Tag banned

لاہور(ایمرا نیوزآن لائن) قانون سب کے لئے اوراس کی خلاف ورزی پر سزا بھی سب کے لئے،لندن کی عدالت نے ایسا کر دکھایا۔دوران ڈرائیونگ موبائل فون استعمال کرنے پر سابق اسٹارانگلش فٹبالرپر 6 ماہ کیلئے گاڑی چلانے پر پابندی لگادی گئی۔مقامی میڈیاکے مطابق ڈیوڈ بیکھم کوشہری نے گزشتہ سال21 نومبر کو ڈرائیونگ کے دوران موبائل فون استعمال کرتے ہوئے دیکھا تھا۔

تمام بندرگاہوں پر میلا مائن کی نشندہی کرنے والی مشینیں نصب کئے جانے تک پابندی برقرار رکھنے کی سفارش
نئی دہلی(ایمرا نیوز آن لائن )میلا مائن کی موجودگی کے باعث بھارت نے چین سے دودھ اور اس سے بننے والی مصنوعات کی درآمد پرعائد پابندی میں چھ ماہ کی توسیع کردی۔بھارتی ٹی وی کے مطابق بھارت کے فارن ٹریڈ ڈائریکٹوریٹ جنرل سے جاری ایک نوٹس میں کہاکہ چین سے دودھ اور اس سے بننے والی مصنوعات کی درآمد پرعائد پابندی میں 6 ماہ کی توسیع کردی گئی ہے۔بھارت نے چین سے آنے والے دودھ اور دودھ سے بنی اشیا جن میں چاکلیٹ، کینڈی، پنیر، مکھن وغیرہ میں میلا مائن کی موجودگی کے باعث ان کی درآمد پر 24اکتوبر 2008 میں پہلی بار پابندی عائد کی تھی جس میں بار بار توسیع کی گئی۔آخری مرتبہ 24 دسمبر 2018 کو پابندی عائد کی گئی جس کی مدت 23 اپریل کو ختم ہوگئی تھی.

عملدرآمد آئندہ ماہ سے ہوگا
لاہور (ایمرا نیوز آن لائن) ٹریفک مسائل کے حل کیلئے مال روڈ پر رکشہ کے داخل ہونے پر پابندی عائد کرنے کا فیصلہ کر لیا گیا، عملدرآمد آئندہ ماہ سے ہوگا۔بدھ کے روز کمشنر اور دیگر حکام کے مابین اجلاس میں مال روڈ پر رکشوں کے داخلے پر پابندی کا فیصلہ کیا گیا۔ ابتدائی طور پر مال روڈ پر رکشوں کے داخلے پر پابندی لگانے کا فیصلہ کیا گیا ہے، صبح 7 سے شام 7 مال روڈ پر رکشے داخل نہیں ہو سکیں گے۔اگلے ماہ اس فیصلے پر عملدر آمد ہو گا، سیف سٹی اتھارٹی کی ریسرچ میں سب سے زیاہ ٹریفک قوانین کی خلاف ورزی رکشے کرتے ہیں۔

نئی دہلی:(ایمرا نیوزآن لائن) بھارتی الیکشن کمیشن نے وزیراعظم نریندر مودی کی زندگی پر بنائی جانے والی فلم ‘نریندرا مودی’ کی ریلیز پر انتخابات کے اختتام تک پابندی عائد کردی۔بھارتی میڈیا کے مطابق نریندر مودی کی زندگی پر بنائی گئی بائیو پک فلم کل 11 اپریل کو ریلیز ہونا تھی لیکن الیکشن کمیشن کی جانب سے انتخابات سے قبل فلم کو ریلیز کرنے پر پابندی عائد کردی گئی ہے۔بھارتی الیکشن کمیشن کے نوٹیفکیشن کے مطابق نریندر مودی کی بائیوپک بھارتی انتخابات سے قبل ریلیز نہیں کی جائے گی، انتخابات مکمل ہونے کے بعد ہی فلم کی نمائش کی حتمی تاریخ کا اعلان کیا جائے گا۔واضح رہے کہ اپوزیشن جماعت کانگریس نے فلم کی ریلیز کے خلاف الیکشن کمیشن میں دائر درخواست میں مؤقف اختیار کیا تھا کہ فلم کی ریلیز الیکشن کمیشن کے قوانین کی خلاف ورزی ہے اور یہ انتخابات پر اثر انداز ہوسکتی ہے۔یاد رہے کہ اپوزیشن جماعت کانگریس کی جانب سے فلم کی ریلیز روکنے کے لئے سپریم کورٹ اور الیکشن کمیشن میں درخواستیں دائر کی گئی تھیں۔بھارتی سپریم کورٹ نے یہ کہہ کر کانگریس کی درخواست مسترد کردی تھی کہ ایسے غیر مناسب مسائل پر عدالت کا وقت ضائع نہ کیا جائے۔بھارتی سپریم کورٹ کا مزید کہنا تھا کہ فلم کی ریلیز اور ٹائٹل کا انتخاب کرنے کا فیصلہ الیکشن کمیشن کا ہوگا۔واضح رہے کہ بھارت میں نریندر مودی کے حوالے سے دو رائے پائی جاتی ہیں، ایک رائے انہیں بھارت کا ابھرتا ہوا معاشی چہرہ قرار دیتا ہے جب کہ دوسرا حلقہ انہیں عوام سے جھوٹے وعدے کرنے والا شخص قرار دیتا ہے۔
مودی کی زندگی پر بننے والی فلم پر پابندی

