Tag ممبئی

ممبئی(ویب ڈیسک)بالی ووڈ کنگ شاہ رخ خان کے بیٹے آریان خان کو منشیات استعمال کرنے کے الزام میں این سی بی نے حراست میں لے لیا۔
بھارتی میڈیا کے مطابق نارکوٹکس کنٹرول بیورو(این سی بی) نے 2 اکتوبر کی رات ممبئی کے ساحل پر ایک بحری جہاز پر پر منعقد ہونے والی پارٹی پر اچانک چھاپہ مارا اور چھاپے کے دوران دس افراد کو گرفتار کیا گیا ہے۔ رپورٹس میں یہ بھی کہا جارہا ہے کہ ایک بڑے بالی ووڈ اداکار کے بیٹے کو اس معاملے میں حراست میں لیا گیا ہے۔
بھارتی چینل ای ٹائمز نے آج صبح این سی بی کے ایک سینئر عہدیدار سے بالی ووڈ اداکار کے بیٹے کو حراست میں لینے کی تصدیق کی اور یہ بات سامنے آئی کہ بالی ووڈ کنگ شاہ رخ خان کے بڑے بیٹے آریان خان کو این سی بی حکام نے منشیات استعمال کرنے کے الزام میں حراست میں لیا ہے۔
این سی بی کے سینئر عہدیدار نے بتایا کہ اس پر تحقیقات جاری ہیں۔ ذرائع نے بتایا کہ آریان خان کو تفتیش کے لیے لے جایا گیا ہے اور این سی بی حکام اس سے کروز شپ پر ہونے والی ریو پارٹی کے سلسلے میں پوچھ گچھ کررہے ہیں۔
تاہم این سی بی کے زونل ڈائریکٹر سمیر وان کھیڑے کا کہنا ہے کہ آریا ن خان پر فی الحال کسی الزام کے تحت مقدمہ درج نہیں کیا گیا ہے اور نہ ہی اسے گرفتار کیا گیا ہے۔ این سی بی آریان سے صرف پوچھ تاچھ کررہی ہے۔ اس کے علاوہ این سی بی نے کروز پارٹی کی منصوبہ بندی کرنے والے چھ منتظمین کو بھی طلب کیا ہے۔
این سی بی کے ذرائع نے بتایا کہ آریان خان کا فون ضبط کرلیا گیا ہے اور حکام کی جانب سے فون کی اسکیننگ کی جارہی ہے تاکہ اس کے منشیات کے قبضے یا منشیات کےاستعمال میں ملوث ہونے کے سلسلے میں جانچ پڑتال کی جاسکے۔
این سی بی نے دہلی سے کروز پارٹی میں شامل ہونے والی تین لڑکیوں کو بھی حراست میں لیاہے اور ان سے تفتیش کی جا رہی ہے، بتایا جا رہا ہے کہ یہ تینوں لڑکیاں بھارت کے نامور بزنس مین کی بیٹیاں ہیں۔گزشتہ روز اے این آئی نے ممبئی کے ساحل پر موجود کروز شپ پر منعقد ہونے والی پارٹی میں چھاپہ مارنے کی تصدیق کی تھی اور کہا تھا کہ نارکوٹکس کنٹرول بیورو نے چھاپے کے دوران کم از کم 10 افراد کو حراست میں لیا ہے۔

ممبئی(ویب ڈیسک) ماضی کے ایکشن ہیرو شتروگھن سنہا کی پنجابی کڑی سونا کشی سنہا نے لائیو شو میں میزبان کپل شرما کو مکا مار دیا جس کی ویڈیو سوشل میڈیا پر وائرل ہوگئی۔

سلو بھائی کی فلم دبنگ سے شہرت کی بلندیوں کو چھونے والی اداکارہ سوناکشی سنہا اپنے والد شتروگھن سنہا سے بہت محبت کرتی ہیں اور اس کا اظہار وہ کئی مواقعوں پر کر چکی ہیں تاہم یہ بات معروف میزبان کپل شرما بھول گئے اور لائیو شو میں اپنی درگت بنوا ڈالی۔

