Tag attack

اسلام آباد(وقت نیوز آن لائن)ترجمان دفتر خارجہ نے افغانستان سے پاکستان پر راکٹ حملے کی تصدیق کردی،ترجمان کا کہنا ہے کہ آج سرحد پار سے 2 راکٹ پاکستانی علاقے میں پھینکے گئے ،راکٹ حملے میں کوئی جانی نقصان نہیں ہوا۔

میڈیارپورٹس کے مطابق سرحد پار افغانستان سے آج پاکستان میں راکٹ فائر کئے گئے تھے جس کی ترجمان دفتر خارجہ نے تصدیق کرتے ہوئے کہا کہ آج سرحد پار سے 2 راکٹ پاکستانی علاقے میں پھینکے گئے ،راکٹ حملے میں کوئی جانی نقصان نہیں ہوا۔

ترجمان دفتر خارجہ نے کہا کہ راکٹ حملوں کے بعد طور خم گیٹ آمدورفت کیلئے بند کردیا گیا،طور خم گیٹ سکیورٹی وجوہات کی بناپر بند کیاگیاہے ،ترجمان کا مزید کہناتھا کہ پاکستان نے راکٹ حملوں کا معاملہ افغان حکام کیساتھ اٹھایا ہے،ترجمان نے کہا کہ طور خم گیٹ عارضی بنیادوں پر بند کیاگیا ہے جس کو جلد کھول دیا جائے گا۔

انڈیانا(ایمرا نیوزآن لائن) امریکی ریاست انڈیانا کے شہر انڈیانا پولس کے نیشنل رائفل ایسوسی ایشن کے سالانہ کنونشن میں امریکی صدرٹرمپ کے اسٹیج پر پہنچتے ہی ایک شخص نے موبائل فون اسٹیج کی طرف پھینک دیا۔خفیہ سروس کےایجنٹس نےموبائل فون اسٹیج پر پھینکنے والےشخص کو تقریب سے باہر نکال دیا۔امریکی میڈیا کے مطابق سیل فون پھینکنے والےشخص نےخود کو ٹرمپ کا حمایتی ظاہر کیا ہے۔

سری لنکا(ایمرا نیوزآن لائن) سری لنکا کے دارالحکومت کولمبو میں گزشتہ روز ایسٹر کے تہوار پر ہونے والے بم دھماکوں میں ہلاکتوں کی تعداد 290 تک پہنچ گئی، واقعے میں 500 سے زائد افراد زخمی ہیں، پولیس نے اس حوالے سے 24 افراد کو گرفتار کیا ہے۔دہشت گردوں نے دارالحکومت کولمبو سمیت 4 شہروں میں 8 بم دھماکے کیے جن میں گرجا گھروں اور لگژری ہوٹلوں کو نشانہ بنایا گیا۔ریسکیو حکام کے مطابق ہلاک ہونے والے 290 افراد میں 35 غیر ملکی بھی شامل ہیں، جن میں5برطانوی،3بھارتی، ڈنمارک، ترکی اور چین کے دو، دو جبکہ نیدر لینڈز اور پرتگال کا ایک ایک شہری شامل ہیں۔پولیس ذرائع کے مطابق دھماکوں کے بعدکولمبو کے ائیر پورٹ کے قریب ایک پائپ بم بھی برآمد ہوا ہے جسے ناکارہ بنادیا گیا ہے۔پولیس کے مطابق گزشتہ روز ہونے والے 8دھماکوں میں کم از کم 2 خودکش حملے تھے جبکہ سیکیورٹی فورسز نے 24مشتبہ افراد کو گرفتار کیا ہے۔

