Tag کاروباری خبریں

کراچی (ویب ڈیسک)بینک صارفین کی جانب سے بینکوں کی خدمات سے متعلق شکایات میں اضافہ ہو رہا ہے.تفصیلات کے مطابق ڈیجیٹل ادائیگیوں، ای کامرس اور آن لائن بینکاری کی سہولت کے استعمال کے ساتھ بینک صارفین کی بینکوں کی خدمات کے حوالےسے شکایات میں تیزی آتی جا رہی ہے.
بینکنگ محتسب کو جنوری تا دسمبر 2020کے دوران بینکوں سے متعلق صارفین کی 24750شکایات موصول ہوئیں تاہم رواں سال پہلے 9 ماہ میں ہی شکایتوں کی تعداد 27500تک پہنچ چکی ہے۔ بینکوں کی خدمات سے متعلق صارفین کی 40فیصد کے لگ بھگ شکایات کا تعلق اے ٹی ایمز، الیکٹرانک فنڈ ٹرانسفر اور ای کامرس سے متعلق ہیں۔رواں سال کے پہلے 9 ماہ کے دوران بینکنگ محتسب نے صارفین کی بینکوں سے متعلق شکایات کی شنوائی کرتے ہوئے صارفین کو بینکوں سے 47کروڑ روپے کا ریلیف دلوایا جبکہ گزشتہ سال کے 12 مہینوں میں صارفین کو 58کروڑ روپے کا ریلیف دلوایا گیا تھا۔

کراچی (ویب ڈیسک) پاکستان اسٹاک ایکسچینج میں مندی کا سلسلہ آج بھی جاری رہا۔ 100انڈیکس 1ہزار پوائنٹس سے زائد کی کمی ریکارڈ کی گئی۔تفصیلات کے مطابق درآمدات میں اضافے کے باعث جاری کھاتوں میں اضافہ، معاشی اشاریوں میں بہتری نہ ہونا اور پھر شرح سود میں 0.25 فیصد کے اضافے نے سٹاک مارکیٹ کے سرمایہ کاروں کو سوچنے پر مجبور کر دیا. آج کے روز ٹریڈنگ کا آغاز ہی مندی سے ہوا اور ایک موقع پر 100انڈیکس 1ہزار پوائنٹس سے زائد گرگیا۔ تاہم ٹریڈنگ کے اختتام پر تھوڑی ریکوری دیکھی گئی اور 100انڈیکس 411پوائنٹس کی کمی سے 45ہزار 597پوائنٹس پر بند ہوا۔دو کاروباری روز میں 100انڈیکس 9سو پوائنٹس سے گرگیا ہے ۔جبکہ سرمایہ کاروں کو 150 ارب روپے کے قریب نقصان برداشت کرنا پڑا ہے۔

