Tag comments

لاہور(ایمرا نیوزآن لائن) پاکستانی فلم اندسٹری کی متنازع اداکارہ واینکر پرسن وینا ملک نے پاکستان اور بین الاقوامی مالیاتی فنڈ (آئی ایم ایف) کے معاہدے پر تنقید کرنے والوں کو کرارا جواب دیا ہے ۔وینا ملک جو آج کل سیاسی معاملات میں کھل کر اپنی رائے کا اظہار کر رہی ہیں وہیں اُنہوں نے سماجی رابطے کی ویب سائٹ ٹو ئٹر پر ٹوئٹ کرتے ہوئے ا ٓئی ایم ایف کے معاہدے پر تنقید کرنے والوں کو آڑے ہاتھوں لیا ہے اور معاہدے کی حمایت کی ہے ۔

ڈرامہ کوئین نے تنقید کرنے والوں کو جواب دیتے ہوئے اپنی ٹوئٹ میں لکھا کہ ’ آئی ایم ایف نے پاکستان کی 70 سالہ تاریخ میں کبھی بھی پاکستان پر حکم نہیں چلایا ہے لیکن پہلی مرتبہ پاکستان کی معیشت پر حکم چلا رہا ہے، ہے نہ ؟ کیونکہ پہلے پی پی پی اور پی ایم ایل این نے آئی ایم ایف کو قرضہ دیا تھا کیوں کہ دودھ کی نہریں بہہ رہی تھیں ، اور پہلی بار پاکستان آئی ایم ایف سے قرضہ لے رہا ہے۔‘واضح رہے کہ پاکستان اور آئی ایم ایف کے درمیان 6 ارب کا مالیاتی پیکیج طے پایاہے ، جس کے تحت پاکستان کو 39 مہینے تک 6 ارب ڈالر ملیں گے۔

لاہور(ایمرا نیوزآن لائن) وزیراعظم عمران خان نے آئی ایم ایف اور وزارت خزانہ کے درمیان ہونے والے اسٹاف لیول معاہدے کے مسودے کو مسترد کردیا ہے۔ذرائع کے مطابق وزیراعظم نے ہدایت کی ہے کہ ٹیکس استثنیٰ سے متعلق آئی ایم ایف سے مزید رعایت لی جائے جبکہ ٹیکس وصولی ہدف کم کرنے کے لیے بھی آئی ایم ایف کو راضی کرنے کی ہدایت کی گئی۔وزیراعظم افراط زر کے معاملے پر آئی ایم ایف کی شرائط میں نرمی چاہتے ہیں۔ذرائع وزارت خزانہ کے مطابق وزارت خزانہ اور آئی ایم ایف اسٹاف لیول معاہدے مکمل کرچکے تھے۔وزارت خزانہ کے ذرائع کا مزید کہنا ہے کہ مذاکرات میں پیش رفت ہوئی ہے تاہم بات چیف آئندہ دو روز تک جاری رہے گی۔

لاہور(ایمرا نیوزآن لائن) پاکستان کے مڈل آرڈربیٹسمین حارث سہیل انگلینڈ کےخلاف جاری ون ڈےسیریز میں عمدہ کارکردگی دکھانےکےلئے پُرعزم ہیں۔حارث سہیل کا کہنا ہے کہ کوشش کروں گا کہ آسٹریلیاکےخلاف سیریز کی طرح یہاں بھی پرفارم کروں۔ انگلینڈ نمبر ون سائیڈ ہے،اس کی بولنگ بھی اچھی ہے۔ ورلڈ کپ سے قبل انگلینڈ میں انگلینڈ کےخلاف کھیل کر بہت فائدہ ہوگا۔پہلے میچ سے متعلق حارث سہیل نے کہا کہ کنڈیشنز بولرز کو سپورٹ کررہی تھیں لیکن بعدمیں امام اور وہ سیٹ ہوگئے تھے پر بارش کی وجہ سے پورا موقع نہ مل سکا،بقیہ میچز میں بہتر کھیل کا مظاہرہ کریں گے۔

