Tag 2019

جاپان(ایمرا نیوزآن لائن) جاپان کے جنوبی حصے میں 6اعشاریہ 3شدت کے زلزلے سے زمین لرز اٹھی، جاپانی حکام کا کہنا ہے کہ زلزلے سے سونامی کا خطرہ نہیں۔زلزلہ آج صبح جاپان کے شہر میازاکی Miyazaki کے قریب بحر الکاہل کے پانی میں 24 کلومیٹر کی گہرائی میں آیا۔زلزلے کی شدت ریکٹر اسکیل پر 6اعشاریہ 3 ریکارڈ کی گئی ہے، جاپانی حکام کے مطابق اس زلزلے میں کوئی جانی یا مالی نقصان نہیں ہوا۔امریکی جیولوجیکل سروے کا کہنا ہے کہ 6اعشاریہ 3 شدت کے زلزلے کے بعد اسی علاقے میں 5اعشاریہ1 شدت کا دوسرا زلزلہ بھی آیا ہے۔

لاہور(ایمرا نیوزآن لائن) پاکستان سمیت دنیا بھر میں آج فائرفائٹرز کا دن منایا جارہا ہے۔پاکستان سمیت دنیا بھر میں 4مئی کادن فائر فائٹرز کی خدمات کے اعتراف کے طور پر منایا جاتا ہے جو اپنی جان پر کھیل کر دوسروں کی مدد کرتے ہیں ۔آگ کا استعمال زندگی کا ایک لازمی جزو ہے مگر یہی آگ بے قابوہو جائے تو قیمتی املاک کیساتھ انسانی جانوں کیلئے بہت بڑا خطرہ بن جاتی ہے۔ماہرین کا کہنا ہے کہ فائر فائٹرز کی مناسب تربیت سے آگ لگنے کے واقعات میں جانی اور مالی نقصان سے بچا جاسکتا ہے۔

دبئی میں رنگا رنگ عرب فیشن ویک2019 کاانعقاد کیا گیا جس میں دنیا بھر سے نامور ڈیزائنرز نے حصہ لیا۔5روز تک جاری رہنے والے اس فیشن ویک میں موسم کی مناسبت سے ڈیزائنرزنے اپنا کلیکشن پیش کیا۔فیشن ویک کے دوران خوبصورت ماڈلز مختلف ڈیزائنرز کے نت نئے ملبوسات زیب تن کیے ریمپ پر جلوے بکھیرتی دکھائی دیں۔24اپریل سے شروع ہونے والا یہ رنگا رنگ ایونٹ 28اپریل کو اختتام پذیر ہوگیا

لاہور(ایمرا نیوزآن لائن) موسیقی روح کی غذا ہے، میوزک کے ایسے ہی دیوانوں کے لئے دنیا بھر میں آج جیز میوزک وسیقی کا عالمی دن منایا جا رہا ہے۔انٹرنیشنل جیز ڈے کی مناسبت سے دنیا بھر کے مختلف ممالک میں خصوصی محفلوں کا اہتمام کیا جاتا ہے جن میں جیزموسیقار اپنے فن کا مظاہرہ کرتے ہیں۔جیزموسیقی کی عمر جانچنے کا تو کوئی پیمانہ نہیں البتہیہ میوزک کافی قدیم اور عرصہ دراز سے سنا جانیوالاہے جس کی مدد سے لوگ اپنے غموں اور خوشیوں کا اظہار کرتے تھے۔ورلڈجیز ڈے کودنیا بھر میں بسنے والے لوگوں کو ثقافتی رشتے میں باندھنے اور ہم آہنگی پیدا کرنے کا ایک ذریعہ تسلیم کیا جاتا ہے۔آج کے دن نامور میوزیشنز اپنی پرفارمنسز پیش کرتے دکھائی دینگے جبکہ دنیا کے کئی ممالک سے جیز میوزیکل بینڈز مختلف شوز میں جلوہ گر ہونگے۔موسیقی کے دلدادہ افراد اور جیزمیوزک کے شوقین افرادجیز فنکاروں کی پرفارمنسیزکوبیحد پسند کرتے ہیں اور خوب سراہتے ہیں۔

