Tag bollywood

ممبئی(میڈیا نائن ٹو ڈاٹ ٹی وی) بالی ووڈ ڈمپل گرل دپیکا پڈوکون کے انسٹا گرام پر مداحوں کی تعداد 2 کروڑ سے زائد ہوگئی جس کے بعد اداکارہ ایشیا کی پہلی خاتون بن گئی ہیں جن کے انسٹا گرام پر سب سے زیادہ فالوورز ہیں۔دور حاضر میں جہاں ٹیکنالوجی کے بہت سے فوائد ہیں وہاں سب سے زیادہ فائدہ مداحوں کے لیے یہ ہے کہ وہ با آسانی اپنے پسندیدہ اداکاروں کی معلومات حاصل کرسکتے ہیں یہی وجہ ہے کہ اداکار بھی اپنے مداحوں سے قریب سے قریب تر رہنے کے لیے سوشل میڈیا کا استعمال کرتے ہیں تاکہ مداحوں کو باخبر رکھ سکیں۔
بھارتی میڈیا کے مطابق بالی ووڈ کی صف اول کی اداکارہ دپیکا پڈوکون کی سماجی رابطے کی سائٹ انسٹا گرام پر مداحوں کی تعداد دو کروڑ سے تجاوز کرگئی ہے جس میں بتدریج اضافہ ہورہا ہے ، دپیکا پہلی اداکارہ ہیں جن کے انسٹاگرام پر اتنے فالوورز ہیں۔
ڈمپل گرل نے سماجی رابطے کی سائٹ انسٹا گرام کی جانب سے دی گئی شیلڈ کی تصویر بھی جاری کی اور خوشی کا اظہار کرتے ہوئے انسٹا گرام کا شکریہ ادا کیا، اداکارہ کا کہنا تھا کہ میں آج یہ ایوارڈ وصول کرنے پر خاصی جذباتی ہوں اور یہ سنگ میل میرے لیے ہمیشہ خاص رہے گا۔
واضح رہے کہ فلم ’’پدماوتی‘‘ میں رانی پدماوتی کا کردار ادا کرنے کی وجہ سے دپیکا ان دنوں مشکلات کا شکار ہیں، ایک جانب انتہا پسند ہندوؤں نے ان کو ناک کاٹنے کی دھمکی دے رکھی ہے تو دوسری جانب ان کے سر کی قیمت بھی مقرر کردی گئی ہے۔

ممبئی(میڈیا نائن ٹو ڈاٹ ٹی وی) 90 کی دہائی میں کئی ہٹ فلموں میں مرکزی کردارادا کرنے والی بالی ووڈ کی نامور اداکارہ شلپا شیروڈکر کو اب پہچاننا مشکل ہی نہیں تقریباً ناممکن ہوگیاہے۔
1969 میں ممبئی میں پیدا ہونے والی شلپا شیروڈکرنے اپنے فنی سفر کا آغاز تو 80 کی دہائی کے آخری برسوں میں ہی کرلیا تھا لیکن انہیں پہچان 1990 میں ریلیز ہونے والی فلم ’’کشن کنہیا‘‘ سے ملی، فلم میں ان کے کردار کو خاصا پسند کیا گیا تھا۔
اس کے بعد وہ کئی برسوں تک فلم انڈسٹری سے منسلک رہیں لیکن 2000 میں انہوں نے ایک بھارتی نژاد شہری سے شادی کرلی اور پھر وہ بڑے پردے سے تقریباً غائب ہی ہوگئیں۔
شلپا آخری بار بڑی اسکرین پر 7 برس قبل ریلیز ہونے والی فلم ’’بارود‘‘ میں نظر آئی تھیں اور اب تو وہ کافی بدل گئی ہیں، گزشتہ دنوں وہ ایک فلمی تقریب میں نظرآئی تھیں لیکن لوگوں کے لیے انہیں پہچاننا ناممکن نہیں تو انتہائی مشکل ضرور ہوگیا تھا۔