سیالکوٹ (ویب ڈیسک)پاکستان کے سب سے بڑے رئیل اسٹیٹ پورٹل زمین ڈاٹ کام کی جانب سے سیالکوٹ کی تاریخ میں پہلی مرتبہ پراپرٹی سیلز ایونٹ کا کامیاب انعقاد کیا گیا، جس میں شہریوں نےکرونا ایس او پیز پر عمل کرتے ہوئے اپنی فیملیز کے ہمراہ کثیر تعداد میں شرکت کی۔ جبکہ شہریوں کی سہولت کو مد نظر رکھتے ہوئے ایونٹ کے دوران بھی ویکسی نیشن کا عمل جاری رہا۔ تین روز تک جاری رہنے والے پراپرٹی سیلز ایونٹ میں مجموعی طور پر 13 سے زائد تعمیراتی منصوبے عوام الناس کی دلچسپی کیلئے پیش کئے گئے ۔جن میں سیالکوٹ ٹریڈ سنٹر، وائٹ سٹی پسرور، سیال آرکیڈ ، خیابان نواب، کینال ویلی ڈسکہ، سٹی گیلریا اور ڈار مارکیٹ سمیت زمین ڈویلپمنٹس کے منصوبے زمین کواڈرینگل، زمین آورم، زمین اوپل ،مال 35 ، زمین ایس مال اور زمین ایس ہومز شامل تھے۔
اس موقع پر گفتگو کرتے ہوئے زمین ڈاٹ کام کے کنٹری ہیڈ احمد بھٹی نے کہا کہ زمین ڈاٹ کام نے ہمیشہ رئیل اسٹیٹ مارکیٹ کے بہترین اور قابل اعتماد منصوبوں کو عوام الناس تک پہنچا کر ان کا اعتماد جیتا ہے اور سیالکوٹ میں بھی پراپرٹی سیلز ایونٹ کا پہلی مرتبہ انعقاد اسی سلسلے کی ایک کڑی ہے۔زمین ڈاٹ کام کے پراپرٹی سیلز ایونٹس کی بدولت ملک بھر میں رئیل اسٹیٹ شعبہ ترقی کی منازل طے کر رہا ہے۔
سینئر ڈائریکٹر سیلز سنٹرل شیخ شجاع اللہ خان کا کہنا تھا کہ زمین ڈاٹ کام کی جانب سے پیش کردہ منصوبے اپنی جدید سہولیات اور سرمایہ کاری پر قابل قدر منافع کی بدولت اپنی مثال آپ ہیں۔ انہوں نے کہا کہ ملکی معیشت میں رئیل اسٹیٹ سیکٹر ایک مرکزی شعبے کی حیثیت رکھتا ہے، اس ایک شعبے کی مزید تعمیر وترقی سے پچاس سے زائد دیگر منسلک صنعتیں بھی ترقی کی منازل طے کریں گی۔
زمین ڈاٹ کام کے ریجنل ہیڈ سیلز(سنٹرل) مظفر مجید کا کہنا تھا کہ زمین ڈاٹ کام کے وہ تمام پرا جیکٹس جن کی مارکیٹنگ اور سیلز کے حقوق صرف زمین ڈاٹ کام کے پاس موجود ہیں، وہ ۱۰۰ فیصد شفاف ہوتے ہیں اور کسی ایسے پراجیکٹ کو آن بورڈ نہیں کیا جاتا جس کی دستاویزات میں کسی بھی قسم کا کوئی شائبہ موجود ہوتا ہے۔
زمین ڈاٹ کام کے ریجنل سیلز منیجر گوجرانولہ ارسلان احمد خان نے کہا کہ زمین ڈاٹ کام کی جانب سےبڑے شہروں کے ساتھ ساتھ دیگر شہروں میں بھی جدید طرز زندگی کے حامل منصوبے سامنے لائے جا رہے ہیں،جس سے نہ صرف شہریوں کا معیاری طرززندگی بہتر ہو گا بلکہ یہ نہایت قابل منافع بھی ثابت ہوں گے۔
پراپرٹی سیلز ایونٹ کے دوران زمین ڈاٹ کام کی باخبر سیلز ٹیم نے مارکیٹ کی صورتحال، تحقیق اور مکمل اعداد و شمار پر مشتمل پریزنٹیشن کے ذریعے صارفین کو محفوظ سرمایہ کاری کے حوالے سے رہنمائی اور معلومات بھی فراہم کیں۔ ایونٹ کے دوران عوام الناس کا رش بھی دیکھنے میں آیا جنہوں نے زمین ڈاٹ کام کی اس کوشش کو سراہا۔

لاہور(ویب ڈیسک)پاکستان کے سب سے بڑے رئیل اسٹیٹ پورٹل زمین ڈاٹ کام کی جانب سےلاہور کے نجی ہوٹل میں دو روزہ پراپرٹی سیلز ایونٹ کا کامیاب انعقاد کیا گیا جس میں ویکسین شدہ شہری ایس او پیز کی پیروی کرتے ہوئے اپنی فیملیز کے ہمراہ شریک ہوئے۔ ایونٹ میں زمین ڈاٹ کام کے سینئر ڈائریکٹر سیلز لاہور چوہدری لئیق افتخار سمیت ڈائریکٹرز سیلز باسل حفیظ، حافظ عثمان سرور اور علی ریحان نے بھی شرکت کی۔ پراپرٹی سیلز ایونٹ میں ریذیڈنس 15، ستارہ سرین ٹاور، آئیکن ویلی فیز-2، پلاٹینم ہومز، سٹی سٹار شاپنگ سنٹر، آئیکن ہومز، زی ایونیو، سگنیچر بائی آئیکن اور مخبتین ہائٹس سمیت مجموعی طور پر 32 تعمیراتی منصوبے عوام الناس کی دلچسپی کیلئے پیش کئے گئے ۔ ایونٹ میں پیش کئے جانے والے منصوبوں کی مارکیٹنگ اور فروخت کے تمام حقوق صرف زمین ڈاٹ کام کو حاصل ہیں۔ اس ایونٹ میں شرکاء کو بہترین ڈیلز اور خصوصی آفرزبھی پیش کی گئیں۔
اس موقع پر گفتگو کرتے ہوئے زمین ڈاٹ کام کےسینئر ڈائریکٹر سیلز لاہور چوہدری لئیق افتخار نے کہا کہ زمین ڈاٹ کام کی جانب سے پیش کردہ منصوبے بہترین اور قابل اعتماد ہونے کی بدولت شہریوں میں یکساں مقبول ہیں ۔زمین ڈاٹ کام نے پراجیکٹ سیلز کی دنیا میں اپنی شاندار خدمات سرانجام دی ہیں جس کی وجہ سے آج ملکی معیشت میں رئیل اسٹیٹ سیکٹر ایک مرکزی شعبے کی حیثیت رکھتا ہے، اس ایک شعبے کی مزید تعمیر وترقی سے پچاس سے زائد دیگر منسلک صنعتیں بھی ترقی کی منازل طے کریں گی۔
پراپرٹی سیلز ایونٹ کے دوران زمین ڈاٹ کام کی باخبر سیلز ٹیم نے مارکیٹ کی صورتحال، تحقیق اور مکمل اعداد و شمار پر مشتمل پریزنٹیشن کے ذریعے صارفین کو محفوظ سرمایہ کاری کے حوالے سے رہنمائی اور معلومات بھی فراہم کیں۔ ایونٹ کے آخری روز عوام الناس کا رش بھی دیکھنے میں آیا جنہوں نے زمین ڈاٹ کام کی اس کوشش کو سراہا۔

