Tag car

حادثہ غیر معمولی رفتار کے باعث پیش آیا، لاشیں ورثاءکے حوالے، زخمی تشویش نا ک حالت میں کراچی روانہ
خضدار(ایمرا نیوز آن لائن) کوئٹہ تا کراچی قومی شاہراہ پر تیز رفتار کار ڈرائیور سے بے قابو ہو کر دکان سے جا ٹکرائی ،جس کے نتیجے میں4افراد جاں بحق ایک زخمی ہو گیا۔بدھ کو کوئٹہ سے کراچی جانے والی کار باغبانہ کے مقام پر تیز رفتاری کے باعث ڈرائیور سے بے قابو ہو کر بند دکان میں جا گھسی،جس کے نتیجے میں ڈرائیور سمیت 4افراد غلام حسن ،محمد حسن ،سردار گل اور مستری صادق جاں بحق جبکہ مصری خان شدید زخمی ہو گیا۔ واقعے کی اطلاع ملتے ہی لیویز فورسز جائے واقوعہ پر پہنچی اور جاں بحق اور زخمی کو گورنمنٹ ٹیچنگ ہسپتال خضدار منتقل کر دیا ، پولیس نے ضروری کارروائی کے بعد نعشوں کو ورثا کے حوالے کر دیا ، جبکہ زخمی ہونے والے شخص کو طبی امداد پہنچانے کے بعد تشویشناک حالت میں کراچی روانہ کر دیا گیا۔

رینالٹ کے رویہ میں مبینہ تبدیلی شراکتداری کو نقصان پہنچا سکتا ہے، ماہرین اقتصادیات
ٹوکیو(ایمرا نیوز آن لائن )فرانسیسی گاڑی ساز ادارے رینالٹ نے جاپان کی نسان موٹر کے ساتھ کاروباری انضمام کا مطالبہ کیا ہے۔ جاپانی ذرائع ابلاغ کے مطابق رینالٹ کے چیئرمین جین ڈومینِک سینار نے نسان کے صدر ہِیروتو سائیکاوا کو اِس مطالبے سے گزشتہ ہفتے کے وسط میں آگاہ کر دیا تھا۔قبل ازیں فرانس کی حکومت کے جانب سے دونوں کمپنیوں کا انضمام کرنے کے مطالبات کی نسان نے مزاحمت کی تھی۔فرانسیسی حکومت کے پاس رینالٹ کے سب سے زیادہ حِصص ہیں۔

نسان نے اپنی انتظامی آزادی کا حق محفوظ رکھنے پر زور دیا تھا۔ رینالٹ نے نسان کے سابق چیئرمین کارلوس گون کی گرفتاری کے بعد انضمام کی درخواست روک دی تھی اس وقت کارلوس گون فرانسیسی گاڑی ساز ادارے کے بھی سربراہ تھے۔ماہرین اقتصادیات کا کہنا ہے کہ رینالٹ کے رویہ میں مبینہ تبدیلی شراکتداری کو نقصان پہنچا سکتا ہے۔

کراچی(ایمرا نیوزآن لائن) فرانسیسی کار ساز کمپنی ’رنالٹ‘ پاکستان میں کاریں بنانے کا خارکانہ لگانے کی خواہش کا اظہار کر دیا ہے۔ فرانسیسی سینیٹر پاسکل الیزارڈ نے پاکستان کے دورے کے دوران کہا ہے کہ فرانسیسی کار ساز کمپنی ’رنالٹ‘ پاکستان میں کار یں بنانے کا کارکانہ لگانے کی خواہش رکھتی ہے۔انہوں نے کہا کہ فرانس کار سازی کے ساتھ دوسرے شعبوں میں بھی پاکستان میں سرمایہ کاری کرنا چاہتا ہے۔فرانسیسی سینیٹر پاسکل الیزارڈ پاک فرنچ انٹر پارلیمنٹیری گروپ کے چئیر مین ہیں.