ممبئی(میڈیا نائن ٹو ڈاٹ ٹی وی) بالی ووڈ اداکارہ دپیکا پڈوکون نےاپنے قریبی دوست اور ساتھی اداکاررنویر سنگھ کو ٹھکرا کر بالی ووڈ کے نامور ہدایت کار سنجے لیلا بھنسالی سے شادی اوراداکار شاہد کپورکو قتل کرنےکی خواہش کا اظہار کردیا۔بالی ووڈ میں کئی ایسے اداکار ہیں جن کی شادی بھارت کا قومی مسئلہ بنا ہوا ہے جن میں سرفہرست بالی ووڈ کے سلطان سلمان خان، ڈمپل گرل دپیکا پڈوکون اور پریانکا چوپڑا وغیرہ شامل ہیں۔ مداح جاننا چاہتے ہیں کہ ان کے پسندیدہ اداکارآخرکب اور کس سے شادی کریں گے۔ سلمان خان تو 50 سال سے زائد عمر ہونے کے بعد بھی فی الحال شادی کے موڈ میں نظر نہیں آرہے تاہم دپیکا پڈوکون نے شادی کرنے کی خواہش کااظہار کردیا ہے۔
حال ہی میں دپیکا پڈوکون نے بھارتی ٹی وی کے متنازعہ اور مقبول ترین رئیلیٹی شو ’بگ باس سیزن11‘میں اپنی فلم’پدماوتی‘کی تشہیر کے لیے شرکت کی جہاں انہوں نے شوکے میزبان سلمان خان سے خوب گپ شپ کی۔ سلمان نے بھی اس موقع کا بھرپور فائدہ اٹھاتے ہوئے دپیکا سے مداحوں کی خواہش پران کے آئندہ مستقبل کے لائحہ عمل اورشادی سے متعلق سوال کرڈالا۔
سلمان نے دپیکا سے پوچھا اگرآپ کو ہدایت کار سنجے لیلا بھنسالی، رنویر سنگھ اورشاہد کپور میں سے کسی کو قتل کرنے، شادی کرنے اور کسی کے ساتھ گھومنے جانے کا موقع ملے تو آپ کسے منتخب کریں گی جس کے جواب میں دپیکا نے کہا کہ وہ ’پدماوتی‘کے ہدایت کار سنجے لیلا بھنسالی سے شادی کرنا چاہیں گی، اداکار رنویر سنگھ کے ساتھ گھومنے جانا چاہیں گی جب کہ شاہد کپوراپنی اہلیہ میرا راجپوت کے ساتھ خوشگوارازدواجی زندگی گزاررہے ہیں لہٰذا موقع ملا تو وہ شاہد کپور کو قتل کرنا چاہیں گی۔
اس خبرکوبھی پڑھیں: ہندوانتہا پسندوں کی دپیکا کو’’ناک‘‘ کاٹنے کی دھمکی
دپیکا پڈوکون کے اس جواب سے شو میں موجود شائقین کے ساتھ سلمان خان بھی حیرت زدہ ہوگئے کیونکہ انہیں توقع تھی کہ دپیکا شادی کے لیے اپنے دوست رنویرسنگھ کا نام لیں گی۔
واضح رہے کہ تنازعات کا شکار فلم ’پدماوتی‘یکم دسمبرکو ریلیز ہونی تھی تاہم فلم کے ہدایت کار سنجے لیلا بھنسالی اور دپیکاپڈوکون کو ہندو انتہا پسند تنظیموں کی جانب سے ملنے والی دھمکیوں کے باعث فلم کی ریلیز فی الحال موخر کردی گئی ہے۔

ممبئی(میڈیا نائن ٹو ڈاٹ ٹی وی) بی جے پی رہنما نے دپیکا اور سنجے لیلا بھنسالی کے سر کی قیمت 10 کروڑ مقرر کرتے ہوئے رنویر سنگھ کی ٹانگیں توڑنے کی دھمکی ہے۔بھارتی فلم ’پدماوتی‘ کی ریلیز میں مشکلات ختم ہونے کے بجائے مزید بڑھتی جارہی ہیں، پہلے راجپوت برادری نے فلم کی ریلیز کی صورت میں پرتشدد رویہ اختیار کرنے اور دپیکا پڈوکون کو ناک کاٹنے کی دھمکی سمیت ہدایت کار سنجے لیلا بھنسالی کے سر کی قیمت 5 کروڑ بھی مقرر کی تھی، جس کے بعد سنسر بورڈ نے بھی فلم کے سرٹیفکیٹ کے لیے دی گئی درخواست کو فلم ساز کو واپس کردیا۔
