Tag مریم نواز

لاہور (ایمرا نیوز آن لائن) احتساب عدالت میں چوہدری شوگر ملز کیس کے دوران مریم نواز کی تاریخ پیدائش زیر بحث رہی۔ مسلم لیگ ن کی نائب صدر مریم نواز اور ان کے کزن یوسف عباس کے خلاف چوہدری شوگر ملز کیس کی سماعت احتساب عدالت کے جج امیر محمد خان کی سربراہی میں ہوئی۔دوران سماعت نیب حکام کی جانب سے مریم نواز اور یوسف عباس کے مزید 15 روزہ جسمانی ریمانڈ کی استدعا کی گئی۔نیب کی جانب سے تفتیشی افسر حافظ اسد اللہ نے دلائل دیتے ہوئے کہا کہ مریم نواز اور یوسف عباس سے چوہدری شوگر ملز کیس میں مزید تفتش درکار ہے۔

نیب پراسیکیوٹر نے بتایا کہ دوران تفتیش مریم صفدر اور یوسف عباس کے خاندان کی جائیداد کی تقسیم کے معاہدے کا انکشاف ہوا ہے، چوہدری شوگر ملز کے 1 کروڑ 45 لاکھ 58 ہزار 96 شیئرز تقسیم ہوئے۔نیب حکام نے بتایا کہ شیئرز نواز شریف، شہباز شریف، عباس شریف، بہن کوثر اور والدہ شمیم بیگم میں تقسیم ہوئے۔ تفتیشی افسر نے عدالت کو بتایا کہ ایس ای سی پی ریکارڈ کے مطابق 2008 میں 2 کروڑ 62 لاکھ شیئرز چوہدری شوگر ملز کے تھے لیکن دوران تفتیش 1 کروڑ 16 لاکھ 96 ہزار شیئرز کا فرق آیا ہے۔

پراسیکیوٹر نیب نے کہا کہ چوہدری شوگر ملز 2015 میں گوجرہ سے رحیم یار خان منتقل کی گئی، چوہدری شوگر ملز کی منتقلی کے دوران ڈیڑھ ارب روپے لگائے گئے، شوگر ملز منتقلی کے لیے خرچ ہونے والی رقم کے ذرائع آمدن کا بھی تعین کرنا باقی ہے۔نیب کے تفتیشی افسر نے بتایا کہ 3 غیر ملکیوں نے 2008 میں مریم کے نام پر شیئرز بھجوائے جب کہ 48 لاکھ ڈالرز یوسف عباس کو ٹیلی گرافک ٹرانسفر کئے گئے۔تفتیشی افسر نے مؤقف اختیار کیا کہ چوہدری شوگر ملز کے ڈائریکٹرز اور شیئر ہولڈز کو فائدہ پہنچانے کے لیے رقم منتقل کی گئی۔

مریم نواز کے وکیل امجد پرویز کے دلائل امجد پرویز نے دلائل دیتے ہوئے کہا کہ جب چوہدری شوگر ملز بنی اس وقت مریم نواز اور یوسف عباس کم عمر تھے، تمام شریف فیملی چوہدری شوگر ملز میں شئیر ہولڈرز تھی۔انہوں نے کہا کہ نیب کہتی ہے کہ چوہدری شوگر ملز کی بینیفیشری نواز شریف فیملی ہے، 2016 سے نواز شریف فیملی کا چوہدری شوگر ملز میں کوئی شیئر نہیں ہے۔ان کا کہنا ہے کہ جو دستاویزی ثبوت نیب کو چاہیے تھے وہ مہیا کر دیئے۔

