Tag daily news

بلوچستان(ایمرا نیوزآن لائن) کے ضلع قلعہ سیف اللہ میں ایرانی ڈیزل سے بھری پک اپ مسافر کوچ سے ٹکرا گئی جس کے نتیجے میں 13 مسافر جاں بحق ہو گئے۔

ڈپٹی کمشنر قلعہ سیف اللہ عتیق شاہوانی نے بتایا کہ قلعہ سیف اللہ کے علاقے کان مہترزئی کے قریب علی الصبح ڈ یرہ غازی خان سے آنے والی مسافر کوچ مخالف سمت سے آنیوالی تیز رفتار تیل بردار پک اپ سے ٹکر ا گئی جس کے نتیجے میں زور دار دھماکا ہوا اور گاڑیوں میں آگ پھڑک ا ٹھی۔

عتیق شاہوانی کا کہنا ہے کہ حادثے کے نتیجے میں 13 مسافر جاں بحق ہوئےجب کہ ایک مسافر نے چھلانگ لگا کر جان بچائی۔ ڈی سی قلعہ سیف اللہ کا کہنا تھا کہ مسافروں کا تعلق ڈیرہ غازی خان، لورالائی اور کوئٹہ سے ہے تاہم لاشیں جھلس جا نے کے باعث ناقابل شناخت ہو گئی ہیں، لاشوں کو شناخت او ر ڈی این اے کے لئےکوئٹہ منتقل کیا جا رہا ہے۔

(ایمرا نیوزآن لائن) معیشتوں کی درجہ بندی کرنے والے ادارے موڈیز نے پاکستان کی کریڈٹ ریٹنگ بہتر کرتے ہوئے آؤٹ لُک کو منفی سے مستحکم کر دیا۔

موڈیز کی جاری کردہ رپورٹ کے مطابق پاکستان کی ریٹنگ بی تھری پر برقرار رکھی ہے تاہم پہلے مستقبل یعنی آؤٹ لُک منفی تھا جسے اب موڈیز نے مستحکم کردیا ہے۔ رپورٹ کے مطابق امریکی کاروباری اور مالیاتی کمپنی موڈیز نے ادائیگیوں کا توازن مزید بہتر ہونے کے پیشِ نظر آوٹ لُک بہتر کیا ہے۔

موڈیز کے مطابق اگرچہ زرمبادلہ کے ذخائر اب بھی کم ہیں اور انہیں بہتر ہونے میں وقت لگے گا مگر پالیسی ایڈجسٹمنٹ اور آزادانہ شرح مبادلہ سے ادائیگیوں کے توازن کی بہتری میں مدد ملے گی۔

(ایمرا نیوز آن لائن) سعودی عرب نے امریکا کی طرف سے ایران کے فردو جوہری پلانٹ پرپابندیوں کی دی گئی چھوٹ 15 دسمبر سے ختم کرنے کے اعلان کا خیرمقدم کیا ہے۔عرب ٹی وی کے مطابق سعودی وزارت خارجہ کے ایک سرکاری ذریعے نے بتایا کہ 15 دسمبر 2019 سے ایران کی فردو جوہری تنصیبات پرپابندیاں عاید کرنے کے امریکی فیصلے پر سعودی عرب نے اطمینان کا اظہار کیا ہے،ذریعے کا کہنا تھا کہ م±ملکت امریکا کے اس اقدام کی حمایت کرتی ہے کیونکہ ایران اپنے جوہری پروگرام متعلق بین الاقوامی عاہدوں کی خلاف ورزیوں کا مرتکب ہو رہا ہے۔سعودی حکومت نے عالمی برادری پر زور دیا کہ وہ ایران کی جانب سے خطے کو بدامنی سے دوچار کرنے کی پالیسیوں پر سخت موقف اختیار کرے۔

(ایمرا نیوز آن لائن) لندن میں برٹش سکھ کمیونٹی کی طرف سے وزیر اعظم عمران خان کو کرتارپور راہداری کھولنے پر ایوارڈ سے نوازا گیا،
وزیر اعظم کی جانب سے ان کے مشیر صاحبزادہ جہانگیر نے ایوارڈ وصول کیا۔تقریب سے خطاب کرتے ہوئے صاحبزادہ جہانگیر نے کہا کہ کرتارپور راہداری سے سکھوں اور مسلمانوں میں مزید ہم آہنگی اور پیار بڑھے گا۔ اس موقع پر میئر لندن صادق خان کا کہنا تھا کہ برطانیہ میں سماجی خدمات پر سکھ کمیونٹی کے شکر گزار ہیں۔واضح رہے وزیر اعظم عمران خان نے رواں ماہ 9 نومبر کرتار پور راہداری کا باقاعدہ افتتاح کیا تھا۔

