Tag army chief

راولپنڈی(وقت نیوز آن لائن)ترکی میں آنے والے خوفناک زلزلے میں قیمتی جانوں کے ضیاع پر آرمی چیف جنرل قمر جاوید باجوہ نے گہرے دکھ اور رنج کااظہارکیاہے۔

آئی آیس پی آر کی جانب سے جاری کردہ بیان میں کہا گیا ہے کہ آرمی چیف جنرل قمر جاوید باجوہ نے ترکی میں زلزلے سے جانی نقصان پر رنج و غم کا اظہارکیاہے۔آئی ایس پی آرکے مطابق جنرل قمر باجوہ نے کہا ترکی میں زلزلہ متاثرین کی امدادکےلئے حکومت پاکستان نے پیشکش کررکھی ہے، آرمی چیف نے کہا ہے کہ پاک فوج کا دستہ امدادی سرگرمیوں میں حصہ لینے کےلئے تیار ہے۔پاک فوج کے دستے میں خصوصی ریسکیوریلیف اورمیڈیکل ٹیمیں شامل ہیں۔

یاد رہے کہ مشرقی ترکی میں آنے والے شدید زلزلے میں حکام کے مطابق 20 افراد ہلاک ہو گئے ہیں۔زلزلے کی شدت 6.8 ریکارڈ کی گئی اور اس کا مرکز ایلازہ صوبے میں سیوریس نامی قصبہ بتایا جا رہا ہے، جس کی وجہ سے عمارتیں گر گئیں اور لوگ سڑکوں پر نکل آئے۔زلزلے کے جھٹکے پڑوسی ممالک شام، لبنان اور ایران میں بھی محسوس کیے گئے۔

نیو اسلام آباد(وقت نیوزآن لائن) انٹرنیشنل ائیرپورٹ پر ائیر پورٹ سیکیورٹی فورس ( اے ایس ایف) کے اہلکاروں کی جانب سے مسافروں سے بداخلاقی کے واقعے پر وزیر اعظم عمران خان نے سخت ایکشن لیتے ہوئے متعقلہ افسران کو فوری معطل کرنے کا حکم دے دیا۔

گزشتہ دنوں سعودی عرب کے دارالحکومت ریاض سے آنے والی فلائٹ کے مسافروں سے بداخلاقی کا وزیراعظم نے سخت نوٹس لیا ہے وزیراعظم نے عبوری رپورٹ موصول ہونے پر ہوابازی ڈویژن کو متعلقہ افسران کے خلاف سخت ایکشن لینے کی ہدایت کی ہے۔

عمران خان نے اسلام آباد ائیر پورٹ کے منیجر طاہر سکندر، ڈیوٹی ٹرمینل منیجر ظہیر اور ملک اکرم کو فوری طور پر معطل کرنے کا حکم دیتے ہوئے صورتحال کو پیشہ وارانہ انداز سے نمٹنے میں ناکامی پر مذکورہ افسران کے خلاف انضباطی کارروائی کا حکم دیا ہے۔ اسٹیشن منیجر پاکستان انٹرنیشنل ائیر لائنز اسلام آباد پرویز نصیر اور ان کی پوری ٹیم کو معطل کرنے اور ان کے خلاف انضباطی کارروائی شروع کرنے کا حکم بھی دیا گیا ہے۔

بریگیڈئیر عرفان ظفر کی سربراہی میں بورڈ آف انکوائری تشکیل دیا گیا ہے جو انکوائری بورڈ پاکستان آرمی ایکٹ 1952 کے تحت واقعے میں ملوث اے ایس ایف اہلکاروں کے خلاف کارروائی کرے گا جب کہ بورڈ آف انکوائری 10 دنوں میں کارروائی مکمل کرے گا۔

اسلام آباد ائیرپورٹ: اے ایس ایف اہلکاروں کی مسافروں پر تشدد کی ویڈیو وائرل سول ایوی ایشن، پی آئی اے اور اے ایس ایف کو فوری طور پر وزیر اعظم کے حکم پر عمل درآمد کرنے کی ہدایت کی گئی ہے۔

