Tag cancer

ماسکو:(ایمرا نیوزآن لائن) چھوٹے سےجزیرے پر مشتمل ملک موریشیئس رنگا رنگ جنگلی حیات، قیمتی پودوں اور جڑی بوٹیوں پر مشمتل ہے۔ اب ایک بین الاقوامی سروے سے معلوم ہوا ہے کہ یہاں کئی پودے کینسر کے علاج کی امید بن سکتے ہیں۔برطانیہ، موریشیئس اور روسی ماہرین کی ایک بین الاقوامی ٹیم اب اس ملک میں علاج کے لیے روایتی جڑی بوٹیوں اور پودوں پر تحقیق کررہے ہیں۔موریشیئس بحرِ ہند میں موجود جزائر پر مشتمل ایک ملک ہے جہاں بعض پودے خطہ زمین پر کہیں اور نہیں پائے جاتے ہیں ۔ بین الاقوامی ماہرین کے مطابق بعض پودے غذائی نالی (ایسوفیگس) کے سرطان کا علاج فراہم کرسکتے ہیں جو امریکا میں کینسر کی عام اقسام میں شامل ہے۔

موریشیئس کے تین پودے یا جڑی بوٹیوں میں ایسالائفا انٹیگریفولیا، یوجینیا ٹینی فولیا، اور لیبروڈونیسیا گلوکا صرف اسی ملک میں پائے جاتےہیں۔ ان پودوں میں سرطانی رسولی (ٹیومر) ختم کرنے کی صلاحیت دیکھی گئی ہے۔ماہرین نے دیکھا کہ پودے سے لیے گئے بعض مرکبات کینسر پاتھ ویز کی راہ میں ’فائو اے ایم پی سے سرگرم کائنیز (اے ایم پی کے ) ذریعے سرطان کا پھیلاؤ روکتے ہیں۔ ماہرین کے مطابق یہ کینسر روکنے کا سب سے مؤثر طریقہ بھی ہے جس میں سالماتی (مالیکیولر) سطح پر کینسر کو روکا جاتا ہے۔تحقیقی ٹیم میں شامل ماہر ڈاکٹر الیگزینڈر کیگنسکی کہتے ہیں کہ ’ موریشیئس عالمی حیاتیاتی تنوع کا خزانہ ہے۔

یہاں ایک تہائی پودے علاج میں برسوں سے استعمال ہورہے ہیں لیکن اب تک ان پر سائنسی تحقیق نہیں کی گئہی ہے۔ یہ وجہ ہے کہ اب بین الاقوامی سطح پراس کام کا آغاز کیا گیا ہے۔دلچسپ بات یہ ہے کہ اب تک پورے علاقے کے صرف 15 فیصد پودوں اور جڑی بوٹیوں کو ہی دیکھا گیا ہے۔ اس پروگرام کے تحت موریشیئس کے تمام پودوں اور جڑی بوٹیوں کا جائزہ لے کر اس پر تحقیق کی جائے گی اور ایک وسیع ڈیٹا بیس بھی بنایا جائے گا۔

لاہور(ایمرا نیوزآن لائن) کینسر کے مرض میں مبتلا مریضوں کے لئے طاقت اور جرات کی علامت بھارتی اداکارہ سونالی باندرے نے انکشاف کیا ہے کہ جب انہیں ’’ہائی گریڈ کینسر‘‘ جیسے موذی مرض کی تشخیص ہوئی تو وہ پوری رات روئیں۔بھارتی ویب سائٹ ٹائمز آف انڈیا کی رپورٹ کے مطابق سونالی باندرے نے کینسر تشخیص کے بعد ہمت کا مظاہرہ کرتے ہوئےحالات سے سمجھوتا کر لیا اور ارادہ کیا کہ وہ آئندہ نہیں روئیں گی۔اداکارہ نے اپنے شوہر گولڈی بہل کو اپنی زندگی میں سب سے اہم شخص قرار دیتے ہوئے کہا کہ انہوں نے میری زندگی کے اس مشکل فیز سے نکلنے میں میری بہت مدد کی۔یاد رہے سونالی باندرے نے گولڈی بہل سے 2002 میں شادی کی تھی اور دونوں کا ایک بیٹا رنویر بہل ہے۔

