Tag arrest

تھانہ سرائے مغل پولیس کی کاروائی دو مغوی بچے بازیاب ملزم کو گرفتار کرلیا مزید تحقیقات شروع کردی.

پتوکی (ایمرا نیوزر/پورٹ سفیان ورک سے)
تھانہ سرائے مغل میں مقدمہ درج کر لیا گیا تفصیلات کے مطابق پتوکی  کے نواح  تھانہ سرائے مغل پولیس نے بر وقت  کارروائی کرتے ہوئے دو مغوی بچے بازیاب کر لیے اور ملزم کو موقع پر گرفتار کر لیا

ملزم قاری مجاہد کے خلاف دو بچوں انیل اور عاطف کے اغوا کا مقدمہ درج تھا.تھانہ سرائے مغل پولیس نے شیخوپورہ کے علاقہ بھکی سے دونوں بچوں کو بازیاب کروا لیا اور ملزم سے مزید تحقیقات شروع کردی

جبکہ تھانہ سراےمغل پولیس نےتھانہ سٹی پتوکی پولیس کو ملنے والے ایک لاپتہ بچے کے والدین کو ڈھونڈ کر حوالے کیااور تھانہ سرائے مغل پولیس نے کم سن علی شان کے والدین کو جڑانوالہ سے ڈھونڈ کر ان کے حوالے کیا

اس موقع پر بچوں کے والدین نے تھانہ سرائے مغل پولیس کا شکریہ بھی ادا کیا اور پولیس افسران اور اہل کاروں کو دعائیں دی 

روس(ایمرا نیوزآن لائن) روس کی ایک عدالت نے قومی فٹ بال ٹیم کے دو اہم کھلاڑیوں پیول میمایو اور الیگزینڈر کوکورین کو نشے کی حالت میں تخریب کاری کے جرم میں ڈیڑھ سال قید کی سزا سنا دی۔غیر ملکی خبر ایجنسی ‘اے ایف پی’ کی رپورٹ کے مطابق عدالت نے پیول میمایو کو ایک سال اور 5 ماہ جبکہ کوکورین کو ایک سال 6 ماہ کی سزا سنائی، جبکہ کوکورین کے بھائی سمیت ان کے دیگر دو ساتھیوں کو بھی اتنی ہی سزا دی گئی ہے۔

دونوں بین الاقوامی فٹ بالرز پہلے ہی جیل میں ہیں جہاں انہیں 7 ماہ کا عرصہ گزر چکا ہے جس کو سزا میں شامل کر لیا جائےگا۔روسی قواعد کے مطابق سزا سے قبل جیل میں گزارے گئے ایک دن کو ڈیڑھ دن کے برابر شمار کیا جاتا ہے اور اب وہ بقیہ سزا پینل کالونیز (جیل) میں گزاریں گے۔کوکورین کی وکیل تاتیانا اسٹیوکالووا نے صحافیوں کو بتایا کہ ‘ہم دس روز کے اندر ہر صورت اپیل دائر کریں گے’۔انہوں نے دعویٰ کیا کہ یہ فیصلہ صرف متاثرہ افراد کے بیانات کی بنیاد پر کیا گیا ہے۔ان کا کہنا تھا کہ ‘ہمیں توقع ہے کہ عدالت سزا میں کمی کرے گی اور رحم کا مظاہرہ کرے گی لیکن عدالت نے کوئی رحم کا مظاہرہ نہیں کیا اور استغاثہ کی درخواست پر سزا برقرار رکھی’۔

یاد رہے کہ روسی فٹ بال ٹیم کے مڈفیلڈر میمایو اور کوکورین نے دارالحکومت ماسکو میں اکتوبر 2018 میں ایک کیفے میں نشے کی حالت میں لڑائی کی تھی جہاں کیفے کے عہدیدار کو بھی کرسی سے نشانہ بنایا گیا تھا۔دونوں کھلاڑیوں نے کار پارکنگ میں کھڑے ایک ٹی وی میزبان کے ڈرائیور پر بھی تشدد کیا تھا جس کے نتیجے میں ڈرائیور کو شدید چوٹیں آئی تھیں اور انہیں ہسپتال منتقل کردیا گیا تھا۔بعد ازاں دونوں کھلاڑیوں کے خلاف تفتیش شروع کردی گئی تھی۔

