Tag azadi march

(ایمرا نیوزآن لائن) اپوزیشن جماعتوں کی رہبر کمیٹی نے کل سے ملک بھر میں احتجاجی مظاہروں کا اعلان کر دیا۔

چند روز قبل رہبر کمیٹی نے جے یو آئی ف کے تحت ملک کے مختلف شہروں میں شاہراہیں بند کرنے کے لیے دیئے جانے والے دھرنے ختم کرنے کا اعلان کیا تھا۔ رہبر کمیٹی نے ملک بھر میں ضلعی سطح پر احتجاجی مظاہرے کرنے کا فیصلہ کیا تھا۔

اسلام آباد میں میڈیا سے گفتگو کرتے ہوئے رہبر کمیٹی کے سربراہ اکرم درانی نے سے ملک میں احتجاجی مظاہروں کا اعلان کر دیا ہے۔ اکرم درانی کا کہنا ہے کہ آج ہماری صوبائی قیادت کا اجلاس ہو گا اور کل سے ہر شہر میں احتجاجی مظاہرے کیے جائیں گے۔

اسلام آباد(ایمرا نیوزآن لائن) وزیراعظم کی معاون خصوصی برائے اطلاعات فردوس عاشق اعوان نے مولانا فضل الرحمان کو آڑے ہاتھوں لیتے ہوئے کہا ہےکہ مولانا صاحب آپ جس طرح خالی ہاتھ اسلام آباد آئے ویسے ہی خالی ہاتھ لوٹ گئے۔

ٹوئٹر پر جاری بیان میں فردوس عاشق اعوان نے کہا کہ نوازشریف اور شہبازشریف نے عدالت کویقین دہانی کرائی ہے کہ وہ واپس آئیں گے اور انڈیمنٹی بانڈ کی شرط کو ہائی کورٹ نے مسترد نہیں معطل کیا، امید ہے نوازشریف عدالتی فیصلے کی پاسداری کرتے ہوئے پاکستان آئیں گے۔

انہوں نے مولانا فضل الرحمان پر تنقید کرتے ہوئے کہا کہ مولانا صاحب آپ جس طرح خالی ہاتھ اسلام آباد آئے ویسے ہی خالی ہاتھ لوٹ گئے، مولانا صاحب آپ کی سیاسی جڑیں عوام نے کاٹیں،آپ جمہوریت سے بدلہ لینے پر تل گئے، قوم نے دیکھ لیا کہ کون اسلام آباد سے چلتا بنا، عوام نے آپ کومسترد کرکے ثابت کیا کہ وہ انتہا پسندی کے ساتھ نہیں۔

معاون خصوصی کا کہنا تھاکہ عوام نے آپ کے سارے پلان چوپٹ کر دیے اور آپ کو پلان “ایگزٹ” کا سہارا لینا پڑا، “روڈز بلاک”پلان بھی عوام نے مسترد کردیا، اب مولانا جمہوریت کے راستے میں انا کی رکاوٹیں کھڑی کرکے اپنا سیاسی مستقبل خراب نہ کریں۔

فردوس عاشق اعوان نے مزید کہا کہ مولانا صاحب حلقے میں جائیں، سیاسی طور پر ہلکے نہ ہوں، مولانا لشکرکشی اور غیرجمہوری ہتھکنڈوں میں ناکامی کے بعد اپنی خفت مٹانے کی کوشش کررہےہیں، ہم نے تحمل اور بردباری کا مظاہرہ کرتے ہوئے جمہوری طرز عمل اختیار کیا اور آپ کے احتجاج کے حق کو تسلیم کیا۔

اسلام آباد(ایمرا نیوزآن لائن) وزیراعظم کی معاون خصوصی برائے اطلاعات فردوس عاشق اعوان نے کہا ہےکہ نوازشریف کے معاملے پر حکومت نے بال مسلم لیگ ن کے گراونڈ میں پھینک دی ہے اب دیکھتے ہیں وہ کیا فیصلہ کرتے ہیں۔

اسلام آباد میں میڈیا سے گفتگو کرتے ہوئے فردوس عاشق اعوان نے کہا کہ تاثر دیا جارہا ہے حکومت نے نواز شریف کے علاج پر سیاست کررہی ہے، وزیراعظم نے سیاست کے بجائے انسانی ہمدری کو فوقیت دی اور نواز شریف کی صحت کے اوپر سیاست سے منع کیا ہے۔

