Tag alert

کراچی(ایمرا نیوزآن لائن) محکمہ موسمیات نے کراچی والو کو ہوشیار اور خبردار کیا ہے کہ آج سے 3 مئی کے دوران کراچی شہر میں شدید گرمی پڑے گی، سمندری ہوائیں بند ہیں، ہیٹ ویو الرٹ جاری کر دیا گیا ہے۔
محکمہ موسمیات کے مطابق آج بھی کراچی میں زیادہ سے زیادہ درجہ حرارت 42 ڈگری سینٹی گریڈ تک پہنچ سکتا ہے۔کراچی میں آیندہ 24 گھنٹوں کے دوران موسم شدید گرم اور خشک رہنے کا امکان ہے، گرد آلود فضا کے باعث شہر میں حد نگاہ 3 متاثر ہوئی ہے۔

محکمہ موسمیات نے کراچی میں آئندہ 24 گھنٹوں کے دوران موسم شدید گرم اور خشک رہنے کی پیش گوئی کی ہے، ہیٹ ویو کی یہ لہر 4 مئی تک برقرار رہ سکتی ہے۔محکمہ موسمیات کا کہنا ہے کہ کراچی میں گرد آلود فضا کے باعث حد نگاہ متاثر ہوئی ہے،جو کہ 3کلو میٹر رہ گئی ہے۔محکمہ موسمیات کے مطابق شہر میں زیادہ سے زیادہ درجہ حرارت 40سے 42 ڈگری سینٹی گریڈ رہنے کا امکان ہے، شمال مغرب سے ہوائیں 18 سے 27 کلو میٹر فی گھنٹہ کی رفتار سےچل رہی ہیں جبکہ ہوا میں نمی کا تناسب 31 فیصد ہے۔

محکمہ موسمیات نے ہدایت کی ہے کہ شہری بلا ضرورت دھوپ میں نہ نکلیں، چھتری استعمال کریں، پانی زیادہ سے زیادہ پئیں۔محکمہ موسمیات کے مطابق آج جنوبی پنجاب اور سندھ میں موسم شدید گرم رہے گا۔اسلام آباد، راولپنڈی، گوجرانوالا، سرگودھا، پشاور، مالاکنڈ، ہزارہ، مردان، کوہاٹ، گلگت بلتستان اور کشمیرمیں بارش کا امکان ہے۔

پولن کی مقدار زیادہ ہونے پر بیرونی نقل و حمل محدود اور گھر سے نکلتے وقت ماسک کا استعمال ضرور کریں ،قومی ادارہ صحت
اسلام آباد(ایمرا نیوز آن لائن) قومی ادارہ صحت نے پولن الرجی کی صورت حال پر پیغام جاری کر دیا ہے جس میں کہا گیا ہے کہ ہوا میں پولن کی مقدار زیادہ ہونے پر بیرونی نقل و حمل محدود اور گھر سے نکلتے وقت ماسک کا استعمال ضرور کریں ۔ میڈیا رپورٹس کے مطابق قومی ادارہ صحت نے ملک میں پولن الرجی کی موجودہ صورت حال پر پیغام جاری کیا ہے ۔ مفاد عامہ کے پیغام میں پولن الرجی سے بچاؤ کی احتیاطی تدابیر شامل ہیں قومی ادارہ صحت کی جانب سے جاری پیغام میں بتایا گیا ہے کہ پولن موسمی الرجیز کی عام ترین وجوہات میں سے ایک ہے موسمی الرجی کو تپ کاہی یا گھاس بخار بھی کہا جاتا ہے جبکہ طبی ماہرین اسے ناک کی سوزش قرار دیتے ہیں ۔ پیغام میں کہا گیا ہے کہ عوام پولن سیزن میں خصوصی احتیاطی تدابیر اختیار کریں ۔ ہوا میں پولن کی مقدار زائد ہونے پر بیرونی نقل و حمل محدود کریں ۔گھر سے نکلنے وقت ماسک کا استعمال ضرور کریں اور پولن سیزن سے قبل الرجی سے بچاؤ کی ادویات کا استعمال شروع کر دیں ۔( جاوید)

