Tag bashing

(ایمرا نیوزآن لائن) سابق کرکٹر جاوید میاں داد ایک بار پھر عمران خان کے خلاف بول پڑے، انہوں نے کہا کہ عمران خان کو یہ سمجھنا چاہیے کہ ملک میں لوگوں کو روزی روٹی کے لالے پڑے ہیں، آپ ڈیپارٹمنٹل کرکٹ ختم کر کے قوم کی خدمت نہیں بلکہ بے سکونی میں اضافہ کریں گے۔سابق کرکٹر جاوید میانداد نے جیو نیوز سے خصوصی گفتگو میں کہا کہ معاشی حالات کے باعث پہلے ہی معاشرے میں بے چینی ہے، جس آدمی کے پاس نوکری نہیں ہو گی وہ کرکٹ پر کیسے توجہ دے گا، کرکٹ بورڈ صرف یہ بتا دے کہ اتنے سارے بیروزگار کرکٹرز کہاں کھپائیں گے۔

جاوید میاں داد نے کہا کہ عبدالحفیظ کاردار ایک ذہین کرکٹر تھے، انہوں نے ڈیپارٹمنٹل کرکٹ شروع کروائی تو کیا بے وقوفی کی تھی۔انہوں نے مزید کہا کہ ریجنل کرکٹ میں سیاسی لوگوں کی مداخلت ختم نہیں ہو سکتی، آپ کے پاس کیا گارنٹی ہے کہ وہاں سلیکشن کا عمل شفاف ہو گا۔سابق کرکٹر نے کہا کہ سب سے اہم بات یہ ہے کہ ڈپارٹمنٹل کرکٹ نے لسانی جھگڑوں کو ختم کیا، پنجاب اور کراچی کی پرانی نفرت ختم کرنے میں اہم کردار ادا کیا اور اتحاد پیدا کیا۔ان کا کہنا ہے کہ ہونا تو یہ چاہیے تمام برانڈز کو آگے لائیں اور ان سے کرکٹ میں پیسہ لگوائیں، عمران خان کو وقت کی نزاکت کا احساس ہونا چاہیے۔

نئی دہلی (ایمرا نیوز آن لائن) بھارتی اداکارہ کنگنا رناوت نے کانگریس پر تنقیدی نشتر چلا دیئے اور اپوزیشن جماعت کو ملک میں غربت کا ذمہ قرار دیا اور عوام پر زور دیا کہ ’بھارت کیلئے ووٹ “ دیں۔بھارتی اخبار کے مطابق کنگنا رناوت نے کہا کہ میرے خیال میں بھارت بالاآخر آزادی

حاصل کر رہا ہے کیونکہ اس پہلے ہم برطانوی یا اطالوی حکومت کے غلام تھے۔ان کا مزید کہنا تھا کہ جب تک کانگریس اقتدار میں تھی ملک ایسی غربت اور آلودگی کا شکار تھا جو ہم نے کبھی نہیں دیکھی لہٰذا لوگ بڑی تعداد میں نکلیں اور ووٹ ڈالیں۔اداکارہ کنگنا رناوت نے حال ہی میں اپنی سیاسی رائے کے ساتھ آواز نہ ملانے پر بالی ووڈ فنکاروں کو بھی تنقید کا نشانہ بنایا تھا۔

