Tag death

کراچی (ایمرا نیوز آن لائن)
اردو کے معروف شاعر ،ادیب اور نغمہ نگارحمایت علی شاعر کینیڈا کے شہر ٹورنٹو میں انتقال کر گئے ،وہ کچھ عرصہ سے علیل تھے اور کینیڈا میں زیر علاج تھے ،منگل کی صبح انہیں دل کا دورہ پڑا جو جان لیوا ثابت ہوا،ان کی تدفین کینیڈا میں ہی ہو گی ،ان کے ایک صاحبزادے کمانڈر روشن خیال نیوی سے ریٹائرمنٹ کے بعد کینیڈا منتقل ہوگئے تھے جبکہ دوسرے صاحبزادے پروفیسر اوج کمال جامعہ اردو میں استاد ہیں۔حمایت علی شاعر 14 جولائی 1926 کو اورنگ آباد دکن میں پیدا ہوئے تھے ، قیام پاکستان کے بعد انہوں نے کراچی میں سکونت اختیار کی اورسندھ یونیورسٹی سے اردو میں ایم اے کیا،ان کی شاعری ، فلمی گیت بے انتہا مقبول ہوئے ،ان کی تصانیف میں آگ میں پھول، شکست آرزو، مٹی کا قرض، تشنگی کا سفر، حرف حرف روشنی، دود چراغ محفل (مختلف شعرا کے کلام)، عقیدت کا سفر(نعتیہ شاعری کے ساتھ سو سال، تحقیق)، آئینہ در آئینہ(منظوم خودنوشت سوانح حیات)، ہارون کی آواز(نظمیں اور غزلیں)، تجھ کو معلوم نہیں(فلمی نغمات)، کھلتے کنول سے لوگ(دکنی شعرا کا تذکرہ)، محبتوں کے سفیر(پانچ سو سالہ سندھی شعرا کا اردو کلام)شامل ہیں۔اردو شاعری میں ان کا ایک کارنامہ تین مصرعوں پر مشتمل ایک نئی صنف سخن ثلاثی کی ایجاد ہے ، ادبی خدمات پر حکومت نے صدارتی ایوارڈ سے نوازا جبکہ نگار ایوارڈ بھی حاصل کیا ۔اس کے علاوہ انہیں رائٹرگلڈآدم جی ایوارڈ، عثمانیہ گولڈ میڈل (بہادر یار جنگ ادبی کلب)سے نوازا گیا۔

لاہور(ایمرا نیوزآن لائن) پاکستان کی فلمی موسیقی پر کئی دہائیوں تک راج کرنے والے گلوکار احمد رشدی کو گذرے36 برس بیت گئے۔پاکستان کے پہلے پاپ سنگر کا اعزاز حاصل کرنے والے معروف فلمی گلوکار احمد رشدی 24 اپریل 1934 کو حیدرآباد دکن میں پیدا ہوئے ۔وہ 1954 میں حیدر آباد دکن ہجرت کر کے پاکستان آئے اور انہوں نے اپنے فنی کریئر کا آغاز ریڈیو پاکستان کراچی سے شروع کیا۔احمد رشدی کو یہ اعزاز حاصل ہے کہ انہوں نے 1955 میں دیگر گلوکاروں کے ساتھ مل کر پاکستان کا قومی ترانہ پہلی مرتبہ گایا تھا۔انہوں نے فلم ‘انوکھی کے مقبول عام گانے بندر روڈ سے کیماڑی میری چلی ہے گھوڑا گاڑی سے شہرت حاصل کی تاہم 1961 میں لاہور آنے کے بعد فلم ‘سپیرن کے گیت چاند سا مکھڑا گورا بدن، اور اگلے سال فلم ‘مہتاب کے گیت گول گپے والا آیا گول گپے لایا نے احمد رشدی کو صف اوّل کا گلوکار بنا دیا۔اس کے بعد انھوں نے کبھی پیچھے مڑ کر نہیں دیکھا اور پلے بیک سنگنگ میں ان کے انداز کی انفرادیت ہمیشہ قائم رہی۔یوں تو احمد رشدی نے لولی وڈ کے تمام ہیروز کے لئے گیت گائے لیکن چاکلیٹی ہیرو وحید مراد پر ان کی آواز کو موزوں ترین قرار دیا گیا۔دونوں فنکاروں کے تال میل سے فلم ارمان کا گیت ‘اکیلے نہ جانا کو کون بھول سکتا ہے۔ 1963 سے 1977 کا دور احمد رشدی کے عروج کا عہد تھا، اسی عرصے میں انھوں نے فلم ‘خاموش رہو کے لئے حبیب جالب کی غزل میں نہیں مانتا گا کر جالب کو بھی پاکستان بھر میں مشہور کر دیا۔اس کے علاوہ اس عرصے میں انھوں نے، کیا ہے جو پیار تو پڑے گا نبھانا، دل کو جلانا ہم نے چھوڑ دیا، کبھی تو تم کو یاد آئیں گے وہ نظارے اور تجھے اپنے دل سے کیسے میں بھلا دوں جیسے یادگار گیت گائے۔احمدر شدی کو پاکستان کا پہلا پاپ سنگر ہونے اور سب سے زیادہ فلمی نغمے گانے کا اعزاز حاصل ہے۔گیارہ اپریل 1983 کواحمد رشدی کی رسیلی آواز ہمیشہ ہمیشہ کے لئے خاموش ہوگئی مگر وہ اپنے گیتوں کے ذریعے آج بھی لوگوں کے دلوں میں زندہ ہیں،ان کی وفات کے بعد حکومت کی جانب سے انہیں ستارہ امتیاز کے اعزاز سے نوازا گیا تھا۔

