Tag ali zafar

(ایمرا نیوز آن لائن) پاکستان کے نامور اداکار و گلوکار علی ظفر بولی وڈ میں تو کئی فلموں کا حصہ بن چکے ہیں لیکن پاکستانی سینما انڈسٹری میں انہوں نے 2018 میں ‘طیفا ان ٹربل’ کے ساتھ ڈیبیو کیا۔اس فلم میں علی ظفر کے ہمراہ مایا علی نے مرکزی کردار نبھایا تھا۔
واضح رہے کہ طیفا ان ٹربل پاکستانی باکس آفس پر شاندار بزنس کرنے میں کامیاب رہی جس کے بعد علی ظفر نے فلم کے سیکوئل کا بھی اعلان کیا تھا۔
البتہ طیفا کے بعد سے اب تک علی ظفر اسکرین پر دوبارہ کام کرتے نظر نہیں آئے۔

لاہور(ایمرا نیوزآن لائن) گلوکارہ میشا شفیع نے اپنے خلاف اداکار اور گلوکار علی ظفر کی جانب سے 100 کروڑ روپے ہرجانے کے دعوے میں بیان ریکارڈ کرا دیا۔

گلوکارہ میشا شفیع بیان ریکارڈ کرانے اپنی والدہ اداکارہ صبا حمید کے ساتھ تیسری بار ایڈیشنل سیشن جج امجد علی شاہ کی عدالت میں پیش ہوئیں، انہوں نے 3گھنٹے سے زائد وقت تک بیان ریکارڈ کرایا۔ میشا شفیع نے اپنے اس الزام کو دہرایا کہ انہیں ساتھی گلوکارعلی ظفر نے متعدد بار جنسی طور پر ہراساں کیا، انہوں نے انتہائی مجبوری کی حالت میں یہ بات ظاہر کی۔ گلوکارہ کے مطابق انہوں نے بہت عرصے تک ایک ساتھ پرفارم کرنا تھا لیکن وہ اس رویے کو مزید برداشت نہیں کرسکتی تھیں۔

‘شوہر تربیت یافتہ باکسر ہیں ،نہیں چاہتی تھی کہ لڑائی ہو ‘: میشا کے مطابق علی ظفر نے اپنے سسر کے گھر پر پہلی بار ہراساں کیا، علی ظفر کایہ رویہ ان کے لیے حیران اور پریشان کن تھا، انہوں نے فوری طور پر اس گھر کے لان میں موجود اپنے شوہر کو ان باتوں سے آگاہ کیا ،لیکن ساتھ ہی شوہر کو علی ظفر سے اس معاملے پر بات کرنے سے روک دیا کیونکہ ان کے شوہر تربیت یافتہ باکسر ہیں اور وہ نہیں چاہتی تھیں کہ لڑائی ہو۔

میشا شفیع نے یہ بھی بتایاکہ علی ظفر کی فیملی سے تعلق ہونے کی وجہ سے انہوں نے یہ بات ان کی بیوی کو نہیں بتائی، میشا شفیع نے عدالت میں مختلف واٹس ایپ میسجز بھی دکھائے۔ احاطہ عدالت میں میشا شفیع نےمیڈیا کو بتایا کہ انہیں ڈرانےاوردباؤ میں لانے کے لیے کیس فائل کیا گیا ہے ،ہراسانی کے الزامات لگانے کے بعد ان کاکافی مالی نقصان بھی ہوچکا ہے۔ عدالت نے کیس پر مزیدسماعت 20 دسمبر تک ملتوی کردی، آئندہ سماعت پرمزید گواہوں کے بیانات ریکارڈ کیے جائیں گے۔ میشا شفیع نے گلوکارعلی ظفر پر جنسی ہراساں کرنے کا الزام لگا دیا میشا شفیع کا کہنا تھا کہ جنسی ہراسانی پر بات کرنا آسان نہیں لیکن اس پر خاموش رہنا بھی بہت مشکل ہے، میں خاموش رہنے کے کلچر کو توڑوں گی جو معاشرے میں سرائیت کرچکا ہے۔

