Tag ایمرا نیوز آن لائن

چین (میڈیا 92نیوز آن لائن)
چین میں دلچسپ لائٹ شو کا انعقاد کیا گیا جس میں عمارتوں پر لائٹ پراجیکشن کے ذریعے ایسے دلچسپ نظارے ترتیب دیئے گئے کہ دیکھنے والے مبہوت رہ گئے اور شہر روشنیوں سے جگمگا اُٹھا۔ چین میں منعقد ہونے والے اس لائٹ شو میں شہر کی 9سو سے زائد عمارتوں تھری ڈی آرٹ اور لائٹ پراجیکشن کے ذریعے ایسے خوبصورت اور دلچسپ نظارے ترتیب دیئے گئے کہ دیکھنے والے مبہوت رہ گئے۔

(ایمرا نیوزآن لائن ) فلم ’چائلڈز پلے‘کی نئی سنسنی خیز جھلکیاں
خوف اور دہشت سے بھرپور فلموں کے دیوانے ہوجائیں تیار کیونکہ ہالی ووڈ ہارر تھرلر فلم چائلڈز پلے کی نئی سنسنی خیزجھلکیاں جاری کردیگئیں۔

لارس کلیوبرگ کی ہدایتکاری میں بننے والی یہ فلم 1988میں ریلیز ہونے والی فلم چائلڈز پلے کا ری میک ہے جس میں ایک بار پھر ایک پراسرارکھلوناخوف پھیلاتا دکھائی دے گا۔

فلم کی کاسٹ میں اوبرے پلازا،جیبرئیل بیٹ مین،برائن ٹیری،ٹم میتھسن،مارلن کزاڈی،نیکول اینتھونی،امبر ٹیلر اور مائیکل برڈاک سمیت دیگر اداکار شامل ہیں۔

فلم21جون کو سینما گھروں میں نمائش کیلئے پیش کی جائے گی۔

(ایمرا نیوزآنلائن) بالی ووڈ کے کنگ شاہ رخ خان نے گزشتہ روز سوشل میڈیا پر ایک تصویر شیئر کی جس میں وہ، اُن کی اہلیہ گوری خان اور چھوٹا بیٹا ابراہم ووٹ ڈالنے جارہے ہیں۔ اس پر لوگوں نے سوال کیا کہ آپ ابراہم کو کیوں ساتھ لے کر گئے؟

بھارتی اخبار ہندوستان ٹائمز کے مطابق سوشل میڈیا سائٹ انسٹا گرام پر سپر اسٹار شاہ رخ خان کی جانب سے شیئر کی گئی تصویر پر مداحوں کے سوال کا جواب دیتے ہوئے شاہ رخ خان نے لکھا کہ ’’وہ ابراہم کو ’بوٹنگ اور ووٹنگ‘ میں فرق بتانے کے لیے اپنے ساتھ پولنگ اسٹیشن لے کر گئے۔ ‘‘
https://www.instagram.com/p/Bw1uXvgALLB/
شاہ رخ خان نے مزید کہا کہ کیونکہ ابراہم ہمیشہ ان دو لفظوں میں بہت پریشان نظر آتا ہے اس لیے انہوں نے فیصلہ کیا کہ ابراہم کو ساتھ لے جاکر انہیں اس کا فرق بتا ئیں۔

اس کے علاوہ کنگ خان نے اپنے انسٹاگرام اکائونٹ پر ایک ویڈیو بھی شیئر کی ہے جو کہ مداحوں کی جانب سے بے حد پسند کی جارہی ہے، اس ویڈیو میں شاہ رخ خان کے ہاتھ میں ایک کافی کا کپ موجود ہے اور کافی کے اُوپر اُن کی تصویر بنی ہوئی ہے۔

https://www.instagram.com/p/BwwoHiFAv5D/

ویڈیو کے ساتھ انہوں نے کیپشن میں لکھا کہ ’’دبئی میں کالیان جیولرز کے ساتھ کافی ، براہ مہربانی میری کافی میں میٹھا (شکر) نہیں۔۔ میں صرف خود کو چاٹنا(lick) چاہتا ہوں۔ ‘‘

