق ہائی کمشنر اور پیپلز پارٹی کے سینئر رہنما واجد شمس الحسن لندن میں انتقال کر گئے۔ذرائع کا کہنا ہے کہ واجد شمس الحسن کا شمار ذوالفقار علی بھٹو اور بے نظیر بھٹو کے قریبی ساتھیوں میں تھا، وہ لندن کے ہسپتال میں زیر علاج تھے۔سابق صدر آصف علی زرداری نے سید واجد شمس الحسن کے انتقال پر اظہارکا افسوس کرتے ہوئے کہا کہ سید واجد شمس الحسن صحافی ،سفارتکار اور تاریخ کا عظیم ورثہ تھے ،ان کے والد نواب شمس الحسن قائداعظم کے 40 سال کے ساتھی رہے . سید واجد شمس الحسن بھٹو خاندان کے عظیم دوست اور ساتھی تھے.ان کے انتقال پر اہل خانہ کے غم میں برابر کے شریک ہیں۔

اسلام آباد (ویب ڈیسک) ملک بھر میں 12 سال اور اس سے زائد عمر تک کے بچوں کی ویکسی نیشن شروع کرنے کا فیصلہ کیا گیا ہے ، اس سلسلے میں
تعلیمی اداروں میں ویکسینیشن کے لیے خصوصی مہم چلائی جائے گی۔ این سی او سی کے سربراہ اسد عمر نے ٹوئٹر پر اپنے بیان میں لکھا ہے کہ میٹنگ میں 12سال اوراس سے زائدعمر کے افراد کی ویکسینیشن شروع کرنے کا فیصلہ کیا گیا ہے۔

افغانستان (ویب ڈیسک)افغانستان میں طالبان کی قبضے کے بعد حکوت سازی کی طرف پوری توجہ ہے.ایک خبر سامنے آئی کہ طالبان نے داڑھی مونڈھنے اور خواتین کے موبائل فونز استعمال کرنے پر پابندی لگا دی ہے مگر اب طالبان نے اس بات کے تردید کی ہے .انہوں نے داڑھی کٹوانے اور خواتین کے اسمارٹ فون استعمال کرنے پر پابندی لگانے سے متعلق تمام خبروں کی تردید کرتے ہوئے شدید ردعمل کا اظہار کیا ہے اورواضح کیا ہے کہ داڑھی کی لمبائی اور مختلف صوبوں میں خواتین کے اسمارٹ فون کے استعمال پر پابندی طالبان کی سرکاری پالیسی میں شامل نہیں۔وزارت ثقافت اور اطلاعات میں ثقافتی کمیشن کے رکن انعام اللہ سمنگانی نے اس بیان کو غلط قرار دیا ہے. انہوں نے کہا کہ مذکورہ بیان سرکاری طور پر جاری نہیں کیا گیا، سوشل میڈیا پرسب غلط ہے .