Tag daily express lahore

مظفرآباد(وقت نیوز آن لائن)صدرآزادکشمیر سردار مسعود خان نے یوم یکجہتی کشمیر پر اپنے پیغام میں کہاہے کہ دنیا کی کوئی طاقت کشمیریوں کو آزادی سے نہیں روک سکتی ۔
صدرآزادکشمیر سردارمسعود خان نے اپنے پیغام میں ہے کہ کشمیرمیں نوجوانوں کاقتل عام کیاگیا بچوں کو اغوا کیا گیا،9 لاکھ بھارتی قابض فوج کشمیریوں کو دہشتگردی کانشانہ بنا رہی ہے،کشمیریوں کا ساتھ دینے پر پاکستانی عوام کے مشکور ہیں ۔ وزیراعظم آزادکشمیر راجہ فاروق حیدر کاکہنا ہے کہ پانچ اگست کے بعداقدامات کشمیریوں نے مسترد کردیئے ،کشمیری عوام نے بھارتی مظالم کے سامنے سر نہیں جھکایا،راجہ فاروق حیدر کاکہنا ہے کہ کشمیر کے عوام نے بھارتی مظالم پر سرفخر سے بلند رکھا۔

(ایمرا نیوزآن لائن) فرض کیجئے آج چین میں چھائی کرونا کی قیامت خیزی کے دوران وزیراعظم کے معاون خصوصی برائے صحت ظفر مرزا کا لخت جگر، بھائی، بھتیجا، کسی دوست ،عزیز کا خونی رشتہ بیجنگ، شنگھائی، سینکیانگ،ارمچی، شیانزن، تیانجن گینگزو یا ہینگزو میں پھنسا ہوتا تو کیا ہوتا ؟ کیا موصوف پھر بھی وہ وسیع تر قومی مفاد اور خطے کی بھلائی کیلئے انہیں چین سے واپس نہ لانے کا موقف اختیار کرتے؟ چلئے چھوڑیئے ، اگر یہ صورتحال وزیر اعظم کے کسی بھانجے، جہانگیر ترین کے کسی دورکے رشتہ دار، شاہ محمود قریشی پر جاں نچھاور کرنے والےان کے کسی ہردلعزیز مرید پیروکار، شہزاد مرزا کےصاحبزادے، فواد چودھری کے عزیز، مراد سعید کے حلقہ کے سرگرم کارکن کے ساتھ پیش آتی تو کیا وہ اپنے بیانیہ پر قائم او رموجود رہ پاتے؟
یقین جانئے صورتحال بدلی ہوتی تو ظفز مرزا کو وسیع تر مفاد یاد ہوتا نہ خطے کی بھلائی، ایسی صورتحال میں وہ کبھی نہ کہہ پاتے کہ ملک اور خطے کے مفاد میں چین میں پھنسے پاکستانیوں کو وطن نہ لانے کا فیصلہ کیا ہے،اگر ایسا ہوتا تو پھر وقت کے جغادری کو نیوزی لینڈ ، امریکہ، برطانیہ کی مثالیں یاد آجاتیں کہ جنھوں نے فوری طور پر اپنے شہریوں کو چین کے قیامت خیز حالات سے نکالنے کا فیصلہ کیا،اگر ایسا ہوتا تو عام پاکستانیوں کے لئے سوئی ڈیزاسٹر منیجمنٹ اتھارٹی بھی جاگ اٹھتی، ملک میں ایمرجنسی نافذ ہو جاتی، دورکسی صحرا میں یا پہاڑوں پر آئی سولیشن سینٹر ڈکلیئر کیا جاتا اور چین میں پھنسے بے چارے پاکستانیوں کوانسانی ہمدردری اور قومی فریضہ کی ادائیگی کے تحت وہاں منتقل کردیا جاتا، لیکن بدقسمتی سے ایسا نہیں ہے۔۔۔