مریم نواز کے وکیل نے بتایا کہ ان کی مؤکلہ تو پبلک آفس ہولڈر بھی نہیں تھی۔اس دوران نیب پراسیکیوٹر اور مریم نواز کے وکیل امجد پرویز کے درمیان تلخ کلامی بھی ہوئی جس پر امجد پرویز نے کہا کہ آپ میرے دلائل کے درمیان مت بولیں۔نیب پراسیکیوٹر نے کہا میں پراسیکیوٹر ہوں اور مجھے آپ بولنے سے نہیں روک سکتے۔امجد پرویز نے اپنے دلائل جاری رکھتے ہوئے کہا کہ نیب کسی قسم کی تفتیش نہیں کر رہی، نیب پچھلے 7 روز سے پانچ منٹ کے لیے بھی تفتیش نہیں کر رہی۔

مریم نواز کے وکیل نے بتایا کہ کھانا باہر رکھ دیا جاتا ہے اور کہا جاتا ہے کہ خود اٹھا لیں، مریم نواز کے کمرے سے تعفن اٹھتا ہے، کئی کئی روز تک صفائی نہیں کروائی جاتی۔ان کا کہنا تھا کہ نیب مریم نواز اور یوسف عباس کو ذہنی اذیت دے رہی ہے، شریف خاندان کی جائیداد تقسیم کا معاہدہ پہلے دن سے نیب کے پاس ہے، میاں شریف 2004 میں انتقال کر گئے اور 2008 میں شیئرز تقسیم ہوئے۔
جج کے استفسار پر مریم نواز نے اپنی تاریخ پیدائش بتا دی
دوران سماعت عدالت نے استفسار کیا کہ مریم نواز کی تاریخ پیدائش کیا ہے؟نیب کے تفتیشی افسر نے بتایا کہ مریم نواز کی پیدائش کا سال 1973 ہے مگر تاریخ کا علم نہیں۔اس موقع پر مریم نواز نے بتایا کہ میری تاریخ پیدائش 28 اکتوبر 1973 ہے۔مریم نواز کے جسمانی ریمانڈ کی استدعا مسترد احتساب عدالت نے نیب کی جانب سے مریم نواز اور یوسف عباس کے مزید جسمانی ریمانڈ کی استدعا مسترد کرتے ہوئے دونوں کو جوڈیشل ریمانڈ پر جیل بھیجنے کا حکم دے دیا۔ عدالت نے مریم نواز اور یوسف عباس کو 9 اکتوبر کو دوبارہ پیش کرنے کا حکم دیا ہے۔

