Tag died

کراچی(ایمرا نیوزآن لائن) کراچی کے علاقے قائد آباد میں پل پر ٹریفک حادثہ پیش آیا ہے جس کے نتیجے میں ایک شخص جاں بحق اور ایک زخمی ہو گیا۔ریسکیو ذرائع کے مطابق قائد آباد پل پر موٹر سائیکل سوار 2 افراد کو نامعلوم گاڑی نے ٹکر مار دی جس کے نتیجے میں ایک شخص جاں بحق اور موٹرسائیکل پر بیٹھا دوسرا شخص زخمی ہو گیا۔جاں بحق ہونے والے شخص کی شناخت راشد کے نام سے ہوئی ہے، جس کی لاش اور زخمی کو جناح اسپتال منتقل کر دیا گیا ہے۔

کیرولینا(ایمرا نیوزآن لائن) امریکی ریاست نارتھ کیرولینا کی یونیورسٹی میں فائرنگ سے 2 افراد ہلاک اور 4زخمی ہوگئے ۔میڈیا ذرائع کے مطابق فائرنگ سے ہلاک افراد کی عمریں 17 اور 18 سال کے درمیان کی ہیں ، جبکہ یونیورسٹی انتظامیہ کا کہنا ہے کہ فائرنگ سے 2 زخمیوں کی حالت نازک ہے۔عینی شاہدین کے مطابق فائرنگ کے بعد یونیورسٹی کی لائبریری اور دیگر کمروں سے طلباء کو بھاگتے ہوئے دیکھا گیا ہے، جبکہ جائے وقوعہ سے ایک شخص کو حراست میں بھی لیا گیا ہے۔

یونیورسٹی انتظامیہ کا کہنا ہے کہ فائرنگ کے واقعے بعد یونیورسٹی کیمپس کو لاک کردیاگیا ہے اور سیکیورٹی اہلکار عمارت میں سوئپنگ کا عمل جاری رکھے ہوئے ہیں ۔انتظامیہ کی جانب سے لوگوں کو محفوظ مقام پرمنتقل ہونے کی ہدایت جاری کر دی گئی ہیں ۔

بلوچستان(ایمرا نیوزآن لائن) بلوچستان کے اضلاع گوادر اور نوشکی میں ٹریفک کے دو حادثات میں ایک بچے سمیت 5 افراد جاں بحق جبکہ 21مسافر زخمی ہوگئے۔ڈپٹی کمشنر گوادر کیپٹن ریٹائرڈ وسیم احمد نے بتایا کہ گوادر کے علاقے کلدان میں مقامی ندی کے قریب 2 پک اپ گاڑیاں تیز رفتاری کے باعث آپس میں ٹکرا گئیں، جس کے نتیجے میں ایک بچے سمیت 4 افراد جاں بحق جبکہ 18 افراد زخمی ہوگئے۔

واقعے کی اطلاع ملنے پر لیویز حکام موقع پر پہنچ گئے اور زخمیوں اور لاشوں کو جی ڈی اے ہسپتال منتقل کیا گیا،زخمیوں میں 6 کی حالت تشویش ناک بتائی جاتی ہے جن میں سے 2 شدید زخمیوں کو علاج کیلئے کراچی منتقل کردیا گیا ہے۔ٹریفک کا دوسرا حادثہ نوشکی کے قریب قومی شاہراہ پر پیش آیا جہاں کار اور مسافر کوچ کے درمیان ٹکر کے نتیجے میں کار میں سوار ایک شخص جاں بحق جبکہ 3افراد زخمی ہوگئے،زخمیوں کو طبی امداد کیلئے ڈسٹرکٹ ہسپتال نوشکی منتقل کردیا گیا۔

(ایمرا نیوزآن لائن) لاہور میں شفیق آباد کے علاقے میں گھریلو جھگڑے پر ایک شخص نے فائرنگ کرکے اپنے باپ، دو بہنوں کو قتل اور بھائی کو زخمی کردیا، ملزم نےخود کو بھی گولی مار کر خودکشی کرلی۔پولیس کے مطابق شیفق آباد کے علاقے میں اویس نے گھریلو جھگڑے پر فائرنگ کرکے اپنے باپ 60 سالہ ریاض، دو بہنوں 25 سالہ سدرہ اور 23 سالہ مریم کو قتل کردیا جبکہ 28 سالہ بھائی فرحان اس موقع پر زخمی ہوگیا، جسے میو اسپتال منتقل کردیا گیا۔