کرونا کے عذاب میں گرفتار چین میں پھنسے پاکستانیوں میں سے کوئی ایک بھی ظفر مرزا کا قریبی ہے ناوزیر اعظم کا بھانجا، نا جہانگیر ترین کا رشتہ دار اورنا ہی شاہ محمود قریشی کا مرید ہے ۔ پھنسے ہوئے پاکستانیوں میں کوئی فواد چودھری کا عزیز یا مراد سعید کے حلقے کا سرگرم کارکن بھی نہیں،یہ وہ عام پاکستانی ہیں جو اپنی آنکھوں میں چھبتے بہتر زندگی کے خوابوں کی تعبیر کیلئے سستی مگر معیاری اعلیٰ تعلیم کی بھٹی میں خود کو جھونکنے کیلئے چین میں عرصے سے مقیم ہیں،ان میں وہ بھی شامل ہیں جو ملک کے بازاروں کو سستی چینی ٹیکنالوجی سے سجانے اور بال بچوں کیلئے روٹی روزی کا بندوبست کرنےسرحد پار گئے ہیں۔ معاون خصوصی کو شاید بہت کم لوگ ہی جانتے ہوں مگرقوم فی الحال ان کی پہچان نہیں بھولی جنھوں نے اقتدارسے پہلے تبدیلی کے نام پر لمبے لمبے بھاشن دیئے، سہانے خواب دکھا ئے اورایک نئے پاکستان کا مژدہ جانفزا سنایا، یہی بازی گر آج کل اسلام آباد کے ایوانوں سے قوم کو ریاست مدینہ کی گونج سنا رہے ہیں ،قوم کے ان کرم فرماؤں سے یہ پوچھنا تو بنتا ہے کہ بدترین حالات میں پھنسے پاکستانی کیا خود ساختہ ریاست مدینہ کی ذمہ داری نہیں؟
اپوزیشن کی مخالفت کے باوجود اور حکومت کے اس اقدام کو اقدام قتل کے برابر قرار دینے پر بھی وزیر اعظم کے معاون خصوصی ظفر مرزا اپنے موقف پر ڈٹے نظر آئے ،گزشتہ روز انہوں نے سینٹ کمیٹی کے روبرو کہا عالمی ادارہ صحت نے خبردار کیا ہے کہ چین میں موجود پاکستانی شہریوں کو وطن واپس لائے تو کورونا وائرس کےپھیلاؤ پر قابو پانا ممکن نہیں رہے گا۔وسیع تر قومی مفاد میں قوم کے بچوں کو موت کے جنگل میں بے آسرا چھوڑنے والے ان بھاشن بازوں کو یہ بتانا ضروری ہے کہ ڈبلیوایچ اونےسنگین وائرس کےباوجود چین سےسرحدوں کی بندش کوغیرضروری قراردیاہے۔عالمی ادارہ صحت کاموقف ہےکہ اگرچین کے ساتھ سرکاری سرحدیں بند کردی گئیں تو وائرس سےمتاثرہ افراد کی ٹریکنگ مشکل ہو جائیگی۔دوسری جانب امریکہ،برطانیہ اوردیگر یورپی ممالک اپنےشہریوں کوتمام خطرات کے باوجود باہر نکال رہے ہیں۔اپنےشہریوں کو سنگین صورتحال سےباہر نکالنےوالوں میں نیوزی لینڈ،انڈونیشیا،فلپائن،جاپان،آسٹریلیابھی شامل ہیں۔عرب ٹی وی الجزیرہ نےاپنی ایک رپورٹ میں نشاندہی کی ہےکہ پاکستان کی حکومت نے تعلیم اورکاروبارکیلئےچین میں پھنسے30ہزارپاکستانیوں کو مہلک وائرس سے بچانے کیلئے تاحال فیصلہ نہیں کیا۔
عالمی سیاست کے خدوخال میں دوسرے ملکوں کی پالیسیوں کے جائزے کے بعد ہمیں یہ بات اچھی طرح سمجھ لینی چاہئے کہ اگر حکومت نے چین میں پھنسے پاکستانیوں کو وطن واپس لانے کا فیصلہ نہ کیا اور انہیں حالات کے رحم و کرم پر چھوڑ دیا تویقین جانئے دنیا انسانی حقوق اور فلاحی ریاست کے معاملے میں ہم پر کبھی بھی اعتبار نہیں کریگی۔کرونا کا خطرہ بڑا ہو یا چھوٹا فی الوقت اقوام عالم کا چلن انخلا ہے۔اس لئے ہمالیہ سے بلند پاک چین دوستی اوراعتبار کے مضبوط رشتے کے باوجود ہمیں پھنسے پاکستانیوں کوواپس لانا ہے،حکمران یاد رکھیں یہ اقدام جہاں دنیا کے ساتھ قدم سے قدم ملا کر چلنے کے برابر ہوگا ،وہیں اپنے پیاروں کی آس میں نم دیدہ مائیں ، بہنیں اور بیٹیوں کے چہروں پر مسکان لانے کا انتظام بھی ۔