لاہور (میڈیا ٩٢ ۔ 09 اگست 2019ء) : احتساب عدالت نے15 روزہ جسمانی ریمانڈ پر مریم نواز کو نیب کے حوالے کر دیا. مسلم لیگ ن کی نائب صدر مریم نواز کو 21 اگست تک نیب کے حوالے کر دیا گیا ۔ تفصیلات کے مطابق احتساب عدالت لاہور میں سابق وزیر اعظم نواز شریف کی صاحبزادی اور مسلم لیگ ن کی نائب صدر مریم نواز کے خلاف چودھری شوگرملز کیس کی سماعت ہوئی۔ مریم نواز اور یوسف عباس کو احتساب عدالت کےجج جوادالحسن کےروبروپیش کیا گیا۔
اس موقع پر کمرہ عدالت میں کیپٹن (ر) صفدر ، جنید صفدر ، رانا اقبال ، خرم دستگیر بھی موجود تھے ۔ اس موقع پر سیکیورٹی کے سخت انتظامات کئے گئے۔ عدالت میں نیب پراسیکیوٹر نے کہا کہ مریم نوازکےاکاؤنٹ سے مشکوک ٹرانزیکشنزہوئیں۔ مریم نواز کو 2 مرتبہ نیب آفس طلب کیا گیا۔ جج احتساب عدالت نے استفسار کیا کہ جب پانامہ کیس آیا ہے تو وہاں مریم کے شیرز کی بات کیوں نہیں آئی؟ جس پر نیب نے کہا کہ جے آئی ٹی کی رپورٹ میں بات آئی تھی، پانامہ کیس میں سپریم کورٹ کے صرف تین خاص ریفرنس تھے، جو نواز شریف کے حوالے سے تھے۔
جج نے استفسار کیا پانامہ والے کیس میں کیا ہوا تھا جس پر نیب نے کہا اس میں تین ریفرنس داخل کرنا کا کہا جس میں چودھری شوگر ملز شامل نہ تھا۔ نیب نے عدالت کو بتایا کہ مریم نواز نیب کے سوالوں کے تسلی بخش جواب نہیں دے سکیں، مریم نے جو شیئر 2008ء میں خریدے وہ نواز شریف کو 2015ء ٹرانسفر کر دیئے۔ عدالت نے استفسار کیا مریم نواز کے خلاف انکوائری کب شروع کی گئی۔
جس پر نیب نے کہا کہ مریم نواز سمیت خاندان کے دیگر افراد چودھری شوگر مل میں شیئر ہولڈرز ہیں، گرفتاری سے پہلے انہیں طلب کیا گیا لیکن وہ پیش نہیں ہوئیں۔ نیب نے تفصیلاً عدالت کو بتایا کہ شروع میں مریم نواز کے 8 لاکھ سے زائد شیئر تھے، 2008 میں مریم نواز کے نام 41 کڑور روپے کے شیئرز تھے، مریم نواز سے پوچھا تھا کہ فارن انویسٹر کون ہیں، لیکن نہیں بتایا گیا، یوسف عباس چودھری شوگر مل میں شئیر ہولڈر رہے اور ڈائریکٹر بھی رہے ہیں، یوسف عباس کا اکاؤنٹ منی لانڈرنگ کے لیے استعمال ہوا۔
احتساب عدالت نے نیب سے استفسار کیا آپ کے پاس کیا مواد ہے جس پر تحقیقات کر رہے ہیں۔ نیب نے نے کہا یوسف عباس کے اکاؤنٹ میں رقم آنے کے بعد چودھری شوگر مل منتقل کی گئی۔ مریم نواز کے وکیل امجد پرویز نے اپنے دلائل میں کہا کہ ان بنیادوں پر مریم کی گرفتاری کا کوئی جواز نہیں، آئین کی دفعہ 10 شہریوں کو تحفظ دیتا ہے، بغیر اطلاع کسی کو گرفتار نہیں کیا جا سکتا، جن بنیادوں پر گرفتار کرنا ہوتا ہے اس کے لئے مذکورہ مواد ظاہر کرنا پڑتا ہے۔
نیب پراسیکیوٹر نے عدالت کو بتایا کہ 2008ء میں مریم نوازکےنام پر11 ملین کے شیئرتھے، اکاؤنٹ میں کروڑوں کی رقم کہاں سےآئی اس کا تعین کررہے ہیں، چودھری شوگر ملز سے متعلق نواز شریف سےتحقیقات کا آغازکیا گیا۔ نیب پراسیکیوٹر کا کہنا تھا کہ مریم نواز چودھری شوگرملزکی ڈائریکٹرہیں، وہ 1992ء سے 1997ء تک ڈائریکٹر رہیں، ان کے 84 لاکھ روپے کے شیئرتھے، جو بڑھ کر 41 کروڑ ہوگئے۔
نیب پراسیکیوٹر نے مزید بتایا شیئرزسعید سلحدی اورصلاح الدین سے خریدے گئے، شیئرخریداری کی رقم سے متعلق معلومات نہیں دی جا رہیں ۔ نیب نے عدالت سے استدعا کی کہ عدالت مریم نواز کا 15روزہ جسمانی ریمانڈ منظورکرے۔ جس پر احتساب عدالت نے چودھری شوگرملز کیس میں سابق وزیر اعظم نواز شریف کی صاحبزادی مریم نوازاور بھتیجے یوسف عباس کے جسمانی ریمانڈ پرفیصلہ محفوظ کیا تھا جو اب سنا دیا گیا ہے۔ احتساب عدالت نے محفوظ فیصلہ سناتے ہوئے مریم نواز کو جسمانی ریمانڈ پر 21 اگست تک نیب کے حوالے کر دیا۔

