Tag afghanistan

آئین کو مد نظر رکھتے ہوئے اگر کہیں تبدلی ہونا ہے توکرلیتے ہیں،این آراوکون مانگ رہا ہے بتایا جائے، ہم جمہوریت پسند ہیں قانون اور پارلیمنٹ کی بالادستی پر یقین رکھتے ہیں، رہنما پےپلز پارٹی
لاہور(ایمرا نیوز آن لائن) پاکستان پےپلز پارٹی کے سنئےر رہنما خورشید شاہ نے کہا ہے کہ علیم خان کے خلاف کارروائی احتساب کے عمل کو بظاہر بیلنس کرنے کی کوشش لگتی ہے۔پیپلزپارٹی کے سینیئررہنما خورشید شاہ کا کہنا ہے کہ لاہورمیں الیکشن پرکتنے خرچے ہوئے علیم خان سے پوچھا جانا چاہیے، آگے جا کربہت ساری مزید چیزیں سامنے آئیں گی، علیم خان کوپی ٹی آئی کا اے ٹی ایم کہا جاتا ہے اس بارے میں بھی سوال ہونا چاہیے اور بظاہرعلیم خان کے خلاف نیب کی کارروائی دکھاوے سمیت احتساب کے عمل کو بظاہربیلنس کرنے کی کوشش لگتی ہے۔خورشید شاہ نے کہا کہ بلاامتیازاحتساب ہوتا ہوا نظرنہیں آرہا، نیب قوانین میں تبدیلی کے لیے حکومت نے کہا تھا تو ہم نے کہا آئیں بیٹھ جاتے ہیں، آئین کو مد نظر رکھتے ہوئے اگر کہیں تبدلی ہونا ہے توکرلیتے ہیں۔خورشید شاہ نے کہا کہ این آراوکون مانگ رہا ہے بتایا جائے، ہم جمہوریت پسند ہیں قانون اور پارلیمنٹ کی بالادستی پر یقین رکھتے ہیں۔

خیر پور (ایمرا نیوز آن لائن )پاکستان بننے سے قبل خیر پور ریاست کے آخری شہزادے کی اہلیہ سندھ انسٹیٹیوٹ آف یورولوجی اینڈ ٹرانسپلانٹیشن میں طویل علالت کے بعد انتقال کرگئیں نجی ٹی وی کی رپورٹ کے مطابق ہسپتال کے ترجمان ڈاکٹر بخش علی کا کہنا تھا کہ شہزادہ میر علی مراد خان رالپور (دوئم) کی اہلیہ عالیہ تالپور کو 3 ہفتے قبل ایس آئی یو ٹی میں ایڈمٹ کیا گیا تھا۔انہوں نے بتایا کہ شہزادی 10 سال سے ڈائیلیسز پر تھیں۔شہزادی نامور مذہبی رہنما علامہ رشید ترابی کی بیٹی تھیں۔

جمال خاشقجی کا سفاکانہ قتل ان کے پیاروں کےلئے ناقابل یقین صدمہ ہے، اقوام متحدہ سمیت عالمی برادری معاملے پر فوری توجہ دے ، نمائندہ اقوام متحدہ
نےوےارک (ایمرا نیوز آن لائن )اقوام متحدہ کی رپورٹ میں کہا گیا ہے کہ سعودی صحافی جمال خاشقجی کو سعودی حکام نے منصوبہ بندی کے تحت قتل کیا۔عالمی ادارے کی رپورٹ کے مطابق جمال خاشقجی کے قتل کی تحقیقات کے لیے ترکی جانے والے تین رکنی انکوائری کمیشن نے خاشقجی قتل کیس سے متعلق آڈیو ثبوت کا جائزہ لیا۔مشن میں شامل نمائندہ خصوصی اقوام متحدہ اگینز کلیمرڈ نے کہا ہے کہ سعودی اہلکاروں نے جمال خاشقجی کو پہلے سے طے شدہ منصوبے کے تحت وحشیانہ انداز میں قتل کیا۔ اگنیز کا مزید کہنا ہے کہ استنبول میں دوران تفتیش جمع کیے گئے شواہد سے بادی النظر میں یہ پیشہ ورانہ بد اعمالی کا کیس ہے جبکہ سعودی عرب نے ترکی کی تحقیقات میں رخنے بھی ڈالے تاہم تقریباً 4 ماہ بعد بھی جمال خاشقجی کی لاش نہیں مل سکی ہے۔ماورائے عدالت قتل کی تفتیش کے ماہر اگینز کا مزید کہنا ہے کہ جمال خاشقجی کا سفاکانہ قتل ان کے پیاروں کے لیے ناقابل یقین صدمہ ہے جس کے عالمی سطح پراثرات مرتب ہوئے ہیں۔انہوں نے اقوام متحدہ سمیت عالمی برادری سے معاملے پر فوری توجہ دینے کا مطالبہ بھی کیا۔واضح رہے کہ تین رکنی کمیشن جنیوا میں انسانی حقوق کونسل کے سامنے رپورٹ جون میں پیش کرے گا۔