لاہور(ایمرا نیوزآن لائن) اے ٹی ایم سے پچاس ہزار روپے نکالنے والے ہوجائیں ہوشیار کیونکہ اے ٹی ایم کارڈ سے پیسے نکالنے کی حد میں کمی کردی گئی ہے. اس خبر سے متعلق صارفین کو موبائل فون پر میسج کے ذریعے آگاہ کیا گیا ہے. اس خبر صارفین بہت حیران ہیں کہ ایسا کیوں کیا گیا ہے؟
https://emra.tv/2019/01/24/سندھ-کے-کنوارے-پ…لکاروں-کے-لیے-خو/
اس سے متعلق الائیڈ بنک کے ترجمان زاہد حسین کا کہنا ہے کچھ سیکیورٹی وجوہات کی وجہ سے اے ٹی ایم کارڈ سے پیسے نکالنے کی حد میں کمی کی گئی ہے. جس کی وجہ سے اب صارفین پچاس ہزار کی بجائے اب صرف تیس ہزار ہی نکال سکتے ہیں.

کیلیفورنیا:(نیٹ نیوز/ایمرا نیوز) جاپان اور امریکا کے ماہرین نے دریافت کیا ہے کہ اگر کسی شخص کے جسم میں موجود، قدرتی جسمانی گھڑی درست طور پر کام کرنے کے قابل نہ رہے تو وہ موٹاپے سے لے کر کینسر تک، مختلف اقسام کی بیماریوں میں مبتلا ہوسکتا ہے۔واضح رہے کہ کم و بیش تمام جانداروں میں قدرتی طور پر ایک نظام موجود ہوتا ہے جو انہیں صبح کے وقت تازہ دم اور بیدار کرتا ہے جبکہ رات کے وقت نیند کا باعث بن کر انہیں آرام کرنے پر مجبور کرتا ہے۔ عام طور پر اسے ’’جسمانی گھڑی‘‘ (باڈی کلاک) کہا جاتا ہے جبکہ سائنسی طور پر اس کا نام ’’سرکاڈیئن ردم‘‘ (circadian rhythm) ہے۔ حالیہ برسوں میں یہ بھی دریافت ہوچکا ہے کہ سرکاڈیئن ردم ہمارے جسم میں خودکار طور پر انجام پانے والے تمام کاموں پر کسی نہ کسی صورت اثر انداز ہوتا ہے۔اگر جسمانی گھڑی ٹھیک کام کررہی ہو تو یہ خودکار نظام بھی درست طور پر کام کرتے ہیں، جس کے نتیجے میں ہم صحت مند رہتے ہیں۔

اس کے برعکس اگر یہ گھڑی خراب ہوجائے تو ہمارے لیے، سونے جاگنے کے خراب معمولات سمیت، صحت کے متعدد مسائل پیدا ہوجاتے ہیں۔’’پروسیڈنگز آف دی نیشنل اکیڈمی آف سائنس‘‘ کے تازہ شمارے میں آن لائن شائع ہونے والے ایک تحقیقی مقالے میں بتایا گیا ہے کہ خلوی مرکزے (سیلولر نیوکلیئس) کے اندر پایا جانے والا ایک پروٹین ’’ایچ این ایف 4 اے‘‘ (HNF4A)، اگر درست طور پر کام کررہا ہو تو جسمانی گھڑی بھی ٹھیک رہتی ہے۔ لیکن اگر یہ پروٹین خراب ہوجائے یا اپنا کام صحیح طرح سے کرنے کے قابل نہ رہے تو صحت کے کئی ایک مسائل اور ان گنت بیماریاں ہمیں گھیر سکتی ہیں جن میں موٹاپا اور چھاتی کا سرطان (بریسٹ کینسر) بطورِ خاص تشویشناک ہیں۔ اس تحقیق میں جاپان کی ناگویا یونیورسٹی کے علاوہ امریکا کے اسکرپس انسٹی ٹیوٹ اور یونیورسٹی آف سدرن کیلیفورنیا سے تعلق رکھنے والے ماہرین شریک تھے۔یاد رہے کہ آج کے زمانے میں موٹاپے کو بھی خطرناک امراض میں شامل کیا جاچکا ہے کیونکہ اس کے نتیجے میں کولیسٹرول اور بلڈ پریشر سے لے کر دل کی کئی بیماریاں بھی لاحق ہوسکتی ہیں۔ ایچ این ایف 4 اے پروٹین کے حوالے سے یہ تحقیق چوہوں پر کی گئی ہے لیکن ماہرین کا کہنا ہے کہ اس پروٹین کے یہی اثرات انسانوں پر بھی واقع ہوتے ہیں۔ایچ این ایف 4 اے پروٹین کیوں خراب ہوجاتا ہے؟ ماہرین نے اس کا ذمہ دار ہمارے جدید طرزِ حیات (لائف اسٹائل) کو قرار دیا ہے: دن میں غیر ضروری طور پر سونے، پوری پوری رات جاگنے اور ایک سے دوسرے براعظم تک تیز رفتار سفر وغیرہ کے باعث جسمانی گھڑی میں اچانک آنے والی تبدیلیوں کے باعث یہ پروٹین خرابی کا شکار ہوتا ہے۔اس ضمن میں ہم اتنا ضرور کرسکتے ہیں کہ اپنے سونے جاگنے کے معمولات کو منظم رکھیں تاکہ ہماری جسمانی گھڑی متاثر نہ ہو اور اپنا کام درست طور پر کرتی رہے۔ بصورتِ دیگر، ہمیں انواع و اقسام کی بیماریوں کےلیے تیار رہنا چاہیے۔