آکسفورڈ میں کرکٹ کے بل بوتے داخلوں سے ایسا نتیجہ نکلتا ہے،ٹوئیٹ
حادثاتی چیئرمین! وزیر اعظم نے دونوں ممالک کے بارڈر کو صنعتی زون قرار دیا ،عوام کے لوٹے پیسوں سے آپ نے آکسفورڈ ڈگری ضائع کی :وزیر اعظم کے مشیر کا ردعمل
اسلام آباد(ایمرا نیوز آن لائن )پیپلزپارٹی کے چیئرمین بلاول بھٹو زرداری نے وزیر اعظم کے دورہ ایران میں خطاب پر طنز کرتے ہوئے کہا کہ عمران خان کے مطابق جرمنی اور جاپان کی سرحدیں مشترکہ ہیں آ کسفورڈ میں کرکٹ کے بل بوتے پر داخلوں سے ایسے نتائج نکلتے ہیں ان خیالات کا اظہار بلاول بھٹو نے منگل کے روز وزیر اعظم کے دورہ ایران میں خطاب پر طنز کرتے ہوئے ٹوئٹ میں کیا انہوں نے کہا کہ وزیر اعظم سمجھتے ہیں کہ جرمنی اور جاپان کی سرحدیں مشترکہ ہیں جو ان کی غلط فہمی ہے آکسفورڈ یونیورسٹی میں کرکٹ کے بل بوتے پر داخلے لینے والوں کے ایسے نتائج نکلتے ہیں بلاول بھٹو کے ٹوئیٹ پر مشیر وزیر اعظم افتخار درانی نے بیان دیتے ہوئے کہا کہ حادثاتی چیئرمین صاحب وزیر اعظم نے کب کہا کہ جرمنی اور جاپان ہمسایہ ہیں بلکہ عمران خان نے کہا کہ دونوں ممالک کے باڈر صنعتیزون بن گئے ہیں انہوں نے کہا کہ بلاول بھٹو وزیر اعظم کی بات کو سمجھ نہیں سکے حلانکہ عوام کے لوٹے گئے پیسوں سے بلاول نے اکسفورڈ کی ڈگری ضائع کردی ہے (اشفاق خان صدام)

ممبئی(ایمرا نیوزآن لائن) بھارتی اداکارہ ارمیلا ما ٹونڈکر نے بھارتی وزیر اعظم نریندر مودی کی زندگی پر بننے والی فلم پر تنقید کرتے ہوئے کہا ہے کہ ’مودی کی زندگی پر اگر کوئی فلم بنے تو وہ مزاحیہ فلم ہونی چاہیے۔‘بھارتی وزیر اعظم نریندر مودی کی زندگی پر بننے والی فلم ’پی ایم نریندرمودی‘ الیکشن سے قبل ریلیز کی جانی تھی جس پر بھارتی الیکشن کمیشن کی جانب سے پابندی عائد کردی گئی ہے جو اب سیاسی تنقید کا نشانہ بنتی نظر آرہی ہے۔

بھارتی میڈیا رپورٹس کے مطابق دو ماہ قبل اداکاری کے بعد سیاست کی دنیا میں بھی قدم رکھنے والی بھارتی اداکارہ ارمیلا ماٹونڈکر نے نریندر مودی کو سیاسی تنقید کا نشانہ بناتے ہوئےکہا کہ مودی حکومتی سربراہ کی حیثیت سے لوگوں سے کیے گئے وعدوں کو مکمل کرنے میں ناکام ہوگئے ہیںاس لیے وہ کسی سوانح حیات کے مستحق نہیں ہیں۔

ارمیلا ما ٹونڈکرنےمزید کہا ہے کہ اس سے برا اور کیا ہوگا کہ مودی نے اپنے 5 سالہ دورہ حکومت کے دوران ایک مرتبہ بھی پریس کانفرنس نہیں کی اورنہ ہی عوام سے کیے گئے وعدوں کو پورا کیا ہے البتہ ان کی زندگی پرسوانح حیات نہیں کامیڈی فلم ضرور بننی چاہیے۔

واضح رہے کہ مودی کی زندگی پر بننے والی فلم ’پی ایم نریند مودی‘ میں اداکار وویک اوبرائے مرکزی کردار ادا کرتے نظر آئیں گے۔اس سال بھارت میں ہونے والے الیکشن 11اپریل سے لے کر 19 مئی تک جاری رہیں گے۔