پشاور: (ایمرا نیوزآن لائن) پشاور پولیس نے کاروائی کرتے ہوئے کرنسی ڈیلر سے لاکھوں روپے مالیت کی غیر ملکی کرنسی چھیننے والے ملزم کو گرفتار کر لیا۔اے ایس پی فقیر آباد سرکل محمد شعیب نے نیوز کانفرنس کرتے ہوئے بتایا کہ کچھ روز قبل ملزم نے ساتھیوں کے ساتھ مل کر کرنسی ڈیلر سے اسلحہ کی نوک پر بھاری مالیت کے سعودی ریال چھین کر فرار ہو گئے تھے۔ تھانہ پہاڑی پورہ پولیس نے کاروائی کرتے ہوئے مرکزی ملزم حاجی احمد عرف قاری کو گرفتار کر لیا، گرفتار ملزم کا تعلق لنڈی کوتل سے ہے۔

گرفتار ملزم کے قبضے سے 17 لاکھ روپے مالیت کے سعودی ریال برآمد کر لئے گئے جبکہ واردات میں استعمال ہونے والی گاڑی بھی برآمد کرلی گئی ہے۔ گروہ میں 2 افغان باشندے بھی شامل ہیں جو افغانستان فرار ہو چکے ہیں، فرار ملزمان کی گرفتاری کے لیے ایف آئی اے سے رابطے میں ہیں۔

فیصل آباد: (ایمرا نیوزآن لائن) فیصل آباد میں غریب گھرانوں کی لڑکیوں اور چینی باشندوں کی شادیاں کروانے والے گینگ میں شامل چینی خاتون سمیت چار ملزمان اور چینی دلہا گرفتار کرلیا گیا ، سرغنہ انس فرار ہو گیا۔غریب اور مفلس گھرانوں کی لڑکیوں کو ورغلا کر خوبصورت اور دلکش سہانے خواب دکھا کر چینی باشندوں سے شادیاں کروانےکے بعد ان کو جسم فروشی و گردے نکالنے کا سکینڈل منظر عام پر آ گیا، فیصل آباد میں ایف آئی اے حکام نے کارروائی کرتے ہوئے چینی دلہاچنگ، اس کے ساتھیوں زاہد اور کاشف کو گرفتار کرلیا۔

ایف آئی اے کے مطابق گروہ کا سرغنہ لاہور کے ڈی ایس پی کا بیٹا انس بٹ مفرور ہے جبکہ اس کی ساتھی کینڈس کو لاہور میں چھاپہ مار کر حراست میں لیا گیا جس کے قبضہ سے ایک لڑکی مہوش بازیاب ہوئی ہے، گروہ کے ارکان نے دلہن شمیم کے والدین کو بھاری معاوضہ دینے کا جھانسہ دیا تھا۔ ملزم کا کہنا ہے کہ وہ محض چینی باشندوں کی ترجمانی کا کام کرتا تھا اس کی موجودگی میں صرف دو شادیاں ہوئی ہیں۔ڈائریکٹر ایف آئی اے کا کہنا ہے کہ ایجنٹوں کی گرفتاری سے گروہ کے مکمل نیٹ ورک کا سراغ ملے گا، دلہنوں کو چین لے جا کر غیر اخلاقی کام کروانے کی اطلاعات موصول ہو رہی تھیں تاہم کاروائی جاری ہے۔

بھارتی کرکٹر محمد شامی اور ان کی اہلیہ حسین جہاں کے درمیان تنازع شدت اختیار کرگیا
نئی دہلی(ایمرا نیوز آن لائن) بھارتی فاسٹ بولر محمد شامی کی اہلیہ کو بدامنی پھیلانے کے الزام میں امروہا پولیس نے گرفتار کرلیا۔تفصیلات کے مطابق بھارتی کرکٹر محمد شامی اور ان کی اہلیہ حسین جہاں کے درمیان تنازع شدت اختیار کرگیا، امروہا پولیس نے شامی کی اہلیہ کو بدامنی پھیلانے کے الزام میں گرفتار کرکے مقدمہ درج کرلیا۔محمد شامی کی اہلیہ کا کہنا ہے کہ امروہا پولیس مجھے بلا وجہ تنگ کررہی ہے اور بیٹی کو بھی بھوکا رکھا گیا مودی سرکار کو میرے ساتھ ہونے والا ظلم نظر نہیں آرہا ہے۔

