Tag dhq hospital

مشی گن (ایمرا نیوز آن لائن) بعض سمجھ دار لوگوں کا کہنا ہے کہ اگر آپ پریشان ہیں تو اپنی پریشانی سے چھٹکارا پانا چاہتے ہیں، تو بہتر ہے کہ اس بارے میں دوسروں سے بات چیت اور تبادلہ خیال کرنے کے بجائے، کاغذ قلم لے کر، اس پریشانی کا پورا احوال لکھ لیجئے۔ ایسا کرنے سے آپ میں نہ صرف پریشانی سے مقابلہ کرنے کی ہمت پیدا ہوجائے گی، بلکہ یہ بھی ممکن ہے کہ اس کا کوئی حل بھی نکال لیں۔

ماہرینِ نفسیات کے پاس اب تک اس مشورے کے حق میں کوئی واضح اور ٹھوس ثبوت موجود نہیں تھا لیکن ریسرچ جرنل ’’سائیکو سائیکالوجی‘‘ کے تازہ شمارے میں شائع ہونے والی ایک رپورٹ میں ثابت کیا گیا ہے کہ اپنی پریشانیوں کا احوال لکھنے سے واقعی دماغ اور اعصاب کو سکون ملتا ہے، بالکل اسی طرح جیسے سکون آور دوائیں کھانے پر محسوس ہوتا ہے۔

کراچی(ایمرا نیوز آن لائن)آنکھوں کے بغیر دیکھنا ممکن ہے یا نہیں؟ یہ ایک ایسا سوال ہے جس کے جواب کی تلاش میں محققین، سائنس دانوں اور طبی ماہرین نے در در کی ٹھوکریں کھائی ہیں لیکن اس کا جواب آج تک حل طلب ہے گو چٹانوں کے درمیان بسنے والی ایک مخلوق کے مطالعے نے حوصلہ افزا نتائج بھی دیئے ہیں۔

کیریبین اور خلیج میکسیکو میں مونگے کی چٹانوں میں گھر بسائے اسٹار فش کی خاص قسم حیرت انگیز صلاحیت سے مالامال ہے، اس کے جسم میں آنکھیں نہیں ہوتیں لیکن پھر بھی یہ دیکھ سکتی ہیں۔ ریڈ بریٹل اسٹار مچھلی روشنی کو محسوس کرکے اسے ایک خاص سطح پر لے جانے کی صلاحیت رکھتی ہے، انہیں اوفیوکوما وینڈٹی بھی کہا جاتا ہے۔

یہ دوسری آبی حیات ہے جو آنکھوں کے بغیر بھی دیکھ سکتی ہے۔ اس سے پہلے سمندری حیات ‘اوچین‘ کے بارے میں کہا جاتا تھا کہ وہ بغیر آنکھوں کے بھی دیکھنے کی صلاحیت رکھتی ہے۔
سائنسی جریدے کرنٹ بائیولوجی میں ماہرین طب کی جانب سے جاری ایک تحقیقی رپورٹ میں انکشاف کیا گیا ہے کہ اس مچھلی کے جسم پر روشنی کو محسوس کرنے والے فوٹو رسیپٹرز اور کروماٹو فوریس نامی خلیات موجود ہوتے ہیں، ہر فوٹو رسیپٹر خلیہ کمپیوٹر اسکرین کے ایک پکسل کی طرح سے روشنی محسوس کرتا ہے جب کے دیگر فوٹو رسیپٹر خلیات کی مد سے مچھلی کو مجموعی طور پر ایک مکمل تصویر محسوس ہونے لگتی ہے۔

ماہرین طب اب اس بات پر تحقیق کر رہے ہیں کیا پیدائشی طور پر نابینا افراد کی بصارت کی بحالی میں یہ خاص قسم کی اسٹار فش کتنی مددگار ثابت ہوسکتی ہے؟ کیا انسانوں میں بھی ایسا نظام ترتیب دیا جاسکتا ہے؟ حوصلہ افزا بات یہ ہے کہ آنکھوں کے بغیر دیکھنے والی اس مچھلی میں بھی روشنی محسوس کرنے کا طریقہ انسانوں کی طرح ہی ہے۔ سائنس دان اس تحقیق سے طب کی دنیا میں انقلاب برپا کرنے والے مزید مثبت اور بڑے نتائج ملنے کی امید کا اظہار کر رہے ہیں۔