واضح رہے کہ 17 اکتوبر کو سعودی دارالحکومت ریاض سے پشاور آنے والی قومی ائیر لائنز (پی آئی اے) کی پرواز موسم کی خرابی کے باعث اسلام آباد ائیر پورٹ پر اتاری گئی تھی۔ موسم کی خرابی کے باعث پرواز کی روانگی میں کئی گھنٹے تاخیر ہوئی تو مسافروں نے احتجاج کیا جس کو روکنے کے لیے اے ایس ایف اہلکاروں کو طلب کیا گیا لیکن اے ایس ایف اہلکار معاملے کو حل کرانے کے بجائے مسافروں سے لڑ پڑے اور ان پر تھپڑوں اور گھونسوں کی بارش کردی۔ ایک اہلکار نے تو آپے سے باہر ہوکر مسافروں پر کرسی دے ماری تاہم خوش قسمتی سے کوئی مسافر زخمی نہیں ہوا تھا۔

رحیم یار خان( ایمرا نیوزآن لائن) لیاقت پور کے قریب گیس سلینڈر پھٹنے سے تیز گام ایکسپریس کی بوگیوں میں آگ لگ گئی جس کے نتیجے میں 65 افراد کے جاں بحق ہونے کی تصدیق ہوگئی ہے جب کہ حادثے میں متعدد افراد زخمی بھی ہوئے ہیں جن میں سے بیشتر کی حالت تشویشناک ہے۔

ڈی پی او رحیم یار خان امیر تیمور خان اور ریسکیو ہیڈ بہاولپور باقر حسین نے حادثے میں 65 افراد کے جاں بحق ہونے کی تصدیق کرتے ہوئے مزید ہلاکتوں کا خدشہ ظاہر کیا ہے۔

کئی افراد کی جلی ہوئی لاشیں نکالی گئیں: ریسکیو حکام: ڈی پی او نے بتایا کہ حادثے میں جاں بحق و زخمی ہونے والوں کو ٹی ایچ کیو لیاقت پور اور بہاول پور کے اسپتالوں میں منتقل کردیا گیا ہے جب کہ آگ پر بھی قابو پالیا گیا ہے۔ ریلوے حکام نے بتایا کہ تین بوگیوں میں تقریباً 200 سے زائد افراد سوار تھے جن میں سے ایک بوگی میں 78 ، دوسری میں 77 اور بزنس کلاس کی بوگی میں 54 افراد کی بکنگ تھی، حادثے کے بعد بوگیوں سے کئی افراد کی جلی ہوئی لاشیں نکالی گئی ہیں جن میں سے کئی لاشوں کے ٹکڑے ملے ہیں۔

پاک فوج کےجوان سانحے کے مقام پر پہنچ موجود: آئی ایس پی آر کے مطابق پاک فوج کے جوانوں نے سانحے کے مقام پر پہنچ کر سول انتظامیہ کے ساتھ امدادی کارروائیاں شروع کردی ہیں جب کہ آرمی ایوی ایشن کا ہیلی کاپٹر بھی سانحے کی جگہ پہنچ گیا ہے جس کے ذریعے زخمیوں کو اسپتال منتقل کیا جارہا ہے۔ آئی ایس پی آر نے بتایا کہ پاک فوج کےڈاکٹرز اورپیرا میڈیکس بھی امدادی کارروائیوں مصروف ہیں۔

دھماکا سلینڈر پھٹنے سے ہوا: ریلوے حکام: سی ای او ریلوے اعجاز احمد کے مطابق مسافر ٹرین میں سلینڈر دھماکے سے تین بوگیوں کو آگ لگی جس میں دو اکنامی اور ایک بزنس کلاس بوگی شامل ہے جب کہ حادثے سے کوئی ٹریک متاثر نہیں ہوا اور ٹرینیں شیڈول کے مطابق چل رہی ہیں۔ ریلوے حکام نے مزید بتایا کہ آگ ٹرین کی بوگی نمبر 3،4،5 میں لگی، تینوں متاثرہ بوگیوں کے زیادہ تر ٹکٹس ایک ہی مسافر کے نام پر بک کرائےگئےتھے جس وجہ سے انفرادی نام نکالنےمیں مشکل ہورہی ہے۔ ریلوے حکام کے مطابق متاثرہ ٹرین سےجلی ہوئی بوگیاں الگ کرکے ٹرین روانہ کر دی گئی ہے۔

