Tag chief justice

(ایمرا نیوزآن لائن) الیکشن کمیشن کے دو ممبران کی تقرری کے لیے جاری ہونے والا صدارتی آرڈیننس معطل ہو گیا۔

اسلام آباد ہائیکورٹ کے چیف جسٹس اطہرمن اللہ نے جہانگیر جدون کی درخواست پر الیکشن کمیشن کے ممبران کی تقرری کے حوالے سے صدارتی آرڈیننس کے خلاف کیس کی سماعت کی۔

حکومتی وکیل نے دلائل دیتے ہوئے کہا کہ ممبران کی تقرری کے لیے حکومت اور اپوزیشن کے درمیان تین میٹنگز ہوئیں لیکن حالات خراب ہونے کی وجہ سے پیشرفت نہیں ہو سکی، جس پر جسٹس اطہر من اللہ نے کہا کہ جس معاملےکا آپ حوالہ دے رہے ہیں اس کو بھی پارلیمنٹ میں حل ہونا چاہیے۔

جسٹس اطہر من اللہ نے وکیل سے استفسار کیا کہ ابھی قومی اسمبلی اور چیئرمین سینیٹ کو کتنا وقت چاہیے، جس پر وکیل نے جواب دیا کہ 4 ہفتے کا مزید وقت دے دیا جائے۔ چیف جسٹس اسلام آباد ہائیکورٹ نے کہا کہ چیف الیکشن کمشنر کی ریٹائرمنٹ بھی قریب ہے، آپ جلد اس معاملے کو حل کر لیں۔

جسٹس اطہر من اللہ نے ریمارکس دیئے کہ الیکشن کمیشن اس وقت تقریباً غیر فعال ہے، 7 دسمبر سے پہلے یہ معاملہ حل کر کے عدالت کو آگاہ کریں۔ جسٹس اطہر من اللہ نے کہا کہ پارلیمنٹ کی توقیر ہمارے لیے مقدم ہے، جو چیز پارلیمنٹ میں ہے وہ پارلیمنٹ میں ہی طے ہونی چاہیے۔

انہوں نے مزید کہا کہ اسپیکر قومی اسمبلی اور چیئرمین سینیٹ پر پورا اعتماد ہے، ہم امید کرتے ہیں کہ پارلیمنٹ میں ہی یہ معاملہ حل کر لیا جائے گا۔ عدالت نے آئندہ سماعت تک دو نئے ارکان کی تعیناتی کا نوٹیفکیشن معطل کر کے کیس کی مزید سماعت 5 دسمبر تک ملتوی کر دی۔

اسلام آباد(ایمرا نیوزآن لائن) ہائیکورٹ نے وزیراعظم کی معاون خصوصی برائے اطلاعات فردوس عاشق اعوان کو توہین عدالت پر نیا شوکاز نوٹس جاری کر دیا۔

فردوس عاشق اعوان کو توہین عدالت کے شوکاز نوٹس پر سماعت اسلام آباد ہائیکورٹ کے چیف جسٹس، جسٹس اطہر من اللہ کی سربراہی میں ہوئی۔ وزیراعظم کی معاون خصوصی عدالت میں پیش ہوئیں۔

چیف جسٹس اسلام آباد ہائیکورٹ جسٹس اطہر من اللہ نے دورران سماعت ریمارکس دیتے ہوئے کہا کہ آپ ایک اہم عہدے پر فائز ہیں، آپ ایک ایسے وزیر اعظم کی مشیر ہیں جو قانون کی بالادستی کے علم بردار تھے، آپ نے ایک زیر التوا معاملے پر بات کی اس لئے نوٹس جاری کیا۔ جسٹس اطہر من اللہ نے مزید کہا کہ آپ میری ذات کے بارے میں جو کہیں مجھے کوئی پرواہ نہیں کیوں کہ سچ سچ ہوتا ہے، ہم منتخب نمائندوں اور کابینہ کی بہت عزت کرتے ہیں لیکن آپ کی گفتگو سے فیئر ٹرائل کا حق متاثر ہوتا ہے۔

