Tag blast

کاسٹ میں تبدیلی آسکر ایوارڈ یافتہ اداکار ریمی ملک ولن کا کردار ادا کرینگے
لاس اینجلس (ایمرا نیوز آن لائن )مشور زمانہ ہولی وڈ جاسوس ایکشن فلم ’جیمز بانڈ‘ سیریز کی 25 ویں فلم اپریل 2020 میں ریلیز کرنے کا اعلان کردیا گیا، ساتھ ہی فلم کی کاسٹ میں تبدیلی اور اضافہ کرتے ہوئے نئے ولن کو متعارف کرایا گیا ہے۔ جیمز بانڈ سیریز کے پروڈیوسرز کے مطابق اس بار آسکر ایوارڈ یافتہ اداکار ریمی ملک کو بھی فلم کا حصہ بنایا گیا ہے اور وہ منفی کردار میں دکھائی دیں گے۔ریمی ملک جیمز بانڈ کی 25 ویں فلم میں ولن کا کردار ادا کریں گے جو برطانوی جاسوس 007 کو تنگ کرتے دکھائی دیں گے۔اس سے پہلے یہ اطلاعات تھیں کہ اس بار جیمز بانڈ کی فلم میں خاتون ولن کا کردار ادا کریں گی۔یہ اطلاعات تھیں کہ فلم کے پروڈیوسرز چاہتے ہیں کہ اداکارہ ہیلینا کارٹر اس بار ولن بن کر برطانوی جاسوس کو تنگ کریں، تاہم اب خبر آئیہے کہ ولن کا کردار ریمی ملک ادا کریں گے۔جیمز بانڈ کی 25 ویں فلم میں جہاں ریمی ملک ولن کا کردار ادا کرتے دکھائی دیں گے، وہیں ڈینیئل کریگ بھی آخری جیمز بانڈ کا کردار ادا کریں گے۔مزید پڑھیں: ایک فلم کا سوا ارب روپے معاوضہ لینے والا جاسوس اداکارڈینیئل کریگ اس بار 5 مرتبہ برطانوی جاسوس کا کردار ادا کریں گے، وہ 25 ویں فلم کی شوٹنگ کے دوران زخمی ہوگئے ہیں، جس وجہ سے انہوں نے کہا ہے کہ وہ آئندہ فلم میں کام نہیں کریں گے۔

سری لنکا(ایمرا نیوزآن لائن) سری لنکا کے درالحکومت کولمبو کے مشرقی علاقے کلمونائی میں عسکریت پسندوں کے ٹھکانوں پر تازہ کارروائی کے دوران خودکش دھماکوں میں 6 بچوں اور 3خواتین سمیت 15 افراد ہلاک ہو گئے۔سری لنکن پولیس کے مطابق ہلاک دہشت گردوں کا تعلق ایسٹر بم دھماکوں سے ہے۔سری لنکن پولیس ترجمان کے مطابق سیکیورٹی فورسز نے گزشتہ شب کلمونائی میں واقع گھر پر چھاپا مارا، جس کے بعد عسکریت پسندوں سے سیکیورٹی فورسز کا فائرنگ کا تبادلہ بھی ہوا۔

مقابلے کے دوران 3خود کش حملہ آوروں نے خود کو دھماکے سے اڑا لیا، جس کے نتیجے میں 3 خواتین اور 6بچے بھی ہلاک ہوئے جبکہ 3 خودکش حملہ آوروں کی لاشیں مکان کے باہر سے ملی ہیں۔
سری لنکن پولیس کے مطابق واقعے میں ایک شہری بھی فائرنگ کی زد میں آکر ہلاک ہو گیا۔واضح رہے کہ کولمبو سے 370 کلومیٹر دور واقع علاقے کلمونائی کے مذکورہ مکان میں دہشت گردوں کی موجودگی کی اطلاع پر پولیس اور سیکیورٹی فورسز نے یہ مشترکہ آپریشن کیا۔سری لنکن پولیس حکام کا کہنا ہے کہ دہشت گردوں کے ساتھ ایک گھنٹے چلنے والے مقابلے میں سیکیورٹی فورسز کا کوئی اہلکار ہلاک یا زخمی نہیں ہوا۔اس سے قبل سری لنکا کے مشرقی علاقے سمنتھورائی Samanthurai میں انٹیلی جنس کی بنیاد پر کارروائی کی گئی، جہاں ایک گھر سے بڑی تعداد میں اسلحہ برآمد ہوا ہے۔