اسلام آباد (میڈیا 92 نیوز آن لائن ) وزیراعظم عمران خان کے معاون خصوصی برائے احتساب شہزاد اکبر مسلم لیگ (ن) کی نائب صدر مریم نواز کے اکاؤنٹس میں رقم منتقلی کی دستاویزات منظر عام پر لے آئے۔

اسلام آباد میں پریس کانفرنس کرتے ہوئے شہزاد اکبر کا کہنا تھا کہ 90ء کی دہائی میں ایک خاندان اقتدار میں آیا اور اس نے ایک ایسا قانون بنایا جس سے بیرون ممالک سے آنے والے پیسوں پر ٹیکس اور وجوہات کے حوالے سے کوئی پوچھ گچھ نہ ہوسکے۔

انہوں نے کہا کہ اس خاندان نے 90ء کی دہائی سے 2018 تک قومی خزانہ کو بے دردی سے لوٹا، اسی خاندان نے ہنڈی حوالہ کے ذریعے بیرون ممالک رقوم بھجوائیں اور بیرون ملک جائیدادیں اور محلات بنانے کا کلچر متعارف کرایا، یہ تمام چیزیں جے آئی ٹی کے سامنے آچکی ہیں۔

ان کا مزید کہنا تھا کہ شریف فیملی اس معاملے پر منی ٹریل پیش کرنے میں ناکام ہوئی ہے، اسی طرح سلمان شہباز اور حمزہ شہباز کی 90 فیصد املاک ٹیلی گرافگ ٹرانزیکشن (ٹی ٹی) کے ذریعے بنائی گئیں اور شہباز شریف نے اس کا فائدہ اٹھایا۔

شہزاد اکبر کے مطابق 1990ء سے ہنڈی حوالہ کے ذریعے پیسہ بھجوانے کا معاملہ اس وقت رکا جب پانامہ لیکس میں شریف فیملی بے نقاب ہوئی، ہل میٹل کیس میں اہم چیز یہ ہے کہ ہل میٹل سے 85 فیصد رقم نواز شریف کو ملتی ہے اور اس رقم کا 85 فیصد حصہ نواز شریف نے بیٹی مریم نواز کو تحفہ کردی، اسی کیس میں نواز شریف، حسین نواز، حسن نواز اور مریم نواز ملوث ہیں جس میں نواز شریف کو 7 سال سزا ہو چکی ہے۔

وزیراعظم کے معاون خصوصی برائے احتساب کا کہنا تھا کہ 2008ء میں ہل میٹل سے مریم نواز کو ایک کروڑ 14 لاکھ روپے، ایک کروڑ 70 لاکھ روپے، ایک کروڑ 90 لاکھ روپے، 70 لاکھ روپے جبکہ 2016ء میں مریم نواز کے شریف ایجوکیشن سٹی برانچ میں 99 لاکھ روپے کی رقوم ٹی ٹی کے ذریعے موصول ہوئیں اور جن پر مریم نواز کے دستخط موجود ہیں اور انہوں نے مقصد سرمایہ کاری لکھا ہے لیکن یہ رقوم ٹیکس گوشواروں میں ظاہر نہیں کی گئی۔

انہوں نے کہا کہ یہ تمام پیسے سرمایہ کاری کے لیے منگوائے گئے تھے لیکن سرمایہ کاری کے ثبوت بھی نہیں پیش کئے جاسکے ہیں، جے آئی ٹی کی تحقیقات میں یہ دستاویزات صرف نظر رہ گئی تھی جو اب سامنے آرہی ہیں۔

ان کا کہنا تھا کہ قومی احتساب بیورو (نیب) کو ان دستاویزات کے لیے خط ارسال کردیا ہے تاکہ اس ہل میٹل کیس میں مزید پیشرفت اور تحقیقات ہوسکیں۔