ممبئی (ایمرا نیوز آن لائن)بولی وڈ کی معروف اداکارہ اور بھارتی کرکٹ اسٹار ویرات کوہلی کی اہلیہ انوشکا شرما نے سوشل میڈیا پر اپنی ہم شکل سے متعلق تبصروں کے رد عمل میں کہا کہ انہیں کب سے اپنے ہم شکلوں کی تلاش تھی۔چند روز قبل سوشل میڈیا پر انوشکا شرما سے مشابہت رکھنے والی خاتون کی تصویر وائرل ہوئی تھی جس سے متعلق اکثر صارفین کا خیال تھا کہ انوشکا نے اپنے بال سنہری رنگ میں ڈائی کروائے ہیں اور کچھ صارفین اس سوچ میں مبتلا تھے کہ یہ اداکارہ ہیں یا ان کی کوئی ہم شکل ہے۔تاہم وہ بھارتی اداکارہ نہیں تھیں بلکہ ان سے کافی زیادہ مشابہت رکھنے والی امریکی گلوکارہ جولیا مائیکل ہیں، جن کی تصویر سے متعلق تبصرے اب تک سوشل میڈیا پر جاری ہیں۔جولیا مائیکل اور بھارتی اداکارہ انوشکا شرما کی تصاویر کا موازنہ اس وقت شروع ہوا جب جولیا مائیکل نے سماجی رابطے کی ویب سائٹ ‘انسٹاگرام’ پر اپنی سیلفی شیئر کی تھی جسے پہلی بار دیکھتے ہی یہ گمان ہوتا ہے کہ یہ انوشکا ہی ہیں۔

ممبئی (ایمرا نیوز آن لائن )معروف بھارتی موسیقار اے آر رحمٰن کی بیٹی کے حجاب پہننے پر سوشل میڈیا صارفین نے منفی پروپگینڈا شروع کرتے ہوئے گلوکار کو ایک قدامت پسند شخص قرار دے دیا۔اے آر رحمٰن کے آسکر ایوارڈ جیتنے کے 10 برس مکمل ہونے سے متعلق منعقدہ ایک تقریب کے دوران جب ان کی صاحبزادی خدیجہ کو اسٹیج پر مدعو کیا گیا تو انہوں نے باحجاب رہتے ہوئے اسٹیج پر اپنے والد کا انٹرویو کیا۔تاہم اس تقریب کے بعد سماجی رابطے کی ویب سائٹس پر لوگوں نے خدیجہ کے لباس کی وجہ سے ان کے والد اے آر رحمٰن کو ایک قدامت پسند شخص قرار دے دیا۔سماجی رابطے ویب سائٹ پر لوگوں کی تنقید کو بالائے طاق رکھتے ہوئے اے آر رحمٰن نے اپنے گھر کی خواتین کی مکیش امبانی کی اہلیہ نیتا امبانی کے ساتھ تصویر شیئر کی۔اس سے قبل سماجی رابطے کی ویب سائٹس پر لوگوں نے بیٹی کے حجاب پہننے پر اے آر رحمٰن کو ایک قدامت پسند شخص قرار دیا تھا۔لوگوں نے خدیجہ کے حجاب پہننے اور دیگر بیٹوں کے حجاب نہ پہننے کو اے آر رحمٰن کا اسلام کے لیے دکھاوا قرار دیا۔کچھ لوگوں کا کہنا تھا کہ خدیجہ کا حجاب صرف ایک دکھاوا ہے جس میں حقیقت نہیں جبکہ کچھ کا کہنا تھا کہ یہ حجاب ان کے والد نے انہیں زبردستی پہنایا ہے۔تاہم اے آو رحمٰن کی صاحبزادی نے سماجی رابطے کی ویب سائٹ فیس بک پر اپنے اوپر ہونے والی تنقید کا جواب بھی دیا۔انہوں نے اپنے پیغام میں لکھا کہ ’کچھ لوگ میرے بارے میں تبصرہ کر رہے ہیں اور اس حجاب کو میرے والد کی جانب سے میرے لیے زبردستی قرار دے رہے ہیں، تاہم میں انہیں صرف اتنا جواب دینا چاہوں گی کہ میرے والدین کا میرے حجاب پہننے یا اس کا انتخاب کرنے سے کوئی تعلق نہیں ہے‘۔