انہوں نے کہاکہ مسلم لیگ ن اور پی ٹی آئی کا ٹوئنٹی ٹوئنٹی میچ نہیں، نوازشریف کو علاج کے لیے بیرون ملک جانے کی اجازت دی، ن لیگی ترجمان اس پر تمسخر اڑا کر سیاست کر رہے ہیں، ن لیگ سے ہمارا میچ نہ ٹی ٹونٹی ہے نہ ہی ون ڈے، ہماری یہ ایک لمبی سیریز ہے جو چلتی رہے گی۔ معاون خصوصی کا کہنا تھا کہ پرویز مشرف اور نواز شریف کے کیسز میں بنیادی فرق ہے اور حکومت نے اس معاملے میں قائد و ضوابط کے مطابق فیصلہ کیا۔

فردوس عاشق عوان نے مزید کہا کہ آج شہباز شریف انا کی چھتری سے باہر نکل کر فیصلہ کریں، اس پنجہ آزمائی میں میاں صاحب کی صحت خراب نہیں ہونی چاہیے، بال مسلم لیگ ن کے گراونڈ میں پھینک دی ہے، دیکھتے ہیں وہ کیا فیصلہ کرتے ہیں۔

آزادی مارچ کے خاتمے پر انہوں نے تبصرہ کرتے ہوئے کہا کہ ’بڑے بے آبرو ہو کر تیرے کوچے سے ہم نکلے‘، مولانا کے لیے دعا گو ہوں کہ اللہ ان کو قومی سلامتی سے جڑے بہتر فیصلے کرنےکی توفیق عطا فرمائے، ہمیں توقع ہےکہ ان کا پلان بی بھی اسی طرح فلاپ ہوگا، عوام اس طرح کےسیاسی ڈراموں کی قسطیں کو پہچانتے ہیں، مولانا صاحب 13 کے اسکور پر آپ بولڈ ہوگئے ہیں،عمران خان نے 126 اسکور کرکے سنچری بنائی تھی۔

ان کا مزید کہنا تھا کہ نواز شریف کے بروقت علاج کے لیے حکومت نے لچک دکھائی، قانون میں ہےکہ سزا یافتہ شخص اگر علاج کے لیے بیرون ملک جانا چاہتا ہے تو واپس لانے کے لیے گارنٹی ہونی چاہیے لہٰذا ن لیگ انڈیمنٹی بانڈ جمع کرائے اور نواز شریف کو علاج کیلئے لے کر جائے۔

(ایمرا نیوزآن لائن) وطنِ عزیز کو ایک تجربہ گاہ بنا رہنا چاہئے یا مختلف تجربوں کے نچوڑ کے طور پر ایک طے شدہ سیاسی نظم و ضبط حاصل کرنا ہی سیاسی مقصد ہونا چاہئے۔ مولانا فضل الرحمٰن کا آزادی مارچ اِس سوال کا ایک واضح جواب ہے۔

یہ جواب ملک کی جمہوری طاقتوں کی جانب سے نہایت نپے تلے انداز میں دیا جا رہا ہے اور یہ واضح کیا جا رہا ہے کہ رائے عامہ کا صبر و تحمل، اب پتلی تماشے پر جواب دے رہا ہے۔ ہوش ربا مہنگائی کا جواب کسی وقت بھی بپھر سکتا ہے اور یہ سب کچھ بین الاقوامی برادری بھی بہت شدومد سے محسوس کر رہی ہے۔ بین الاقوامی برادری کے ردعمل، اُس کے احساسات کو پرکھنے کے لئے ان کے ذرائع ابلاغ کا جائزہ لینا اہمیت کا حامل ہوتا ہے۔

جب سے مولانا فضل الرحمٰن نے اپنے آزادی مارچ کا اعلان کیا ہے اُس وقت سے بین الاقوامی ذرائع ابلاغ بہت گہرائی سے اس کا جائزہ لے رہے ہیں اور جے یو آئی (ایف) کے گزشتہ سوا سال پر محیط جلسوں میں اختیار کئے گئے لب و لہجہ اور مطالبات کو پرکھ رہے ہیں۔ مولانا فضل الرحمٰن میدانِ سیاست کی پہلی صف میں کھڑے سینئر ترین سیاستدان ہیں اور اسی بدولت اپنا ایک بین الاقوامی تشخص بھی رکھتے ہیں۔ یہ بین الاقوامی تشخص صرف مذہب تک ہی محدود نہ ہے، اس مقصد کو حاصل کرنے کی غرض سے ان کے ساتھ مسلم لیگ (ن)، پی پی پی، محمود خان اچکزئی نظر آ رہے ہیں اور کبھی سپریم کورٹ بار کے نو منتخب صدر ان کے کنٹینر پر جلوہ افروز ہیں۔

ان کی اسی حکمتِ عملی سے بین الاقوامی میڈیا نے اُن کے مارچ کو مذہبی یا کٹھ ملائیت کا مظاہرہ قرار نہیں دیا بلکہ مذہبی مارچ یا تحریک قرار دینے کے بجائے رائٹ ونگ کی سربراہی میں ایک سیاسی عمل قرار دیا ہے۔