شہزاد اکبر کا کہنا تھا کہ شریف خاندان آج تک کوئی منی ٹریل پیش نہیں کرسکا اور ہل میٹل کے معاملے میں حسین نواز نے ایک انتہائی فرمانبردار بیٹے کا کردار ادا کیا ہے اور انہوں نے ہل میٹل کی تمام رقوم اپنے والد نواز شریف اور بہن مریم نواز کو منتقل کیں اور ایک پائی بھی اپنے پاس نہیں رکھی لہٰذا توقع ہے کہ نیب اس تمام معاملے کی تحقیقات میں ان دستاویزات کے ثبوت کو بھی شامل کرے گا۔

انہوں نے کہا کہ شہباز شریف اور ان کی فیملی کی ٹیلی گرافک ٹرانسفر (ٹی ٹی) سامنے لائیں تو اُدھر سے اعلان کیا گیا کہ مجھے برطانیہ کی عدالتوں میں جانا پڑے گا، میں اس کے لیے تیار تھا لیکن ابھی تک یہ نوبت نہیں آئی، آج نئی ٹی ٹیز کے انکشاف کے بعد امید ہے کہ مریم نواز مجھے برطانوی عدالتوں میں بلوائیں گی۔

ان کا کہنا تھا کہ شریف خاندان کا جدی پشتی ہونا ایک گھڑا ہوا افسانہ ہے جس کے پیچھے اب ‘ٹی ٹیاں’ نکل رہی ہیں۔

یاد رہے کہ اس سے قبل وزیراعظم عمران خان کے معاون خصوصی شہزاد اکبر نے سابق وزیراعلیٰ پنجاب شہباز شریف کے خاندان کے افراد کی ٹی ٹیز سامنے لائے تھے۔

اسلام آباد: (دنیا نیوز) الیکشن کمیشن نے مریم نواز کو پارٹی عہدے سے ہٹانے کی درخواست پر فیصلہ محفوظ کر لیا جو 27 اگست کو سنایا جائے گا۔

الیکشن کمیشن میں مریم نواز کے پارٹی عہدہ کیخلاف کیس کی سماعت ہوئی۔ مریم نواز کے وکیل بیرسٹر ظفراللہ نے کہا سپریم کورٹ کے فیصلے کا مریم نواز پر اطلاق نہیں ہوتا، جیل میں موجود شخص بھی پارٹی عہدہ رکھ سکتا ہے، نواز شریف بالواسطہ طور پر جیل سے پارٹی امور چلا رہے ہیں، نواز شریف نے جسے چیئرمین سینیٹ نامزد کیا اسی پر سب کا اتفاق ہوا، ن لیگ کے بنیادی حقوق کو سلب نہیں کیا جا سکتا۔

الیکشن کمیشن نے فریقین کے دلائل سننے کے بعد فیصلہ محفوظ کرلیا۔

اسلام آباد (میڈیا 92 نیوز آن لائن ) احتساب عدالت نے مسلم لیگ ن کی نائب صدر مریم نواز کے خلاف جعلی ٹرسٹ ڈیڈ کی درخواست خارج کر دی۔

مریم نواز کے خلاف ایون فیلڈ ریفرنس میں جعلی ٹرسٹ ڈیڈ پیش کرنے سے متعلق کیس کی سماعت احتساب عدالت اسلام آباد کے جج محمد بشیر نے کی۔

ڈپٹی پراسیکیوٹر جنرل نیب سردار مظفر عباسی نے عدالت میں دلائل پیش کرتے ہوئے کہا کہ ایون فیلڈ ریفرنس میں ٹرسٹ ڈیڈ جعلی تھی، مریم نواز نے کہا تھا کہ عدالت کا دائرہ اختیار نہیں لیکن یہ عدالت کا خصوصی دائرہ اختیار ہے۔

اس دوران مریم نواز نے نیب پراسیکیواٹر سے مکالمہ کرتے ہوئے کہا کہ آپ کو ایک سال کا عرصہ کیوں لگا عدالت کو یاد دلانے میں؟ نیب پراسیکیواٹر نے جواب دیتے ہوئے کہا کہ وہی بتا رہا ہوں۔