ممبئی(شوبز ڈیسک/ایمرا نیوز) بالی ووڈ اداکارہ پریانکا چوپڑا اور گلوکار نک جونس اپنی شادی کی تیاریوں میں دپیکا اور نویر کے نقش قدم پر چلتے دکھائی دے رہے ہیں کیونکہ اب انہوں نے دیپ ویر کی طرح اپنی شادی میں بھی موبائل فون کے استعمال پر پابندی لگادی ہے۔ٹائمز آف انڈیا کی رپورٹ کے مطابق چند روز قبل شادی کے بندھن میں بندھنے والے اداکار رنویر سنگھ اور اداکارہ دپیکا پڈوکون نے اپنی شادی پر موبائل فون کے استعمال پر پابندی عائد کی تھی تاکہ شادی کی تصاویر سوشل میڈیا پر لیک نہ ہوجائیں اور اب دیسی گرل پریانکا نے بھی تصاویر لیک ہوجانے کے ڈر سے یہی طریقہ اپنایا ہے۔

بھارتی میڈیا کا کہنا ہے دونوں اسٹارز نے اپنی شادی کی تصاویر کے حقوق ایک بین الاقوامی میگزین کوتقریباً 33 کروڑ روپے میں فروخت کیے ہیں۔ لہٰذا شادی کی تقریب میں اس بات کا سختی سے خیال رکھاجائے گا کہ کوئی بھی مہمان اپنے موبائل سے تصاویر نہ کھینچ سکے۔اس سے قبل پریانکا چوپڑا اور نک جونس دپیکا اور رنویر کے ہی نقشے قدم پر چلتے ہوئے دو شادیاں کرنے کا اعلان بھی کر چکے ہیں۔ میڈیا رپورٹس کے مطابق یہ جوڑا 2 دسمبر کو ’ہندو‘ رسم و رواج کے مطابق شادی کرے گا اور اگلے ہی دن یعنی 3 دسمبر کو ان کی شادی ’عیسائی‘ رسم و رواج کے تحت ہوگی جبکہ دونوں شادیاں ایک ہی مقام پر منعقد کی جائیں گی۔واضح رہے پریانکا چوپڑا اورنک جونس کی شادی کی تقریبات کا آغاز آج سے ہوگیا ہے جوکہ 3 دسمبر تک جاری رہے گا جبکہ ان کی شادی بھارت کے شہر جودھ پور کے تاریخی مقام ’امید بھون‘ پیلس میں ہوگی۔