کراچی(ایمرا نیوزآن لائن) پیپلزپارٹی کے سینئر رہنما خورشید شاہ کہتےہیں کہ حکومت نے آئی ایم ایف کے ساتھ ڈالر ڈیڑھ سو روپے کرنے کا معاہدہ کر لیا ہے۔سکھر میں میڈیا سے گفتگو کرتےہوئے پیپلز پارٹی کےسینئر رہنما خورشید شاہ نے کہا کہ حکومت عوام کو بھوکا مارنا چاہتی ہے۔ حکومت نے آئی ایم ایف کےساتھ ڈالر150 روپے کرنے کا معاہدہ کر لیا ہے اور قوم سےچھپایا جا رہاہے۔خورشید شاہ کا کہنا تھا کہ حکومت عوام کو ایک روٹی کھانے کا کہتی ہے۔انہوں نے کہا کہ پیپلزپارٹی حکومت کے خلاف نکل پڑی ہے، اب عوام کی نہیں حکمرانوں کی چیخیں نکلیں گی۔

نواز شریف کو مولانا سیاسی آکسیجن فراہم کررہے ہیں، سپریم کورٹ نوٹس لے،ٹوئٹ
اسلام آباد (ایمرا نیوز آن لائن)وزیر اطلاعات و نشریات فواد چودھری نے کہا ہے کہ مولانا فضل الرحمن میاں نواز شریف کو سیاسی آکسیجن فراہم کررہے ہیں ،سپریم کورٹ کو اس کا نوٹس لینا چاہیے ۔ تفصیلات کے مطابق منگل کے روز وفاقی وزیر اطلاعات فواد چودھری نے نواز شریف اور مولانا فضل الرحمان کی ملاقات کے حوالے سے سماجی رابطے کی ویب سائٹ پر تبصرہ کرتے ہوئے کہا ہے کہ نواز شریف تو اتنے بیمار تھے سپریم کورٹ کو بتایا گیا تھا کہ اگر ضمانت نہ ملی تو جان کو خطرہ ہے، ہمیشہ کی طرح جھوٹ بولا گیا اور اب ایمبولینس کی بجائے فضل الرحمن وہاں پہنچے ہیں اور میاں صاحب کو سیاسی آکسیجن دے رہے ہیں عدالت عظمی کو اس کا نوٹس لینا چاہیے۔

بیرون قرضے لیکر دونوں خاندانوں نے آپس میں تقسیم کئے،قوم اب خمیازہ بھگت رہی ہے ،ٹوئٹس
اسلام آباد (ایمرا نیوز آن لائن)وفاقی وزیر اطلاعات فواد چودھری نے شریف خاندان اور زرداری خاندان پر ایک بار پھر الزامات عائد کرتے ہوئے کہا ہے کہ دونوں نے بیرون قرضے لیکر آپس میں بانٹ دیئے ،اب عوام اس کا خمیازہ بھگت رہی ہے ۔منگل کے روز دو مختلف ٹوئٹس کرتے ہوئے وزیر اطلاعات و نشریات فواد چوہدری نے کہا کہ 1947سے 2008 تک پاکستان کا کل بیرونی قرضہ 37 بلین ڈالر تھا۔انہوں نے کہا اس رقم سے اسلام آباد بنا،تربیلا بنا،منگلا بنا، نیول بیسز بنائیں، فوج کو جدید ہتھیاروں سے لیس کیا گیا۔ اسی رقم سے گوادر بنایا اورموٹر وے بھی بنی۔2008 سے 2018 کے درمیان بیرونی قرضہ پہنچا97 ارب ڈالر پر، یعنی 60 ارب کا اضافہ ہوا۔ سوال یہ ہے یہ پیسہ کہاں گیا؟فواد چودھری نے الزام عائد کیا کہ ٓیہ پیسہ دو خاندانوں نے آپس میں تقسیم کیا۔انہوں نے کہا حدیبیہ فراڈکا ماڈل دونوں حکمران خاندانوں نے بار بار استعمال کیا،پیسہ ہنڈی اور حوالہ سے باہر بھیجا گیا اور گھمایا گیا، جس کا خمیازہ آج عوام کو بھگتنا پڑ رہا ہے، جعلی اکاؤنٹس اور جعلی لوگ استعمال ہوئے۔نواز،شہباز اور زرداری اس تماشے کے مرکزی کردار ہیں اور سائیڈ رول والے درجنوں ہیں۔