(ایمرا نیوز آن لائن ) رات کی بھرپور نیند صحت کے لیے کتنی ضروری ہے لیکن دنیا میں ایسے بے شمار لوگ پائے جاتے ہیں جن کو رات میں نیند نہیں آتی یا ان کی نیند کسی بناء پر پوری نہیں ہو پاتی۔
سلیپ ہیلتھ فاؤنڈیشن کے مطابق 70 لاکھ سے زائد آسٹریلین رات کی بھرپور نیند سے محروم ہیں یا نیند کی کمی کا شکار ہیں۔ اس حوالے سے ماہرین نے بتایا ہے کہ بھرپور نیند نہ لینے سے غور وفکر کرنے کی صلاحیت، جِلد کی خرابی اور بے شمار بیماریاں لاحق ہو سکتی ہیں۔ آئیے ہم آپ کو بتاتے ہیں کہ مکمل نیند لانے سے آپ کے ساتھ کیا کیا ہو سکتا ہے۔

حافظہ اور غور و فکر کرنے کی صلاحیت متاثر
نیند دماغی صحت کی بہتری کے لیے ایک اہم جُز ہے، سلیپ او آر جی کے مطابق جب انسان جاگ رہا ہوتا ہے تو اس کا دماغ ایک کیمیکل ’ایڈینواسن‘ خارج کرتا ہے، یہ کیمیکل انسان کے اندر نیند کی کیفیت کو بیدار کرتا ہے۔ ماہرین نے وضاحت کی کہ جب انسان سو جاتا ہے تو ہمارا جسم اس کیمیکل کو ختم کرنا شروع کر دیتا ہے تاکہ جب آپ سو کر اُٹھیں تو تروتازہ رہیں۔ لیکن اگر آپ بھرپور نیند نہیں لیں گے تو آپ کے جسم میں اس کیمیکل کے اخراج کا قدرتی نظام متاثر ہو جائے گا۔ بیڈ تھریڈز کے مطابق اگر آپ کی ایک رات کی نیند کسی وجہ سے متاثر ہوئی تو اس کا دماغ کی کارکردگی اور حافظے پر منفی اثر پڑتا ہے جس کی وجہ سے آپ دن میں کوئی بھی کام اچھے طریقے سے سر انجام نہیں دے سکتے اور آپ کی سوچنے سمجھنے کی صلاحیت بھی متاثر ہو جاتی ہے۔ نظامِ قوت مدافعت متاثر ہمارے جسم کا قوت مدافعت کا نظام جسم میں داخل ہونے والی جراثیم اور بیکٹیریا کا خاتمہ کرتا ہے۔

قد کا ذہانت سے کیا تعلق ہے؟
دماغی صحت کو متاثر کرنے والی غذائیں اگر آپ رات کی مکمل نیند نہیں لیں گے تو اس سے آپ کا مدافعتی نظام شدید متاثر ہو جاتا ہے۔ جس کی وجہ سے جسم میں داخل ہونے والے جراثیم صحت پر فوری حملہ کرتے ہیں اور انسان جلد بیمار پڑ جاتا ہے اور اسے ٹھیک ہونے میں بھی کافی وقت لگتا ہے۔ بے رونق جِلد ہم نے یہ سنا ہی ہوگا کہ بھرپور نیند لینے سے چہرہ پُر رونق ہو جاتا ہے، اگر آپ رات میں کم سوئیں گے یا آپ کو نیند نہ آنے کی شکایت ہے تو اس سے آپ کی جِلد متاثر ہو سکتی ہے۔ ماہرین نے وضاحت کی کہ جب ہم سوتے ہیں تو ہمارا جسم نشونما کے ہارمونز کا اخراج کرتا ہے جو کہ جسم کو تروتازہ اور توانا رکھنے میں معاون ثابت ہوتے ہیں۔ اگر آپ بھرپور نیند نہیں لیں گے تو جسم ’کولیجن‘ نامی ہارمون کا اخراج بند کر دے گا جس کی وجہ سے چہرے کی چمک اور جِلد متاثر ہوتی ہے۔