(وقت نیوز آن لائن) ماضی کی معروف اداکارہ انجمن شاہین کو ان کے شوہر نے ایک طلاق دی ہے تاہم اداکارہ نے خبروں کی تردید کی ہے۔
وسیم علی عرف لکی علی نے اداکارہ انجمن شاہین سے گزشتہ سال جولائی میں پسند کی شادی کی تھی لیکن اطلاعات ہیں کہ وسیم علی نے انجمن کو ایک طلاق دے دی ہے جس کی تصدیق لکی علی اور انجمن کے مشترکہ فلمی دوست نے بھی کی ہے۔

وسیم علی نے خود بھی تصدیق کرتے ہوئے کہا کہ انہوں نے انجمن کو پہلی طلاق دے دی ہے تاہم انہوں نے طلاق کی وجوہات بتانے سے انکار کیا۔دوسری جانب اداکارہ انجمن نے طلاق کی تردید کرتے ہوئے کہا کہ اپنے شوہر وسیم کے ہمراہ رواں ہفتے عمرے کی ادائیگی کے لیے جارہی ہوں، انہوں نے یہ بھی کہا کہ اللہ پاک جھوٹی خبریں پھیلانے والوں کو ہدایت دے۔

ذرائع کے مطابق دونوں کے درمیان کافی عرصے سے اختلافات چل رہے تھے اس حوالے سے لکی علی اور انجمن کے مشرکہ فلمی دوست نے بھی طلاق دئیے جانے کی تصدیق کی ہے۔ میں نے اس عمر میں شادی کے لیے اپنے بچوں سے پہلے اجازت لی ہے، اداکارہ انجمن واضح رہے کہ وسیم علی عرف لکی علی اور انجمن گزشتہ سال جون میں رشتہ ازدواج میں منسلک ہوئے تھے جب کہ انجمن شاہین کو اُن کے شوہروسیم لکی نے حق مہرکے طور پر دو کروڑ روپے، ہنڈا کار، دو کنال کا گھر، اسلام آباد کی ہاؤسنگ سوسائٹی میں 20 پلاٹس دیئے ہیں۔