پولیس کے مطابق واردات کے بعد ملزم اویس نے خود کو بھی گولی مار کر خودکشی کرلی، فرانزک ٹیموں نے جائے واردات سے شواہد اکھٹے کرلیے اور لاشوں کو پوسٹ مارٹم کے لیے ڈیڈ ہاؤس منتقل کردیا گیا ہے۔ایس پی سٹی نے میڈیا سے گفتگو کرتے ہوئے کہا کہ واقعہ کی تمام پہلوؤں سے تفتیش کی جائے گی اور زخمی فرحان کے بیان کے بعد مزید حقائق سامنے آئیں گے۔

اوٹاوا:(ایمرا نیوزآن لائن) کینیڈا کے علاقے پینٹیکن میں فائرنگ کے تین مختلف واقعات میں 4 افراد ہلاک ہوگئے جب کہ پولیس نے حملہ آور کو حراست میں لے لیا۔کینیڈین پولیس کے ایک بیان کے مطابق تین مختلف مقامات پر فائرنگ کے واقعات پیش آئے اور تمام واقعات 5 کلو میٹر کے فاصلے پر پیش آئے۔خبر رساں ایجنسی رائٹرز کے مطابق پینٹیکن میں فائرنگ کا واقعہ مقامی وقت کے مطابق صبح 10 بجکر 30 منٹ پر پیش آیا، اطلاع ملتے ہی پولیس جائے وقوعہ پر پہنچی لیکن پولیس کے پہنچنے سے قبل کچھ دوری پر ہی فائرنگ کا دوسرا واقعہ پیش آیا۔پولیس کے مطابق حملہ آور نے ایک، ایک گھنٹے کے وقفے سے فائرنگ کی تاہم فائرنگ کے تینوں واقعات ٹارگٹڈ کارروائی تھے۔پولیس نے بتایا کہ فائرنگ کی تحقیقات کےدوران 60 سالہ شخص کو گرفتار کیا گیا ہے جو تحقیقات مکمل ہونے تک حراست میں رہے گا تاہم حراست میں لیے گئے ملزم کی شناخت ظاہر نہیں کی گئی۔مقامی پولیس افسر ٹیڈ دی جیگر کا کہنا ہے کہ فائرنگ کے واقعات کی وجوہات جاننے کے لیے تحقیقات جاری ہیں، فائرنگ کے واقعات کے محرکات معلوم نہیں ہوسکے جب کہ ملزم کا مقصد بھی اب تک سامنے نہیں آسکا۔

لاہور: (ایمرا نیوزآن لائن) لاہور میں ناروے نژاد پاکستانی خاتون کے قتل کا معاملے پر پاکستانی تاریخ میں پہلی مرتبہ ڈسٹرکٹ جیل میں قید ملزم کا آن کیمرہ ٹرائل کیا گیا، آن کیمرہ سماعت کو ناروے کے شہر اوسلو سے منسلک کیا گیا۔ کیس کی سماعت کے لئے اوسلو کی پولیس پراسکیوشن اور گواہ ناروے سے لاہور پہنچے۔لاہور کے علاقہ بیگم کوٹ میں گزشتہ سال ثوبیہ نامی ناروے نژاد پاکستانی خاتون کا قتل ہوا۔ پولیس نے گھر کے چوکیدار شیرسود کو گرفتار کیا تو اس نے انکشاف کیا کہ اس نے خاتون کا قتل اسکے شوہر اسحاق کے کہنے پر کیا۔مقتولہ ثوبیہ کا قتل پاکستان میں ہوا اور مقتولہ کے شوہر ناروے میں موجود ہیں اسلئے پاکستانی تاریخ میں پہلی مرتبہ خاتون کے قتل کے الزام میں گرفتار ملزم شیر سود کی آن کیمرہ کیس کی سماعت کوٹ لکھپت جیل میں ہوئی ہے۔کوٹ لکھپت جیل میں آن کیمرہ سماعت کو ناروے کے شہر اوسلو سے منسلک کیا گیا اور آن کیمرہ ملزم شیر سود کا بیان بھی ریکارڈ کیا گیا۔ ملزم کا آن کیمرہ ٹرائل سیف سٹی کی مدد سے کیا گیا۔ سماعت کے دوران اوسلو کی پولیس پراسکیوشن اور گواہ بھی موجود تھے۔