دوسری جانب شاہ رخ خان نے یہ بھی بتایا ہے کہ وہ اگلے دو تین مہینوں میں کوئی فلم سائن کرنے کے موڈ میں نہیں ہیں بلکہ اس وقت وہ اپنا زیادہ سے زیادہ ٹائم صرف فلمیں دیکھنے، فلموں کے اسکرپٹ پڑھنے اور کتابیں پڑھنے کے لیے نکالنے چاہتے ہیں۔ اس کے علاوہ انہوں نے یہ بھی کہا کہ اُن کے بچے تقریباً اپنا کالج ختم کرچکے ہیں، وہ اپنے گھر والوں کے ساتھ وقت گزارنا چاہتے ہیں۔

انہوں نے مزید کہا کہ وہ اب تک 15 سے 20 فلموں کے اسکرپٹ پڑھ چکے ہیں، جس میں سے دو تین اُن کو پسند بھی آئے ہیں لیکن ابھی تک انہوں نے یہ فیصلہ نہیں کیاکہ وہ کون سی فلم سائن کریں گے۔

فلم زیرو کی ناکامی کے بعداُن کا کہنا ہے کہ وہ اگلی مرتبہ کم نقصان پہنچانی والے پروجیکٹ کا انتخاب کریں گے۔

(ایمرا نیوز آن لائن) بالی ووڈ فلم انڈسٹری کےمعروف ہدایت کار اور میزبان کرن جوہر نے اداکارہ کاجول اور کھلاڑی اداکار اکشے کمار سے متعلق ایک اہم انکشاف کیا ہے۔

ہندوستان ٹائمز کی رپورٹ کے مطابق ہدایت کار کرن جوہر نے مشہور بھارتی شو ’دی کپل شرما شو‘ میں بات چیت کرتے ہوئے بتایا کہ ’کاجول اپنے کیرئیر کے آغاز میں اکشے کمار کو بے حد پسند کرتی تھیں اور اکشے کی ایک جھلک دیکھنے کے لئے بے تاب تھیں۔‘

اس شو میں کرن جوہر کے ہمراہ اداکارہ کاجول بھی موجود تھیں، دونوں فنکاروں نے اپنی گہری دوستی کے حوالے سے بے شمار باتیں کیں اور بتایا کہ یہ دونوں پہلی مرتبہ ایک فلم کی پارٹی کے موقع پر ملے تھے جہاں کاجول نے کرن کو بتایا کہ وہ اکشے کو پسند کرتی ہیں۔
کاجول کے اس انکشاف کے بعد کرن جوہر نے بھی اُن کی بھرپور حمایت کی جس کے بعد کاجول اور اکشے نے ایک ساتھ فلم ’یہ دل لگی‘ کی، جس میں اُن نے ساتھ اداکار سیف علی خان بھی تھے۔

کرن جوہر نے مزید انکشاف کرتے ہوئے بتایا کہ کاجول اور اُن کی بہت پرانی دوستی ہے لیکن آج تک کاجول کو اُن کی سالگرہ کی تاریخ یاد نہیں ہوئی ہے، یا تو وہ اُنہیں سالگرہ سے قبل ہی مبارک باد دے دیتی ہیں اور کبھی ایسا ہوتا ہے کہ اُن کی تاریخ پیدائش گزر جانے کے بعد کاجول انہیں مبارک باد کے لیے فون کررہی ہوتی ہیں۔

واضح رہے کہ کاجول بالی ووڈ کے مشہور اداکار اجے دیوگن کی اہلیہ ہیں، ان کی شادی آج سے 20 سال قبل 24 فروری 1999 میں ہوئی تھی جبکہ اکشے کمار اور اداکارہ و مصنفہ ٹوئنکل کھنہ 17 جنوری 2001 میں شادی کے بندھن میں بندھے تھے۔

ایونجرز سیریز کی نئی فلم ایونجرز اینڈ گیم نے اوپننگ ویک اینڈ پر کمائی کے نئے ریکارڈز قائم کردیے ۔ فلم نے 3 دن میں دنیا بھر سے ایک کھرب انہتر ارب روپے کما لیے۔ کہا جارہا ہے کہ یہ فلم دنیا میں اب تک کی سب سے زیادہ کمائی کرنے والی فلم ایواتارکا ریکارڈ توڑ دے گی۔

ایونجرز اینڈ گیم نے اوپننگ ویک اینڈ پر دنیا کی سب سے بڑی مووی مارکیٹ نارتھ امریکا میں پینتیس کروڑ ڈالر یعنی چار ارب چورانوے کروڑ روپے سے زائد کا بزنس کیا۔