گزشتہ روز پاکستان اور انگلینڈ کے درمیان کھیلاجانے والا پہلا ون ڈے میچ بارش کے باعث منسوخ کردیا گیا تھا جس میں پاکستان نے19اوورز میں 2وکٹ پر 80رنز بنا لئے تھے۔میچ منسوخی سے قبل امام الحق 42 اور حارث سہیل 14 رنز پر کریز پر موجود تھے۔جب کہ فخر زمان 3 اور بابر اعظم نے16رنز بنائےتھے۔دونوں ٹیموں کے درمیان دوسرا ون ڈے انٹرنیشنل میچ 11مئی کو ساؤتھمپٹن میں کھیلا جائے گا۔

اسلام آباد: (ایمرا نیوزآن لائن) پاکستان ایران کے ساتھ گیس پائپ لائن مکمل کرنے کا خواہشمند، حکومت نے امریکا، یورپی کونسل اور دیگر فورمز کو قانونی یادداشت بھیجنے کا فیصلہ کرلیا۔وزیراعظم نے وزارت خارجہ کو ایران کے ساتھ تناؤ ختم کرنے کیلئے اقدامات کی ہدایت کر دی۔ عمران خان نے کہا کہ ایران کے ساتھ گیس منصوبے کیلئے مفاہمتی طریقہ اختیار کیا جائے، گیس کی قیمت خرید نظرثانی کا عمل بھی شروع کیا جائے، منصوبے پر عملدرآمد کیلئے ایران کیساتھ مل کر امکانات تلاش کئے جائیں۔عمران خان کا کہنا تھا ایران پر عالمی پابندیاں منصوبے پر ذمہ داریاں پوری کرنے میں رکاوٹ ہیں۔

لاہور(ایمرا نیوزآن لائن) کینسر کے مرض میں مبتلا مریضوں کے لئے طاقت اور جرات کی علامت بھارتی اداکارہ سونالی باندرے نے انکشاف کیا ہے کہ جب انہیں ’’ہائی گریڈ کینسر‘‘ جیسے موذی مرض کی تشخیص ہوئی تو وہ پوری رات روئیں۔بھارتی ویب سائٹ ٹائمز آف انڈیا کی رپورٹ کے مطابق سونالی باندرے نے کینسر تشخیص کے بعد ہمت کا مظاہرہ کرتے ہوئےحالات سے سمجھوتا کر لیا اور ارادہ کیا کہ وہ آئندہ نہیں روئیں گی۔اداکارہ نے اپنے شوہر گولڈی بہل کو اپنی زندگی میں سب سے اہم شخص قرار دیتے ہوئے کہا کہ انہوں نے میری زندگی کے اس مشکل فیز سے نکلنے میں میری بہت مدد کی۔یاد رہے سونالی باندرے نے گولڈی بہل سے 2002 میں شادی کی تھی اور دونوں کا ایک بیٹا رنویر بہل ہے۔

واضح رہے کینسر کے مرض کو شکست دینے والی بالی ووڈ کی معروف اداکارہ سونالی باندرے تقریباً دو ماہ امریکا کے شہر نیویارک میں زیر علاج رہنے کے بعدصحت یاب ہو کر دسمبر میں واپس بھارت پہنچی تھیں۔44سالہ سونالی باندرے نے کیریئر کا آغاز 1994 میں ریلیز ہونے والی فلم ’آگ’ سے کیا، انہوں نے 50 کے قریب فلموں میں اداکاری کے جوہر دکھائے۔سونالی باندرے کی مشہور فلموں میں ‘کل ہو نہ ہو، لجا، جس دیش میں گنگا بہتی ہے، ہمارا دل آپ کے پاس ہے، ڈھائی اکشر پریم کے، زخم، انگارے، میجر صاحب، دل جلے،بھائی، انگلش بابو، دیسی میم، ثپوت‘ اور ’اپنے دم پر‘ شامل ہیں۔ان کی آخری فلم ’ونس اپون ٹائم ان ممبئی: دوبارہ‘ 6سال قبل 2013 میں ریلیز ہوئی تھی۔

