Tag سپریم کورٹ

اسلام آباد (ایمرا نیوز آن لائن) سپریم کورٹ نے موبائل کمپنیوں کو موبائل فون کے بیلنس کارڈ پر اضافی ٹیکس وصولی سے روک دیا۔سپریم کورٹ نے موبائل فون کارڈز پر تمام ٹیکس بحال کردیے سپریم کورٹ کی جانب سے موبائل فون کے کارڈ پر آپریشنل اور سروسز فیس کو فی الحال ختم کردیا گیا ہے۔

آپریشنل اور سروسز فیس روکے جانے کے بعد موبائل فون صارفین کے 100 روپے کا کارڈ لوڈ کرنے پر اضافی 12 روپے 9 پیسے کی کٹوتی نہیں ہوگی اور اس طرح صارفین 100روپے کے لوڈ پراب 88 روپے 90 پیسے کا بیلنس حاصل کریں گے۔

دوسری جانب عدالتی حکم کے حوالے سے پاکستان ٹیلی کمیونیکیشن اتھارٹی کا کہناہےکہ سپریم کورٹ نے موبائل کمپنیوں کو اضافی ٹیکس وصولی سے روکا تھا جس کے بعد کمپنیوں نے آپریشنل اور سروسز فیس کی صارفین سے وصولی روک دی ہے، اب صارفین کو 100 روپے کے کارڈ پر 76.94 کی بجائے 88.90 روپے ملیں گے۔

پی ٹی اے حکام نے بتایا کہ آپریشنل اور سروسز چارجز کی مد میں 12 روپے 9 پیسے کارڈ سے کٹوتی نہیں ہوگی، کمپنیوں نے سپریم کورٹ کے احکامات پر موبائل کارڈز پر 7 سے 10 فیصد ٹیکسز کم کردیے ہیں، آپریشنل اور سروسز چارجز کی مد میں 12 روپے 9 پیسے کارڈ سے منہا نہیں کیے جارہے،

اب آپریشنل اور سروسز فیس کمپنی کے اکاؤنٹ سے جائے گی۔پی ٹی اے حکام کےمطابق موبائل فون سروسز پر ود ہولڈنگ ٹیکس 12.5 فیصد اور سیلز ٹیکس 19.5 ہے۔واضح رہےکہ اس سے قبل بھی سابق چیف جسٹس پاکستان جسٹس ثاقب نثار کے دور میں سپریم کورٹ نے موبائل فون کے کارڈ پر حکومت کو ٹیکس کی وصولی سے روک دیا تھا تاہم چند ماہ بعد ہی عدالت نے اس حکم کو معطل کردیا تھا۔

اسلام آباد (ایمرا نیوز آن لائن) سپریم کورٹ آف پاکستان میں چیف جسٹس آصف سعید کھوسہ کی سربراہی میں تین رکنی بینچ ویڈیو معاملے کی سماعت (کل) منگل کو کریگا۔

تفصیلات کے مطابق کاز لسٹ میں 16؍جولائی منگل کو ویڈیو معاملہ کیس تیسرے نمبر پر سماعت کیلئے مقرر کیا گیا، حکومت کی طرف سے سیکرٹری وزارت قانون انصاف فریق بنایا گیا ہے ، عدالت نے تمام فریقین کو نوٹس جاری کر دئیے۔

چیف جسٹس آصف سعید کھوسہ بنچ کی سربراہی کرینگے،وڈیو کیس کی سماعت کے لئے سینئر جج جسٹس عظمت سعید اور جسٹس عمر عطا بندیال بھی بنچ میں شامل ہونگے۔

اسلام آباد (میڈیا 92 نیوز آن لائن ) سپریم کورٹ میں ججز کے خلاف صدارتی ریفرنس پر سپریم جوڈیشل کونسل کا اجلاس جاری ہے جب کہ اس موقع پر وکلا کی جانب سے احتجاج بھی کیا جارہا ہے