سری لنکن وزیراعظم رانیل وکرما سنگھے کا کہنا ہے کہ گرفتار کیے گئے افراد مقامی ہیں اور حملہ آوروں کے ممکنہ غیر ملکی رابطوں کے بارے میں تحقیقات کی جا رہی ہیں۔
پاکستان سمیت کئی ملکوں کی جانب سے دہشت گردی کے ان واقعات پر شدید مذمت و افسوس کا اظہارکیا گیا ہے جبکہ سوگ میں پیرس کے ایفل ٹاور کی روشنیاں بجھا دی گئی ہیں۔واضح رہے کہ سری لنکا میں تقریباً 10 سال پہلے خانہ جنگی ختم ہونے کے بعد یہ اب تک کے سب سے مہلک حملے ہیں، جن کی تاحال کسی گروپ نے ذمہ داری قبول نہیں کی ہے۔

سری لنکا(ایمرا نیوزآن لائن) سری لنکامیں خوفناک دہشتگردی کے واقعات نے پاکستانی کرکٹرز کو بھی غمگین کردیا۔ کئی موجودہ اور سابق کھلاڑیوں نے سوشل میڈیا پر غمزدہ خاندانوں سے یکجہتی اور افسوس کا اظہار کیا۔قومی ٹیم کے کپتان سرفراز احمد کا کہنا ہے کہ ہماری دعائیں سری لنکا کے لوگوں کے ساتھ ہیں اور ہم مشکل وقت میں ان کے ساتھ کھڑے ہیں۔سابق کرکٹر شاہد آفریدی نے بھی سماجی رابطے کی ویب سائٹ پر سری لنکا کے عوام سے تعزیت کی۔ شاہد آفریدی نے لکھا کہ بم دھماکوں میں قیمتی جانوں کے ضیاع پر شدید دکھ ہوا۔ سری لنکا میں اپنے بھائی اور بہنوں کے لیے دعاگو ہوں۔انہوں نے مزید کہا کہ ہم سب مل کر تمام دہشت گردوں کو شکست دیں گے۔سابق کرکٹر اور کمنٹیٹر رمیز راجہ نے سری لنکا میں ہونے والے بم دھماکوں پر اپنے دکھ کا اظہار کرتے ہوئے کہا کہ مشکل وقت میں ہم سری لنکا کے عوام کے ساتھ کھڑے ہیں۔

سانحہ کرائسٹ چرچ کے بعد نیوزی لینڈ کا ویزہ حاصل کرنیوالوں کی تعداد میں اضافہ ہوا ، کیوی ادارہ برائے مہاجرین
یلنگٹن(ایمرا نیوز آن لائن) کیوی ادارہ برائے مہاجرین کا کہنا ہے کہ سانحہ کرائسٹ چرچ کے بعد نیوزی لینڈ کا ویزہ حاصل کرنیوالوں کی تعداد میں اضافہ ہوا ہے۔تفصیلات کے مطابق نیوزی لینڈ میں مساجد پر ہونے والے دہشت گرد حملے کے بعد ویزہ حاصل کرنے والے خواہشمندوں کی تعداد میں اضافہ ہوگیا۔غیرملکی خبررساں ادارے کے مطابق نیوزی لینڈ کا ادارہ برائے مہاجرین نے ایک بیان میں کہا کہ 15 مارچ کو ہوئی دہشت گردی سے 10 روز قبل کے مقابلے میں اس کے بعد نیوزی لینڈ میں قیام کرنے والے خواہشمندوں میں اضافہ دیکھنے میں آیا ہے۔اسسٹنٹ ڈائیریکٹر پیٹمر المس کا کہنا تھا کہ دہشت گردی سے 10 روز قبل 6 ہزار457درخواستیں دی گئی بعد میں نیوزی لینڈ آنے کے خواہشمندوں کی 8 ہزار 844 درخواستیں موصول ہو گئیانہوں نے مزید بتایا کہ سب سے زیادہ درخواستیں امریکا سے موصول ہوئی جو 674 کے مقابلے دہشت گردی کے بعد 1165 تک پہنچ گئی۔پاکستانیوں کی جانب 65 درخواستوں کے مقابلے میں 333 درخواستیں موصول ہوئیں، جبکہ ملائشیا سے 67 کے مقابلے میں 165 درخواستیں موصول ہوئی ہیں۔خیال رہے کہ دو روز قبل عدالت نے سفید فام دہشت گرد برینٹن ٹیرنٹ پر 50 افراد کے قتل کی فرد جرم عائد کی تھی تاہم دہشت گرد پر دہشت گردی کا مقدمہ چلانے سے پہلے نیوزی لینڈ کی عدالت نے ملزم کے دماغی معائنے کا حکم دے دیا۔سانحہ کرائسٹ چرچ، جنگلی حیات کیلئے قائم ٹرسٹ کا شہید بچوں کو خراج تحسینیاد رہے کہ 15 مارچ کو نیوزی لینڈ کی دو مساجد میں دہشت گرد حملے کیے گئے جس کے نتیجے میں خواتین وبچوں سمیت 49 افراد جاں بحق اور 20 زخمی ہوئے تھے۔