اگر آپ کو وزارت قانون نے کچھ نہیں بتایا تھا تو کسی سینئر وکیل سے ہی پوچھ لیتیں: جسٹس اطہر من اللہ
اس موقع پر عدالت نے فردوس عاشق اعوان کو عدالتی رولز پڑھنے کا کہا جس پر انہوں نے اونچی آواز میں عدالتی رولز پڑھے۔ جسٹس اطہر من اللہ نے کہا کہ کوئی بھی ارجنٹ معاملہ عدالت آ سکتا ہے، ہم کبھی بھی چھٹی پر نہیں ہوتے، آپ کے اپنے میڈیکل بورڈ نے کہا ہوا ہے کہ کنڈیشن تشویشناک ہے۔ چیف جسٹس اسلام آباد ہائیکورٹ نے کہا کہ آپ کو اگر وزارت قانون نے کچھ نہیں بتایا تھا تو کسی سینئر وکیل سے پوچھ لیتیں۔

جسٹس اطہر من اللہ نے کہا کہ مجھے اس عدالت کے ججوں پر فخر ہے، ایک سال کے دوران ہم نے سب سے زیادہ درخواستیں نمٹائیں۔ انہوں نے کہا کہ آپ توہین کر رہی تھیں کہ کاش غریب لوگوں کے لیے بھی ایسا ہو، ہم یہاں بیٹھے ہی عام لوگوں کے لیے ہیں، ہم صرف اللہ کو جواب دہ ہیں جس کا نام لےکر حلف لیا۔ ان کا کہنا تھا ہم پریس کانفرنس نہیں کر سکتے اس لیے آپ کو بلایا، آپ نے خود عدالتی رولز پڑھ لیے ہیں۔

یقین ہے آپ کو وزیراعظم نے ایسا کہنے کیلئے نہیں کہا ہو گا: چیف جسٹس اسلام آباد ہائیکورٹ
جسٹس اطہر من اللہ نے فردوس عاشق اعوان سے استفسار کیا کہ کیا آپ کبھی ضلعی عدالتوں میں گئی ہیں؟ اس سماعت کے بعد وہاں جا کر دیکھیں دکانوں میں عدالتیں لگی ہیں، اُس کچہری میں عام لوگوں کے مسائل سنے جاتے ہیں، آپ بار کے صدر کے ساتھ جائیں اور صورتحال دیکھیں، اُس کچہری میں ٹوائلٹ تک موجود نہیں ہیں۔

انہوں نے مزید کہا کہ میں آپ کو کبھی شوکاز نوٹس جاری نہ کرتا، آپ کو صرف دکھانے کے لیے بلایا کہ آپ نے کیا کیا ہے۔ چیف جسٹس اسلام آباد ہائیکورٹ نے کہا کبھی کہا جاتا ہے کہ کوئی ڈیل ہو گئی ہے، مجھے یقین ہے کہ آپ کو وزیراعظم نے ایسا کہنے کے لیے نہیں کہا ہو گا۔ فردوس عاشق اعوان نے کہا کہ عدلیہ کی توقیر میں کمی کا سوچ بھی نہیں سکتی، میں غیر مشروط معافی مانگتی ہوں، میں مستقبل میں مزید محتاط رہوں گی۔

چیف جسٹس اسلام آباد ہائیکورٹ نے کہا کہ عدلیہ کی توقیر میں کمی آپ کے الفاظ سے نہیں ہوتی، ہمارے فیصلوں سے عدلیہ کی توقیر میں کمی ہو سکتی ہے، کوئی کہتا ہے کہ ڈیل ہو گئی، پوچھیں کیا کسی نے ججز کو اپروچ کیا ہے؟