امریکہ اور برطانیہ کے اخبارات تو وہاں کے مزاج کے مطابق پوری دنیا کی اہم خبروں کا احاطہ کرتے ہیں لہٰذا وہ تو آزادی مارچ کو ایک اہمیت دے ہی رہے ہیں لیکن چین میں میڈیا کا طریقہ کار ان ممالک سے مختلف ہونے کے باوجود پہلی بار دیکھنے میں آ رہا ہے کہ وہ بھی اس سیاسی سرگرمی کو بھرپور طور پر خبروں کی زینت بنا رہا ہے، اور وہ بھی اس کو مخصوص مذہبی سرگرمی قرار نہیں دے رہا بلکہ پاکستان میں موجود سیاسی جماعتوں کی قوتِ برداشت کے جواب دینے کے ایک مظہر کے طور پر دیکھ رہا ہے۔

عالمی میڈیا کے اس قائم ہوتے تصور کے ساتھ ساتھ مولانا فضل الرحمٰن ایک مسئلے کا شکار بھی ہیں۔ ان کی سیاسی جماعت کے سفارتی حلقوں میں روابط بہت کمزور ہیں اور جو ہیں وہ بھی انفرادی حیثیت ہی رکھتے ہیں۔ گزشتہ کچھ عرصے میں دنیا کے اہم ممالک کے سفارتکاروں سے راقم الحروف کی ملاقاتیں رہیں تو ان کی گفتگو کا محور مولانا فضل الرحمٰن کی ذات ہی رہی کیونکہ وہ یہ سمجھتے ہیں کہ 2014ء کا دھرنا ایک جمہوری حکومت کے خلاف سازش تھا جبکہ آزادی مارچ جمہوری طاقتوں کا پاور شو ہے مگر انہیں یہ سمجھ نہیں آ رہا کہ وہ یہ کیسے معلوم کریں کہ جے یو آئی (ایف) کا مختلف بین الاقوامی اور قومی امور پر کیا مؤقف ہے۔

یہ کمزوری صرف جے یو آئی تک محدود نہیں بلکہ دیگر جماعتوں میں بھی موجود ہے کیونکہ ان کی قیادت جو سفارتکاروں سے ملتی بھی ہے تو بس اپنے ذاتی تشخص تک ہی محدود رہتی ہے۔ خارجہ معاملات کو بس وزارتِ خارجہ کے افسران تک ہی نہیں دیکھنا چاہئے بلکہ اس کے لئے سیاسی بصیرت اور بین الاقوامی تعلقات پر گرفت ہونی چاہئے کیونکہ دفترِ خارجہ صرف اسٹیٹس کو کی ہی نمائندگی کرتا ہے۔ بہرحال یہ تو جملہ معترضہ تھا۔

اس مارچ سے مولانا نے صرف بین الاقوامی برادری میں ہی جگہ نہیں بنائی بلکہ وہ اپنے حامیوں کے لئے بھی بہت کچھ حاصل کرنے میں کامیاب ہوئے ہیں۔ یہ ایک طے شدہ حقیقت ہے کہ مولانا فضل الرحمٰن کی وسیع حمایت پختون علاقوں میں موجود ہے اور گزشتہ چالیس برسوں سے بالخصوص یہ تصور پختونوں کے متعلق ایک طے شدہ حکمتِ عملی کے تحت قائم کر دیا گیا ہے کہ یہ نہایت ہی لڑاکا اور تہذیب و تمدن سے دور لوگ ہیں۔

اگر ایسا ہے تو پھر جمہوری رویوں کے گزر کا تو گمان بھی نہیں ہو سکتا۔ آزادی مارچ میں سینکڑوں کلومیٹر کا سفر طے کیا لیکن نہ تو 2014ء کے دھرنے کی نسبت کسی پولیس والے پر تشدد کرکے مقاصد حاصل کرنے کی کوشش کی گئی بلکہ ایک گملا تک نہ ٹوٹا اور یہ امن کا سفر جمہوری آزادیوں کی خاطر کیا جا رہا ہے۔ خیال رہے کہ یہ مارچ اپنے شرکاء کی تعداد کے اعتبار سے اب تک کیے گئے مارچوں میں سب سے بڑا ہے اور اس کا پُرامن تشخص شاندار نتائج دے رہا ہے۔ مولانا فضل الرحمٰن اس سے قبل اپنے مکتبِ فکر کی مثبت تصویر کشی کر چکے ہیں جب انہوں نے ایم ایم اے کے قیام میں اہم کردار ادا کیا تھا۔