فلم دبنگ کی نازک لڑکی حقیقی زندگی میں کبھی کبھی اپنی فلم ’’اکیرا‘‘ کی دلیر لڑکی بن جاتی ہیں ایسا ہی کچھ کپل شرما میں ہوا جس میں وہ شو کے میزبان کو گھونسے مارتے ہوئے دکھائی دیتی ہیں۔
کپل شرما نے سماجی رابطے کی ویب سائٹ پر ایک ویڈیو وائرل کی ہے جس میں دیکھا جا سکتا ہے کہ سوناکشی سنہا اپنی نئی میوزک ویڈیو کی پروموشن کے دوران جب گانا گا رہی ہوتی ہیں تو کپل شرما شرارتاً ان کے والد شتروگھن سنہا کا مزاحیہ انداز میں ذکر کرتے ہیں۔
اس پر سوناکشی سنہا کپل شرما کو مکا مار دیتی ہیں تاہم اس مختصر ویڈیو میں ایسا محسوس ہوتا ہے جیسے سوناکشی یہ مکا مذاقاً رسید کیا ہے۔ کپل شرما نے کا یہ پروگرام ابھی آن ایئر نہیں ہوا ہے۔ کپل شرما نے ویڈیو ریلیز کرتے ہوئے کیپشن میں بھی لکھا کہ یہ پہلی ریل شیئر کی ہے۔

ممبئی(ویب ڈیسک) بالی وڈ اداکارہ سوناکشی سنہا نے فلم انڈسٹری میں اقربا پروری پر خاموشی تور دی ہے۔پنک ولا ویب سائٹ کو انٹرویو دیتے ہوئے اداکارہ سوناکشی سنہا نے انکشاف کیا کہ میں نے ماضی میں بہت سی فلمیں گنوا دیں، اداکار کی بیٹی ہونے کے باوجود بہت سے فلموں کا حصہ نہیں بن سکی۔اقربا پروری پر گفتگو کرتے ہوئے سوناکشی سنہا نے کہا کہ کسی بھی فلم کو گنوا دینا ہمارے کام کا حصہ ہے، اداکاروں کے بچوں کو بھی فلموں میں جگہ نہیں دی جاتی، اس پر افسوس نہیں کرنا چاہیے کیونکہ ایسا سب کے ساتھ ہوتا ہے۔
سوناکشی سنہا نے ہر کسی کو اس صورتحال سے نمٹنے کی تلقین کرتے ہوئے کہا کہ اس بارے میں بات کرنا وقت کا ضیاع سمجھتی ہوں، ہمیں اپنے کام پر توجہ مرکوز رکھنی چاہیے۔اپنے والد اور بالی وڈ کے معروف اداکار شتروگھن سنہا کی مثال دیتے ہوئے سوناکشی سنہا نے کہا کہ والد نے بھی اپنے وقت میں بہت سے فلمیں گنوائی، فلم کا حصہ نہ بننا کوئی حیران کن بات نہیں ایسا سب کے ساتھ ہوتا ہے۔خیال رہے کہ اداکارہ سوناکشی سنہا کو حال ہی میں او ٹی ٹی پلیٹ فارم پر ریلیز ہونے والی فلم میں اداکار اجے دیوگن، سنجے دت اور اداکارہ نورا فتیحی کے ساتھ دیکھا گیا ہے۔

ممبئی (ویب ڈیسک) بالی وڈ کی بلاک بسٹر فلم ’لگان‘ میں معاون اداکارہ پروینہ نے اداکار عامر خان سے مالی مدد کی اپیل کردی ہے۔

