Tag fawad ch

جہلم (میڈیا 92 نیوز آن لائن )
جو حکومتیں وکلاءسے نہیں ڈرتیں ان کو گھر جانا پڑتاہے ، وکلاءمیں جمہوری عمل میں سب سے زیادہ موثر ہے ، آٹا چینی بحران صوبائی حکومتوں کی وجہ سے ہے ۔تفصیلات کے مطابق فواد چوہدری کا کہناتھا کہ ہم نے عوام کے ساتھ سیاسی نہیں ذاتی تعلق بنایاہے ، آٹا اور چینی بحران صوبائی حکومتوں کی وجہ سے ہے ، صوبائی حکومتیں اپنے معاملات درست کر یں تو سب ٹھیک ہو جائے گا ۔ ان کا کہناتھا کہ مراد علی شاہ کون سے کامیاب ہیں ، بہتری کیلئے سب کو کردار اد ا کرنا ہو گا ، مسئلہ کشمیر پر بھارت عالمی سطح پر تنہائی کا شکار ہو رہاہے ۔

(ایمرا نیوزآن لائن) وفاقی وزیر برائے سائنس اینڈ ٹیکنالوجی فواد چوہدری کا کہنا ہے کہ وزیراعظم عمران خان کے اعتماد تک عثمان بزدار ہی وزیراعلیٰ پنجاب رہیں گے۔

وفاقی وزیرنے کہا ہے کہ امریکی صدر نے بھی اداروں میں نئی ڈیل کی بات کی تھی جس سے امریکا بدل گیا تھا، یہاں بھی ایسا ہی ضروری ہے اور چیف جسٹس بھی کہہ چکے ہیں کہ ڈائیلاگ کی ضرورت ہے۔ فواد چوہدری نے کہا کہ آرمی چیف سول اداروں کو مضبوط کرنا چاہتے ہیں اور وزیراعظم کی سوچ بھی یہی ہے، اداروں کے سربراہان ڈائیلاگ کریں اور اہم اداروں کا توازن بحال کریں۔

انہوں نے مطالبہ کیا کہ آرمی ایکٹ اور معاشی صورتحال پر مشترکہ لائحہ عمل کے لیے پارلیمانی کمیٹی بنائی جائے، اہم معاملات پر اداروں کے درمیان اور اپوزیشن کے ساتھ اتفاق ہونا چاہیے۔ وفاقی وزیر نے کہا کہ پاکستان میں کوئی ادارہ دوسرے ادارے کی طاقت نہیں لے سکتا، بہتر صورت حال ہو گی کہ تمام ادارے نئی ڈیل کریں۔ وزیراعلیٰ پنجاب کی کارکردگی کے حوالے سے بات کرتے ہوئے فواد چوہدری نے کہا کہ وزیراعظم کے اعتماد تک عثمان بزدار وزیر اعلیٰ رہیں گے۔

(ایمرا نیوزآن لائن) وفاقی وزیر برائے سائنس و ٹیکنالوجی فواد چوہدری نے طلبہ یونینز کی بحالی کی حمایت کا اعلان کر دیا۔

رواں ماہ لاہور میں منعقد فیض فیسٹول میں پنجاب یونیورسٹی کے نوجوانوں نے طلبہ یونینز کی بحالی کے لیے آواز اٹھانے کی ایک ویڈیو سوشل میں پر خوب مقبول ہوئی اور دو نوجوان عروج اورنگزیب اور علی حیدر کے جوش نے طلبہ یونین کی بحالی کو ایک تحریک میں تبدیل کر دیا ہے۔

اسی سلسلے میں پروگریسیو اسٹوڈنٹس کلیکٹیو، اسٹوڈنٹس ایکشن کمیٹی اور ان کے ساتھ شامل دیگر طلبہ تنظیموں نے طلبہ یونین کی بحالی کے حق میں آج پاکستان کے مختلف شہروں میں ’طلبہ یکجہتی مارچ‘ کاانعقاد کیا ہے۔