اور ان دنوں فرانسیسی سینیٹرز کے ساتھ پاکستان کے دورے پر ہیں انہوں نے کہا کہ وہ پیرس میں جا کر گوادر کے ھوالے سے سیمینار کا اہتمام بھی کریں گے جہاں فرانسیسی کمپنیوں کو گوادر کی اہمیت کے حوالے سے بتایا جائے گا تا کہ وہ پاکستان مین سرمایہ کاری کریں۔

انہوں نے مزید کہا کہ وہ فرانسیسی کمپنیوں کو اس بات کے لیے بھی قائل کریں گے کہ وہ پاکستان میں آکر پاکستان کے ڈیری فارمنگ کے شعبے میں دودھ کو دیر تک محفوظ بنانے کی نئی ٹیکنالوجیز لائیں۔انہوں نے کہا کہ پاکستان دودھ پیدا کرنے والادنیا کا تیسرا برا ملک تھا لیکن یہاں دودھ کو محفوظ کرنے کے ذرائع بہت محدود ہیں اس لیے اس شعبے میں کام کرنے کی ضرورت ہے اور فرانس اس حوالے سے پاکستان کی مدد کرے گا۔

نئی دہلی(ایمرا نیوز آن لائن )بالی ووڈ اداکارہ کترینہ کیف نے نئی نویلی رینج روور ووگ ایل ڈبلیو بی ایس ای گاڑی خرید لی ہے جس کی قیمت جان کر آپ کی آنکھیں کھلی کی کھلی رہ جائیں گی۔بھارتی میڈیا کے مطابق کترینہ کیف نے یہ گاڑی 2 کروڑ 33 لاکھ بھارتی روپے میں خریدی ہے جس کی تصویر کترینہ کیف نے تو کہیں اپ لوڈ نہیں کی البتہ ایک پاپارازی فوٹوگرافر یوگین شاہ نے ان کی پرانی گاڑی کے ساتھ نئی گاڑی کی تصویر بھی شیئر کی جس کا نمبر بھی پرانی گاڑی والا ہی ہے۔رپورٹ کے مطابق کترینہ کیف یہ گاڑی خریدنے والی پہلی اداکارہ نہیں ہیں بلکہ شاہ رخ خان، سلمان خان، عالیہ بھٹ اور سدھارتھ ملہوترا سمیت کئی دیگر اداکار بھی اس گاڑی کے مالک ہیں جبکہ بوبی دیول نے بھی گزشتہ سال رینج روور سپورٹس کار خریدی تھی۔

لندن(نیٹ نیوز/ایمرا نیوز) برطانوی شہزادہ فلپ کار حادثے کا شکار ہوگئے۔ تاہم وہ اس حادثے میں بالکل محفوظ رہے۔بین الاقوامی میڈیا رپورٹس کے مطابق ملکہ الزبتھ کے شوہر 97سالہ شہزادہ فلپ کی گاڑی کو مشرقی انگلینڈ میں حادثہ پیش آیا جس کے باعث انکی گاڑی اُلٹ گئی تاہم وہ اس خطرناک حادثے میں بالکل محفوظ رہے۔ رپورٹس کے مطابق شہزادہ فلپ خود گاڑی چلا رہے تھے کہ دوسری گاڑی سے تصادم ہوا جبکہ حادثے کے نتیجے میں تمام افراد معمولی زخمی ہوئے۔

چین(نیٹ نیوز/ایمرا نیوز) چین میں گاڑیوں کی پارکنگ کا انوکھا حل ڈھونڈ لیا گیا ہے۔چین کے شہر Chongqingکی بلدیہ نے ایک پارکنگ کے لیے ایک منفرد انداز اپناتے ہوئے انکلائینڈ/ڈائیگونل پارکنگ کا طریقہ کارمتعارف کرواد یا ہے ۔جس کے باعث اب24گاڑیوں کی جگہ پر 40گاڑیاں پارک ہوسکیں گی۔منفرد نوعیت کا یہ روبوٹک سسٹم خودکار انداز میں آپکی گاڑی عمودی و افقی انداز میں پارک کارتا ہے۔

