Tag سعودی ولی عہد

سعودی عرب (ایمرا نیوز آن لائن) سعودی ولی عہد محمد بن سلمان نے کہاہےکہ انہوں نے صحافی جمال خاشقجی کے قتل کے احکامات نہیں دیے۔ غیر ملکی خبر رساں ادارے کے مطابق امریکی ٹی وی کو دیے گئے انٹرویو میں ولی عہد محمد بن سلمان نے ایران کے حوالے سے بات کرتے ہوئے خبردار کیا کہ اگر عالمی برداری ایران کو روکنے اور اس کے خلاف ٹھوس کارروائی کے لیے آگے نہیں آئی تو تیل کی قیمتوں میں ایسا ناقابل تصور اضافہ ہوسکتا ہے جو ہم نے زندگی میں نہیں دیکھا ہوگا جب کہ ایران کو نہ روکنے سے عالمی مفادات کے لیے مزید خطرات بڑھیں گے۔

سعودی تیل تنصیبات پر حملے میں ایران کے ملوث ہونے سے متعلق بات کرتے ہوئے انہوں نے کہا کہ وہ ایران کے ساتھ مسئلے پر فوجی کے بجائے سیاسی حل کو ترجیح دیں گے، ایران اور سعودی عرب کے درمیان جنگ عالمی معیشت کو تباہ کردے گی۔

جمال خاشقجی کا قتل: امریکی صحافی کا سعودی ولی عہد سے متعلق بڑا دعویٰ صحافی جمال خاشقجی کے قتل سے متعلق سعودی ولی عہد کا کہنا تھا کہ انہوں نے جمال خاشقجی کے قتل کے احکامات نہیں دیے تاہم وہ ملک کے رہنما ہونے کی حیثیت سے اس کی ذمہ داری لیتے ہیں۔

محمد بن سلمان نے کہاکہ انہیں جمال خاشقجی کے قتل کے وقت اس بات کا علم بھی نہیں تھا۔ جمال خاشقجی کے قتل کا پس منظر

واضح رہےکہ سعودی نژاد امریکی صحافی جمال خاشقجی آخری مرتبہ 2 اکتوبر 2018 کو استنبول میں سعودی قونصل خانے کے باہر دیکھےگئے تھے، وہ اپنی شادی کی دستاویزات کے سلسلے میں قونصل خانہ گئے تھے جہاں انہیں بے دردی سے قتل کیا گیا اور لاش کے ٹکڑے کرکے ٹھکانےلگادیا گیا، ان کےاعضاء آج تک نہیں مل سکے۔

ریاض (میڈیا 92 نیوز آن لائن ) سعودی ولی عہد محمد بن سلمان نے کہا ہے کہ مشرقی وسطیٰ نیا یورپ بننے جارہا ہے۔

عرب میڈیا کے مطابق سعودی ولی عہد محمد بن سلمان نے کہا ہے کہ سعودی عرب، کویت، قطر اگلے پانچ سال میں بالکل تبدیل ہوں گے، اگر ہم اگلے پانچ سال میں کامیاب ہوگئے تو دنیا ہمارے نقش قدم پر چلے گی۔

سعودی ولی عہد نے کہا کہ یہ سعودی عرب کی جنگ ہے یہ میری جنگ اور میں کامیابی کے بغیر مرنا بھی نہیں چاہتا ہوں۔

محمد بن سلمان نے کہا کہ میں مشرق وسطیٰ کو بڑی طاقت کے طور پر دیکھنا چاہتا ہوں اور ہم یہ مقصد حاصل کرکے رہیں گے۔

دوسری جانب لبنان کے تین سابق وزرائے اعظم نے سعودی فرمانروا شاہ سلمان بن عبدالعزیز سے ملاقات کی۔

لبنان کے سابق وزرائے اعظم میں نجیب میقاتی، فواد السنیورہ، تمام سلام شامل تھے، ملاقات میں باہمی دلچسپی کے امور، برادرانہ تعلقات، خطے کی صورت حال پر گفتگو کی گئی۔

شاہ سلمان سے ملاقات میں عرب ممالک میں لبنان کی سالمیت کی اہمیت، لبنان کی صورت حال پر بھی تبادلہ خیال کیا گیا۔

فرانس کی عدالت نے سعودی ولی عہد محمد بن سلمان کی بہن کے خلاف پیرس میں ان کے اپارٹمنٹ کی تزئین و آرائش کرنے والے ملازم کی پٹائی کروانے پر ٹرائل کا آغاز کردیا۔

فرانسیسی خبر رساں ادارے ’اے ایف پی‘ کی رپورٹ کے مطابق محمد بن سلمان کی بہن حسہ بنت سلمان پر اپنے محافظ کو ملازم کی پٹائی کا حکم دینے کا الزام ہے، جسے انہوں نے ستمبر 2016 میں اپنی رہائش گاہ میں تصویر لیتے دیکھا تھا۔

شہزادی ان الزامات کو مسترد کرتی ہیں اور سماعت کے دوران ان کے عدالت میں پیش نہ ہونے کا امکان ہے۔

حسہ بنت سلمان نے مذکورہ کاریگر پر مبینہ طور پر ایونیو فوش پر واقع ان کے اپارٹمنٹ، جو مغربی پیرس میں غیر ملکی کروڑ پتی افراد کی پسندیدہ جگہ ہے، کی تصاویر فروخت کرنے کا منصوبے کا شبہ ظاہر کیا ہے۔