جمعیت علمائے اسلام کو تقسیم کرنے اور اس کی طاقت کو پارہ پارہ کرنے کی غرض سے ایک حکمتِ عملی عشروں پہلے بنائی گئی تھی کہ اس کو دھڑوں میں تقسیم کر دیا جائے اور دھڑوں کو توانا کرنے کی غرض سے فرقہ ورانہ معاملات کو ابھارا جائے تاکہ نئے دھڑے اس بنیاد پر اپنی سیاست کر سکیں۔ مولانا مفتی محمود کی وفات کے بعد جمعیت پر یہ سخت ترین حملہ تھا لیکن مولانا فضل الرحمٰن نے اس سے مختلف راہ اپنائی اور وہ ایم ایم اے تک چلے گئے۔ وقت نے ثابت کیا کہ جے یو آئی کے لئے ان کی یہ حکمتِ عملی کامیاب رہی۔ وہ اپنا یہ تشخص اپنے ساتھ دیگر مکاتبِ فکر کے علماء کو کنٹینر پر ساتھ رکھ کر اب تک واضح کر رہے ہیں۔ آزادی مارچ نے یہ ثابت کر دیا ہے کہ مولانا فضل الرحمٰن پاکستانی سیاست کا ایک لازمی حصہ ہیں۔

اسلام آباد(ایمرا نیوزآن لائن) وفاقی وزیر برائے سائنس اینڈ ٹیکنالوجی فواد چوہدری نے کہا ہےکہ ہم پیسہ نہیں چھوڑ سکتے اور نوازشریف واپس آئیں گے تو پیسے بھی واپس مل جائیں گے۔

نواز شریف کا معاملہ: سیکیورٹی بانڈ کی رقم العزیزیہ کیس کی مالیت کے برابر ہوگی اسلام آباد میں میڈیا سے گفتگو کرتے ہوئے فواد چوہدری نے کہا کہ کابینہ میں کل طویل میٹنگ ہوئی اور وزیراعظم کی تمام معاملات پر گہری نظر ہے، کابینہ نے نوازشریف کے معاملے کا انسانی بنیاد پر جائزہ لیا اور اسی بنیاد پر انہیں باہر جانے کی اجازت دی جارہی ہے۔

انہوں نے کہا کہ شہبازشریف، مریم نواز، خواجہ آصف، نوازشریف کی کرسی سنبھالنے کی دوڑ میں ہیں، نوازشریف کی صحت پر سیاست نا کریں، انہیں سیکیورٹی بانڈز دینے دیں، وہ واپس آئیں گے تو پیسے واپس مل جائیں گے اس لیے انہیں صحتیاب ہونے دیں، نوازشریف کی صحت سے پیسہ زیادہ اہم نہیں ہے۔

وفاقی وزیر کا کہنا تھا کہ نوازشریف کوئی ایسی گارنٹی تو دیں کہ ٹھیک ہوکر وہ واپس آجائیں گے، اسحاق ڈار بھی واپسی کی یقین دہانی کراتے رہے، حسین اور حسن نواز بھی واپس نہیں آئے لہٰذا ہم پیسے معاف نہیں کرسکتے کیونکہ یہ پاکستانیوں کا پیسہ ہے۔

فواد چوہدری نے مزید کہاکہ برطانیہ میں انہوں نے جائیدادیں چھپائی ہوئی تھیں، آج انہیں بغیر شک جانے دیں گے تو کل زرداری اور خورشید شاہ بھی باہر جانے کا کہیں گے، ہم نے مثال قائم کرنی ہے اور بیلنس قائم کیا ہے، یہ مثال باقی لوگوں کیلئے بھی ہوگی۔ ان کا کہنا تھاکہ 3 ہزار قیدیوں نے جیل سے نکلنے کی درخواستیں دائرکی ہیں، عدالت ای سی ایل سے نام نکال دے تو ہمارا کوئی مسئلہ نہیں، اب ساری ذمہ داری ہم پر ڈال دی گئی ہے، مسلم لیگ ن کی ساکھ متاثر ہورہی ہے، ہماری طرف سے کوئی تاخیرنہیں، ن لیگ کی طرف سے تاخیر ہورہی ہے۔

آزادی مارچ: فضل الرحمان نے ’پلان بی‘ شروع کرنے کا اعلان کردیا آزادی مارچ سے متعلق فواد چوہدری نے کہا کہ فضل الرحمان کے دھرنے میں روز نئے لطیفے سننے کو ملتے ہیں، وہ جہاں جہاں نکلنا چاہتے ہیں نکلیں، ہم دیکھنے کیلئے بیٹھے ہیں۔

(میڈٰیا92نیوزآنلائن) جمعیت علمائے اسلام (جے یو آئی۔ف) کی قیادت میں اپوزیشن جماعتوں کے آزادی مارچ کا آج 14 واں روز ہے اور شرکاء اسلام آباد کے ایچ 9 گراؤنڈ میں موجود ہیں۔