لاہور(ایمرا نیوزآن لائن) رقص جذبات کے اظہارکا ذریعہ ہے، اسے اعضا کی شاعری بھی کہا جاتا ہے ، اس فن کو سراہنے کے لیے دنیا بھر میں آج ’یومِ رقص‘ منایا جارہا ہے۔پہلی مرتبہ رقص کا عالمی دن29اپریل 1982کو انٹر نیشنل ڈانس کمیٹی آف دی انٹرنیشنل تھیٹر انسٹی ٹیوٹ کی جانب سے منایا گیا.

جس کے بعد سے یہ دن دنیا کے بیشتر ممالک میں منایا جاتا ہے۔اس دن کو منانے کا مقصد نہ صرف اس فن سے متعلق لوگوں میں آگاہی اور اس کے ذریعے ایک دوسرے کو قریب لانے کا موقع فراہم کرنا ہے بلکہ رقص کی مختلف اقسام کو فروغ دینا اور مختلف قوموں کے ثقافتی سرمائے کو بچانا ہے۔اس دن کے موقع پر دنیا بھر میں تقریبات کا انعقاد کیا جائے گا۔

لاہور:(ایمرا نیوزآن لائن) ورلڈ کپ کیلیے ستاروں کی کہکشاں سب گئی، تمام ٹیموں نے اپنے 15رکنی اسکواڈزکی فہرست جاری کردی جب کہ تبدیلیوں کی آخری تاریخ 23 مئی ہوگی۔پاکستان سمیت تمام ٹیموں نے ورلڈ کپ کیلیے اپنے اسکواڈز کا اعلان کردیا تھا،سب سے آخر میں 15 کرکٹرز کی فہرست جاری کرنے والی ٹیم ویسٹ انڈیز تھی، اگرچہ سب نے اپنے دستیاب بہترین 15 کرکٹرزکو اسکواڈز کا حصہ بنایا تاہم کسی کی فارم یا انجریز جیسے مسائل کو پیش نظر رکھتے ہوئے تبدیلیاں کرنے کی حتمی تاریخ 23 مئی مقرر کی گئی ہے، پاکستان کو مشکوک فٹنس کے ساتھ انگلینڈ پہنچنے والے محمد حفیظ اور وائرس کے شکار شاداب خان کے متبادل کی ضرورت پڑ سکتی ہے۔

اسی طرح یا انگلینڈ کیخلاف سیریز میں کسی پیسر کی ناقص کارکردگی کی صورت میں بھی متبادل کو لینا ممکن ہوگا، محمد عامر اور آصف علی امیدواروں میں شامل ہیں، کاؤنٹیز کے خلاف میچز اور انگلینڈ سے سیریز میں ان دونوں کی فارم کا بھی اندازہ ہو جائے گا۔ بھارت اور سری لنکا سمیت کئی ملک بھی چند ریزرو کھلاڑیوں کو انگلینڈ میں ساتھ رکھنے کا فیصلہ کرچکے اور اگر ضرورت محسوس کی تو ممکنہ تبدیلیوں پر غور کریں گے۔

یاد رہے کہ اسکواڈ میں تبدیلیوں کی ڈیڈ لائن ختم ہونے کے بعد اگر کسی ٹیم کو متبادل کی ضرورت پیش آئی تو اس کو ورلڈ کپ کی ٹیکنیکل کمیٹی کے سامنے اپنا کیس پیش کرنا ہوگا، انجری سمیت کوئی ٹھوس وجہ ثابت کئے بغیر کسی کو پلیئر تبدیل کرنے کی اجازت نہیں ہوگی۔

چین (ایمرا نیوزآن لائن) چین میں روایتی لالٹین فیسٹیول کا انعقاد کیا گیا۔اس روشنیوں بھرے فیسٹیول میں سینکڑوں افراد ایک جگہ جمع ہوئے اور کاغذ سے بنی لالٹینوں پر اپنے دل کی خواہشات و پیغامات لکھے اور پھر اُن لالٹیوں کو روشن کر کے فضا میں بلند کیا تو آسمان روشنیوں سے بھر گیا۔اس روایتی فیسٹیول میں جہاں لوگوں نے لالٹینیں فضا میں بلندکر کے خوب انجوائے کیا وہیں ہزاروں لالٹینوں سے سجے خوبصورت منظر نے دیکھنے والوں کو اپنے سحر میں جکڑ لیا۔

