Tag dailypakisan

لاہور(ایمرا نیوز آن لائن)ڈائریکٹر جنرل انسداد منشیات فورس (اے این ایف) میجر جنرل عارف ملک کا کہنا ہے سرعام قتل کرنے والا بھی خود کو بے گناہ کہتا ہے۔اسلام آباد میں میڈیا سے گفتگو کرتے ہوئے ڈی جی اے این ایف کا کہنا تھا رانا ثناءاللہ کا معاملہ عدالت میں ہے اس لیے وہ ثبوت بھی عدالت میں دیں۔ایک سوال کے جواب میں میجر جنرل عارف ملک نے کہا کہ کیا کوئی گرفتار ہونے والا شخص کہتا ہے کہ میں گناہ گار ہوں، سر عام قتل کرنے والا بھی خود کو بے گناہ کہتا ہے۔

رانا ثناء اللہ کے خلاف کیس اور حلف دینے سے متعلق سوال پر ڈی جی اے این ایف نے کہا اگر معاملات حلف سے چلنے ہیں تو عدالتوں کو تالا لگا دیں۔میجر جنرل عارف ملک نے مزید کہا کہ ایک نے بھی حلف اٹھایا اور دوسرے نے بھی اٹھا لیا، اب معاملے کی لاٹری ڈال دیں، لاٹری میں سے نکل آئے گا کہ کون ذمہ دار ہے کون گناہ گار ہے۔یاد رہے کہ انسداد منشیات فورس (اے این ایف) نے مسلم لیگ (ن) پنجاب کے صدر و رکن قومی اسمبلی رانا ثناءاللہ کو 2 جولائی 2019 کو فیصل آباد سے لاہور جاتے ہوئے گرفتار کیا تھا اور دعویٰ کیا تھا کہ رانا ثناء کی گاڑی سے بھاری مقدار میں منشیات برآمد کی گئی۔

رانا ثناء اللہ نے عدالت سے رجوع کیا اور پھر 24 دسمبر 2019 کو لاہور ہائیکورٹ نے رانا ثناء اللہ کو ضمانت پر رہا کرنے کا حکم دیا۔رانا ثناء اللہ کی جانب سے 10، 10 لاکھ روپے کے دو حفاظتی مچلکے جمع کرائے جانے کے بعد 26 دسمبر کو انہیں رہا کر دیا گیا۔یاد رہے کہ چند روز قبل مسلم لیگ ن کے رکن قومی اسمبلی رانا ثناء اللہ نے قومی اسمبلی کے اجلاس کے دوران قرآن پاک ہاتھ میں اٹھا کر اپنی بے گناہی ثابت کی تھی اور ساتھ ہی اپنے خلاف کیس بنانے والوں کو بدعائیں بھی دی تھیں۔گزشتہ روز بھی قومی اسمبلی اجلاس کے دوران رانا ثناء اللہ اور وزیر مملکت برائے انسداد منشیات شہریار آفریدی کے درمیان قرآن پاک پر حلف اٹھانے کے معاملے پر گرما گرمی ہوئی تھی۔

کراچی(ایمرا نیوز آن لائن) اداکارہ مہوش حیات نے پاکستان مخالف کینیڈین صحافی طارق فتح کو پاکستانی پولیوورکرز کی غلط عکاسی کرکے پاکستان کا نام بدنام کرنے پر آڑے ہاتھوں لیتے ہوئے کھری کھری سنائی ہیں۔پاکستان مخالف کینیڈین صحافی طارق فتح نے گزشتہ روز اپنے ٹوئٹر اکاؤنٹ پر ایک ویڈیو شیئر کرائی تھی جس میں ایک خاتون دو خواتین پولیو ورکرز پر چلاتے ہوئے کہہ رہی تھی کہ وہ اپنے بچوں کو پولیو کے قطرے نہیں پلائے گی کیونکہ پولیو کے قطرے پینے سے اس کے بچے بیمار ہوجاتے ہیں بعد ازاں اس خاتون نے پولیو ورکرز کے منہ پر دروازہ بندکردیا تھا۔

یہ ویڈیو شیئر کراتے ہوئے طارق نے پاکستانی خواتین کو طنز کا نشانہ بناتے ہوئے لکھا کہ ایک پاکستانی ماں نہ صرف دو خواتین پولیو ورکر پر چلائی بلکہ ان کے منہ پر دروازہ بھی بند کردیا۔
یہ بھی پڑھیں: مہوش حیات قاسم سلیمانی کی ہلاکت پر ٹرمپ پر برس پڑیں