گزشتہ روز فلم کو ریلیز کرنے والی پروڈکشن کمپنی ’’ویا کوم 18‘‘ نے خود ہی فلم کی ریلیز روکنے کا اعلان کیا تھا تاہم اب پی جے پی رہنما نے بی جے پی رہنما نے دپیکا پڈوکون اور سنجے لیلا بھنسالی کے سر کی قیمت 10 کروڑ مقرر کردی ہے جب کہ رنویر سنگھ کی ٹانگیں توڑنے کی بھی دھمکی دی ہے۔
بھارتی میڈیا کا کہنا ہے کہ ہریانہ سے تعلق رکھنے والے بی جے پی کے میڈیا کوآرڈینیٹر سورج پال امو نے اعلان کیا ہے کہ جو کوئی بھی دپیکا پڈوکون اور سنجے لیلا بھنسالی کا قتل کرے گا اس کو 10 کروڑ روپے انعام دیا جائے۔ صرف یہی نہیں بی جے پی رہنما نے مزید کہا کہ اداکار رنویر سنگھ نے ہدایت کار سنجے لیلا بھنسالی کی معاونت کی لہذا اگر انہوں اپنے الفاظ واپس نہیں لیے تو رنویر سنگھ کی ٹانگیں توڑ دی جائیں گی۔
بی جے پی رہنما سورج پال امو کے بیان پر بھارتی وزیراعظم نریندر مودی نے وضاحت طلب کرلی ہے۔ دوسری جانب مدھیا پردیش کے وزیراعلیٰ شوراج سنگھ چوہان نے ریاست میں فلم پدماوتی کی ریلیز پر پابندی لگاتے ہوئے کہا ہے کہ ریاست میں فلم کسی صورت ریلیز نہیں ہونے دی جائے گی۔

ممبئی(میڈیا نائن ٹو ڈاٹ ٹی وی)بھارت میں ہندو انتہا پسندوں کی جانب سے اداکارہ راکھی ساونت کو ’’پدماوتی‘‘ کی حمایت پر منہ کالا کرنے کی دھمکی دی گئی ہے۔بھارتی میڈیا کے مطابق فلم ’’پدماوتی‘‘ کی تیاری اور اس کی تشہیر میں کروڑوں روپے لگے ہیں اور اسے یکم دسمبر کو ریلیز کیا جانا تھا۔ لیکن اس کی کہانی پر ہندو انتہا پسندوں کے بڑھتے دباؤ کے بعد فلم کے ہدایت کار اور پروڈیوسر نے ’’پدماوتی‘‘ کی ریلیز فی الحال منسوخ کردی ہے لیکن اس معاملے پر تنازعات بڑھتے ہی جارہے ہیں۔
ایک جانب فلم کے حوالے سے تنازعات اس قدر بڑھ گئے ہیں کہ کچھ دن پہلے ایک ہندو انتہا پسند تنظیم نے اعلان کیا تھا کہ اگر فلم ’’پدماوتی‘‘ ریلیز ہوئی تو دپیکا کی ناک کاٹ دی جائے گی۔ دوسری جانب اداکاروں اور سماجی حلقوں کی جانب سے ہر سطح پر اس فلم کی بھر پور حمایت کی جارہی ہے۔ فلم کی حمایت کرنے والوں میں سلمان خان اور کرن جوہر جیسے بڑے نام بھی شامل ہیں۔
فلم کی حمایت کے لئے بالی ووڈ کی ان اہم شخصیات کی دیکھا دیکھی راکھی ساونت نے بھی سوشل میڈیا پر ایک ویڈیو جاری کردی جس میں انہوں نے ’’پدماوتی‘‘ کی حمایت میں بھاشن دے ڈالا، ان کا کہنا تھا کہ وہ ’’پدماوتی‘‘ کی ریلیز کے حوالے سے بہت پر جوش ہیں۔ سنجے لیلا بھنسالی نے ایک اچھی فلم بنائی ہے جس میں دپیکا پڈوکون نے اچھا کام کیا ہے اور شاہد کپور بھی بہت خوبصورت نظر آرہے ہیں، اس لیے وہ لوگوں سے اپیل کرتی ہیں کہ بھارت کے اندر اور بیرون ملک لوگوں کو اس کی حمایت کرنی چاہیے۔
راکھی کی ویڈیو کیا جاری ہوئی ان کی مشکلیں بڑھ گئیں، جس تنظیم نے دپیکا کی ناک کاٹنے کا اعلان کیا تھا اب اسی تنظیم نے راکھی کا منہ کالا کرنے کی دھمکی دے دی ہے۔