مریم نواز نے نیب پراسیکیوٹر سے کہا کہ آپ نے تھوڑی سی دیر کر دی، بس ایک سال جس پر نیب پراسیکیوٹر نے جواب دیا کہ دیر آید، درست آید۔

مریم نواز کے وکیل نے امجد پرویز ایڈوکیٹ نے دلائل پیش کرتے ہوئے کہا کہ ہروقت بندہ درست نہیں آتا۔

امجد پرویز ایڈوکیٹ کا کہنا تھا کہ احتساب عدالت میں درخواست دائر کرنا نیب کا اختیار نہیں تھا بلکہ یہ عدالت کے خصوصی دائرہ اختیار میں آتا ہے اور درخواست دائر کرنے کی 30 روز کی قانونی مدت بھی ختم ہوچکی لہذا نیب کی درخواست ناقابل سماعت قرار دیا جائے۔

احتساب عدالت نے فریقین کے دلائل سننے کے بعد مریم نواز کے خلاف نیب کی جانب سے دائر جعلی ٹرسٹ ڈیڈ ریفرنس کی درخواست ناقابل سماعت قرار دیتے ہوئے خارج کردی۔

مریم نواز کی میڈیا سے گفتگو

مریم نواز نے میڈیا سے بات چیت کرتے ہوئے کہا کہ مسلم لیگ ن کے جتنے قائدین کو گرفتار کرنا ہے کرلیں، ڈرنے والے نہیں۔

مریم نواز کا کہنا تھا کہ ہم سے بات چیت کے لیے متعدد بار رابطہ کیا گیا لیکن ہم نے بات چیت نہیں کی کیونکہ میں اور میاں صاحب بات چیت کے لوازمات پورے نہیں کرسکتے۔

اس دوران ایک صحافی نے سوال کیا کہ وہ کون سے لوازمات ہیں جو پورے نہیں کر سکتے ؟

مریم نواز نے جواب دیتے ہوئے کہا کہ بات چیت کے لیے اصولوں کی قربانی دینی پڑتی ہے جس کے لیے تیار نہیں۔

سیکیورٹی انتظامات

فیڈرل جوڈیشل کمپلیکس کے باہر سیکیورٹی کے غیر معمولی انتظامات کیے گئے ہیں جب کہ غیر متعلقہ افراد کو عدالت کے احاطے میں داخلے کی اجازت نہیں ہو گی۔

یاد رہے کہ نیب نے مریم نواز کے خلاف احتساب عدالت میں درخواست دائر کر رکھی ہے کہ انہوں نے ایون فیلڈ ریفرنس میں جعلی ٹرسٹ ڈیڈ پیش کی لہٰذا جعلی دستاویزات پر ٹرائل کیا جائے۔

احتساب عدالت نے ایون فیلڈ ریفرنس میں جعلی ٹرسٹ ڈیڈ پیش کرنے پر مریم نواز کو آج طلب کر رکھا ہے۔

سابق وزیراعظم نواز شریف کی صاحبزادی نے اسلام آباد روانہ ہونے سے قبل ٹوئٹر بیان میں عمران خان پر تنقید کرتے ہوئے یہ بھی کہا کہ پوری مسلم لیگ ن کو بھی گرفتار کر لو، ملک تم پھر بھی نہیں چلا سکتے۔

مریم نواز کا مزید کہنا تھا کہ اپنی نااہلی اور ناکامی کا جواب تو تمہیں عوام کو دینا ہی پڑے گا۔