دنیا کی دوسری سب سے بڑی مووی مارکیٹ چین میں سب سے کامیاب غیر ملکی فلم کا ریکارڈ توڑا اور تینتیس کروڑ پانچ لاکھ ڈالر یعنی چار ارب سڑسٹھ کروڑ روپے کمائے۔

اوینجرز اینڈ گیم اوپننگ ویک اینڈ پر دنیا بھر سے مجموعی طور پر ایک ارب بیس کروڑ ڈالر یعنی ایک کھرب انہتر کروڑ روپے کما کر اوپننگ ویک اینڈ پر سب سے زیادہ کمائی کرنے والی فلم بھی بن گئی ہے۔

ایونجرز اینڈ گیم اب ایواتار اور ٹائی ٹینک کا ریکارڈ توڑنے کی جانب گامزن ہے ۔ ایواتار دنیا میں اب تک کی سب سے زیادہ کمائی کرنے والی فلم ہے جس کا مجموعی بزنس دو ارب اناسی کروڑ ڈالر یعنی تین کھرب چورانوے ارب روپے تھا۔

اس فہرست میں ٹائی ٹینک کا دوسرا نمبر ہے جس نے مجموعی طور پر دو ارب انیس کروڑ ڈالر یعنی تین کھرب نو ارب روپے سے زائد کا بزنس کیا تھا۔

(ایمرا نیوز آن لائن) شہنشاہ ظرافت کا خطاب پانے والے نامورپاکستانی کامیڈین منور ظریف کی 43ویں برسی آج منائی جا رہی ہے۔

اپنی بے ساختہ اداکاری سے شائقین کے چہرے پر مسکراہٹ بکھیردینے والے مانہوں نے اپنے کیرئیر کا آغاز 1961میں ریلیز ہونیوالی فلم ڈنڈیاں سے کیا جس کے بعد ان کی مقبولیت میں دن بدن اضافہ ہوتا چلا گیا۔ 1973 میں وہ پہلی بار اردو فلم” پردے میں رہنے دو “میں سائیڈ ہیرو کے روپ میں سامنے آئے اور اسی سال ایک اور فلم” رنگیلا اور منور ظریف” کی کامیابی نے انہیں سپر اسٹار بنا دیا۔

ان کے کیرئیر کی لازوال فلم بنارسی ٹھگ رہی جس میں منور ظریف نے مختلف گیٹ اپ کئے اور اپنے ورسٹائل اداکار ہونے کی مہر ثبت کردی۔ انکی مزاحیہ اداکاری کا انداز منفرد اور نرالا تھا جسکے باعث انہوں نے مزاحیہ اداکاری میں اپنا نام کمایا جسے آج بھی کسی نہ کسی شکل میں دور حاضر کے کامیڈین نقل کرتے نظر آتے ہیں۔منور ظریف جب اسکرین پر جلوہ گر ہوتے تو لوگ انکی باتوں پر لوٹ پوٹ ہوتے دکھائی دیتے۔

ہیرو کے طور پر انکی قابل ذکر فلموں اج دا مہینوال، جیرابلیڈ، شریف بدمعاش،بنارسی ٹھگ، کل کل میرا ناں، رنگیلا اور منورظریف، نوکر ووہٹی دا، رنگیلا عاشق اور دوسری کئی فلمیں شامل ہیں جبکہ 1971،1973اور 1975ء میں انہیں عشق دیوانہ، بہارو پھول برساؤ اور زینت میں بہترین مزاحیہ اداکاری پر نگار ایوارڈ دیئے گئے جس کے بعد کامیڈی فلموں کا ایک نیا دور شروع ہوا۔ انہی کے قدم پر چل کر علی اعجاز، ننھااور عمر شریف وغیرہ نے اسکرین پر کئی عرصے تک راج کیا۔

رنگیلااور منور ظریف کی فلمی جوڑی کو فلم کی کامیابی تصور کیا جاتا تھا۔انہوں نے اپنے بیس سالہ کیرئیر میں تین سو پچیس فلموں میں اداکاری کے جوہر دکھائے۔ منور ظریف میں ایک کامیاب کامیڈین کے تمام اوصاف موجود تھے اور ان کا نام فلم کی کامیابی کی ضمانت سمجھا جاتا تھا۔نور ظریف2 فروری 1940 کو گوجرانوالہ میں پیداہوئے۔منور ظریف 29اپریل 1976 کو دل کا دورہ پڑنے کے باعث اس دنیا فانی سے رخصت ہو گئے مگر ان کے ادا کئے ہوئے کردار انہیں آج بھی انہیں مداحوں کے دلوں میں زندہ رکھے ہوئے ہیں۔