(نیٹ نیوز/ایمرا نیوز)
خبردار ، کوئی بیماری ہے تو اپنے حقیقی ڈاکٹر کے پاس جائیں، ڈاکٹر گوگل یا ڈاکٹر یو ٹیوب پر قطعاً بھروسا نہ کریں۔یو ٹیوب پر مثانے کے کینسر سے متعلق لاکھوں میں سے 77 فی صد ویڈیوز میں کئی غلطیاں اور گمراہ کن معلومات پائی گئی ہیں۔برطانوی اخبار کے مطابق ایک نئی تحقیقی رپورٹ میں کہا گیا ہے کہ حالیہ برسوں کے دوران امریکیوں میں صحت کے متعلق معلومات کے لیے اپنے حقیقی ڈاکٹر کے بجائے ڈاکٹر گوگل سے رجوع کرنے کے رجحان میں اضافہ ہوا ہے۔

60فی صد سے زائد لوگ صحت سے متعلق مسائل کا حل آن لائن تلاش کرنے میں اپنا وقت صرف کرتے ہیں۔۔رپورٹ کے مطابق یو ٹیوب پر مثانے کے کینسر سے متعلق 5لاکھ سے زائد ویڈیوز موجود ہیں، ان میں سے 77فیصد سے زائد ویڈیوز غلط اور گمراہ کن معلومات پر مبنی ہیں۔نیویارک یونیورسٹی کے محققین کا کہنا ہے کہ یہ معلوماتی ویڈیوز فائدے سے زیادہ نقصان کا سبب ہیں،یہ گمراہ کن ویڈیوز مردوں کو یہ سوچنے پر مجبور کردیتی ہیں کہ انہیں اسکریننگ کی ضرورت نہیں ہے اور وہ جڑی بوٹیوں کے ذریعے از خود کینسر کا علاج کرسکتے ہیں۔

لاہور(نیٹ نیوز/ایمرا نیوز) پاکستان بھر میں موبائل فون استعمال کرنے والے صارفین کی تعداد 15کروڑ 75لاکھ سے زائد ہوگئی ہے، یہ صارفین 4 کمپنیوں کی موبائل سروسز استعمال کر رہے ہیں۔پاکستان میں ٹیلی کمیونیکیشن کو کنٹرول کرنے کے ذمہ دار ادارے پاکستان ٹیلی کمیونیکیشن اتھارٹی (پی ٹی اے) نے موبائل فونز کی شناخت اور بلاکنگ کا سسٹم یکم دسمبر سے فعال کرنے کا اعلان کیا ہے۔ملک میں جعلی موبائل فونز کا استعمال روکنے، فون چوری کی روک تھام اور صارفین کے حقوق کے تحفظ کا نظام یکم دسمبر 2018ء سے باقاعدہ فعال ہورہا ہے۔اس سلسلے میں پی ٹی اے نے وزارت انفارمیشن ٹیکنالوجی اور ٹیلی کام کی جانب سے منظور شدہ ٹیلی کام پالیسی 2015ء کے سیکشن 9.6کے پیش نظر موبائل فونز کی شناخت اور بلاک کرنے کے نظام ڈیوائس آئی ڈینٹیٹی فکیشن، رجسٹریشن اینڈ بلاکنگ سسٹم کے حوالے سے اقدامات کئے ہیں۔اس سسٹم سے پاکستان کے تمام موبائل فون صارفین کو بلا تعطل خدمات فراہم کی جاسکیں گی۔یکم دسمبر تک ملک میں تما م موبائل ڈیوائسز بشمول نان کمپلائنٹ ڈیوائسز تمام موبائل نیٹ ورکس پر فعال رہیں گی، تمام صارفین کی سہولت کے لیے ان کےآئی ایم ای آئی (IMEI ) کو ان کے موبائل فون نمبر کے ساتھ منسلک کر دیا جائے گا اور وہ کسی تعطل کے بغیر فعال رہیں گے۔