ممبئی(میڈیا نائن ٹو ڈاٹ ٹی وی) کرن جوہر نے اپنی نئی فلم ’’اسٹوڈنٹ آف دا ائیر 2‘‘کا پوسٹر جاری کردیا ہے جس میں ٹائیگر شیروف مرکزی کردار اداکررہے ہیں۔نامور بالی ووڈ فلمساز کرن جوہر کی 2012 کی بلاک بسٹر فلم ’’اسٹوڈنٹ آف دی ایئر‘‘ کو فلم بینوں نے بے انتہا پسند کیا تھا، فلم میں کرن جوہر نے 3 نئے نوجوان اداکاروں سدہارت ملہوترا، ورن دھون اور عالیہ بھٹ کو متعارف کرایا تھا اور مداحوں کی جانب سے تینوں نوجوان اداکاروں کی اداکاری کو بے حد سراہا گیا تھا۔
فلم کی بھرپور کامیابی کے بعد کرن جوہر نے ’’اسٹوڈنٹ آف دی ایئر‘‘ کا سیکوئل بنانے کا اعلان کیا جس میں مرکزی کردار کے لیے ٹائیگر شروف کو کاسٹ کیا گیا ہے، اب کرن جوہر نے ’’اسٹوڈنٹ آف دی ایئر2‘‘ کا پوسٹر بھی جاری کردیا ہے جس میں ٹائیگر شروف انتہائی مستی کے موڈ میں نظر آرہے ہیں جب کہ کرن جوہر نے کہا ہے کہ اب کالج نئے طالب علموں کے کھل گیا ہے۔
ابھی تک فلم ’’اسٹوڈنٹ آف دی ایئر‘‘ کے سیکوئل میں اداکار ٹائیگر شروف کے مدمقابل کسی بھی اداکارہ کو فائنل نہیں کیا گیا ہے اور فلم کی ہیروئن کے لیے نئے چہرے کی تلاش کا سلسلہ بھی جاری ہے تاہم فلم کس حد تک فلم بینوں کو متاثر کرنے میں کامیاب ہوگی یہ تو آنے والا وقت ہی بتائے گا۔

ممبئی(M92) سپراسٹار شاہ رخ خان صرف بالی ووڈ کے نہیں بلکہ دلوں کے بھی بادشاہ ہیں اور فلموں کے علاوہ لوگوں کے دلوں پر حکمرانی کرنا بھی خوب جانتے ہیں۔کروڑوں دلوں کی دھڑکن اوربھارتی فلم انڈسٹری کے کنگ شاہ رخ خان کہنے کو تو شوبز انڈسٹری پر راج کرتے ہیں لیکن ان کا دل بالکل بچوں کی طرح نرم ہے جو صرف دوسروں کی مدد کرنا جانتا ہے۔ شاہ رخ خان اپنے آس پاس موجود لوگوں خاص طورپرخواتین کی بہت عزت کرتے ہیں اور بچوں سے بے انتہا محبت کرتے ہیں جب کہ بچے بھی کنگ خان کو بے حد پسند کرتے ہیں یہ کہنا غلط نہ ہوگا کہ شاہ رخ خان کے پرستاروں میں خواتین اور بچوں کی تعداد مردوں کے مقابلے میں زیادہ ہے۔
گزشتہ روز بچوں کے عالمی دن کے موقع پر جہاں بالی ووڈ کے دیگر اداکاروں نے اپنے اپنے بچپن کی یادگارتصاویر شیئر کرکے سوشل میڈیا پرتمام لوگوں کو اس دن کی مبارکباد دی وہیں شاہ رخ خان نے یہ دن بالکل منفرد انداز میں غریب بچوں کے ساتھ منایا۔ بھارتی میڈیا کے مطابق شاہ رخ خان نے گزشتہ روز100 غریب بچوں کو اپنی فلم کے سیٹ پر مدعو کیا اور پورا دن ان کے ساتھ گزارا، اپنے سامنے بالی ووڈ کے بادشاہ شاہ رخ خان کو دیکھ کر بچوں کی خوشی دیدنی تھی۔
انہوں نے بھی کنگ خان کے ساتھ مل کر خوب ہلاگلا کیا اور اس دن کو یاد گار بنایا۔ شاہ رخ خان نے بچوں کے ساتھ کیک بھی کاٹا جب کہ بچوں کو کنگ خان کی فلم دیکھنے کا موقع بھی ملا۔