نئی دلی:(ایمرا نیوزآن لائن) بھارت میں لوک سبھا (قومی اسمبلی) کے انتخابات کا پہلا مرحلہ مکمل ہوگیا جس کے دوران 20 ریاستوں میں 91 نشستوں کے لیے ووٹ ڈالے گئے۔بھارتی انتخابات 7 مختلف مراحل میں ہونا ہیں جس کے دوران مقررہ تاریخوں پر مختلف ریاستوں میں پولنگ ہونا ہے۔گزشتہ روز آندھرا پردیش، ارون چل پردیش، آسام، بہار، چھتیس گڑھ، مہاراشٹرا، مقبوضہ جموں کشمیر، ناگالینڈ، اودیشا، سکم، تلنگانا سمیت دیگر ریاستوں میں پولنگ ہوئی اور ہنگامہ آرائی کے دوران 2 افراد ہلاک اور متعدد زخمی ہوئے۔انتخابات کے دوسرے مرحلے کے لیے 18 اپریل کو 13 ریاستوں میں97 نشستوں پر پولنگ ہوگی اور ساتوں مرحلے مکمل ہونے کے بعد نتائج کا اعلان 23 مئی کو کیا جائے گا۔

لاہور(ایمرا نیوزآن لائن) لاہورمیں لاری اڈا کے قریب تیز رفتار پولیس وین کی ٹکر سے 22 سالہ موٹرسائیکل سوار نوجوان جاں بحق ہو گیا، اہل علاقہ نے لاش سڑک پر رکھ کر احتجاج کیا۔ریسکیو ذرائع کے مطابق بادامی باغ کے علاقے میں پولیس وین کا حادثہ تیز رفتاری کے باعث پیش آیا، موٹرسائیکل کو ٹکر مارنے والے پولیس اہلکار اس طرح بدحواسی میں وہاں سے فرار ہوئے کہ سرکاری رائفل بھی وہیں ہی گِر گئی۔حادثے میں جاں بحق نوجوان کی شناحت شہریار علی کے نام سے ہوئی، متعلقہ تھانے کی پولیس کے نہ پہنچنے پر اہل علاقہ جمع ہو گئے اور انھوں نے لاش سڑک پر رکھ کر پولیس کے خلاف احتجاج کیا۔

جہانیاں، کار اور موٹر سائیکل میں تصادم ،ایک جاں بحق ،دوسرا زخمی
جہانیاں(ایمرا نیوز آن لائن) کار اور موٹر سائیکل میں تصادم ایک جاں بحق دوسرا زخمی۔تفصیل کے مطابق جہانیاں کے علاقہ پل114کے قریب کار اور موٹر سائیکل میں تصام کے نتیجے میں موٹر سائیکل سوار محمد ارشد سکنہ موضع رکن پور موقع پر جاں بحق ہو گیا جبکہ اس کا دوسرا ساتھی عجب گل سکنہ چک166ڈبلیو بی شدید زخمی ہو گیا جسے ہسپتال داخل کروا دیا گیا ہے۔

شہزادہ ہیری کی مداح 99سالہ آسٹریلین جنگی بیوہ جو نمونیاکے باعث انتقال کرگئی
سڈنی(ایمرا نیوز آن لائن)ایک 99سالہ آسٹریلین جنگی بیوہ جوشہزادہ ہیری کی سب سے بڑی مداح کے طورپرجانی جاتی تھی ،نمونیاکے باعث انتقال کرگئی ،یہ بات اس کے اہل خانہ نے منگل کے روزکہی۔ انسٹاگرام پرجاری ایک بیان میں ڈافنے ڈونے کے اہل خانہ نے کہاکہ وہ پیرکے روزسڈنی کے ایک ہسپتال میں پرامن طورپرچل بسی ہے ،وہ چندروزقبل کی 99برس کی ہوئی تھیں کئی سالوں سے ڈونے گزشتہ اکتوبرمیں سڈنی اوپیراہاؤس سمیت ڈیوک آف سسیکس کی کئی مواقعوں پراستقبالیہ تقریبات کی تصاویراتارچکی ہیں ۔ ان کاکہناتھاکہ ڈافنے کاسڑک پرروکنے کاسادہ عمل اوراس کاہاتھ پکڑنے کامطلب کسی کے تصورسے زیادہ معانی رکھتاہے ۔ ہم بطوراہل خانہ ہرایک شخص کاشکریہ اداکرناچاہیں گے ،جنہوںنے ڈافنے سے محبت اوراس کی حمایت کی ہے ،اسے شہزادہ ہیری اوراس کی اہلیہ میگن کی طرف سے گزشتہ ہفتے سالگرہ کے موقع پرپیغام موصول ہوا،جس کے متعلق اس کاکہناتھاکہ یہ حقیقت میں میرازندگی کایادگاردن ہے ۔