سیکیورٹی فورسز کو مذکورہ مکان سے داعش کی وردیاں، جھنڈے، بم تیار کرنےکا سامان، اور ڈرون کیمرے بھی ملے ہیں۔دھماکوں میں مبینہ طورپرملوث ہونے کے شبہے میں امریکی مسلم خاتون کی تصویرشائع کرنے پر سری لنکن پولیس نےمعذرت کرلی ہے۔سری لنکن صدرنے آج وسیع آپریشن کا اعلان کرتے ہوئے کہا تھا کہ ایک ایک گھر کو تلاش کیا جائے گا۔دوسری جانب مزید حملوں کے پیش نظر سری لنکا کے گرجا گھروں میں اتوار کی عبادات معطل کر دی گئی ہیں۔نماز جمعہ کے اجتماعات بھی منعقد نہ کرنے کی اپیل کے باوجود مسلمان بڑی تعداد میں جامع مساجد پہنچے اور نماز جمعہ ادا کی۔امریکا نےسری لنکا جانے والے اپنے شہریوں کو لیول تھری سطح کی ایڈوائزری جاری کر دی ہے جبکہ امریکی اہلکاروں کے بچے سری لنکا سے واپس بلا لیے گئے ہیں ۔واضح رہے کہ سری لنکا میں گزشتہ اتوار کو ایسٹر کے موقع پر کئی چرچوں اور ہوٹلوں سمیت 8 مختلف مقامات کو دہشت گردوں نے نشانہ بنایا تھا جس کے نتیجے میں 253 افراد ہلاک ہوئے تھے۔

لاہور:(ایمرا نیوزآن لائن) ورلڈ کپ کیلیے ستاروں کی کہکشاں سب گئی، تمام ٹیموں نے اپنے 15رکنی اسکواڈزکی فہرست جاری کردی جب کہ تبدیلیوں کی آخری تاریخ 23 مئی ہوگی۔پاکستان سمیت تمام ٹیموں نے ورلڈ کپ کیلیے اپنے اسکواڈز کا اعلان کردیا تھا،سب سے آخر میں 15 کرکٹرز کی فہرست جاری کرنے والی ٹیم ویسٹ انڈیز تھی، اگرچہ سب نے اپنے دستیاب بہترین 15 کرکٹرزکو اسکواڈز کا حصہ بنایا تاہم کسی کی فارم یا انجریز جیسے مسائل کو پیش نظر رکھتے ہوئے تبدیلیاں کرنے کی حتمی تاریخ 23 مئی مقرر کی گئی ہے، پاکستان کو مشکوک فٹنس کے ساتھ انگلینڈ پہنچنے والے محمد حفیظ اور وائرس کے شکار شاداب خان کے متبادل کی ضرورت پڑ سکتی ہے۔

اسی طرح یا انگلینڈ کیخلاف سیریز میں کسی پیسر کی ناقص کارکردگی کی صورت میں بھی متبادل کو لینا ممکن ہوگا، محمد عامر اور آصف علی امیدواروں میں شامل ہیں، کاؤنٹیز کے خلاف میچز اور انگلینڈ سے سیریز میں ان دونوں کی فارم کا بھی اندازہ ہو جائے گا۔ بھارت اور سری لنکا سمیت کئی ملک بھی چند ریزرو کھلاڑیوں کو انگلینڈ میں ساتھ رکھنے کا فیصلہ کرچکے اور اگر ضرورت محسوس کی تو ممکنہ تبدیلیوں پر غور کریں گے۔

یاد رہے کہ اسکواڈ میں تبدیلیوں کی ڈیڈ لائن ختم ہونے کے بعد اگر کسی ٹیم کو متبادل کی ضرورت پیش آئی تو اس کو ورلڈ کپ کی ٹیکنیکل کمیٹی کے سامنے اپنا کیس پیش کرنا ہوگا، انجری سمیت کوئی ٹھوس وجہ ثابت کئے بغیر کسی کو پلیئر تبدیل کرنے کی اجازت نہیں ہوگی۔