دوسری جانب کاریگر کا موقف ہے کہ ان کے ہاتھ باندھ کر شہزادی کے پاؤں کا بوسہ لینے کا حکم دیا گیا تھا، جن کے متعلق خیال کیا جاتا ہے کہ ان کی عمر 40 سال سے زیادہ ہے اور انہیں سعودی عرب کے سرکاری میڈیا میں اپنے فلاحی کاموں اور خواتین کے حقوق کی مہم میں سرگرم خاتون کے طور پر پیش کیا جاتا ہے۔

ملازم نے دعویٰ کیا کہ بعد ازاں انہیں مارا پیٹا گیا جو کئی گھنٹے تک جاری رہا، اس دوران ان کے اوزار بھی قبضے میں لے لیے گئے تھے۔

فرانس میں ‘لی پوانٹ’ نیوز میگزین کو دیئے گئے بیان میں کاریگر نے کہا کہ شہزادی نے چیختے ہوئے کہا تھا ’اسے قتل کردو، اسے جینے کا کوئی حق نہیں‘۔

شہزادی کے محافظ کے وکیل یٰسین بوزرو نے بتایا کہ ’ہمیں امید ہے کہ ججز، شکایت کنندہ کے بیان میں مختلف تضادات اور بے ربطگی کا نوٹس لیں گے، ملازم کے میڈیکل ریکارڈ اور بیان میں تضاد ہے جس سے ظاہر ہوتا ہے کہ وہ جھوٹ کہہ رہا ہے‘۔

شہزادی پر سنگین الزام

شہزادی حسہ بنت سلمان کے محافظ نے کاریگر کے خلاف ہتک عزت کا علیحدہ مقدمہ دائر کیا ہوا ہے۔

خیال رہے کہ مارچ 2018 میں فرانس میں شہزادری کے وارنٹ گرفتاری جاری کیے گئے تھے جس میں ان پر مسلح تشدد، ایک شخص کو اس کی مرضی کے خلاف قید کرنے اور چوری کرنے کے الزامات عائد ہیں۔

شہزادی حسہ بنت سلمان کے محافظ پر مسلح تشدد، چوری، موت کی دھمکیاں دینے اور ایک شخص کو قید کرنے کے الزامات عائد ہیں۔

خیال رہے کہ 2017 میں ولی عہد بننے کے بعد محمد بن سلمان نے سعودی عرب میں بڑے پیمانے پر سماجی اور اقتصادی اصلاحات لانے کی امیدیں ظاہر کی تھیں، لیکن گزشتہ برس استنبول میں واقع سعودی قونصل خانے میں صحافی جمال خاشقجی کے قتل کے بعد ان کی شہرت کو بہت زیادہ نقصان پہنچا۔

گزشتہ ماہ اقوام متحدہ کی خصوصی رپورٹر برائے ماورائے قتل اگنیس کیلامارڈ نے جمال خاشقجی کے قتل میں سعودی ولی عہد کے خلاف قابل اعتماد شواہد کی موجودگی سے متعلق آگاہ کیا تھا۔

پاکستان اور سعودی عرب مل کر علاقائی اور خطے کی ترقی میں اہم کردار ادا کر سکتے ہیں، سپیکر قومی اسمبلی اسد قیصر
اسلام آباد (ایمرا نیوز آن لائن)سعودی ولی عہد محمد بن سلمان نے کہا ہے کہ سعودی عرب اور پاکستان برادر دوست ملک ہیں ، دونوں ہر مشکل حالات میں ہمیشہ ساتھ ساتھ رہے ہیں۔ سپیکر قومی اسمبلی اسد قیصر کی قیادت میں پارلیمانی وفد نے سعودی ولی عہد محمد بن سلمان سے ملاقات کی ۔وفد میں ڈپٹی اسپیکر قاسم خان سوری، چیف وہپ عامر ڈوگر اور وزیر پارلیمانی امور علی محمد خان شامل تھے۔ملاقات میں دو طرفہ تعلقات کو مزید پختہ بنانے کا عزم کا اظہار کیا گیا ۔سپیکر قومی اسمبلی اسد قیصر نے کہا کہ پاک سعودی دیرینہ اور برادرانہ تعلقات پر پوری قوم کو فخر ہے۔ سپیکر قومی اسمبلی نے کہا کہ سعودی عرب ہر مشکل گھڑی میں پاکستان کے شانہ بشانہ کھڑا رہا ہے ۔اسد قیصر نے کہا کہ آپ کے دورہ سے پاکستان میں معاشی ترقی کے نئے دور کا آغاز ہو گا۔سپیکر قومی اسمبلی نے کہاکہ پاکستان اور سعودی عرب مل کر علاقائی اور خطے کی ترقی میں اہم کردار ادا کر سکتے ہیں۔اسد قیصر نے کہا کہ پاکستان میں سعودی سرمایہ کاری اور شراکت داری سے باہممی تعلقات مزید مستحکم ہوں گے ۔ سعودی ولی عہد نے کہاکہ سعودی عرب اور پاکستان برادر دوست ملک ہیں ۔ سعودی ولی عہد نے کہا کہ دونوں ہر مشکل حالات میں ہمیشہ ساتھ ساتھ رہے ہیں۔