واضح رہے کینسر کے مرض کو شکست دینے والی بالی ووڈ کی معروف اداکارہ سونالی باندرے تقریباً دو ماہ امریکا کے شہر نیویارک میں زیر علاج رہنے کے بعدصحت یاب ہو کر دسمبر میں واپس بھارت پہنچی تھیں۔44سالہ سونالی باندرے نے کیریئر کا آغاز 1994 میں ریلیز ہونے والی فلم ’آگ’ سے کیا، انہوں نے 50 کے قریب فلموں میں اداکاری کے جوہر دکھائے۔سونالی باندرے کی مشہور فلموں میں ‘کل ہو نہ ہو، لجا، جس دیش میں گنگا بہتی ہے، ہمارا دل آپ کے پاس ہے، ڈھائی اکشر پریم کے، زخم، انگارے، میجر صاحب، دل جلے،بھائی، انگلش بابو، دیسی میم، ثپوت‘ اور ’اپنے دم پر‘ شامل ہیں۔ان کی آخری فلم ’ونس اپون ٹائم ان ممبئی: دوبارہ‘ 6سال قبل 2013 میں ریلیز ہوئی تھی۔

نیویارک:(ایمرا نیوزآن لائن) کینسر کے علاج میں امیونوتھراپی ایک نیا ابھرتا ہوا علاج ہے۔ اب سائنسدانوں نے اس ضمن میں ایک نیا طریقہ وضع کیا ہے جس میں ٹیکے کے ذریعے مریض کے اندرکچھ رسولیاں داخل کی جاتی ہیں جن میں تحریک دینے والے بعض کیمیکلز بھی ہوتےہیں۔اس تجرباتی طریقے میں جسم کا اندرونی دفاعی (امنیاتی) نظام بیدارہوجاتا ہے اور آگے بڑھ کے سرطانی لوتھڑوں کو تباہ کرنا شروع کردیتا ہے۔ایک طرح کے کینسر’نان یاجکنز لمفوما‘ کے علاج میں حوصلہ افزا رپورٹ ملی ہے جبکہ دیگر سخت جان کینسر پر اس ویکسین کی آزمائش جاری ہے۔ اس طرح خود سرطانی رسولیاں بھی ’کینسر ویکسین فیکٹریوں‘ میں تبدیل ہوجاتی ہیں کیونکہ اس عمل میں جسم کے دفاعی خلیات کینسر والی جگہوں پر خود جاکرحملہ کرتے ہیں جسے طب کی زبان میں ’ان سیٹو ویکسینیشن‘ کہا جاتا ہے۔یہ تحقیق نیویارک میں واقع ماؤنٹ سینائی ہسپتال کے سائنسدانوں نے کی ہے جس میں ٹی سیل ازخود کینسر کے خلیات کو تباہ کرتےہیں۔ کاغذات میں تو خون کے سفید خلیات کینسر کو تباہ کرسکتے ہیں اور یہ ہونا بھی چاہیئے لیکن ان خلیات کو کیمیائی طور پر مسلح کرنا ہوتا ہے۔ تاہم ٹی سیل کو سرطانی سیلز کی شناخت کے قابل بنانا اتنا آسان ہرگز نہیں ۔سرطانی رسولیاں بہت چالاک ہوتی ہیں وہ خود کو ایک طریقے سے چھپاکررکھتی ہیں جنہیں چیک پوائنٹ بلاک ایڈ کہا جاتا ہے۔ جیسے ہی امنیاتی خلیات اسے مشکوک سمجھتے ہوئے اس کے پاس آتے ہیں تویہ چالاک سرطانی خلیے اسے کہتے ہیں کہ یہ تو اچھا لیکن بوڑھا خلیہ ہے آپ کی مہربانی آپ یہاں سے چلے جائیں۔لیکن چیک پوائنٹ کی رکاوٹ ہر قسم کے سرطان میں کام نہیں کرتی جن میں سے ایک انڈولینٹ نان ہاجکنز لمفوما ( آئی این ایچ ایل) بھی ہے لیکن یہاں بدقسمتی سے ٹی سیلز (امنیاتی خلیات) اس قسم کے سرطان کو پہچاننے میں کمزور واقع ہوئے ہیں۔ اب ماؤنٹ سینائی کے ماہرین نے سرجوڑ کر غور کیا کہ کس طرح ٹی سیلز کو کینسر کا شکاری بنایا جائے۔انہوں نے کراس پریزنٹیشن نامی ایک تکنیک پر کام کیا جس سے ٹی سیل سرطانی خلیات کو شناخت کرنے لگے اور انہوں نے دیگر امنیاتی نظام کو بھی اس سے آگاہ کیا۔ اگلے مرحلے میں 11 مریضوں پر یہ ویکسین آزمائی گئی اورتمام مریض آئی این ایچ ایل کے اگلے درجوں پر جاچکے تھے۔ رسولی کو تباہ کرنے والے ٹی سیلز نے بہت مؤثر انداز میں سرطان کو ختم کیا اور کئی مقامات سے کینسر غائب ہوگیا۔یہ اچھی خبر صرف آئی این ایچ ایل کے لیے ہی نہیں بلکہ دیگر اقسام کے سرطان میں بھی استعمال ہوسکتی ہے۔ ماؤنٹ سینائی ہسپتال سے وابستہ لمفوما امیونوتھراپی کے ماہر جوشوا بروڈی کہتےہیں کہ چیک پوائنٹ کو بے عمل کرنے والا یہ طریقہ کئی طرح کے سرطان کا علاج کرسکتا ہے۔جب چوہوں پر تجربات کئے گئے تو ان میں 40 سے 80 فیصد کینسر ختم ہوگیا۔ ماہرین کے مطابق اگلے مرحلے میں انسانوں پر اس کی مزید آزمائشیں کی جائیں گی۔