جسٹس اطہر من اللہ نے کہا کہ جج پر ذاتی تنقید پر عدالتیں ہمیشہ تحمل کا مظاہرہ کرتی ہیں، عدالت اس متعلق آپ کی معافی قبول کرتی ہے اور آپ کے خلاف توہین عدالت کا پرانا شوکاز نوٹس واپس لیا جا رہا ہے۔ چیف جسٹس اسلام آباد ہائیکورٹ نے کہا کہ آپ کو کرمنل توہین عدالت کا نیا نوٹس جاری کیا جا رہا ہے۔ اسلام آباد ہائیکورٹ نے فردوس عاشق اعوان کو پیر تک تحریری جواب داخل کرانے کا حکم دیتے ہوئے کیس کی سماعت منگل تک ملتوی کر دی۔

جسٹس اطہر من اللہ نے کہا کہ آپ کو یہاں سے ڈسٹرکٹ کورٹس لے کر جائیں گے، آپ دیکھیں کہ ججز اور وکلاء صاحبان کس طرح کام کر رہے ہیں، ڈسٹرکٹ کورٹس میں عوام کے ساتھ کیا ہو رہا ہے، یہ عدلیہ نہیں بلکہ 30 سال سے انتظامیہ کی غفلت کا نتیجہ ہے۔ فردوس عاشق اعوان نے کہا کہ منگل کو کابینہ کا اجلاس ہوتا ہے، اس دن سماعت نہ رکھیں، جس پر جسٹس اطہر من اللہ نے کہا کہ آپ ڈسٹرکٹ کورٹس میں ہی کابینہ میٹنگ رکھوائیں تاکہ وہ وہاں کے حالات دیکھ سکیں، آئندہ سماعت کی تاریخ تبدیل نہیں کی جائے گی۔

عدالت نے فردوس عاشق اعوان کو بار کے نمائندوں کے ساتھ ڈسٹرکٹ کورٹس کے دورے کا حکم بھی دیا۔ خیال رہے کہ سابق وزیراعظم نواز شریف کی اسلام آباد ہائیکورٹ سے طبی بنیادوں پر ضمانت کی درخواست پر فردوس عاشق اعوان نے پریس کانفرنس کرتے ہوئے عدالت کو تنقید کا نشانہ بناتے ہوئے کہا تھا کہ ایک ملزم کو خصوصی رعایت دینے کے لیے شام کے وقت عدالت لگائی گئی۔ اسلام آباد ہائیکورٹ نے فردوس عاشق اعوان کے بیان کا نوٹس لیتے ہوئے انہیں شوکاز نوٹس جاری کیا تھا۔

اسلام آباد(ایمرا نیوزآن لائن) ہائیکورٹ میں اب دفتری اوقات کے علاوہ بھی ایمرجنسی کیسز سنے جائیں گے۔

اسلام آباد ہائی کورٹ کے ڈپٹی رجسٹرار جوڈیشل کی جانب سے جاری نوٹیفکیشن کے مطابق دفتری اوقات کے بعد عام سائلین کے فوری نوعیت کے کیسز کے لیے 6 افسران کا تقرر کیا گیا ہے۔

اعلامیے میں کہا گیا ہے کہ مجاز افسران دفتری اوقات کے بعد بھی عام سائلین کی سہولت کے لیے دستیاب ہوں گے اور ہنگامی صورت میں ایڈیشنل رجسٹرار نوٹیفکیشن پر دیئے نمبر پر ہر وقت دستیاب ہوں گے۔

مجاز افسران میں ڈپٹی رجسٹرار سلطان محمود، اسسٹنٹ رجسٹرار محمد اسد، اسٹنٹ رجسٹرار شیخ روہان، اسسٹنٹ رجسٹرار محمد عرفان، اسسٹنٹ رجسٹرار شاہد ندیم اور ارباب محمد امجد شامل ہیں۔ نوٹیفکیشن میں کہا گیا ہے کہ قیدی کی جان کو شدید خطرہ ہونے پر دفتری اوقات کے علاوہ بھی سماعت کی جائے گی۔

اعلامیے میں کہا گیا ہے کہ ایسا کیس جس پر چیف جسٹس مطمئن ہوں کہ فوری نوعیت کا ہے وہ بھی چھٹی کے روز سنا جائے گا۔ عدالت کی جانب سے جاری اعلامیے کے مطابق آئی ٹی ڈپارٹمنٹ کو نوٹیفکیشن کی کاپی ہائیکورٹ کی آفیشل ویب سائٹ پر جاری کرنے کی ہدایت کر دی گئی ہے۔