مذکورہ تحریک کو جہاں سول سوسائٹی سے حمایت مل رہی ہے وہیں وفاقی وزیر برائے سائنس اور ٹیکنالوجی فواد چوہدری نے طلبہ یونینز پر پابندی کو جمہوریت کے منافی قرار دیا ہے۔ اپنے آفیشل ٹوئٹر اکاؤنٹ کے ذریعے فواد چوہدری نے کہا کہ طلبہ یونین پرپابندی مستقبل کی سیاست کو محدود کرنے کےمترادف ہے، طلبہ سیاست کو تشدد سے پاک بنانے کے لیے اقدامات کیے جاسکتےہیں لیکن طلبہ سیاست پرپابندی غیرجمہوری اقدام ہے۔

طلبہ یونینز کی بحالی کا مقصد اراکین سینٹ نے ملک میں طلباء یونین بحال کرنے کا مطالبہ کر دیا :انہوں نے کہا کہ کسی بھی ملک کے اندر جمہوری اقدار مضبوط ہونے کے لیے طلبہ یونینز اہم ہیں یہی وجہ ہے کہ ہم اپنے ملک کے آئین آرٹیکل 17 کے تحت یہ حق مانتے ہیں جو 1984 سے معطل ہے۔ حیدر علی کا کہنا تھا کہ طلبہ تنظیمیں چاہتی ہیں کہ ملک میں جمہوری نظام مضبوط ہوسکے تاکہ طلبہ بھی قانون سازی کا حصہ بن سکیں۔

35 سال سے طلبہ یونینز پر پابندی عائد:خیال رہے کہ پاکستان میں 35 سال سے طلبہ یونینز پر پابندی عائد ہے اور یہ 80 کی دہائی میں جنرل ضیاءالحق کے دور میں لگائی گئی۔ سابق صدر پرویز مشرف کے دور اقتدار کے بعد 2008 میں وزیراعظم یوسف رضا گیلانی نے اپنے پہلے خطاب میں طلبہ یونینز کی بحالی کا اعلان کیا لیکن اس پر کوئی عمل نہ کیا گیا۔

23 اگست 2017 کو سینیٹ نے متفقہ قرار داد پاس کی کہ یونینز کی بحالی کے لیے اقدامات کیے جائیں لیکن قومی اسمبلی میں مسلم لیگ ن کی اکثریت ہونے کے باعث اسے اسمبلی سے پاس نہیں کرواسکی تاہم 35 برس سے طلبہ تنظمیں یونینز بحال کرنے کے لیے کوشاں ہیں۔

اسلام آباد(ایمرا نیوزآن لائن) وفاقی وزیربرائے سائنس اینڈ ٹیکنالوجی فواد چوہدری نے ایک بار پھر سابق وزیراعظم نوازشریف کی بیرون ملک روانگی پر غم و غصے کا اظہار کرتے ہوئے تنقید کی۔

ٹوئٹر پر جاری بیان میں فواد چوہدری نے کہا کہ ’مجھے کیوں نکالا‘ سے ’خدا کیلئے مجھے نکالو‘کا سفراب اختتام کی طرف بڑھ رہا ہے، ایسی لیڈرشپ جب ووٹ کیلئے عزت مانگتی ہے تو دراصل جمہوری نظام کا مذاق بنتا ہے۔ انہوں نے کہا کہ (ن) لیگ کے ورکرز سے ہمدردی ہے جو نواز شریف کو لیڈر مان کر دن رات کھجل خراب ہوتے رہے، (ن) لیگ کی قیادت نے اپنے ورکروں کو دغادیا۔

دوسری جانب اسلام آباد میں پریس کانفرنس کرتے ہوئے وفاقی وزیر فواد چوہدری کا کہنا تھا کہ نواز شریف کا اس طرح جانا معاشرے کی ناکامی کا تاثر گہرا ہوا ہے، اس فیصلے پر سپریم کورٹ میں اپیل کرنے کے حوالے سے آج کابینہ کے اجلاس میں غور ہوگا، ہفتے کے دن ان کا فیصلہ ہوا جو پیر کو بھی ہو سکتا تھا۔