لاہور(ایمرا نیوز آن لائن) وزیراعلیٰ پنجاب سردار عثمان بزدارنے کہا ہے کہ حکومت محنت کشوں کی فلاح کیلئے بہترین اقدامات کررہی ہے،جلد ثمرات ملنا شروع ہو جائیں گے،یہ دن ہمیں شکاگو کے مزدورں کی جبر اواستبدادکیخلاف جدوجہد کی یاددلاتا ہے۔

بدھ کو یوم مزدورکے عالمی دن پراپنے پیغام میںوزیراعلیٰ پنجاب نے کہا کہ دین اسلام محنت کش کی عظمت اورفلاح وبہبودکادرس دیتاہے،اسلام نے محنت کش کواللہ کا دوست دے کر اس کی عظمت کو اجاگر کیا ہے ،انہوں نے کہا کہ نئے پاکستان میں محنت کش کواس کے حقوق ملیں گے،نیا پاکستان محنت کشوں اور مزدوروں کاپاکستان ہے۔انہوں نے کہا کہ محنت کشوں کی فلاح کیلئے بہترین اقدامات کر رہے ہیں ،جلد ثمرات ملنا شروع ہو جائیں گے۔

کراچی: (ایمرا نیوزآن لائن) چیئرمین پیپلزپارٹی بلاول بھٹو کا کہنا ہے کہ ناکام پالیسیاں معیشت کو دفن کرنے کے درپے ہیں، حکمرانوں نے غریب مزدوروں سے روٹی ہی چھین لی۔بلاول بھٹو کا کہنا ہے کہ ملک کو مشکل حالات درپیش ہیں، ہماری پارٹی ہی پاکستان کو چیلنجز سے نکال سکتی ہے، حکومت نےغریب عوام سے روٹی چھین لی، حکمران مزدوروں کے مفادات کا متضاد بن گئے۔

بلاول کا مزید کہنا تھا کہ قائدِ عوام نے ملک میں ٹریڈ یونینز کے حقوق متعارف کرائے، پیپلز پارٹی کی حکومت نے بینظیر امپلائیز اسٹک آپشن اسکیم کا اجراء کیا۔ حکومتِ سندھ کا متفقہ سہہ فریقی لیبر پالیسی کا اجراء بھی بڑا بریک تھرو ہے، محنت کشوں کے حقوق کی جدوجہد میں علمبردار کا کردار نبھاتے رہیں گے۔

لاہور(ایمرا نیوزآن لائن) صدر مسلم لیگ ن کے صدر شہباز شریف نے کہا ہے کہ مزدور کے لئے حالات کار تبدیل کرکے حقیقی تبدیلی لائی جاسکتی ہے، وسائل کی منصفانہ تقسیم ہی دنیا میں حقیقی اور پائیدار امن اور ترقی کی کلید ہے۔قومی اسمبلی میں قائد حزب اختلاف شہباز شریف نے یوم مئی پر شکاگو کے محنت کشوں کو خراج عقیدت پیش کرتے ہوئے کہا کہ یہ مزدورں کی خون کی عظمت کا اعتراف ہے کہ ہر برس یوم مئی کو تجدید عہد اور ایک نئے عزم کے ساتھ منایا جاتا ہے۔

ان کا کہنا تھا کہ مزدوروں نے اپنے حقوق کے لئے جس جدوجہد کا صدیوں قبل آغاز کیا تھا وہ مختلف مراحل سے گزر کر آج بھی جاری ہے، اور برسوں پہلے جن مزدوروں کا خون بہا تھا، وہ آج بھی رنگ دکھا رہا ہے۔انہوں نے کہا کہ طبقات میں سماجی انصاف کے ذریعے ہم آہنگی لاکر نفرتوں اور کلاس سسٹم کا خاتمہ ممکن ہے، حقیقی اور اصل تبدیلی کے لئے تمام سیاسی فریقین کو مشترکہ نکات پر مبنی میثاق معیشت لکھنا ہوگا۔

