Tag daily express

ہالی ووٹڈ(وقت آن لائن)ڈبلیو ڈبلیو ای چیمپئن سے ہولی وڈ کے سب سے زیادہ کمانے والے اداکار ڈیوائن جونسن المعروف دی راک کے والد روکی جونسن کا رواں سال 15 جنوری کو 75 سال کی عمر میں اچانک انتقال ہوگیا تھا۔
ڈیوائن جونسن کے والد سابق ریسلر روکی جونسن کے انتقال کے بعد انٹرنیٹ پر یہی سوالات سامنے آئے کہ اداکار کے والد کا اچانک انتقال کیسے ہوا جس کے بعد اب ڈیوائن جونسن نے ایک ویڈیو کے ذریعے اپنے والد کے انتقال کی وجہ مداحوں کو بتادی۔
اداکار نے انکشاف کیا کہ ان کے والد کا اتنقال چند طبی پیچیدگیوں کے باعث ہوا۔
ان کا کہنا تھا کہ ‘جیسے کہ سب جانتے ہیں کہ چند روز قبل میرے والد اس دنیا سے چل بسے، مجھے انہیں علوداع کہنے کا موقع تک نہیں ملا’۔
اداکار کے مطابق ‘میں چاہتا ہوں کہ مجھے بس ایک موقع مل جائے تاکہ میں انہیں گلے لگا سکوں، انہیں چوم سکوں، اور ان کا شکریہ ادا کرنے کے ساتھ یہ بتاؤں کہ میں ان سے کتنی محبت کرتا ہوں اور کتنا احترام کرتا ہوں، مجھے یہ کہنے کا موقع نہیں ملا، لیکن شاید یہی زندگی ہے’۔
47 سالہ ڈیوائن جونسن نے ویڈیو میں اپنے والد کے ساتھ گزارے خوشگوار لمحات کی یادیں بھی مداحوں کے ساتھ شیئر کی۔
ڈیوائن جونسن کے مطابق ان کے والد کی طبیعت ٹھیک نہیں رہتی تھی، انہیں کافی سردی لگتی، ان کی ٹانگ کی رگوں میں خون جمع ہوگیا تھا، جو بعدازاں پھیپھڑوں تک پہنچ گیا اور فوری دل کا دورہ پڑنے سے ان کا انتقال ہوگیا۔
انہوں نے بتایا کہ ‘میرے والد ایک پروفیشنل ریسلر تھے جو ہمیشہ کہتے تھے کہ کوئی ایک دن بھی اگر تکلیف کے بغیر گزر جائے تو سمجھو وہ دن دھوپ کے بغیر گزر گیا’۔
مداحوں کے ساتھ ساتھ ڈیوائن جونسن کے قریبی ساتھیوں نے بھی اس ویڈیو پر کمنٹ کیے اور اداکار کو مضبوط رہنے اور حوصلہ رکھنے کے پیغامات دیے۔
انہوں نے کہا کہ ‘باپ اور بیٹے کا رشتہ نہایت خوبصورت اور انوکھا ہوتا ہے، میرے والد کو مجھ سے بہتر کوئی نہیں سمجھ سکتا’۔
اداکار کے مطابق ان کے والد کا انتقال ‘deep vein thrombosis’ نامی بیماری کی وجہ سے ہوا۔