مزاج پر قابو پانے میں مشکلات
نیند کی کمی براہ راست انسان کے جذبات کو بھی متاثر کرتی ہے۔ بھرپور نیند نہ لینے سے آپ اپنے مزاج پر قابو نہیں پا سکتے جس کی وجہ سے زندگی میں کافی مشکلات کا سامنا کرنا پڑ جاتا ہے۔ سلیپ فار ہیلتھ فاؤنڈیشن کے مطابق نیند کی کمی انسان کو چڑچڑا، غصیلا، اور بد مزاج بنا دیتی ہے اور انسان اپنی زندگی سے ناخوش نظر آتا ہے۔ دائمی صحت کے مسائل ایسے لوگ جن کا رات میں نہ سونا ایک معمول بن جاتا ہے ایسے لوگوں میں امراضِ قلب، ذیابیطس اور بلد فشار خون جیسی بیماریاں جنم لیتی ہیں۔ دوسری جانب ماہرین کا کہنا ہے کہ نیند کی کمی سے موٹاپے جیسی بیماریوں کے بھی خطرات لاحق ہو جاتے ہیں۔ ماہرین نے بتایا کہ ہمارا جسم توانا رہنے کے لیے ایک خاص ہارمون ’لیپٹن‘ کا اخراج کرتا ہے اور اگر کوئی شخص بھرپور نیند نہیں لیتا تو ہمارا جسم اس ہارمون کا اخراج بند کر دیتا ہے۔پھر جسم اس کے بدلے ایک ہارمون ’گھیرلن‘ کا اخراج کرتا ہے جس سے انسان کو بھوک زیادہ محسوس ہوتی ہے۔

ہمیں رات میں کتنے گھنٹے سونا چاہیے؟
پرائمری اسکول کے بچے:
ماہرین کے مطابق پرائمری اسکول کے بچوں کو روزانہ 9 سے 10گھنٹے سونے کی ضرورت ہوتی ہے۔ نو عمر 13 سال سے 19 کے عمر کے بچوں کو بھی روزانہ 10 گھنٹے سونا نہایت ہی ضروری ہے۔بالغ افراد بالغ افراد کو روزانہ تقریباً 8 گھنٹے سونا ضروری ہے اور اگر دوپہر میں تھکاوٹ محسوس ہو تو دوپہر میں بھی تھوڑا سو جانا صحت کے لیے بہتر ہوتا ہے۔

اسلام آباد(ایمرا نیوزآن لائن): وزیر سائنس و ٹیکنالوجی فواد چوہدری کے مطابق موبائل فون کی سمیں، اسمارٹ کارڈز اور اے ٹی ایم کارڈز پاکستان میں بنانے کے لیے ٹیکنالوجی منگوالی گئی ہے۔
انہوں نے بتایا کہ حکومت نے پاکستانیوں کی معلومات کے تحفظ کیلئے اہم قدم اٹھایا ہے اور اب مذکورہ بالا اشیا چین یا دیگر ممالک سے درآمد نہیں ہوں گی۔ فواد چوہدری کے مطابق وزیر اعظم کی ہدایت پر وزارت آئی ٹی نے ابتدائی ہوم ورک مکمل کرتے ہوئے مقامی سموں کا ڈیزائن بھی تیار کر لیا ہے۔ انہوں نے ذرائع ابلاغ کے نمائندوں کو آگاہ کیا کہ نئی پیش رفت کے متعلق تمام اسٹیک ہولڈرز سے مشاورت مکمل لی گئی۔ ان کا کہنا تھا کہ وزارت آئی ٹی نے ٹیلی کام سیکٹر کو معیار اور قمیت مناسب رکھنے کی ہدایت بھی کی ہے۔ وزیرسائنس و ٹیکنالوجی نے بتایا کہ حکومت نے پاکستانی کمپنی ایئرلفٹ کے ساتھ معاہدہ کر لیا جو ملک میں آن لائن بس سروس کا آغاز کرے گی اور بیٹری بس سروس متعارف کرائے گی۔ فواد چوہدری کا کہنا تھا کہ آن لائن بس سروس سے پاکستان میں پبلک ٹرانسپورٹ کا نظام بہتر ہوگا۔