ججز کے خلاف صدارتی ریفرنسز پر سپریم جوڈیشل کونسل کا اجلاس جاری ہے جس میں کونسل ریفرنسز کا جائزہ لے رہی ہے، اس موقع پر سپریم کورٹ کے احاطے میں وکلاء کی جانب سے احتجاج کیا جارہا ہے اور وکلاء کی جانب سے احتجاجی بینرز بھی آویزاں کیے گئے ہیں۔

جسٹس قاضی فائز عیسیٰ کے خلاف ریفرنس پر بلوچستان بار کونسل، بلوچستان ہائیکورٹ بار ایسوسی ایشن و دیگر وکلاء تنظیموں کا عدالتی بائیکاٹ جاری ہے اور آج یوم سیاہ منانے کا اعلان کیا گیا ہے جب کہ پاکستان بار کونسل نے بھی صدارتی ریفرنسز پر ملک گیر ہڑتال کی کال دیتے ہوئے آج احتجاج کا اعلان کر رکھا ہے۔

واضح رہے کہ سپریم کورٹ کے جج جسٹس فائز عیسیٰ پر اہلیہ اور بیٹے کی بیرون ملک جائیداد چھپانے کا الزام ہے جس پر حکومت کی جانب سے سپریم جوڈیشل کونسل میں ججز کے خلاف ریفرنس دائر کیا گیا ہے۔

اسلام آباد : پریم کورٹ میں اپنی نوعیت کا انوکھا کیس آگیا، خود کو آئینی طور پر 2002 سے 2007 تک کا صدرِ پاکستان ماننے والے میجر ریٹائرڈ فیصل نصیر عدالت عظمیٰ میں پیش ہوگئے۔

انہوں نے کہا کہ پرویز مشرف وردی میں صدر منتخب نہیں ہوسکتے تھے اس لیے بطور دوسرے امیدوار کے میں اس دور کا آئینی صدر ہوں۔

اس موقع پر چیف جسٹس آصف سعید کھوسہ نے کہا کہ آپ اب تک کہاں تھے؟ آپ کی مدت شروع ہو کر ختم بھی ہوگئی، آپ کہتے ہیں صدر بن کر آپ دہشت گردی ختم کر دیتے، ہم سب تو ایسے مسیحا کے انتظار میں رہتے ہیں۔

سپریم کورٹ میں 2002 سے 2007 تک صدر مملکت ہونے کا دعویدار سامنے آگیا۔ چیف جسٹس کی سربراہی میں تین رکنی بنچ نے کیس کی سماعت کی۔

چیف جسٹس نے درخواست گزار سے مکالمہ کرتے ہوئے کہا کہ میجر صاحب آپ کب بلامقابلہ پاکستان کے صدر منتخب ہوئے؟

فیصل نصیر نے کہا کہ میں 2002 میں بلا مقابلہ صدر پاکستان بنا اور وہ بھی میجر ریٹائرڈ۔چیف جسٹس نے کہا کہ 2002 میں پرویز مشرف صدر تھے جس پر درخواست گزار نے کہا کہ پرویز مشرف وردی کے ساتھ سیاست اور الیکشن میں حصہ نہیں لے سکتے تھے، پرویز مشرف کیخلاف الیکشن کمیشن نے میرا ریفرنس دبا لیا، ہائیکورٹ نے الیکشن کمیشن کے خلاف میری اپیل بغیر سنے مسترد کردی۔

چیف جسٹس نے کہا کہ ہائیکورٹ کے فیصلے کے خلاف اپیل 2450 دن بعد دائر کی گئی، ہائیکورٹ کے فیصلے کے بعد سات آٹھ سال آپ کدھر رہے؟ آپ کہتے ہیں صدر بن کر آپ دہشت گردی ختم کر دیتے، ہم سب تو ایسے مسیحا کے انتظار میں رہتے ہیں۔