شاہ رخ خان نے ٹوئٹر پر بچوں کے ساتھ گزارے گئے یاد گار لمحوں کی تصاویر اور ویڈیوز شیئر کیں اور ساتھ میں پیغام درج کیا کہ اسپارک اینڈ چینج فاؤنڈیشن کے 100 پیارے بچے آج ہماری فلم کے سیٹ پرمدعو تھے ہم نے خوب مزہ کیا یہ میرا اب تک کا سب سے یادگار(بچوں کا عالمی دن) ہے۔شاہ رخ خان نے بچوں کے ساتھ ڈانس بھی کیا اس موقع پربچے بے انتہا خوش نظرآئے۔ شاہ رخ خان نے لکھا کہ بچوں کے ساتھ وقت گزار کےانہیں اپنا بچپن یاد آگیا اور ان بچوں نے مجھے ڈانس کرنا بھی سیکھایا۔
واضح رہے کہ شاہ رخ خان ان دنوں ہدایت کار آنند لال رائے کی فلم کی شوٹنگ میں مصروف ہیں۔ فلم میں کنگ خان ایک پستہ قد آدمی کا کردار نبھارہے ہیں جب کہ ان کے ساتھ اداکارہ کترینہ کیف اورانوشکا شرما مرکزی کرداروں میں نظرآئیں گی۔

نئی دلی(M92) بالی ووڈ اداکار رشی کپور کہتے ہیں کہ مرنے سے پہلےکم از کم ایک بار پاکستان ضرور دیکھنا چاہتا ہوں۔بالی ووڈ کے کئی ستارے کسی نا کسی طرح پاکستان سے تعلق رکھتے ہیں، دلیپ کمار سے شاہ رخ خان، عامر خان اور جوہی چاولہ تک کئی ستاروں کے رشتے دار آج بھی پاکستان میں آباد ہیں۔ ایسے ہی ایک اداکار رشی کپور بھی ہیں جن کے دادا پرتھوی راج کپور اور والد راج کپور پشاور سے تعلق رکھتے تھے۔
رشی کپور کا شمار ان فلمی ستاروں میں کیاجاتا ہے جو سوشل میڈیا پر اپنے بے لاگ تبصروں کی وجہ سے اکثر تنقید کے نشانے پر رہتے ہیں، انہوں نے اس بار ایسی بات کی ہے جو کم از کم کسی بھارتی کے لیے قابل برداشت نہیں ہوسکتی۔اپنی تازہ ٹوئٹ میں رشی کپور نے کہا کہ میں 65 برس کا ہوچکا ہوں اور مرنے سے پہلے ایک مرتبہ پاکستان دیکھنا چاہتاہوں، میں چاہتا ہوں کہ میرے بچے اپنے آبا و اجداد کا گھر دیکھ سکیں۔
رشی کپور نے اپنی ٹوئٹ میں مقبوضہ کشمیر کے سابق کٹھ پتلی وزیر اعلیٰ کو مخاطب کرکے ان کی اس تجویز کی بھی حمایت کی ہے جس میں انہوں نے کہا تھا کہ جو علاقے پاکستان کے زیر انتظام ہیں انہیں پاکستان جب کہ جن پر بھارت قابض ہے انہیں بھارت کے تسلط میں دے دیا جائے۔

ممبئی(M92) نامور بالی ووڈ اداکارہ سنی لیون کی حال ہی میں جاری ہونے والی تصاویر اور ویڈیوز سوشل میڈیا پر وائرل ہوگئیں تصاویر میں سنی لیون خاتون کے بجائے مرد کے روپ میں نظرآرہی ہیں۔بالی ووڈ کی خوبرو اداکارہ سنی لیون فلموں میں بے باک اوربولڈ کردار کرنے کے لیے مشہورہیں جس کی وجہ سےانہیں اسی قسم کے کردارموصول ہوتے ہیں لیکن ان کی حال ہی میں جاری ہونے والی تصاویر نے ثابت کردیا کہ سنی بولڈ کردارکرنے کے علاوہ بھی بہت کچھ کرنے کی صلاحیت رکھتی ہیں۔