انہوں نے مزید کہاکہ ہم نواز شریف کی صحت کے لیے دعا گو ہیں مگر جس طرح بھیجا گیا وہ طریقہ کار غلط ہے، میں سمجھتا ہوں کہ نواز شریف کے فیصلے کے خلاف سپریم کورٹ جانا چاہیے، وہ سارے قیدی جو جیلوں میں ہیں کیا ان کا حق نہیں کہ ایک حلف نامہ دیں اور چلے جائیں۔

فواد چوہدری کا کہنا تھا کہ مہنگائی کی وجہ سے بجلی کی قیمتیں زیادہ ہیں،آج کابینہ اجلاس میں متبادل توانائی کی پالیسی منظوری کے لیے پیش کی جائے گی، نوجوان پاکستان کا اثاثہ ہیں وہ نوکریوں سے زیادہ کاروبار کی طرف جائیں۔

کراچی(ایمرا نیوزآن لائن) میں جے یو آئی ف کے کارکنوں نے حب ریور روڈ کو ٹریفک کے لیے بند کر دیا ہے۔

ٹریفک پولیس کے مطابق دھرنے کی وجہ سے ہیوی ٹریفک کو روک دیا گیا ہے، حب سے آنے والی گاڑیوں کو ناردرن بائی پاس کی طرف موڑا جا رہا ہ جب کہ کراچی سے آنے والے ٹریفک کو حب ٹول پلازا سے موڑا جا رہا ہے۔ مالاکنڈ اور مانسہرہ میں بھی جے یو آئی کے کارکنوں کی جانب سے دھرنا دیا جا رہا ہے تاہم بارش کے باعث دھرنے کے شرکاء کو مشکلات کا سامنا ہے۔

دھرنا کیوں دیا جا رہا ہے ؟ مولانا فضل الرحمان نے 2018 میں ہونے والے انتخابات میں بڑے پیمانے پر دھاندلی کے الزامات پر وزیراعظم عمران خان سے مستعفی ہونے اور ملک میں فوری نئے انتخابات کرانے کا مطالبہ کر رکھا ہے۔ انہوں نے 27 اکتوبر کو کراچی سے آزادی مارچ کا اعلان کیا تھا، جے یو آئی کا قافلہ مختلف شہروں سے ہوتا ہوا 31 اکتوبر کی رات اسلام آباد پہنچا تھا جہاں انہوں نے پشاور موڑ کے قریب ایچ نائن گراؤنڈ میں دھرنا دیا تھا۔

اسلام آباد میں 14 روز کے دھرنے کے بعد مولانا فضل الرحمان نے 13 نومبر کو دھرنا ختم کرنے کا اعلان کرتے ہوئے ملک بھر کے شہروں کو بند کرنے کا اعلان کیا تھا۔ گزشتہ روز وزیراعظم عمران خان نے تحریک انصاف کی کور کمیٹی کے اجلاس میں مولانا فضل الرحمان کو طنز کا نشانہ بناتے ہوئے کہا تھا کہ ’غبارے سے ہوا نکل گئی‘، فضل الرحمان نے سرد موسم میں عوام کا وقت اور پیسہ ضائع کیا۔ دوسری جانب مسلم لیگ ق کے رہنما چوہدری پرویز الٰہی کا کہنا ہے کہ فضل الرحمان نے ایک انڈر اسٹینڈنگ کے تحت دھرنا ختم کیا ہے، ہم نے انہیں جو دیا ہے وہ ایک امانت ہے۔

(ایمرا نیوزآن لائن) وزارت انفارمیشن ٹیکنالوجی کے تحت اسلام آباد میں ایک اجلاس ہوا جس میں موبائل ایپلیکیشن بنانے کا فیصلہ کیا گیا۔

اجلاس کے دوران بتایا گیا کہ یہ ایپلیکیشن ایک پورٹل کے طور پر کام کرے گی جو خواتین کے حقوق، قوانین و ضوابط، تربیت اور اسکالرشپ کے مواقع کے بارے میں معلومات فراہم کرے گی۔ ’بیٹی‘ایپلیکیشن پر خواتین کے لیے ہیلپ لائن اور جاب پورٹل کی خدمات بھی میسر ہوں گی۔