چیف جسٹس نے کہا کہ آپ چھوٹا ریلیف نہیں مانگ رہے، آپ کے حق میں فیصلہ دے دیں تو آپ 2002 میں صدر بن کر 2007 میں اتر بھی گئے۔

درخواست گزار فیصل نصیر خان نے کہا کہ میرے حق میں فیصلے سے پرویز مشرف کے این آر او سمیت تمام اقدامات کالعدم ہو جائیں گے۔

اس پر چیف جسٹس نے کہا کہ آپ کہتے ہیں عدالت آپ کو صدر لگا دے، صدر پاکستان لگانا عدالت کا کام نہیں ہے، قانون ایسا ریلیف دینے کی اجازت نہیں دیتا۔

بعد ازاں عدالت عظمیٰ نے درخواست گزار کی نظر ثانی درخواست خارج کرنے کا فیصلہ سنا دیا۔

ظفر اقبال کی سزائے موت گواہان کی گواہی اور پوسٹ مارٹم رپورٹ میں واضح ثبوت نہ ملنے پر شک کا فائدہ دیتے ہوئے عمر قید میں تبدیل کرنے کا حکم جاری کیا گیا.
اسلام آباد(ایمرا نیوز آن لائن)سپریم کورٹ نے سیالکوٹ میں جائیداد کے تنازع پر بھائی اور اس کے اہلخانہ کو قتل کرنے والے ظفر اقبال کی سزائے موت گواہان کی گواہی اور پوسٹ مارٹم رپورٹ میں واضح ثبوت نہ ملنے پر شک کا فائدہ دیتے ہوئے عمر قید میں تبدیل کرنے کا حکم جاری کر دیا ہے ۔ معاملے کی سماعت چیف جسٹس کی سربراہی میں تین رکنی بنچ نے کی ۔اس موقع پر ریمارکس دیتے ہوئے چیف جسٹس آف پاکستان جسٹس آصف سعید خان کھوسہ نے کہا کہ گواہان کی گواہی اور پوسٹ مارٹم رپورٹ سے واضح ثبوت نہیں ہے ۔ افسوس ناک امر ہے کہ نچلی عدالتیں شواہد نہیں دیکھتیں ۔ کیا سپریم کورٹ کا کام ہے کہ شواہد کا پہلی بار جائزہ لے ۔ اس کیس میں 10 سال گزر گئے کس نے سزا کم کرنے کا نہیں کہا ۔ظفر اقبال نے 16 اپریل ءکو ضلع سیالکوٹ کے گاؤں جھلکی میں جائیداد کے تنازع پر اپنے بھائی جاوید اقبال ، بھابی اور آٹھ بچوں کو کلہاڑی کے وار سے قتل کرنے کا الزام تھا ۔ کیس میں ٹرائل کورٹ اور ہائی کورٹ نے ملزم کو سزائے موت سنائی تھی ۔ جس پر سپریم کورٹ نے شک کا فائدہ دیتے ہوئے ملزم ظفر اقبال کی سزائے موت کو عمر قید میں تبدیل کرنے کا حکم جاری کر دیا ہے ۔( جاوید/ توصیف احمد عباسی)

