Tag cricket

لاہور:(سپورٹس ڈیسک/ایمرا نیوز) پاکستانی کرکٹرز کامران اکمل، عمر اکمل اور عدنان اکمل کی والدہ رضائے الہی سے انتقال کرگئیں۔عدنان اکمل نے اپنی والدہ کی وفات کی خبر ٹوئٹر پر دی اور لوگوں سے ان کی مغفرت کے لیے دعا کی درخواست کی۔

Unfortunately my mother is no more this sad happening took place this morning plz remember her is ur prayers . May Allah grant her a high rank in Jannah Ameen

— Adnan Akmal (@adnanakmal79) December 14, 2018

وکٹ کیپر بلے باز کامران اکمل ملتان میں جاری نیشنل ٹی ٹوئنٹی کپ کے دوران لاہور وائٹس اور راولپنڈی ریجن کے درمیان کھیلے جارہے میچ کے سلسلے میں گراؤنڈ میں موجود تھے جب انہیں ڈریسنگ روم میں بلا کر یہ خبر دی گئی۔جس کے بعد لاہور وائٹس اور راولپنڈی ریجن کی ٹیمیں ملتان کرکٹ اسٹیڈیم کے ڈریسنگ روم میں جمع ہوئیں اور اکمل برادران سے تعزیت کا اظہار کیا۔نیشنل ٹی ٹوئنٹی کپ میں عدنان اکمل لاہور بلیوز کی نمائندگی کر رہے ہیں، جس کا آج سہ پہر 3 بجے اسلام آباد ریجن کے ساتھ میچ شیڈول تھا۔تاہم ملتان کرکٹ اسٹیڈیم میں آج ہونے والے دونوں میچز 15 اوورز تک محدود کردیئے گئے۔کامران اکمل کے جانے کے بعد سلمان بٹ نے لاہور وائٹس کے کپتان کی ذمہ داریاں سنبھالیں۔

نئی دلی:(سپورٹس ڈیسک/ایمرا نیوز) بھارتی کرکٹ بورڈ نے ایشیا کپ 2020 کی پاکستان کو ملنے والی میزبانی پر اعتراض اٹھا دیا ہے۔گزشتہ روز ایشین کرکٹ کونسل کے اجلاس میں ایشیا کپ 2020 کی میزبانی پاکستان کو دینے کا فیصلہ کیا گیا تھا تاہم بھارتی خبر رساں ادارے کے مطابق اجلاس میں بی سی سی آئی حکام نے مطالبہ کیا کہ سکیورٹی مسائل کی وجہ سے پاکستان کو مقابلے کسی نیوٹرل وینیو پر کروانا چاہیے۔دوسری جانب پی سی بی کا موقف ہے کہ سیکورٹی معاملات میں کافی بہتری آچکی، 2020 میں ایشیا کپ کے انعقاد تک حالات مزید بہتر ہونے کی امید ہے، اس لیے ایونٹ پاکستان میں ہی ہونا چاہیے۔یاد رہے کہ بھارت نے رواں سال پاکستان ٹیم کی وجہ سے ایشیا کپ کی میزبانی سے انکار کر دیا تھا، بعدازاں مقابلے یو اے ای میں کروانے کا فیصلہ کیا گیا، اب بی سی سی آئی حکام کا بھی مطالبہ ہے کہ پی سی بی ایشیا کپ کے مقابلے پاکستان کے بجائے کسی نیوٹرل وینیو پر کروائے۔

کراچی:(سپورٹس ڈیسک/ایمرا نیوز) رواں سال آئی سی سی وومنز ورلڈ ٹی20 میں پاکستانی بولر ثنا میر کی حیران کن لیک بریک گیند کو ’’پلے آف دی ٹورنامنٹ ‘‘قرار دیا گیا ہے۔

Alhamdolillah !

Special thanks to all the fans, friends, family and supporters for your valuable votes. Feels awesome to be featured with amazing women cricketers of my time.