پیپلز پارٹی کے بانی چیئرمین ذوالفقارعلی بھٹوکی40ویں برسی آ ج منائی جائے گی
اسلا م آ با د(ایمرا نیوز آن لائن) پاکستان پیپلز پارٹی کے بانی چیئرمین و سابق وزیر اعظم ذوالفقارعلی بھٹوکی40ویں برسی آ ج جمعرات کو منائی جائے گی اس سلسلے میں جہانیاں سمیت ملک بھر میں پیپلز پارٹی کے تمام ڈویژنل ،ضلعی،تحصیل اور سٹی دفاتر میں ذوالفقار علی بھٹو کی روح کے ایصال ثواب کیلئے قرآن خوانی اور اجتماعی فاتحہ خوانی کا اہتمام کیا جائے گا۔پاکستان کے پہلے منتخب جمہوری وزیراعظم ذوالفقار علی بھٹو کا عہد سیاست صرف 12سال پر محیط تھا، جس میں 6 سال ان کے عہد ِحکومت کے بھی شامل ہیں، ان 12 برسوں میں ذوالفقار علی بھٹو کو غیر معمولی عزت اور شہرت نصیب ہوئی۔برسی کے موقع پر ملک بھر کے تمام چھوٹے بڑے شہروںمیں سیمینارز،جلسے ،جلوس،مذاکرے،مشاعرے اور دیگر تقریبات منعقد ہوں گی جس میں قائد عوام ذوالفقار علی بھٹو کی جمہوریت اور ملک و قوم کیلئے خدمات پر تفصیل سے روشنی ڈالی جائے گی اخبارات خصوصی ایڈیشن شائع کریں گے جبکہ نجی ٹی وی چینلزسے بھی خصوصی پروگرام نشر کیے جائیں گے جس میںسابق وزیر اعظم ذوالفقار علی بھٹو کی ملک و قوم کیلئے پیش کی گئی خدمات کو اجاگر کیا جائے گا۔

لاہور(ایمرا نیوز)
یہ یقین کرنا مشکل ہے کہ سات سال سے زائد عرصہ بعد مائیکل جیکسن غیر متوقع طور پر 50 سال کی عمر میں گزر گیا ہے.

اس وقت اس کے دو سب سے بڑے بچوں نے نوجوان بالغوں میں پختہ کیا ہے، اور ان کی سب سے چھوٹی عمر کی عمر میں داخل ہو چکا ہے.