پینسلوانیہ (ایمرا نیوز آن لائن) اگر آپ خردبینی روبوٹ سے اپنے دانتوں کا میل کچیل صاف کروانا چاہتے ہیں تو یہ خبر آپ کے لیے ہے۔

یونیورسٹی آف پینسلوانیا کے بایومیڈیکل کے شعبے سے وابستہ ماہرین نے ایسے خردبینی روبوٹ تیار کیے ہیں جو دانتوں کی گہری صفائی کرتے ہیں اور انہیں دیگر کئی کاموں میں بھی استعمال کیا جاسکتا ہے۔

جامعہ نے دو طرح کے انتہائی چھوٹے روبوٹ تیار کیے ہیں جو دانتوں کے علاوہ بند نالیوں اور پائپوں کی صفائی بھی کرسکتے ہیں۔ ان میں سے ایک اوپری سطح پر کام کرتا ہے تو دوسری طرح کے روبوٹ اندرونی کونے کھدروں میں جاکر صفائی کے اہل ہیں۔
ان کا اہم مقصد کسی شے مثلاً دانت پر چڑھ جانے والی حیاتی پرت (بایو فلم) کو صاف کرنا ہے انہیں جسم کے اندر لگائے جانے والے پیوند اور برقی آلات کی صفائی کے لیے بھی استعمال کیا جاسکتا ہے۔

دانتوں کے اندر یہ بیکٹیریا اور دیگر میل کچیل کو بھی دور کرسکتے ہیں لیکن اس میں کچھ وقت ضرور لگے گا۔ یونیورسٹی کے شعبہ دنداں سے وابستہ ڈاکٹر ہیون مائیکل کوُ کے مطابق انہیں ایسی طبی بایو فلمز کے خلاف بھی استعمال کیا جاسکتا ہے جو کسی بھی دوا سے دور نہیں ہوتیں۔

اپنی ایجاد کو ماہرین نے کیٹے لیٹک اینٹی مائیکروبیئل روبوٹس ( سی اے آر) کا نام دیا ہے۔ اس کے لیے آئرن آکسائیڈ نینو ذرات کا ایک محلول بنایا جاتا ہے جسے مقناطیسی رہنمائی سے میلی سطح پر چلایا جاتا ہے اور ننھے منے روبوٹ عین اسی طرح کام کرتے ہیں جس طرح ہل کھیتوں میں چل کر مٹی اٹھاتا ہے۔

دوسرے نظام میں تھری ڈی شکلوں کے سانچوں میں نینو ذرات کے ڈلے بنائے گئے جو دشوارگزار جگہوں پر جاکر وہاں کی صفائی کرسکیں گے۔ لیکن ان کے کام کرنے کا عمل خاصہ پیچیدہ ہے جس میں ہائیڈروجن پرآکسائیڈ خارج ہوتی ہے اور اس سے فری ریڈیکلز بنتے ہیں جو بیکٹیریا تباہ اور گندگی صاف کرتے ہیں۔ اب اس اختراع کو تجارتی پیمانے پر تیار کرنے کی ابتدا ہوچکی ہے۔

(ایمرا نیوز آن لائن)

امریکامیں اچانک بننے والے مٹی کے بگولے نے لوگوں کو خوفزدہ کردیاہے۔ امریکی ریاست ورجینیامیں موسم کی ایسی ہی خطرناک صورتحال نے لوگوں کو اس وقت خوفزدہ کردیا جب اچانک موسم نے کروٹ بدلی اور کئی بلندی تک مٹی بگولے کی صورت گول گھومتی دکھائی دی جیسے ہر شے کو اپنی لپیٹ میں لینا چاہتی ہو۔

یوں بیچ پارکنگ لاٹ میں اچانک بننے والے مٹی کے دیوہیکل بگولے سے جہاں لوگ حیران رہ گئے جبکہ یہ ویڈیو وائرل ہوچکی ہے جسے اب تک لاکھوں افراد دیکھ چکے ہیں۔