جے یو آئی ف کے سربراہ مولانا فضل الرحمان نے وزیراعظم عمران خان سے فوری مستعفی ہونے اور نئے انتخابات سمیت دیگر مطالبات کر رکھے ہیں تاہم حکومت اور اپوزیشن میں وزیراعظم کے استعفے اور نئے انتخابات کے معاملے پر ڈیڈ لاک برقرار ہے گزشتہ روز شرکاء سے خطاب میں مولانا فضل الرحمان نے آزادی مارچ کے پلان بی پر عمل درآمد کا اعلان کرتے ہوئے کارکنوں کو گھروں سے باہر نکلنے کی ہدایت کی تھی۔ مولانا فضل الرحمان کا کہنا تھا کہ آزادی مارچ کے پلان بی کے تحت ملک کے مختلف شہروں کو بند کیا جائے گا۔

پلان بی پر عمل درآمد شروع: چمن: جے یو آئی (ف) کے کارکنوں نے آزادی مارچ کے پلان بی پر عمل آدمد کرتے ہوئے کوئٹہ چمن شاہراہ سید حمید کراس کو ٹریفک کے لیے بند کر دیا۔ صوبائی امیرجےیوآئی ف مولانا عبدالواسع کا کہنا ہے کہ احتجاج کے پلان بی پر بلوچستان میں عملدرآمد شروع کر دیا ہے، پلان بی کے تحت کوئٹہ چمن شاہراہ سید حمید کراس کو ٹریفک کے لیے بند کیا ہے۔ دوسری جانب لیویز کی بھاری نفری شاہراہ کھلوانے کے لیے موقع پر پہنچ گئی ہے۔

اسلام آباد(میڈیا9نیوزآن لائن) وزیراعظم عمران خان زیر صدارت وفاقی کابینہ کا اجلاس جاری ہے۔

وفاقی کابینہ کے اجلاس میں 7 نکاتی ایجنڈے پر غور کیا جائے گا جب کہ آزادی مارچ اور ملکی و سیاسی صورتحال پر بھی غور ہوگا۔ اس کے علاوہ اقتصادی رابطہ کمیٹی کے 6 اور 8 نومبر کےاجلاسوں میں کیے گئے فیصلوں کی توثیق کی جائے گی۔

وفاقی کابینہ کے اجلاس میں ممبر اوگرا کی تعیناتی، ہیلتھ کیئر ریگولیشن ایکٹ کے تحت اتھارٹی کے بورڈ ممبران کی تعیناتی کی منظوری دی جائے گی اور وفاقی کابینہ کے فیصلوں پر عملدرآمد کا جائزہ لیا جائے گا۔ کابینہ کو سٹیزن پورٹل پر سمندرپار پاکستانیوں کی شکایات کے حل پر بریفنگ دی جائے گی۔

ننکانہ صاحب(ایمرا نیوزآن لائن) وفاقی وزیر داخلہ اعجاز شاہ نے مسلم لیگ (ن) کی رہنما مریم نواز کی بیرون ملک روانگی پر مشروط رضا مندی ظاہر کردی۔

ننکانہ صاحب میں میڈیا سے گفتگو کرتے ہوئے اعجاز شاہ نے کہا کہ نواز شریف کے ساتھ ڈیل کی جا رہی ہے اور نہ ہی ڈھیل دی جارہی ہے، عمران خان اس قسم کے آدمی نہیں کہ کسی کوڈیل یا ڈھیل دیں، انہیں انسانی ہمدردی کی بنیاد پر بیرون ملک علاج کی اجازت دی جا رہی ہے کیونکہ ڈاکٹروں کے مطابق نواز شریف کی حالت تشویشناک ہے اور پاکستان میں ان کا علاج ممکن نہیں لہٰذا نواز شریف کو صرف علاج کیلئے باہر جانے کی اجازت دی جارہی ہے، وہ علاج کے بعد وطن واپس ضرور آئیں گے۔

انہوں نے کہا کہ نواز شریف کے والد، بیوی اور بھائی کی قبریں پاکستان میں ہیں اس لیے وہ پاکستان نہیں چھوڑسکتے جب کہ نواز شریف کا نام ای سی ایل سے نکالنے کیلئے کابینہ میں کوئی اختلاف نہیں۔ ایک سوال کے جواب میں وزیر داخلہ کا کہنا تھا کہ مریم نواز بیمار ہوئیں تو ان کو بھی بیرون ملک علاج کیلئے جانے کی اجازت مل سکتی ہے لیکن اس وقت وہ صحتمند ہیں اور انہیں کوئی سنجیدہ نوعیت کی بیماری نہیں اور بیماری کے بغیر ان کو باہر نہیں جانے دیں گے، وہ ٹھیک ہیں، اللہ انہیں صحت یاب رکھے۔

