Tag Balochistan

معاہدہ کے تحت روس روزانہ500ملین سی1بلین کیوبک فٹ گیس فراہم کرے گا ،وافر گیس کی فراہمی سے انڈسٹری کو ضرورت کے مطابق گیس فراہم سے صنعتی شعبہ ترقی کرے گا چیئرمین لاہور ٹاﺅن شپ انڈسٹریز ایسوسی ایشن
لاہور (ایمرا نیوز آن لائن)چیئرمین لاہور ٹاﺅن شپ انڈسٹریز ایسوسی ایشن میاں خرم الیاس نے روسی کمپنی کی طرف سے پاکستان میں 10ارب ڈالر کی سرمایہ کاری کے معاہدہ کو خوش آئند قرار دیا ہے،اس معاہدے کے تحت روس پاکستان کو روزانہ500ملین سے 1ملین کیوبک فٹ گیس فراہم کرے گا جو سمندری راستے سے پاکستان پہنچائی جائے گی جبکہ پائپ لائن کی تعمیر آئندہ 3سی4سال کے دوران مکمل کر لی جائے گی۔ان خیالات کا اظہار انہوںنے سینئر وائس چیئرمین حافظ عمران حمید، وائس چیئرمین مہوش احمد کے ساتھ ٹاﺅن شپ انڈسٹریز کے صنعتکاروں کے مختلف وفود سے گفتگو کرتے ہوئے کیا۔ انہوںنے کہا کہ یہ معاہدہ پاکستان اور روس کے درمیان باہمی تعاون کے فروغ کا آئینہ دار ہے اس معاہدے کے تحت روسی کمپنی مشرق وسطی سے گیس مالیکولز پائپ لائن کے ذریعے پاکستان لائے گی ۔مزید برآں روسی کمپنی پاکستان میں گیس کی زیر زمین سٹوریج سے متعلق سہولیات کی فراہمی میں بھی مدد کرے گی ۔میاں خرم الیاس نے کہا کہ ملک میں گیس کے بحران کے باعث موسم سرما میں انڈسٹریز کو گیس کی سپلائی بندی کی جاتی رہی ہے اب وافر گیس کی فراہمی سے انڈسٹریز کواسکی ضرورت کے مطابق سارا سال سپلائی دستیاب رہے گی جس سے صنعتی شعبہ ترقی کرے گا اور ملک سے گیس کا بحران بھی ختم ہوگا نیز وافر گیس کو پاور پلانٹ میں استعمال سے سستی بجلی کا حصول بھی ممکن ہوگا جس کی انڈسٹریز کو سخت ضروت ہے۔

متنازعہ ترمیم سے اہم محکموں اور معیشت کو نقصان پہنچا،خاتمہ سے قبل قومی سطح پر بحث کروائی جائے،شاہد رشید بٹ
اسلام آباد (ایمرا نیوز آن لائن)اسلام آباد چیمبر آف سمال ٹریڈرز کے سرپرست شاہد رشید بٹ نے کہا ہے کہ اٹھارویں ترمیم نے اہم محکوں اور معیشت کو نقصان ہے اس لئے اسے ختم کیا جائے۔اس ترمیم نے عوام کو کچھ نہیں دیا کیونکہ اس کا مقصد سیاستدانوں کی فلاح و بہبود تھی۔ اس ترمیم نے معیشت کو نقصان پہنچایا جس سے غربت اور بے روزگاری بڑھی۔ شاہد رشید بٹ نے یہاں جاری ہونے والے ایک بیان میں کہا کہ اٹھارویں ترمیم کے نتیجہ میں آئین میں ایک سو چار تبدیلیاں کی گئیںجس سے عوام کو کوئی فائدہ نہیںپہنچا بلکہ سیاستدانوں کے اختیارات،کرپشن اور ملکی مسائل بڑھے ۔اس ترمیم نے ٹیکس نظام کوایسا گنجلک بنا ڈالا جس سے کاروباری برادری مرکزی اور صوبائی ٹیکسوں کے چکر میں پھنس گئی ، کاروباری لاگت بڑھی ہے جبکہ عدالتوں میں مقدمات کا انبار لگ گیا۔ اس ترمیم کے منفی اثرات سامنے آنے کے بعد بھی صورتحال بہتر بنانے کی کوئی کوشش نہیں کی گئی کیونکہ اسکے درپردہ مقاصد کچھ اور تھے۔خاتمہ سے قبل قومی سطح پر بحث کروائی جائے۔