شیخ رشید نے تیز گام ایکسپریس کے حادثے کو مسافروں کی غلطی قرار دیدیا: ادھر جیونیوز سے گفتگو کے دوران وزیر ریلوے شیخ رشید نے حادثے کی تفصیلات بتاتے ہوئے کہا کہ واقعے میں ٹرین کی تین بوگیاں متاثر ہوئیں، لوگ اجتماع پر جا رہے تھے، مسافروں کے دو سلینڈر پھٹنے کے باعث بوگیوں میں آگ لگی اور زیادہ تر ہلاکتیں مسافروں کے چلتی ٹرین سے چھلانگ لگانے کی وجہ سے ہوئیں۔ انہوں نے کہا کہ کھاریاں اور ملتان میں برن یونٹس ہیں لہٰذا شدید زخمیوں کو رحیم یار خان منتقل کردیا گیا ہے۔

وزیر ریلوے کا کہنا تھا کہ اس واقعے میں ریلوے کی غلطی نہیں بلکہ مسافروں کی غلطی ہے، مسافروں نے ناشتہ بنانے کے لیے سلینڈر جلایا جس کے بعد چلتی ٹرین میں آگ لگ گئی۔ شیخ رشید نے کہا کہ مسافر ٹرین میں سلینڈر کیسے لے کر پہنچے اس کی تحقیقات کی جائے گی، مسافر چولہے اپنے تھیلے میں رکھ دیتے ہیں اور قانون سے نہیں ڈرتے، کراچی سے مسافر سلینڈر لے کر چڑھے تو نوٹس لیں گے، چھوٹے اسٹیشنوں پر اسکینر کا نظام موجود نہیں لہٰذا تحقیقات کریں گے کہ مسافر سلینڈر لیکر کون سی اسٹیشن سے چڑھے۔

حادثے کی تحقیقات کے احکامات جاری کردیے: چیئرمین ریلوے: چیئرمین ریلوے سکندر سلطان راجہ نے بتایا کہ انسپکٹر آف ریلوے کی سربراہی میں تحقیقات کا حکم دے دیا ہے اور وہ اس بات کا تعین کریں گے کہ سلینڈر کس طرح ٹرین میں لے جانے کی اجازت دی گئی ہے۔

جاں بحق افراد میں سے 18 کا تعلق سندھ سے ہے: تیز گام ایکسپریس حادثے میں جاں بحق ہونے والوں میں سے 18 افراد کا تعلق میرپور خاص سے ہی جبکہ ٹنڈوجام اور ٹندولہیار کے شہری بھی مرنے والوں میں شامل ہیں۔ میرپورخاص مدینہ مسجدسٹیلائٹ ٹاون کےامام قاری مقبول بھی حادثے میں جاں بحق ہوئے ہیں۔

وزیراعظم کا اظہار تعزیت: وزیراعظم عمران خان نے حادثے پر اپنے گہرے دکھ کا اظہار کرتے ہوئے غمزدہ خاندانوں سے تعزیت کا اظہار کیا ہے اور زخمیوں کو بہترین طبی سہولیات فراہم کرنے کی ہدایت کی ہے۔ اپوزیشن لیڈر شہبازشریف نے بھی حادثے پر دلی دکھ کا اظہار کیا اور زخمیوں کے لیے جلد صحت یابی کی دعاہے۔

کراچی (ایمرا نیوزآن لائن) وفاقی وزیر برائے امور کشمیر علی امین خان گنڈا پور نے کہا ہے کہ کشمیر پر دنیا خاموش ہے اور جو ممالک بھارت کے ساتھ ہیں وہ سن لیں کہ بھارت سے جنگ ہوئی تو ایک میزائل بھارت پردوسرا حمایت کرنے والے ملک پر جائے گا تو تیار ہیں۔

گزشتہ روز کشمیر پر یوم سیاہ کی تقریب سے خطاب کرتے ہوئے وفاقی وزیر برائے امور کشمیر نے کہا کہ آج پوری دنیا کے مسلمان ممالک بھی اپنے مقاصد کی خاطر کشمیریوں کا ساتھ نہیں دے رہے لیکن میں واضح کرناچاہتا ہوں کہ دنیا مکافات عمل ہے جو ہمارا ساتھ آج نہیں دے گا کل ہم بھی مشکل وقت میں اس کا ساتھ نہیں دینگے۔

انہوں نے کہا کہ ہندوستان کے حمایتیوں کو باور کرانا چاہتاہوں کہ اگر ہماری کشیدگی جنگ تک گئی تو ایک میزائل بھار ت پر جائے گا اور دوسرا آپ پر بھی جاسکتا ہے اس کیلئے تیار رہیں۔