تاہم نئے نظام کے بعد تمام ایسی نئی موبائل ڈیوائسز جن کے آئی ایم ای آئی بین الاقوامی معیار کے مطابق نہیں، انہیں نان کمپلائنٹ ڈیوائس سمجھا جائے گا اور انہیں پاکستانی حدود میں کہیں بھی رابطے اور خدمات کی سہولت دستیاب نہیں ہوسکے گی۔اس سے قبل 20 اکتوبر کے بعد ملک کے تمام شہروں میں چوری شدہ، اسمگل شدہ اور تمام غیر رجسٹرڈ موبائل فون بند کرنے کا اعلان کیا گیا تھا۔پی ٹی اےکی طرف سےاس سلسلے میں تمام اسمارٹ فونز اور GSM ڈیوائسز کی تصدیق کرنے کے لیے تمام نمبروں پر ایس ایم ایس بھیجے گئے اور کہا گیا تھا کہ اگر کسی کو ایس ایم ایس نہ ملے ، تب بھی وہ اپنی GSM ڈیوائسز / فون کی خود سے تصدیق کر سکتا ہے۔پی ٹی اےکی جانب سے یہ بھی کہا گیا تھا کہ صرف تصدیق کردہ موبائل فون اور جی ایس ایم ڈیوائسز 20اکتوبر کے بعد فعال رہیں گے، لہٰذا صارفین صرف پی ٹی اے کے منظور شدہ موبائل اور جی ایس ایم ڈیوائسز خریدیں اور استعمال کریں۔موبائل فون اور جی ایس ایم ڈیوائسز کی تصدیق کے لیے تین طریقے متعارف کرائے گئے تھے، جن میں ایس ایم ایس کے ذریعے، ایپلیکیشن کے ذریعے اور ویب سائٹ کے ذریعےموبائل یا جی ایس ایم ڈیوائسز کی تصدیق کی جا سکتی تھی۔ایس ایم ایس کے ذریعے تصدیق کرنے کے لیے اپنے موبائل کا آئی ایم ای آئی نمبر میسج میں لکھ کر 8484 پر ایس ایم ایس کرنے کے لیے کہا گیا تھا جس کے بعد پی ٹی اے کی جانب سے جوابی ایس ایم ایس سے موبائل یا ڈیوائس کے متعلق تصدیق کی جا رہی تھی اور ہدایات دی جارہی تھیں۔اپنے موبائل فون کا آئی ایم ای آئی نمبر چیک کرنے کے لیے موبائل سے #06#* ڈائل کرنے کی ہدایت بھی دی گئی تھی۔پی ٹی اے کی جانب سے 20 اکتوبر تک غیر منظور شدہ یا غیر تصدیق شدہ فونز بند کرنے کے اعلان کے بعد کراچی الیکٹرانک ڈیلر ایسوسی ایشن نے دھمکی دی تھی کہ اگرپی ٹی اے نے 20 اکتوبر کو غیرمنظور شدہ موبائل فون بند کئے تو پورے پاکستان میں کاروبار بند کردیں گے۔اس ضمن میں آل پاکستان موبائل فون یونین اور مرکزی انجمن تاجران پاکستان کے وفد نے بھی وزیر مملکت ریونیو حماد اظہر سے ملاقات کی تھی جنہوں نے پی ٹی اے کی جانب سے موبائل فون بلاک کرنے کے فیصلے کو مؤخر کرنے کی یقین دہانی کرا دی تھی جبکہ متعلقہ حکام کو ہدایت کی تھی کہ استعمال شدہ موبائل فون کی درآمد کے لیے کسٹم حکام سے مشاورت کےبعد تاجروں کے تحفظات دور کیے جائیں۔ادھر سینیٹ کی قائمہ کمیٹی برائے انفارمیشن ٹیکنالوجی نے بھی پی ٹی اے سے تصدیق کے بغیر 20اکتوبر کے بعد موبائل فونز کی بندش کے معاملے کا سخت نوٹس لیا تھا اور پاکستان ٹیلی کمیونیکیشن اتھارٹی (پی ٹی اے) کو 20اکتوبر کے بعد موبائل فون بلاک نہ کرنے کی ہدایت کی تھی۔