اگرچہ وہ سب سے بہتر پاپ کے بادشاہ کے طور پر جانا جاتا ہے، اگرچہ ان کا کہنا ہے کہ ان کے آخری سالوں میں، جیکسن کی سب سے بڑی ترجیح یہ سب سے بہتر باپ تھی جو وہ پرنٹ مائیکل، پیرس اور کمبل کے پاس تھا.
اور ایسا لگتا ہے کہ خواہش اس کی مردہ خواہش میں عکاسی کی گئی تھی، جس سے پتہ چلتا ہے کہ جیکن کے بچوں کا مستقبل ان کے دماغ پر اپنے حتمی دنوں میں زیادہ وزن لگایا گیا ہے.
جیکسن خاندان کے قریب ذرائع نے حال ہی میں انکشاف کیا کہ مائیکل اس ہفتے کے مہینے میں ایک انتہائی مخصوص حتمی درخواست بنا کر اپنے دلائل پر قابو پانے کے لئے تیار ہے.

جیکسن نے مبینہ طور پر پوچھا کہ ان کے قریبی دوست ڈانا راس اپنے بچوں کی زندگی میں مسلسل موجودگی رہتی ہیں.

جبکہ مائیکل نے اپنی ماں کوتھرین جیکسن، بچوں کے سرپرست، راس نے ظاہر کیا ہے کہ وہ کسی طرح کے مشیر اور دوسری دادی کے طور پر کام کرتے ہیں.
“ڈیانا نے قبول کیا ہے کہ مائیکل کے بچوں کو اس کے لئے ایک مستقل تشویش ہے،” خاندان کے قریب ایک ذریعہ راڈر بتاتا ہے.

راس نے گہری طور پر اس بات کا خدشہ کیا ہے کہ بچوں کو میڈیا کی جانچ پڑتال کے ساتھ کس طرح کا سامنا کرنا پڑتا ہے جو پیدائش سے ان کی زندگی میں مسلسل ہے، اور لگتا ہے کہ ان کے باپ کے پاس جانے کے بعد ہی برسوں میں صرف زیادہ شدید ہوسکتا ہے.

ذرائع کا کہنا ہے کہ راس خاص طور پر 18 سالہ پیرس کی بہبود سے متعلق ہے.

اگرچہ پیرس نے اپنے آپ کو خود کش کرنے کی کوشش کی کیونکہ تین سال سے زائد عرصے تک اس کے نتیجے میں، وہ اپنے مختلف جذباتی مصیبتوں کے علامات کا تجربہ کرتے ہیں.