اسلام آباد(ایمرا نیوزآن لائن رپورٹ ظہیر الحق چیمہ) آرمی چیف جنرل قمر جاوید باجوہ نے کہا کہ طاقت کے حق کا استعمال صرف ریاست کا اختیار ہے ،کوئی بھی طاقت کے استعمال سے ڈرا دھمکا نہیں سکتا۔آرمی چیف جنرل قمر جاوید باجوہ نے جی ایچ کیو راولپنڈی میں کور کمانڈرز کانفرنس سے خطاب کے دوران کہا کہ پاکستان امن اور ترقی کی راہ پر گامزن ہے جبکہ مقبوضہ کشمیر میں قابض بھارتی فوج کے مظالم پر اظہار تشویش بھی کیا۔اجلاس میں بھارت کی کسی بھی مہم جوئی یا جارحیت کے خلاف مادر وطن کا بھرپور دفاع کا عزم کیا گیا۔آرمی چیف کاکہنا تھا کہ کوئی ہمیں کسی دھمکی یا طاقت کے زور پر اس راستے سے نہیں ہٹا سکتا،پالیسی اور طاقت کا استعمال صرف حکومت کی صوابدید ہے۔آئی ایس پی آر جاری اعلامیے کے مطابق آرمی چیف جنرل قمر جاوید باجوہ نے مسلح افواج کے جذبے، کارکردگی اور ملت پاکستان کی طرف سے مکمل حمایت و یکجہتی کو سراہا اور سب سے بڑھ کررب ذوالجلال کا شکر ادا کیا۔آرمی چیف نے ساتھ ہی کسی بھی خطرے کے پیش نظر ہر دم تیار و خبر دار رہنے کی ہدایت کی۔اجلاس میں پاک، بھارت کشیدگی کی وجہ سے پیدا شدہ صورت حال اور جیو اسٹریٹیجک ماحول کا جائزہ بھی لیا گیا۔اجلاس میں پلوامہ واقعے کے بعد مقبوضہ کشمیر میں بھارتی مظالم میں اضافے اور کنٹرول پر سویلین آبادی کو مسلسل نشانہ بنانے پر تشویش کا اظہار کیا گیا۔کور کمانڈرز کانفرنس میں اتفاق کیا گیا کہ بھارتی ظلم و بربریت کے تسلسل سے حالات مزید خراب ہوں گے، علاقائی امن کے مفاد میں بھارت کو کشمیریوں پر ظلم و جبر بند کرنے کی ضرورت ہے۔2014کے نشینل ایکشن پلان پر بھی بات چیت کی گئی اور آرمی چیف نے حکومتی فیصلوں کے مطابق نیشنل ایکشن پلان پر عمل درآمد کی کوششیں تیز کرنے اور اس سلسلے میں دیگر ریاستی اداروں کو مکمل تعاون کی بھی ہدایت کی۔

کراچی(نیٹ نیوز/ایمرا نیوز) دفاعی مصنوعات کی نمائش آئیڈیاز کے سلسلے کی دسویں نمائش آئیڈیاز 2018ء آج سے کراچی ایکسپو سینٹر میں شروع ہو گی، نمائش کی تیاریاں مکمل کر لی گئی ہیں،نمائش 27 سے 30 نومبر تک جاری رہے گی۔صدر مملکت ڈاکٹر عارف علوی آج نمائش کا افتتاح کریں گے، اس مرتبہ شریک ملکوں اور غیرملکی مندوبین کی تعداد ماضی کے مقابلے میں کہیں زیادہ ہے۔آرمی چیف جنرل قمر جاوید باجوہ، پاک فضائیہ کے سربراہ ایئرمارشل مجاہد انور خان اورپاک نیوی کے سربراہ ایڈمرل ظفر محمود عباسی دفاعی نمائش کے مختلف سیشنز میں شریک ہوں گے جبکہ چیئرمین جواِئنٹ چیفس آف اسٹاف کمیٹی جنرل زبیر محمود حیات سیمینار کی صدارت کریں گے۔دفاعی نمائش میں50 سے زائد ممالک کے 262 وفود شرکت کر رہے ہیں، اس بار دفاعی نمائش میں اسٹالز لگانے والوں کی تعداد ماضی کی آئیڈیاز سے زیادہ ہے۔دفاعی نمائش میں522سے زائد ملکی و غیر ملکی کمپنیاں اپنی مصنوعات پیش کر رہی ہیں، اسلحہ ساز کمپنیوں کا تعلق دنیا کے 52ملکوں سے ہے، 321غیر ملکی کمپنیاں اور201پاکستانی کمپنیاں شامل ہیں۔