(ایمرا نیوزآن لائن) اک بہت ہی بنیادی اور سادہ سا سوال ہے جو مختلف قسم کے سیانوں سے پوچھ رہا ہوں لیکن جواب ندارد۔ کوئی تو ہو جو مجھے یہ معمولی سی بات سمجھا دے کہ جب تک پاکستان کی اقتصادی شرح نمو اس ملک کی ’’آبادی‘‘ شرح نمو کے ساتھ مکمل طور پر میچ نہیں کرے گی، پوری طرح ہم آہنگ نہیں ہو گی تو عام آدمی کو ریلیف کیسے ملے گا؟ جبکہ یہاں تو کہانی ہی بالکل الٹ ہے کہ معاشی شرح نمو نو سال کی کم ترین سطح پر ہے یعنی عملاً منجمد ہو چکی ہے اور مہنگائی بری طرح ٹوٹے ہوئے چھتر کی طرح بڑھتی جا رہی ہے۔

قارئین!جب تک اقتصادی شرح نمو اور آبادی شرح نمو کا جائز ناجائز تعلق اور تال میل طے نہیں ہو جاتا تب تک میں یہ سمجھنے میں حق بجانب ہوں یا نہیں کہ ہر وہ شخص جھوٹ بول رہا ہے جو عوام کو آنے والے دنوں میں معاشی استحکام کی خوشخبریاں سنا رہا ہے۔

یہ ناممکن ہو گا۔ اک ایسا ہدف ہے، جسے حاصل کرنا ممکن ہی نہیں۔حکومت کی کوئی سوکن نہیں، سٹیٹ بینک کہہ رہا ہے کہ معاشی نمو نچلی ترین سطح پر ہے اور مہنگائی بارہ فیصد تک پہنچ جانے کے امکانات روشن ہیں۔ مزید خوشخبریاں یہ ہیں کہ برآمدات 25.9ارب ڈالر کے اردگرد رہیں گی۔

ٹیکس ہدف حاصل کرنا کسی چیلنج سے کم نہ ہو گا۔سرمایہ کاری جمود کا شکار۔پانی کی قلت سے زرعی شعبہ بے حال ہو رہا ہے۔توانائی کی قیمتوں میں مسلسل اضافہ ہو رہا ہے۔ مالیاتی خسارہ تشویشناک حد تک بڑھ چکا ہے۔ان حالات میں تو کوئی پشتینی اور پیدائشی جھوٹا بھی کسی قسم کی ’’معاشی نوید مسرت‘‘ سنانے کی جرأت نہیں کر سکتا تو یہ کون لوگ ہیں جو پے در پے ایسا جھوٹ بول رہے ہیں جو قدم قدم پر رنگے ہاتھوں پکڑا جائے گا۔

یہ حقیقت کوئی نہ بھولے کہ دنیا کا سب سے زیادہ چرب زبان آدمی بھی کسی بھوکے کو اس بات پر قائل نہیں کر سکتا کہ اس کا پیٹ بھرا ہوا ہے اس لئے ممکن ہو تو ایک کروڑ نوکریوں اور 50لاکھ گھروں جیسی گپیں چھوڑنے سے بچا جائے کیونکہ ایسے کھوکھلے دعوے عوامی فرسٹریشن اور غصہ میں اضافہ کے علاوہ کچھ نہیں کرتے۔

حقیقی زمینی صورتحال تو یہ ہے کہ معیشت تھوڑی بہت سنبھل بھی جائے تو اونٹ کے منہ میں زیرہ بھی نہیں، تھوڑی بہت سے کچھ زیادہ بہتر بھی ہو جائے تو عام آدمی کو قرار نصیب ہونے کا سوال ہی پیدا نہیں ہوتا کیونکہ آبادی کا عفریت اس ’’ترقی‘‘ کا لقمہ لیتے ہی مزید بھوک کی دہائی دے گامیں حیران ہوں کہ تبدیلی سرکار پاپولیشن مینجمنٹ کا سوچے بغیر معاشی استحکام کا تصور بھی کس طرح کر سکتی ہے اور کمال یہ کہ میں نے ان میں سے کسی ایک کی زبان سے بھی اس تضاد کا ذکر نہیں سنا کہ جب تک اس بے لگام آبادی کو لگام نہیں دی جاتی، اقتصادی زبوں حالی کو لگام دینا ممکن ہی نہیں۔