لاہور(نیٹ نیوز/ایمرا نیوز) سابق وزیر ریلوے اور مسلم لیگ نون کے رکن قومی اسمبلی خواجہ سعد رفیق کہتے ہیں کہ پہلے مجھےعمران خان سے بڑی محبت تھی، اب میں ان سے بہت ناراض ہوں۔خواجہ سعدرفیق کا قومی اسمبلی میں اظہار خیال کرتے ہوئے کہنا ہے کہ حکومت اپوزیشن کے اتحاد کو اپنے لیے خطرہ نہ سمجھے، آپ کے مینڈیٹ کو نہیں مانتے لیکن آپ کو گرانا نہیں چاہتے،ہم نہیں چاہتےکہ آپ کو گرانے کے چکر میں نظام کو کچھ ہو جائے۔انہوں نے کہاکہ اسپیکر اور ایوان کا شکر گزار ہوں کہ جنہوں نے بے پناہ دباؤ کے باوجود عوامی نمائندگی کا حق ادا کرنے کا موقع فراہم کیا ہے۔سعد رفیق نے کہاکہ 12 سال بعد جیل کی صورت میں بریک ملا، اب کھانا وقت پر کھاتا ہوں، سونے کا بھی وقت ملتا ہے، نیب والوں سے کہا ہے کہ میرے خلاف ریفرنس ضرور بنائیں، جتنا کچھ میرے خلاف کہا جا رہا ہے اس کا فیصلہ عدالت میں ہونا چاہیے۔انہوں نے کہا کہ میں سمجھتا ہوں کہ نون لیگ اور پی پی کو میثاق جمہوریت پی ٹی آئی اور دوسری جماعتوں کے سامنے بھی پیش کرنا چاہیے، یہاں محب وطن افراد کو غدار قرار دیا گیا، مجھے بتائیے کہ یہ غدار بناتا کون ہے؟جو جمہوریت یا قانون کی عمل داری مانگتا ہے وہ غدار، چور قرار پاتا ہے۔سعد رفیق نے کہا کہ ایوان کو بالادست بنانا ہے تو الزامات سے آگے نکلنا ہو گا، آپ ایک صوبے میں 5سال حکومت کر کے آئے ہیں، اب سنجیدگی اختیار کریں، آصف زرداری کے خلاف گھسیٹنے کی بات نہیں کرنا چاہیے تھی۔انہوں نے سوال کیا کہ کوئی طریقہ ہے وزرائے اعظم کو نکالنے کا، عمران خان کو بھی ایسے نہیں نکالنا چاہیے، طعنے بازی بند کیجیے، ملک آپ کے ہاتھوں میں لرز رہا ہے۔سعد رفیق نے یہ بھی کہا کہ جو پہلے زرداری صاحب، پھر مشرف صاحب کے ترجمان رہے، اب آپ کے ترجمان ہیں، آپ کے یہ ترجمان ہماری آپ سے لڑائی کرا رہے ہیں، حالانکہ آپ کے پاس پرویز خٹک جیسے سینئر رہنما بھی ہیں۔