ماہرین بتائیں ملزم عدالت کا سامنا کر سکتا ہے یا نہیں،عدالت
برینٹن کو 14 جون کو پیش کیا جائےگا
کرائسٹ چرچ(ایمرا نیوز آن لائن) نیوزی لینڈ کی عدالت نے کرائسٹ چرچ مساجد پر حملوں کے دہشت گرد کا دماغی معائنہ کرانے کا حکم دے دیا، برینٹن ٹیرینٹ کو دوبارہ 14 جون کو عدالت پیش کیا جائےگا۔غیر ملکی خبر رساں ادارے کے مطابق گزشتہ روز نیوزی لینڈ کی عدالت میں سانحہ کرائسٹ چرچ کی سماعت ہوئی، دہشتگرد انصاف کے کٹہرے میں کھڑا کیا گیا۔ سفاک ملزم برینٹن ٹیرینٹ کی ویڈیو لنک کے ذریعہ حاضری ہوئی۔ عدالت نے مختصر کارروائی کے بعد ملزم کے دماغی معائنے کا حکم دے دیا۔عدالت نے کہا کہ ماہرین بتائیں ملزم عدالت کا سامنا کر سکتا ہے یا نہیں، 28سالہ دہشتگرد برینٹن ٹیرینٹ کا تعلق آسٹریلیا سے ہے، 15 مارچ کو 2 مساجد پر حملوں میں 9 پاکستانیوں سمیت 50 نمازی شہید جبکہ 39 زخمی ہو گئے تھے۔یاد رہے کہ سفاک قاتل نے نیوزی لینڈ کے شہر کرائسٹ چرچ کی دومساجد میں اندھا دھند فائرنگ کر کے 9 پاکستانیوں سمیت 50 نمازیوں کو شہید اور درجنوں کو زخمی کر دیا تھا۔