فلم ”گلی بوائے“ 14 فروری کو سینما گھروں کی زینت بنے گی
ممبئی (ایمرا نیوز آن لائن) بالی وڈ سٹار رنویر سنگھ کا ویلنٹائن ڈے پر مداحوں کیلئے خاص تحفہ‘ نئی فلم “ گلی بوائے” 14 فروری کو سینما گھروں کی زینت بنے گی۔بھارتی خبر رساں ادارے کے مطابق زویا اختر کی ڈائریکشن میں بننے والی فلم میں رنویر سنگھ نے ممبئی کے انڈر گرائونڈ ریپر سنگر مراد شیخ کا کردار ادا کیا ہے جبکہ انکے مد مقابل مقبول فنکارہ عالیہ بھٹ جلوہ گر ہوئی ہیں۔ فلم کی کہانی دو محبت کرنےوالے پریمیوں کے گرد گھومتی ہے جو منزل کی تلاش میں بھٹک رہے ہیں، فلم میں ہیرو کے دل و دماغ پر ناکامی اور مایوسی چھائی ہے تاہم اچھے دنوں کی تلاش میں وہ مسلسل جستجو کرتا فلم کی کہانی آگے بڑھاتا ہے۔رنویر اور عالیہ بھٹ کی ایک ساتھ پہلی فلم مداحوں کیلئے ویلنٹائن ڈے کے موقع پرسپیشل گفٹ ہے۔

نیب نے سابق وزیراعظم کو19 فروری کو دوبارہ طلبی کا نوٹس جاری کردیا
راولپنڈی (ایمرا نیوز آن لائن)سابق وزیراعظم شاہدخاقان عباسی نے ایل این جی اسکینڈل میں نیب طلبی کا پروانہ ہوا میں اڑادیا اور کہا وطن واپسی پر19 فروری کو پیش ہوجاوں گا، جس کے بعد نیب نے شاہد خاقان عباسی کو19 فروری کو دوبارہ طلب کرلیاہے . تفصیلات کے مطابق ایل این جی اسکینڈل میں سابق وزیراعظم شاہدخاقان عباسی نے آج نیب میں پیش ہونے سے معذرت کرلی اور کہا 18 فروری کووطن واپسی پر نیب میں پیش ہوجاں گا.جس کے بعد نیب راولپنڈی نے شاہدخاقان کو 19 فروری کو پھر طلب کرلیا اور ایل این جی معاہدے کا ریکارڈ لانے کی ہدایت کرتے ہوئے کہا شاہد خاقان عباسی 19 فروری صبح 10 بجے پیش ہوں.دو روز قبل نیب راولپنڈی نے وزیراعظم شاہد خاقان عباسی کو ایل این جی اسکینڈل میں آج طلب کیا تھا، سابق وزیراعظم شاہد خاقان عباسی پر فراڈ، دھوکہ بازی، بددیانتی، اختیارات کا غلط استعمال اور قومی خزانے کو نقصان پہنچانے کا الزام ہے.خیال رہے گذشتہ ماہ چیئرمین نیب کی زیرِصدارت ہونے والے اجلاس میں ایگزیکٹو بورڈ نے شاہد خاقان عباسی، سہیل انور سیال، سابق اٹارنی جنرل ملک قیوم سمیت 20 افراد کے خلاف انکوائریوں کی منظوری دی تھی. اس سے قبل 12 جنوری کو ایل این جی اسکینڈل کی تحقیقات کے سلسلے میں سابق وزیر خزانہ مفتاح اسماعیل قومی احتساب بیورو (نیب) کے سامنے پیش ہوئے تھے، جن سے ڈیڑھ گھنٹے پوچھ گچھ کی گئی تھی.