اسلام آباد (میڈیا 92نیوز آن لائن) وفاقی حکومت نے صدارتی آرڈیننس منظور کرنے پر عدالت میں جواب جمع کرادیا،سیکرٹری وزارت قانون وانصاف نے صدارتی آرڈیننسزپرعدالت کوجواب جمع کرایا،جواب میں کہاگیا ہے کہ صدر کو آئین میں آرڈیننس کے ذریعے قانون سازی کا اختیار حاصل ہے، صدر کو آئین میں آرڈیننس پاس کرنے پر کوئی قدغن نہیں۔
تفصیلات کے مطابق اسلام آبادہائیکورٹ میںمسلم لیگ ن کی حکومتی صدارتی آرڈیننس کیخلاف درخواست پر سماعت ہوئی،حکومت کی جانب سے سینئر وکیل بابراعوان عدالت میں پیش ہوئے،سینیٹر رضاربانی بھی عدالت میں پیش ہوئے۔ وفاقی حکومت نے صدارتی آرڈیننس منظور کرنے پر عدالت میں جواب جمع کرادیا،سیکرٹری وزارت قانون وانصاف نے صدارتی آرڈیننسزپرعدالت کوجواب جمع کرایا،جواب میں کہاگیا ہے کہ صدر کو آئین میں آرڈیننس کے ذریعے قانون سازی کا اختیار حاصل ہے، صدر کو آئین میں آرڈیننس پاس کرنے پر کوئی قدغن نہیں۔
عدالت کی ڈاکٹر بابراعوان کو آئندہ سماعت پر دلائل دینے کی ہدایت کردی،رضا ربانی نے استدعا کی کہ تجاویز تیار کرنے کیلئے کچھ وقت دیا جائے ،عدالت نے رضاربانی کی استدعا منظور کرتے ہوئے سماعت 18 فروری تک ملتوی کردی۔

اسلام آباد (میڈیا 92نیوز آن لائن) اقتصادی رابطہ کمیٹی نے آٹے کے بحران سے نمٹنے کیلئے 3 لاکھ ٹن گندم درآمدکرنے کی منظوری دیدی،ترجمان وزارت خزانہ کاکہنا ہے کہ پہلا جہاز گندم لے کر 15فروری کو پاکستان پہنچے گا۔
تفصیلات کے مطابق مشیر خزانہ حفیظ شیخ کی زیر صدارت اقتصادی رابطہ کمیٹی کا اجلاس ہوا،اجلاس میں اقتصادی رابطہ کمیٹی نے 3 لاکھ ٹن گندم درآمد کرنے کی منظوری دے دی،ترجمان وزارت خزانہ کاکہناہے کہ پنجاب اور پاسکو کو ذخائر سے گندم ریلیز کرنے کی ہدایت کردی ہے،درآمد شدہ گندم کی پاکستان آمد 31مارچ تک مکمل ہوگی،پہلا جہاز گندم لے کر 15فروری کو پاکستان پہنچے گا۔
ذرائع کامزیدکہنا ہے کہ آج درآمدکنندگان کوگندم لائسنس جاری کردیاجائےگا،ای سی سی نے بغیر ریگولیٹری ڈیوٹی کے گندم کی درآمد کی اجازت دی،سٹیٹ بینک تمام بینکوں کودرآمدکیلئے ایل سی کی ہدایات جاری کرےگا۔
ذرائع کاکہناہے کہ روایتی طور تمام امورکوطے کرنے میں15سے 20 دن لگتے ہیں،جاری آٹابحران کی وجہ سے تمام امور48 گھنٹوں میں مکمل کئے جائیں گے۔ذرائع کامزیدکہناہے کہ یوکرائن سے گندم جلدپاکستان لائی جاسکتی ہے،اس حوالے سے مشاورت جاری ہے جبکہ آسٹریلیااورامریکہ سے گندم آنے میں50دن سے زیادہ کاعرصہ درکار ہے۔

اسلام آباد(وقت آن لائن) وزیراعظم عمران خان نے بے نظیر انکم سپورٹ پروگرام سے فائدہ اٹھانے والے سرکاری افسران کے نام عوام کے سامنے ظاہر کرنے کا حکم دے دیا۔

حکومت نے بے نظیر انکم اسپورٹ پروگرام میں فراڈ کرنے والے سرکاری افسران کے خلاف کارروائی شروع کردی۔

پروگرام سے نکالے گئے سرکاری افسران کی رپورٹ وزیراعظم کو پیش کی گئی تو عمران خان نے معاملے پر شدید اظہار برہمی کرتے ہوئے ملوث سرکاری افسران کے نام پبلک کرنے کی ہدایت دے دی۔