ان کا کہنا تھا کہ پاکستان کو سائنس و ٹیکنالوجی میں واپس لے آئے ہیں اور اب ہم سولر سسٹم اور لیتھیئم ٹیکنالوجی پر کام شروع کر رہے ہیں۔آنیوالے چار سالوں میں پاکستان ان دونوں ٹیکنالوجیز میں آگے ہوگا۔ وزیرسائنس نے بتایا کہ ہمارا ہدف ہے کہ 30 فیصد بجلی گرین سورسز سے پیدا کی جائے جس کے لیے بہت جلد جنوبی ایشیا کا سب سے بڑے بائیو ٹیکنالوجی پارک بنایا جائے گا جس سے 10 ارب ڈالر کمائے جا سکتے ہیں۔ مستقبل کے منصوبوں کے متعلق انہوں نے بتایا کہ پاکستان ہربل دواؤں پر کام شروع کر رہا ہے، ایئر فورس اور دفاعی اداروں کے ساتھ ملکر ایگریکلچر ڈرونز پر بھی کا شروع کریں گے۔ طبی سہولیات میں بہتری کیلئے ایئرایمبولینس پر کام شروع کریں گے۔ ان کا کہنا تھا کہ تمام منصوبوں پر عمل درآمد یقینی بنانے کے لیے سائنس وٹیکنالوجی کے بجٹ میں اگلے سال 15 سو فیصد اضافہ کیا جائے گا۔

کراچی(ایمرا نیوزآن لائن) :(18 نومبر 2019) کاروباری ہفتے کےپہلے روز پاکستان اسٹاک ایکسچینج میں زبردست تیزی دیکھی گئی۔ 827پوائنٹس کے اضافے سے مارکیٹ9ماہ کی بلند ترین سطح38ہزار411پر بندہوئی۔
کاروباری ہفتے کےپہلے روزمارکیٹ کے آغاز سے شروع ہونے والی تیزی اختتام تک برقرار رہی۔ تیزی کے باعث ہنڈرڈ انڈیکس 38ہزار کا نفسیاتی ہندسہ عبور کرگیا۔ 827پوائنٹس کے اضافے سے مارکیٹ9ماہ کی بلند ترین سطح 38ہزار411پربندہوئی۔
دن بھرمجموعی طور ہر390کمپنیز کے شیئرز میں کاروبار ہوا-278کے شیئرزکی قیمتوں میں اضافہ جبکہ 93کے شیئرز کی قیمتوں میں کمی دیکھی گئی۔ تیزی کے باعث آج ہنڈرڈ انڈیکس میں2 عشاریہ15فیصد کا اضافہ ہوا۔ آج مارکیٹ کی بلند ترین سطح38,452 جبکہ کم ترین سطح 37,583ریکارڈ کی گئی۔
انٹربینک میں ڈالر4پیسےکی کمی سے 155.39سے کم ہوکر 155.35 پربندہوا جبکہ اوپن مارکیٹ میں 155روپے 40پیسے پر مستحکم رہا۔ روپے کے مقابلے یوروکی قیمت172 روپے،برطانوی پاونڈ کی قیمت201 روپے جبکہ جاپانی ین ایک روپے44 پیسے، اماراتی درہم 42روپے35 پیسے جبکہ سعودی ریال کی قیمت41 روپے 35رہی۔
دوسری جانب سونا 450 روپے سستا ہوگیا جس کے بعد فی تولہ سونا 85ہزار700روپے کی سطح پر آگیا۔ اسی طرح10 گرام سونے کی قیمت 386روپے کی کمی سے73ہزار474روپے ہوگئی جبکہ عالمی مارکیٹ میں سونا 10ڈالر کی کمی سے1459 ڈالر فی اونس کی سطح پرآگیا۔

