Tag dailyexpress lahore

اسلام آباد(ایمرا نیوز آن لائن)وزیر خارجہ شاہ محمود قریشی ایران پہنچ گئے جہاں انہوں نے ایرانی صدر حسن روحانی سے ملاقات کی اور ایران امریکا کشیدگی پر تبادلہ خیال کیا۔

میڈیا کے مطابق حالیہ ایران امریکا کشیدگی میں کمی لانے کے لیے وزیر خارجہ شاہ محمود قریشی ایران پہنچ گئے جہاں انہوں نے ایرانی صدر سے ملاقات کی۔ ملاقات میں ایران، امریکا اور پاکستان کے تعلقات پر بات چیت کی گئی۔

وزیر خارجہ نے کہا ہے کہ پاکستان کے ایران کے ساتھ گہرے مذہبی، تاریخی اور ثقافتی تعلقات ہیں، پاکستان ایران کے ساتھ تعلقات کو اہمیت دیتا ہے، ایران امریکا کشیدگی کا معاملہ افہام و تفہیم سے حل کرنے کی ضرورت ہے، پاکستان خطے میں کسی بھی جنگ کا حصہ نہیں بنے گا۔

یاد رہے کہ وزیر خارجہ شاہ محمود قریشی وزیراعظم عمران خان کی خصوصی ہدایت پر بیرون ممالک کے دورے کررہے ہیں، ایران کے بعد اب وہ سعودی روانہ ہوں گے۔ ان کے ہمراہ سیکرٹری خارجہ سہیل محمود اور وزارت خارجہ کے سینئر حکام بھی موجود ہیں۔

اسلام آباد (ایمرا نیوز آن لائن)وفاقی وزیر سائنس و ٹیکنالوجی فوادچودھری نے کہاہے کہ فوج کی مخالفت سے کوئی سیاسی لیڈر نہیں بن جاتا ،سیاسی جماعتوں نے درست فیصلہ کیا ،اداروں کے درمیان توازن کی ضرورت ہے ۔

وفاقی وزیر سائنس وٹیکنالوجی فوادچودھری نے سماجی رابطے کی ویب سائٹ ٹوئٹر پر اپنے ٹوئٹ میں کہاہے کہ فوج کی مخالفت سے کوئی سیاسی لیڈر نہیں بن جاتا ،فوج کے بغیر آپ انارکی میں چلے جائیں گے،مشرق وسطیٰ کو دیکھ لیں ۔

فوادچودھری نے کہاکہ آرمی ایکٹ پر سیاسی جماعتوں نے درست فیصلہ کیا ،اداروں کے درمیان توازن کی ضرورت ہے ،ان کاکہناتھا کہ فوج اور عدلیہ دونوں کو اپنی باﺅنڈریزخوددیکھنی چاہئیں،ان دونوں اداروں کامتنازع ہوناتباہ کن ہے ۔

لاہور(ایمرا نیوز آن لائن)میٹروپولیٹن کارپوریشن کے گریڈ18,17اور گریڈ19کے 15پرائس کنٹرول مجسٹریٹس کو مبینہ کرپشن پر فارغ کیا گیا۔ پرائس کنٹرول مجسٹریٹس پرائیویٹ اہلکاروں کے ذریعے شہریوں کو ہراساں کرنے میں مبینہ طور پر ملوث پائے گئے۔ ذرائع کے مطابق حکام بالا نے کرپشن کی ویڈیوز، فون ریکارڈنگز اور تحریری شکایات کے انبار لگائے جانے پر ایکشن لیا۔

کمشنر لاہور کی سفارش پر ڈپٹیک مشنر لاہور نے ایم سی ایل کے افسروں کو پرائس کنٹرول مجسٹریٹس کے عہدوں سے ہٹانے کے احکامات جاری کئے۔ پرائس کنٹرول مجسٹریٹس کو ناقص کارکردگی، فیلڈ میںغیر پیشہ ورانہ رویہ اور پاکستان سٹیزن پورٹل کی شکایات کو سنجیدہ نہ لینے پر عہدوںسے ہٹایا گیا۔ پرائس کنٹرول مجسٹریٹس کے عہدے سے ہٹانے جانے والے افسروں میں

اسٹیٹ مینجمنٹ آفیسر ایم سی ایل آصف نصیر، اسسٹنٹ ڈائریکٹر لیگل ذوالفقار احمد، اسسٹنٹ زونل آفیسر فنانس ڈی جی بی زون ظفر حسین زیدی، ڈپٹی چیف آفیسر عزیز بھٹی زون شہزاد اقبال قریشی، زونل آفیسر ریگولیشن ڈی جی بی زون اختر چوہان، زونل آفیسر فنانس راوی زون رانا محمد اکرم اور پرائیویٹ سیکرٹری ایم او سروسز ایم سی ایل چوہدری کاشف بشیر، اسسٹنٹ زونل