لاہور(ویب ڈیسک)غریب عوام کے لیے دن بدن مشکلات بڑھتی چلی جارہی ہیں،،مہنگائی سے پریشان لوگ یہ سوچنے پرمجبورہیں کہ اب ایسا کیا کریں کہ انہیں اس عفریت سے نجات مل سکے،تازہ ترین خبر ہے کہ فلور ملرز نے 20 کلو آٹے کا تھیلہ 20 روپے مزید مہنگا کر دیا، مارکیٹ میں درجہ اول برانڈ 20 کلو تھیلہ 1150 روپے کا ہو گیا۔
فلور ملرز کا ایک اور وار، 20 کلو آٹے کا تھیلہ 20 روپے مزید مہنگا کر دیا۔ درجہ دوم 20 کلو آٹا تھیلہ 1100 روپے تک پہنچ گیا۔ ایک ہفتے میں آٹے کا 20 کلو تھیلہ 50 روپے مہنگا کر دیا گیا ہے۔ حکومت آٹے کا سرکاری نرخ مقرر کرنے میں ناکام تاحال ناکام ہے، فلور ملز اوپن مارکیٹ میں گندم نرخ کو جواز بنا کر قیمت بڑھا رہی ہیں۔
اپریل سے نئی گندم کی فصل کے بعد آٹے کا تھیلہ 290 روپے مہنگا ہو چکا ہے، فلور ملرز کاکہنا ہے کہ حکومت سرکاری نرخ مقرر کرنا چاہتی ہے تو سرکاری کوٹے سے گندم کا اجرا کرے۔

ڈالرکی اڑان ایسی ہے کہ یہ ایک جگہ رکنے کا نام ہی نہیں لےرہااوراستحکام کی صورتحال نظرنہیں آتی،آج کی تازہ ترین صورتحال کے مطابق بھی پاکستانی روپے کی قدر میں مسلسل کمی اور ڈالر کی اونچی اڑان کا سلسلہ جاری ہے۔

اسٹیٹ بینک آف پاکستان کی جانب سے جاری اعداد و شمار کے مطابق انٹربینک تبادلہ مارکیٹ میں آج ڈالر کی قدر 49 پیسے اضافے سے 166 روپے 87 پیسے رہی۔
انٹربینک میں ڈالر کی ریکارڈ بلند ترین اختتامی قیمت 26 اگست 2020 کو 168 روپے 43 پیسے تھی۔اس کے علاوہ اوپن مارکیٹ میں ڈالر 60 پیسے مہنگا ہو کر 167 روپے 80 پیسے پر پہنچ گیا ہے۔

اسلام آباد(ویب ڈیسک) ماہِ رواں کے اختتام پر افراطِ زر کی شرح 9فیصد سے زائد رہنے کی توقع ہے،جاری کھاتے کا خسارہ بھی نصف ارب ڈالر سے بلند رہنے کا امکان ہے۔وزارت خزانہ کی جانب سے ماہ اگست کیلئے جاری کردہ اقتصادی جائزہ رپورٹ کے مطابق زری پھیلاؤ اور کئی اہم اجناس کی عالمی قیمتوں میں اضافے کی وجہ سے اگست میں افراطِ زر کی شرح ممکنہ طور پر 9فیصد سے زائد رہے گی۔

جائزہ رپورٹ میں درآمدات کا حجم 5.5 ارب ڈالر رہنے کی پش گوئی بھی کی گئی ہے جس کی وجہ سے جاری کھاتے کا خسارہ بھی زائد رہنے کا امکان ہے۔ واضح رہے کہ جولائی میں افراطِ زر کی شرح 8.4 فیصد ریکارڈ کی گئی تھی۔سابق مشیر خزانہ ڈاکٹر اشفاق حسن خان کہتے ہیں کہ پاکستان جیسے ملک کے لیے افراطِ زر کی شرح کا 7 فیصد تک ہونا ہی قابل قبول ہوسکتا ہے۔

وزارت خزانہ کی رپورٹ کے مطابق گزشتہ مالی سال میں زر کی رسد میں 34کھرب کا اضافہ دیکھا گیا جو مالی سال 2019-20ء سے 16.2 فیصد زیادہ ہے۔

وزارت خزانہ نے توقع ظاہر کی ہے کہ اشیاء اور خدمات کا تجارتی خسارہ اگست میں 3 ارب ڈالر پر برقرار رہے گا۔ رپورٹ کے مطابق اشیاء و خدمات کی درآمدات رواں ماہ کے اختتام پر 6 ارب ڈالر کے لگ بھگ رہیں گی۔