وزیراعظم نے کہا کہ غریبوں کا حق لوٹنے والوں کو چھوٹ نہیں دے سکتے، لوٹ مار کرنے والوں کے نام قوم کے سامنے لائے جائیں۔

فیروزوالہ(ایمرا نیوز آن لائن + رپورٹ :عمر فاروق)فیروزوالہ کالا خطائی کے علاقہ جاوید پارک میں کرنٹ لگنے سے چار سالہ علی حسن ہلاک ہو گیا۔اہل علاقہ نے سپرنٹنڈنٹ، ایس ڈی او سے بار بار منت سماجت کی کہ ہمارے علاقے

میں جو تاروں کا جال ہے اس کو ہٹا دو لیکن ظالم اس رشوت نے واپڈا کو یہ کہنے پر مجبور کر دیا کہ ہم بغیر روپے لئے یہ کام نہیں کریں گے۔ واپڈا کی بے حسی کی وجہ سے ننھے چار سالہ علی حسن کی جان گئی ۔اس حادثے کے بعد بھی

پولیس سمیت واپڈا کا کوئی اہلکار بھی موقع پر موجود نہیں تھا اہل محلہ کا وزیر اعظم عمران خان اور وزیر اعلیٰ سے اپیل کی گئی ہے کہ لائین مین عبدالغفور اور سپرنٹنڈنٹ کے خلاف مقدمہ درج کر ے اور اس کوتاہی کی وجہ سے ان پر مقدمہ بھی درج کیا جائے۔

گجرات(ایمرا نیوز آن لائن) نواحی گاؤں آچھ گوچھ میں گھر میں آگ لگنے سے ایک ہی خاندان کے 6 افراد جھلس کر جاں بحق ہوگئے۔ میڈیا کے مطابق گجرات کے نواحی گاؤں آچھ گوچھ میں اتوار کی صبح ایک گھر سے نکلنے والے دھوئیں نے اہل علاقہ کو اپنی طرف متوجہ کیا۔

اہل علاقہ گھر میں داخل ہوئے تو دیکھا کہ آگ اس کمرے میں لگی ہے جہاں گھر کے 6 نوجوان لڑکے لڑکیاں سو رہے تھے۔پولیس کا کہنا ہے کہ جاں بحق ہونے والوں کی عمریں 20 سے 22 سال کے درمیان ہیں اور ان کی شناخت امانت علی، کاشف، زوبیہ، مدیحہ، فیصل اور ظہیر کے ناموں سے ہوئی ہے۔ تمام افراد کی موت کمرے میں اچانک آگ لگنے سے ہوئی۔

اٹلانٹا(ایمرا نیوز آن لائن) امریکا میں کی گئی ایک سماجی تحقیق سے معلوم ہوا ہے کہ اگر محنت کشوں کی تنخواہوں یا معاوضوں میں صرف ایک ڈالر کا اضافہ بھی کردیا جائے تو اس سے خودکشی کی شرح میں 6 فیصد تک کمی لائی جاسکتی ہے۔واضح رہے کہ یہ مطالعہ امریکیوں پر کیا گیا ہے اور اس میں امریکی معاشرے ہی کو مدنظر رکھا گیا ہے لیکن وسیع تر تناظر میں، ضروری ترامیم کے ساتھ، اسے دنیا کے کسی بھی دوسرے ملک کی معاشی و معاشرتی صورتِ حال کےلیے آزمایا جاسکتا ہے۔

اٹلانٹا، جیورجیا کی ایموری یونیورسٹی میں کی گئی اس تحقیق میں 1990 سے لے کر 2015 تک، امریکا کی 50 ریاستوں میں بے روزگاری، کم سے کم تنخواہوں/ معاوضوں اور اس بارے میں حکومت کے پالیسی فیصلوں میں ردّ و بدل کے ساتھ ساتھ کم آمدنی والے طبقے میں خودکشی کی شرح کا جائزہ لیا گیا۔