اسلام آباد(وقت نیوز آن لائن)سپریم کورٹ میں پنجاب56 کمپنیاں مبینہ کرپشن و بے ضابطگیوں سے متعلق کیس میں چیف جسٹس گلزاراحمد نے ریمارکس دیتے ہوئے کہا کہ کسی زمانے میں ایسٹ انڈیا کمپنی چلاکرتی تھی ،آخر میں اس ایسٹ انڈیا کمپنی نے کیا کیا ،آپ بھی ایسٹ انڈیا والی چیزیں شروع کررہے ہیں ،پنجاب حکومت کو کافی وقت مل گیاہے اب اس مسئلے کو حل کرے ۔
تفصیلات کے مطابق سپریم کورٹ آف پاکستان میں پنجاب 56 کمپنیاںمبینہ کرپشن وبے ضابطگیاں کیس کی سماعت ہوئی،پنجاب حکومت نے 56 کمپنیوں میں سے غیرضروری کمپنیوں کو ختم کرنے کافیصلہ کیا ہے،ایڈووکیٹ جنرل نے حکومت پنجاب کے فیصلے سے عدالت کو آگاہ کردیا،ایڈووکیٹ جنرل نے کہا کہ جن کمپنیوں کی ضرورت نہیں انہیں بند کردیا جائے گا،چیف جسٹس گلزاراحمد نے استفسار کیا کہ تمام کمپنیوں کوبند کیوں نہیں کررہے ؟،کیاپنجاب حکومت اپنے قوانین پر کمپنیوں کے ذریعے عمل کروائے گی ۔چیف جسٹس پاکستان نے ریمارکس دیتے ہوئے کہا کہ کسی زمانے میں ایسٹ انڈیا کمپنی چلاکرتی تھی ،آخر میں اس ایسٹ انڈیا کمپنی نے کیا کیا ،آپ بھی ایسٹ انڈیا والی چیزیں شروع کررہے ہیں ،پنجاب حکومت کو کافی وقت مل گیاہے اب اس مسئلے کو حل کرے ۔چیف جسٹس گلزاراحمد نے کہاکہ سپریم کورٹ نے کچھ کمپنیوں کے سربراہان سے پیسے واپس لینے کا حکم دیاتھا،کچھ لوگوں نے عدالتی فیصلے کے باوجود تنخواہیں اورمراعات واپس نہیں کیں۔پراسیکیوٹرجنرل نیب نے کہا کہ جن لوگوں نے پیسے واپس نہیں کئے ان کیخلاف ریفرنس دائر کردیئے ہیں ،سپریم کورٹ نے کیس کی سماعت ایک ماہ تک ملتوی کردی۔

اسلام آباد (ایمرا نیوزآن لائن) پاکستان میں تعینات چینی سفیر یاﺅ جنگ کا کہنا ہے کہ پاکستان اور چین کے مابین فلائٹس کرونا وائرس کی وجہ سے نہیں بلکہ بہار کے جشن کی وجہ سے ملتوی کی گئی تھیں، پاکستان کا اپنے شہریوں کو واپس نہ بلانا ایک ذمہ دارانہ فیصلہ ہے۔
پاکستانی ایف ایم ریڈیو 98 سے گفتگو کرتے ہوئے چینی سفیر کا کہنا تھا کہ پاکستان میں کرونا وائرس کا کوئی بھی کیس سامنے نہیں آیا، جو مشتبہ کیسز رپورٹ ہوئے تھے ان میں بھی کرونا وائرس کی تصدیق نہیں ہوئی ، چین سے پاکستان آنے والے تمام شہریوں کو 2 ہفتے کیلئے آئسولیشن میں رکھا جارہا ہے تاکہ اگر کسی کو یہ مسئلہ ہو تو اس کی تشخیص ہوسکے ۔
انہوں نے کہا کہ چین میں مقیم 4 پاکستانی طلبہ میں کرونا وائرس کی تصدیق ہوئی ہے، اس حوالے سے پاکستانی حکومت اور چینی سفارتخانہ مکمل رابطے میں ہیں، چین پاکستانی طلبہ کے ساتھ اپنے شہریوں جیسا سلوک کر رہا ہے، پاکستان کا اپنے شہریوں کو واپس نہ بلانا ایک ذمہ دارانہ فیصلہ ہے۔
چین میں کرونا وائرس کی صورتحال کے حوالے سے گفتگو کرتے ہوئے یاﺅ جنگ کا کہناتھا کہ اس وقت چین میں کرونا وائرس کے خلاف مہم پہلی ترجیح بنی ہوئی ہے، مریضوں کی تعداد میں اضافہ ہورہا ہے اور صحتیاب ہونے والوں کی شرح کم ہے۔