آزادی مارچ سے متعلق اعجاز شاہ نے کہا کہ حکومت یہ پانچ سال اور اگلے پانچ سال بھی پورے کرے گی اور مولانا فضل الرحمان کو اتنی سہولتیں دے رہے ہیں کہ ان کا دل اسلام آباد میں لگ گیا ہے، وہ جلد جانیوالے نہیں ہیں، ہم انہیں اتنا پیار دے رہے ہیں کہ وہ وزیراعظم کے استعفے کا مطالبہ بھول جائیں گے۔
وزیر داخلہ نے مہنگائی کا اعتراف کرتے ہوئے کہا کہ مہنگائی ہے اس میں کوئی شک نہیں، ہم اسے کم کرنے اور گورننس ٹھیک کرنے کی کوشش کررہے ہیں۔

(ایمرا نیوزآن لائن) جمعیت علمائے اسلام (ف) کے سربراہ مولانا فضل الرحمان کی قیادت میں اپوزیشن جماعتوں کے آزادی مارچ کا آج نواں روز ہے اور دھرنے کے شرکاء سرد موسم کے باوجود ایچ نائن گراؤنڈ میں موجود ہیں۔

وزیراعظم کو پرویز الٰہی کی بریفنگ: ذرائع کے مطابق چوہدری پرویز الٰہی نے وزیراعظم عمران خان سے ملاقات کی جس میں انہوں نے مولانا فضل الرحمان سے ہونے والی 5 ملاقاتوں کی تفصیلات وزیراعظم کو بتائیں۔ ذرائع کا کہنا ہے کہ پرویز الٰہی نے وزیراعظم عمران خان کو مذاکرات کے تعطل کی وجوہات سے بھی آگاہ کیا۔

اگر استعفیٰ ہی شرط ہے تو مذاکرات نہیں ہونے چاہئیں: وزیراعظم: وزیراعظم عمران خان سے حکومتی مذاکراتی کمیٹی کی ملاقات جاری ہے جس میں رہبر کمیٹی سے ہونے والی ملاقاتوں پر وزیراعظم کو بریفنگ دی جا رہی ہے۔

ذرائع کا بتانا ہے کہ حکومتی کمیٹی کی رہبر کمیٹی کی شرائط پر وزیراعظم سے مشاورت کی جا رہی ہے۔ ذرائع کے مطابق وزیراعظم عمران خان کا کہنا ہے بار بار استعفےکی بات ہو رہی ہے، اگر استعفیٰ ہی شرط ہے تو مذاکرات نہیں ہونے چاہئیں۔’مولانا ٹائم پاس کر رہے ہیں تو ہم بھی ٹائم پاس کررہے ہیں’

قومی اسمبلی کے اجلاس میں وزیر دفاع اور حکومتی مذاکراتی کمیٹی کے سربراہ پرویز خٹک نے جب تقریر کا آغاز کیا تو اپوزیشن اراکین نے شور شرابا کیا جس پر پرویز خٹک نے کہا کہ آج دل سے بولنا چاہتا ہوں، کیا آپ لوگ سنیں گے، سن لیں یہ تماشہ نہیں چلے گا۔انہوں نے کہا کہ مارچ والے صبر کریں، ابھی بہت دیکھنا اور برداشت کرنا پڑے گا، جتنا بیٹھنا ہے بیٹھو لیکن ملک کو نقصان نہیں پہنچانا، اگر مولانا کہتے ہیں جرگہ ٹائم پاس کے لیے ہے تو ہم بھی آپ سے ٹائم پاس کررہے ہیں۔

پرویز خٹک کا کہنا تھا کہ اگر جمہوریت کی بات کرتے ہیں تو آئیں ٹیبل پر بیٹھیں۔

پرویز خٹک نے مزید کیا کہ’میرے پاس مولانا سے متعلق بہت حقائق ہیں’
تحریک انصاف کے رہنما اور صوبائی وزیر فیاض الحسن چوہان نے جیو نیوز کے پروگرام جیو پاکستان میں گفتگو کرتے ہوئے دعویٰ کیا کہ میرے پاس مولانا فضل الرحمان سے متعلق بہت حقائق موجود ہیں، مولانا فضل الرحمان سے متعلق حقائق سامنے آئے تو عوام اور میڈیا اپنے کانوں کو ہاتھ لگائیں گے۔

فیاض الحسن چوہان کا کہنا تھا کہ مذاکرات 100 فیصد کامیاب ہوں گے کیونکہ مولانا فضل الرحمان استعفے سے وظیفے پر آ چکے ہیں، مولانا فضل الرحمان کسی بھی شکل میں وظیفہ چاہتے ہیں۔ مزید پڑھیں