Great encouragement and opportunity provided by @ICC.#Wemovecricketforward https://t.co/37LDLwyeO4

— Sana Mir ثناء میر (@mir_sana05) December 11, 2018

سابق کپتان ثنا میر نے آئرش بلے باز لارا ڈیلانی کو لیگ بریک گیند پر چکمہ دے کر کلین بولڈ کیا تھا۔ کرکٹ شائقین نے ووٹ کے ذریعے ثنامیر کی اس گیند کو ایونٹ کی بہترین لیگ بریک ڈیلیوری قرار دیا تھا۔یاد رہے کہ پاکستان نے یہ میچ 38 رنز سے جیتا تھا۔ ثنا میر نے 4 اوورز میں 20رنز کے عوض 2وکٹیں حاصل کی تھیں۔ سابق کپتان نے ان کے حق میں ووٹ دینے پر مداحوں، فیملی ممبرز اور دوستوں کا شکریہ ادا کیا ہے۔

لاہور(سپورٹس ڈیسک/ایمرا نیوز) آئی سی سی کی نئی رینکنگ میں اظہر علی کا دسواں نمبر جبکہ بھارت کے ویرات کوہلی کی پہلی پوزیشن پر قبضہ برقرار ہے۔انٹرنیشنل کرکٹ کونسل ( آئی سی سی)نے نئی ٹیسٹ رینکنگ جاری کردی جس کے مطابق نیوزی لینڈ کے کپتان کین ولیمسن دوسرے نمبر پر پہنچ گئے ۔پاکستان کے خلاف شاندار بیٹنگ کرنے والے کین ولیمسن نے کیویز کی تاریخ رقم کر دی ۔ولیمسن 900 رینکنگ پوائنٹس حاصل کرنے والے نیوزی لینڈ کے پہلےکھلاڑی بن گئے اور ساتھ ہی بلے بازوں کی فہرست میں دوسرے نمبر پر بھی آ گئے۔پہلی پوزیشن اب بھی بھارت کے ویرات کوہلی کے پاس ہے. بیٹسمینوں کی فہرست میں ٹاپ ٹین میں شامل واحد کھلاڑی اظہر علی دسویں نمبر پر ہیں ۔بولرز کی فہرست میں محمد عباس کا چوتھا اور یاسر شاہ کا نواں نمبر ہے ۔بولرز میں جنوبی افریقا کے ربادا کا پہلی پوزیشن پر قبضہ برقرار ہے.پاکستان کے فاسٹ بولر محمد عباس کی چوتھی پوزیشن ہے جبکہ لیگ اسپینر یاسر شاہ نویں پوزیشن پر پہنچ گئے ہیں۔

آکلینڈ:(سپورٹس ڈیسک/ایمرا نیوز) سری لنکا کے خلاف 2 ٹیسٹ میچز پر مشتمل سیریز کے لیے نیوزی لینڈ ٹیم کا اعلان کردیا گیا۔نیوزی لینڈ اور سری لنکا کے درمیان سیریز کا پہلا میچ ہفتے سے ویلنگٹن میں کھیلا جائے گا جس کے لیے کین ولیمسن کی قیادت میں کیویز ٹیم کا اعلان کردیا گیا۔پاکستان کے خلاف کیویز ٹیسٹ اسکواڈ کا حصہ بننے والے ایش سوڈھی اور سومر ویل کو ریلیز کر دیا گیا جب کہ اسپنر اعجاز پٹیل ٹیم میں جگہ برقرار رکھنے میں کامیاب رہے۔ سری لنکا کے خلاف دو ٹیسٹ میچز کی سیریز کے لیے ول ینگ کو ٹیم میں شامل کیا گیا ہے۔یاد رہے کہ نیوزی لینڈ نے متحدہ عرب امارات میں پاکستان کے خلاف 3 ٹیسٹ میچز کی سیریز 1-2 سے اپنے نام کی تھی۔

کراچی:(سپورٹس ڈیسک/ایمرا نیوز) بنگلہ دیش نے پاکستان کو84 رنزسے شکست دے کر ایشیا ایمرجنگ کپ 2108 کے سیمی فائنل کا ٹکٹ حاصل کرلیا، پاکستان پہلے ہی فائنل فور میں جگہ بنا چکا ہے۔گروپ ’بی‘ کے راؤنڈ مقابلوں میں دیگردونوں ٹیمیں ناکام رہیں،ہانگ کانگ اور یو اے ای کا میچ بارش کی نذر ہوجانے پر دونوں ٹیموں کو 1،1پوائنٹ مل گیا، نیشنل اسٹیڈیم پر پاکستان کے خلاف بنگلہ دیش نے 5 وکٹوں پر 309 رنز کا پہاڑ کھڑا کیا،مصدق حسین 85 رنز کے ساتھ ناٹ آؤٹ رہے،ذاکر حسن نے 65 اور یاسر علی نے 56 رنز اسکور کیے، خوش دل شاہ نے 3 اور محمد موسیٰ نے 2 کھلاڑیوں کو چلتا کیا، جواب میں پاکستان ٹیم46.5 اوورز میں225 رنز پر ہی ہمت ہار گئی، خوش دل شاہ نے بولنگ کے بعد بیٹنگ میں بھی عمدہ کارکردگی پیش کرتے ہوئے61 رنزجوڑے، ذیشان ملک نے 47 اور کپتان محمد رضوان نے 46 رنز کے ساتھ مزاحمت کی،نعیم حسن نے 3، مصدق حسین اور شفیع الاسلام نے 2،2 وکٹیں حاصل کیں۔