اسلام آباد کو وفاقی دارالحکومت بنانے کا مقصد فوت ہو گیا ، پہاڑ اور جنگل ختم ہوگئے، ندیاں نالے گندگی کے ڈھیر بن چکے ہیں، راول جھیل کا کیا حال کر دیا ہے، دنیا کے بہت سے دارالحکومت دیکھے وہاں ہر چیز بہترین ہوتی ہے ،جسٹس گلزار
چیئرمین سی ڈی اے صاحب ہمیں لالی پاپ نا دیں،میں جب سے اسلام آباد آیا ہوں دیکھ رہا ہوں آپ سے کشمیر ہائی وے مکمل نہیں ہوا،کشمیر ہائی وے پر سٹرکچر کو ادھورا چھوڑ رکھا ہے، کبھی یہ نہیں سوچا ان جگہوں پر جرائم پیشہ افراد پناہ لے سکتے ہیں، ان جگہوں پر بھنگی اور چرسی بیٹھے ہوتے ہیں، کیا یہ آپ کی کارکردگی ہے، آپ کا بس ایک ہی کام ہے پلاٹ بنا کر بیچتے رہو اور کچی آبادیاں بناتے رہیں، میں تو حیران ہوتا ہوں کیا یہ اسلام آباد ہے،ریمارکس
چیئرمین سی ڈی اے کی جانب سے ایک ماہ میں ڈمپنگ پراجیکٹ کو مکمل کرنے کی یقین دہانی پر کیس کی سماعت ایک ماہ کیلئے ملتوی
اسلام آباد(ایمرا نیوز آن لائن)سپریم کورٹ میںبنی گالہ تجاویزات کیس کی سماعت، عدالت نے چیئرمین سی ڈی اے کی طرف سے ایک ماہ میں ڈمپنگ پراجیکٹ کو مکمل کرنے کی یقین دہانی کرانے پر کیس کی سماعت ایک ماہ کیلئے ملتوی کر دی ہے۔کیس کی سماعت جسٹس گلزار احمد کی سربراہی میں دو رکنی بینچ نے کی۔دوران سماعت عدالتی حکمنامہ پر تاحال عمل درآمد یقینی نہ بنانے کے عمل جسٹس گلزار نے برہمی کو اظہار کرتے ہوئے چیئر مین سی ڈی اے سے کہا کہ کیا سی ڈی اے کو عدالت نے جگانا ہے،سی ڈی اے اپنا کام کیوں نہیں کرتا،عدالت حکم پاس کر رہی ہے ان پر سی ڈی اے عمل نہیں کرتا،اگر آپ اس قابل نہیں ہیں تو یہاں بیٹھے کیوں ہیں،اب تک کیا کیا ہے آپ نے، آنکھیں بند کر کے بیٹھے ہیں، کیا آپ سارے اسلام آباد کو کچی آبادی بنانا چاہتے ہیں، نئے ائیرپورٹ پر جا کر دیکھیں وہاں پرکیا ہو رہا ہے ،مجھے لگا یہ صورتحال صرف کراچی میں ہے، اسلام آباد لاہور اور کراچی سے بھی زیادہ گندا ہوگیا ہے، اسلام آباد کو وفاقی دارالحکومت بنانے کا مقصد ہی فوت ہو گیا ہے،آپ نے پہاڑوں کے پہاڑ اور جنگلوں کے جنگل ختم کر دیے ہیں ،مارگلہ کو تو سپریم کورٹ نے بچا کر رکھا ہوا ہے،ندیاں نالے گندگی کے ڈھیر بن چکے ہیں، راول جھیل کا کیا حال کر دیا ہے،آپ کی کارکردگی انتہائی مایوس کن ہے، اس سے بہتر ہے آپ کسی اور جگہ تشریف لے جائیں، آپ کو پلاٹ تو مل گیا ہو گا، دنیا کے بہت سے دارالحکومت دیکھے ہیں وہاں ہر چیز بہترین ہوتی ہے، آپ کہتے ہیں تو سی ڈی اے اور مونسپل کارپوریشن اسلام آباد کو تحلیل کر دیتے ہیں،چیئرمین سی ڈی اے صاحب ہمیں لالی پاپ نا دیں،میں جب سے اسلام آباد آیا ہوں دیکھ رہا ہوں آپ سے کشمیر ہائی وے مکمل نہیں ہوا،کشمیر ہائی وے پر سٹرکچر کو ادھورا چھوڑ رکھا ہے، کبھی یہ نہیں سوچا ان جگہوں پر جرائم پیشہ افراد پناہ لے سکتے ہیں ان جگہوں پر بھنگی اور چرسی بیٹھے ہوتے ہیں، کیا یہ آپ کی کارکردگی ہے، آپ کا بس ایک ہی کام ہے پلاٹ بنا کر بیچتے رہو اور کچی آبادیاں بناتے رہیں، میں تو حیران ہوتا ہوں کیا یہ اسلام آباد ہے،جسٹس عمر عطا بندیال نے ریمارکس دیئے کہ مسئلہ یہ ہے کہ آپ اس سارے معاملے کو سنجیدگی سے نہیں لے رہے،ہر کمرشل اور رہائشی منصوبے میں فضلہ ٹھکانے لگانے کا کوئی اپنا انتظام بھی ہونا چاہیے،۔ اس موقع پر چیئر مین سی ڈی اے نے عدالت کو بتایا کہ بدقسمتی سے گزشتہ کے عدالتی احکامات پر مکمل طور پر عمل درآمد نہیں ہو سکا، اسلام آباد میں کوئی مستقل ڈمپنگ سائٹ نہیں،سنگجانی میں مستقل ڈمپنگ سائٹ کا انتخاب کیا گیا ہے،آج تحفظ ماحولیات کی ٹیم سنگجانی سائٹ کا وزٹ کرے گی،ایک ماہ میں پراجیکٹ کی تمام رکاوٹیں دور کر لیں گے،عدالت مہلت دے ایک ماہ میں پیش رفت دیں گے، انہوں نے عدالت کو یہ بھی بتایا کہ انہوں نے آج تک سی ڈی اے سے کوئی پلاٹ نہیں لیا ۔عدالت چیئر مین سی ڈی اے کی طرف سے ایک ماہ کی مانگی گئی مہلت کو قبول کرتے ہوئے کیس کی سماعت ایک ماہ کیلئے ملتوی کر دی ہے ۔۔۔توصیف