(ایمرا نیوزآن لائن) سعودی عرب کے ایک دستاویزی فلم ساز نے مملکت کے جنوب میں عسیرکے سمندر میں سے اونٹوں کے گذرنے والے ایک قافلے کے مناظرکواپنے کیمرے میں محفوظ کیا ہے۔ سمندر سے گذرتے اونٹوں کی تصاویر اور حیرت انگیز مناظر نے دیکھنے والوں کو بھی حیرت میں مبتلا کردیا ہے۔عرب ٹی وی کے مطابق فوٹو گرافر عبدالمجید الاسمری کی محفوظ کردہ ویڈیو نے سوشل میڈیا پر دھوم مچا دی اور اونٹوں کی لمبی قطار میں سمندر کے پانی سے گذرنے کی تصویر نے مصور کی فن کارانہ مہارت، سعودی ثقافت اور قدرت کی صناعی اور کاری گری کی عکاسی ہوتی ہے۔ سوشل میڈیا پرالاسمری کی اونٹوں کے گذرنے کی ویڈیو سمندر سے گذرنے کے کا دلفریب منظر قرار دیا ۔سوشل میڈیا پر اس فوٹیج کی مقبولیت کے نئے ریکارڈ قائم کیے ہیں۔ سعودی فوٹو گرافر کا کہنا ہے کہ سعودی عرب کے جنوب میں واقع عسیر کے سمندر میں اونٹوں کے ایک لمبی قطارمیں گذرنے کے منظر نے خود مجھے بھی مبہوت کیا۔ یہ اونٹ ایک ترتیب کےساتھ چل رہے تھے۔ مانجروف (چمرنگ) نامی ایک درختوں کے درمیان اونٹ بہت محتاط انداز میں چلتے تھے کہ کہیں پانی میں گر نہ جائیں۔ بلا شبہ اونٹ خدا کی عظمت کی نشانیوں اور اس کی قدرت کاری گری کی علامت ہے۔اونٹوں کے اس قافلے کی ویڈیو کی تیاری کے لیے ڈرون کا استعمال کیاگیا۔ سعودی عرب کے وزیر برائے ثقافت شہزادہ بدر بن فرحان آل سعود نے اس ویڈیو پر تبصرہ کرتے ہوئے کہا کہ اونٹ اور سمندر میرے وطن کی علامت ہیں۔

موسمِ سرما کے آتے ہی بہت سی بیماریاں بھی ساتھ آتی ہیں جن میں کھانسی، بخار نزلا زکام وغیرہ شامل ہوتا ہے لیکن حالیہ تحقیق نے موسمِ سرما کے حوالے سے ایک بہترین انکشاف کیا ہے۔

اس بات سے کوئی اعتراض نہیں کرسکتا کہ جراثیم ٹھنڈے موسم میں زیادہ اچھی طرح نشوونما پاتے ہیں لیکن اس کا یہ مطلب نہیں ہے کہ موسمِ سرما صرف بیماریوں کو ہی ساتھ لاتا ہے۔

در حقیقت تحقیق سے معلوم ہوا ہے کہ جب درجہ حرات میں کمی آتی ہے تو انسانی صحت کو نمایاں طور پر فائدہ ہوسکتا ہے ان فوائد میں ہمیں مزید آرام حاصل کرنے، وزن میں کمی اور زیادہ واضح طور پر سوچناشامل ہے آج ہم آپ کو موسمِ سرما کے صحت پر مثبت اثرات کے حوالے سے بتائیں گے۔

وزن میں کمی: ماہرین کا کہنا ہے کہ موسم سرما میں چہل قدمی کرنے سے وزن میں تیزی سے کمی ہوتی ہے، جس کی وجہ یہ ہے کہ موسمِ سرما میں ہمارے جسم کو درجہ حرارت کو معتدل رکھنے میں مشکل ہوتی ہے جس کی وجہ سے جسم کو زیادہ کیلوریز استعمال کرنی پڑتی ہیں یہی وجہ ہے کہ موسمِ سرما میں چہل قدمی کرنے سے وزن تیزی سے کم ہوتا ہے۔

امریکا کی یونیورسٹی آف البانیہ نے اس حوالےسے تحقیق کی جس سے یہ نتیجہ سامنے آیا کہ 10 ڈگری سینٹی گریڈ میں پہاڑ چڑھنے والے افراد کے مقابلے میں منفی 5 ڈگری سینٹی گریڈ میں پہاڑ پر چڑھائی کرنے والے افراد نے 34 فیصد زیادہ کیلوریز کم کیں۔