ای ٹائمز سے گفتگو کرتے ہوئے ’لگان‘ کی اداکارہ پروینہ نے کہا ہے کہ میری فیملی نے ہمیشہ میری مدد کی، کچھ دوست میری بہت دیکھ بھال کرتے ہیں، طبیعت کی خرابی کے باعث مالی مشکلات سے دو چار ہوں، میں کاسٹنگ ڈائریکٹر کے طور پر کام کرنا چاہتی ہوں۔جب ان سے پوچھا گیا کہ وہ فلم ’لگان‘ میں اپنے کو-اسٹار عامر خان سے کیا کہنا پسند کریں گی تو پروینہ نے کہا کہ مجھے کام کی ضرورت ہے اور میں درخواست کرتی ہوں کہ مجھے کام دیا جائے۔
اداکارہ نے کہا کہ عامر خان میری صحت کی خرابی کے بارے میں نہیں جانتے، اگر انہیں اس کا علم ہوتا تو وہ میری مدد کو ضرور آتے، عامر خان کو صرف اتنا کہنا چاہتی ہوں کہ وہ مجھے اپنے دفتر میں کام دے دیں۔
پروینہ نے کہا کہ 2012ء سے جوڑوں کے درد میں مبتلا ہوں جس کی وجہ سے کسی فلم میں اداکاری نہیں کرسکتی، کچھ عرصے قبل صحت بہتر ہونے پر میں نے کاسٹنگ ڈائریکٹر کے طور پر کام کرنا شروع کردیا تھا، دوبارہ اسی کام کو جاری رکھنا چاہتی ہوں، لیکن اس کے لیے یہ بھی ضروری ہے کہ میں خود کو سنبھالنے کے قابل ہو جاؤں۔اداکارہ پروینہ کو گزشتہ سال برین اسٹروک (دماغ کا فالج) ہوا تھا۔ وہ اب تک مکمل صحت یاب نہیں ہوئیں مگر کاسٹنگ ڈائریکٹر کے طور پر کام کرنے کی خواہش مند ہیں۔ گزشتہ سال اداکار اکشے کمار اور سونو سود نے ان کی مالی مدد کی تھی۔

ممبئی(ویب ڈیسک) بالی ووڈ کے سلطان سلمان خان بگ باس سیزن 15کے لیے 350 کروڑ روپے معاوضہ لیں گے۔گزشتہ 11 سیزن سے بھارتی ٹی وی کے رئیلیٹی شو بگ باس کی میزبانی کرنے والے بالی ووڈ کے سلومیاں ایک بار پھر بگ باس سیزن 15 کی میزبانی کے لیے تیار ہیں۔ بگ باس کا نیا سیزن اکتوبر میں پیش کیا جائے گا۔ رپورٹس میں کہا جارہا ہے کہ اس بار سلومیاں شو کی میزبانی کرنے کا دگنا معاوضہ لیں گے۔

بھارتی میڈیا کے مطابق سلمان خان کا میزبانی کرنے کا منفرد انداز اور بطور فلم اسٹار ان کی شہرت ہر سیزن میں بگ باس کی مقبولیت میں اضافے کا باعث بنتی ہے۔ اور بگ باس شو کے ہٹ ہونے کی ایک بڑی وجہ سلمان خان کو قرار دیا جاتا ہے۔ یہی وجہ ہے کہ سلمان خان ہر سیزن کے ساتھ اپنے معاوضے میں اضافہ کرنے کا مطالبہ کرتے ہیں اور بھاری رقم وصول کرتے ہیں اور شو انتظامیہ بھی بخوشی ان کا مطالبہ پورا کرتی ہے۔
سلمان خان رئیلیٹی شو کے سب سے زیادہ معاوضہ لینے والے میزبان رہے ہیں۔ پچھلے سال بگ باس 14 کے آغاز سے قبل ایک رپورٹ میں کہا گیا تھا کہ سلومیاں نے بگ باس سیزن 4 سے 6 تک فی قسط ڈھائی کروڑ روپے معاوضہ وصول کیا تھا۔ سیزن 7 کے لیے ان کی فیس دگنی ہوگئی تھی اور انہوں نے شو کی فی قسط کا معاوضہ 5 کروڑ روپے لیا تھا۔