28 سالہ دہشت گرد برینٹن ٹیرنٹ کو آ ج عدالت میں پیش کیا جائے گا
کرائسٹ چرچ(ایمرا نیوز آن لائن) نیوزی لینڈ میں پیش آنے والے سانحہ کرائسٹ چرچ کے دہشت گرد پر 50 افراد کے قتل اور 39 اقدام قتل کی فرد جرم عائد ہوں گی۔نیوزی لینڈ پولیس نے تصدیق کرتے ہوئے کہا کہ سانحہ کرائسٹ چرچ کے 28 سالہ دہشت گرد برینٹن ٹیرنٹ کو آ ج جمعہ کو عدالت میں پیش کیا جائے گا۔ جہاں اسے اب 50 قتل اور 39 اقدام قتل کے الزامات کا سامنا کرنا پڑے گا جب کہ ملزم کے خلاف دیگر الزامات پر قانونی پہلوؤں سے غور کیا جا رہا ہے۔اس سے قبل ملزم کو 16 مارچ کو عدالت میں پیش کیا گیا جہاں اس پر ایک قتل کا الزام عائد کیا گیا تھا۔15 مارچ 2019 کو نیوزی لینڈ کے شہر کرائسٹ چرچ میں جمعہ کے روز النور مسجد اور لِین ووڈ میں دہشت گرد برینٹن ٹیرنٹ نے اس وقت داخل ہوکر فائرنگ کی تھی جب بڑی تعداد میں نمازی، نمازِ جمعہ کی ادائیگی کے لیے مسجد میں موجود تھے۔اس افسوسناک واقعے میں خواتین اور بچوں سمیت 50 افراد جاں بحق جب کہ 39 زخمی ہو گئے تھے اور نیوزی لینڈ کی وزیر اعظم نے حملوں کو دہشت گردی قرار دیا تھا۔ فائرنگ کے وقت بنگلہ دیشی کرکٹ ٹیم بھی نماز کی ادائیگی کے لیے مسجد پہنچی تھی بنگلہ دیش کی ٹیم فائرنگ کی آواز سن کر بچ نکلنے میں کامیاب رہی اور واپس ہوٹل پہنچ گئی تھی۔مسجد میں فائرنگ کرنے والے دہشت گرد نے حملے کی لائیو ویڈیو بھی سوشل میڈیا پر نشر کی، جسے بعد میں نیوزی لینڈ حکام کی درخواست پر دل دہلا دینے والی قرار دیتے ہوئے سوشل میڈیا سے ہٹادیا گیا تھا۔بعد ازاں نیوزی لینڈ میں مساجد پر حملہ کرنے والے دہشت گرد برینٹن ٹیرنٹ کو عدالت میں پیش کیا گیا تھا جہاں ملزم پر قتل کے الزامات عائد کیے گئے تھے۔اس کے ساتھ ہی نیوزی لینڈ کی کابینہ نے اسلحہ قوانین میں اصلاحات کرتے ہوئے سخت قوانین کی منظوری بھی دے دی تھی.

امریکا: کیلی فورنیا کے شہر ایسکن ڈیڈو میں مسجد کو آگ لگا دی گئی
کیلی فورنیا (ایمرا نیوز آن لائن) امریکا کی ریاست کیلی فورنیا کے شہر ایسکن ڈیڈو میں مسجد کو آگ لگا دی گئی، کوئی جانی نقصان نہیں ہوا۔امریکا ریاست کیلی فورنیا کے شہر ایسکن ڈیڈو میں واقع مسجد کو نامعلوم شخص نے آگ لگا دی، مسجد میں موجود افراد نے آگ بجھائی، رات گئے لگائی گئی آگ سے کوئی جانی نقصان نہیں ہوا تاہم مسجد کے بیرونی حصے کونقصان پہنچا۔ نامعلوم افراد نے سفید فام نسل پرستی اور نیوزی لینڈ حملے سے متعلق نوٹ چھوڑا ہے.

اسلام آباد(ایمرا نیوز آن لا ئن) کرائسٹ چرچ کی مساجد میں فائرنگ کے واقعہ میں شہید ہو نے والے ذیشان کی بہن مریم گل نے کہا ہے کہ اللہ سے دعا ہے کہ کوئی دہشتگرد کو قرآن پاک کا ترجمہ پہنچا دے ،برینٹن قرآن پاک کا ترجمہ پڑھ کر مسلمان ہو جائے تو بہت خو شی ہو گی ۔ تفصیلا ت کے مطابق نجی ٹی وی سے گفتگو کرتے ہو ئے نیو زی لینڈ میں شہید ہو نے والے ذیشان کی بہن مریم گل نے کہا کہ بھائی کو بھلانا بہت مشکل ہے،وہ مجھ سے بہت پیار کرتے تھے اور مجھے کرکٹ کھیلنا بھی سکھایا، وہ بہت نرم دل اور خیال رکھنے والے تھے گھر میں ہر فرد کا خیال رکھتے تھے اللہ تعالیٰ ان کی مغفر ت فرمائے ۔ جبکہ صدر مملکت کی کرائسٹ چرچ میں دہشت گردی واقعہ میں شہید سید اریب احمد اور ذیشان احمد کے اہل خانہ سے ملاقات کی صدر مملکت نے شہید ذیشان کے اہل خانہ سے ملاقات میں گہرے دکھ اور غم کا اظہار کیا۔صدر مملکت نے شہدائ کے لیے فاتحہ خوانی اور ان کی بلندی درجات کے لیے دعاکی صدر نے کہاکہ دکھ کی اس گھڑی میں ذیشان احمد کے خاندان کے ساتھ ہیں۔ صدر پاکستان ڈاکٹر عارف علوی کا کہنا تھا کہ اس واقعے پر افسوس کا اظہار کرتا ہوں اور مذمت کرتا ہوںمیں سمجھتا ہوں کہ جب نفرت کی آگ بھڑکائی جاتی ہے تو اس کی زندگی طویل ہوتی ہے، یہ معاملہ آسانی سے حل نہیں ہوتا۔