دفاعی نمائش میں شرکت کرنے والے نمایاں ممالک میں چین، برطانیہ، ترکی، امریکا ، اٹلی، جرمنی، اردن، پولینڈ، روس، جنوبی کوریا، یوکرائن، متحدہ عرب امارات اور دیگر شامل ہیں۔آئیڈیاز 2018 ءمیں اس مرتبہ پاکستان ایروناٹیکل کمپلیکس کا اسٹال خصوصی اہمیت کا حامل ہوگا، جہاں طیارہ سازی کی صنعت میں پاکستان کی تیزرفتار ترقی اور مہارت کی بھرپور عکاسی کی گئی ہے۔ڈپٹی چیف آف ایئر اسٹاف ٹریننگ ایئر مارشل شاہد علوی نے میڈیا کو آئیڈیاز 2018ء سے متعلق بریفنگ میں بتایا کہ 6ممالک کے ایئرچیف بھی دفاعی نمائش میں شرکت کر رہے ہیں۔ان کا مزید کہنا تھا کہ پاکستان کے ڈرون اور جنگی سامان دنیا بھر میں مقبول ہو رہا ہے، دفاعی نمائش میں اسلحہ سازی کی صنعت میں نمایاں مقام رکھنے والے تقریباً تمام ممالک شریک ہیں۔امریکا، برطانیہ، جرمنی اور فرانس کی کئی بڑی کمپنیوں کے اسٹال نمایاں ہوں گے، اس مرتبہ روسی اسٹال بھی خاص توجہ کا مرکز ہوگا، جہاں بکتر شکن میزائل، اسنائپر گنز اور کمانڈوز کےلیے مخصوص اسلحہ موجود ہے۔ترکی اور چین کی شرکت بھی بہت بھر پور ہے، دونوں ملکوں کی کمپنیوں کےلیے الگ الگ ہال مختص کیے گئے ہیں۔29 نومبر کو عوام کے لیے سی ویو نشان پاکستان پر آئیڈیاز کراچی کے ایئر شو کا انعقاد ہوگا۔نمائش کیلئے ٹریفک پلانآج سے جمعے تک اسٹیڈیم فلائی اوور سے حسن اسکوائر روڈ صبح 7بجے سے عام ٹریفک کے لیے بند رہے گا، جسے شام 6بجے کھول دیا جائے گا۔کارساز سے نیشنل اسٹیڈیم آنے والا روڈ بھی عام ٹریفک کے لے بند ہو گا، ہیوی ٹریفک کو لیاقت آباد 10نمبر، نیپا چورنگی، میلینیئم اور کارساز سے متبادل راستہ دیا جائے گا، شہری کسی بھی پریشانی سے بچنے کے لیے متبادل راستہ اختیار کریں۔دفاعی نمائش کے چار دن اسٹیڈیم فلائی اوور سے حسن اسکوائر روڈ کو صبح 7بجے سے عام ٹریفک کے لیے بند کر دیا جائے گا، جبکہ شام 6بجے کھول دیا جائے گا۔رہائشی اپنا شناختی کارڈ دکھا کر اپنے گھر یا ایریا میں جاسکیں گے، کارساز سے نیشتل اسٹیڈیم آنے والا روڈ بھی عام ٹریفک کےلئے بند ہوگا۔شہید ملت روڈ سے آنے والی ٹریفک جیل فلائی اوور اور یونیورسٹی روڈ سے غریب آباد جا سکے گی، براؤن رنگ اور زرد رنگ کی پٹی والے بیریئر عام پبلک کے لیے بند ہوں گے جبکہ آسمانی رنگ اور میرون پٹی والے بیریئر سے ہیوی ٹریفک کو متبادل روٹ بھیجا جائے گا۔پلان کے مطابق کسی بھی قسم کے ہیوی ٹریفک کو نیشنل اسٹیڈیم کی طرف جانے کی اجازت نہیں ہوگی۔ہیوی ٹریفک کو لیاقت آباد 10نمبر، نیپا چورنگی، میلینیئم اور کارساز سے متبادل راستہ دیا جائے گا۔لیاقت آباد، غریب آباد سے کارساز آنے والی عام ٹریفک کو صہبا اختر روڈ کی طرف موڑا جائے گا، صہبا اختر سے ٹریفک کو یونیورسٹی روڈ یو ٹرن سے کے ڈی اے سوسائٹی کی طرف بھیجا جائے گا، نیو ٹاؤن سے آنے والے ٹریفک کو لیاقت آباد جانے دیا جائے گا۔صرف مخصوص اسٹیکر لگی ہوئی گاڑیاں اسٹیڈیم روڈ سے کراچی ایکسپو سینٹر کی طرف جائیں گی، جہاں وہ مخصوص پارکنگ میں کھڑی کی جائیں گی اور عام ٹریفک کواسٹیڈیم پل سے اسٹیڈیم روڈ کی طرف موڑ دیا جائے گا، تمام روٹس اور راستے پر پارکنگ کی اجازت نہیں ہوگی۔