ممبئی(شوبز ڈیسک/ایمرا نیوز) بھارتی اداکاری زرین خان کی گاڑی کی ٹکر سے موٹر سائیکل سوار ہلاک ہو گیا۔بھارتی میڈیا کے مطابق بھارتی ریاست گوا میں سڑک پر ہونے والے ایک حادثے میں موٹر سائیکل سوار نوجوان کی بولی وڈ اداکارہ زرین خان کی گاڑی سے ٹکڑ ہوئیجس کے باعث نوجوان اسکوٹر سے گرکرشدید زخمی ہوگیا۔بعد ازاں اسے اسپتال منتقل کیا گیا جہاں وہ زخموں کی تاب نہ لاتے ہوئے چل بسا۔ حادثے کے وقت کارمیں اداکارہ زرین خان اوران کے ڈرائیورعلی عباس موجود تھے۔واضح رہے کہ چند روز قبل بھی اداکارہ زرین خان اپنی مینیجرکے باعث خبروں کی زینت بنی تھیں انہوں نے اپنی سابق مینیجرکے خلاف دھوکا اور فریب کرنے کا الزام لگایا تھا۔آئٹم سانگ ’کیریکٹر ڈھیلا‘ سے شہرت پانے والی زرین خان نےبالی وڈ میں 2010 کی فلم ’ویر‘ کے ساتھ ڈیبیو کیا۔اس فلم میں ان کے ساتھ سلمان خان نے مرکزی کردار نبھایا تھا۔

جازان (ایم نائن ٹو)دنیا بھر میں آبادی کے بڑھنے کے ساتھ شہروں میں جہاں اور مشکلات کا سامنا کرنا پڑ رہاہے وہیں پارکنگ کا مسلہ گھمبیر سے گھمبیر ہوتا جا رہاہے ۔ اور ان میں سعودی عرب بھی شامل ہے ، تاہم سعود ی شہری نے پارکنگ کا مسلے کا ایسا حل نکال جو کسی کے وہم گمان میں نہ تھا،تفصیلات کے مطابق جازان کےپہاڑ اورانکی بلند و بالا چوٹیاں سیر و سیاحت کے شائقین کی آماجگاہ بنی ہوئی ہیں، وہاں پارکنگ کا حصول جان جوکھوں کا کام ہے، سعودی شہری نے پارکنگ کے مسلے کو حل کر نے کے لیے عجیب و غریب اور پُر خطر پارکنگ کی بنا ڈالی ۔یہ ہی نہیں اس نے اپنی گاڑی پارکنگ میں کھڑی کر کے اس کی تصویر جب سوشل میڈیا پر اپلوڈ کر دی جسے دیکھنے والے بھی حیران رہ گئے ۔

لاہور ( ایم نائن ٹو ڈاٹ ٹی وی )جاپانی کمپنی سوزوکی نے اپنی گاڑی سیلیریو کا نیا ماڈل بھارت میں فروخت کے لیے پیش کردیا ہے (واضح رہے کہ اس گاڑی کا پرانا ورژن پاکستان میں نئی کلٹس کے نام سے متعارف کرایا گیا تھا)۔ اسپورٹی سیلیریو ایکس اس ماڈل کی پہلی گاڑی ہے جس میں آٹو گیئر شفٹ ٹیکنالوجی بھی کمپنی نے متعارف کرائی ہے اور یہ فیچر اس کے تمام ورژن میں موجود ہوگا۔سیلیریو ایکس اسپورٹس ایرو ڈائنامک ڈیزائن کے ساتھ ہے جس کے فرنٹ پر ایکس تھیم پر مبنی گرل دی گئی ہے۔بھارت میں اس گاڑی کو متعارف کراتے ہوئے کمپنی کا کہنا تھا کہ اس کو پہلے سے زیادہ اسٹائلش اور اسپورٹی ٹچ دیا گیا ہے تاکہ نوجوانوں کے دلوں میں جگہ بناسکے۔اسی طرح یہ گاڑی جدید ترین حفاظتی فیچرز سے لیس ہے اور 998 سی سی کی اس گاڑی میں تھری سلنڈر پٹرول انجن دیا گیا ہے جو کہ 67 ہارس پاور کا ہے۔اسی طرح فائیو اسپیڈ مینوئل موجود ہیں جبکہ آپشنل اے ایم ٹی یونٹ بھی دیا گیا ہے۔یہ نئی سیلیریو وی ایکس آئی اور زی ایکس آئی کے ساتھ آٹھ مختلف ورژن میں دستیاب ہوگی۔اس کے وی ایکس آئی ماڈل کی قیمت 4 لاکھ 57 ہزار 226 بھارتی روپے (7 لاکھ 48 ہزار پاکستانی روپے سے زائد) سے شروع ہوتی ہے جبکہ مختلف ورژن اور فیچرز کے لحاظ سے یہ 5 لاکھ 42 ہزار بھارتی روپے سے زائد (آٹھ لاکھ 88 ہزار پاکستانی روپے سے زائد) تک میں فروخت کی جائے گی۔ممکنہ طور پر یہ پاکستان میں بھی اگلے سال کلٹس کے نئے ماڈل کے طور پر متعارف کرائی جاسکتی ہے تاہم یہاں آنے کے بعد اس کی قیمت کیا ہوگی، اس بارے میں کہنا مشکل ہے۔ پاکستان میں جو ماڈل رواں سال اپریل میں متعارف کرایا گیا تھا اس کی قیمت ساڑھے بارہ لاکھ روپے سے شروع ہوتی تھی۔