اب ہم اس حکومت اور وزیراعظم کو این آر او نہیں دیں گے: فضل الرحمان: اپنے خطاب میں جے یو آئی کے سربراہ مولانا فضل الرحمان نے کہا کہ وزیراعظم عمران خان نے ایمنسٹی اسکیم کے ذریعے اپنی بہن کی منی لانڈرنگ چھپائی اور یہ سیاستدانوں سے کہتے ہیں کہ انہیں این آر او نہیں دیں گے۔ مولانا فضل الرحمان نے کہا کہ آج اس اسٹیج پر مجھے یہ کہنے کا حق پہنچتا ہے کہ اب ہم اس حکومت اور وزیراعظم کو این آر او نہیں دیں گے۔

آزادی مارچ کا آٹھواں روز: انہوں نے کہا کہ ’وزیراعظم کی ہمشیرہ نے 60 ارب روپے دبئی کے بینکوں میں کیسے رکھے؟ وہ کون سی قوت ہے کہ جس نے دھاندلی کے ذریعے اس کو کرسی تک پہنچایا‘۔

ڈی جی آئی ایس پی آر کے بیان کا خیر مقدم کرتا ہوں، فضل الرحمان: سربراہ جے یو آئی (ف) نے کہا کہ ’افواج پاکستان کے ترجمان کے اس بیان کا خیر مقدم کرتا ہوں جس میں انہوں نے کہا کہ فوج غیرجانبدار ہے‘۔

جمعیت علمائے اسلام کے سربراہ مولانا فضل الرحمان نے دھرنے کے شرکا سے خطاب میں کہا کہ کہ میں ترجمان پاک فوج کے بیان کا خیر مقدم کرتا ہوں جس میں انہوں نے قوم کو تسلی دی ہے کہ فوج غیر جانبدار ادارہ ہے اور وہ غیر جانبدار رہنا چاہتا ہے، اللہ انہیں استقامت نصیب فرمائے۔ ان کا کہنا تھا کہ جب بھارت کا طیارہ ہمارے جوانوں نے گرایا اور ان کے پائلٹ کو پکڑا تو ہمارے کارکنوں نے پورے ملک میں افواج پاکستان کو شاباش پیش کی۔

مولانا فضل الرحمان کا کہنا تھا کہ گلہ اپنوں سے ہوتا ہے پرایوں سے نہیں، گلہ شکوہ اپنائیت کی علامت ہوتی ہے دشمنی کی نہیں، ہم قومی اداروں کو سیاست میں نہیں گھسیٹنا چاہتے، آپ نے کہہ دیا ہم غیر جانبدار ہیں، ہم خیر مقدم کرتے ہیں۔

’بے معنی آنا جانا نہیں ہونا چاہیے، استعفیٰ ساتھ لے کر آؤ‘ فضل الرحمان کا کہنا تھا کہ کسی مذاکرات کی ضرورت نہیں ہے، ہمارے پاس آنے کی بھی کوئی ضرورت نہیں، بے معنی آنا جانا نہیں ہونا چاہیے، آؤ تواستعفیٰ ساتھ لے کر آؤ اور اقتدار کے ایوان کو چھوڑنے کا اعلان کرکےآؤ، ہم نے بڑی جرات اور ہمت کے ساتھ یہ سفر شروع کیا ہے اور اپنی منزل سے کم پر ہم راضی ہونے والے نہیں۔

انہوں نے کہا کہ ہمارے پاس استعفے کے علاوہ کوئی آپشن نہیں، اب آپ بند گلی میں ہو، یہ آپ کا فیصلہ ہے کہ بند گلی میں سانس لینا ہے یا باہر آنا ہے۔ان کا کہنا تھا کہ ہم قومی اداوں سے برادرانہ کہتے ہیں کہ انہیں بھی اپنی قوم سمجھو، جن کے منہ میں دودھ کے گھونٹ ہیں وہ آپ کے ساتھ نہیں چلیں گے وہ اس ملک کی خدمت نہیں کرسکتے۔

(ایمرا نیوزآن لائن) جمعیت علمائے اسلام (ف) کے سربراہ مولانا فضل الرحمان کی قیادت میں اپوزیشن جماعتوں کے آزادی مارچ کا آج آٹھواں روز ہے اور دھرنے کے شرکاء سرد موسم کے باوجود ایچ نائن گراؤنڈ میں موجود ہیں۔