حسین جہاں نے کہا کہ مودی سرکار نعرہ لگاتی ہے بیٹی بچاو¿، بیٹی پڑھاو¿، میں بھی ایک بیٹی ہوں، کیا بھارتی حکومت کو یہ نظر نہیں ا?رہا، پولیس میرے گھر میں زبردستی داخل ہوئی اور گرفتار کرکے لے گئی۔بھارتی پولیس کا کہنا ہے کہ شامی کی اہلیہ ملزمہ حسین جہاں کو سیکشن 151 کے تحت بغیر وارنٹ کے گرفتار کیا گیا ہے، پولیس کے مطابق شامی کی اہلیہ اپنی ساس کے ساتھ جھگڑنے میں مصروف تھیں۔واضح رہے کہ فاسٹ بولر محمد شامی ان دنوں ا?ئی پی ایل کے 12ویں سیزن میں بالی ووڈ اداکارہ پریتی زنٹا کی ٹیم کنگز الیون پنجاب کی نمائندگی کررہے ہیں، شامی نے 11 میچز میں 14 وکٹیں حاصل کی ہیں۔

خاتون نے بینک سے قرضہ حاصل کرنے کی خاطر پاکستانی ملازم کو ایک لاکھ درہم کی آفر کی تھی
دبئی(ایمرا نیوز آن لائن)پولیس نے ایک پاکستانی خاتون کو جعلی دستاویزات تیار کرنے اور ہم وطن بینک ملازم کو رشوت کی آفر دینے کے الزام میں گرفتار کر لیا ہے۔ استغاثہ کی جانب سے پاکستانی کاروباری خاتون پر الزام عائد کیا گیا ہے کہ اس نے بینک سے اڑھائی لاکھ درہم کا قرضہ حاصل کرنے کی خاطر کسی اورخاتون کے نام سے جعلی کاغذات تیار کیے اور بینک کے 28 سالہ پاکستانی ملازم کو آفر کی کہ اگر وہ اس کے قرضے کی درخواست منظور کروا دے گا تو وہ اسے ایک لاکھ درہم بطور رشوت ادا کرے گی۔بینک ملازم کی جانب سے اپنے اعلیٰ افسران کو آگاہ کیا گیا کہ 34 سالہ پاکستانی خاتون نے اسے رشوت کی آفر کی ہے جس پر بینک انتظامیہ نے خاتون کے خلاف دبئی پولیس اسٹیشن میں مقدمہ درج کروا دیا۔ اس مقدمے میں خاتون کے علاوہ ایک اور پاکستانی کو بھی نامزد کیا گیا ہے جو تاحال مفرورہے۔ استغاثہ کے مطابق خاتون نے ایک اماراتی خاتون کے نام سے جعلی کاغذات تیار کروا کر ایک مقامی بینک میں اکاﺅنٹ کھلوانے کی درخواست دے دی۔اس مقصد کے لیے اس نے تنخواہ کے جعلی سرٹیفکیٹس تیار کروائے۔ اس کے علاوہ تنخواہ کی بینک میں منتقلی کے لیے بھی جعلی سر ٹیفکیٹس پیش کیا۔ پاکستانی خاتون نے اماراتی خاتون کے نام سے ایک لاکھ درہم کا جعلی چیک بھی پیش کیا۔ استغاثہ کی جانب سے خاتون پر سرکاری ملازمہ کو رشوت کی آفر کرنے، دستاویزات میں رد و بدل کرنے، ایک سرکاری محکمے کی مہر جعلی طور پر تیار کرنے کے علاوہ دھوکا دہی کے الزامات بھی عائد کیے گئے ہیں اور خاتون کو سخت سے سخت سزا دینے کی درخواست کی ہے۔ اس مقدمے کا فیصلہ کل سنایا جائے گا۔

ملزموں کیخلاف 5 ایف آئی آرزدرج کرلی گئیں ہیں‘ایف آئی اے حکام
لاہور(ایمرا نیوز آن لائن)ایف آئی اے نے منی لانڈرزکیخلاف کارروائی کرتے ہوئے کراچی کے دو افراد سمیت 11 ملزموں کو گرفتار کرلیا۔میڈیا رپورٹس کے مطابق ایف آئی اے نے منی لانڈرزکیخلاف کارروائی کرتے ہوئے کراچی کے دو افراد سمیت 11 ملزموں کو گرفتار کرلیا۔ ایف آئی اے کا کہنا ہے کہ ملزموں کیخلاف 5 ایف آئی آرزدرج کرلی گئی ہیں ،ملزموں نے 15 ارب مالیت کے ڈالرز بیرون ملک سمگل کئے ،یہ ٹرانزیکشن دسمبر2016 سے جنوری 21017 کے ددوران ہوئیں۔