اداکارہ مہوش حیات نے طارق کو آئینہ دکھاتے ہوئےکہا آپ کی فکرمندی کا شکریہ لیکن سب سے پہلے سوشل میڈیا پر اگلی بار کچھ بھی پوسٹ کرنے سے قبل اپنے ذرائع کی تصدیق کرلیں۔ کیونکہ درحقیقت یہ میری فلم ’’لوڈ ویڈنگ‘‘ کا ایک سین ہے اور اس میں موجود پولیو ورکر میں خود ہوں۔ جب کہ جو خاتون چلارہی ہے وہ بھی ایک اداکارہ ہے۔

یہ بھی پڑھیں: ماہرہ خان اور مہوش حیات لاکھوں لوگوں کیلئے رول ماڈل ہیں

مہوش حیات نے طارق فتح کی کمزورمعلومات پر طنز کرتے ہوئے کہا کہ اس فلم اور اس سین کے ذریعے ہم پاکستان میں پولیو کے مسئلے پر شعوراجاگر کررہے تھے۔ تاہم یہ دیکھ کر خوشی ہوئی کہ ہماری پرفارمنس بہت بہتر تھی۔

Thank u for giving ur 2 cents on this but pls first verify the source b4 posting next time. It’s a scene frm my movie”loadwedding”,the polio worker is me & that woman an actress.Through the film we were raising awareness of the issue.Glad 2 see our performances were so convincing https://t.co/ididoJJcxL

— Mehwish Hayat TI (@MehwishHayat) January 15, 2020

طارق فتح کی پاکستان کو بدنام کرنے کی کوشش کو ناکام بنانے کے لیے سوشل میڈیا پر مہوش حیات کو بے حد سراہا جارہا ہے۔ ایک صارف نے لکھا طارق فتح ٹوئٹر پر نہ صرف غلط بیانی کرتے ہیں بلکہ منفی سوچ بھی پھیلاتے ہیں، مہوش نے بہت اچھا کیا۔جب کہ ایک صارف نے مہوش حیات کی جانب سے طارق فتح کو اتنا بہترین جواب دینے پر کہا کہ مہوش کو اسی بات پر تمغہ امتیاز ملاہے۔

ایران(ایمرا نیوز آن لائن)ایران میں گرنے والے یوکرین کے طیارے کی ایک اور نئی ویڈیو سامنے آگئی ہے جس میں دیکھا جاسکتا ہےکہ طیارے کو ایک نہیں بلکہ 2 میزائلوں سے نشانہ بنایا گیا۔ امریکی اخبار نیو یارک ٹائمز نے مبینہ سی سی ٹی وی ویڈیو جاری کی ہے جس میں دیکھا جاسکتا ہے کہ طیارے کو ایرانی فوجی اڈے سےصرف 4 میل کی دوری سے نشانہ بنایا گیا۔ویڈیو میں دیکھا جاسکتا ہے کہ پہلے ایک میزائل داغا گیا جسس کے بعد فائر کیے گئے میزائل نے طیارے کو نشانہ بنایا۔

یوکرین کے سیکیورٹی چیف کا کہنا ہے کہ میزائل طیارے کے کاک پٹ کے نیچے لگا جس کی وجہ سے دونوں پائلٹ فورا ہی ہلاک ہوگئے۔ایرانی سیکورٹی حکام نے طیارے کی وڈیوبنانےوالے شخص کو گرفتارکرلیا ہے۔3 جنوری کو امریکا نے بغداد میں میزائل حملہ کرکے ایرانی قدس فورس کے کمانڈر جنرل قاسم سلیمانی کو قتل کردیا تھاجس کے بعد ایران کی جانب سے سخت ردعمل ظاہر کرتے ہوئے بدلہ لینے کا اعلان کیا گیا تھا۔8 جنوری کی علی الصبح ایران نے جوابی کارروائی کرتے ہوئے عراق میں موجود امریکی فوج کے دو ہوائی اڈوں کو میزائلوں سے نشانہ بنایا جس میں 80 ہلاکتوں کا بھی دعویٰ کیا گیا تاہم امریکا نے اس حملے میں کسی بھی امریکی فوجی کے ہلاک یا زخمی ہونے کی تردید کی ہے۔