رپورٹس کے مطابق بگ باس سیزن 13 میں انہوں نے فی ہفتہ 13 کروڑ روپے لیے تھے۔ اور اب کہا جارہا ہے کہ سلومیاں سیزن 15 کی میزبانی کے لیے 14 ہفتوں کا معاوضہ 350 کروڑ روپے وصول کریں گے یعنی ہر ہفتے انہیں 25 کروڑ روپے معاوضہ دیا جائے گا۔ یاد رہے کہ سلمان خان ہفتے میں دو دن بگ باس شو کی میزبانی کرتے ہیں۔
بگ باس بھارتی ٹی وی کا مقبول ترین رئیلیٹی ٹی وی شو ہے۔ شو کی مقبولیت کے پیش نظر یہ گزشتہ کئی برسوں سے ٹی وی پر نشر کیا جارہا ہے۔ شو میں بھارتی شوبز انڈسٹری کے مختلف پلیٹ فارمز جیسے فلم، ٹی وی اور ماڈلنگ کی دنیا کے کئی ستارے حصہ لیتے ہیں اور چند ماہ کے لیے ایک گھر میں ساتھ رہتے ہیں۔ اس دوران انہیں باہر کی دنیا کی کوئی خبر نہیں ہوتی اور جو کھلاڑی گھر میں سب سے آخر تک رہتا ہے وہ شو کا فاتح ہوتا ہے جسے شو جیتنے پر ایک بڑی رقم دی جاتی ہے۔
اس شو کو جتنا دلچسپ اس میں حصہ لینے والے فنکار بناتے ہیں اتنا ہی سلمان خان کی میزبانی کو بھی پسند کیاجاتا ہے اور لوگ سلو میاں کی منفرد انداز میزبانی کی وجہ سے بھی شو کو دیکھتے ہیں۔

ممبئی(ویب ڈیسک)بالی ووڈ اداکارہ پریانکا چوپڑا نے رئیلیٹی شو’’دی ایکٹیوسٹ‘‘ کا حصہ بننے پر معافی مانگ لی۔

گزشتہ ہفتے خبریں سامنے آئی تھیں کہ اداکارہ پریانکا چوپڑا امریکی رئیلیٹی شو’’دی ایکٹیوسٹ‘‘ کا حصہ بن گئی ہیں اور امریکی گلوکار وسونگ رائٹر اشر اور جولیانے کے ساتھ شو کو جج کریں گی۔
دراصل یہ رئیلیٹی شو 6 سرگرم کارکنوں کی تین ٹیموں پر مبنی تھا جو سماجی مسئلوں پر آواز اٹھاتے ہیں اور معاشرے میں تبدیلی لاتے ہیں۔ شو کا بنیادی مقصد بھی یہی تھا کہ اس میں حصہ لینے والے تمام کھلاڑی ایک دوسرے سے مقابلہ کرتے ہوئے معاشرے میں تبدیلی لے کر آئیں۔
شو کے فارمیٹ کے مطابق اس میں 6 لوگ حصہ لینے والے تھے اور پریانکا، اشر اور جولیانا ان 6 لوگوں کی تین ٹیموں کے جج تھے۔ شو میں یہ تینوں ٹیمیں اپنے مقاصد کے حصول کے لیے ایک دوسرے کے خلاف مقابلہ کرنے والی تھیں اور جو ٹیم سب سے اچھا مظاہرہ کرتی اسے فاتح قرار دیاجاتا۔

تاہم سوشل میڈیا پر شو کے فارمیٹ کو لے کر تنازع کھڑا ہوگیا اور لوگوں نے اس پر تنقید کرنی شروع کردی۔ لوگوں کا شو کے بارے میں کہنا ہے کہ سماجی کارکن ایک دوسرے کے خلاف مقابلہ نہیں کرتے بلکہ یہ شو ایک دوسرے کے ساتھ تعاون کرتے ہوئے سماجی تبدیلی لانے کے بارے میں ہونا چاہئے تھا۔

لوگوں نے یہ بھی کہا کہ اس شو میں بہت زیادہ پیسہ خرچ کیا جارہا ہے بڑے بڑے اور مہنگے سیلیبریٹیز کو شو میں لایا جارہاہے تو اس سے بہتر تو یہ ہے کہ آپ یہ پیسہ ٹی وی شو میں لگانے کے بجائے براہ راست سماج میں تبدیلی لانے کے لیے خرچ کریں۔ لوگوں نے شو کے اعلان کے بعد بڑی تعداد میں منفی ردعمل دیا اور شو کو بے حسی پر مبنی قرار دیا۔