لاہور(ایمرا نیوز آن لائن) چیئرمین پیمرا سلیم بیگ نے کہا ہے کہ بھارتی فلموں کی پاکستان میں نمائش کی اجازت نہیں دیں گے۔آل پاکستان سیٹلائٹ گڈز ایسوسی ایشن نے غیرقانونی انڈین ڈی ٹی ایچ ڈش اور سی لائن کے آلات رضاکارانہ طور پر تلف کرنے کی تقریب کا انعقاد کیا جس میں چیئرمین پیمرا سلیم بیگ نے خصوصی شرکت کی۔چیئرمین پیمرا نے تقریب سے خطاب میں کہا کہ ہال روڈ تاجروں کا یہ اقدام خوش آئند ہے کہ انھوں نے قومی فریضے کو سمجھتے ہوئے پیمرا قوانین پر عملدرآمد کو یقینی بنایا ہے، سپریم کورٹ کے احکامات کے تحت اس مہم کو مزید تیز اور موثر بنایا جائے تاکہ پاکستانی ڈیٹی ایچ کیلیے راستہ ہموار کیا جا سکے، پیمرا غیر قانونی انڈین ڈی ٹی ایچ کا سگنل استعمال کرنے والے کیبل آپریٹرز کیخلاف کارروائی کا جلد آغاز کرے گا ۔اس موقع پر آل پاکستان سیٹلائیٹ ایسوسی ایشن کے عہدیداروں نے ہال روڈ کے تاجروں کے ہمراہ ڈی ٹی ایچ ڈش اور دیگر آلات کو نذر آتش کر کے پیمرا کے بھارتی نشریات نہ دکھا نے کے فیصلے کی تائید کی اور چیئرمین پیمرا کے حق میں نعرے لگائے ۔علاوہ ازیں چیئرمین پیمرا سلیم بیگ نے آل پاکستان سیٹیلایٹ ایسو سی ایشن کے عہدیداروں کے ہمراہ میڈیا سے گفتگو میں کہا کہ انڈین فلموں کی پاکستان میں نمائش کی اجازت نہیں دیں گے۔ انڈیا فلم انڈسٹری کے ذریعے پاکستان سے پیسے اکٹھے کر کے پاکستان پر ہی بمباری کرتا ہے ، میں عوامی نمائندہ ہوں ، پیمرا تاجر برادری کے ساتھ ہے ، پیمرا کا ساتھ دینے پر ہال روڈ تاجر برادری کا مشکور ہوں ۔اس موقع پر آل پاکستان سیٹیلایٹ ایسو سی ایشن کے عہدیداروں نے کہا کہ تاجر برادری انڈین مواد کیخلاف ہے اور انڈین چینلز کے مکمل بائیکاٹ کا اعلان کرتے ہیں۔

ایمنسٹی اسکیم کے دوران اسلحہ واپس نہ کرنے والوں کو سخت سزا کا سامنا ہوگا، وزیراعظم جسینڈا آرڈرن
ویلنگٹن(ایمرا نیوز آن لائن)کرائسٹ چرچ سانحے کے بعد نیوزی لینڈ کی وزیراعظم جسینڈا آرڈرن نے نیم خود کار اسلحے پر پابندی کا اعلان کرتے ہوئے لوگوں کے پاس پہلے سے موجود اسلحہ کی واپسی کے لیے ایمنسٹی اسکیم کا اعلان کیا ہے۔غیرملکی میڈیا کے مطابق وزیراعظم جیسنڈا آرڈرن کا کہنا ہے کہ فوجی طرز کے نیم خودکار اسلحے پر پابندی ہوگی اور حملوں میں استعمال ہونے والے اسلحے کی فروخت پر بھی پابندی ہوگی۔نیوزی لینڈ کی وزیراعظم کا کہنا تھا کہ اسلحے پر پابندی کے لیے قانون سازی فوری طور پر کی جائے گی اور اس وقت تک اسلحے کی خریداری روکنے کے لیے عبوری اقدام اٹھایا گیا ہے۔انہوں نے کہا کہ اسلحہ کی واپسی پر 100 سے 200 ملین ڈالر تک اخراجات آئیں گے اور ایمنسٹی اسکیم کے دوران اسلحہ واپس نہ کرنے والوں کو سخت سزا کا سامنا ہوگا۔وزیراعظم جسینڈا آرڈرن نے کہا کہ حکم کی خلاف ورزی کرنے والوں کو 4 ہزار ڈالر جرمانہ اور 3 سال تک قید کی سزا ہوسکتی ہے۔یاد رہے کہ 15 مارچ کو نیوزی لینڈ کے شہر کرائسٹ چرچ کی دو مساجد میں فائرنگ کے نتیجے میں مجموعی طور پر 50 افراد شہید اور 48 زخمی ہوگئے تھے۔

