Tag boy

لاہور(وقت نیوز آن لائن)سمندر کے اندر مچھلی کے اچانک وار کرنے کے حوالے سے تو سب نے سنا ہی ہو گا لیکن آج ہم آپ کو سمندر سے اچانک باہر آنے والی مچھلی کے خطرناک وار کا شکار ہونے والے لڑکے کے بارے میں بتائیں گے۔

غیر ملکی خبر رساں ادارے کے مطابق ایک خطرناک مچھلی نے ادول نامی نوجوان کی گردن پر اس قدر طاقت سے وار کیا کہ وہ کشتی سے پانی میں جا گرا لیکن خوش قسمتی سے 16 سالہ لڑکے کو زندہ بچا لیا گیا۔بچے نے اس خوفناک حادثے کے 5 دن بعد غیر ملکی خبر رساں ادارے کو بتایا کہ وہ رات میں اپنے گھر والوں کے ہمراہ فشنگ ٹرپ پر گئے تھے۔

مچھلی کے حملے کے بعد انہیں ہسپتال منتقل کیا گیا جہاں دو گھنٹے کی سرجری کے بعد 3 سرجنز نے ان کی گردن سے مچھلی کا نوکیلا منہ نکالا۔ہسپتال کے ڈائریکٹر جنرل کاکہنا ہے بچے کی حالت مستحکم ہے لیکن اسے ابھی بھی بخار ہے اور ہم اس کا بخار ختم ہونے کا انتظار کر رہے ہیں۔محمد اِدُول کی تصاویر دنیا بھر میں وائرل ہوئیں جس میں دیکھا جا سکتا ہے کہ ایک مچھلی کا سوئی نما منہ اس کے گردن سے آر پار ہوگیا ہے۔

لاہور(ایمرا نیوزآن لائن) پاکستان کے معروف اداکار فیروز خان کے ہاں بیٹے کی پیدائش ہوئی ہے ۔سماجی رابطے کی ویب سائٹ ٹوئٹر پر فیروز خان نے پیغام جاری کرتے ہوئے بتایا ہے کہ خدا نے ان کو اس جمعہ بیٹے جیسی نعمت سے نوازا ہے اوریہ جمعہ واقعی ان کے لئے مبارک ثابت ہو ا ہے ۔واضح رہے چند روز قبل فیروز خان نے والد بننے کی تمام خبروں کی تصدیق کرتے ہوئے میڈیا کو بتایا تھا کہ وہ جلد ہی والد بننے والے ہیں جس کی خبرفیروزکی اہلیہ نے ان کو دی تھی ۔

یاد رہے فیروز خان اور علیزہ 2018میں شادی کے بندھن میں بندھے تھے اور رواں برس شادی کی پہلی سالگرہ بھی منائی تھی ۔فیروز خان پاکستانی فلم ’زندگی کتنی حسین ہے ‘ میں اداکاری کر چکے ہیں جبکہ ڈرامہ انڈسٹری میں بھی فیروز خان’ خانی‘ اور’ رومیو ویڈز ہیر‘ جیسے معروف ڈراموں میں اپنی اداکاری کے جوہر دکھا رہے ہیں ۔

فیصل آبا د(ایمرا نیوز آن لائن)فیصل اآباد میں نوجوان نے بیماری سے تنگ آکرخودکشی کرلی۔تفصیلات کے مطابق فیصل اآباد میں بیماری سے تبگ بائیس سالہ نوجوان شہباز نے زندگی سے منہ موڑ لیا۔ نوجوان نے گلے میں پھندا لگا کر پنکھے سے لٹک کر زندگی کا خاتمہ کر لیا۔مقتول نوجوان کے اہلخانہ کا کہنا ہے کہ شہباز ایک سال سے ذہنی بیماری میں مبتلا تھا۔ شہباز رات کو کمرے میں گیا، جس کے بعد صبح پنکھے سے لٹکی ہوئی لاش ملی ہے.