لاہور(ایمرا نیوز آن لائن) مریم نواز نے ملک بھر میں احتجاجی ریلیوں کا اعلان کردیا ۔اپنے ایک ٹویٹ میں مریم نواز نے احتجاجی ریلیوں کی قیادت کرنے کا اعلان کرتے ہوئے کہاہے کہ انشااﷲ پورے پاکستان میں احتجاجی ریلیوں کی قیادت کروں گی،احتجاج میں نوازشریف کیلئے انصاف،قانون کی بالادستی،اظہارکی آزادی کا مطالبہ ہوگا،ان کا کہناتھا کہ عوامی نمائندوں کو سزا دینے کیلئے نظام میں گڑبڑ ختم کرنے کیلئے آواز اٹھائیں گے ، سلیکٹڈ کومسلط کرنے اور عوامی مینڈیٹ چوری کرنے کے خلاف بھی احتجاج ہوگا،

ہروہ پاکستانی جو آزادجمہوری اور انصاف پسند پاکستان چاہتا ہے اسے شمولیت اختیار کرنی چاہئے جبکہ مریم نواز نے مرکزی رہنما ر انا ثنا اﷲ سے ٹیلیفون پر گفتگو کی ، ضلع کچہری میں پیشی کے موقع پر مریم نواز اور رانا ثنا اﷲ کے درمیان ٹیلیفون پر گفتگو ہوئی ،مریم نواز نے کہا کہ آپ کو نواز شریف کے ساتھ کھڑے ہونے کی سزا دی جارہی ہے ۔
رانا ثنا اﷲ نے کہا کہ میں نواز شریف کے ساتھ کھڑا ہوں اور گھبرایا نہیں ، ڈٹ کر ان ہتھکنڈوں کا مقابلہ کروں گا،مریم نواز نے بتایا کہ وہ اتوار کو فیصل آباد میں ریلی سے خطاب کرینگی ۔ رانا ثنا اﷲ نے کہا کہ آپ فیصل آباد کی ریلی دیکھیں گی تو باقی ریلیاں بھول جائیں گی ۔

اسالم آباد : احتساب عدالت کے جج ارشد ملک کی مبینہ ویڈیو لیک اسکینڈل سپریم کورٹ میں سماعت کے لیے مقرر کر دیا گیا۔چیف جسٹس آف پاکستان جسٹس آصف سعید کھوسہ کی سربراہی میں تین رکنی بینچ 16 جولائی کو کیس کی سماعت کرے گا۔

یاد رہے کہ اسلام آباد ہائیکورٹ کے قائم مقام چیف جسٹس عامر فاروق کی جانب سے احتساب عدالت کے جج ارشد ملک کو ہٹانے کے لیے وزارت قانون کو خط لکھا گیا جس میں انکو ہٹانے کی سفارش کی گئی ہے ،

خط کے متن میں لکھا گیا ہے کہ ویڈیو ریلیز کے معاملے کے بعد جج ارشد ملک کو فوری طور پر عہدے سے ہٹا دیا جائے اور جج ارشد ملک کی ذمہ داریاں واپس لاہور ہائیکورٹ کے سپرد کر دی جائیں۔

لاہور (میڈیا 92 نیوز آن لائن ) قومی احتساب بیورو (نیب) کی جانب سے طلبی کا نوٹس جاری کیے جانے پر پاکستان مسلم لیگ (ن) کی نائب صدر مریم نواز نے ردعمل ظاہر کرتے ہوئے کہا کہا کہ ‘مجھے بلانا تو اپنے رسک پر بلانا، میری باتیں نہ سن سکوگے نہ سہہ سکوگے’۔

خیال رہے کہ احتساب عدالت نے ایون فیلڈ ریفرنس میں جعلی ٹرسٹ ڈیڈ کے معاملے پر مسلم لیگ (ن) کی نائب صدر مریم نواز کو نوٹس جاری کیا ہے۔

نیب نے مریم نواز کے خلاف احتساب عدالت میں درخواست دائر کی جس میں مؤقف اختیار کیا گیا ہے کہ ان (مریم نواز) کی ایون فیلڈ ریفرنس میں پیش کردہ ٹرسٹ ڈیڈ جعلی ثابت ہوئی ہے لہٰذا جعلی دستاویزات پر ٹرائل کیا جائے۔