کراچی (ایمرا نیوزآن لائن) کتّوں کو انسان کا بہترین دوست سمجھا جاتا ہے اور تحقیق نے ایک مرتبہ پھر ثابت کر دیا ہے کہ کتوں میں پائی جانے والی سونگھنے کی زبردست صلاحیت سے ڈاکٹرز بھی استفادہ کر سکتے ہیں۔ سائنسدانوں نے اپنی نئی تحقیق میں بتایا ہے کہ کتے پھیپھڑوں کے کینسر میں مبتلا افراد کے خون کو سونگھ کر تقریباً 97؍ فیصد کامیابی سے مرض کی تصدیق کر سکتے ہیں۔ یہ پہلی مرتبہ نہیں کہ ماہرین نے یہ پتہ لگایا ہے کہ کتے سونگھ کر کینسر کی تشخیص کر سکتے ہیں لیکن بایو سینٹ ڈی ایکس فارماسیوٹیکل کی جانب سے کی جانے والی نئی تحقیق نے سابقہ ڈیٹا کی تصدیق کی ہے۔ یہ بات ثابت ہے کہ کتوں کے سونگھنے کی طاقت انسانوں کے مقابلے میں 10؍ ہزار گنا زیادہ طاقتور ہوتی ہے جبکہ مرگی کا دورہ پڑنے سے قبل ہی کتوں کو استعمال کرتے ہوئے مریض کو خبردار کیے جانے کا سلسلہ آج بھی جاری ہے۔ تحقیق کرنے والی ٹیم کی سربراہ ہیتھر جنکیرا کا کہنا ہے کہ اگرچہ پھیپھڑوں کا کینسر کی سونگھ کر تصدیق کرنا کوئی علاج نہیں لیکن قبل از وقت اس مرض کی تشخیص بروقت علاج کا موقع فراہم کرتا ہے۔

عرفان خان کینسر کیخلاف جنگ جیت گئے ،زندگی کی طرف لوٹنے لگے
ممبئی (ایمرا نیوز آن لائن) بولی وڈ کے ورسٹائل اداکار عرفان خان کے دنیا بھر میں موجود کروڑوں مداح گزشتہ برس اس وقت پریشان ہوگئے تھے جب اداکار کو کینسر کی تشخیص ہوئی تھی۔عرفان خان کو مارچ 2018 میں نیورو اینڈو کرائن کا مرض لاحق ہوگیا تھا اور وہ علاج کے لیے بھارت سے برطانیہ منتقل ہوگئے تھے۔عرفان خان نے جہاں بیماری کے علاج کے دوران بھی ہمت نہیں ہاری اور اپنے مداحوں کو وقتا بوقتا اپنی صورتحال سے آگاہ کرتے رہتے تھے۔وہیں ان کی زندگی پر ایک وقت ایسا بھی آیا تھا جب وہ زندگی سے مکمل طور پر مایوس دکھائی دیے تھے، تاہم بعد ازاں ان کی صحت بہتر ہونے لگی۔گزشتہ برس اگست تک عرفان خان کی برطانیہ میں 6 کیموتھراپیاں کی گئی تھیں.