اسلام آباد (ایم نائن ٹو)پاک فوج کے سربراہ جنرل قمر جاوید باجوہ نے کہا ہے کہ پارلیمنٹ دفاع اور خارجہ کی پالیسیاں بنائے ٗہم اس پر عمل کرینگے ٗٹی وی پر تبصرہ کر نیوالے ریٹائرڈ افسران ہمارے ترجمان نہیں ٗ فوج کا آئین میں جو کردار ہے اس سے مطمئن ہوں، فوج آئین کے مطابق اپنا کردار ادا کر رہی ہے اور کریگی ٗ 41ملکی اتحاد کسی ملک کے خلاف نہیں ٗ اتحاد کے ٹی او آرز ابھی طے ہونا باقی ہیں ٗ ایران اور سعودی عرب کی لڑائی نہیں ہوگی ٗہم ایسا نہیں ہونے دینگے ٗخطے کی جیو اسٹریٹجک صورتحالپر گہری نظر ہے ٗ افغانستان میں ہونے والی تبدیلیوں کو نظر انداز نہیں کر سکتے ٗ پاکستان کو لاحق تمام خطرات کا مل کر مقابلہ کریں گے ۔منگل کو چیئرمین سینیٹ میاں رضا ربانی کی زیرصدارت سینیٹ کے پورے ایوان پر مشتمل کمیٹی کا اجلاس تقریباً ساڑھے 4 گھنٹے تک جاری رہا جس میں آرمی چیف نے قومی سلامتی اور اپنے بیرون ملک دوروں سے متعلق تفصیلی بریفنگ دی۔اس موقع پر ڈی جی آئی ایس آئی لیفٹیننٹ جنرل نوید مختار ٗڈی جی آئی ایس پی آر میجر جنرل آصف غفور اور ڈی جی ملٹری آپریشن میجر جنرل ساحر شمشاد مرزا بھی موجود تھے۔آرمی چیف جنرل قمر جاوید باجوہ نے قومی سلامتی سمیت علاقائی سیکیورٹی سے متعلق سینیٹ کی کمیٹی کو آگاہ کیا ٗ سربراہ پاک فوج کی بریفنگ کے بعد سوال و جواب کا سیشن بھی ہوا جس کے دوران سینیٹرز کی جانب سے کھل کر سوالات کیے گئے جن پر آرمی چیف نے جوابات دئیے۔ڈی جی آئی ایس پی آر کے مطابق سینیٹ کمیٹی کے اجلاس کے دوران دہشت گردی کے خلاف جنگ میں پاکستان کی حکمت عملی پر بریفنگ دی گئی جبکہ ڈی جی ایم او نے سیکیورٹی سے متعلق تفصیلی بریفنگ دی۔نجی ٹی وی کے مطابق آرمی چیف جنرل جاوید قمر باجوہ نے سینیٹکے ارکان کو بریفنگ دیتے ہوئے کہا کہ میرے لیے اعزاز کی بات ہے کہ پارلیمنٹ کی ایک اہم کمیٹی میں شریک ہوا ہوں۔انہوں نے کہاکہ بعض اہم ممالک کے دورے فوجی سفارتکاری کا حصہ ہیں اور علاقائی ممالک سے تعلقات میں بہتری کیلئے آرمی چیف کے دورے معاون ثابت ہوئے۔ذرائع کے مطابق آرمی چیف جنرل قمر جاوید باجوہ نے کہا کہ خطے کی جیو اسٹریٹجک صورتحال پر گہری نظر ہے ٗ افغانستان میں ہونے والی تبدیلیوں کو نظر انداز نہیں کرسکتے۔بریفنگ کے دوران انہوں نے کہاکہ بارڈر مینجمنٹ پاک ٗافغان سرحد کو محفوظ بنانے کیلئے ناگزیر ہے۔آرمی چیف نے کہا کہ ٹی وی پر تبصرہ کر نیوالے ریٹائرڈ افسران ہمارے ترجمان نہیں ۔انہوں نے کہاکہ جولوگ ٹی وی پر ہمارے ترجمان بنتے ہیں ہمارا ان سے کوئی تعلق نہیں ہے ۔آرمی چیف نے کہاکہ ایران اور سعودی عرب کی لڑائی نہیں ہوگی ہم ایسا نہیں ہونے دینگے ۔ انہوں نے کہاکہ 41ملکی اتحاد کسی ملک کے خلاف نہیں ٗ اتحاد کے ٹی او آرز ابھیطے ہونا باقی ہیں ۔نجی ٹی وی کے مطابق مختلف سینیٹرز نے دھرنوں سے متعلق سوالات پوچھے جس پر آرمی چیف جنرل قمر جاوید نے دھرنوں میں فوج کے کردار کی نفی کی ۔ پیپلز پارٹی کے سینیٹر فاروق ایچ نائیک نے سوال کیا کہ کیا فوج کو موجودہ رول سے بڑھ کر کردار چاہیے جس پر آرمی چیف نے کہا کہ فوج کا آئین میں جو کردار ہے اس سے مطمئن ہوں، فوج آئین کے مطابق اپنا کردار ادا کر رہی ہے اور کریگی۔ بعدا زاں میجر جنرل آصفغفور نے صحافیوں کو بتایا کہ تمام سینیٹرز نے افواج پاکستان کے کردار کو سراہا اور قربانیوں کو تسلیم کیا جب کہ تمام سوالات میرٹ پر کیے گئے اور آرمی چیف نے ان کے تفصیلی جوابات دئیے۔ترجمان پاک فوج کے مطابق تمام ارکان سوال نہیں کرسکے تاہم کچھ ارکان کے سوالات تھے جن پر آرمی چیف نے جواب دے کر ان کے تحفظات دور کر دئیے۔ترجمان پاک فوج میجر جنرل آصف غفور نے طویل انتظار کے لیے صحافیوں کا شکریہ ادا کیااور کہا کہ تفصیلی پریس کانفرنس آئندہ تین سے چار روز کے دوران کریں گے۔ڈی جی آئی ایس پی آر کے مطابق ممبران سیکیورٹی صورت حال پر زیادہ باخبر تھے جبکہ سیکیورٹی صورتحال پر پاک فوج کے کردار کی تعریف کی گئی اور اتفاق کیا گیا کہ پاکستان کو لاحق تمام خطرات کا مل کر مقابلہ کریں گے اور جب ہم سب متحد ہیں تو ہمیں کوئی شکست نہیں دے سکتا۔نجی ٹی وی کے مطابق اجلاس میں لاپتہ افراد، فیض آباد دھرنے اور طالبان و داعش سے متعلق بھی سوالات ہوئے۔ مسلم لیگ (ن) کے سینیٹر مشاہد اللہ خان نے دھرنے سے متعلق سوال کیا جس کے جواب میں آرمی چیف نے کہا کہ اگر ثابت ہوگیا کہ دھرنے کے پیچھے فوج تھی تو مستعفی ہوجاؤں گا۔ انہوں نے کہا کہ دھرنا ہوا تو میرے ذہن میں لال مسجد کا واقعہ بھی آیا، میں نے ڈی جی آئی ایس آئی سے کہا کہ دھرنے والوں سے بات کریں، بات ہوئی تو پتہ چلا ان کے چار مطالبات ہیں، پھر وہ ایک مطالبہ پر آگئے، سعودی عرب جاتے ہوئے بھی دھرنے سے متعلق معلومات لیتا رہا۔