کراچی(نیٹ نیوز/ایمرا نیوز) چیئرمین پیپلز پارٹی بلاول بھٹو زرداری کو بچہ کہنے پرمرکزی ترجمان پاکستان پیپلز پارٹی سینیٹر مولابخش چانڈیو نے وزیراطلاعات فواد چوہدری کو جواب دیتے ہوئے کہا ہے کہ بلاول بھٹو پاکستان کا مستقبل ہیں، بچہ کہنے والوں کو میرے چیئرمن بلاول بھٹو نے ہر جگہ شکست دی ہے۔مولابخش چانڈیو کا کہنا ہے کہ فواد چوہدری صاحب آپ کے سیاسی بڑوں کو بھی بلاول بھٹو سے سیاست سیکھنے پڑے گی۔ آج کے حکمرانوں میں ضیا الحق کی روح داخل ہو چکی ہے۔انہوں نے کہا کہ آصف علی زرداری جیل سے باعزت بری ہوچکے، نواز شریف جیل میں ہیں اب جیل جانے کی باری حکمرانوں کی ہے۔جب موجودہ حکمران جیل جائیں گے تو فواد کس پارٹی میں جائو گے؟انہوں نے مزید کہا کہ عمران خان غروب ہو رہا ہے، بار بار پارٹیاں بدلنے والے تیرا کیا ہوگا کالیا، حکمران قومی اسمبلی سے اپنے پہلے خطاب سے آج تک بلاول بھٹو سے شکست کھاتے آ رہے ہیں، بلاول بھٹو کے ہاتھوں شکست کی شرمندگی چھپانے کیلئے بچہ بچہ کہہ رہے ہیں۔مولابخش چانڈیو نے کہا کہ درست ہے کہ تمہاری عمریں بڑی ہیں، مگر قیادت کیلئے فہم و فراست اور تدبر چاہئے، مولابخش چانڈیو قوم کی قیادت کیلئے تدبر، وطن پرستی اور قربانی کا جذبہ چاہئے سینیئا رٹی نہیں۔بلاول بھٹو اس خاندان کے چشم و چراغ ہیں جس نے چھوٹی عمر میں پاکستانی سیاست کے سامری جادوگروں کو شکست دی۔انہوں نے کہا کہ سندھ فتح کرنے کا خواب دیکھنے والے خود اپنے لئے ڈرائونا خواب بن چکے ہیں، سندھ کے عوام نے پی پی اور ہمارے قائد نے مراد علی شاہ پر اعتماد کا اظہار کیا ہے، مراد علی شاہ کو غیرآئینی طریقے سے ہٹانے کے ہتھکنڈے وفاق کے ساتھ کھلواڑ ہوگا۔رہنما پیپلز پارٹی نے کہا کہ آصف علی زرداری پہلے بھی مقدمات سے باعزت بری ہوئے اب بھی سرخرو ہوں گے، فواد چوہدری دبئی، نیوجرسی کے جائیدادوں اور پارٹی فنڈ کا حساب تو دیں۔

کراچی(نیٹ نیوز/ایمرا نیوز) ایم کیو ایم کے رہنما ڈاکٹر فاروق ستار کا کہنا ہے کہ مئیر کراچی نےشاہ سے زیادہ شاہ کا وفادار بن کر کراچی میں توڑ پھوڑ کی ہے۔کراچی میں سٹی کورٹ کے باہر میڈیا سے گفتگو کرتے ہوئے فاروق ستار کا کہنا تھا کہ ملک میں بہت بے یقینی کی صورتحال ہے، سرمایہ کاری رکی ہوئی ہے اور غربت میں اضافہ ہو رہا ہے۔فاروق ستار نے کہا کہ شہریوں کا سب سے بڑا مسئلہ پانی کا ہے جو ابھی تک اپنی جگہ پر موجود ہے ، خدا جانے کے فور کب بنے گا۔انہوں نے کہا کہ سرکلر ریلوے کی بحالی کا منصوبہ کہاں تک پہنچا اس معاملے پر کوئی بریفنگ ہی نہیں ہوئی۔فاروق ستار نے میئر کراچی کو مخاطب کرتے ہوئے کہا کہ وہ ہوش کے ناخن لیں اور سرمایہ کاری کو تیز کریں۔انہوں نے میڈیا کے توسط سے میئر کراچی سے سوال کیا کہ کراچی میں ہونے والے تجاوزات کے خلاف آپریشن میں بیروزگار ہونے والوں کو دوبارہ کیسے بسایا جائے گا ؟