میں نے تین مختلف ماہرین اقتصادیات سے بات کی جو سو فیصد غیرسیاسی اور نصابی قسم کے لوگ ہیں۔ کسی ایک کے پاس بھی کوئی ایسا جواب نہیں جو مطمئن کر سکے۔ مسئلہ پانی کا ہو یا دہشت گردی کا، کرپشن کا ہو یا تجاوزات اور ناجائز قبضوں کا—— ہم لوگ بر وقت ری ایکٹ نہیں کرتے، تب تک ہوش نہیں آتا جب تک پانی سر سے گزرنا شروع نہیں ہو جاتا۔

شاید ان سیاسی نابغوں اور نوگزوں نے یہ محاورہ بھی نہیں سنا کہ وقت پر لگایا جانے والا ایک ٹانکا بعد کے نو ٹانکوں کے تردد سے بچا لیتا ہے لیکن یہاں تو یہ مسئلہ عمل کیا گفتگو تک میں دکھائی نہیں دیتا تو لکھ رکھیں کہ اقتصادی حالات کسی معجزے کے نتیجہ میں نارمل ہو بھی گئے تو عوام کے لئے نہ صرف ’’ابنارمل‘‘ ہی رہیں گے بلکہ تیزی سے ایمرجنسی کی طرف بڑھتے چلے جائیں گے۔

بندہ پوچھے کسی اور سے نہ سہی اپنے سابقہ مشرقی پاکستان حال بنگلہ دیش سے ہی سبق سیکھ لو کہ آبادی کے اس عفریت کو قابو کیسے کرنا ہے۔

کچھ اور مسلمان ملکوں نے بھی کامیابی کے ساتھ اس منہ زور گھوڑے پر کاٹھی ڈالی ہے لیکن بنگلہ دیش مسلمان ہی نہیں دو عشرہ پلس تک ہمارے ساتھ بھی رہا ہے۔ خود کسی جوگے نہیں تو انہی سے رہنمائی اور تعاون مانگ لو ورنہ کیس ’’لمحوں نے خطا کی تھی صدیوں نے سزا پائی‘‘ سے بھی بدتر ہو جائے گا۔

22کروڑ تو سنبھالے نہیں جا رہے، نہ روٹی نہ کپڑا نہ مکان نہ لاء اینڈ آرڈر نہ امن اور امان نہ تعلیم نہ علاج نہ روزگار تو کبھی تنہائی میں بیٹھ کر سوچو کہ جب کل کلاں یہ 22کروڑ 32کروڑ ہو گئے تو کیا ہو گا؟ اور پھر جب یہی 32کروڑ 42کروڑ ہو گئے تو بندہ بندے کو نہ کھائے گا تو کیا کرے گا؟

اسلام آباد( میڈیا 92 نیوزآن لا ئن) ہائیکورٹ نے خواجہ آصف پر 10 ارب روپے ہرجانے کے کیس پر وزیراعظم عمران خان سے جواب طلب کرلیا۔

اسلام آباد ہائیکورٹ میں وزیراعظم عمران خان کے لیگی رہنما خواجہ آصف کے خلاف 10 ارب روپے ہرجانے پر سیشن کورٹ کے فیصلے کے خلاف خواجہ آصف کی درخواست پر سماعت ہوئی۔ دورانِ سماعت چیف جسٹس اسلام آباد ہائیکورٹ جسٹس اطہر من اللہ نے استفسار کیا کہ خواجہ آصف کی نااہلی کا حکم اسی عدالت نے دیا تھا، خواجہ آصف کو اس بینچ پر اعتراض تو نہیں۔