لاہور(ایمرا نیوز آن لائن)خون میں شکر کی مقدار میں اضافے کی وجہ سے ہی ذیابطیس جیسی خطرناک بیماری جنم لیتی ہے، لہذا ضروری ہے کہ اس حوالے سے آپ کو یہ معلوم ہو کہ خوراک کا خون میں موجود شکر کی مقدار سے کیا تعلق ہوتا ہے۔
خون میں شکر کی مقدار
خون میں موجود شکر کو گلوکوز بھی کہا جاتا ہے، یہ گلوکوز ہمیں خوراک سے حاصل ہوتا ہے جسے ہمارا جسم غذا کو ہضم کرنے کے نتیجے میں بناتا ہے۔خون میں موجود شکر کا کام انسانی جسم کو تونائی پہنچانا ہوتا ہے اور کئی مرتبہ یہ شکر انسانی جسم کے خلیوں میں جمع ہو جاتی ہے، جب انسان کو توانائی کی ضرورت ہوتی ہے تو اس وقت جسم یہ توانائی استعمال کرتا ہے۔
انسان کے خون میں اگر شکر کی مقدار زیادہ ہو جاتی ہے تو یہ صحت کے لیے نقصان کا باعث بنتی ہے اور خون میں شکر کی مقدار میں اضافہ ٹائپ ٹو ذیابیطس کا باعث بنتی ہے۔اگر ابتدائی طور پر اس بات کا خیال نہیں رکھا جائے تو آگے جا کر اس کی وجہ سے دل، گردے، آنکھ اور خون کی رگوں کی کارکردگی متاثر ہو سکتی ہے۔اگر آپ کو یہ بات معلوم ہو جائے کہ ہم روزانہ جو بھی خوراک کھاتے ہیں یہ خون میں شکر کی مقدار پر کس طرح اثر انداز ہوتی ہے تو یہ بات جاننے کے بعد آپ ذیابیطس جیسی بیماری سے بچ سکتے ہیں۔
خوراک اور خون میں شکر کی مقدار کا تعلق
آج ہم آپ کو یہی بتانے والے ہیں کہ کس طرح آپ کی خوراک خون میں موجود شکر کی مقدار پر اثر انداز ہوتی ہے۔ہم روزانہ جو کچھ کھاتے ہیں ہمارا جسم اسے توڑتا ہے اور یہ خوراک مختلف حصوں میں جذب ہو جاتی ہے جس میں کاربوہائیڈریٹس، پروٹین، فیٹ، وٹامن اور نمکیات شامل ہیں۔کاربوہائیڈریٹس خون میں موجود شکر یعنی گلوکوز میں تبدیل ہو جاتا ہے، آپ جتنی زیادہ کاربوہائیڈریٹس والی غذا کھائیں گے آپ کے خون میں اتنی ہی مقدار میں شکر پیدا ہو گی۔فائبر جیسی غذائی اجزاء گلوکوز میں تبدیل نہیں ہوتیں جب کہ پروٹین، فیٹ، وٹامنز اور نمکیات بھی صحت کے لیے انتہائی ضروری ہیں۔
زیادہ کاربوہائیڈریٹس والی غذائیں
ایسی خوراک جن میں زائد مقدار میں کاربوہائیڈریٹس پایا جاتا ہے اس کی وجہ سے خون میں شکر کی مقدار میں تیزی سے اضافہ ہوتا ہے۔زیادہ کاربوہائیڈریٹس والی غذاؤں میں بسکٹس، سفید آٹا، میٹھے مشروبات وغیرہ شامل ہیں۔اگر آپ بھی ان غذاؤں کا زیادہ استعمال کر تے ہیں تو آپ کو ان چیزوں کا استعمال کم کرنا ہوگا، آپ کو ہر چیز اعتدال میں رہ کر کھانی ہوگی، ایسا کرنے سے خون میں موجود شکر کی مقدار کو کنٹرول کیا جا سکتا ہے۔
ورزش اور خون میں شکر کی مقدار کا تعلق
ورزش خون میں موجود شکر کی مقدار پر بہت زیادہ اثر انداز ہوتی ہےکیونکہ خون میں موجود شکر توانائی حاصل کرنے کے لیے استعمال کی جاتی ہے اور اگر آپ ورزش کریں گے تو خون میں موجود شکر کی مقدار استعمال ہوگی اور ایسا کرنے سے شکر کی مقدار معتدل رہے گی۔