ساؤتھ اینڈ پر کھیلے جانے والے میچ میں بارش کی مداخلت سے قبل ہانگ کانگ نے یو اے ای کے خلاف 31 اوورز میں 4 وکٹوں پر 87 رنز اسکور کیے تھے، پی سی بی کی جانب سے مناسب انتظام نہ ہونے کی وجہ سے گراؤنڈ میں کپڑوں کی مدد سے پچ پر جمع پانی خشک کرنے میں مصروف رہے جبکہ آف فیلڈ میں جگہ جگہ پرموجود پانی کو خشک کرنے کا کوئی انتظام نہیں تھا، دونوں ٹیموں کے کھلاڑی میدان سے پانی خشک ہونے کے منتظر رہے ۔تاہم امپائرز نے وکٹ کا معائنہ کے بعد کھیل کے قابل نہ ہونے کے سبب میچ ڈرا ہونے کا اعلان کردیا،کراچی میں ہونے والے گروپ ’بی‘ کے راؤنڈ مقابلوں میں پاکستان اور بنگلہ دیشں کو 3 میں سے 2 میچز میں کامیابی ملی ، ایک میں ناکام رہے، یو اے ای کی ٹیم کو ایک میچ میں کامیابی ، ایک میں شکست ہوئی جبکہ ایک میچ فیصلہ کن ثابت نہ ہوسکا، جیت کو ترس جانے والی ہانگ کانگ کی ٹیم دو میچز ہاری جبکہ تیسرا ہارجیت کے بغیر ختم ہوا، دوسری جانب گرو پ اے سے بھارت اور سری لنکا کی سیمی فائنل میں رسائی پالی،سیمی فائنلز 13 دسمبر کو سری لنکا کے شہر کولمبو میںکھیلیں جائیں گے۔

ایڈیلیڈ(سپورٹس ڈیسک/ایمرا نیوز) بھارت نے آسٹریلیا کو پہلے ٹیسٹ میں 31 رنز سے شکست دے دی, فتح کے ساتھ ہی بھارتی کپتان ویرات کوہلی انگلینڈ، جنوبی افریقا اور آسٹریلیا میں ٹیسٹ جیتنے والے پہلے ایشیائی کپتان بن گئے ہیں ۔

ایڈیلیڈ میں کھیلے گئے پہلے ٹیسٹ میں بھارت کی جانب سے پجارا نے شاندار بیٹنگ کا مظاہرہ کیا اور پہلی اننگ میں سنچری جبکہ دوسری اننگ میں نصف سینچری اسکور کی۔بھارت نے آسٹریلیا کو جیت کے لیے 323 رنز کا ہدف دیا جس کے جواب میں کینگروز ٹیم کھیل کے پانچویں اور آخری روز 291 رنز بنا کر پویلین لوٹ گئی۔شان مارش 60، مچل اسٹارک، پیٹ کمنس 28،28، اور مارکس ہیرس 26 رنز بنا کر آؤٹ ہوئے جب کہ نیتھن لیون 38 رنز کے ساتھ ناٹ آؤٹ رہے۔بھارت کی جانب سے محمد شامی، روی چندرن ایشون اور جیسپرت بھمبرا نے 3،3 جب کہ ایشانت شرما نے ایک وکٹ حاصل کی۔واضح رہے کہ بھارت اور آسٹریلیا کے درمیان 4 ٹیسٹ میچز کی سیریز کا یہ پہلا ٹیسٹ میچ تھا۔