سنی لیون نے گزشتہ روز سماجی رابطے کی ویب سائٹ ٹوئٹر پر اپنی ویڈیو اور چند تصاویر شیئر کی ہیں جنہیں دیکھ کرکوئی بھی یقین نہیں کرسکتا کہ یہ سنی لیون ہیں کیونکہ سنی تصاویر میں مرد کے روپ میں نظرآرہی ہیں۔صارفین خوبصورت، حسین اور دلکش چہرے والی سنی لیون کی جگہ ایک مرد کو دیکھ کر حیرت زدہ رہ گئے، تصاویر کے ساتھ سنی نے پیغام درج کیاہے ’’میری ٹیم نے مجھے ایک مرد کا روپ دیاہے، میں بالکل اپنے بھائی اور والد کی طرح نظرآرہی ہوں‘‘۔
دراصل سنی نے عورت سے مرد بننے کے لئے کوئی پلاسٹک سرجری نہیں کرائی بلکہ یہ روپ انہوں نے اپنی اگلی فلم’’تیرا انتظار ‘‘کے گانے’’باربی گرل‘‘کے لیے اپنایا ہے۔ اداکارہ نے ٹوئٹر پر ایک ویڈیو بھی شیئر کی ہے جس میں ان کے میک اپ اسٹائلسٹ نے انہیں مہارت کے ساتھ ایک خاتون سے مرد میں تبدیل کردیا۔
واضح رہے کہ فلم’’تیرا انتظار‘‘میں سنی لیون اور ارباز خان مرکزی کردارادا کرتے نظر آئیں گے فلم رواں ماہ 24 نومبر کو ریلیزکی جائے گی۔

ممبئی(M92)بالی وڈ کے بعد ہالی وڈ کے بڑے بڑے اداکار بھی سلمان خان سے باکس آفس پر مقابلہ کرنے سے کترانے لگے ہیں اور انہوں نے اپنی فلموں کی نمائش کی تاریخیں ہی بدل ڈالی ہیں۔میڈیا رپورٹ کے مطابق سلمان خان 5 سال کے وقفے کے بعد سابقہ محبوبہ کترینہ کیف کے ساتھ فلم ’ٹائیگر زندہ ہے‘ میں ایکشن میں نظرآئیں گے۔ دونوں سپر اسٹارز کی فلم ایکشن فلم ہے اور 2012 کی ’ایک تھا ٹائیگر‘ کا سیکوئل ہے۔سلومیاں کو باکس آفس کا ’سلطان‘ مانا جاتا ہے اور ان کی فلمیں باکس آفس پر کمائی کے ریکارڈ بنانے کے حوالے سے شہرت رکھتی ہیں تاہم ان کی فلم ٹیوب لائٹ باکس آفس پر خاطر خواہ کارکردگی نہیں دکھا سکی تھی۔دبنگ خان کی ’بجرنگی بھائی جان‘ اور ’سلطان‘ نے باکس آفس پر کمائی کے ریکارڈ بنائے اور ان یہ فلمیں بالی وڈ کی سب سے زیادہ کمائی کرنے والی 10 فلموں کی فہرست میں شامل ہیں۔سلمان خان کی مقبولیت اور باکس آفس ریکارڈ نے ہالی وڈ اداکاروں کو بھی مشکل میں ڈال دیا ہے اور اسی لیے نامور ہالی وڈ اداکار بھی باکس آفس پر دبنگ خان سے مقابلے کرنے سے کترانے لگے ہیں۔بھارتی میڈیا رپورٹس کے مطابق ہالی وڈ اداکار ڈین جونسن کی فلم ’جمان جی ٗ ویلکم ٹو دی جنگل‘ 20 دسمبر کو بھارت میں نمائش کیلئے پیش کی جانی تھی تاہم پروڈیوسرز نے سلمان کی فلم’ٹائیگر زندہ ہے‘ سے باکس آفس پر تصادم سے گریز کرتے ہوئے فلم کی نمائش کی 29 دسمبر کو کر دی ہے۔ایک اور ہالی وڈ اداکار جیک مین کی فلم’ دی گریٹسٹ شو مین‘ بھی کرسمس کے موقع پر پیش کی جانی تھی تاہم اب یہ فلم بھارت میں یکم جنوری 2018 کو ریلیز کی جائے گی۔سلمان خان کی ’ٹائیگر زندہ ہے‘ 22 دسمبر کو نمائش کے لیے پیش کی جائے گی جس میں کترینہ کیف ان کے مدمقابل مرکزی کردار ادا کر رہی ہیں۔