یاد رہے اکتوبر 2018 میں قومی احتساب بیورو (نیب) نے ایل این جی اسکینڈل کیس دوبارہ کھولنے اور سابق وزیراعظم شاہد خاقان عباسی کو طلب کرنے کا فیصلہ کیا تھا جبکہ نیب کی جانب سے وزارت پٹرولیم کو خط لکھ گیا تھا، جس میں متعلقہ وزارتوں سے ریکارڈ طلب کیا تھا. جون 2018 میں من پسند کمپنی کو ایل این جی ٹرمینل کا ٹھیکہ دینے کے الزام پر چیئرمین نیب جسٹس (ر) جاوید اقبال نے سابق وزرائے اعظم و دیگر کے خلاف تحقیقات کی منظوری دی تھی، ترجمان نیب کے مطابق ملزمان پر من پسند کمپنی کو ایل این جی ٹرمینل کا 15 سال کے لئے ٹھیکے دینے، مبینہ طور پر ملکی خزانے کو اربوں روپے کا نقصان پہنچانے کا الزام ہے.واضح رہے سابق وزیراعظم نوازشریف کے دور حکومت میں سابق وزیرپٹرولیم شاہد خاقان عباسی نے قطرکے ساتھ ایل این جی درآمد کے معاہدے پردستخط کیے تھے، جس کے تحت پاکستان ہرسال قطر سے 3.75 ملین ٹن ایل این جی خریدے گا جو کہ پاکستان کی قومی ضرورت کا کل 20 فیصد ہے.

لاہور ہائی کورٹ نے بیوی کو نازیبا میسج بھیجنے والے شوہر کی درخواست ضمانت مسترد کر دی
لاہور (ایمرا نیوز آن لائن)ہائی کورٹ نے بیوی کو نازیبا میسج بھیجنے والے شوہر کی درخواست ضمانت مسترد کر دی اور جیل واپس بھیجنے کا حکم دے دیا۔میڈیا رپورٹس میں بتایا گیا ہے کہ لاہور ہائیکورٹ میں ملزم قمر کی درخواست ضمانت پر جسٹس وحید احمد خان نے سماعت کی۔ملزم کی بیوی شاہدہ بی بی کی جانب سے ایڈوکیٹ الطاف حسین عدالت میں ہیش ہوئے۔شاہدہ بی بی نے شوہر کے خلاف تھانے پاکپتن میں مقدمہ درج کروایا تھا۔جس میں شکایت کی گئی تھی کہ میرا شوہر قمر موبائل پر نازیبا پیغام بھیجتا تھا،استغاثہ نے عدالت میں موقف اپنایا کہ سیشن عدالت بھی ملزم کی درخواست ضمانت مسترد کر چکی ہے اور قبل ازیں ہائیکورٹ سے ضمانت قبل از گرفتاری کی درخواست بھی مسترد ہوئی تھی۔عدالت نے جمعہ کے روز بیوی کو نازیبا میسج بھیجنے والے شوہر کی درخواست ضمانت خارج کر دی ہے۔جب کہ دوسری جانب سائبر کرائم کے وکیل ذیشان ریاض کا کہنا تھا کہ کسی سے بات کے دوران اگر سامنے والا میسج کرنے سے منع کر دے اور پھر بھی میسج کیا جائے تو یہ ہراسمنٹ کے زمرے میں آتا ہے جس کی سزا تین سال قید ہے۔ جب کہ جعلی پروفائل سے متعلق گفتگو کرتے ہوئے ان کا کہنا تھا کہ اب فیک پروفائلز بنانا لوگوں کا مشغلہ بن چکا ہے لیکن اس پر کاروائیاں کی جا رہی ہیں۔کسی کی تصویر استعمال کرنا یا فیک اکانٹ بنانے پر بھی تین سال قید کی سزا دی جاتی ہے۔