کم آمدنی والے ان لوگوں کی عمریں 18 سے 64 سال کے درمیان تھیں، جبکہ کم تعلیم یافتہ بھی تھے۔ مطالعے سے معلوم ہوا کہ اگر امریکی حکومت 2009 سے 2015 کے معاشی بحران میں کم سے کم تنخواہوں/ معاوضوں میں صرف 1 ڈالر کا اضافہ کردیتی تو اس سے 13,800 افراد کو خودکشی کرنے سے باز رکھا جاسکتا تھا؛ اور اگر یہ اضافہ صرف 2 ڈالر ہوجاتا تو اس کی بدولت 25,900 افراد خودکشی کرنے کے بجائے زندہ رہنے کو ترجیح دیتے۔

ضرورت اس بات کی ہے کہ مذکورہ مطالعے کو صرف جغرافیائی یا سیاسی بنیادوں پر ردّ نہ کیا جائے بلکہ مقامی تناظر میں اس سے فائدہ اٹھانے پر بھی سنجیدگی سے غور کیا جائے۔

سرکاری اعداد و شمار کے مطابق، ہر ایک لاکھ (100,000) پاکستانیوں میں سے 2.9 افراد سالانہ خودکشی کرتے ہیں۔ آبادی کو مدنظر رکھا جائے تو پاکستان میں خودکشی کرنے والوں کی ثابت شدہ سالانہ تعداد 6380 بنتی ہے۔ دوسری جانب عالمی ادارہ صحت کا کہنا تھا کہ پاکستان میں یہ شرح 7.5 فی ایک لاکھ سالانہ رہی ہے، یعنی پاکستان میں ہر سال 16500 لوگ خودکشی کرلیتے ہیں۔

دنیا کے کسی بھی معاشرے کا جائزہ لے لیجیے، وہاں معاشی بدحالی ہی خودکشی کی سب سے بڑی وجہ قرار پاتی ہے۔ آسان الفاظ میں اس تحقیق کا مطلب یہ ہے کہ اگر آپ چاہتے ہیں کہ آپ کے معاشرے میں لوگ خودکشی سے باز رہیں اور زندہ رہنے کو ترجیح دیں، تو پھر آپ کو نہ صرف بے روزگاری میں کمی کرنا ہوگی بلکہ مزدور کی کم سے کم تنخواہ بھی اتنی کرنا ہوگی کہ وہ اپنے گھر کے بنیادی اخراجات پورے کرسکے۔

اس تحقیق کی تفصیلات اور اس سے حاصل شدہ نتائج کی مکمل تفصیلات ’’بی ایم جے جرنل آف ایپی ڈیمیولوجی اینڈ کمیونٹی ہیلتھ‘‘ کے تازہ شمارے میں شائع ہوئی ہیں اور استفادہ عام کےلیے مفت میں دستیاب بھی ہیں۔

نیویارک(ایمرا نیوز آن لائن)عام طور پر کسی بھی خاتون کے ہاں سال میں ایک بار ہی بچوں کی پیدائش ہوتی ہے اور بیک وقت خواتین ایک سے زائد بچوں کو بھی جنم دیتی ہیں۔تاہم امریکا کی ایک خاتون کے ہاں ایک ہی سال میں 2 بار جڑواں بچوں کی پیدائش کے معاملے نے دنیا کو حیران کردیا۔

فلوریڈا کے شہر ویسٹ پام بیچ کی ایک خاتون کے ہاں ایک ہی سال میں 2 بار محض چند ماہ کے وقفے سے جڑواں بچوں کی پیدائش نے لوگوں کو حیران کردیا۔رپورٹ کے مطابق پہلی بار خاتون کے ہاں نارمل ڈیلیوری کے دوران مارچ 2019 میں جڑواں بیٹوں کی پیدائش ہوئی تو خاتون انتہائی خوش دکھائی دیں۔