اس پر خواجہ آصف کے وکیل نے کہا کہ میرے موکل کو آپ کے کیس سننے پر کوئی اعتراض نہیں۔ خواجہ آصف کے وکیل نے مؤقف اپنایا کہ 2012 سے عمران خان کا ہرجانہ کیس زیر التوا ہے۔

عدالت نے کیس کی مختصر سماعت کے بعد سیشن کورٹ کے فیصلے کے خلاف خواجہ آصف کی درخواست پر وزیراعظم عمران خان کوبھی نوٹس جاری کرکے جواب طلب کرلیا۔

واضح رہےکہ خواجہ آصف نےکینسراسپتال اور فارن فنڈنگ پر 2012 میں عمران خان پر الزامات لگائے تھے۔

(میڈیا 92 نیوزآن لائن) چیف جسٹس اسلام آباد ہائی کورٹ جسٹس اطہر من اللہ کا کہنا ہے میری رائے میں انصار الاسلام پر پابندی کا نوٹیفکیشن ہی غیر مؤثر ہے۔

جمعیت علمائے اسلام ف کی ذیلی تنظیم انصارالاسلام پر پابندی کے خلاف درخواست پر سماعت اسلام آباد ہائیکورٹ میں ہوئی دوران سماعت انصار الاسلام کے وکیل کامران مرتضیٰ نے کہا کہ ہم پرائیویٹ ملیشیا تو نہیں، ہماری تنظیم جمیعت علمائے اسلام کا حصہ ہے۔

جسٹس اطہر من اللہ نے ریمارکس دیئے کہ پرائیویٹ ملیشیا نہیں ڈنڈے تو ہیں، جس پر وکیل کامران مرتضیٰ نے کہا کہ ڈنڈے تو جھنڈوں کے ساتھ ہوتے ہیں۔ وکیل انصار الاسلام نے کہا کہ جمعیت علمائے اسلام سیاسی جماعت کے طور پر الیکشن کمیشن کے پاس رجسٹرڈ ہے۔

جسٹس اطہر من اللہ نے کہا کہ اگر یہ سیاسی جماعت کے ممبر ہیں تو یہ نوٹیفکیشن ہی غیر مؤثر ہے۔ چیف جسٹس اسلام آباد ہائی کورٹ نے انصارالاسلام کے وکیل سے استفسار کیا کہ کیا وفاقی حکومت نے آپ کو سنا بھی نہیں؟ وکیل کامران مرتضیٰ نے بتایا کہ ہمیں وزارت داخلہ نے سنے بغیر پابندی لگا دی، جس پر جسٹس اطہر من اللہ نے ریمارکس دیئے میری رائے کے مطابق تو یہ نوٹیفکیشن ہی غیر مؤثر ہے۔

جسٹس اطہر من اللہ نے مزید کہا کہ جب تنظیم کا باقاعدہ وجود نہیں تو اس پر پابندی کیسے لگ سکتی ہے، خاکی وردی کی بجائے سفید پہن لیں تو پھر کیا ہو گا؟ وکیل انصار الاسلام نے کہا کہ قائداعظم کے دور سے یہ تنظیم کام کر رہی ہے۔

چیف جسٹس اسلام آباد ہائی کورٹ نے کہا کہ کم ازکم آپ کو حکومت پوچھ تو لیتی کہ یہ تنظیم کیا ہے۔ جسٹس اطہر من اللہ نے کہا کہ 24 اکتوبر کو وزارتِ داخلہ نے انصارالاسلام پر پابندی کا نوٹیفکیشن جاری کیا، یہ بڑی عجیب بات ہے کہ ایک چیز موجود ہی نہیں اور اس پر پابندی لگا دی گئی۔

عدالت نے وزارت داخلہ کے افسر کو کل طلب کرتے ہوئے کہا کہ جمیعت علمائے اسلام کو سنے بغیر وزارت داخلہ نے پابندی لگائی، وزارت داخلہ عدالت کو مطمئن کرے کہ کسی کو سنے بغیر کیسے پابندی لگا دی، کیس کی مزید سماعت کل صبح ساڑھے 10 بجے تک ملتوی کر دی گئی۔