جنرل قاسم سلیمانی کے قتل کے بعد ایران امریکا کشیدگی کے دوران 8 جنوری کو یوکرین کا مسافر طیارہ ایران میں گر کر تباہ ہوا جس کے نتیجے میں طیارے میں سوار تمام 176 افراد ہلاک ہوئے۔طیارہ تہران سے یوکرین کے دارالحکومت کفا جا رہا تھا جس میں 82 ایرانی اور 63 کینیڈین شہری بھی سوار تھے۔امریکا، کینیڈا اور دیگر مغربی ممالک کی جانب سے الزام عائد کیا جارہا تھا کہ طیارے کو ایران نے میزائل سے نشانہ بنایا تاہم ایران نے کئی مرتبہ طیارے کو نشانہ بنائے جانے کے بیانات کی تردید کی۔ایران نے واقعے کی تحقیقات میں تعاون کا بھی اعلان کیا اور امریکا کو تحقیقات کے لیے دعوت دی تاہم عالمی دباؤ کے بعد ایران نے طیارہ مار گرانے کا اعتراف کرلیا۔

لاہور(وقت آن لائن) پنجاب کی وزیرِ صحت ڈاکٹر یاسمین راشد کا کہنا ہے کہ دیکھنے میں سابق وزیر اعظم میاں محمد نواز شریف ٹھیک لگ رہے ہیں، ہمیں نہیں لگتا کہ وہ لندن میں علاج کروا رہے ہیں،ان کا کہنا ہےکہ نواز شریف کی تصویر دیکھی، وہ ریسٹورنٹ میں ماشاء اللّٰہ چائے وغیرہ پی رہے ہیں، تصویر دیکھ کر میں نے ان کے ذاتی معالج کو فون کیا اور ان کےبارے میں پوچھا کہ یہ سیر سپاٹا کیا ان کے علاج کا حصہ ہے؟ ہمیں صرف 2 صفحات پر مشتمل نواز شریف کی میڈیکل رپورٹ بھیجی گئی۔

پریس کانفرنس کرتے ہوئے وزیرِ صحت پنجاب ڈاکٹر یاسمین راشد نے کہا کہ نواز شریف کی سوشل میڈیا پروائرل ہونے والی تصویر سب نے دیکھی ہے۔انہوں نے کہا کہ نواز شریف کو علاج کے لیے بیرون ملک جانے کی اجازت دی گئی تھی، میڈیکل بورڈ نے 3 جنوری کو نواز شریف کی تمام میڈیکل رپورٹس کا جائزہ لیا۔

وزیرِ صحت پنجاب نے کہا کہ نواز شریف کو دی جانے والی مہلت 25 دسمبر کو ختم ہو گئی تھی، 25 دسمبر کے بعد ان کی طرف سے حکومت کے ساتھ کوئی رابطہ نہیں کیا گیا۔

انہوں نے کہا کہ نواز شریف کو علاج کےلیے 6 ہفتے کی اجازت دی گئی تھی، 25 دسمبر تک کسی قسم کی کوئی رپورٹ نہیں بھیجی گئی۔ڈاکٹر یاسمین راشد نے کہا کہ نواز شریف کے صاحبزادے حسین نواز نے وضاحت دیتے ہوئے کہا تھا کہ نوازشریف خاندان کے اصرار پر گھر سے ہوا خوری کے لیے نکلے تھے۔ان کا کہنا ہےکہ نواز شریف کی تصویر دیکھی، وہ ریسٹورنٹ میں ماشاء اللّٰہ چائے وغیرہ پی رہے ہیں، تصویر دیکھ کر میں نے ان کے ذاتی معالج کو فون کیا اور ان کےبارے میں پوچھا کہ یہ سیر سپاٹا کیا ان کے علاج کا حصہ ہے؟ ہمیں صرف 2 صفحات پر مشتمل نواز شریف کی میڈیکل رپورٹ بھیجی گئی۔

انہوں نے کہا کہ میں نے پوچھا کہ مریم نواز اپنے والد کی تیمار داری کہاں کریں گی، کیا وہ تیمارداری ریسٹورنٹ میں کریں گی؟ نوازشریف کے 6 ہفتے میں کوئی ٹیسٹ کیوں نہیں ہوئے؟ڈاکٹر یاسمین راشدنے کہا کہ ڈاکٹرعدنان سے دومرتبہ بات ہوئی ہے، ہمیں کوئی معلومات نہیں کہ لندن میں نواز شریف کا کیا علاج ہو رہا ہے۔انہوں نے سوال کیا کہ کیا ریسٹورنٹ کی ہوا بہت اچھی تھی؟ کیا نواز شریف ہوا خوری کے لیے ریسٹورنٹ گئے تھے؟ ہوا خوری ریسٹورنٹ کے اندر نہیں ہوتی، باہر ہوتی ہے۔

