Tag bollywood stars

لاہور (ایمرا نیوز آ ن لائن) اداکارہ سارہ خان نے کہا ہے کہ محبت میں ایسا لگتا تھا کہ جسے میں نے پسند کیا ہے وہ مسٹررائٹ ہے تاہم وقت نے میرا فیصلہ غلط ثابت کر دیا اور شادی سے پہلے ہی ہمارے راستے جدا ہو گئے ،اداکارہ نے آغاعلی سے منگنی یاشادی کی خبروں کو رد کردیا ۔

سارہ خان نے ایک انٹرویو میں کہا کہ آغاعلی کومیں نے پسند کیا تھاجو غلط فیصلہ ثابت ہوا، اب میں ارینج میرج کروں گی اور اس حوالے سے بہت جلد اپنے پرستاروں کو سرپرائز دینے والی ہوں۔ میں تو خاندانی انسان سے شادی کرکے گھر بسا لوں گی لیکن مجھے کھو کر آغا علی نے اپنا ہی نقصان کیا ہے ۔

لاہور(ایمرا نیوز آن لائن)پاکستان فلم انڈسٹری کی صف اوّل کی اداکارہ ماہرہ خان کا پیرس میں ایفل ٹاور کے سامنے لبنانی اداکارہ ڈینلا راحمے کے ساتھ عربی گانے پر انتہائی خوبصورت رقص سوشل میڈیا پر چھا گیا۔لبنانی اداکارہ ڈینیلا راحمے نے ماہرہ خان کے ساتھ اپنے رقص کی ویڈیو انسٹاگرام پر شئیر کی جس پر انہوں نے کیپشن لکھا کہ انہوں نے اور ماہرہ نے پیرس میں گلوکار حسین الجسمی کی “نئی ہٹ” پر ساتھ رقص کرنے کا فیصلہ کیا ہے‘۔

ڈینیلا نے اپنے کیپشن میں مزید لکھا کہ ’میری حسین ماہرہ مجھے تمہاری یاد آتی رہتی ہے‘۔اداکارہ ماہرہ خان نے حال ہی میں پیرس فیشن ویک 2019 ریمپ واک کی تھی جس میں ان کے ساتھ لبنانی اداکارہ ڈینیلا راحمے نے بھی واک کی تھی۔اس سے قبل بھی لبنانی اداکارہ نے ریمپ واک کی ایک ویڈیو اپنے انسٹاگرام اکاؤنٹ پر شئیر کی تھی جس میں وہ ماہرہ خان اور دیگر ماڈلز کے ساتھ ریمپ پر واک کر رہی تھیں جس کے کیپشن میں انہوں نے لکھا تھا کہ اپنے ساتھ بہت سی متاثر کُن خواتین ساتھ ریمپ واک۔

یاد رہے کہ چند روز قبل سپر اسٹار ماہرہ خان نے پیرس فیشن ویک 2019میں ریمپ پر دیدہ زیب واک کر کے سب کی توجہ اپنی جانب کھینچ لی تھی۔ماہرہ خان پیرس فیشن ویک میں سب کی توجہ کا مرکز اداکارہ ریمپ پر سفید شرٹ کے اوپر لیدر جیکٹ کے ساتھ کالے رنگ کی چمکدار تنگ جینز زیب تن کیے ’کارل لیگر فیلڈ‘ کے مخصوص ہئیر اسٹائل میں جلوہ گر ہوئی تھیں۔
پیرس فیشن ویک میں ماہرہ خان کے علاوہ گلوکارہ کیملا کابیلو، بالی وڈ اداکارہ ایشوریا رائے بچن، اداکارہ ہیلن میرن ، ایوا لونگوریا اور امبر ہارڈ نے بھی ریمپ واک کی تھی۔

پیرس فیشن ویک میں اداکارہ ماہرہ خان کی دیدہ زیب ریمپ واک کی ویڈیو نے سوشل میڈیا پر تہلکا مچا دیا تھا اور ان کے مداحوں کے ساتھ ساتھ دیگر اداکاراؤں نے بھی انہیں بے حد سراہا تھا۔واضح رہے کہ اداکارہ ماہرہ خان نے معروف میک اپ برانڈ لوریل کی ایمبیسیڈر حیثیت سے ریمپ پر واک کی تھی۔

ممبئی(نیٹ نیوز/ایمرا نیوز) بھارت کے امیر ترین بزنس مین مکیش امبانی کی بیٹی ایشا امبانی کی شادی سے قبل تقریبات شروع ہوگئی ہیں، گزشتہ روز بھارتی شہر ادے پور میں ان کی سنگیت کی رسم منعقد کی گئی جس میں بالی ووڈ فلم انڈسٹری سے کئی میگا اسٹارزاور دیگر شخصیات نے شرکت کی۔

بھارتی اخبار این ڈی ٹی وی کی رپورٹ کے مطابق ایشا امبانی کی سنگیت کی رسم میں بالی ووڈ کے کئی بڑے ناموں کے علاوہ سابق امریکی وزیر خارجہ جون کیری اور ان کی اہلیہ ہیلری کلنٹن کو مدعو کیا گیا، دوران تقریب شاہ رخ خان اُن کی اہلیہ گوری خان، سابقہ مس ورلڈ ایشوریہ رائے ان کے شوہر ابھیشک بچن اور ہیلری کلنٹن کا شاندار رقص شرکاء کی توجہ کا مرکز بنا رہا۔ میڈیا رپورٹس کے مطابق شاہ رخ خان نے گوری خان کے ہمراہ فلم یہ جوانی ہے دیوانی کے گانے ’دلی والی گرل فرینڈ‘ پر ایسا رقص کیا کہ دیکھنے والے دیکھتے رہ گئے، اس کے بعد مس ورلڈ ایشوریہ رائے نے اپنے شوہر اور اداکار ابھیشیک بچن کے ساتھ فلم گرو کے گانے ’تیرے بنا‘ پر شاندار ڈانس کیا۔

اس کے علاوہ ایشا امبانی کے سنگیت میں سابق امریکی وزیر خارجہ جون کیری اور ان کی اہلیہ ہیلری کلنٹن کے بھنگرے نے بھی سوشل میڈیا پر کافی مقبولیت حاصل کی۔ اس موقع پر ہیلری کلنٹن نے مخصوص بھارتی لباس زیب تن کیا اور انہیں کی طرح پر جوش انداز میں بھنگڑا ڈالتی نظر آئیں۔ واضح رہے ایشا امبانی کی شادی بھارت کے ارب پتی صنعتکار کے بیٹے آنند پیرامل سے 12 دسمبر کو ان کی رہائش گاہ ممبئی میں ہوگی۔