اسلام آباد( میڈیا 92 نیوزآن لا ئن ) ہائیکورٹ نے سابق وزیراعظم میاں نوازشریف کی العزیزیہ ریفرنس میں سزا معطلی کی درخواست پر حکومت اور نیب کو نوٹس جاری کردیے۔

مسلم لیگ (ن) کے صدر شہبازشریف کی جانب سے اسلام آباد ہائیکورٹ میں ایک درخواست دائر کی گئی جس میں میاں نوازشریف کی سزا معطلی کی درخواست کو آج ہی سننے کی استدعا کی گئی تھی۔

شہبازشریف نے 11 رکنی اسپیشل میڈیکل بورڈ کی رپورٹ کو بھی اپنی درخواست کا حصہ بنایا ہے۔ (ن) لیگ کے صدر نے درخواست میں مؤقف اختیار کیا ہےکہ نواز شریف کی بگڑتی صحت اور تشویشناک صورتحال کے باعث آج ہی سماعت کی جائے اسلام آباد ہائیکورٹ نے میاں نوازشریف کی بگڑتی ہوئی طبیعت کے پیش نظر درخواست کو آج ہی سماعت کیلئے مقرر کیا۔ چیف جسٹس اطہر من اللہ اور جسٹس محسن اختر کیانی پر مشتمل دو رکنی ڈویژنل بینچ سماعت کررہا ہے جب کہ جسٹس عامر فاروق کو چھٹی پر ہونے کے باعث بینچ میں شامل نہیں کیا گیا ہے۔

سزا یافتہ قیدی کے معاملے میں صوبائی حکومت کواختیار ہے کہ وہ سزا معطل کر سکتی ہے: چیف جسٹس اطہر من اللہ
دوران سماعت چیف جسٹس اطہر من اللہ نے ریمارکس دیے کہ ڈویژن بینچ نے اس معاملے کو منگل کے لیے رکھا ہے، سزا یافتہ قیدی کے معاملے میں صوبائی حکومت کواختیار ہے کہ وہ سزا معطل کر سکتی ہے لہٰذا ایسی صورت میں یہ معاملے عدالت میں نہیں آنے چاہئیں۔

جسٹس محسن اختر کیانی نے سوال کیا کہ ایسی کیا عجلت ہوئی کہ یہ جلد سماعت کی درخواست دائر کی گئی، اس پر شہبازشریف کے وکیل نے عدالت کو بتایا کہ نوازشریف کو معمولی ہارٹ اٹیک ہوا ہے، کل کے بعد ان کی طبیعت مزید خراب ہوئی ہے، ان کی جان کو خطرہ ہے۔ پنجاب حکومت اور نیب کو آج ہی نمائندہ عدالت بھیجنے کا حکم عدالت نے مختصر سماعت کے بعد وزیراعظم، وزیراعلیٰ پنجاب اور چیئرمین نیب سمیت دیگر فریقین کو نوٹس جاری کردیے۔ عدالت نے ہدایت کی کہ آج ہی کوئی نمائندہ مقرر کرکے 4 بجے عدالت بھجوایا جائے۔

واضح رہےکہ گزشتہ روز لاہور ہائیکورٹ نے میاں نوازشریف کی چوہدری شوگر ملز کیس میں طبی بنیادوں پر ضمانت منظور کی ہے تاہم ان کی رہائی العزیزیہ ریفرنس میں سزا معطلی تک ناممکن ہے۔ معلوم رہے کہ اسلام آباد کی احتساب عدالت نے العزیزیہ ریفرنس میں نوازشریف کو 7 سال قید کی سزا سنا رکھی ہے۔