شو کو ملنے والے منفی ردعمل کے بعد پریانکا چوپڑا نے اپنے سوشل میڈیا اکاؤنٹ پر ایک آفیشل بیان جاری کیا ہے جس میں انہوں نے اپنے مداحوں کو مایوس کرنے پر معافی مانگی ہے۔ اپنی پوسٹ میں انہوں نے اس بات کا بھی ذکر کیا ہے کہ میکرز اس شو کے فارمیٹ کا دوبارہ جائزہ لے رہے ہیں۔

پریانکا چوپڑا نے اپنی پوسٹ میں لکھا میں گزشتہ ہفتے سے آپ لوگوں کا ردعمل دیکھ رہی ہوں اور جب لوگ بڑی تعداد میں کسی چیز کے بارے میں آواز اٹھاتے ہیں تو ہمیشہ اس کا اثر ہوتا ہے۔ شو غلط ہوگیا اور مجھے افسوس ہے کہ شو میں میری شرکت نے آپ میں سے بہت سے لوگوں کو مایوس کیا۔

’’دی ایکٹیوسٹ‘‘ رئیلیٹی شو سی بی ایس اور گلوبل سٹیزن کے تعاون سے پیش کیاجارہا تھا۔ تاہم بدھ کے روز سی بی ایس اور ان کے پروڈکشن پارٹنر زگلوبل سٹیزن اور لائیو نیشن نے اپنے ایک بیان میں کہا کہ وہ ’’دی ایکٹیوسٹ‘‘ کی پانچ قسطوں پر مشتمل مقابلہ سیریز کے بجائے اب اسے ایک وقتی دستاویزی فلم کے طورپر دوبارہ تشکیل دے رہے ہیں۔

ممبئی(ویب ڈیسک) بالی وڈ کی ’بیبو‘ اداکارہ کرینہ کپور کو ممبئی ایئرپورٹ پر سیکیورٹی اہلکاروں کی جانب سے روکنے کی ویڈیو وائرل ہوگئی ہے۔

اداکارہ کرینہ کپور کو اپنے شوہر اداکار سیف علی خان اور دو بیٹوں کے ہمراہ ممبئی ایئرپورٹ پر دیکھا گیا ہے۔ سیف علی خان پاسپورٹ اور ٹکٹ دکھا کر بیٹے تیمور علی خان کے ہمراہ ایئرپورٹ میں داخل ہوگئے جبکہ اداکارہ کرینہ کپور کو سینٹرل انڈسٹریل سکیورٹی فورس (سی آئی ایس ایف) کے اہلکاروں نے کچھ دیر کے لیے روک لیا۔
سیف علی خان تیمور علی خان کے ہمراہ آگے چلے گئے اور جب پلٹ کر دیکھا تو سیکیورٹی اہلکاروں نے کرینہ کپور کو روک رکھا تھا۔ اہلکاروں نے اداکارہ کے پاسپورٹ اور ٹکٹ کا جائزہ لینے کے بعد انہیں اپنے چھوٹے بیٹے جہانگیر علی خان کے ہمراہ ایئرپورٹ میں داخلے کی اجازت دی۔
کرینہ کپور کو ایئرپورٹ پر روکنے کی ویڈیو سوشل میڈیا پر وائرل ہوگئی۔ یہ معلوم نہیں ہوسکا کہ کرینہ کپور اور سیف علی خان بچوں کے ہمراہ کس شہر یا ملک جا رہے تھے۔ اس سے قبل معروف اداکار سلمان خان کترینہ کیف کے ہمراہ ٹائیگر فرنچائز کی تیسری فلم کی شوٹنگ کے لیے روس جانے کی غرض سے ممبئی ایئرپورٹ پہنچے تھے جہاں مداحوں اور صحافیوں کی بڑی تعداد نے انہیں گھیر لیاتھا۔ ہجوم اور لوگوں کی زیادہ تعداد کے سبب ایئرپورٹ پر سی آئی ایس ایف کے افسر نے انہیں سکیورٹی چیک