لاہور(ایمرا نیوزآن لائن) لاہورمیں 8سال بعد پنجاب گیمز کا آغاز تو ہو گیا مگر بدانتظامی نے تقریب کا مزہ کرکرا کر دیا،پنجاب گیمز کا افتتاح تقریباً ساڑھے تین گھنٹے تاخیر سے ہوا۔ گورنر پنجاب چوہدری سرور کے بطور مہمان خصوصی شرکت نہ کرنے پر ممبر صوبائی اسمبلی اور تماشائی سب ہی ناخوش تھے۔72ویں پنجاب گیمز کی افتتاحی تقریب اس وقت شدید بدانتظامی کا شکار ہوگئی جب مہمان خصوصی گورنر پنجاب نے پہلے تو 3گھنٹے سے زائد انتظار کرایا اور پھر سرے سے تقریب میں شرکت ہی نہیں کی۔وزیر کھیل تیمور خان نے پنجاب گیمز کا افتتاح کیا ۔تقریب میں شریک نو ڈویژنز کے ا یتھلیٹس نے مارچ پاسٹ کیاجبکہ پہلوان انعام بٹ نے گیمز کے آغاز کا اعلان مشعل روشن کرکے کیا۔ تیمور خان کا کہنا تھا کہ پنجاب گیمز کا تمام کریڈٹ موجودہ حکومت کو جاتا ہے ،کھلاڑیوں کومزید پیکیج دیں گے، تحصیل کی سطح پر بھی اسپورٹس سینٹر بنائیں گے۔پنجاب گیمز تین روز تک جاری رہیں گےجس میں پنجاب بھر سے 2500 سے زائد ایتھلیٹس اپنی صلاحیتوں کا مظاہرہ کریں گے۔

مانکیڈ تنازع کے اگلے روز بھارتی فاسٹ بولر ایشانت شرما، شین واٹسن سے الجھ پڑے
نئی دہلی(ایمرا نیوز آن لائن) بھارت کی آئی پی ایل مزید تنازعہ کا شکار ، مانکیڈ تنازع کے اگلے روز بھارتی فاسٹ بولر ایشانت شرما، شین واٹسن سے الجھ پڑے۔ایشانت شرما کا شین واٹسن سے الجھنے کا یہ واقعہ چنئی سپر کنگز کی اننگز کے تیسرے اوور میں پیش آیا جب دہلی کیپیٹلز کے ایشانتنے امباتی رائیڈو کی وکٹ لینے کے بعد عجیب انداز میں خوشیاں منانا شروع کیں جس پر واٹسن کو ہنسی آگئی، یہ دیکھ ایشانت غصے میں آگئے اور ان پر چلانا شروع کردیا، انھیں کپتان شریاس آئیر وہاں سے دور لے گئے۔

اسپیشل اولمپکس ورلڈ گیمز: پاکستانی ایتھلیٹس نے 61 میڈلز جیت کر قوم کا سر فخر سے بلند کردیا
لاہور(ایمرا نیوز آن لائن) اسپیشل اولمپکس ورلڈ گیمز میں پاکستانی ایتھلیٹس نے 61 میڈلز جیت کر قوم کا سر فخر سے بلند کردیا۔ابوظبی میں 14مارچ سے جاری ایونٹ جمعرات کو رنگارنگ تقریب کے ساتھ ختم ہوا، پاکستان ایتھلیٹس نے 18 گولڈ، 28 سلور اور 15 برانز میڈلز جیت کرمہم کا اختتام کیا۔یاد رہے کہ اسپیشل اولمپکس ورلڈ گیمز میں پاکستان کے 92 ایتھلیٹس 10 مختلف کھیلوں میں شریک ہوئے اور شاندار کارکردگی سے دل جیت لیے۔