کرائسٹ چرچ سانحے میں شہید ہونے والے 9 پاکستانیوں میں سے 7 کی میتیں ورثاءکے حوالے کردی گئیں ، کرائسٹ چرچ میں دہشت گردی کا شکار النور مسجد کی بحالی کا کام تیزی سے جاری
ویلنگٹن(ایمرا نیوز آن لائن)نیوزی لینڈ کی مساجد پر گزشتہ جمعے ہونے والے دہشت گرد حملے میں شہید ہونے والے تمام 50 افراد کی شناخت کرلی گئی۔نیوزی لینڈ میں پاکستانی ہائی کمشنر عبدالمالک کے مطابق کرائسٹ چرچ سانحے میں شہید ہونے والے 9 پاکستانیوں میں سے 7 کی میتیں ورثاءکے حوالے کردی گئیں ہیں۔مسجد پر حملہ آور کو روکنے کی کوشش میں شہید ہونے والے نعیم راشد اور ان کے بیٹے طلحہ راشد کی میتیں بھیجلد ورثاءکے سپرد کردی جائیں گی۔مساجد حملے میں شہید کراچی کے سید اریب احمد کی نماز جنازہ کرائسٹ چرچ میں ادا کر دی گئی جب کہ ان کی میت آئندہ ہفتے پاکستان لائی جائے گی۔مساجد میں فائرنگ سے شہید 9 میں سے 8 پاکستانی شہداءکی تدفین نیوزی لینڈ میں ہی ہوگی۔دوسری جانب کرائسٹ چرچ میں دہشت گردی کا شکار النور مسجد کی بحالی کا کام تیزی سے جاری ہے جہاں آ ج نماز جمعہ کی ادائیگی ہوگی۔بڑھئی، باغبان، قالین بچھانے والے اور دیگر مزدوروں کی بڑی تعداد مسجد کی بحالی کے کام میں شریک ہے جب کہ نیوزی لینڈ حکام کے مطابق مسجد کی بحالی کا کام مکمل نہ ہوسکا تو نماز جمعہ سڑک پر ادا کی جائے گی۔ادھر پولیس اور قانون نافذ کرنے والے اداروں نے النور مسجد سے حملے کے تمام ممکنہ شواہد اور ثبوت حاصل کرلیے ہیں۔مسلم کمیونٹی سے اظہار یکجہتی کے لیے نیوزی لینڈ میں جمعے کو سرکاری میڈیا پر اذان بھی نشر ہوگی اور 2 منٹ کی خاموشی بھی اختیار کی جائے گی۔یاد رہے کہ نیوزی لینڈ کے شہر کرائسٹ چرچ میں گزشتہ جمعے مساجد پر حملے میں 50 افراد جاں بحق اور کئی زخمی ہوئے تھے،اس واقعے کی پاکستان سمیت دنیا بھر سے شدید مذمت کی گئی ہے جب کہ نیوزی لینڈ کی وزیراعظم نے حملے کو دہشت گردی قرار دیا ہے۔