لاہور(ایمرا نیوز)
انٹرویو:-شان علی
کرکٹ کی دنیا میں بوم بوم آفریدی کے نام سے شہرت پانے والے پاکستانی سٹار کرکٹر شاہد خان آفریدی کا نام دنیا کے بہترین آل راﺅنڈرز میں شمار ہوتا ہے۔ وہ یکم مارچ 1980ءکو کوہاٹ میں پیدا ہونے والے شاہد خان آفریدی کا پورا نام ”صاحبزادہ محمد شاہد خان آفریدی“ ہے اور وہ یکم مارچ 1980ءکو کوہاٹ میں پیدا ہوئے۔پورا نام عمر شاہد خان آفریدی ہے ۔ شاہد آفریدی نے کراچی کی گلیوں سے کرکٹ کا آغاز کیا۔آفریدی نے 1996ءمیں مشتاق احمد کے زخمی ہونے پر متبادل کی حیثیت سے بطور لیگ سپنر ون ڈے سے کیرئیر کا آغازکرنے والے سری لنکا کے خلاف دوسرے ہی میچ میں 37بالزپر تیز ترین سنچری کا ریکارڈقائم کر کے شہرت حاصل کی دنیا بھر میں ان کا ریکارڈ پہلے نیوزی لینڈ کے کورے اینڈرسن اور پھر جنوبی افریقہ کے ڈی ویلیئرز نے توڑا۔ ان کو یہ نام بھارت کے معروف کرکٹر اور کمنٹیٹر روی شاستری نے اس وقت دیا جب شاہد آفریدی نے بھارت کی سر زمین پرمحض 45گیندوں میں انڈیا کی خوب دھلائی کی۔

شاہد آفریدی نے ٹیسٹ ڈیبو 1998ءمیں آسٹریلیا کے خلاف کیا۔ انہوں نے 27ٹیسٹ میچوں میں 1716 رنز جن میں 5سنچروں اور 8نصف سنچریوں شامل ہیں، بہترین سکور 158 جبکہ 48وکٹیں حاصل کرنے میں کامیاب ہوئے۔ بہترین باﺅلنگ 52رنز کے عوض پانچ وکٹیں لیں۔ 398 ون ڈے میچز میں شاہد آفریدی نے 8064 رنزمیں 6سنچریاں 395وکٹیں حاصل کر کے وہ ون ڈے کرکٹ کے ساتویں کامیاب ترین باﺅلر بھی قرار پائے۔ بہترین باﺅلنگ 12رنز دیکر 7وکٹیں ہیں۔91ٹی ٹونٹی میچوں میں آفریدی نے 1315رنز 4نصف سنچریز کی مدد سے بنائے۔ وہ 91وکٹیں لیکر مختصر طرزکی کرکٹ کے کامیاب ترین باﺅلر قرار پائے اور بہترین باﺅلنگ 11رنز کے عوض 4وکٹیں ہیں۔

شاہد خان آفریدی ایسے کھلاڑی ہیں جن کا نام ذہن میں آتے ہی چھکوں کی بارش، چوکوں کی برسات اور دنیا کی پہلی تیز ترین سنچری کا خیال ذہن میں گونجتا ہے ۔ یہ دنیا میں سب سے زیادہ چھکے لگانے والے بیٹسمین اور کئی تیز ترین اننگز کھیلنے کے ساتھ ساتھ پاکستان کی جانب سے تیز ترین اور دنیا کی دوسری تیز ترین ٹیسٹ اور 9ویں تیز ترین نصف سنچری بنانے کا اعزاز بھی انہی کے نام ہے۔دنیا نے کرکٹ میں شاہد خان آفریدی نے اپنے آل راﺅنڈر ہونے کا لوہا منوایا۔

شاہد خان آفریدی جنہوں نے منفرد انداز سے دنیا کو ورطہ حیرت میں مبتلا کئے رکھا۔1999ءمیں بھارت کے خلاف چنئی میں ان کی کھیلی گئی شاندار سنچری جس کی بدولت پاکستان فتح سے ہمکنار ہوا کوکبھی فراموش نہیں کیا جا سکتا۔انہوں نے تیز ترین سنچریاں، نصف سنچریاں، کیرئیر میں سب سے زیادہ چھکے اور سب سے زیادہ سٹرائیک ریٹ کا عالمی ریکارڈ اپنے نام کرنے کا اعزاز حاصل کیا ہے۔ ایک کمزور پاکستانی ٹیم کی قیادت کرتے ہوئے ٹیم کو سیمی فائنل میں پہنچانے میں کامیاب رہے اور مذکورہ عالمی کپ میں سب سے زیادہ 21وکٹیں حاصل کرنے والے باﺅلر ہیں۔ شاہد آفریدی کی غیر مستقل مزاجی نے ان کے لئے کافی مشکلات پیدا کیں۔ انہوں نے 2015ءکے ورلڈ کپ کے بعد ون ڈے کرکٹ سے ریٹائرمنٹ لے لی۔پاکستان کرکٹ ٹیم کے سابق کپتان شاہد آفریدی کا کہنا ہے کہ جتنی انٹرنیشنل کرکٹ مجھے کھیلنا تھی میں کھیل چکا ہوں،اب میری توجہ ٹی ٹونٹی ہے میں ٹی ٹونٹی 20لیگز ہی کھیلوں گا۔