لاہور (ایمرا نیوز آن لائن)لاہور ہائیکورٹ نے پاکستان میں بھارتی فلموں کی نمائش فوری روکنے کے لیے متفرق درخواست پر وفاقی حکومت اور پیمرا کو نوٹس جاری کرتے ہوئے جواب طلب کر لیا ۔ ہائیکورٹ کے مسٹر جسٹس ساجد محمود سیٹھی نے کیس کی سماعت کی ۔متفرق درخواست مقامی شہری شیخ لطیف نے وکیل ندیم سرور کے توسط سے دائر کر رکھی ہے جس میں کہا گیا ہے کہ پاک بھارت کشیدگی کے باعث بھارتی فلموں کی پاکستان میں نمائش کا کوئی جواز باقی نہیں رہا ،سپریم کورٹ آف پاکستان بھارتی فلموں کی نمائش سے متعلق پیمرا کو احکامات جاری کر چکا ہے ۔درخواست میں وزیر اطلاعات فواد چوہدری کا بھارتی فلموں کی نمائش پر پابندی سے متعلق بیان کا بھی حوالہ دیا گیا ہے ۔درخواست گزار نے کہا کہ بھارتی فلموں اور اشتہارات کی پاکستان میں نمائش پر پابندی کے لیے مرکزی مقدمہ ہائیکورٹ میں زیر سماعت ہے ،مرکزی مقدمے کے ختمی فیصلے تک بھارتی مواد کی پاکستان میں نشریات پر فوری پابندی عائد کی جائے ۔جس پر فاضل عدالت نے وفاقی حکومت اور پیمرا کو نوٹس جاری کرتے ہوئے جواب طلب کرلیا ۔

تمام پرموٹرز پاکستانی پرموٹرز کو فلمیں دینے سے مکمل اجتناب برتیں
اسلام آباد / کراچی(ایمرا نیوز آن لائن) بھارتی حکومت نے پاکستان دشمنی میں تمام حدیں عبور کرتے ہوئے بھارتی فلم سازوں، پرموٹرز اور فلم ڈسٹری بیوٹرز کو کوئی بھی فلم پاکستان کو دینے سے منع کر دیا ہے۔ سال 2006 پاکستان اور بھارت کے مابین معاہدہ کیا گیا تھا کہ بھارتی فلموں کی نمائش پاکستان بھر میں کی جائیگی اور ان فلموں کو پاکستانی شائیقن کیلیے پیش کیا جائیگاجس میں پاکستان کے بارے کوئی منفی تاثر یا عکاسی نہ کی گئی ہو۔بھارتی زیرتسلط مقبوضہ کشمیرمیں بھارتی افواج کی طرف نہتے کشمیریوں کے بارے میں پاکستان کی طرف سے آواز اوٹھانے اور گزشتہ دنوں پلوامہ میں ہونے والے دہشت گردی کے واقع میں پاکستان کو ملوث کرنے کے بعد بھارتی حکومت نے اپنے تمام پرموٹرز سے کہاکہ پاکستانی پرموٹرز کو فلمیں نہ دی جائیں۔ دریں اثنا بھارت کی جانب سے ثقافتی رابطوں پرایک اوروار، پاکستانی فنکاروں کی بھارتی فلموں میں اداکاری پر پابندی عائد کردی۔بھارتی سینما انڈسٹری کی نمائندہ تنظیم آل انڈین سنے ورکرز کی جانب سے جاری کردہ اعلامیے میں پاکستان کیخلاف ہرزہ سرائی کرتے ہوئے، بھارتی فلموں میں کردارنگاری کرنے والے پاکستانی اداکاروں پر پابندی عائد کردی ہے۔ اعلامیے میں آل انڈین سنے ورکرز ایسوسی کی جانب سے کہا گیا ہے کہ تمام فلم میکنگ کے ادارے کسی بھی فلم یا دیگرفنکارانہ سرگرمیوں کے دوران پاکستانی اداکاروں کی شمولیت سے مکمل طور اجتناب برتیں۔