انہوں نے بتایا کہ پاکستان ٹیلی کمیونیکشن کی جانب سے سائبر جرائم کی روک تھام کے لیے شکایات درج کروانے کے لیے سائبر ویجیلنس ڈویژن کا شعبہ قائم کر دیا گیا ہے۔ تمام افراد ہراسمنٹ کے حوالے سے اپنی شکایات درج کروا سکتے ہیں۔ذیشان کا مزید کہنا تھا کہ سب سے خطرناک ہراسمنٹ یہ ہے کہ کوئی آپ کی تصویر یا ویڈیو کو فوٹو شاپ کر کے وائرل کر دے۔اس کیس میں آپ کو یہ پتہ ہی نہیں ہوتا ایسا کرنے والا کون ہے۔اس طرح کے کیسز کی وجہ سے طلاق کے بھی کئی کیسز سامنے آئے ہیں۔

نشہ آور بوٹی کی کاشت کرنے والے کو پندرہ برس قید کی سزا ہو گی
دمام (ایمرا نیوز آن لائن)وزارت داخلہ کی جانب سے جاری ایک اعلامیہ میں کہا گیا ہے کہ منشیات کی سمگلنگ میں ملوث ایک غیر ملکی کا سر قلم کر دیا گیا ہے۔ تفصیلات کے مطابق یہ شخص شام سے تعلق رکھتا تھا۔ جس کا نام عبدالہادی مجبل العبد اللہ بتایا جاتا ہے۔ شامی شہری مملکت میں نشہ آور ادویات اسمگل کرنے کی کوشش کے دوران پکڑا گیا تھا۔اس کی تلاشی لینے پر اس کے پاس سے ہزاروں نشہ آور گولیاں برآمد ہوئی تھیں۔ استغاثہ کی پوچھ گچھ کے دوران ملزم نے اپنے جرم کا اعتراف کر لیا تھا۔ ملزم کو الزام ثابت ہونے پر مقامی عدالت میں پیش کیا گیا۔ جہاں عدالت کی جانب سے اسے موت کی سزا سنائی گئی۔ جس پر عمل درآمد کرتے ہوئے گزشتہ روز دمام میں اس کا سر تن سے جدا کر دیا گیا۔دوسری جانب جازان میں حکام نے ایک مقامی قبیلے کو خبردار کیا ہے کہ اگر کسی شخص نے نشہ آور بوٹی قات کا کوئی فارم قائم کیا تو اسے پندرہ برس قید کی سزا کا سامنا کرنا ہو گا۔اس کے علاوہ ایک لاکھ ریال کا جرمانہ بھی عائد کیا جائے۔ حکام کے مطابق جہاں بھی قات کی کاشت نظر آئی وہ کھیت بحق سرکار ضبط کر لیا جائے گا اور اس کاشتکاری میں ملوث فرد کو کوڑوں کی سزا بھی دی جائے گے۔ واضح رہے کہ جازان کے کئی علاقوں میں لوگوں کی ایک بڑی تعداد قات کی کاشت میں ملوث ہے۔ حکام اس مکروہ پیشے کی روک تھام کے لیے بھرپور اقدامات اٹھا رہے ہیں۔

رواں ماہ 500 ملین ڈالر کا ادھار تیل پاکستان پہنچ جائے گا
اسلام آباد (ایمرا نیوز آن لائن)سعودی عرب کی جانب سے پاکستان کو ادھار تیل کی فراہمی شروع کر دی گئی ہے۔رواں ماہ پاکستان کو 500 ملین ڈالر کا تیل فراہم کر دیا جائے گا۔تفصیلات کے مطابق وزیر اعظم عمران خان کے دورہ سعودی عرب کے موقع پر سعودی عرب نے پاکستان کے لیے جس امدادی پیکج کا اعلان کیا تھا اس مین ادھار تیل کی فراہمی بھی شامل تھی بعد ازاں اس ادھار تیل کی فراہمی میں مسلسل تاخیر دیکھنے میں آئی جس کے بعد یہ کہا جا رہا تھا کہ سعودی عرب کی جانب سے سعودی ولی عہد کے دورہ کے موقع پر ادھار تیل کی فراہمی شروع کی جائے گی۔