ایبٹ آباد (میڈیا نائن ٹو ڈاٹ ٹی وی )پاکستان مسلم لیگ (ن)کے صدر ٗ سابق وزیر اعظم محمد نوازشریف نے کہا ہے کہ راہزنوں سے سوال ہی نہیں کیا گیا تب ہی ملک میں بار بار جمہوریت پٹری سے اترتی رہی ٗکیا کبھی پرویز مشرف کو کٹہرے میں لایا گیا؟ کوئی عدالتی فیصلہ میرا اور عوام کا تعلق نہیں توڑ سکتا ٗ منتخب نمائندوں کے ساتھ کیا ہوتا رہا اور آئین لوٹنے والوں کے ساتھ کیا ہوا، ان سوالات کے جواب جج ہی دے سکتے ہیں ٗ مائنس نوازشریف کہنے والے سن لیںنوازشریف ایک نظرئیے کا نام ہے ٗ یہی نظریہ میں پاکستان میں انقلابی تبدیلی لیکر آئیگا ٗانمول ہیروں سے بنائی گئی جے آئی ٹی کی حقیقت ایک دن سب کے سامنے آجائے گی ٗموت سے ڈرتا ہوں نہ ہی جیل سے ٗ پاکستانیوں کی آنے والی نسلوں کے بہتر مستقبل کیلئے آخری سانس تک خدمت کرتے رہیں گے ٗاربوں درخت لگانے والے اربوں کھاگئے ٗ عوام حسا ب لینگے ۔اتوار کو جلسے سے خطاب کرتے ہوئے سابق وزیر اعظم نے کہا کہ مجھے 2013یاد آرہا ہے ٗ یہی جذبہ تھا ٗکس منہ سے آپ کا شکریہ ادا کروں ٗ آپ کی محبت کیلئے بڑا احسان مند ہوں ٗ آپ کی محبت ثابت کرتی ہے کہ نوازشریف اور ایبٹ آباد کے عوام کا گہرا رشتہ اور تعلق ہے ٗانشاء اللہ اس تعلق کو کوئی چھین نہیں سکتا ٗ کوئی عدالتی فیصلہ اس تعلق کو نہیں توڑ سکتا ٗ نواز شریف تب بھی بھائی اور دوست تھا آج بھی دوست ہے ٗ ایبٹ آباد کے عوام نوازشریف کے جگری دوست ہیں ٗ بھائی ہیں ۔نواز شریف نے کہاکہ میں 2013ء میں کچھ وعدے کئے تھے ٗ یہی جذبہ تھا ٗ یہی لوگ تھے ٗ 2013میں ملک کے اندر کیا تھا ٗ کچھ نہیں تھا ٗ 2013میں بیس بیس گھنٹے لوڈشیڈنگ ہوتی تھی ٗ سی این جی اسٹیشنز پر گاڑیوں کی لمبی قطاریں تھیں ٗ ڈیزل اور پٹرول کتنا مہنگا تھا ٗ ملک میں دہشتگردی کی انتہاتھی ٗ دہشتگردی ہر جگہ پر عام تھی ٗلوگ روزانہ شہید ہوتے تھےٗاللہ کے کرم وفضل سے لوڈشیڈنگ سب کو خدا حافظ کہہ رہی ہے ٗ ملک میں دہشتگردی ختم ہورہی ہے ٗ پاکستان ترقی کی منزلیں طے کررہا ہے انہوںنے کہا کہ میں نے وعدہ نہیں کیا تھاکہ موٹر وے بنائونگا لیکن میں نے آپ کی محبت میں ہزارہ موٹر بنانے کا اعلان کیا ٗ چند ہفتو ں تک حویلیاں تک موٹر وے مکمل ہو نے والی ہے ٗنوازشریف وزیر اعظم نہیں ہے لیکن موٹر و ے انشاء اللہ مکمل ہو جائیگی ٗحویلیاں سے ایبٹ آباد موٹر وے آرہی ہے ٗ ٹنل بن رہے ہیںٗ سرنگیں بن رہی ہیں اورانشاء اللہ چھ لائن موٹر وے مانسہرہ جائیگی ٗ پشاور سے کراچی تک چھ لائن انشاء اللہ مکمل ہو رہی ہے ٗ ہم نے پاکستان کے عوام کی خوشحالی کیلئے بے پناہ کام کیا ہے ۔انہوںنے کہاکہ مجھے بتائیں کیا ہمارے ساتھ انصاف ہوا ہے ؟