تاہم چند ہفتوں بعد ہی ڈاکٹرز نے خاتون کو بتایا کہ وہ جڑواں بچوں کے حمل سے ہیں تو وہ حیران رہ گئیں۔رپورٹ کے مطابق الیگزینڈریا ولسن نے سال 2019 میں ہی دوسری بار 27 دسمبر کو ایک بار پھر جڑواں بچوں کو جنم دیا اور دوسری بار خاتون کے ہاں بیٹیاں پیدا ہوئیں جن کی پیدائش آپریشن کے ذریعے ہوئی۔

ایک ہی سال میں 2 بار بچوں کو جنم دینے والی خاتون کا کہنا تھا کہ ان کے خاندان میں ان کی دادی اور نانی کے علاوہ کسی نے بھی جڑواں بچوں کو جنم نہیں دیا تھا۔خیال رہے کہ امریکی خاتون سے قبل گزشتہ برس مارچ میں ایک بنگلہ دیشی خاتون کے ہاں بھی ایک ہی سال میں دوسری بار بچوں کی پیدائش ہوئی تھی۔

لاہور(ایمرا نیوز آن لائن) سیب خون کے سرخ ذرات میں اضافہ کر کے چہرے کو شاداب اور جسم کو مضبوط و توانا بنانے میں اہم کردار ادا کرتا ہے سیب میں قدرتی طور پر وافر مقدار میں آئرن پایا جاتا ہے جو انسانی جسم کی نشونما کے لیے اہم عنصر ہے، آئیے اس کے فوائد طبِ نبویﷺ کی روشنی میں جانتے ہیں۔ایک مرتبہ حضور اقدسﷺ نے حضرت ابوذرؓ کو ایک ’’ سیب‘‘عطا فرمایا اور ارشاد فرمایا کہ: ’’ یہ قلب کو تقویت دیتا ہے ، طبیعت کو خوش کرتا ہے اور سینےکے کرب کو دور کرتا ہے۔‘‘(سنن نسائی)

صرف ایک کینو موسم سرما میں بالوں کے مسائل حل کر سکتا ہے پھلوں اور سبزیوں کے مقابلے میں سیب میں فاسفورس کی مقدار زیادہ ہوتی ہے، اس لیے یہ مقوی دماغ بھی ہے۔ دماغی کام کرنے والوں کے لیے یہ ایک عظیم نعمت ہے۔ اس کا استعمال خون کے سرخ ذرات میں اضافہ کر کے چہرے کو سرخ و شاداب اور جسم کو مضبوط و توانا بنانے میں اہم کردار ادا کرتا ہے۔
سیب دل کو تقویت بخشتا ہے اور دل کی عام تکلیفوں میں اس کا مختلف طریقوں سے استعمال سود مند ثابت ہوتا ہے۔

اسلام آباد(ایمرا نیوز آن لائن) :(20 دسمبر 2019)مشیر خزانہ عبد الحفیظ شیخ نے بیرونی کھاتوں میں مزید استحکام کی نوید سنا دی ہے۔
تفصیلات کے مطابق مشیر خزانہ عبد الحفیظ شیخ نے سماجی رابطوں کی ویب سائٹ ٹویٹر پر اپنے پیغام میں کہا ہے کہ نومبر میں جاری کھاتوں کا خسارہ گزشتہ سال کی نسبت 72.6 فی صد کم ہوا ہے جب کہ جولائی تا نومبر کھاتوں کا خسارہ گزشتہ سال اسی عرصے سے 73 فی صد کم ہے۔
مشیر خزانہ کا کہنا تھا کہ پانچ ماہ میں اسٹیٹ بینک کے ذخائر میں ایک ارب 80 کروڑ ڈالر اضافہ ہوا، اسٹیٹ بینک کے واجبات میں تین ارب ڈالر کی کمی ہوئی، اس سے فاریکس بفر میں چار ارب 80 کروڑ ڈالر کا اضافہ ہوا، موجودہ صورت حال بیرونی کھاتوں میں مزید استحکام کا باعث بنے گی۔