کراچی(ایمرا نیوز آن لائن) شہر قائد میں ڈینگی سے متاثرہ مریضوں کی تعداد 10 ہزار سے تجاوز کرگئی۔ترجمان انسداد ڈینگی کنٹرول پروگرام کے مطابق کراچی میں 24 گھنٹوں کے دوران ڈینگی سے 252 افراد متاثر ہوئے جس کے بعد شہر میں اب تک ڈینگی سے متاثرہ افراد کی تعداد 10 ہزار 999 ہوگئی ہے۔

ترجمان نے بتایا کہ سندھ کے دیگر اضلاع میں ڈینگی سے متاثرہ افراد کی تعداد 785 تک جا پہنچی ہے۔ترجمان کا کہنا تھا کہ رواں سال سندھ میں ڈینگی سے انتقال ہونے والوں کی تعداد 32 ہوگئی ہے۔

اسلام آباد(ایمرا نیوز آن لائن)موجودہ دور میں خواتین میں میک اَپ کا رجحان بڑھتاجارہا ہے اور اس سلسلے میں مختلف سیلون خواتین کے چہروں پر نِت نئی تکنیک کا استعمال کرتے ہوئے انہیں خوبصورت بنانے کے لیے بے شمارٹریٹمنٹ کرتے ہیں لیکن کبھی کبھی خوبصورت بنانے کی یہ ترکیبیں نقصان بھی پہنچادیتی ہیں۔37 سالہ ہینا ہوپکنس ایک میک اپ آرٹسٹ کے پاس ’مستقل آئی لائنر‘ بنوانے کے غرض سے سیلون گئی تھیں جس نے ان کی آنکھوں کے پپوٹے اور چہرے کو بگاڑ دیا۔آکسفورڈ کی اس کاروباری خاتون نے دعویٰ کیا ہے کہ میک اپ آرٹسٹ نے تکلیف کی وجہ سے چیخوں کے باوجود اس عمل کو نہیں روکا۔

ہینا دائیں آنکھ سے نابینا ہیں، ان کا کہنا ہے کہ انہیں میک اپ آرٹسٹ نے چُپ ہونے کے لیے کہا اور ان کے چیخنے چلانے کو بچگانہ حرکت قرار دےدیا۔یہ میک اپ آرٹسٹ وسطی لندن کے شہر میریلیبون میں اَپ مارکیٹ نامی سیلون چلا رہی ہیں۔

خاتون کا کہنا تھا کہ اس عمل کے بعد ان کا چہرہ کالا اور نیلے رنگ کا ہوگیا اور وہ کسی خطرناک فلم میں کردار کرنے والی کی طرح دکھائی دے رہی تھیں۔ہینا اپنے ذاتی معالج کے پاس گئیں جہاں ڈاکٹر نے ان کے علاج کے لیے تقریباً ساڑھے 8 ہزار ڈالر کی خطیر رقم لگنے کا بتایا۔