اپوزیشن کی رہبر کمیٹی کا اجلاس آج اکرم درانی کی رہائش گاہ پر طلب کیا گیا ہے جب کہ مولانا فضل الرحمان نے 12 ربیع الاول کو دھرنے میں ہی سیرتِ طیبہ کانفرنس منعقد کرنے کا اعلان کیا ہے۔ دوسری جانب قومی اسمبلی کا اجلاس بھی آج ہو گا جس میں وزیراعظم بھی شریک ہوں گے اور خطاب بھی کریں گے جب کہ ذرائع کا کہنا ہے کہ اپوزیشن اس دوران احتجاج کرے گی۔

چوہدری پرویز الٰہی مولانا کے گھر پہنچ گئے :مولانا فضل الرحمان اور پرویز الہی کے درمیان گزشتہ رات ہونے والی ملاقات منسوخ کر دی گئی تھی تاہم چوہدری پرویز الٰہی مولانا فضل الرحمان سے ملاقات کے لیے ان کے گھر پہنچ گئے۔ یہ دونوں رہنماؤں کے درمیان 48 گھنٹوں میں یہ چوتھی ملاقات ہے۔

چوہدری برادران قوم کو بحران سے نکالتے ہیں تو یہ ان کا بہت بڑا احسان ہو گا: مفتی کفایت
جے یو آئی کے مرکزی رہنما مفتی کفایت اللہ کا کہنا ہے کہ ہماری تحریک انصاف والوں سے قربت نہیں، اس وقت چوہدری برادران ہی مثبت کردار ادا کر سکتے ہیں، چوہدری برادران قوم کو بحران سے نکالتے ہیں تو یہ ان کا قوم پر بہت بڑا احسان ہو گا۔

دھرنے کا ساتواں روزمفتی کفایت اللہ نے کہا کہ ہم نے تمام راستے کھلے رکھنے ہیں، ایک آپشن ہے کہ تمام اپوزیشن جماعتیں پارلیمنٹ سے مستعفی ہو جائیں تو نئے انتخابات ہو سکتے ہیں۔
انہوں نے مزید کہا کہ دوسرا آپشن ہے کہ احتجاج ملک بھر میں پھیلا دیا جائے اور لاک ڈاؤن کر دیا جائے، شاہراہیں بند ہوں گی، کاروبار ٹھپ ہو گا تو حکمران مجبور ہو جائیں گے۔ان کا کہنا تھا اس طرح بھی ہو سکتا ہے کہ ہفتے میں دو تین دن لاک ڈاؤن کیا جائے اور تین دن حالات معمول پر رکھے جائیں اور یہ بھی تجویز ہے کہ ڈی چوک چلے جائیں۔

اسلام آباد میں سرد موسم کے باعث دھرنے کے شرکاء کو درپیش مشکلات کے حوالے سے بات کرتے ہوئے مفتی کفایت اللہ نے کہا کہ ہم نکلے ہی کفن باندھ کر ہیں، بارش، برفباری اور گرمی انقلابی لوگوں کے لیے کوئی مسئلہ نہیں ہے۔ خیال رہے کہ حکومتی مذاکراتی کمیٹی نے چوہدری پرویز الٰہی کو مولانا فضل الرحمان سے مذاکرات کا مکمل اختیار دے دیا ہے۔ مزید پڑھیں

اگلا بجٹ بھی اِن نااہلوں نے پیش کیا تو خدانخواستہ پاکستان بیٹھ جائے گا: فضل الرحمان
گزشتہ روز آزادی مارچ کے شرکاء سے خطاب میں مولانا فضل الرحمان کا کہنا تھا کہ کارکنوں نے استقامت سے رات اور دن بھر ٹھنڈے موسم کو برداشت کیا، یہ اللہ کی طرف سے امتحان، دنیا اور حکمرانوں کے لیے پیغام تھا کہ یہ اجتماع تماش بینوں یا عیاشی کے لیے نہیں، یہ اجتماع مؤقف کے ساتھ کھڑے افراد کا ہے۔ انہوں نے سیرت کانفرنس کا اعلان کرتے ہوئے کہا کہ 12 ربیع الاول کو آزادی مارچ کو سیرت طیبہ ﷺکانفرنس میں تبدیل کریں گے۔

مولانافضل الرحمان کا کہنا ہے کہ پاکستان مالیاتی بحران سے گزر رہا ہے اور مزید بحران کی طرف جا رہے ہیں، اگلا بجٹ بھی اِن نااہلوں نے پیش کیا تو خدانخواستہ پاکستان بیٹھ جائے گا، ہم ملک کو بچاناچاہتے ہیں اور ملک کو بچانے آئے ہیں لہٰذا ملک بچانا ہے تو حکمرانوں کو مزید دن نہیں دے سکتے، جتنے دن دیں گے تو پاکستان اس حساب سے گرتا جائے گا۔ انہوں نے کہا کہ یہاں عدل وانصاف نہیں، حکمرانوں کے احتساب کیلئے نیب بے بس ہے۔