لاہور: (ایمرا نیوزآن لائن) لاہور کے علاقے مصطفی ٹاؤن میں سرعام فائرنگ کر کے خوف و دہشت پھیلانے والا مرکزی ملزم ساتھی سمیت گرفتار، پسٹل بھی برآمد کر لیا گیا، پولیس کے دیگر ساتھیوں کی گرفتاری کیلئے چھاپے جاری ہیں۔پولیس نے فائرنگ کر کے خوف و ہراس پھیلانے والے مرکزی ملزم شان کو ساتھی سمیت گرفتار کر لیا۔ ملزم کے قبضے سے پسٹل بھی برآمد ہوا ہے۔ پولیس کا کہنا ہے کہ دیگر ملزمان کی گرفتاری کیلئے چھاپے مارے جا رہے ہیں۔یاد رہے کہ ملزم نے مصطفی ٹاون میں موٹرسائیکل پر سفر کے دوران سرعام فائرنگ کر کے قانون ہاتھ میں لیا تھا۔ پولیس نے ملزمان کو قابو کرنے کے لئے جدید ٹیکنالوجی استعمال کی۔

بیجنگ:(ایمرا نیوزآن لائن) ایثار، ہمت اور دوستی کی ایک غیر معمولی خبر چین سے آئی ہے جہاں 12 سالہ ایک بچہ روزانہ اپنے معذور دوست کو پیٹھ پر سوار کرکے گھر سے اسکول اور اسکول سے گھر لے جاتا ہے اور بیت الخلا تک پہنچانے میں بھی اس کی مدد کرتا ہے۔ یہ خدمت وہ مسلسل چھ برس سے انجام دے رہا ہے۔چین کے صوبے سچوان کے علاقے میشان سے تعلق رکھنے والے اس ہیرو بچے کا نام ژیوبنگ یانگ ہے۔ پہلی جماعت میں اس کا دوست زینگ ہی ایک مرض، ’ مائیستھینیا گرے وِس‘ کا شکار ہوگیا اور دھیرے دھیرے اس کی ٹانگیں بے کار ہوگئیں۔ اب وہ اسکول آنے جانے سے معذور ہوگیا، ایسے وقت میں ژیوبنگ یانگ نے اس کی جانب مدد کے لیے ہاتھ آگے بڑھایا اور اسے اسکول لانے اور لے جانے لگا۔ اس کے بعد یہ سلسلہ چھ سال سے جاری رہا اور اب بھی وہ اپنے دوست کو پیٹھ پر سوار کرکے اسکول تک لاتا ہے۔ژیوبنگ یانگ نے کہا کہ میرا وزن 40 کلوگرام اور میرے دوست زینگ ہی کا وزن 25 کلوگرام ہے اور اسی بنا پر میں اسے آرام سے اٹھالیتا ہوں۔ اب دھوپ اور بارش سے بے نیاز وہ اپنے دوست کو سیڑھیاں چڑھ کر کلاس روم تک چھوڑتا ہے۔ درمیان میں دو دوسرے ہم جماعتوں نے زینگ ہی کی ذمے داری سنبھالی لیکن وہ جلد ہی ہانپ گئے تاہم یانگ کی مدد جاری رہی اور اس نے کسی سے اس کی شکایت نہیں کی یہاں تک کہ اپنی والدہ کو بھی نہیں بتایا۔یہی وجہ ہے کہ اسکول کے سارے اساتذہ اس سے محبت کرتے ہیں اور اس کی بے لوث خدمت کے معترف ہیں۔ اس کے علاوہ وہ اپنے دوست زینگ ہی کی تعلیم میں مدد کرتے ہیں اس سے بات کرکے اس کا دل بھی بہلاتے ہیں۔

کراچی(نیٹ نیوز/ایمرا نیوز) دادی کی خواہش پر ان سے ملنے کے لیے بھارت جانے والا کراچی کا محمد فہد گزشتہ 13سال سے بھارتی جیل میں قید ہے۔کراچی کے علاقے نارتھ ناظم آباد کے رہائشی محمد فہد کی والدہ زبیدہ خانم کا کہنا ہے کہ ان کا بیٹا اپنی دادی کی خواہش پر ان سے ملنے جنوبی بھارت گیا جہاں اس پر مختلف مقدمات تھوپ دیئے گئے ہیں۔