گلوکار و اداکار علی ظفر نے میشا شفیع کی جانب سے ہراساں کرنے کے الزامات کی تردید کر تے ہوئےکہا تھا کہ میں الزام کا جواب الزام سے نہیں دوں گا بلکہ میشا شفیع کے خلاف عدالت جاؤں گا اور مجھے پورا یقین ہے کہ سچ ہمیشہ غالب ہوتا ہے۔ علی ظفر کی جانب سے ہراسانی کا الزام لگانے پر میشا شفیع پر 100 کروڑ روپے ہرجانے کا مقدمہ دائر کیا گیا ہے۔

(ایمرا نیوزآن لائن) پاکستان سپر لیگ کے پانچویں ایڈیشن کے لیے ڈرافٹنگ کا آغاز ہو چکا ہے اور مداحوں کو سپر لیگ سے قبل اس کے ٹائٹل سانگ کا بے چینی سے انتظار رہتا ہے۔

پاکستان سپر لیگ کے چار سیزن ہو چکے ہیں جن میں شروع کے 3 ایڈیشن کے ترانے معروف گلوکار علی ظفر کی آواز میں تھے جب کہ پی ایس ایل 2019 یعنی چوتھے ایڈیشن کے ٹائٹل میں اداکار و گلوکار فواد خان نے اپنی آواز کا جادو جگایا تھا۔

گلوکار علی ظفر نے پاکستان سپر لیگ کے پہلے ایڈیشن کا ترانہ ’اب کھیل کے دکھا‘گایا تھا۔۔۔اسکرین گریب
پاکستان سپر لیگ کے پہلے ایڈیشن میں گلوکار علی ظفر نے ترانہ ’اب کھیل کے دکھا‘، دوسرے ایڈیشن کا ترانہ ’اب کھیل جمے گا‘ اور تیسرے ایڈیشن کا ترانہ ’دل سے جان لگا دے‘ گائے۔

پاکستان سپر لیگ کے چوتھے ایڈیشن 2019 کے ترانے ’کھیل دیوانوں کا‘ کی بات کی جائے تو وہ اداکار و گلوکار فواد خان نے گنگنایا تھا جب کہ اسے شجاع حیدر کی جانب لکھا اور پروڈیوس کیا گیا تھا. لیکن اس بار پی ایس ایل کے پانچویں ایڈیشن کا ترانہ متوقع طور پر گلوکار عاطف اسلم کی آواز میں پیش کیے جانے کا امکان ہے۔

دوسری جانب شوبز کی ویب سائٹ ای ٹرینڈز کے مطابق پی ایس ایل 2020 کے میگا ایونٹ میں بین الاقوامی گلوکاروں کی آمد بھی متوقع ہے۔ امکان ہے کہ پاکستان سپر لیگ کے پانچویں ایڈیشن 2020 میں بین الاقوامی گلوکار سابرینا کارپنٹر اور ایلن واکر اسٹیج پر پرفارم کریں گے، واضح رہے کہ ایلن واکر برطانوی ڈی جے ہیں جب کہ سابرینا کارپنٹر امریکی گلوکارہ و اداکارہ ہیں۔

واضح رہے کہ ہر سال پی ایس ایل کے ٹائٹل سانگ کے لیے بہترین گلوکار کا چناؤ کیا جاتا ہے تاہم فی الحال اس حوالے سے کوئی اعلان نہیں کیا گیا لیکن امید یہی کی جا رہی ہے کہ جلد ٹائٹل سانگ کے گلوکار کا اعلان کر دیا جائے گا۔

لاہور(ایمرا نیوزآن لائن) علی ظفر کی جانب سے میشا شفیع کے خلاف ہتک عزت کے کیس میں اداکارہ عفت عمر نے بھی بیان قلم بند کرادیا۔

لاہور کی سیشن کورٹ میں ایڈیشنل سیشن جج امجد علی شاہ نے میشا کے خلاف علی ظفر کے ہتک عزت کے کیس کی سماعت کی جس میں عدالت نے دیگر گواہان کا ریکارڈ قلم بند کیا۔