لاہور(ایمرا نیوزآن لائن) پنجاب یونیورسٹی انسٹی ٹیوٹ آف سوشل اینڈ کلچرل سٹڈیز کی ڈائریکٹر پروفیسر ڈاکٹر روبینہ ذاکر نے کہا ہے کہ کم عمری میں ہونے والی شادیوں کی روک تھام سے خواتین میں سرویکل کینسر کی بڑھتی شرح پر قابو پایا جاسکتا ہے. انہوں نے کہا کہ روزانہ 20 خواتین میں سرویکل کینسر ڈائیگناز ہورہا ہے. وہ نیو کیمپس میں منعقدہ پاکستان میں سرویکل کینسر کی روک تھام سے متعلق آگاہی سیمینار سے خطاب کررہی تھیں. سیمینار میں مختلف این جی اوز کے نمائندوں ، اساتذہ اور طالبات نے شرکت کی. سیمینار سے خطاب کرتے ہوئے ڈاکٹر روبینہ ذاکر نے خواتین میں سرویکل کینسر کی سکریننگ اور حفاظتی اقدامات کی اہمیت پر تفصیلی بریفنگ دی. انہوں نے کہا کہ سرویکل کینسر سے بچنے کے لئے ہمیں کم عمری کی شادی ،سگریٹ نوشی جیسے رسک فیکٹرز پر قابو پانا ہوگا اور صحت مند طرز زندگی اپنانا ہوگا.انہوں نے کہا کہ حفاظتی تدابیر اختیار کرنے سے سرویکل کینسر سے ہونے والی اموات پر بھی کنٹرول کیا جاسکتا ہے.

لاہور(ایمرا نیوزآن لائن) پچھلے کئی دنوں یہ خبر گردش کررہی تھی بالی ووڈ اداکار رشی کپور کوئی بڑی بیماری میں مبتلا ہیں جس کی وجہ سے وہ امریکہ گئے ہوئے ہیں، اور فلموں سے بھی انہوں نے کچھ وقت کے لیے چھٹی لی ہوئی ہےلیکن اس خبر کی تصدیق رشی کپور نے نہیں کی تھی،لیکن اب رشی کپور نے اپنی بیماری کے بارے میں سب کو بتا دیا ہے انہوں کا کہنا ہے میری بیماری کا باقاعدہ علاج جاری ہے جس کا طریقہ کار بہت طویل اور پیچیدہ ہے. ان کا مزید کہنا تھا کہ اس بیماری کے علاج کے لیے صبر کی ضرورت ہے اور میرے اندر صبر بہت کم ہے.رشی کپور نے اپنے مداحوں کو پیغام دیا کہ وہ فکر نہ کریں وہ بہت جلد ٹھیک ہوکر واپس آجائیں گے.بتایا جارہا ہے رشی کپور کینسر جیسی بیماری کا شکار ہیں، اور اس کے علاج کے لیے وہ امریکہ میں موجود ہیں.یاد رہے ان کی اہلیہ بھی اپنی ایک پوسٹ میں اس بات کا اشارہ دے چلیں ہیں کہ ان کے شوہر کو کینسر جیسی بیماری؟

لندن:(نیٹ نیوز/ایمرا نیوز) برطانیہ میں سانس کی بایوپسی کی طبی آزمائشیں (کلینکل ٹرائلز) شروع ہوگئے ہیں جس سے کینسر کی شناخت میں مدد ملے گی۔ دو سال تک ایک خاص آلے کو انسانوں پر آزمایا جائے گا تاکہ سانس میں چھپے سرطان کے مرکبات کا اندازہ لگا کر اس کی افادیت کا جائزہ لیا جاسکے۔کیمبرج میں واقع کینسر ریسرچ انسٹی ٹیوٹ اور اول اسٹون میڈیکل مشترکہ طور پر آلے کی آزمائش کریں گی۔ دونوں مل کر بریتھ بایوپسی ٹیکنالوجی کے مختلف پہلوؤں کا جائزہ لیں گے۔اس غیرمعمولی آزمائشی نظام کے تحت 1500 سے زائد انسانی سانس کی آزمائش کی جائے گا تاکہ سانس میں پوشیدہ خاص اجزا سے مختلف کینسر کی شناخت کی جاسکے جنہیں طبی زبان میں بایو مارکرز کہا جاتا ہے۔