فہد کی والدہ کا کہنا ہے کہ ان کا بیٹافروری 2006 میں اپنی دادی سے ملنے جنوبی بھارت کے علاقے کیلیکٹ گیا جہاں سے بھارتی فورسز نے اسے اپنی حراست میں لے لیا۔انہوں نے بتایا کہ ابتداء میں فہد پر دہشت گردی سمیت مختلف الزامات لگائے گئے، لیکن وقتاً فوقتاً وہ الزامات غلط ثابت ہوتے گئے اور اب صرف ایک مقدمہ بچا ہے لیکن جس پولیس اہلکار نے مقدمہ درج کروایا وہ اس کی پیشی پرآ ہی نہیں رہا۔فہد کی والدہ زبیدہ خانم کے مطابق وہ حکومت سمیت ہر فورم پر التجا کرچکی ہیں کہ اس کے بیٹے کو بھارت کی قید سے آزاد کروایا جائے لیکن تاحال اس کی مدد کسی نے نہیں کی۔اس موقع پر فہد کی والدہ نے حکومت پاکستان سے اپیل کی ہے کہ اس کی زندگی میں اس کے بیٹے کو چھڑوایا جائے تاکہ وہ اس کی شکل دیکھ سکے۔زبیدہ خانم کا مزید کہنا تھا کہ اس سال 25 فروری کو فہد کوبھارتی جیل میں قید ہوئے 13سال مکمل ہوجائیں گے۔

بھارت(نیٹ نیوز/ایمرا نیوز) بھارت میں ایک لڑکے نے تھانے میں ایک لڑکی کے خلاف دل کی چوری کی انوکھی واردات کی رپورٹ درج کرائی اور کہا مجھے اپنا دل واپس چاہیے۔بھارتی میڈیا کے مطابق ریاست مہاراشٹر کے مشہور شہر ناگپور کے تھانے میں یہ انوکھی شکایت آئی جب ایک نوجوان اپنے دل کی تلاش میں آیا۔دنیا کے کسی بھی تھانے میں یہ پہلی شکایت آئی ہے جس نے پولیس عملے کو شش وپنج میں مبتلا کر دیا ہے کیونکہ دنیا کے کسی بھی قانون میں اس مسئلے کا حل موجود نہیں ہے۔

پولیس اہلکاروں کو سمجھ نہیں آیاکہ کیا کریں تو انہوں نے اپنے افسران سے مشورہ لیا۔افسران نے لڑکے کو سمجھا کر واپس بھیجنے کا مشورہ دیا۔بھارتی میڈیا کے مطابق اس واردات کے بارے میں ناگپور پولیس اسٹیشن کے کمشنر نے ایک تقریب کے دوران بتایا۔اس تقریب میں پولیس ڈیپارٹمنٹ نے چوری شدہ لاکھوں روپے مالیت کے آرٹیکلز بر آمد کر کے ان کے مالکان تک پہنچائے تھے۔میڈیا سے گفتگو کے دوران اس واقعے کا تذکرہ کرتے ہوئےکمشنر کا کہنا تھا کہ ہم چوری شدہ آرٹیکلز کی واپسی تو ممکن بنا سکتے ہیں مگر کبھی ایسی چوریوں کی شکایات بھی آتی ہیں جس کا حل ہمارے پاس بھی نہیں ہوتا۔

سنگاپور(نیٹ نیوز/ایمرا نیوز) سنگاپور کے رہائشی بھارتی نژاد 12 سالہ لڑکے نے جادوئی یادداشت کا مظاہرہ کرتے ہوئے یادداشت کا عالمی مقابلہ جیت لیا۔ ورلڈ میموری چیمپئن شپ کا انعقاد ہانگ کانگ میں ہوا جہاں اپنے مقابلے پر آنے والے 56 امیدواروں کو شکست دے کر بارہ سالہ دھروو منوج نے بازی لے لی اور دو سونے کے تمغے حاصل کر لئے۔مقابلے میں ’ نام اور چہرے‘ کیشناخت ،’ بے ترتیب الفاظ‘ اور’ بائنری نمبرز ‘ کی کیٹیگری شامل تھی ۔ دھروو نے 87 مختلف چہرے اور ان کے نام 15 منٹ میں یاد کئے، ایک ہزار ایک سو پچپن بائنری نمبر یاد کر کے سب کے صحیح جوابات دیئےاور بہت ہی کم وقت میں بے ترتیب الفاظ کی ترتیب درست کر ڈالی۔دھروو نے میڈیا سے بات کرتے ہوئے اپنی غیر معمولی یادداشت کا راز بتایا کہ اس نے مقابلے سے ایک ہفتہ پہلے ان چیزوں کی دو سے تین گھنٹے پریکٹس شروع کر دی تھی۔بہترین یادداشت دھروو کی واحد پہچان نہیں، وہ اپنے اسکول کا ہیڈ بوائے ہے، کمپیوٹر کلب کا ممبر، بہترین ایتھیلیٹ بھی ہے۔