میشا شفیع کے وکیل ثاقب جیلانی اور علی ظفر کے وکیل حشام احمد خان اور بیرسٹر عنبرین بھی کمرہ عدالت میں موجود تھے۔
دورانِ سماعت اداکارہ عفت عمر نے اپنا بیان ریکارڈ کراتے ہوئے کہا کہ میں پروفیشنل ایکٹر ہوں، ٹی وی پروگرام کی ڈائریکٹر بھی ہوں اور میں اس شعبے میں پچھلے 30 سال سے ہوں۔

انہوں نے کہا کہ میں علی ظفر اور میشا شفیع دونوں کو جانتی ہوں جب کہ علی کے والد میرے استاد بھی تھے، میشا اور ان کی والدہ کی اس پیشے میں بہت زیادہ عزت ہے۔ اداکارہ نے عدالت کو بتایا کہ علی نے ماڈلنگ شروع کرتے ہوئے مجھ سے رابطہ کیا اور میرے ساتھ ہی مل کر ٹی وی پر پہلا پلے کیا۔ عدالت نے اداکارہ کا بیان قلم بند کرنے کے بعد کیس کی مزید سماعت 9 نومبر تک ملتوی کردی۔

یاد رہے کہ دو روز قبل لاہور کی سیشن کورٹ میں گلوکارہ میشا شفیع کے خلاف 100 کروڑ روپے کے ہتک عزت کیس کی سماعت ہوئی تھی جس میں ان کی والدہ صبا حمید کا بیان ریکارڈ کیا گیا تھا۔ صبا حمید کا کہنا تھا کہ عام طور پر خواتین ایسے واقعات کا نہیں بتاتیں، البتہ میں نے اس کے مثبت اور منفی نتائج کے بارے میں بتایا تھا۔

گزشتہ سال میشا شفیع نے گلوکار علی ظفر پر جنسی ہراساں کرنے کا الزام عائد کیا تھا۔ میشا شفیع کا کہنا تھا کہ جنسی ہراسانی پر بات کرنا آسان نہیں لیکن اس پر خاموش رہنا بھی بہت مشکل ہے، میں خاموش رہنے کے کلچر کو توڑوں گی جو معاشرے میں سرائیت کرچکا ہے۔

گلوکار و اداکار علی ظفر نے میشا شفیع کی جانب سے ہراساں کرنے کے الزامات کی تردید کر تے ہوئےکہا تھا کہ میں الزام کا جواب الزام سے نہیں دوں گا بلکہ میشا شفیع کے خلاف عدالت جاؤں گا اور مجھے پورا یقین ہے کہ سچ ہمیشہ غالب ہوتا ہے۔

علی ظفر کی جانب سے ہراسانی کا الزام لگانے پر میشا شفیع پر 100 کروڑ روپے ہرجانے کا مقدمہ دائر کیا گیا ہے۔

گلوکارہ (ایمرا نیوزآن لائن) میشا شفیع کی وکیل نگہت داد نے کہا ہے کہ وہ گلوکار و اداکار علی ظفر کے خلاف کیس میں نئے گواہ پیش کریں گی۔

نگہت داد نے جیو نیوز کے مارننگ شو ’جیو پاکستان‘ میں ٹیلی فونک گفتگو کرتے ہوئے ہتک عزت کے کیس سے متعلق سماعت کی تفصیلات بتائیں۔

گلوکارہ کی وکیل نے بتایا کہ میشا کی والدہ و اداکارہ صبا حمید سےعلی ظفر کے وکیل نے کوئی سوال نہیں پوچھے تھے بلکہ کمرہ عدالت میں موجود میشا شفیع کے وکیل نے ہی سوال کیے تھے۔ نگہت داد نے کہا کہ صبا حمید نے صرف اپنا بیان ریکارڈ کرایا تھا، انہیں اس لیے اس کیس میں گواہ بنایا ہے کیونکہ میشا نے اپنے ساتھ ہونے والے واقعے متعلق انہیں بتایا تھا اور وہ تفصیلات سے آگاہ تھیں۔