اسلام آباد(وقت نیوزآن لائن) متحدہ عرب امارات نے پاکستان کو کامیاب جواب پروگرام کے لیے 20 کروڑ ڈالر دینے کا اعلان کردیا۔
ایکسپریس کے مطابق متحدہ عرب امارات کی حکومت نے حکومت پاکستان کو کامیاب جوان پروگرام میں تعاون کی غرض سے بڑی پیشکش کردی۔ یو اے ای کے سفیر نے وزیراعظم کے معاون خصوصی عثمان ڈار سے ملاقات کی اور پاکستانی نوجوانوں کے لیے 200 ملین ڈالرز کی رقم دینے کا اعلان کیا۔
رقم کا وعدہ ابو ظہبی کے کراؤن پرنس محمد بن زید النہیان کی جانب سے حالیہ دورہ کے دوران کیا گیا تھا۔ متحدہ عرب امارات کے سفیر نے عثمان ڈار سے ہونے والی ملاقات میں گفتگو کرتے ہوئے کہا کہ پاکستانی نوجوانوں میں بے پناہ ٹیلنٹ اور صلاحیت دیکھی ہے، پاکستان سے مل کر نوجوانوں کی تعمیر و ترقی کے لیے کردار ادا کریں گے، پاکستانی نوجوانوں کے لئے عملی اقدامات کا آغاز جلد کیا جا رہا ہے۔
یو اے ای کے سفیر نے پاکستان کے ساتھ یوتھ ایکسچینج پروگرم شروع کرنے کا بھی اعلان کرتے ہوئے پاکستانی نوجوانوں کے وفد کو متحدہ عرب امارات بھیجنے پر اتفاق کیا۔ سفیر نے کہا کہ پاکستانی نوجوانوں کو انٹرپرینیور شپ سمیت آرٹی فیشل انٹیلی جنس کی مہارت سکھائی جائے گی۔ ساتھ ہی متحدہ عرب امارات نے پاکستانی نوجوانوں کو دبئی ایکسپو 2020ء میں بھی شراکت دار بنانے کی پیشکش کی۔
ملاقات میں فیصلہ کیا گیا کہ دبئی ایکسپو 2020ء میں پاکستانی نوجوانوں کو خصوصی پویلین دئیے جائیں گے، مستقبل میں ہنرمند نوجوانواں کو شاندار مواقع فراہم کریں گے۔
معاون خصوصی عثمان ڈار نے کامیاب جوان پروگرام میں تعاون کی پیشکش کا خیر مقدم کرتے ہوئے کہا کہ وزیراعظم کے ویژن کے مطابق نوجوان طبقے کو اوپر اٹھانا ہے، ملکی تاریخ میں پہلی بار نوجوانوں پر خطیر سرمایہ کاری کی جارہی ہے۔