نیب کی درخواست پر احتساب عدالت کے جج محمد بشیر نے مریم نواز کو نوٹس جاری کرتے ہوئے انہیں 19 جولائی کو طلب کرلیا۔

نیب طلبی کیخلاف مریم نواز نے سوشل میڈیا پر بیان جاری کیا جس میں انہوں نے لکھا کہ ‘آپ سے مشورہ چاہتی ہوں، مجھے ایک ثابت شدہ انتقام کے سامنے پیش ہونے کا بائیکاٹ کرنا چاہیے؟ یا پیش ہو کر نیب عدالت میں کھڑے ہوکر دودھ کا دودھ اور پانی کا پانی کر دینا چاہیے؟
مریم نواز نے مزید لکھا کہ ‘مجھے بلانا ہے تو اپنے رسک پر بلانا، میری باتیں نہ سن سکو گے نہ سہہ سکو گے’۔

آپ سے مشورہ چاہتی ہوں کہ مجھے ایک ثابت شدہ انتقام کے سامنے پیش ہونے کا بائیکاٹ کرنا چاہیئے یا پیش ہو کر NAB عدالت میں کھڑے ہو کر دودھ کا دودھ اور پانی کا پانی کر دینا چاہئے ؟ بلانا ہے تو اپنے رسک پر بلانا! میری باتیں نا سن سکو گے نہ سہ سکو گے! یہ نا ہو کہ پھر سر پیٹتے رہ جاؤ! https://t.co/NurkPBhkKi

— Maryam Nawaz Sharif (@MaryamNSharif) July 9, 2019

اسلام آباد (میڈیا 92 نیوز آن لائن ) احتساب عدالت نے نیب کی درخواست پر ایون فیلڈ ریفرنس میں جعلی ٹرسٹ ڈیڈ کے معاملے میں مسلم لیگ (ن) کی نائب صدر مریم نواز کو نوٹس جاری کردیا۔

میڈیا رپورٹس کے مطابق نیب نے مریم نواز کے خلاف احتساب عدالت میں درخواست دائر کی جس میں مؤقف اختیار کیا گیا ہےکہ ان (مریم نواز) کی ایون فیلڈ ریفرنس میں پیش کردہ ٹرسٹ ڈیڈ جعلی ثابت ہوئی ہے لہٰذا جعلی دستاویزات پر ٹرائل کیا جائے۔

نیب کی درخواست پر احتساب عدالت کے جج محمد بشیر نے مریم نواز کو نوٹس جاری کرتے ہوئے انہیں 19 جولائی کو طلب کرلیا۔

یاد رہے کہ گزشتہ برس اسلام آباد ہائیکورٹ نے ایون فیلڈ ریفرنس میں احتساب عدالت کی جانب سے سابق وزیراعظم نواز شریف، ان کی صاحبزادی مریم نواز اور داماد کیپٹن (ر) صفدر کو سنائی گئی سزا معطل کرتے ہوئے تینوں کی رہائی کا حکم دیا جس کے بعد انہیں اڈیالہ جیل سے رہا کردیا گیا۔

بعدازاں نواز شریف کو العزیزیہ اسٹیل ملز کیس میں گرفتار کرلیا گیا اور وہ کوٹ لکھپت جیل میں ہیں

لاہور(M92)مسلم لیگ (ن) کی مرکزی رہنما مریم نواز نے کہا ہے کہ ہر کوئی نواز شریف نہیں ہوتا کہ زخم کھا کر بھی وطن کی خاطر اداروں کا پردہ رکھے۔ٹوئٹر پر اپنے بیان میں انہوں نے کہا کہ نواز شریف کی خاموشی پاکستان کے مفاد پر ضرب لگانے کے لئے استعمال کی گئی تو وہ چپ نہیں رہے گا۔ نواز شریف کا ضبط و تحمل پاکستان کی سلامتی، تحفظ اور وقار کے لئے ہے، اس ضبط و تحمل کو غلط معنی دینے والے اسے امتحان میں نہ ڈالیں۔