ہینا ایک بین الاقوامی سوفٹ ویئر کمپنی میں تربیت اور عملے کی ترقی کی نگرانی کرتی ہیں، ان کا کہنا تھا کہ کام اور کاروبار کی وجہ سے صبح کے وقت تیار ی کے وقت کی بچت کے لیے انہوں نے مستقل آئی لائنر کرانے کا فیصلہ کیا تھا۔اس واقعے کے بعد انہوں نے اپنا علاج شروع کرادیا جسے مکمل ہونے ایک لمبا وقت درکار ہے۔

کراچی (ایمرا نیوز آن لائن) کراچی میں ڈینگی کا جن بے قابو ہوتا جارہا ہے اور 24 گھنٹوں کے دوران مزید ایک شہری جان کی بازی ہار گیا۔ذرائع محکمہ صحت سندھ کے مطابق کراچی کے َنجی اسپتال میں 71 سالہ شخص ڈینگی کے باعث جان کی بازی ہار گیا جس کے بعد رواں سال سندھ بھر میں ڈینگی سے ہلاکتوں کی تعداد 22 ہوگئی۔انسداد ڈینگی سیل کے مطابق گذشتہ 24 گھنٹوں میں صوبے میں ڈینگی کے 226 نئے مریض سامنے آئے ہیں۔رواں ماہ سندھ میں ڈینگی سے متاثرہ افراد کی تعداد 3 ہزار 941 ہوگئی ہے جن میں سے 3 ہزار 678 افراد کا تعلق کراچی سے ہے۔

محکمہ صحت سندھ کے مطابق ِامسال اب تک 7 ہزار سے زائد افراد ڈینگی سے متاثر ہوچکے ہیں۔پنجاب میں بھی ڈینگی مچھر کے وار جاری ہیں ، محکمہ صحت پنجاب کے مطابق گزشتہ 24 گھنٹوں کے دوران صوبے میں ڈینگی کے 137 نئے مریض سامنے آئے ہیں۔صوبے کے مختلف اسپتالوں میں اس وقت ڈینگی سے متاثرہ 320 مریض زیرعلاج ہیں جب کہ رواں سال ڈینگی کےباعث 12 افراد ہلاک ہوچکے ہیں۔ڈینگی بخار کیسے پھیلتا ہے اور اس کی علامات کیا ہیں؟

دوسری جانب صوبہ پنجاب میں ڈینگی لاروا تلف کرنے اور افزائش روکنے کی کوششیں بھی جاری ہیں۔ڈینگی لاروا کی موجودگی پر 100 مقدمات درج کرکے 6 افراد کو گرفتار کیا جاچکا ہے جب کہ ایک ہزار سے زائد افراد کو وارننگ جاری کرنے کے ساتھ ڈینگی لاروا کی موجودگی پر 18 مقامات کو سیل کیا گیا ہے۔کوئٹہ میں ڈینگی سےمتاثرہ 4 افراد فاطمہ جناح اسپتال میں زیر علاج ہیں۔ اسپتال انتظامیہ کےمطابق رواں ماہ اب تک ڈینگی سے متاثرہ 17 افراد کو اسپتال لایا جاچکا ہے ۔خیبر پختونخوا میں بھی ڈینگی مچھر کے کاٹنے سے اب تک 5 ہزار سے زائد افراد متاثر ہو چکے ہیں۔