اسلام آباد(میڈیا نائن ٹو) آرمی چیف جنرل قمر جاوید باجوہ کی جانب سے سینیٹ کو ملکی اور خطے کی صورت حال پر بریفنگ دی جارہی ہے۔میڈیا کے مطابق آرمی چیف جنرل قمر جاوید باجوہ پارلیمنٹ ہاوٴس پہنچ گئے ہیں جہاں وہ بند کمرہ اجلاس میں سینیٹ کو خطے کی صورت حال پر بریفنگ دے رہے ہیں۔ ڈی جی آئی ایس آئی لیفٹیننٹ جنرل نوید مختار، ڈی جی آئی ایس پی آر میجر جنرل آصف غفور اور ڈی جی ایم آئی بھی ان کے ہمراہ ہیں۔ پاک فوج کے سربراہ علاقائی و قومی سلامتی کی صورتحال خصوصاً سعودی اسلامی فوجی اتحاد میں پاکستان کی شمولیت پر سینیٹ کو اعتماد میں لیں گے۔
ذرائع کے مطابق ذرائع کے مطابق ڈی جی ایم او جنرل ساحر شمشاد مرزا کی جانب سے سینیٹ کو بریفنگ دیتے ہوئے بتایا گیا کہ فوجی عدالتوں نے اب تک 274 مقدمات کا فیصلہ کیا، 161 مجرموں کو سزائے موت سنائی گئی جن میں سے 56 مجرموں کو پھانسی دی گئی۔ 13 مجرموں کو آپریشن ردالفساد سے پہلے پھانسی دی گئی اور 43 کو آپریشن کے بعد پھانسی دی گئی۔
سینیٹ کی پورے ایوان پر مشتمل کمیٹی کے اس اہم اجلاس کے موقع پر پارلیمنٹ کی تمام گیلریاں بند کردی گئی ہیں اور پریس لاوٴنج کو بھی تالے لگ گئے جب کہ میڈیا کے کیمرے بھی اندر لانے پر پابندی ہے۔ سینیٹ کی ہول کمیٹی کا اجلاس ٹرمپ کی پاکستان کے حوالے سے پالیسی پر بلایا گیا ہے۔
پارلیمان پہنچنے پر آرمی چیف کا استقبال ڈپٹی چیئرمین سینٹ عبدالغفور حیدری نے کیا۔ آرمی چیف سیدھے چیئرمین سینیٹ کے چیمبر میں گئے اور رضا ربانی سے ملاقات کی۔ بعداں ایوان کی جانب جاتے ہوئے چیئرمین سینیٹ نے گلی دستور کی جانب اشارہ کرتے ہوئے آرمی چیف سے کہا کہ یہ گلی دستور ہے۔ آرمی چیف اس پر سرسری نظر ڈالتے ہوئے آگے بڑھ گئے۔پارلیمانی تاریخ میں پہلی مرتبہ پاک فوج کے سربراہ اور ڈی جی ملٹری آپریشنز سینیٹ کو خطے کی صورتحال پر بریفنگ دے رہے ہیں۔ اس موقع پر سوال جواب کا سیشن بھی ہوگا جس میں ارکان پارلیمنٹ کے سوالات کے عسکری حکام جواب دیں گے۔
ذرائع کے مطابق کمیٹی کا اجلاس امریکی صدر ڈونلڈ ٹرمپ کے بیان کے بعد بلایا گیا ہے، جس کی بعد پیدا ہونے والی صورتحال پر حکمت عملی طے کی جائے گی۔ سینیٹ میں قائد ایوان کی تحریک کے نتیجے میں اگست میں کمیٹی تشکیل دی گئی تھی۔ قائد ایوان راجہ ظفر الحق نے آرمی چیف اور اعلیٰ حکام کو بلانے کی تحریک پیش کی تھی۔