آفیسر انفراسٹرکچر ایم سی ایل شاہد علی، زونل آفیسر ریگولیشن علامہ اقبال زون ملک محمد ادریس، سرکل ہیڈ ڈرافٹ مین ایم سی ایل لیاقت محمود بٹ، زونل آفیسر ریگولیشن سمن آباد ون رانا اشرف عاصم، سپرنٹنڈنٹ انفراسٹرکچر ایم سی ایل آفتاب علی، اے ایس ایل فتح ممد، زونل آفیسر انفراسٹرکچر شالیمار زون روحیل باجوہ اور سپرنٹنڈنٹ شالیمار زون طارق جاوید شامل ہیں۔

شہریوں کو گراں فروشوں سے بچانے کے بجائے پرائس کنٹرول مجسٹریٹس بہتی گنہگا میں ہاتھ دھونے میں مگن رہ۔ ایسے میں ڈی سی لاہور نے عہدوں سے برطرف کر کے گھر بھیج دیا۔

کراچی(ایمرا نیوز آن لائن) اداکار عمران عباس نے اداکارہ عائزہ خان کی تعریفوں کے پل باندھ دیئے اور کہا کہ وہ ان کی سب سے پسندیدہ اداکارہ ہیں۔عمران عباس نے انسٹا گرام پر اپنی اور مقبول ترین اداکارہ عائزہ خان کی تصویر مداح سے شیئر کی جس میں دونوں اداکار سیڑھیوں پر بیٹھے پوز دیتے نظر آرہے ہیں۔

عمران عباس نے تصویر کے ساتھ کیپشن میں ڈراموں کے نام بتاتے ہوئے کہا کہ تم کون پیا، محبت تم سے نفرت ہے، کوئی چاند رکھ اور تھوڑا سا حق اور پھر کہا کہ آپ میری سب سے پسندیدہ شریک فنکارہ ہیں اور اب ہمارا ایک اور ڈرامہ آنے والا ہے۔

عمران عباس نے عائزہ کی تعریفیں کرتے ہوئے کہا کہ آج بھی میرے الفاظ آپ کے لیے یکساں ہیں کہ آپ واقعی نہ صرف ایک خالص اداکارہ ہیں بلکہ میری بہترین دوست بھی ہیں، اللہ پاک آپ کو بہت نعمتوں سے نوازے۔

نارتھ کیرولائینا(ایمرا نیوز آن لائن) بعض لوگ حادثاتی طور پر کچھ سے کچھ بن جاتے ہیں لیکن ایک امریکی شخص کار کے شدید حادثے کے بعد بہترین مصور اور پینٹر بن چکا ہے اور اس نے زندگی میں کبھی سنجیدہ مصوری نہیں کی۔

42 سالہ اسکاٹ میل کا تعلق نارتھ کیرولینا کے علاقے ویلنگٹن سے تھا، وہ 2015ء میں اپنی کار میں بیٹھے ایک چوراہے کو عبور کرنے کی کوشش کررہے تھے کہ مخالف سمت سے آنے والی کار کی ٹکر سے شدید زخمی ہوئے جس کے باعث ان کے سر پر گہری چوٹیں آئیں۔

ہوش آنے پر وہ غم اور مایوسی کے شکار ہوئے کیونکہ کئی مرتبہ انہیں محسوس ہوا کہ اب ان کی شخصیت بدل چکی ہے۔ پھر اچانک ان میں جنون پیدا ہوا کہ وہ مصوری اور پینٹنگ کریں حالانکہ وہ پہلے اس سے وابستہ نہ تھے۔ حادثے سے قبل وہ کاروں کے شوروم میں ملازم تھے۔

رنگ اور برش خریدنے کے بعد انہوں نے کینوس پر شاندار تصاویر بنانا شروع کیں جسے دیکھ کر لوگ حیران رہ گئے۔ ماہرین نے ان کا جائزہ لے کر کہا ہے کہ وہ ایک نایاب دماغی کیفیت کے شکار ہیں جسے ’سیونٹ سنڈروم‘ کہا جاتا ہے اور اب تک پوری دنیا میں صرف ایسے 33 مریض ہی ملے ہیں۔

سیونٹ سنڈروم کے شکار ہونے والے افراد اچانک کوئی نیا علم یا ہنرحاصل کرتے ہیں۔ اس سے قبل وہ زندگی میں بہت پیسہ کمانا چاہتے تھے لیکن اب اسکاٹ کہتے ہیں کہ وہ میری زندگی تھی جس کی مجھے پروا نہیں، مجھے اپنے دوستوں کی کوئی پروا نہیں اور نہ ہی کسی کی فکر ہے۔

مصوری کا سامان خریدنے کے بعد انہوں نے سوچا کہ وہ کبھی مصور نہیں رہے تاہم انہوں نے مصوری شروع کی تو ازخود ساری پینٹنگ بہتر سے بہترین بنتی رہی۔ اب وہ سیکڑوں تصاویر بناچکے ہیں جس سے لگتا ہے کہ ان کے اندر ایک خوابیدہ پینٹر بیدار ہوچکا ہے۔

صرف اسی پر بس نہیں وہ کہتے ہیں کہ پینٹنگ سے ان کا وجود مکمل ہوگیا ہے۔ اب وہ کار کے شوروم پر بھی کام نہیں کرنا چاہتے۔