کوئٹہ(ایمرا نیوزآن لائن) کوئٹہ میں خود کش دھماکے میں 20 افراد کی شہادت کے بعد شہر کی فضا سوگوار ہے، ہزارہ برادری کا مغربی بائی باس پر احتجاج جاری ہے۔دھرنے کے باعث مغربی بائی پاس پر ٹریفک کی آمد و رفت معطل ہے، دھماکے میں شہید ہونے والے 20 میں سے 8 افراد کو مقامی قبرستان میں سپرد خاک کر دیا گیا ہے۔ہزر گنجی سبزی منڈی خودکش حملے کا مقدمہ نامعلوم ملزمان کے خلاف درج کیا گیا ہے۔کوئٹہ میں دہشت گردی کی نئی لہر اور اس کے سبب 20 افرادکی شہادت کے خلاف مغربی بائی پاس پر دھرنا جاری ہے، مظاہرین کا مطالبہ ہے کہ خودکش حملے میں ملوث عناصر کو کیفر کردار تک پہنچایا جائے، احتجاج کے سبب مغربی بائی پاس ہر قسم کی ٹریفک کے لیے بند ہے۔خودکش حملے میں شہید ہونے والے افراد کی نماز جنازہ میں صوبائی وزیرداخلہ میرضیا لانگو، صوبائی وزیر صحت نصیب اللہ مری، مشیر عبدالخالق ہزارہ، رکن اسمبلی قادر نائل اور ہزارہ برادری کے افراد نے شرکت کی۔بعد میں 20 شہداء میں سے 8کو آہوں اور سسکیوں کےساتھ ہزارہ ٹاؤن قبرستان میں سپرد خاک کر دیا گیا۔واضح رہے کہ گزشتہ صبح کوئٹہ کے نواحی علاقے ہزار گنجی میں واقع سبزی و فروٹ منڈی میں ایک دکان کے قریب خود کش حملہ آور نے خود کو دھماکے سے اڑا لیا تھا۔شہداء میں ہزارہ کمیونٹی کے 8 افراد، ایف سی اہل کار اور 2 بچے بھی شامل ہیں، دھماکے سے کئی دکانوں اور گاڑیوں کو بھی نقصان پہنچا تھا۔خودکش حملے کا مقدمہ سی ٹی ڈی تھانے میں نامعلوم افراد کے خلاف درج کر لیا گیا ہے، مقدمے میں قتل، اقدام قتل، انسداد دہشت گردی اور ایکسپلوزو ایکٹ کی دفعات شامل ہیں۔صدر مملکت عارف علوی، وزیر اعظم عمران خان، وزرائے اعلیٰ، نواز شریف،آصف زرداری اور بلاول بھٹو زرداری سمیت سیاسی قائدین اور رہنماؤں نے دھماکے کی سخت مذمت کی ہے۔وزیراعظم نے قیمتی جانوں کے ضیاع پر دکھ کا اظہار کرتے ہوئے واقعے کی رپورٹ طلب کرلی اور زخمیوں کو بہترین طبی امداد کی فراہمی کی ہدایت کی۔

دکی(نیٹ نیوز/ایمرا نیوز) بلوچستان کے ضلع دکی میں مقامی کوئلے کی کان میں زہریلی گیس بھرنے سے دھماکا ہوا ہے، دھماکے کے نتیجے میں کان بیٹھ جانے کے باعث ملبے تلے 4کان کن دب گئے۔کان میں دبے ہوئے کان کنوں کو نکالنے کے لیے امدادی کارروئی شروع کی گئی جس کے دوران 2 کان کنوں کی لاشوں کو نکال لیا گیا۔پولیس کا کہنا ہے کہ ملبے کے نیچے پھنسے ہوئے دیگر 2 کان کنوں کو نکالنے کے لے امدادی کارروائیاں جاری ہیں۔پولیس کے مطابق دکی میں واقع کوئلے کی کان میں زہریلی گیس بھرجانے کے باعث دھماکا ہوا ،دھماکے کی وجہ سے کان کا ایک حصہ بیٹھ گیا۔دکی میں گیس بھرجانے کے سبب بیٹھ جانے والی متاثرہ کان کی گہرائی تقریباً 1700 فٹ بتائی گئی ہے۔واضح رہے کہ گزشتہ ماہ بھی دکی کی ہی ایک کوئلے کی کان میں دھماکے کے نتیجے میں ملبے تلے دب کر 3 کان کن جاں بحق ہوگئے تھے۔