اگر سینسر کامیاب ہوجاتا ہے تو سرطان کی تشخیص میں یہ ایک انقلابی قدم ہوگا۔اگرچہ گزشتہ عرصے میں ملیریا سمیت کئی بیماریوں کے لیے سانس کے ذریعے مرض معلوم کرنے والے بریتھلائزر بنائے گئے ہیں لیکن ان کی افادیت اب تک ثابت نہ ہوسکی لہٰذا ان کے عام استعمال کا بھی سوال پیدا نہیں ہوتا۔پہلے مرحلے میں پھیپھڑے کے سرطان پر توجہ دی جائے گی اور اس ضمن میں ولیٹائل آرگینک کمپاؤنڈز ( وی او سی) تلاش کئے جائیں گے جو کئی اقسام کے کینسر کو ظاہر کرتے ہیں۔خیال یہ ہے کہ مختلف کینسر کی صورت میں سانس کے ساتھ وی او سی خارج ہوتے ہیں لیکن اس کی کئی اقسام ہیں اور انہی کی آزمائش ہی ماہرین کا ہم ہدف ہے تاہم پھیپھڑے کے سرطان کے ساتھ ساتھ سانس کا سینسر، غذائی نالی، معدے، گردے، مثانے، پروسٹیٹ، جگر اور پتے کے سرطان کی ’بو‘ سونگھنے کی کوشش کرے گا۔یہ آلہ 10 منٹ میں سانس کا نمونہ جمع کرکے اسے ایک کیسٹ نما کارٹریج میں داخل کرے گا جسے بعد میں ماس اسپیکٹرو میٹری کمیتی طیف نگاری) سے اس کی کیمیائی ترکیب معلوم کرنے کے لیے استعمال کیا جائے گا تاہم اس آزمائش کے نتائج 2021ء میں شائع کیے جائیں گی۔

کیلیفورنیا:(نیٹ نیوز/ایمرا نیوز) جاپان اور امریکا کے ماہرین نے دریافت کیا ہے کہ اگر کسی شخص کے جسم میں موجود، قدرتی جسمانی گھڑی درست طور پر کام کرنے کے قابل نہ رہے تو وہ موٹاپے سے لے کر کینسر تک، مختلف اقسام کی بیماریوں میں مبتلا ہوسکتا ہے۔واضح رہے کہ کم و بیش تمام جانداروں میں قدرتی طور پر ایک نظام موجود ہوتا ہے جو انہیں صبح کے وقت تازہ دم اور بیدار کرتا ہے جبکہ رات کے وقت نیند کا باعث بن کر انہیں آرام کرنے پر مجبور کرتا ہے۔ عام طور پر اسے ’’جسمانی گھڑی‘‘ (باڈی کلاک) کہا جاتا ہے جبکہ سائنسی طور پر اس کا نام ’’سرکاڈیئن ردم‘‘ (circadian rhythm) ہے۔ حالیہ برسوں میں یہ بھی دریافت ہوچکا ہے کہ سرکاڈیئن ردم ہمارے جسم میں خودکار طور پر انجام پانے والے تمام کاموں پر کسی نہ کسی صورت اثر انداز ہوتا ہے۔اگر جسمانی گھڑی ٹھیک کام کررہی ہو تو یہ خودکار نظام بھی درست طور پر کام کرتے ہیں، جس کے نتیجے میں ہم صحت مند رہتے ہیں۔