انہوں نے بتایا کہ کراس ایگزامینیشن صبا حمید کے بیان کی روشنی میں کیا جائے گا۔ علی ظفر پر عائد جنسی ہراسانی کے الزام سے متعلق وکیل نگہت داد کا مزید کہنا تھا کہ ضروری نہیں کہ واقعے کے وقت گواہ بھی موجود ہو، بعض دفعہ متاثرہ شخص اپنے بھروسے کے شخص کو معاملہ بتاتا ہے۔

انہوں نے بتایا کہ ہتک عزت کیس میشا شفیع کی جانب سے بھی علی ظفر کے خلاف دائر ہے جس میں گلوکار نے جوابی دعویٰ ابھی تک دائر نہیں کیا۔ نگہت داد کا کہنا تھا کہ ہم کیس میں کچھ نئے گواہ بھی شامل کریں گے۔

یاد رہے کہ گزشتہ روز لاہور کی سیشن کورٹ میں گلوکارہ میشا شفیع کے خلاف 100 کروڑ روپے کے ہتک عزت کیس کی سماعت ہوئی تھی جس میں ان کی والدہ صبا حمید کا بیان ریکارڈ کیا گیا تھا۔ صبا حمید کا کہنا تھا کہ عام طور پر خواتین ایسے واقعات کا نہیں بتاتیں، البتہ میں نے اس کے مثبت اور منفی نتائج کے بارے میں بتایا تھا۔

گزشتہ سال میشا شفیع نے گلوکار علی ظفر پر جنسی ہراساں کرنے کا الزام عائد کیا تھا۔ میشا شفیع کا کہنا تھا کہ جنسی ہراسانی پر بات کرنا آسان نہیں لیکن اس پر خاموش رہنا بھی بہت مشکل ہے، میں خاموش رہنے کے کلچر کو توڑوں گی جو معاشرے میں سرائیت کرچکا ہے۔

گلوکار و اداکار علی ظفر نے میشا شفیع کی جانب سے ہراساں کرنے کے الزامات کی تردید کر تے ہوئےکہا تھا کہ میں الزام کا جواب الزام سے نہیں دوں گا بلکہ میشا شفیع کے خلاف عدالت جاؤں گا اور مجھے پورا یقین ہے کہ سچ ہمیشہ غالب ہوتا ہے۔ علی ظفر کی جانب سے ہراسانی کا الزام لگانے پر میشا شفیع پر 100 کروڑ روپے ہرجانے کا مقدمہ دائر کیا گیا ہے۔

کراچی:(ایمرا نیوزآن لائن) نامور پاکستانی گلوکارواداکار علی ظفر اورگلوکارہ میشا شفیع کے درمیان جنسی ہراسانی تنازع پر شوبز کے دیگر فنکارکیا سوچتے ہیں آئیے دیکھتے ہیں۔علی ظفر اورمیشا شفیع کے درمیان جنسی ہراسانی تنازع میں ہر گزرتے دن کے ساتھ مزید شدت آتی جارہی ہے۔ اس معاملے پر جہاں سوشل میڈیا پر دونوں فنکاروں کے ہامیوں کے درمیان جنگ جاری ہے، وہیں شوبز سے تعلق رکھنے والے دیگر فنکاروں کی رائے بھی اس معاملے پر تقسیم ہوتی نظر آرہی ہے۔ کچھ فنکار میشا شفیع کو سپورٹ کررہے ہیں جب کہ کچھ فنکار علی ظفر اورلکس اسٹائل ایوارڈکا دفاع کرتے نظر آرہے ہیں۔نامور پاکستانی اداکارہ ریشم نے حال ہی میں اپنے انسٹاگرام پر علی ظفر کی ٹوئٹ کا اسکرین شاٹ شیئر کرکے علی ظفر کی حمایت کا اظہار کیا ہے۔ شیئر کی جانے والی پوسٹ میں علی ظفر کی جانب سے بتایا گیا ہے کہ عدالت میشا شفیع کا کیس برطرف کرچکی ہے۔ میں لوگوں کے سامنے یہ ثابت کروں گا کہ میشا جھوٹ بول رہی ہیں اور میرے خلاف سوشل میڈیا پر مہم چلارہی ہیں۔