وزیرِ صحت پنجاب نے کہا کہ جب تک نواز شریف کی رپورٹ نہیں ملے گی ہم اپنی رائے کیسے دیں گے؟ ڈاکٹرعدنان کو کہا ہے کہ کوئی ٹیسٹ ہوئے ہیں تو تحریری طور پر بتائیں۔انہوں نے کہا کہ ڈاکٹر عدنان کو ہر وقت نوازشریف کے ساتھ ہونا چاہیے، میں نے ان سے کہا کہ آپ کہتے ہیں کہ نواز شریف بہت بیمار ہیں، جبکہ دیکھنے میں وہ ٹھیک ٹھاک ہیں۔یاسمین راشدنے بتایا کہ نواز شریف کے معالج کہتے ہیں کہ انہیں دل کا اٹیک ہو سکتا ہے، حکومت نے ہمدردی کے طور پر ان کو علاج کرانے کا موقع دیا تو اس کا فائدہ اٹھائیں۔

دوسری جانب نواز شریف کے وکیل خواجہ حارث کے جواب کے بعد حکومتِ پنجاب نے ڈاکٹر عدنان کے نام خط لکھ دیا ہے، جس میں حکومت نے ان سے نواز شریف کی تازہ میڈیکل رپورٹس مانگی ہیں۔پنجاب حکومت کے ذرائع کے مطابق مسلم لیگ نون کی درخواست کے بعد حکومتِ پنجاب نے خواجہ حارث کو خط لکھا تھا، جس میں ان سے نواز شریف کی میڈیکل رپورٹس کے حصول کے لیے نواز شریف کے ذاتی معالج کو خط لکھنے کا کہاتھا۔

ذرائع پنجاب حکومت نے بتایا کہ پنجاب حکومت نے خواجہ حارث کے جواب کے بعد ڈاکٹر عدنان کو بھی خط لکھ دیا ہے، فریقین کے درمیان اب تک 4 خطوط کا تبادلہ ہو چکا ہے۔پنجاب حکومت کے ذرائع کا یہ بھی کہنا ہے کہ مسلم لیگ نون نے نواز شریف کی ضمانت میں توسیع کے لیے پہلا خط لکھا تھا۔

فیروزوالہ(ایمرا نیوز آن لائن + رپورٹ :عمر فاروق)فیروزوالہ کالا خطائی کے علاقہ جاوید پارک میں کرنٹ لگنے سے چار سالہ علی حسن ہلاک ہو گیا۔اہل علاقہ نے سپرنٹنڈنٹ، ایس ڈی او سے بار بار منت سماجت کی کہ ہمارے علاقے

میں جو تاروں کا جال ہے اس کو ہٹا دو لیکن ظالم اس رشوت نے واپڈا کو یہ کہنے پر مجبور کر دیا کہ ہم بغیر روپے لئے یہ کام نہیں کریں گے۔ واپڈا کی بے حسی کی وجہ سے ننھے چار سالہ علی حسن کی جان گئی ۔اس حادثے کے بعد بھی

پولیس سمیت واپڈا کا کوئی اہلکار بھی موقع پر موجود نہیں تھا اہل محلہ کا وزیر اعظم عمران خان اور وزیر اعلیٰ سے اپیل کی گئی ہے کہ لائین مین عبدالغفور اور سپرنٹنڈنٹ کے خلاف مقدمہ درج کر ے اور اس کوتاہی کی وجہ سے ان پر مقدمہ بھی درج کیا جائے۔

لاہور(ایمرا نیوز آن لائن) وزیر اطلاعات پنجاب فیاض الحسن چوہان کا کہنا ہے کہ آئین اور قانون کے مطابق کورا ان پڑھ شخص ایم این اے یا ایم پی اے بن سکتا ہے۔اپنے ایک بیان میںٰ فیاض چوہان نے کہا کہ وزیراعلیٰ عثمان بزدار کے دور میں ملکی تاریخ میں پہلی مرتبہ اقتدارگراس روٹ لیول تک پہنچا ہے، پنجاب لوکل گورنمنٹ ایکٹ سے عوام اور منتخب نمائندوں کو بااختیار بنایا گیا ہے، جب کہ ماضی کی حکومتوں میں کسی وزیرمشیر کے پاس کوئی اختیار نہیں تھا۔