گزشتہ دنوں وفاقی کابینہ نے اسمگل شدہ فونز کے استعمال کی روک تھام کیلئے ڈی آئی آر بی ایس نظام رائج کرنے،کی منظوری دے دی اور کہا کہ 31دسمبر 2018ءکے بعد اسمگل شدہ موبائل فونز بند کر دیئے جائیں گے۔وفاقی وزیر اطلاعات فواد چوہدری کا اس حوالے سے کہنا تھا کہ اس وقت 82 ملین مالیت کے موبائل فون قانونی طریقے سے پاکستان آ رہے ہیں جبکہ ڈھائی ارب کے موبائل فون غیر قانونی طریقے سے پاکستان لائے جا رہے ہیں، سیکنڈ ہینڈ موبائل فون پاکستان لانے پر پابندی کے باوجود پاکستان بھر کی مارکیٹوں میں سیکنڈ ہینڈ موبائل فون کثیر تعداد میں دستیاب ہیں۔انہوں نے بتایا تھا کہ وفاقی کابینہ نے فیصلہ کیا ہے کہ ڈی آئی آر بی ایس کے ذریعے 31 دسمبر 2018ءکے بعد اسمگل شدہ موبائل فونز بند کر دیئے جائیں گے تاہم اس سے قبل پاکستان لائے جانے والے موبائل فونز پر یہ پابندی لاگو نہیں ہوگی۔تاہم پی ٹی اے کی جانب سے اب ملک میں جعلی موبائل فونز کا استعمال روکنے، فون چوری کی روک تھام اور صارفین کے حقوق کے تحفظ کا نظام یکم دسمبر 2018ء سے باقاعدہ فعال ہو رہا ہے۔

ڈیلاس:(نیٹ نیوز/ایمرا نیوز) خوبصورت اور دلکش نظر آنا ہر خاتون کی خواہش ہے لیکن اسی شوق کے ہاتھوں ایک خاتون ہلاک ہوگئی جس نے میکسیکو سے سستی کاسمیٹک سرجری کروائی تھی۔امریکی ریاست ڈیلاس سے تعلق رکھنے والی 35 سالہ لارا اویلا نے میکسکو کے شہر جوریز میں واقع ایک مشہور رائنو پلاسٹی کے مرکز سے رابطہ کیا جو امریکا کے مقابلے میں بہت سستی کاسمیٹک سرجری کرتا ہے، خاتون کو یہاں ناک اور سینے کی کاسمیٹک سرجری کرانی تھی۔جیسے ہی خاتون کو بے ہوش کرنے کے بعد سرجری شروع کی گئی تو معلوم ہوا کہ بے ہوشی کے عمل میں کوئی غلطی ہوئی ہے جس سے ان کے دماغ پر سوجن آگئی اور دماغ کو شدید نقصان پہنچا۔ خاتون کی بہن کے مطابق سرجن نے لارا کی ریڑھ کی ہڈی پر جو انجکشن لگایا جو غلط جگہ پر لگا لیکن اس کے بعد خاتون کا دماغ متاثر ہونا شروع گیا، پھر گردے ناکارہ ہوگئے اور اسے دل کا شدید دورہ پڑا۔

کلینک کے ڈاکٹروں نے بتایا کہ جیسے ہی بے ہوشی کی دوا کا اثر ختم ہوگا سب کچھ ٹھیک ہوجائے گا لیکن خاتون کی طبیعت بگڑگئی ۔ اس کے بات وینٹی لیٹر سے مدد لی گئی لیکن وہ بھی کارآمد نہ ہوسکی اور آخرکار وہ لقمہ اجل بن گئی۔واضح رہے کہ امریکا سے ہر سال ہزاروں افراد پلاسٹک اور کاسمیٹک سرجری کے لیے میکسکو جاتے ہیں کیونکہ وہاں 10 ہزار ڈالر کا آپریشن صرف دو سے تین ہزارڈالر میں ہوجاتا ہے۔کلینک کے ڈاکٹروں نے بتایا کہ جیسے ہی بے ہوشی کی دوا کا اثر ختم ہوگا سب کچھ ٹھیک ہوجائے گا لیکن خاتون کی طبیعت بگڑگئی ۔ اس کے بات وینٹی لیٹر سے مدد لی گئی لیکن وہ بھی کارآمد نہ ہوسکی اور آخرکار وہ لقمہ اجل بن گئی۔