Tag daughter

ممبئی(ایمرا نیوز آن لائن) بالی ووڈ کے مسٹر پرفیکشنسٹ عامر خان کی 22 سالہ صاحبزادی ویسے تو بالی ووڈ کی لائم لائٹ سے دور رہتی ہیں لیکن اب وہ اپنے مبینہ معاشقے کے باعث خبروں کی زینت بن گئی ہیں۔عامر خان اور رینا دتہ کی صاحبزادی ایرا خان بیرون ملک اپنی تعلیم مکمل کر رہی ہیں جس کے باعث وہ بالی ووڈ کی تقریبات میں نظر نہیں آتیں۔ ایرا خان انسٹاگرام پر اپنے دوستوں کے ساتھ تصاویر شیئر کرتی رہتی ہیں لیکن اب ان کی جانب سے ایک لڑکے کے ساتھ شیئر کی جانے والی تصویر نے انہیں خبروں کی زینت بنادیا۔ایرا خان اپنے دوست مشال کرپلانی کے ساتھ پہلے بھی تصاویر شیئر کرتی رہتی ہیں لیکن اب انہوں نے جو تصویر شیئر کی ہے اس میں نوجوان کو اداکار عامر خان کی بیٹی کی پیشانی پر بوسہ لیتے ہوئے دیکھا جاسکتا ہے۔ انہوں نے اس تصویر کے ساتھ لکھا ’ امید ہے کہ تمہاری موسم بہار کی چھٹیاں دھوپ اور مسکراہٹوں سے بھرپور رہی ہوں گی‘۔یہ تصویر سامنے آنے کے بعد سوشل میڈیا کے ساتھ ساتھ مین سٹریم میڈیا پر بھی چہ میگوئیاں شروع ہوگئی ہیں۔ بھارتی میڈیا کی جانب سے دعویٰ کیا جارہا ہے کہ ایرا خان اور مشال کرپلانی ایک دوسرے کو ڈیٹ کر رہے ہیں۔

تنظیم’سائنٹولوجی‘ میں خدمات سر انجام دینے کی خواہش مند
ازابیل کروز کی جانب سے تنظیم کو بھیجی گئی ای میل میں والد ٹام کروز کی تعریف ، والد کی طرح ’سائنٹولوجی‘ کا حصہ بننے پر فخر کا اظہار بھی کیا
لاس اینجلس(ایمرا نیوز آن لائن) ہالی ووڈ ایکشن ہیرو ٹام کروز اپنی 26 سالہ بیٹی ازابیل کروز کی جانب سے مذہبی نظریات کی اپنائی جانے والی کوششوں کی وجہ سے ایک بار پھر خبروں میں آگئے اطلاعات ہیں کہ ٹام کروز اور اداکارہ نکول کڈمین کی گود لی گئی 26 سالہ بیٹی ازابیل کروز بھی والد کی طرح متنازع مذہبی خیالات کی حامل تنظیم’سائنٹولوجی‘ میں خدمات سر انجام دینا چاہتی ہیں۔معروف امریکی میگزین ’پیپلز‘ کے مطابق ازابیل کروز کی جانب سے حال ہی میں برطانیہ کی تنظیم ’سائنٹولوجی‘ کو لکھے گئے خط میں اس عزم کا اظہار کیا گیا کہ وہ تنظیم میں بطور رکن خدمات سر انجام دینا چاہتی ہیں۔رپورٹ کے مطابق ازابیل کروز نے تنظیم کو خط میں گزارش کی ہے کہ وہ تنظیم میں بطور ’ آڈیٹر‘ خدمات سر انجام دے کر لوگوں کی تربیت کرنا چاہتی ہیں۔ازابیل کروز کی جانب سے تنظیم کو بھیجی گئی ای میل میں انہوں نے اپنے والد ٹام کروز کی بھی تعریف کی اور والد کی طرح ’سائنٹولوجی‘ کا حصہ بننے پر فخر کا اظہار بھی کیا۔تاہم انہوں نے اپنی والدہ اداکارہ نکول کڈمین کا ذکر نہیں کیا۔رپورٹ کے مطابق ازابیل کروز لندن کے چرچ آف سائنٹولوجی کی ’ آڈیٹر’ بن کر روحانی اور نفسیاتی طور پر بھٹکے ہوئے لوگوں کی رہنمائی کرنا چاہتی ہیں۔خیال رہے کہ ’چرچ ا?ف سائنٹولوجی‘ کو اگرچہ امریکا اور برطانیہ کی اکثر آبادی مذہبی نہیں مانتی، تاہم اس تنظیم سے منسلک لوگ خود کو جدید اور سیکولر مذہب کا حصہ مانتے ہیں۔

ممبئی (ایمرا نیوز آن لائن )معروف بھارتی موسیقار اے آر رحمٰن کی بیٹی کے حجاب پہننے پر سوشل میڈیا صارفین نے منفی پروپگینڈا شروع کرتے ہوئے گلوکار کو ایک قدامت پسند شخص قرار دے دیا۔اے آر رحمٰن کے آسکر ایوارڈ جیتنے کے 10 برس مکمل ہونے سے متعلق منعقدہ ایک تقریب کے دوران جب ان کی صاحبزادی خدیجہ کو اسٹیج پر مدعو کیا گیا تو انہوں نے باحجاب رہتے ہوئے اسٹیج پر اپنے والد کا انٹرویو کیا۔تاہم اس تقریب کے بعد سماجی رابطے کی ویب سائٹس پر لوگوں نے خدیجہ کے لباس کی وجہ سے ان کے والد اے آر رحمٰن کو ایک قدامت پسند شخص قرار دے دیا۔سماجی رابطے ویب سائٹ پر لوگوں کی تنقید کو بالائے طاق رکھتے ہوئے اے آر رحمٰن نے اپنے گھر کی خواتین کی مکیش امبانی کی اہلیہ نیتا امبانی کے ساتھ تصویر شیئر کی۔اس سے قبل سماجی رابطے کی ویب سائٹس پر لوگوں نے بیٹی کے حجاب پہننے پر اے آر رحمٰن کو ایک قدامت پسند شخص قرار دیا تھا۔لوگوں نے خدیجہ کے حجاب پہننے اور دیگر بیٹوں کے حجاب نہ پہننے کو اے آر رحمٰن کا اسلام کے لیے دکھاوا قرار دیا۔کچھ لوگوں کا کہنا تھا کہ خدیجہ کا حجاب صرف ایک دکھاوا ہے جس میں حقیقت نہیں جبکہ کچھ کا کہنا تھا کہ یہ حجاب ان کے والد نے انہیں زبردستی پہنایا ہے۔تاہم اے آو رحمٰن کی صاحبزادی نے سماجی رابطے کی ویب سائٹ فیس بک پر اپنے اوپر ہونے والی تنقید کا جواب بھی دیا۔انہوں نے اپنے پیغام میں لکھا کہ ’کچھ لوگ میرے بارے میں تبصرہ کر رہے ہیں اور اس حجاب کو میرے والد کی جانب سے میرے لیے زبردستی قرار دے رہے ہیں، تاہم میں انہیں صرف اتنا جواب دینا چاہوں گی کہ میرے والدین کا میرے حجاب پہننے یا اس کا انتخاب کرنے سے کوئی تعلق نہیں ہے‘۔