انہوں نے سابق وزیراعلیٰ پنجاب شہباز شریف پر تنقید کرتے ہوئے کہا کہ حبیب جالب کے شعر پڑھنے والے وزیراعلیٰ کی توجہ کبھی بھی عوامی مسائل کی طرف نہیں گئی، نام نہاد خادم اعلیٰ نے تمام تر اختیارات اپنی ذات تک محدود کررکھے تھے اور ان کے ساتھ دائیں بائیں بیٹھے لوگ بھی اختیارات کا ناجائز استعمال کرتے رہے۔

وزیر اطلاعات نے سابق حکومتوں پر طنز کرتے ہوئے کہا کہ نواز شریف اور آصف زرداری نے انتخابات میں امیدوار کیلئے بی اے کی شرط کا خاتمہ کیا، یعنی آئین اور قانون کے مطابق کورا انپڑھ شخص ایم این اے یا ایم پی اے بن سکتا ہے اور پھر جو ایم این اے یا ایم پی اے بنے گا وہی وزیر مشیر بھی ہو گا۔

فیاض چوہان نے اعتراف کیا کہ کوئی شک نہیں مہنگائی بہت زیادہ ہے لیکن حکومت اسے قابو میں کرنے کی کوشش کر رہی ہے، حکومت کفایت شعاری کی مہم پر کاربند ہے جلد نتائج بھی سامنے آئیں گے۔واضح رہےکہ خیبرپختونخوا میں وزیر تعلیم مقرر کیے جانے والےتحریک انصاف کے رکن اکبر ایوب خان کی تعلیم میٹرک ہے جس پر انہیں تنقید کا نشانہ بنایا گیا تھا۔

کراچی(ایمرا نیوز آن لائن) اوبر نے 3ارب 10 کروڑ ڈالرکے عوض “کریم” کوحاصل کرلیاہے جس کے نتیجے میں کریم نیٹ ورکس ایف زیڈ ایل ایل سی اپنے برانڈ کو محفوظ رکھتے ہوئے اوبر کا مکمل ملکیتی اور ماتحت ادارہ بن گیاہے۔کریم کے سی ای او مدثر شیخا کریم کاروبارمیں رہنمائی جاری رکھیں گے جو اوبر کے 3 نمائندوں اورکریم سے 2 نمائندوں پر مشتمل بورڈ کو رپورٹ کرے گا۔ کریم اور اوبر اپنی علاقائی خدمات اور آزادنہ طور پر برانڈز کو چلائیں گے۔طے شدہ معاہدے کے تحت اوبر نے مشرق وسطی میں کریم کے نقل و حمل اورادائیگی کے کاروبار حاصل کیے ہیں جس میں مصر، سعودی عرب اور متحدہ عرب امارات سمیت بڑی مارکیٹیں شامل ہیں۔

پاکستان، قطر اور مراکش میں ریگولیٹری منظوری کا عمل جاری ہے اور جب تک ذمے دار قانونی حکام سے منظوری حاصل نہیں ہوجاتی تب تک ان علاقوں میں یہ لین دین نہیں ہو گا۔
اوبر کے سی ای او دارا خسروشاہی نے کہا کہ وہ کریم سے بھی زیادہ جدت دیکھنے کے منتظر ہیں۔انہوں نے کہاکہ دونوں پلیٹ فارم ڈرائیورز اورسواروں کو مشرقی وسطی میں اپنی سروسز کو بڑھا سکیں گے۔

کریم کے سی ای او مدثر شیخا نے کہا کہ آج کریم کے لئے ایک نئے باب کا آغاز ہواہے۔ ہم نے مشرق وسطی کے زیادہ تر لوگوں کی زندگیوں کو آسان بنانے کے لئے سفر تقریبا ایک دہائی قبل شروع کیا تھا۔ اوبر کے ساتھ شامل ہونے سے خطے کی روزمرہ کی زندگی کو مزید آسان اور بہتر بنانے میں ہمارے وڑن کو تیز کرنے میں مدد ملے گی۔

