Tag ملتان

ملتان(میڈیا 92 نیوز آن لائن )ملتان سے ن لیگ کے ایم پی اے پر اپنی ہی یونیورسٹی کی ایک نوجوان طالبہ نے مبینہ جنسی زیادتی کا الزام عائد کر دیا ہے، لڑکی کا کہناہے کہ لیگی ایم پی اے عطاالرحمان نے غیر اخلاقی ویڈیو بنا کر ایک سال تک بلیک میل کرکے مبینہ طور پر زیادتی کا نشانہ بنایا ، لڑکی نے طبی معائنے کیلئے علاقہ مجسٹریٹ ملتان کو درخواست دیدی ہے ۔

ایکسپریس نیوز کے مطابق علاقہ مجسٹریٹ ملتان کو درخواست دیتے ہوئے طالبہ ( س ) نے موقف اختیار کیا کہ وہ لاہور کی رہائشی اور این سی بی اے ای یونیورسٹی میں ایم ایس سی ایس فرسٹ سمسٹر کی طالبہ ہے ، یونیورسٹی مالک حاجی عطاءالرحمن کی این جی او پی ایچ ڈی ایف میں ایک سال سے ملازمت کررہی ہوں ، 11 ماہ قبل لیگی ایم پی اے عطاء الرحمن نے طالبہ کو کام کا بہانہ بنا کر نامعلوم مقام پر لے جا کر زیادتی کا نشانہ بنایا اور ویڈیو بنالی ، اس دوران دھمکی دی کہ کسی بھی قانونی کارروائی کی صورت میں یہ ویڈیو سوشل میڈیا پر وائرل کردیگا۔

طالبہ نے بتایا کہ پی پی 210 سے لیگی ایم پی اے بلیک میل کرتے ہوئے 11 ماہ تک زیادتی کرتا رہا اور اس کی ویڈیو بنا کر واٹس ایپ بھی کرتا رہا، ملزم سائلہ سے زبردستی بدفعلی بھی کی جس سے اس کی طبیعت خراب ہوگئی اور اسے نشترہسپتال علاج کیلئے بھیجا گیا، طالبہ نے ہسپتال میں زیرعلاج رہنے کی دستاویزات اور واٹس ایپ پیغامات بھی بطور ثبوت درخواست کے ساتھ لگائے ہیں، عدالت نے درخواست پر کارروائی کے احکام جاری کرد یے۔

ذرائع کے مطابق خفیہ ایجنسی نے بھی اس جنسی اسکینڈل کے حوالے سے اعلیٰ حکام کو رپورٹ بنا کر آگاہ کیا ہے جبکہ ایم پی اے کی جانب سے متاثرہ لڑکی سے معاملہ ختم کرنے کی کوشش کی جارہی ہے، ایم پی اے کی جانب سے معاملہ ختم کرنے پر طالبہ کو 7کروڑ کی پیشکش بھی کی گئی ہے تاہم اس بارے میں ایم پی اے کو بار بار فون کرنے پر کال اٹینڈ نہیں کی گئی۔

ملتان(ایمرا نیوز آن لائن) وین اور ٹرک میں تصادم، 2 مسافر جاں بحق پنجاب کے شہر ملتان میں بہاول پور روڈ پر بستی ملوک کے نزدیک مسافر وین اور ٹرک کے درمیان ٹکر ہو گئی جس کے نتیجے میں 2 مسافر جاں بحق اور 8 زخمی ہو گئے۔

ریسکیو ذرائع کے مطابق مسافر وین تیز رفتاری کے باعث ٹرک سے ٹکرا گئی جس کے نتیجے میں 2 مسافر موقع پر ہی جاں بحق ہو گئے۔حادثے کے 6 زخمیوں کو ملتان کے نشتر اسپتال منتقل کیا گیا جبکہ 2 معمولی زخمیوں کو موقع پر ہی طبی امداد دے دی گئی۔

نشتر اسپتال میں داخل کرائے جانے والے زخمیوں میں سے 2 کی حالت نازک بتائی گئی ہے۔پولیس کے مطابق حادثے کے فوری بعد ٹرک کا ڈرائیور موقع سے فرار ہو گیا جسے گرفتار کرنے کی کوشش کی جا رہی ہے۔