اسلام آباد(وقت نیوز آن لائن)پاکستان مسلم لیگ(ن) کے ڈپٹی سیکرٹری جنرل عطاءاللہ تارڑ نے وزیر اعظم عمران خان کے معاون خصوصی برائے احتساب شہزاد اکبر کو چیلنج دیتے ہوئے کہا ہے کہ وہ کسی عدالت میں نہیں بلکہ ٹی وی ٹاک شو پر ہی آکر ثابت کردیں کہ اسلام آباد ائیر پورٹ کے ٹھیکے کے پیسے چوہدری شوگر مل گئے تو میں نہ صرف ن لیگ کا دفاع کرنا چھوڑ دوں گا بلکہ پارٹی سے بھی استعفی دے دوں گا۔
نجی ٹی وی کے پروگرام میں گفتگو کرتے ہوئے عطا ءاللہ تارڑ نے کہا کہ ڈیلی میل کیس میں وزیر اعظم عمران اور شہزاد اکبر کو بھی پارٹی بنایا جا سکتا ہے، ابھی دائرہ کار کا مسئلہ تھاکیونکہ وزیراعظم عمران خان اور شہزاد اکبر پاکستانی شہری ہیں، یہ حقیقت ہے کہ ڈیوڈ روز کو جیل میں بندوں تک رسائی دی گئی ،اس لئے یہ بات خارج از امکان نہیں کہ وزیر اعظم عمران خان اور شہزاد اکبر کو کیس میں پارٹی بنایا جائے،ن لیگ اپنی وکلا ٹیم کے ساتھ مشاورت کرے گی جس کے بعد وزیراعظم عمران خان اور مشیر برائے احتساب کو بھی پارٹی بنایا جا سکتا ہے۔ چوہدری شوگر مل معاملے پر مسلم لیگ (ن) کے ڈپٹی سیکرٹری جنرل عطاتارڑ نے شہزاد اکبر کو چیلنج دیا کہ کسی عدالت میں نہیں ٹاک شو پر ہی آکر ثابت کردیں کہ اسلام آباد ائیر پورٹ کے ٹھیکے کے پیسے چوہدری شوگر مل گئے تو میں ن لیگ کا دفاع کرنا چھوڑ دوں گا اور پارٹی سے استعفی دے دوں گا اور اگر نہ کرسکے تو شہزاد اکبر استعفی دیں

کراچی(ایمرا نیوز آن لائن) دسمبر 2019 کے اختتام پر تارکین وطن کی ترسیلاتِ زر 2.09 ارب ڈالر رہیں۔ بیرون ملک مقیم پاکستانیوں کی جانب سے بھیجء گئی رقوم کا یہ حجم 7 ماہ میں سب سے زیادہ ہے۔اسٹیٹ بینک آف پاکستان کی جانب سے گذشتہ روز ( ہفتے کو) جاری کردہ رپورٹ کے مطابق دسمبر میں تارکین وطن کی جانب سے بھیجی گئی رقوم نومبر 2019 کے مقابلے میں 15 فیصد اور دسمبر 2018ء کے مقابلے میں 20 فیصد زیادہ رہیں۔ ایک بڑے بینک کے ترسیلات زر کے شعبے کے سربراہ کے مطابق بیرون ممالک میں مختلف کمپنیوں میں پاکستانیوں کو ملنے والی ملازمتوں نے ترسیلات میں اضافے میں اہم کردار ادا کیا ہے۔

بیورو آف امیگریشن اینڈ اوورسیز ایمپلائمنٹ کے مطابق 31 دسمبر 2019 کو ختم ہونے والے سال میں اوسطاً یومیہ 1700 پاکستانی بیرون ممالک میں ملازمتیں حاصل کرنے میں کام یاب رہے۔ 2018 میں یہ اوسط 1000 افراد یومیہ تھی۔

بیورو آف امیگریشن اینڈ اوورسیز ایمپلائمنٹ کی ویب سائٹ پر موجود اعدادوشمار کے مطابق گذشتہ برس 625203 پاکستانی محنت کش روزگار کے سلسلے میں بیرون ملک گئے۔ 2018 میں یہ تعداد 382439 تھی۔ 2019 میں بیرون ممالک میں روزگار کمانے والے پاکستانیوں کی تعداد بڑھ کر 11.11 ملین ہوگئی۔

دسمبر 2019 کے دوران سعودی عرب سے کارکنوں نے 472.94 ملین ڈالر، عرب امارات سے 427.56 ملین ڈالر، امریکا سے 357.45، برطانیہ سے324.57، گلف کے ممالک سے 205.73 ملین ڈالر اور یورپی ممالک سے 56.42 ملین ڈالر وطن بھیجے۔ملائیشیا، ناروے، سوئٹزرلینڈ، آسٹریلیان، کینیڈا، جاپان اور دیگر ممالک سے تارکین وطن نے 252.56 ملین ڈالر پاکستان بھیجے۔