تاہم اس حوالے سے تازہ ترین خبر یہ ہے کہ سعودی عرب کی جانب سے پاکستان کو ادھار تیل کی فراہمی شروع کر دی گئی ہے۔اکنانک افئیر ڈویژن کے مطابق پاکستان کو رواں ماہ 500 ملین ڈالر کا تیل فراہم کر دیا جائے گا جس میں سے 309 ملین ڈالر کا تیل وصول کیا جا چکا ہے۔

وفاقی وزارتِ قانون و انصاف نے بغور جائزہ کے بعد بل اسمبلی میں پیش کرنے کی ہدایات جاری کردی بل کی منظوری سے پاکستان میں20لاکھ سے زائدافراد کو روز گار اور اپنا ذاتی کاروبار کرنیکے مواقع میسر آئیں گے، شیخ راشد عالم کا پریس کانفرنس سے خطاب
کراچی (ایمرا نیوز آن لائن)ڈائریکٹ سیلنگ ایسوسی ایشن پاکستا ن کے بانی و سرپرست اعلی شیخ راشد عالم نے کہا ہے کہ ڈائریکٹ سیلنگ اینڈ نیٹ ورک مارکیٹنگ بل 2019 قومی اسمبلی میں پیش ہونے جا رہا ہے اس بل کی منظوری کے بعدوفاقی حکومت کے ماتحت ایک خود مختار ادارہ ڈائریکٹ سیلنگ ریگولیٹری اتھارٹی آف پاکستان کا قیام عمل میں لایا جائے گا جس کے بعد پاکستان معاشی ترقی اور خوشحالی کے ایک نئے دور میں داخل ہو گا۔ان خیالات کا اظہار انہوں نے ڈی ایس اے پاکستان کے مرکزی دفتر میں پریس کانفرنس کے دوران کیا۔اس موقع پر ان کے ہمراہ ڈی ایس اے کے سینئر نائب صدر لیاقت علی ماگرے،جنرل سیکرٹری ظریف احمد اور ڈی ایس اے کے قائم مقام صدر افضال احمد بھی موجود تھے۔شیخ راشد عالم نے کہا کہ ڈی ایس اے پی نے تین سالوں کی انتھک محنت کے بعد تمام تر قانونی تقاضے پورے کرتے ہوئے ڈائریکٹ سیلنگ کا بل 2019 وفاقی وزارت قانون و انصاف کو پیش کیا جس کا بغورجائزہ لینے کے بعد وفاقی وزیر قانون و انصاف بیرسٹرڈاکٹر فروغ نسیم نے اس بل کو قومی اسمبلی کے باقاعدہ آئندہ اجلاس میں پیش کرنے کی منظوری دیدی ہے۔اس بل کی منظوری کے بعد ڈائریکٹ سیلنگ ریگو لیٹری اتھارٹی کے ماتحت ملک گیر سطح پرڈائریکٹ سیلنگ کے کاروبار کو ایک باقاعدہ صنعت کا درجہ دلوانے کے لئے عملی اقدامات کا آغازکیا جائے گا اورڈائریکٹ سیلنگ یا نیٹ ورک مارکیٹنگ کے نام پر لوگوں کے ساتھ جعل سازی،دھوکہ دہی اور لوٹنے والے لوگوں اور اداروں کو قانون کے شکنجے میں لاتے ہوئے ان کو کیفر کردار تک پہنچایا جاسکے گا۔انہوں نے بتایا کہ ڈائریکٹ سیلنگ انڈسٹری دنیا کے ترقی یافتہ اور ترقی پذیر ممالک میں تیزی سے اپنی جگہ بنا رہی ہے حالیہ منعقدہ سروے کے مطابق ایک ارب 30کروڑ سے زائد افراد اس طریقہ کاروبار سے منسلک ہیںجنہوں نے اس انڈسٹری کو باقاعدہ مستقل پیشہ کے طور پر اپنایا ہوا ہے۔ جبکہ گزشتہ سال اس انڈسٹری کا کاروباری حجم 200ارب امریکی ڈالر سے زائد ریکارڈ کیا گیا جس سے اس بات کا بخوبی اندازہ لگایا جاسکتا ہے کہ یہ طریقہ تجارت کس تیزی سے دنیا بھر میں مقبول ہو رہا ہے۔شیخ راشد عالم نے مزید کہا کہ پاکستان کو آج جن چیلنجز کا سامنا ہے ان میں اقتصادی اور معاشی مسائل سب سے زیادہ اہمیت کے حامل ہیں۔ اس بل کی منظوری کے بعد پاکستان میں اقتصادی اور معاشی انقلاب کی راہ ہموار ہو گی اور ملک ترقی اور خوشحالی کے ایک نئے دور میں داخل ہوگا۔انہوں نے بتایا کہ ڈائریکٹ سیلنگ اتھارٹی کے قیام سے اس انڈسٹری میں پائی جانے والی بے چینی اور غیر یقینی صورت حال کا خاتمہ ممکن ہوگااور اس سے عالمی سطح پر اعتماد کی ایسی فضا قائم ہوگی جس کی بدولت ہمارے پڑوسی ممالک چین،بھارت، ملائشیا،متحدہ عرب امارات سمیت دیگر ممالک میں سرگرم عمل ڈائریکٹ سیلنگ کے شعبہ سے وابستہ تین ہزار سے زائد اچھی شہرت کی حامل ملٹی نیشنل کمپنیاں فوری طور پر پاکستان کا رخ کریں گی۔جبکہ ایک محتاط اندازے کے مطابق کم از کم 20لاکھ سے زائد افراد کو مستقل روزگاراور اپنا ذاتی کاروبار شروع کرنے کے مواقع میسر آئیں گے،ملک میں انٹر پرینور شپ کو تیزی سے فروغ حاصل ہو گا اور پچاس فیصد سے زائدپر مشتمل خواتین کی آبادی کو گھر بیٹھے کاروبار کر نے کے مواقع میسر آئیں گے،ملک کے معاشی استحکام میںسی پیک کے ذریعے تبدیلی کا جو خواب دیکھا جا رہا ہے اس ضمن میں ڈائریکٹ سیلنگ انڈسٹری بھی یقینا ایک کلیدی کردار ادا کرسکتی ہے ملک میں براہ راست فروخت کی صنعت کو فروغ دے کر اس تبدیلی کو جلد از جلد یقینی بنایا جاسکتا ہے۔براہ راست فروخت کا تصور آسٹریا، آسٹریلیا، بیلجیم، جرمنی، بھارت، اٹلی، ملائیشیا، سوئٹزرلینڈ، تھائی لینڈ، برطانیہ اور ریاستہائے متحدہ امریکا سمیت بہت سے ممالک میں انتہائی کامیابی سے اپنایا جا چکا ہے۔ ان ممالک نے اس طریقہ تجارت کونہ صرف بطور ماڈل اپنایا ہے بلکہ اس صنعت کومنظم کرنے کے لئے جامع قانون سازی کے اقدامات بھی کئے ہیں۔ڈائیریکٹ سیلنگ کے کاروبار میں کسی روائتی کاروبار کے مقابلے زیادہ سہولیات میسر آتی ہیں۔صارفین کو اس طریقہ تجارت کے ذریعے اپنے گھر کے دروازے پر معیاری مصنوعات کی دستیابی کے ساتھ ساتھ اس کے ذریعے اپنی مدد آپ کے تحت منافع بخش کاروبار کرنے کی بھی سہولت میسر آتی ہے کسی بھی شخص کوڈائریکٹ سیلنگ کا کاروبار شروع کرنے کے لئے نہ تو کثیر سرمائے اور دیگر معاشی وسائل کی ضرورت ہوتی ہے اور نہ ہی وہ کسی مقررہ وقت اورمخصوص جگہ کا پابند ہوتا ہے بلکہ اس طریقہ تجارت میں ایک عام آدمی صرف اپنے ذاتی تعلقات اور اپنے حلقہ احباب کی بنا پر بغیر کسی بیرونی مدد کے اپنا اور اپنی فیملی کے لئے ذریعہ معاش کمانے کے قابل ہوسکتا ہے۔