محمود خان اچکزئی نظریاتی ساتھی ہیں اور سچا کھڑا پاکستانی ہے ٗ نواز شریف ایک نظریئے کا نام ہے ٗ جو لوگ کہتے ہیں مائنس نواز شریف کہتے ہیں ان کو پتہ نہیں ہے کہ آج نوازشریف ایک نظریئے کا نام ہےٗ ایبٹ آباد کے سب لوگ ایک نظرئیے کا نام ہے اور انشا ء اللہ یہ نظریہ پاکستان میں انقلابی تبدیلی لیکر آئیگا ایبٹ آباد کے عوام میرے ساتھ قدم سے قدم ملا کرچلیں گے انہوںنے کہاکہ ہم ایک طرف ترقی اور خوشحال کے کاموں لگے ہوئے تھے دوسری طرف دھرنے ٗ جلوس تھے ٗ گالیاں تھیں ٗ الزامات تھے ٗ سڑکوں پر تماشے تھے جس میں کے پی کے کی حکومت والوں کا سربراہ تھا اور ان کے ساتھ طاہر القادربھی تھا ۔انہوںنے کہاکہ نوازشریف ہارنے والا نہیں ہے ٗانشاء اللہ آپ کو نہیں چھوڑونگا ٗ آپ کا وعدہ ہے آپ نواز شریف کو نہیں چھوڑینگے ۔انہوںنے کہاکہ آپ کے سامنے پاناما کا سب سے بڑا تماشا لگا ٗ جس درخواست کو پہلے فضول سمجھ کر فارغ کیا گیا بعد میں اس کو مقدس سمجھ کر مقرر کر لیا گیا ٗ مجھے اور میرے خاندان کو کٹہرے میں کھڑا کر دیا گیا اور اس کیلئے بڑے انمول ہیرے تلاش کئے گئے ان پر مبنی ایک جے آئی ٹی بنائی گئی جس کے سامنے میں بھی پیش ہوا ٗ جس کے سامنے مریم نوازشریف بھی پیش ہوئیں ٗ حسن حسین نواز پیش ہوئے ٗ جے آئی ٹی کی پوری کہانی کسی دن قوم کے سامنے آ جائیگی ۔انہوںنے کہاکہ دنیا بھر کے سیر سپاٹے کے باوجود نوازشریف کیخلاف ایک پائی کی کرپشن کا کوئی الزام نہیں لگا ٗ ایک ڈھیلے کی کرپشن کا کوئی الزام نہیں لگا جب ساری کوششیں ناکام ہوگئیں تو کہا گیا کہ نوازشریف نے اپنے بیٹے سے تنخواہ نہیں لی لہذا نواز شریف تم نا اہل قرار دیئے جاتے ہو انہوںنے کہاکہ میں نے فیصلے پر عمل کر نےمیں کوئی دیر نہیں کی ٗ وزارت عظمیٰ کا عہدہ چھوڑ کر گھر آگیا ٗ کیا آپ نے یہ فیصلہ تسلیم کیا ہے ؟ جس پر جلسے میں شریریک لوگوں نے نہیں میں جواب دیا ۔نوازشریف نے کہا کہ پاکستان کے عوام بھی فیصلہ سن لیں ٗ منتخب ووزیر اعظم کو اٹھا کر باہر پھینک دیا گیاٗیہ کرپشن پر نہیں بیٹے سے تنخواہ نہ لینے پر باہر کیا ۔نوازشریف نے شرکاء کو مخاطب کرتے ہوئے کہاکہ آپ کو نوازشریف کا ساتھ دینا ہوگا ۔میری طاقت عوام ہیں ٗ بیس کروڑ عوام میری عدالت ہے ۔انہوں نے کہاکہ میں نے نظر ثانی کی درخواست دائر کی تو فیصلے میں سوال اٹھایا گیا کہ قافلے کیوں لٹتے رہے ؟ رہزنوں سے گلا نہیں رہبری کا سوال ہے ؟ہمیں معلوم ہے ٗ اس قوم کو معلوم ہے کہ آپ نے کبھی رہزنوں سے کوئی گلا کیانہیں ٗ 70سالوں کے دور ان گلا تو کیا کسی راہزن سے سوال نہیں کیا ٗ کسی رہزن کو کٹہرے میں نہیں لائے ٗ کیا مشرف کو کٹہرے میں لیکر آئے ٗ مشرف سے گلا کیا ؟ آپ نے سوال بھی نہیں پوچھا ٗ ڈکٹیٹر کے ہاتھ پر بیعت کی گئیٗ وفاداری کے حلف لئے گئے ٗ آئین اور پاکستان کا حلف ایک طرف پھینک کر پی سی او کے تحت حلف لئے گئے ٗ قافلے اسی لئے لٹتے رہے ٗآئین اسی لئے بے توقیر ہوتا رہا ٗ جمہوریت بار بار پٹڑی سے ا ترتی رہی ٗ یہاں آپ کے ووٹ لینے منتخب نمائندوں سے کیا سلوک کیا جاتا رہا ٗ آئین کو توڑکر طاقت کے زور پر قبضہ کرنے والوں کے ساتھ کیا سلوک ہوتا رہا ؟ اس سوال کا جواب رہبری کر نے ورالے نہیں ٗرہبری کر نے والے کا سوال کا جواب یہی دے سکتے ہیںٗیہی جج دے سکتے ہیں جو منصب بنے ہوئے اب خلق خدا گنگی نہیں ہے ٗکوئی اندھا اور بہرہ نہیں ہے ٗ سب دیکھ رہے ہیں اور ایک ایک چیز کا حساب لیں گے ٗ ایبٹ آباد کے لوگ ایک ا یک چیز کا حساب لینگے ۔انہوںنے کہاکہ ایبٹ آباد کے عوام کے پاس نظر ثانی کی درخواست لیکر آیا ہوں ٗا صل اپیل آپ کی عدالت میں دائر کر نے آیا ہوں ٗ نظر ثانی اپیل کا فیصلہ آپ نے دینا ہے ٗ پوری پاکستان کے عوام نے دینا ہے جس کی گونج دور دور تک سنائی دے جس پرجلسے کے شرکاء نے ’’وزیر اعظم نوازشریف ٗ ‘ کے نعرے لگائے ۔نوازشریف نے کہا کہ نوازرشریف نے ایک ایک پائی کو قوم کی امانت سمجھا ہے ٗکبھی خیانت نہیں کی ٗ اس لئے تو عوام نوازشریف سے محبت کرتے ہیں ٗ کسی ملک میں آپ نے ایسا فیصلہ سنا ہے ٗ یہ سب کچھ یہاں ہوتا ہے ٗ یہ سب کچھ بدلنا ہوگا ٗ نا انصافی بدلنا ہوگی ٗ جھوٹے پیمانے بدلنے ہونگے ٗ آپ نوازشریف کا ساتھ دوگے تو انشا ء اللہ ہم سب کچھ بدل دینگے ۔انہوںنے کہاکہابھی خوشحالی کا دور دورہ ہورہا ہے آپ نے ملک کو ہلا کر رکھ دیا ہے ٗیہ پاکستان کے عوام کو منظورنہیں ہے ٗ پاکستان بلندی کی ترقیاں کو چھوڑ رہا ہے ٗآپ نے پاکستان کو پستی کی طرف دھکیل دیا ہے ٗ یہ پاکستان کے عوام کو منظور نہیں ہے انہوں نے کہاکہ یہ ریفرنڈم ہے اسلام آباد سے لاہور گیا تو چار دن راستے میں لگے وہ بھی ایک عوامی ریفرنڈم ہے ٗ نوازشریف نہ جیل سے ڈرتا ہے نہ موت سے ڈرتا ہے لیکن پاکستان کے لوگوں اور ان کے بچوں کیخدمت میں ساری زندگی گزار سکتا ہوں ٗ آپ نے ہمیشہ محبت دی ہے زندگی کے آخری سانس تک آپ سے محبت کر تا رہونگا ٗ خدمت کرتا رہونگا ٗ آپ نے میرے ساتھ وعدہ کیا ہے ٗ ہم اکٹھا مارچ کریںگے ٗ راستے میں نہیں چھوڑنا ٗ ہم انشاء اللہ پاکستان کی تقدیر کوبدلیں گے ٗ یہاں جو حکمران بنے بیٹھے ہیں انہوںنے کیا تقدیر کو بدلنا ہے ؟ شعبدہ باز 2013میں کہتے تھے نوے دنوں میں کرپشن کا خاتمہ کر دینگے یہاں پراور بڑھا دیا ٗ پھر کہتے تھے کہکے پی کے میں بجلی پیدا کریں اور سستی بجلی پیداکر کے دیں ایک واٹ بجلی پیدا نہیں کی ٗ بجلی کا بحران نوازشریف نے ختم کیا ہے ٗ کہتے تھے اربوں درخت لگائیں گے ٗ اربوں درخت لگے نہیں ٗاربوں رو پے کھا گئے ٗ کے پی کے عوام تم سے پیسے نکلوائیں گے ٗ تم کو منصوبوں کا حساب دینا ہوگا ٗ تم کو شرم آنی چاہیے ۔ نوازشریف نے جلسے کے شرکاء کو مخاطب کرتے ہوئے کہاکہ انشاء اللہ آپ فکر نہ کریں نوازشریف جہاں بھی ہے ٗانشاء اللہ آپکیساتھ ہے 2018ء کے الیکشن میں پھر آئونگا آپ کے ساتھ نئے وعدے کرونگا اور آپ جانتے ہیں الحمد اللہ جو وعدہ کر تاہے اسے پورا کرتا ہے ٗ ووٹ کے تقدس کو بحال کر انا ہے ورنہ بچے ڈگریاں ہاتھ میں لئے پھرتے رہ جائیں گے ٗ یہاں پھر بے روز گار ی ہوگی ٗ غربت کا خاتمہ نہیں ہوگا ٗووٹ کے تقدس کو بحال کر انا ہے ٗ ووٹ کے تقدس کو بحال کر انے کیلئے نوازشریف کا ساتھ دیں گے جس پر شرکاء نے ہاں میں جواب دیا ۔