سوات(نیٹ نیوز/ایمرا نیوز) خیبر پختون خوا کے شہر سوات کے علاقے شاہین آباد کے ایک گھر میں گیس سلنڈر کا دھماکا ہوا ہے جس کے نتیجے میں 8افراد زخمی ہو گئے۔ریسکیو 1122 کے مطابق گیس سلنڈر دھماکا گھر کے کچن کے اندر ہوا جس کے باعث 8 افراد زخمی ہوگئے ہیں۔ریسکیو ذرائع کے مطابق زخمیوں میں خواتین اور بچے بھی شامل ہیں، تمام زخمیوں کو ڈسٹرکٹ ہیڈ کوارٹر اسپتال سیدو شریف منتقل کردیا گیا ہے جہاں انہیں طبی امداد دی جا رہی ہے۔

میکسیکو(نیٹ نیوز/ایمرا نیوز) میکسیکو میں فیول پائپ لائن میں آگ لگنے سے بیس افراد ہلاک جبکہ54 زخمی ہوگئے۔غیر ملکی میڈیا کے مطابق پائپ لائن میں آگ فیول چوری کرنےکی کوشش کے دوران لگی۔

حکام کےمطابق سینٹرل میکسیکو میں ایندھن چوروں نےپائپ لائن سے چوری کے بعد لوکل ٹیپ لگا دیا جس سے ایندھن لیک ہونا شروع ہوگیا جس کے بعد مقامی لوگ ایندھن جمع کرنے کےلئے اکھٹا ہوگئے۔پائپ لائن پر اچانک آگ بھڑکنے سے 20افراد ہلاک اور 54 زخمی ہوئے۔

پیرس(نیٹ نیوز/ایمرا نیوز) فرانس کے دارلحکومت پیرس میں دھماکا ہوا ہےجس میں متعدد افراد کے زخمی ہونے کی اطلاعات ہیں۔ذرائع کے مطابق دھماکا شہر کی معروف بیکری میں گیس لیکج کے باعث ہوا ہے ، دھماکے کے بعد عمارت میں آگ لگ گئی ہے ۔مقامی میڈیا کا کہنا ہے کہ دھماکا پیرس کے امیر ترین علاقے میں ہوا ہے۔دھماکے کی شدت سے متعدد گاڑیوں کو بھی نقصان پہنچا ہے۔

پشاور(نیٹ نیوز/ایمرا نیوز) پشاور میں صبح سویرے دھماکا ہوا ہے جس کے نتیجے میں 6 افراد زخمی ہو گئے۔پشاور کے علاقے صدر کالاباڑی میں واقع ایک ہوٹل کے قریب آج صبح دھماکا ہوا جس سے 6 افراد زخمی ہو گئے۔پولیس ذرائع کا کہنا ہے کہ دھماکا ایک گاڑی میں ہوا ہے جس میں بم یا دھماکا خیز مواد نصب تھا۔

جس علاقے میں دھماکا ہوا ہے وہاں علی الصبح دکانیں کھل جاتی ہیں اور کافی گہما گہمی رہتی ہے۔دھماکا ہوتے ہی سیکیورٹی فورسز، پولیس، بم ڈسپوزل اسکوا، ریسکیو ٹیمیں اور ایمبولینسیں دھماکے کے مقام پر پہنچ گئیں، سیکیورٹی اداروں نے علاقے کو گھیر کر آمد و رفت معطل کر دی۔دھماکے سے قریبی عمارتوں کے شیشے ٹوٹ گئے، جبکہ کئی گاڑیوں کو بھی نقصان پہنچا ہے۔ریسکیو ذرائع کے مطابق پشاور دھماکے کے 6زخمیوں کو لیڈی ریڈنگ اسپتال منتقل کر دیا گیا ہے جہان انہیں طبی امداد دی گئی۔لیڈی ریڈنگ اسپتال کی انتظامیہ کا کہنا ہے کہ زخمیوں کی حالت خطرے سے باہر ہے، زخمیوں میں ایک خاتون بھی شامل ہے۔

چین (نیٹ نیوز/ایمرا نیوز) شمالی چین میں واقع ایک کیمیکل پلانٹ میں دھماکے کے نتیجے میں 22افرادہلاک اور دو درجن لوگ زخمی ہوگئے۔دھماکے کے بعد پلانٹ میں آگ لگ گئی، آگ بجھانے کے لیے امدادی کارروائیاں جاری ہیں۔خبر ایجنسی کے مطابق دھماکے کے نتیجے میں قریب کھڑی ہوئی 50 گاڑیاں بھی تباہ ہوگئیں۔حکام کا کہنا ہے کہ دھماکے سے متعلق تحقیقات جاری ہیں۔