کھلاڑی کا نام ہریش گنگا دھرن ہے، جو گرین آئی لینڈ کرکٹ کلب کی سکینڈ گریڈ ٹیم کیلئے کھیلتے تھے
ولنگٹن (ایمرا نیوز آن لائن)نیوزی لینڈ میں ایک طرف جہاں ٹیم انڈیا نے نیوزی لینڈ میں ون ڈے سیریز جیت کر تاریخ رقم کر دی، وہیں اب نیوزی لینڈ سے ایک انتہائی بری خبر سامنے آئی۔ نیوزی لینڈ میں کھیلنے والے ہندوستانی نڑاد کرکٹر کی میدان پر ہی موت ہو گئی ہے۔ مرنے والے کھلاڑی کا نام ہریش گنگا دھرن ہے، جو گرین آئی لینڈ کرکٹ کلب کی سکینڈ گریڈ ٹیم کیلئے کھیلتے تھے۔33 سالہ گنگا دھرن کی ڈونیڈن کے سنی ویل اسپورٹس سینٹر پر کھیلے جا رہے میچ میں اچانک طبیعت خراب ہو گئی، انہیں سانس لینے میں پریشانی ہوئی اور وہ زمین پر گر پڑے اور ان کی موت ہو گئی۔ جس وقت یہ حادثہ پیش آیا وہ گیند بازی کررہے تھے۔نیوزی لینڈ کے اخباروں کی خبروں کے مطابق گنگادھرن نے میچ میں صرف دو اوور کی گیند بازی کی۔ گرین آئی لینڈ کرکٹ کلب کے سربراہ جان موئل کے مطابق گنگادھرن ان کے کلب کی سکینڈ گریڈ ٹیم کیلئے کھیلتے تھے۔ موئل نے حادثہ پر گہرے رنج و غم کا اظہار کرتےہوئے کہا کہ میرا دل اس خبر کی تصدیق کرنے کے دوران ٹوٹا ہوا ہے۔ گرین آئی لینڈ کلب کے ہریش گنگادھرن کو ہر کوشش کے بعد بھی بچایا نہیں جاسکا۔خبروں کے مطابق گنگادھرن ٹیم کیلئے بلے بازی اور گیند بازی کی شروعات کرتے تھے۔ گنگادھرن گرین آئی لینڈ کی طرف سے چھ سیزن سے کھیل چکےتھے۔ ہندوستان کے کوچی کے رہنے والے گنگادھرن پانچ سال پہلے ہی نیوزی لینڈ میں بس گئے تھے۔

لاہور(ایمرا نیوزآن لائن رپورٹ عمر خالد سے) لاہور کی مولانا شوکت علی روڈ پر فرنیچر مارکیٹ میں لگی ہولناک آگ پر قابو پالیا گیا، کولنگ کا عمل جاری ہے۔ریسکیو ذرائع کے مطابق آگ بجھانے کے عمل میں 10 سے زائد فائر ٹینڈرز نے حصہ لیا۔ذرائع کے مطابق آگ لگنے کے باعث فرنیچر مارکیٹ میں موجود لاکھوں روپے کا سامان جل کر خاکستر ہوگیا۔فائر بریگیڈ عملے کے مطابق آگ لگنے کی وجہ تاحال سامنے نہیں آسکی ہے تاہم خوش قسمتی سے کسی جانی نقصان کی اطلاع نہیں ہے۔واضح رہے کہ مقامی پولیس کی جانب سے آگ کی شدت دیکھتے ہوئے مزید فائرٹینڈر فوری طور پر طلب کیے گئے تھے۔

لاہور(ایمرا نیوزآن لائن رپورٹ اظہر محمود سے) وزیر خارجہ شاہ محمود قریشی نے کہا ہے کہ 19 فروری کو عالمی عدالت انصاف میں بھارتی جاسوس کلبھوشن یادیو کا مضبوط کیس پیش کریں گے۔مانچسٹرمیں میڈیا سے گفتگو اور اوورسیز پاکستانیوں سے خطاب میںانہوں نے افغان صدر کواندرونی مسائل پرتوجہ دینے کا مشورہ بھی دیا۔شاہ محمود قریشی نے کہا کہ برطانیہ کی جماعتیں فیکٹ فائنڈنگ مشن مقبوضہ کشمیر بھیجنے پرمتفق ہیں، عمران خان کی قیادت میں مسئلہ کشمیر کو عالمی سطح پر اجاگر کیا گیا۔انہوں نے کہا کہ گزشتہ حکومتوں کا کشمیر پر معذرت خواہانہ رویہ تھا، ماضی اور آج کی حکومت کی کشمیر پر پالیسی میں واضح فرق ہے، عالمی مبصرین اور میڈیا کشمیر آنا چاہتا ہے ہم تو تیار ہیں کیا بھارت تیار ہے؟وزیر خارجہ نے کہا کہ عمران خان ملک کوصحیح سمت میں لے کر جا رہے ہیں، پاکستان بناؤ سرٹیفکیٹ اوورسیز پاکستانیوں کے لیے اچھی سرمایہ کاری کا ذریعہ ہے۔ان کا مزید کہنا ہے کہ پاکستان افغانستان میں امن چاہتا ہے، میں افغان صدر اشرف غنی سے تین ملاقاتوں میں واضح طور پر دوستی اور تعاون کا پیغام دے چکا ہوں۔شاہ محمود قریشی نے یہ بھی کہا کہ افغان حکومت کو اپنے اندرونی مسائل پر توجہ دینا چاہیے، پاکستان کا کردار نہ ہوتا تو امریکی صدر افغان طالبان سے امن مذاکرات آگے بڑھانے کے لیے درخواست نہ کرتے، امریکا امن عمل میں پیش رفت پر پاکستان کے کردار کا معترف ہے۔