ماڈل متھیرا نے بھی اس معاملے پر اپنی رائے کا اظہار کرتے ہوئے علی ظفر اورمیشا شفیع کی ویڈیو کا اسکرین شاٹ شیئرکرایا ہے جو اس دن کا ہے جس کے بارے میں میشا شفیع دعویٰ کررہی ہیں کہ علی نے ریہرسل کے دوران انہیں جنسی طور پر ہراساں کیا، متھیرا نے لکھا تعجب ہے کیوں لوگ کسی شخص اوراس کی فیملی کو نقصان پہنچا کر اُسے درد دیتے ہیں۔ یہ ویڈیو کلپ ان تمام لوگوں سے واضح درخواست ہے کہ مہربانی کرکے اپنے بدلے کے لیے ’’می ٹو‘‘کا غلط استعمال نہ کریں۔ متھیرا نے علی ظفر کومضبوط رہنے کا مشورہ دیتے ہوئے انہیں تسلی دی اور کہا جو لوگ جھوٹ بولتے ہیں ان کا جھوٹ زیادہ دیر تک نہیں چل سکتا۔خوبرو گلوکارہ آئمہ بیگ نے انسٹاگرام اسٹوری پر علی ظفر کی تصاویر شیئر کراتے ہوئے لکھا اس معاملے کو تھوڑا وقت دیں، اس کے ساتھ ہی انہوں نے لکھا ہر کسی کی فیملی ہوتی ہے کم سے کم حقائق سامنے آنے دیں۔

پاکستانی اداکار احسن خان نےاپنی انسٹا گرام کی طویل پوسٹ میں لکس اسٹائل ایوارڈز کی حمایت میں جنسی ہراسانی کے معاملے پر آواز بلند کرتے ہوئے کہا لکس اسٹائل ایوارڈ کے پلیٹ فارم نے ہمیشہ ہماری انڈسٹری کو سپورٹ کیا ہے۔ جب میں نے بچوں کے ساتھ جنسی ہراسانی کے معاملے پر ڈراما اڈاری میں کام کیا تھا تو مجھے اس معاملے پر آواز اٹھانے کے لیے بہترین اداکار کا ایوارڈ دیاگیا تھا۔ احسن خان نے مزید کہا کہ کسی بھی بارے میں فوراً اپنی رائے قائم کرلینا غلط ہے، ہمیں اپنے قانونی سسٹم پر بھروسہ کرنا چاہئے اور صرف الزام اور افواہوں کی بنیاد پر لوگوں کو برا بھلا کہنا بند کردینا چاہئے۔نامور پاکستانی اداکارہ میرا نے بھی ایک تقریب کے دوران اس معاملے پر اپنی رائے کا اظہار کرتے ہوئے کہا کہ میشاشفیع کے علی ظفر پر الزامات کا مقصد سستی شہرت کا حصول ہے۔

تاہم جہاں علی ظفر اور لکس اسٹائل ایوارڈز کی حمایت میں لوگ سامنے آرہے ہیں وہیں میشا شفیع کو سپورٹ کرنے والے بھی کم نہیں ہیں۔ نامور ہدایت کار جامی نے می ٹو مہم کی حمایت اور خواتین کے ساتھ یکجہتی کا اظہار کرتے ہوئے اپنا لکس اسٹائل ایوارڈ احتجاجاً گھر سے باہر رکھ دیاتھا۔