انہوں نے کہا کہ ہم کریم اور اوبر کو نئی بلندیوں پرپہچانے کیلیے متحرک ہیں،دونوں کمپنیوں کوتوقع ہے کہ مکمل حصول سے پیش کردہ خدمات کو بڑھانے کا موقع ملے گا۔ اسی طرح، ڈرائیوروں اور رائڈرز کے لئے سفر میں اضافے، بہتر خدمات کی فراہمی اور بہتر معاشی مواقع کے ساتھ ساتھ اس کے زیادہ سے زیادہ استعمال سے آمدنی میں اضافہ بھی دیکھاجاسکتا ہے۔

امریکہ(ایمرا نیوز آن لائن)امریکا میں مرغے کا پیچھا کرتے پولیس اہلکاروں کی دلچسپ ویڈیو انٹرنیٹ پر تیزی سے وائرل ہورہی ہے۔یوں تو آپ نے پولیس اہلکاروں کو مجرموں کا پیچھا کرتے ہوئے دیکھا ہوگا لیکن امریکی پولیس آفیسرز کی مرغے کو پکڑنے کے لیے دوڑیں لگ گئیں۔سوشل میڈیا پر وائرل ہونے والی ویڈیو میں دیکھا جا سکتا ہے کہ پولیس اہلکار ایک مرغے کاپیچھا کر رہے ہیں۔

یہ دلچسپ مناظر امریکی ریاست مغربی ورجینیا کے ٹاؤن ملٹن کے اسٹور کی پارکنگ لاٹ کے ہیں جہاں ایک مرغے کو آزادی سے گھومتا دیکھا گیا جس پر وہاں موجود افراد نے پولیس کو اطلاع دی۔

پولیس کئی گھنٹوں تک مرغے کو پکڑنے کی کوشش کرتی رہی اور کافی بھاگ دوڑ کے بعد پولیس بلا آخر مرغے کو قابو کرنے میں کامیاب ہوگئے جسے اس کے مالک کے حوالے کردیا گیا۔

پشاور(ایمرا نیوز آن لائن)پشاور پولیس نے دہشت گردی کا بڑا منصوبہ ناکام بناتے ہوئے افغانستان سے تعلق رکھنے والا اہم نیٹ ورک پکڑ لیا۔ایس پی سٹی محمد شعیب خان نے پریس کانفرنس میں بتایا کہ ایک اطلاع پر حاجی کیمپ اڈہ پشاور میں کئی گھنٹے سرچ آپریشن کیا گیا جہاں خاتون سمیت 5 افراد کو گرفتار کرکے سی ٹی ڈی کے حوالے کر دیا گیا۔

محمد شعیب خان نے بتایا کہ ملزمان سے بارودی مواد برآمد کرنے کے بعد تحقیقات شروع کر دی گئی ہیں۔ایس پی سٹی نے انکشاف کیا کہ خاتون پشاور اور لاہور میں دہشت گردی کے منصوبوں میں استعمال کی جانی تھی۔

انہوں نے بتایا کہ کچھ وقت سے دھمکیاں مل رہی تھیں جن میں اہم اور حساس مقامات کو دہشت گردی کا نشانہ بنانا شامل تھا تاہم پولیس نے بروقت کارروائی کی اور پشاور اور لاہور بہت بڑی تباہی سے بچ گئے۔

اسلام آباد(ایمرا نیوز آن لائن)اسلام آباد میں عید میلاد النبی ﷺ کی مناسبت سےانٹرنیشنل رحمۃ اللعالمین کانفرنس جاری ہے۔اس وقت انٹرنیشنل رحمۃ اللعالمینﷺ کانفرنس سے وزیراعظم عمران خان خطاب کررہے ہیں۔

اپنے خطاب میں عمران خان نے کہا کہ لوگ پوچھتے ہیں کہ نیا پاکستان اور ریاست مدینہ کی طرز پر پاکستانی ریاست کب بنے گی؟ میں ان سے کہتا ہوں کہ مدینہ کی ریاست پہلے دن ہی نہیں بن گئی تھی، ہوسکتا ہے جب پاکستان ریاست مدینہ کی طرح بنے ہم زندہ نہ ہوں، یہ ایک مسلسل جدوجہد کا نام ہے، کم سے کم ہم اس راستے پر چل تو پڑیں۔

انہوں نے کہا کہ میں یقین دلاتا ہوں کہ جیسے جیسے مجھے موقع ملے گا میں مدینہ کی ریاست کے اصول ملک میں لاتا رہوں گا۔خیال رہے کہ ملک بھر میں جشنِ ولادت رسول ﷺ شایان شان طریقے سے مذہبی عقیدت واحترام کے ساتھ منایا جارہا ہے۔