سیریز یا ٹورنامنٹ میں ڈینیئل ویٹوری کا بہترین اکانومی ریٹ بالنگ کا ریکارڈ توڑ ڈالا
سنچورین (ایمرا نیوز آن لائن)قومی ٹیم کے آل رانڈر عماد وسیم نے جنوبی افریقہ کے خلاف ٹی ٹونٹی سیریز میں بڑااعزاز اپنے نام کرلیا۔30سالہ عماد وسیم نے جنوبی افریقہ کے خلاف تین ٹی ٹونٹی میچز کی سیریز میں12اوورز میں51رنز دے کر17کی اوسط سے3شکار کیے اور اس دوران ان کا اکانومی ریٹ محض4.25رہا جو جنوبی افریقہ سرزمین پرسیریز یا ٹورنامنٹ میں 10سے زیادہ اوورز کرنے والے کسی بھی بالر کا بہترین اکانومی ریٹ ہے ، اس سے قبل سابق کیوی کپتان ڈینیئل ویٹوری نے ورلڈ ٹی ٹونٹی 2007کے دوران پروٹیز کے دیس میں محض5.33کی اوسط سے رنز دیئے تھے.

نئے کھلاڑیوں کے ورلڈ کپ پلان میں شامل ہونیکا انحصار آسٹریلیا کی سیریز پر ہوگا:سابق کپتان
لاہور (ایمرا نیوز آن لائن)پاکستان کرکٹ ٹیم کی انتظامیہ نے مئی میں شیڈول ورلڈ کپ سے قبل سینئرکھلاڑیوں کو آرام دے کر کچھ نئے کھلاڑیوں کو آزمانا دینے کا فیصلہ کیا ہے جس سے ورلڈ کپ کے لیے ٹیم کو حتمی شکل دی جا سکے گی ،ان میچز میں اگر کوئی نیا کھلاڑی بہترین پرفارمنس دکھانے میں کامیاب رہا تو اسے ورلڈ کپ کا ٹکٹ مل سکتا ہے۔ایک انٹرویو میں کپتان سرفراز احمد کا کہنا ہے کہ جو لڑکے ہمارے ورلڈ کپ پلان میں ہیں انہیں آئندہ ماہ آسٹریلیا کے ہوم سیریز میں کچھ نئے لڑکوں کے ساتھ موقع دیا جائے گا اور بعض سینئرز کو آرام دیا جاسکتا ہے۔ورلڈ کپ سے قبل انگلینڈ کی سیریز میں جس ٹیم کا انتخاب ہوگا وہی ٹیم ورلڈ کپ کھیلے گی، ورلڈ کپ کے 16 کھلاڑی ہی انگلینڈ کے خلاف پانچ ون ڈے میچوں میں شرکت کریں گے۔ہوسکتا ہے کہ کچھ نئے کھلاڑی ورلڈ کپ پلان میں شامل ہو جائیں لیکن اس بات کا انحصار آسٹریلیا کی سیریز میں ٹیم کی کارکردگی پر ہوگا۔سرفراز احمد کا کہنا تھا کہ ورلڈکپ کی کپتانی ملنے سے پہلے مطمئن تھا کیوں کہ کرکٹ بورڈ کے چیئرمین احسان مانی مجھے بتا چکے تھے کہ آپ ہی کپتان بنیں گے اور یہ اعزاز ملنے کے بعد مجھ پر ذمہ داری بڑھ گئی ہے۔اپنی کارکردگی کے حوالے سے سرفراز احمد نے کہا کہ وہ کوشش کریں گے کہ ورلڈ کپ میں پانچویں یا چھٹے نمبر پر آئیں،میگا ایونٹ میں اپنی کارکردگی کے ذریعے فرنٹ سے لیڈ کرنا چاہتا ہوں۔