کراچی:(ایمرا نیوزآن لائن) نامور پاکستانی گلوکار و اداکار علی ظفر اور گلوکارہ میشا شفیع کی جانب سے ایک دوسرے پر الزامات کا سلسلہ جاری ہے میشا شفیع کی قانونی ٹیم نے علی ظفر سے غیر مشروط معافی کا مطالبہ کیا ہے۔دو روز قبل ایک نجی ٹی وی کو انٹرویو دیتے ہوئے علی ظفر میشا شفیع کی جانب سے خود پر لگائے جانے والے جنسی ہراسانی کے الزامات پر بات کرتے ہوئے اپنے جذبات پر قابو نہ رکھ سکے تھے اور روپڑے تھے، تاہم علی ظفر کے آنسوؤں کا جواب میشا شفیع نے اپنی قانونی ٹیم کے توسط سے دیتے ہوئے ان سے عام معافی کا مطالبہ کیا ہے۔

میشا شفیع کی قانونی ٹیم میں شامل وکیل نگہت داد نے گلوکارہ کی جانب سے ٹوئٹر پر ایک بیان جاری کیا ہے جس میں میشا شفیع کا موقف بیان کرتے ہوئےکہا گیا ہے کہ علی ظفر نے میشا شفیع کو خاموش کرانے کے لیے ان کے خلاف ہتک عزت کا کیس فائل کیا، جب کہ ہتک عزت کا بہترین جواب ’’سچ‘‘ ہے اور میشا شفیع نے کبھی بھی علی ظفر کے خلاف بُرے الفاظ نہیں کہے لہٰذا میشا کو کسی بھی عدالت سے کسی بھی ہتک عزت کے لیے قصور وار نہیں ٹہرایا جاسکتا۔بیان میں علی ظفر کی جانب سے میشا شفیع اورملالہ کے موازنے کو شرمناک قراردیاگیا، جب کہ یہ بھی کہاگیا ہے کہ میشا شفیع اورجنسی ہراسانی کی شکار ہونے والی دیگر خواتین پر حملے دراصل جنسی ہراسانی جیسے مسئلے کو خاموش کرانے کے لیے کیے جارہے ہیں یہی وجہ ہے کہ میشا قانونی طریقے سے انصاف حاصل کرنا چاہتی ہیں۔قانونی ٹیم کی جانب سے مطالبہ کیا گیا ہے کہ علی ظفر میشا سے عام معافی مانگیں کیونکہ وہ اپنے کیے کی سزا بھگتنا شروع ہوگئے ہیں۔

لاہور: (ایمرا نیوزآن لائن) گلوکارہ میشا شفیع نے علی ظفر سے تنازع پر لاہور ہائی کورٹ کا فیصلہ سپریم کورٹ میں چیلنج کر دیا۔ درخواست میں کہا گیا ہے کہ عدالت عظمی تمام گواہان کے بیان ریکارڈ ہونے کے بعد جرح کا حکم دے۔میشا شفیع اور علی ظفر کا تنازع ، بات سپریم کورٹ تک پہنچ گئی۔ گلو کارہ نے لاہور ہائی کورٹ کا فیصلہ عدالت عظمی میں چیلنج کر دیا۔ گواہان پر جرح کی اجازت اور ہائی کورٹ کا حکم کالعدم قرار دینے کی استدعا کر دی۔درخواست میں موقف اختیار کیا گیا ہے کہ گواہان پر جرح کرنا بنیادی قانونی حق ہے، ٹرائل کورٹ نے تمام گواہان کے بیان ریکارڈ ہونے کے بعد جرح کی اجازت نہیں دی، مزید کہا گیا ہے کہ ہر گواہ پر جرح اس کا بیان ریکارڈ ہونے کے فوری بعد کی جائے۔ لاہور ہائی کورٹ نے بھی ٹرائل کورٹ کا فیصلہ برقرار رکھا۔ درخواست میں کہا گیا ہے کہ گواہ پیش کرنا ایک فریق اور اس پر جرح دوسرے فریق کا حق ہے۔ عدالت عظمی حکم دے کہ گواہان پر جرح تمام بیانات ریکارڈ ہونے کے بعد کی جائے۔