قصور(ایمرا نیوزآن لائن) قصور کے تھانہ سٹی پتوکی پولیس نے خوف و دہشت کی علامت شہبازی ڈکیت گینگ کے سرغنہ سمیت دوارکان کو گرفتارکر کے لاکھوں روپے کیش برآمد کر لیا۔ترجمان قصور پولیس کے مطابق شہبازی گینگ بین الاضلاعی گروہ ہے، گرفتار ملزمان میں سرغنہ شہباز عرف شہبازی اور مزمل عرف سخاوت شامل ہیں۔دوران تفتیش ملزمان سے چھینا گیا لاکھوں روپے کیش،زیورات اور اسلحہ برآمد کر لیا گیا۔ملزمان نے لاہور،قصور اور فیصل آبادمیں وارداتیں کرنے کا انکشاف کیا ہے۔

لاہور(ایمرا نیوزآن لائن رپورٹ اظہر محمود سے) مسلم لیگ نون کے صدر میاں شہباز شریف کی لاہور کے علاقے ماڈل ٹاؤن میں واقع رہائش گاہ پر آج پھر نیب نے چھاپہ مارا ہے اس موقع پر ایڈیشنل ڈائریکٹر نیب چوہدری اصغر کا کہنا ہے کہ وہ حمزہ شہبازکو گرفتار کرنے آئے ہیں۔ایڈیشنل ڈائریکٹر نیب چوہدری اصغر نون لیگ کے وکیل عطاء تارڑ اور میڈیا سے گفتگو کر رہے تھے۔انہوں نے مزید کہا کہ ہمارے پاس حمزہ شہباز کی گرفتاری کے وارنٹ موجود ہیں،گرفتاری کے لیے ہمیں گھر کے اندر جانے دیا جائے۔واضح رہے کہ نیب کی ٹیم نے گزشتہ روز بھی شہباز شریف کی رہائش گاہ پر چھاپہ مارا تھا تاہم وہ کسی کو گرفتار نہیں کر سکی تھی۔آج نیب کی ٹیم تیاریوں کے ساتھ دوبارہ شہباز شریف کے گھر پہنچی ہے، اس کے ہمراہ پولیس اہلکار بڑی تعداد میں موجود ہیں جن میں خواتین اہلکار بھی کافی تعداد میں شامل ہیں۔نیب کی ٹیم اور پولیس اہلکاروں نے میاں شہباز شریف کی رہائش گاہ کو گھیرے میں لے رکھا ہے جبکہ وہاں مسلم لیگ نون کے کارکن بھی بڑی تعداد میں موجود ہیں۔

سنگاپور(ایمرا نیوز آن لائن) گمراہ کن اور جھوٹی خبریں شائع یا پوسٹ کرنے والوں کو دس سال قید اور سات لاکھ 38 ہزار 500 امریکی ڈالرز جرمانے کی سزا دینے کا قانون تیار کر لیا گیا ہے۔یہ قانون سنگاپور نے تیار کیا ہے اور منظوری کے لیے مسودہ پارلیمنٹ میں بھیج دیا گیا ہے۔ اس مسودے کی منظوری سے حکومت وقت کو سماجی رابطوں کی ویب سائٹ پر جھوٹی اور گمراہ کن خبریں پھیلانے والوں سے نمٹنے میں نہ صرف آسانی ہو جائے گی بلکہ اسے زیادہ اختیارات بھی مل جائیں گے۔عرب ذرائع ابلاغ کے مطابق اظہار رائے کی آزادی کے ’علمبرداروں‘ نے اس مسودہ قانون پر اظہار تشویش کیا ہے۔ ان کا موقف ہے کہ اس طرح ذرائع ابلاغ سخت پابندیوں کی جکڑ میں آجائیں گے۔سنگاپور کی پارلیمنٹ کو بھیجے جانے والے مسودہ قانون کے تحت حکومت اس بات کی مجاز ہوگی کہ وہ سماجی ویب سائٹس کی کمپنی، خبر رساں ادارے یا ایجنسی اور افراد کی جانب سے پیش کی جانے والی اطلاعات ، رپورٹس اوریا پھر تجزیات کو ہٹا سکے گی۔حکومت کو مسودہ قانون میں یہ اختیار بھی دیا گیا ہے کہ وہ جھوٹی خبریں یا پوسٹیں شیئر کرنے والے شخص، گروپ اور یا پھر ادارے کو دس سال تک قید اور سات لاکھ 38 ہزار 500 امریکی ڈالرز تک کا جرمانہ کرنے کی مجاز ہوگی۔