اپوزیشن لیڈر نے کہا کہ پاکستان مسلم لیگ ن نے اپنے دور میں مزدورں کی کم از کم تنخواہ بڑھانےکیا ، موجودہ دور میں مزدوروں کی کم از کم ماہانہ تنخواہ 18 ہزار روپے کی جائے، ان کے لئے حالات کار بہتر بنانے، قانون اور قواعد میں تبدیلی لاکر ان کے لئے تحفظ اور سازگار ماحول کی فراہمی سمیت متعدد اقدامات کئے گئے۔شہباز شریف نے کہا کہ بدقسمتی سے موجودہ حکومت کے دور میں مزدوروں، محنت کشوں اور دیہاڑی دار سمیت تنخواہ دار اور کمزور طبقات پس کررہ گئے ہیں، ہمیں دوبارہ موقع ملا تو اسلام کی روشن روایات اور احکامات کی روشنی میں محنت کشوں، مزدورں اور کمزور طبقات کے لئے ٹھوس اقدامات کریں گے تاکہ ان کی زندگی میں حقیقی تبدیلی آئے۔

لاہور(ایمرا نیوزآن لائن) وزیر اعلیٰ پنجاب سردار عثمان بزدار نے کہا ہے کہ چینی کی قیمت میں بلاجواز اضافہ کسی صورت برداشت نہیں کیا جائے گا، پنجاب حکومت چینی کی قیمت میں استحکام کے لیے ہر ممکن اقدام کرے گی ۔لاہور سے جاری کیے گئے ایک بیان میں وزیر اعلیٰ پنجاب عثمان بزدار نے مزید کہا ہے عوام کو زیادہ سے زیادہ ریلیف فراہم کرنا ہماری حکومت کا ایجنڈا ہے۔

انہوں نے کہا کہ مجھے صوبے کے عوام کا مفاد بے حد عزیز ہے، کسی کو اس سلسلے میں من مانی نہیں کرنے دیں گے۔پنجاب کے وزیر اعلیٰ کا کہنا ہے کہ چینی کی قیمت میں بلاجواز اضافہ روکنے کے لیے ہر آپشن استعمال کیا جائے، متعلقہ محکمے چینی کے نرخوں میں استحکام کے لیے اقدامات اٹھائیں۔سردار عثمان بزدار نے یہ بھی کہا کہ اس سلسلے میں کسی کی پرواہ نہیں، صوبے کے عوام کو ریلیف دینے کے لیے ہر اقدام کیا جائے گا۔

لاہور:(ایمرا نیوزآن لائن) اسٹیٹ بینک آف پاکستان کے سابق گورنر ڈاکٹر حفیظ پاشا کا کہنا ہے کہ وفاقی وزارت خزانہ کے پاس ملک میں جاری معاشی بحران کوکنٹرول کرنے کی سکت نہیں۔سابق گورنر اسٹیٹ بینک ڈاکٹر حفیظ پاشا کا کہنا ہے کہ وفاقی وزارت خزانہ کا موجودہ سسٹم کافی کمزور ہے اس کے پاس ملک میں جاری معاشی بحران کوکنٹرول کرنے کی سکت نہیں جس کی وجہ سے آئی ایم ایف کا ممکنہ پروگرام ملکی معیشت میں بہتری کے بجائے معیشت کو تباہ کردیگا۔

پاکستان کی معاشی ترقی اور مساوات کے موضوع پر کتاب کی رونمائی کی تقریب سے خطاب کے دوران ڈاکٹر حفیظ پاشا نے مزید کہا کہ وزارت خزانہ کے پاس ایک بھی اعلی پائے کا معاشی ماہرموجود نہیں ہے جس کے پاس مالی پالیسی کے حوالے سے اعلی مہارت ہو۔