اسلام آباد(ایم نائن ٹو ڈاٹ ٹی وی ) گروپ رینالٹ اورالفطیم کے درمیان رینالٹ گاڑیوں کو اسمبل کرنے اور مقامی مارکیٹ میں تقسیم کرنے کا سمجھوتہ طے پا گیا ٗ گاڑیوں کی اسمبلی کراچی میں قائم کئے جانے والے نئے اسٹیٹ آف دی آرٹ پلانٹ میں کی جائے گی۔ معاہدوں کی رو سے گروپ رینالٹ ملک میں اپنی جدید مصنوعات اور تکنیکی مہارت لیکر آئے گا جبکہ الفطیم گروپ اپنی نئی ماتحت کمپنی الفطیم آٹوموٹیو پاکستان (پرائیوٹ) لمیٹڈکے زریعے نیا اسمبلی پلانٹ قائم کرے گااور ملک بھر میں گاڑیوں کی ڈسٹری بیوشن سرانجام دے گا۔کراچی میں پلانٹ کی تعمیر کے کام کا آغاز سال 2018ء کی پہلی سہ ماہی میں ہوگا اور گروپ رینالٹ کے معیارات کے مطابق گاڑیوں کی فروخت کا عمل 2019ء میں شروع کرنے کی منصوبہ بندی کی گئی ہے جس کو 2020ء میں بھرپور بڑھادیا جائے گا۔ اس موقع پر رینالٹ گروپ کے سینئر نائب صدر ، چیئر مین برائے افریقہ ، مشرق وسطی انڈیا ریجن فیبرس کیمبالیو نے کہا کہ ہماری کوشش ہے کہ ہم پاکستان کے صارفین کواپنی جدید ترین مصنوعات اور کٹنگ ایج ٹیکنالوجی متعارف کروائیں اور مارکیٹ میں حفاظت اور اعلیٰ معیار کے نئے درجات قائم کریں۔ تقریب سے خطاب کرتے ہوئے الفطیم آٹو موٹیو کے صدر لین ہنٹ نے کہا کہ پاکستان200ملین آبادی پر مشتمل ایک اہم معیشت ہے اورایک متحرک مڈل کلاس سے مزین ہے۔ ہم ان صلاحیتوں کے حامل ملک کی معیشت میں گروپ رینالٹ کو متعارف کروانے پر بہت خوشی محسوس کررہے ہیں۔ گروپ رینالٹ گاڑیاں بنانے والی دنیا کی اولین کمپنیوں میں سے ایک ہے اور یورپ کی صف اول کی کمپنی ہے جو اب پاکستان میں اپنی مصنوعات متعارف کروارہی ہے۔ ہم پاکستان کے آٹو سیکٹر اور صارفین کے لئے حقیقی ویلیو ایڈیشن کرنے کا کوشش کریں گے اور پاکستان میں عالمی سطح کی تنظیم بنانے کی بھرپورکوشش کریں گے۔الفطیم گروپ ،گروپ رینالٹ کے ساتھ بہت طویل اور کامیاب شراکت داری کی امید رکھتا ہے۔