Tag Crime

لاہور(ایمرا نیوزآن لائن) ہالی ووڈ کرائم ڈرامہ فلم دی پوائزن روز(The Poison Rose)کا پہلاٹریلر جاری کردیا گیا ہے۔یہ فلم فرینسیسکو سنکوئیمانی کی ہدایتکاری میں بنائی گئی ہے۔ اس فلم کی کہانی ایک سابق فٹ بالر کے گرد گھوم رہی ہے ،جسے ٹیکساس میں واقع اسکے قصبے میں، ایک خاتون کی گمشدگی کی چھان بین کرنے کیلئے بھیجا جاتا ہے۔

فلم کی کاسٹ میں جوہن ٹریوولٹا،برینڈن فریسر،فیمکے جینسن،پیٹر اسٹورمیئر،رابرٹ پیٹرک اور کیٹ گراہم سمیت دیگر اداکار شامل ہیں۔جیف ایلیوٹ اور رچرڈ سیلویٹور کی مشترکہ پروڈیوس کردہ سنسنی خیز مناظر سے بھرپور یہ فلم 24مئی کو سینما گھروں میں نمائش کیلئے پیش کی جائے گی۔

کراچی(نیٹ نیوز/ایمرا نیوز) کراچی کے علاقے لیاقت آباد کے ایک گھر اور نارتھ کراچی میں مسلح ڈکیت آفس کا صفایا کر کے فرار ہو گئے، شہر میں مختلف کارروائیوں کے نتیجے میں 8 ملزمان گرفتار کر لیے گئے۔لیاقت آباد سندھی ہوٹل کے قریب دن دیہاڑے ڈکیتی کی واردات کی سی سی ٹی وی فوٹیج کے مطابق 3 موٹر سائیکلوں پر سوار 5 ملزمان اطمینان کے ساتھ گھر میں داخل ہوگئے۔ملزمان اسلحے کے زور پر اہل خانہ کو یرغمال بنا کر گھر میں موجود 4لاکھ روپے اور سونے کے زیورات لے کر فرار ہوگئے، جبکہ انہوں نے جاتے ہوئے گھر کے دروازے کو باہر سے لاک بھی کر دیا۔دوسری جانب نارتھ کراچی کے سیکٹر فائیو سی ون میں انٹرنیٹ سروس کے آفس میں 2 مسلح ڈکیت اسلحے کے زور پر لوٹ مار کر کے فرار ہوگئے۔اس واردات کی سی سی ٹی وی فوٹیج کے مطابق 2مسلح ڈکیت آفس میں داخل ہوئے جنہوں نے وہاں موجود افراد سے موبائل فون، نقد رقم اور دیگر قیمتی اشیاء لے کر فرار ہو جاتے ہیں۔ڈاکس کے علاقے سلطان آباد میں پولیس نے منشیات فروشی کے اڈے پر چھاپہ مار کر 3 منشیات فروشوں کو ہیروئن، چرس اور اسلحے سمیت گرفتار کر لیا جبکہ کارروائی کے دوران بدنام زمانہ منشیات فروش عظمت عرف کاکی 3 کلو چرس چھوڑ کر فرار ہو گیا۔سہراب گوٹھ اور میمن گوٹھ میں 2 منشیات فروش فقیر اور خورشید کو گرفتار کر کے 1 کلو سے زائد چرس برآمد کرلی۔تیموریہ پولیس نے کے بی آر سوسائٹی میں کارروائی کر کے 3 اسٹریٹ کرمنل علی، مدثر اور عمران کو اسلحے، موبائل فون اور موٹر سائیکل سمیت گرفتار کر لیا۔ہجرت سیکٹر 2 ڈی میں شادی کی تقریب میں ہوائی فائرنگ سے 25 سالہ شہباز زخمی ہو گیا۔

اسلام آباد (نیٹ نیوز/ایمرا نیوز) نئے سال کی آمد آمد ہے لیکن یہ معصوم بچیاں آج ایک سال بعد بھی اپنے والد کی راہ دیکھ رہی ہیں ، محمد حسن کو ایک سال قبل نامعلوم افراد نے قتل کردیاتھا جس کی لاش گاڑی سے ملی لیکن تاحال ملزمان گرفتار نہیں ہوسکے ۔

تفصیلات کے مطابق 28 سالہ محمد حسن ولد مختیار احمد جوکہ اسلام آباد کا رہائشی اور پراپرٹی کے کاروبار سے منسلک تھا۔ 25 دسمبر 2017ءکو اپنی گاڑی پر مارکیٹ جانے کے لئے گھر سے نکلا ، رات گئے تک واپس نہ آیا اور نہ ہی اس سے کوئی رابطہ ہوا لیکن اگلی صبح اپنی گاڑی میں مردہ حالت میں پڑا ہواملا جس پر مقامی پولیس کو اطلاع کی گئی۔ قتل کا مقدمہ تھانہ کراچی کمپنی اسلام آبادمیں 27-12-2017 کو درج کرلیا گیا لیکن تاحال قاتل پکڑے نہیں جا سکے۔

اہلخانہ کاکہناہے کہ محمد حسن کی تین بیٹیاں ہیں جو مختلف اوقات میں اکٹھی ہوکر اپنے والد کی قبر پر جاتی ہیں اور وہاں دن گزار تی ہیں، دیکھ بھال کرتی ہیں .

چنیوٹ: (نیٹ نیوز/ایمرا نیوز) چنیوٹ میں چوری کی انوکھی واردات، پالتو بلیاں چوری کرنے والا گروہ سرگرم ہو گیا جس نے بلی کے ذریعے شہری کا خوبصورت بیش قیمت بلا چرا لیا، پولیس نے شہری کی درخواست پر مقدمہ درج کر لیا۔چنیوٹ کے شہری امیر عمر نے تھانہ سٹی چنیوٹ پولیس کو تحریری درخواست میں اس بات کا انکشاف کیا ہے کہ چنیوٹ میں قیمتی پالتو بلیاں چوری کرنے والا گروہ متحرک ہے اور گزشتہ روز شہری کے گھر میں بلی بھیج کر بیش قیمت رشین بلے کو گروہ نے ورغلا کر چوری کر لیا ہے۔شہری کے مطابق بلے کو گھر سے باہر نکالنے کے لئے ملزمان نے بلی گھر کے اندر بھیجی گئی۔ بلی کے پیچھے پیچھے بلا گھر سے باہر آیا تو ملزمان موٹر سائیکل پر اٹھا کر بھاگ گئے۔بلے کے مالک کی درخواست پر تھانہ سٹی پولیس نے مقدمہ درج کر لیا ہے پبلک ریلیشن آفیسر وقاص مہناس کا کہنا ہے کہ تھانہ سٹی پولیس نے ملزمان کی تلاش شروع کر دی ہے۔ دوسری طرف بلے کے چوری ہونے کے بعد گھر میں بچوں نے رو رو کر برا حال کر لیا۔

KARACHI:(Net News/ Media 92 News) Authorities arrested two dacoits during an operation carried out Friday night here in the metropolis’ Liaquatabad No. 4 area, police confirmed.

The arrested dacoits, who are part of a four-member robbery group, have previously been arrested in different cases as well, police said.

Two pistols, five mobile phones, and a motorcycle were recovered from the arrested suspects, police added, noting that both of them have been involved in street crimes as well.

The motorcycle the police recovered had been stolen from North Karachi.

A search for the remaining two members of the four-strong gang is underway, police stated.