لاہور(ایمرا نیوز آن لائن) ڈینگی ، ملیریا اور چکنگونیا سے بچنے کے گھریلو نسخے مچھر کا کاٹنا ناصرف پریشان کُن ہوتا ہے بلکہ یہ خطرناک اور جان لیوا بھی ثابت ہوسکتا ہے، مچھر کے کاٹنے سے ڈینگی، ملیریا اور چکنگونیا جیسے امراض پیدا ہوتے ہیں جو جان بھی لے سکتے ہیں۔پاکستان سمیت دُنیا بھر میں آئے دِن مچھر کے کاٹنے سے ہونے والی اموات کے کیسز سامنے آرہے ہیں اور یہ وبا دِن بہ دِن پھیلتی جا رہی ہے۔مچھر سے بچنے کے لیے لوگ مہنگے مہنگے کیمیکلز وغیرہ کا استعمال کرتے ہیں، گھر میں اسپرےکرتے ہیں لیکن اِس سے کوئی خاصہ اثر نہیں ہوتا ہے، اب اِن جان لیوا مچھروں سے بچنے کے لیے گھریلو نسخوں کا استعمال کریں جس سے مچھر آپ کے قریب بھی نہیں آسکیں گے۔
مچھروں کو دور رکھنے کے گھریلو ٹوٹکے:
نیم کا تیل اور پتے:
نیم میں قُدرتی طور پر اینٹی بیکٹیریل کی خصوصیات پائی جاتی ہیں اور یہ کیڑے مکوڑے مارنے کی دوا میں بھی استعمال ہوتا ہے، لوگ اپنے گھروں میں نیم کے درخت بھی لگاتے ہیں تاکہ مچھروں سے بچا جا سکے، مچھروں سے بچنے کے لیے نیم کے تیل کا استعمال بھی کیا جاتا ہے اور اِس کے علاوہ جہاں مچھر ہوں وہاں نیم کو پتوں کو اگر جلایا جائے تو اِس سے بھی مچھر دور بھاگتے ہیں۔
لہسن:
لہسن کے جووں کے چھوٹے چھوٹے ٹکڑے کر کے اُن کو پانی میں اُبال لیں اِس کی بدبو سے مچھر دور بھاگ جائیں گے۔
لیوینڈر:
لیونڈر میں اینٹی فنگل اور اینٹی سیپٹیک کی خصوصیات موجود ہوتی ہے اور اِس کی خوشبو سے مچھروں کو دور بھگانے میں مدد کرتی ہے۔
تلسی کا تیل:
تلسی کا استعمال دوائوں میں کیا جاتا ہے ، اِس کا تیل کیڑوں اور مچھروں کو دور رکھنے کی صلاحیت رکھتا ہے، اِس کے علاوہ تلسی قوت ِ مدافعتبڑھاتی ہے اور نظامِ ہاضمہ کو بھی بہتر کرتی ہے۔
سونف میں اینٹی بیکٹیریل اور اینٹی آکسیڈینٹ کی خصوصیات موجود ہوتی ہیں ، سونف کا تیل مچھروں کو مارنے میں معاون ثابت ہوتا ہے۔
روز میری:
روزمیری کو اگر اُس جگہ ہر جلایا جائے جہاں مچھر موجود ہوں تو یہ وہاں سے مچھروں کو نِکالنے میں مددگار ثابت ہوتی ہے۔
مچھر کے کاٹنے کا علاج:
برف:
مچھر کے کاٹنے سے جلن اور سوزش ہوجاتی ہے اِس جلن سے نجات پانے کے لیے ضروری ہے کہ جس جگہ مچھر نے کاٹا ہو وہاں برف لگا لیں اِس سوزش اور جلن ختم ہوجائے گی۔
شہد:
شہد میں اینٹی بیکٹیریل اور اینٹی سوزش کی خصوصیات ہوتی ہے مچھر کے کاٹنے پر شہد لگالیا جائے تو اِس سے سوزش ختم ہوجاتی ہے۔
پیاز:
پیاز میں قُدرتی طور پر اینٹی فنگل ہوتی ہے یہ مچھر یا کسی بھی کیڑے کے ڈنک کو نِکالنےاورجلن کم کرنے میں استعمال ہوتی ہے۔

چترال(ایمرا نیوز آن لائن)چترال میں راغلشت کے مقام پر مسافر گاڑی کھائی میں گرنے سے 9 افراد جاں بحق اور کئی زخمی ہو گئے۔

ریسکیو 1122 کے مطابق حادثے کا شکار ہونے والی گاڑی چترال سے بونی کی طرف جا رہی تھی کہ راغلشت کے مقام پر گھائی میں جا گری۔

ریسکیو 1122 کے مطابق حادثے میں 9 مسافر جاں بحق اور 8 زخمی ہوئے، زخمیوں کو ڈی ایچ کیو اسپتال چترال منتقل کر دیا گیا ہے۔