راولپنڈی(M92)چیف آف آرمی سٹاف جنرل قمر جاوید باجوہ نے برطانیہ میں منعقدہ مشقوں کیمبرین پٹرول میں سونے کا تمغہ جیتنے والی پاکستان آرمی کی ٹیم کی شاندار کار کردگی کو سراہا ہے ۔آئی ایس پی آر کے مطابق چیف آف آرمی سٹاف جنرل قمر جاوید باجوہ نے برطانیہ میں منعقدہ مشقوں کیمبرین پٹرول میں سونے کا تمغہ جیتنے والی پاکستان آرمی کی ٹیم سے ملاقات کی۔ایکسرسائز کیمبرین پٹرول برطانیہ میں منعقد ہوئی جس میں مجموعی طورپر 131ٹیموں نے حصہ لیا ۔یہ مشق فوجی اہلکاروں کیلئے سخت ترین پٹرولنگ ٹیسٹ سمجھا جاتا ہے۔ ۔پاکستان نے اس مقابلے میں مسلسل تیسری مرتبہ اور مجموعی طورپر چوتھی مرتبہ سونے کا تمغہ جیتا ہے ۔آرمی چیف نے گولڈ میڈل جیتنے والی ٹیم کی شاندار کار کر دگی کو سراہا ۔