لاہور(ایمرا نیوز آن لائن) ہائی کورٹ نے اداکارہ میشا شفیع کی درخواست پر سیشن کورٹ کا حکم کالعدم قرار دیتے تین ماہ میں فیصلہ کرنے کا حکم دیا ہے۔لاہور ہائی کورٹ میں جسٹس مسعود جہانگیر نے میشا شفع کی درخواست پر سماعت کی۔ درخواست گزار نے سیشن جج کے 15 روز میں فیصلے کرنے کے اقدام کو چیلنج کیا تھا۔درخواست میں کہا گیا تھا کہ 15 روز میں ہتک عزت کے دعوے پر فیصلہ کرنے کا حکم حقائق کے برعکس ہے۔ میشا شفیق نے کہا کہ وہ اپنے دفاع میں گواہان کو پیش کرنا چاہتی ہیں۔ہائی کورٹ نے سیشن جج لاہور کے حکم کو کالعدم قرار دے دیا۔ عدالت نے کیس کا فیصلہ تین ماہ میں دینے کا حکم دیا ہے۔گزشتہ ماہ پرسیشن کورٹ نے گلوکارہ میشا شفیع کی گواہان کے ناموں کی فہرست فراہم کرنے سے متعلق درخواست مسترد کردی تھی۔عدالت نے کہا تھا کہ میشا شفیع کی درخواست قانون کے مطابق نہیں ۔عدالت گواہان کے بیانات قلمبند کررہی ہے۔اس اسٹیج پر گواہان کے ناموں کی فہرست فراہم کرنا ممکن نہیں۔ گواہان باقاعدہ اپنی شہادت قلمبند کروا رہے ہیں۔گلوکارہ میشا شفیع گزشتہ سال اپریل میں سماجی رابطے کی ویب سائٹ پر لکھا تھا کہ معروف گلوکار علی ظفر نے انہیں ایک سے زائد بار جنسی طورپرہراساں کیا۔ علی ظفر نے گلوکارہ میشا شفیع کو جنسی ہراساں کرنے کا الزام لگانے کی پاداش میں 10 کروڑ روپے ہرجانے کا نوٹس بھجوا رکھا ہے۔

لاہور(ایمرا نیوزآن لائن) سیشن کورٹ نے اداکارہ میشا شفیع کے میڈیا پر علی ظفر کے خلاف بیان بازی کرنے سے متعلق درخواست پر سماعت کی، عدالت نے میشا شفیع کو علی ظفر کے خلاف میڈیا پر بیان بازی سے روک دیا. عدالت نے کہا ہے کہ میشا شفیع ہتک عزت کے دعوی کے فیصلے تک درخواست گزار یعنی علی ظفر کے خلاف میڈیا پر کوئی بیان نہیں دے سکتیں.درخواست گزار نے کہا ہے کہ میشا شفیع آج کل میڈیا پر علی ظفر کے خلاف جھوٹے بیان دے رہے ہیں جس کی وجہ سے ان کی دنیا بھر میں شہریت کو نقصان پہنچ رہا ہے اس لیے عدالت میشا شفیع کو میڈیا پر جھوٹے بیان دینے سے روکے. جس پر عدالت نے میشا شفیع کو ہتک عزت کے دعوی کے فیصلے تک علی ظفر کے خلاف میڈیا پر بیان بازی سے روک دیا ہے.
https://emra.tv/2019/01/25/نواز-شریف-کی-11-…ٹیسٹ-رپورٹس-نارم/
یاد رہے میشا شفیع نے علی ظفر پر پچھلے سال اپریل میں ہراسگی کا الزام لگایا تھا جس کے بعد یہ تنازع شدت اختیار کرگیا تھا، علی ظفر نے اس الزام کے جواب میں کہا تھا کہ میشا شفیع جھوٹ بول رہی ہیں اور اب وہ میشا شفیع کو عدالت میں لے کر جائیں گے. بعد میں یہ کیس عدالت تک پہنچ گیا تھا،میشا شفیع عدالت میں علی ظفر کے خلاف کوئی واضع ثبوت پیش نہیں کرسکیں تھیں جس پر علی ظفر نے میشا شفیع پر ایک کروڑ ہرجانے کا دعویٰ عائد کررکھا ہے.