اسلام آباد(M92) سپریم کورٹ نے پاکستان پیپلز پارٹی (پی پی پی) کے رہنما اور سابق وفاقی وزیر پیٹرولیم ڈاکٹر عاصم حسین کو بیرون ملک جانے کی اجازت دے دی۔سپریم کورٹ میں ڈاکٹر عاصم حسین کی جانب سے دائر کی گئی درخواست کی سماعت ہوئی جس میں انہوںنے بیرون ملک جانے کے لیے ایگزٹ کنٹرول لسٹ (ای سی ایل) سے اپنا نام نکلوانے کی استدعا کی تھی۔جسٹس مشیر عالم اور جسٹس فائز عیسیٰ کے دو رکنی بینچ نے کیس کی سماعت کی۔کیس کی سماعت کے دوران قومی احتساب بیورو (نیب) کی جانب سے مطلوبہ جواب جمع نہیں کرایا گیا جس کے بعد عدالت عظمیٰ نے ڈاکٹر عاصم حسین کو بیرون ملک جانے کی اجازت دیتے ہوئے وزارت داخلہ کو ان کا نام ای سی ایل سے نکالنے کی ہدایت کی۔اس سے قبل ڈاکٹر عاصم حسین کے وکیل نے عدالت سے استدعا کی کہ پہلے بھی علاج کروا کے واپس آگئے تھے پھر ان کے موکل کا نام ای سی ایل میں ڈال دیا گیا۔ڈاکٹر عاصم حسین کی درخواست پر فیصلہ سناتے ہوئے جسٹس فائز عیسیٰ نے ریمارکس دیئے کہ قانون کا معیار سب کے لیے یکساں کیوں نہیں، باہر بیٹھ کر بہت بڑے بڑے کام ہو رہے ہیں۔انہوں نے کہاکہ سنگین غداری سمیت کئی مقدمات میں ملوث ملزم باہر بیٹھے ہیں، اور ساتھ ہی حکومت کو مخاطب کرتے ہوئے کہا کہ کیا بیرون ملک مقیم ملزمان کی واپسی کے لیے اقدامات کیے گئے ہیں؟