ملتان (میڈیا 92 نیوز آن لائن ) غیرت کے نام پر شوہر نے اپنے بھائی اور والد کے ساتھ مل کر بیوی اور بچوں سمیت 9 سسرالیوں کا قتل کردیا۔

پولیس حکام کے مطابق ملتان کے علاقے حسن آباد کے رہائشی اجمل اور اس کے والد کو گرفتار کرلیا گیا جبکہ اس کا بھائی فرار ہوگیا۔

سی پی او ملتان عمران محمود کے مطابق ملزم اجمل سعودیہ میں ٹیلر تھا اور وہ کچھ روز قبل ہی ملتان واپس آیا تھا، جو اپنی بیوی کے کردار پر شک تھا۔

ملزم نے غیرت کے نام پر اپنے بھائی اور والد کے ساتھ مل کر اپنی بیوی اور بچوں سمیت 9 سسرالیوں کو قتل کردیا۔

پولیس حکام کے مطابق ملزم نے پہلے بیوی اور بچوں کو فائرنگ کرکے ہلاک کیا جبکہ اس کے بعد سسرالیوں کو پکڑ کر کمرے میں بند کیا اور مٹی کا تیل چھڑک کر آگ لگادی۔

مارے جانے والے سسرالیوں میں ملزم کی ساس، 3 سالیاں، سالی کا ایک بیٹا اور ایک بیٹی شامل ہیں جبکہ ملزم کا سسر ہسپتال میں زیر علاج ہے۔

قتل ہونے والی خاتون کے بھائی علی رضا کی مدعیت میں ملزم اجمل، اس کے بھائی اشمل، والد محمد ظفر اور 2 خواتین کے خلاف مقدمہ درج کیا۔

مقدمے میں دہشت گردی کی دفعہ 7 اے ٹی اے سمیت 302، 321، 336 بی، 148 اور 149 کی دفعات شامل کی گئی ہیں۔

ایف آئی آر کے متن میں کہا گیا کہ ملزم کو بیوی کے کردار پر شک تھا جبکہ اس کی بہنوں سمیت دیگر کھر والوں پر بھی اس کے ہمراز ہونے کا شک تھا۔

علاقہ کونسلر الٰہی بخش کا کہنا تھا کہ ‘میں نے علاقے میں فائرنگ سنی جس کے بعد وقوعہ کا تعین کیا گیا تو ایک گھر میں آگ لگی ہوئی تھی اور وہاں سے چیخ و پکار کی آوازیں آرہی تھیں۔

انہوں نے مزید بتایا کہ واقعے کے بعد پولیس جائے وقوعہ پر پہنچ گئی جہاں لاشوں اور زخمیوں کو فوری طور پر ہسپتال منتقل کردیا گیا۔

مقتول خاندان کے رشتہ داروں کے مطابق دونوں میاں بیوی کے درمیان پہلے سے ہی جھگڑا چل رہا تھا، تاہم ملزم جیسے ہی سعودی عرب سے واپس پاکستان آیا تو اس نے اپنی بیوی کو قتل کردیا۔

عمران خان ٹیم کے کپتان ہیں وہی فیصلہ کریں گے کہ کس کوکہاں کھیلناہے اورکس سے کیاکام لیناہے وزیرخارجہ شاہ محمودقریشی کی میڈیا سے گفتگو
ملتان (ایمرا نیوز آن لائن)
وزیرخارجہ شاہ محمودقریشی نے کہاکہ تحریک انصاف میں کوئی گروپ بندی نہیں ہے اورنہ ہی ہونی چاہیے مختلف لوگوں کی مختلف رائے ہوتی ہے اورجمہوریت میں اختلاف رائے ہوتابھی ہے ۔عمران خان ٹیم کے کپتان ہیں وہی فیصلہ کریں گے کہ کس کوکہاں کھیلناہے اورکس سے کیاکام لیناہے ۔جمعرات کو میڈا سے بات چیت کرتے ہوئے انہوں نے کہا کہ اسدعمر تحریک انصاف کے کارواں کے صف اول کے سپاہی تھے ہیں اوررہیںگے ۔