پرسکو ن نیند: ماہرین کا کہنا ہے کہ بہترین نیند کے لیے کمرے کا درجہ حرارت 18 ڈگری ہونا چاہیے، اس درجہ حرارت میں انسان کو بہترین نیند آتی ہے۔ ماہرینِ نیند و برطانوی سلیپ سوسائٹی کے ممبر ڈاکٹر نیل اسٹینلے کا کہنا ہے کہ سردیوں میں لمبی رات ہونے کی وجہ سے اندھیرا دیر تک رہتا ہے، اور اندھیرے میں اچھی نیند آنا ایک فطری رجحان ہے۔

واضح طور پر سوچنے میں مدد: یونیورسٹی آف ورجینیا کے ماہرین نے اس حوالے سے ایک تحقیق کی جس میں انہوں نے یہ نتیجہ اخذ کیا ہے کہ کم درجہ حرارت میں فیصلہ لینے والے 50 فیصد لوگوں نے اچھا فیصلہ کیا جب کہ اس کے برعکس زیادہ درجہ حرارت میں فیصلہ کرنے والےلوگوں نے 25 فیصد صحیح فیصلے کیے۔

ماہرین نے انکشاف کیا کہ انسانی دماغ موسمِ سرما میں اچھی کارکردگی دکھاتا ہے۔ خوش مزاجی: ساؤتھ کورین تحقیق کے مطابق موسمِ سرما میں انسان کا مزاج اچھا رہتا ہے اور وہ موسمِ گرما کے مقابلے میں زیادہ خوش رہتا ہے۔

اس حوالے سے ایک اور بھی تحقیق کی گئی جس کے مطابق موسمِ سرما میں اسکول کے بچوں کی کارکردگی بھی بہتر ہوجاتی ہے اور وہ جسمانی اور دماغی طور پر زیادہ ایکٹو نظر آتے ہیں۔

چہرے پر ایکنی اور مہاسوں میں کمی: اس حوالے سے جرنل آف ڈرماٹولوجی میں ایک تحقیق شائع کی گئی ہے جس کے مطابق سردیوں میں چہرے پر نکلنے والی ایکنی اور مہاسوں میں کمی ہوجاتی ہے کیونکہ موسم گرما میں سورج کی روشنی اور زیادہ درجہ حرارت انہیں مزید خراب کردیتا ہے۔

(ایمرا نیوز آن لائن )اسلام آباد (این این آئی)وفاقی وزیر فواد چوہدری نے کہاہے کہ بھارت نے پاکستان کے خلاف سائبر جنگ کا آغاز کر رکھا ہے،ہندوستان سائبر اسپیس کو بطور ہتھیار استعمال کر رہا ہے جلد ہی پاکستان سائبر سیکیورٹی پالیسی کا اعلان کا اعلان کرے گا۔غیر ملکی اخبار عرب نیوز سے بات کرتے ہوئے وفاقی وزیر برائے سائنس اینڈ ٹیکنالجوی فواد چوہری نے کہا کہ بھارت پاکستان کے خلاف سائبر وار شروع کر چکا ہے، غلط معلومات پر مبنی مہم پر نظر رکھنے والی غیر ملکی تنظیم ای یو ڈس انفو لیب نے انکشاف نے 65 نیٹ ورکس کے زیر انتظام 65 ممالک میں پھیلائے گئے 265 جعلی میڈیا آؤٹلیٹس کا انکشاف کیا ہے جس میں بار بار پاکستان پر تنقید کرنے کے لئے یورپی یونین اور اقوام متحدہ میں اثر و رسوخ استعمال کیا گیا۔ عرب نیوز کے مطابق یوروپ کے ایک واچ ڈاگ نے کہا کہ سیکڑوں غیر فعال کمپنیاں اور ‘جعلی میڈیا آؤٹ لیٹس کا گٹھ جوڑ پوری دنیا میں ہندوستان کے سفارتی مفادات کو فروغ دے رہا ہے اور پاکستان میں سائبر سیکیورٹی کے بارے میں بات چیت کا آغاز کر رہا ہے۔وفاقی وزیر فواد چوہدری نے غیر ملکی اخبار کو بتایا کہ یہ سائبر جنگ ہے اور ہندوستانی سائبر اسپیس کو بطور ہتھیار استعمال کر رہے ہیں، سائبر سیکیورٹی ایک بہت بڑا عالمی مسئلہ بن گیا ہے جلد ہی پاکستان کی سائبر سیکیورٹی پالیسی کا اعلان کیا جائے گا۔