اس کے برعکس اگر یہ گھڑی خراب ہوجائے تو ہمارے لیے، سونے جاگنے کے خراب معمولات سمیت، صحت کے متعدد مسائل پیدا ہوجاتے ہیں۔’’پروسیڈنگز آف دی نیشنل اکیڈمی آف سائنس‘‘ کے تازہ شمارے میں آن لائن شائع ہونے والے ایک تحقیقی مقالے میں بتایا گیا ہے کہ خلوی مرکزے (سیلولر نیوکلیئس) کے اندر پایا جانے والا ایک پروٹین ’’ایچ این ایف 4 اے‘‘ (HNF4A)، اگر درست طور پر کام کررہا ہو تو جسمانی گھڑی بھی ٹھیک رہتی ہے۔ لیکن اگر یہ پروٹین خراب ہوجائے یا اپنا کام صحیح طرح سے کرنے کے قابل نہ رہے تو صحت کے کئی ایک مسائل اور ان گنت بیماریاں ہمیں گھیر سکتی ہیں جن میں موٹاپا اور چھاتی کا سرطان (بریسٹ کینسر) بطورِ خاص تشویشناک ہیں۔ اس تحقیق میں جاپان کی ناگویا یونیورسٹی کے علاوہ امریکا کے اسکرپس انسٹی ٹیوٹ اور یونیورسٹی آف سدرن کیلیفورنیا سے تعلق رکھنے والے ماہرین شریک تھے۔یاد رہے کہ آج کے زمانے میں موٹاپے کو بھی خطرناک امراض میں شامل کیا جاچکا ہے کیونکہ اس کے نتیجے میں کولیسٹرول اور بلڈ پریشر سے لے کر دل کی کئی بیماریاں بھی لاحق ہوسکتی ہیں۔ ایچ این ایف 4 اے پروٹین کے حوالے سے یہ تحقیق چوہوں پر کی گئی ہے لیکن ماہرین کا کہنا ہے کہ اس پروٹین کے یہی اثرات انسانوں پر بھی واقع ہوتے ہیں۔ایچ این ایف 4 اے پروٹین کیوں خراب ہوجاتا ہے؟ ماہرین نے اس کا ذمہ دار ہمارے جدید طرزِ حیات (لائف اسٹائل) کو قرار دیا ہے: دن میں غیر ضروری طور پر سونے، پوری پوری رات جاگنے اور ایک سے دوسرے براعظم تک تیز رفتار سفر وغیرہ کے باعث جسمانی گھڑی میں اچانک آنے والی تبدیلیوں کے باعث یہ پروٹین خرابی کا شکار ہوتا ہے۔اس ضمن میں ہم اتنا ضرور کرسکتے ہیں کہ اپنے سونے جاگنے کے معمولات کو منظم رکھیں تاکہ ہماری جسمانی گھڑی متاثر نہ ہو اور اپنا کام درست طور پر کرتی رہے۔ بصورتِ دیگر، ہمیں انواع و اقسام کی بیماریوں کےلیے تیار رہنا چاہیے۔

(نیٹ نیوز/ایمرا نیوز)امریکا میں نایاب بلڈ گروپ کے ساتھ کینسر کی مہلک ترین قسم میں مبتلا 2 سالہ بچی کے لئے نایاب خون کے ڈونرز کی تلاش کی جارہی ہےامریکی ریاست فلوریڈا کی رہائشی ننھی زینب کا بلڈ گروپ نایاب ہے اور وہ اس وقت نیورو بلاسٹوما نامی کینسر میں مبتلا ہے۔نیورو بلاسٹوما نامی کینسر زیادہ تر ایسے بچوں کو متاثر کرتا ہے جن کی عمر 5 سال یا اس سے کم ہو اور یہی سب سے تشویشناک بات بھی ہے۔کینسر کی اس مہلک ترین قسم میں سرخ خلیوں کی سطح پر پائے جانے والے مختلف اقسام کےاینٹیجن ( بیماری کے خلاف جسم میں پایا جانے والا مدافعتی مادہ) کی مقدار کم ہوجاتی ہے۔زینب کی زندگی بچانے کے لئے انتہائی نایاب خون والے ڈونرز کی تلاش کے لئے امریکا میں ’ون بلڈ‘ کے نام سے قائم این جی او نے دنیا بھر میں اپنی کوششیں تیز کر رکھی ہیں ۔اس سلسلے میں ایک ویب سائٹ تیار کی گئی ہے جسکے ذریعے زینب کا ڈونر کہیں بھی ہوگا رابطہ کر سکے گا۔زینب کے لئے کم از کم سات سے دس ڈونر کی تلاش کئے جا رہے ہیں۔’ون بلڈ‘ کے مطابق اب تک زینب کے اب تک تین میچتلاش کرلئے گئے ہیں جن میں سے ایک کا تعلق برطانیہ سے اور دو کا امریکا سے ہے۔’ون بلڈ‘ کی لیبارٹری منیجر کا کہنا ہے کہ ایک مخصوص اینٹیجن نہ ہونے کی وجہ سے زینب کا خون انتہائی نایاب ہے جس کی وجہ سے اس کا ڈونر بھی اسی طرح نایاب ہونا ضروری ہے۔بد قسمتی سے زینب کے اپنے والدین کا خون بیٹی کے خون سے مطابقت نہیں رکھتا لہذا وہ خون عطیہ کرنے سے قاصر ہیں۔