ممبئی(ویب ڈیسک)بالی وڈ اداکارہ کنگنا رناوت بھارت کی خوبرواداکارہ ہیں اور فلم میں ان کی موجودگی فلم ہٹ ہونے کی دلیل بھی سمجھی جاتی ہے،ان کی پرکشش شخصیت کی وجہ سے لوگ انہیں‌پسند کرتے ہیں،نہ صرف یہ بلکہ ان کی اداکاری بھی اپنی نوعیت کی بہترین خصوصیت سمجھی جاتی ہے…انہوں نے اپنی آنے والی نئی فلم ’تھالے وی‘ کی پروموشن میں رکاوٹ پر اسٹاگرام انتظامیہ پر برہمی کا اظہار کیا ہے۔
اداکارہ کنگنا رناوت نے انسٹاگرام اسٹوری کے ذریعے انسٹاگرام انتظامیہ کو مخاطب کرتے ہوئے کہا ہے کہ میں اپنی پروفائل میں نئی فلم کے ٹیلر کا لنک لگانا چاہتی ہوں۔ چونکہ میرا اکاؤنٹ ویریفائیڈ ہے اور گزشتہ کئی سالوں سے اسے استعمال کر رہی ہوں اس کے باوجود مجھے پروفائل میں ردوبدل کے لیے انسٹاگرام سے اجازت لینے کی ضرورت پڑتی ہے۔
کنگنا رناوت نے لکھا کہ بھارت میں موجود آپ کی ٹیم مجھے کہتی ہیں کہ انہیں اپنے بین الاقوامی مالکان سے اجازت لینی ہوتی ہے، اس مسئلے کو ایک ہفتہ گزر چکا ہے اور مجھے ایسا محسوس ہو رہا ہے کہ میں بےوقوف گوروں کے ایک گروہ کی غلام ہوں، اپنی ایسٹ انڈیا کمپنی کے رویے کو تبدیل کریں۔
اداکارہ نے ایک اور انسٹاگرام اسٹوری میں لکھا کہ جب سے میں نے اپنی فلم کی پروموشن کے لیے انسٹاگرام پر اپنے نام کے ساتھ تھالے وی لکھا ہے تب سے ایڈیٹ سیکشن لاک ہوگیا ہے اور میں انسٹاگرام کی ٹیم کی اجازت ملنے کا انتظار کر رہی ہوں۔کنگنا رناوت نے آخر میں کہا کہ اس طرح کا غیر پیشہ وارانہ رویہ کسی صورت قابل برداشت نہیں ہے۔

ممبئی (ویب ڈیسک)بالی وڈ اداکار اور بگ باس 13 کے فاتح سدھارتھ شکلا کل اچانک دل کا دورہ پڑنے سے انتقال کرگئے .ان کی آخری رسومات میں شوبز کی کئی ہستیوں نے شرکت کی .اسی حوالے سےشہناز گِل کی سدھارتھ شکلا کی آخری رسومات میں شرکت کی ویڈیو وائرل ہو رہی ہے۔تفصیلات کے مطابق سوشل میڈیا پلیٹ فارم انسٹاگرام پر ایک ویڈیو شئیر کی گئی ہے جس میں شہناز گِل کو ان کے بھائی کے ہمراہ گاڑی میں بیٹھے دیکھا جا سکتا ہے. ویڈیو میں دیکیھا جا سکتا ہے کہ شہناز گِل سکتے کی حالت میں ماسک لگائے بکھرے بالوں کے ہمراہ روتے ہوئے آئی ہیں‌۔ بھارتی میڈیا رپورٹس کے مطابق شہناز گل کے والد کا بیان ہے کہ شہناز بہت شدید صدمے میں ہے اس کا بہت بُرا حال ہے اور وہ اپنے حواس کھو بیٹھی ہے۔