پاکستان کو سرفراز احمد جیسے فائٹر کپتان کی ضرورت ہے اور اگر بورڈ انہیں تینوں فارمٹ کیلئے ٹیم کا کپتان بنانا چاہتے ہیں تو یہ پاکستان کے لئے ایک خوش آئن قدم ہو گا۔

ابوظہبی: (سپورٹس ڈیسک/ایمرا نیوز) قومی کرکٹ ٹیم کے کپتان سرفراز احمد نے نیوزی لینڈ کیخلاف سیریز کی شکست کے بعد شدید رد عمل کا اظہار کرتے ہوئے ٹیسٹ ٹیم کی قیادت چھوڑنے کا عندیہ دے دیا۔ ان کا کہنا تھا کہ اب بہت ہو چکا لہٰذا نتائج کے بارے میں سنجیدگی سے سوچنا ہوگا۔قومی کپتان کے مطابق یہ کہنا فضول بات ہوگی کہ پلیئرز محنت نہیں کرتے یا کوچز بتاتے نہیں بلکہ اب وقت آگیا ہے کہ سب اپنی ذمہ داری کو سمجھیں۔ ٹیسٹ کرکٹ میں لمبی اننگز کے پلیئرز درکار ہیں جبکہ اوپنرز کو نئی گیند کے ساتھ وکٹ پر وقت گزارنے کی عادت ڈالنا ہوگی۔نیوزی لینڈ سے ٹیسٹ سیریز ہارنے کے بعد کپتان سرفراز احمد واپس گھر لوٹ آئے۔ صحافیوں سے گفتگو کرتے ہوئے انہوں نے کہا مواقع ملنے کے باوجود سیریز نہ جیت سکے، بیٹنگ میں زیادہ سکور کرنے کی ضرورت تھی، لمبی اننگز نہ کھیلنے کے باعث ٹیسٹ میں شکست ہوئی۔کپتان سرفراز احمد نے ہارنے کے باوجود نیوزی لینڈ کے سیریز کو اچھا قرار دیا اور اپنی کارکردگی پر گفتگو سے گریز کیا، اسد شفیق اور میر حمزہ بھی نجی ائیر لائن کی پرواز سے کراچی پہنچے۔

لاہور:(سپورٹس ڈیسک/ایمرا نیوز) قومی کرکٹ ٹیم کے چیف سلیکٹر انضمام الحق کا کہنا ہےکہ قومی ٹیم کی یہی پرفارمنس رہی تو ٹیم میں تبدیلیاں آئیں گی۔لاہور میں میڈیا سے گفتگو کرتے ہوئے انضمام الحق نےکہا کہ سب کو اپنی ذمہ داری نبھانا پڑے گی، ٹیم میں کوئی بھی ذمہ داری نہیں لے رہا، آخر میں آنے والے کھلاڑیوں کوبھی اپنا کام کرنا ہوگا کیونکہ ٹیل اینڈرز فائیٹ نہیں کررہے اور یہ کمزوری ہے، ایک سال سے ہم یہ دیکھ رہے ہیں ،اب اس پر کام کرنا ہوگا۔چیف سلیکٹر نے کہا کہ انٹرنیشنل کرکٹ دراصل پریشر ڈیل کرنے کا نام ہے اور ہم چوتھی اننگز کا دباؤ برداشت نہیں کرپارہے، نیوزی لینڈ کے خلاف تینوں میچز ہمارے ہاتھ میں تھے، اگر یہی پرفارمنس رہی تو ٹیم میں تبدیلیاں آئیں گی۔انضمام الحق کا کہنا تھا کہ جنوبی افریقہ کے لیے ٹیم کو اچھا پرفارم کرنا ہوگا۔انہوں نے مزید کہا کہ رضوان کو کیپنگ کے علاوہ بیٹسمین کے طور پر کھیلنے پر منتخب کیا، سرفراز پر دباؤ نہ ہو اس لیے رضوان کو بھی منتخب کیا، سرفراز کی قیادت میں ٹیم نے میچز جیتے ہیں۔انضام الحق کا کہنا تھا کہ امام الحق کو مجھ سے جوڑنا ٹھیک نہیں وہ اچھا کھلاڑی ہے اور ٹیم میں زیادہ عرصہ کھیل سکتا ہے۔واضح رہےکہ قومی ٹیم کو نیوزی لینڈ نے تین ٹیسٹ میچوں کی سیریز میں 1-2 سے شکست دی ہے اور اب قومی ٹیم نے جنوبی افریقہ سے ٹیسٹ سیریز کھیلنا ہے جس کا آغاز 26 دسمبر سے ہوگا۔