پاکستان ایک ترقی پذیر اور آبادی کے اعتبار سے دنیا کا چھٹا بڑاملک ہے اور یہاں بے روزگاری کے خاتمے اور ملک میں مستقل بنیادوں پرمعاشی استحکام کے حصول کے لئے ڈائریکٹ سیلنگ اور نیٹ ورک مارکیٹنگ ایک پل کا کردار ادا کرسکتی ہے۔یہ بل منظور ہو کر پاکستان کی معیشت کے سدھار میں اہم کردار ادا کرے گا اور ہم یہ سمجھتے ہیں کہ یہ موجودہ حکومت کے معاشی ایجنڈے کو بھی آگے بڑھانے میںایک انتہائی مثبت کردار اداکرے گا۔

واشنگٹن (ایمرا نیوز آن لائن)امریکی صدر ڈونلڈ ٹرمپ اور چینی صدر شی جن پِنگ کی ملاقات دونوں ممالک کی طرف سے تجارتی معاہدہ کرنے کی ڈیڈ لائن یکم مارچ سے قبل ہونا مشکل ہے۔یہ بات امریکی اتنظامیہ کے دو ایسے اہلکاروں نے برطانوی خبر رساں ادارے کو بتائی جو اس صورتحال کے بارے میں معلومات رکھتے ہیں۔ امریکا اور چین نے تجارتی محاذ آرائی کے خاتمے کے لیے ایک معاہدے تک پہنچنے کے لیے نوے دن کی ڈیڈ لائن رکھی تھی جو یکم مارچ کو ختم ہو رہی ہے۔ اس سلسلے میں مذاکرات کا اگلا مرحلہ آئندہ ہفتے منعقد ہونا ہے۔

ترکی ادلب شہر میں موجود شدت پسندوں کو وہاں سے نکالنے کے لیے مزید اقدامات کرے،ترجمان روسی وزارت خارجہ
ماسکو (ایمرا نیوز آن لائن)روس نے ترکی پر زور دیا ہے کہ وہ شام کے شہر ادلب میں موجود عسکریت پسندوں کو وہاں سے نکالنے کے لیے مزید اقدامات کرے۔غیرملکی خبررساں ادارے کے مطابق روسی وزارت خارجہ کی ترجمان ماریا زاخاروفانے ایک بیان میں کہا کہ ماسکو یہ چاہتا ہے کہ ترکی ادلب شہر میں موجود شدت پسندوں کو وہاں سے نکالنے کے لیے مزید اقدامات کرے۔ان کا کہنا تھا کہ ترکی نے روس کے ساتھ گذشتہ برس ادلب سے شدت پسندوں کو نکال باہر کرنے کا وعدہ کیا تھا مگر اس پر عمل درآمد نہیں ہوسکا۔ادھر روسی صدر ولادی میر پوتین آئندہ ہفتے ترکی اور روس کے صدور سے ملاقات کرنے والے ہیں۔ یہ ملاقات روس کے جنوبی شہر سوچی میں متوقع ہے۔ اس میں شام کا معاملہ سر فہرست ہوگا۔ترکی کے ایک سینئر عسکری وفد نے ماسکو میں روسی فوجی حکام کے ساتھ ملاقات کی ہے۔اس ملاقات میں شام کے شمال مغربی علاقے ادلب کے حوالے سے بات چیت کی گئی۔ امکان ہے کہ ترکی اور روس مل کر ادلب میں النصرہ فرنٹ کے خلاف آپریشن شروع کریں گے۔ماسکو انقرہ کے ساتھ مل کر ادلب میں وسیع فوجی آپریشن کی تیاری کر رہا ہے۔ دونوں ملک ادلب میں فوجی کارروائی کی تفصیلات اور اس کے تکنیکی پر غور کر رہے ہیں۔