رواں مالی سال کے ابتدائی 6 ماہ ( جولائی تا دسمبر) میں ترسیلاتِ زر کا مجموعی حجم 3 فیصد اضافے سے 11.39 ارب ڈالر رہا۔ گذشتہ مالی سال کے اسی عرصے میں باہر سے آنے والے رقوم کا حجم 11.03 ارب ڈالر رہا تھا۔

ٹورس سیکیورٹیز کے ڈپٹی ہیڈ آف ریسرچ مصطفیٰ مستنصر نے کہا کہ دسمبر میں ترسیلاتِ زر میں اضافے کا تعلق سردیوں کی تعطیلات سے ہے۔ ہر برس اس موسم میں تعطیلات کی وجہ سے کارکنان اپنے گھروں کو زیادہ رقم بھیجتے ہیں۔ بیشتر ممالک میں اس موسم میں، اور خاص طور پر کرسمس کی تعطیلات میں فروخت کا حجم بڑھ جاتا ہے۔ اسی وجہ سے آجر اپنے ملازمین کو بونس بھی دیتے ہیں۔ اور یوں وہ اپنے گھروں کو زیادہ رقم بھیجنے کے قابل ہوجاتے ہیں۔

لاہور(ایمرا نیوز آن لائن) قومی کرکٹر عماد بٹ کا کہنا ہے کہ قومی ٹیم میں عبدالرزاق کی کمی پوری کرنے کی کوشش کروں گا۔
قذافی اسٹیڈیم میں میڈیا سے بات کرتے ہوئے قومی کرکٹر عماد بٹ کا کہنا تھا کہ جنوبی افریقا کے جیک کیلس میرے فیورٹ کھلاڑی ہیں، پاکستان کے لیے کھیلنا کسی کے لیے بھی اعزاز کی بات ہوتی ہے، بنگال ٹائیگرز کے خلاف موقع ملا تو بہترین کارکردگی دکھانے کی کوشش کروں گا۔عماد بٹ کا کہنا تھا کہ عبدالرزاق کی کمی ضرور محسوس ہوتی ہے، گرین شرٹس میں یہ خلا پوری کرنے کی کوشش کروں گا، میں کسی ایک شعبے میں نہیں بلکہ بیٹنگ بولنگ اور فیلڈنگ تینوں میں نام کمانا چاہتا ہوں، خواہش ہے کہ بطور آل راؤنڈر پہچانا جاؤں۔ عماد بٹ نے کہا کہ پاکستان میں اپنے کراؤڈ کے سامنے کھیلنا اعزاز کی بات ہے، بنگلا دیش اچھی ٹیم ہے، عمدہ پرفارمنس دینے کی کوشش کریں گے۔ ایک سوال پر انہوں نے کہا کہ کوشش ہوتی ہے کہ اچھا پرفارم کر کے سیلکٹرز کے اعتماد پر پورا اتروں۔

وہان (وقت نیوز آن لائن) تبدیلی سرکار ایک مرتبہ پھر ناکام دکھائی دے رہی ہے اور کرونا وائرس پھیلنے کے خدشے کے پیش نظر چین میں پھنسے پاکستانیوں کو بھی واپس لانے سے گریزاں ہیں جس کی وجہ سے وہاں محصور پاکستانی طلبا برس پڑے ہیں جن کی نئی ویڈیو سامنے آگئی ہے ۔یہاں یہ امر بھی قابل ذکر ہے کہ کرونا وائرس کے خطرے کے پیش نظر پاکستان نے چین کیلئے فضائی آپریشن معطل کردیا ہے جبکہ وزیراعظم کے معاون خصوصی برائے صحت ڈاکٹر ظفر مرزا کا کہنا ہے کہ کرونا وائرس پھیلاو کے خدشے کے پیش نظر لوگوں کو چین سے نہیں نکال رہے ہیں۔