نیب لاہور کی حراست میں میاں نوازشریف کی طبیعت 21 اکتوبر کو خراب ہوئی اور ان کے پلیٹیلیٹس میں اچانک غیر معمولی کمی واقع ہوئی، اسپتال منتقلی سے قبل سابق وزیراعظم کے خون کے نمونوں میں پلیٹیلیٹس کی تعداد 16 ہزار رہ گئی تھی جو اسپتال منتقلی تک 12 ہزار اور پھر خطرناک حد تک گرکر 2 ہزار تک رہ گئی تھی۔

نوازشریف کو پلیٹیلیٹس انتہائی کم ہونے کی وجہ سے 3 میگا یونٹس پلیٹیلیٹس لگائے گئے جب کہ ان کے علاج و معالجے کے لیے ایک ڈاکٹر اسلام آباد اور ایک کراچی سے بلایا گیا۔بسابق وزیراعظم کے طبی معائنے کے لیے 11 رکنی اسپیشل میڈیکل بورڈ بنایا گیا ہے جس کے سربراہ سمز کے پرنسپل پروفیسر محمود ایاز ہیں۔بدیگر ارکان میں ڈاکٹر کامران خالد، ڈاکٹر عارف ندیم ،ڈاکٹر فائزہ بشیر، ڈاکٹر خدیجہ عرفان اور ڈاکٹر ثوبیہ قاضی شامل ہیں۔

میڈیکل بورڈ سینئر میڈیکل اسپیشلسٹ، گیسٹرو انٹرولوجسٹ، انیستھیزیا اسپیشلسٹ اور فزیشن پر مشتمل ہے۔یاد رہے کہ سابق وزیراعظم نواز شریف چوہدری شوگر مل کیس میں نیب کی حراست میں ہیں جب کہ احتساب عدالت کی جانب سے انہیں العزیزیہ ریفرنس میں7 سال قید کی سزا سنائی گئی ہے۔

ISLAMABAD: The Supreme Court of Pakistan on Wednesday ordered the relevant authorities to register Christian marriages in the country.

A three-member bench headed by Chief Justice Mian Saqib Nisar passed the order while hearing a case earlier today.

The apex court directed all the Union Councils to ensure registration of marriages in the Christian community. It also ordered the National Database and Registration Authority (NADRA) to issue computerised marriage certificates to the Christian couples.

The Supreme Court further instructed the Punjab government to enact legislation to ensure timely registration of the marriages.

KARACHI: The Sindh High Court (SHC) on Wednesday sought details from the National Accountability Bureau (NAB) regarding the ongoing inquiries in Karachi, Hyderabad and Sukkur.

During the hearing, SHC Chief Justice Ahmed Ali Sheikh censured NAB investigation officer and prosecutor as they failed to satisfy the court regarding the accountability bureau’s inquiries which are currently under way.

The SHC CJ asked the NAB prosecutor regarding how many inquiries are ongoing, to which he said, “Several inquiries are under way.”

Justice Sheikh responded, “Give a statement regarding the number of inquiries that are ongoing. Some inquiries have been ongoing for the past two years. We will summon Sindh DG NAB.”

Expressing anger at NAB, the SHC chief justice remarked, “You are quick to drag people’s names through the mud but cannot finish inquiries even in two years. You come to court without reading cases, this will no longer go on. Submit details regarding all inquiries.”

The court then sought details of the inquiries ongoing in Karachi, Hyderabad and Sukkur.

ISLAMABAD: The Supreme Court on Tuesday in its verdict on a suo motu case related to the country’s burgeoning population growth ordered the government, civil society and religious scholars to tackle the issue.

A three-member Supreme Court bench, headed by Chief Justice Mian Saqib Nisar and comprising Justice Umar Ata Bandial and Justice Ijazul Ahsan, announced the verdict on the case. The apex court had taken suo motu notice of the explosive increase in the country’s population back in July last year.

Declaring the burgeoning population a stress on the country’s resources, the court termed the increase in the population an “explosion” and said there is a need to launch a nationwide campaign to tackle the issue.

According to the 2017 census, Pakistan’s population is approximately 207,774,520, making it the world’s fifth most populous nation only behind India, China, the United States and Indonesia.

The apex court, in its verdict, observed that the increasing population is a question mark on the future generations and the entire nation needs to be united in tackling population growth.