مشکل حالات میں جس تندہی اورایمانداری سے انہوںنے اپنی ذمہ داریاں اداکی ہیںان کی کاوشوں کامعترف ہوں ۔انہوںنے کہاکہ پی ٹی آئی کی حکومت کواقتدار سنبھالتے ہی تاریخی تجارتی ومالیاتی خسارہ کی معیشت ورثے میں ملی تھی قرضے تاریخی حدوں کو چھورہے تھے ، سابقہ حکومتوں نے بے دریغ لے کرایسے پروجیکٹس پرخرچ کئے جوعوام کوزیادہ فوائد نہ دینے والے تھے ۔

زراعت اورمینوفیکچرنگ ان کی ترجیح نہیںتھے ۔ڈائریکٹ بیرونی انویسمنٹ بہت گررہی تھی ۔بے دردی سے ملکی خزانہ لوٹاگیا۔ڈالرکومصنوعی طورپرخاص سطح پررکھاگیا۔ پی ایم ایل (این )کی حکومت نے اقتدار سنبھالتے ہی480ارب روپے کاگردشی قرضہ یک مشت اداکردیالیکن جب وہ اقتدارسے گئے تو1200ارب کاگردشی قرضہ پھرچھوڑ گئے ۔عمران خان نے ملک کے بہتر مستقبل کے لئے مشکل فیصلے کئے ہیں تاہم معیشت کی بہتری میں وقت لگے گا۔
انہوںنے کہاکہ بارشوں نے شدید نقصان کیاہے ۔ضلعی حکومتوں کوکہاہے کہ وہ نقصانات کی رپورٹ تیارکرکے حکومت کودیں جس کے بعد نقصانات والے اضلاع کو آفت زدہ قراردیاجائے گا۔ہم کسانوں کے مسائل کوسمجھتے ہیں ۔وزیرخارجہ نے کہاکہ دہشت گردی سے ہمارے حوصلے پست نہیں ہوں گے ہم نے پہلے بھی دہشت گردوں کامقابلہ کیاہے اب بھی اس کو جڑ سے اکھاڑ پھینکیں گے پوری قوم ہم سے فوج کے ساتھ کھڑے ہیں ۔
انہوںنے کہاکہ بھارت نے پلوامہ کے معاملے پرغیر ذمہ دارانہ رویہ اپنایاکچھ قوتیں پاکستان کاامن تباہ کرناچاہتی ہیںہم سب کومل کر ان قوتوں سے لڑناہے ملک میں فرقہ واریت کی آگ لگانے کی کوشش ہورہی ہیں، ہزارہ کمیونٹی کے ساتھ ظلم ہواہے ۔انہوںنے کہاکہ بھارتی پائلٹ کوامن کے لئے غیرمشروط طورپررہاکیا،بھارت کے ساتھ مسائل کاحل صرف مذاکرات ہی ہیں ۔
شاہ محمودقریشی نے کہاکہ صدارتی نظام کی باتیں قیاس آرائیاں ہیں ایسا کچھ نہیں ہے ۔انہوںنے کہاکہ نیب آزاد اورخودمختار ادارہ ہے اس کوآزادانہ کام کرنے دیں جن کیسز پروہ کام کررہاہے یہ پی ٹی آئی کی حکومت نے نہیں بنائے سابقہ دورمیں بنائے گئے تھے ۔اب نیب زدہ سیاست دان اپنے کیسز کوسیاست کی نذرکرناچاہتے ہیں تاہم عوام بھی یہی چاہتی ہے کہ کرپٹ لوگوں کاسخت احتساب ہو۔ایک سوال کے جواب میںشاہ محمودقریشی نے کہاکہ بھارت میں انتخابات ہورہے ہیں وہاں جو بھی منتخب حکومت ہوگی ہم اس سے مذاکرات کے ذریعے باہمی مسائل کے حل کے لئے کام کریں گے ۔