اس کے علاوہ اس ایپلیکیشن کے ذریعے خواتین قریبی اسپتالوں، تعلیمی اداروں، پولیس اسٹیشنوں اور ہاسٹل کی تلاش بھی کرسکیں گی۔ ’بیٹی‘ ایپلیکیشن خواتین کو با اختیار بنانے کے لیے عوامی اور نجی شعبے کے ذریعے چلائے جانے والے پروگراموں میں مرکزی پلیٹ فارم کے طور پر بھی کام کرے گی۔

اس موبائل ایپلیکیشن کو تیار کرنے کا مقصد خواتین کو مواصلاتی ٹیکنالوجی کے ذریعے بااختیار بنانا ہے۔ وفاقی وزیر برائے انفارمیشن ٹیکنالوجی خالد مقبول صدیقی نے اجلاس میں اس اقدام کو سراہتے ہوئے طور پر ایپ کی تیار کی بھی ہدایت دی۔

فواد چوہدری(ایمرا نیوزآن لائن) نے خواجہ آصف کی جانب سے قومی اسمبلی میں کی گئی 14 نومبر کی تقریر کو بطور حوالہ پیش کیا ہے۔

تحریک استحقاق میں کہا گیا ہے کہ 14 نومبر کو خواجہ آصف نے وفاقی اور پنجاب حکومت کے نمائندوں کے بیان کو اسمبلی میں توڑ مروڑ کر پیش کیا۔ تحریک میں مزید کہا گیا ہے کہ خواجہ آصف نے نواز شریف کی صحت سے متعلق حکومتی نمائندوں کے موقف کو غلط طریقے سے پیش کیا۔ فواد چوہدری کی جانب سے جمع کرائی گئی تحریک میں کہا گیا ہے کہ اسلام آباد ہائی کورٹ کے فیصلے میں لکھا ہےکہ وفاقی اور صوبائی حکومت کو نواز شریف کی ضمانت پر کوئی اعتراض نہیں تھا۔

تحریک استحقاق میں کہا گیا ہے کہ خواجہ آصف نے “نواز شریف کو مرنے دو” جیسا جملہ حکومتی نمائندوں سے منسوب کیا، خواجہ آصف کی جانب قومی اسمبلی کے فلور پر جھوٹ بولنے سے پورے ایوان کا استحقاق مجروح ہوا لہذا خواجہ آصف کی غلط بیانی پر بحث کرائی جائے اور معاملہ قومی اسمبلی کے قواعد و ضوابط کمیٹی کو بھیجا جائے۔

(ایمرا نیوزآن لائن) وفاقی وزیر برائے سائنس و ٹیکنالوجی فواد چوہدری کے بعد وزیراعظم عمران خان کے مشیر برائے خزانہ عبدالحفیظ شیخ نے بھی کہہ دیا ہے کہ حکومت کا کام روزگار فراہم کرنا نہیں۔

مشیرخزانہ حفیظ شیخ کہتے ہیں کہ حکومت کا کام روزگار فراہم کرنا نہیں بلکہ ادارے لوگوں کوروزگار فراہم کرتے ہیں۔ انہوں نے کہا کہ لاکھوں لوگوں کو روزگار نہیں دے سکتے البتہ روزگار کے لیے ماحول بہتر کرسکتے ہیں۔

خیال رہے کہ گزشتہ ماہ فواد چوہدری نے بھی اپنے بیان میں کہا تھا کہ نوکریوں کیلئے حکومت کی طرف نہیں دیکھا جاسکتا حالانکہ انتخابات سے قبل تحریک انصاف نے جو منشور پیش کیا تھا اس میں ایک کروڑ نوکریاں دینے کا وعدہ کیا گیا تھا۔ گزشتہ دنوں حفیظ شیخ نے ٹماٹر 17 روپے کلو دستیاب ہونے کا بیان دے کر بھی سب کو حیران کردیا تھا۔

مشیر خزانہ نے کہا کہ نجکاری کا پروگرام دوبارہ شروع کررہے ہیں، ایل این جی پاور پلانٹس، کچھ بینکس اور انشورنس کمپنیوں کی نجکاری کی جارہی ہے۔ انہوں نے کہا کہ ترقیاتی فنڈز کے اجراء کا عمل تیز کردیا گیا ہے۔

اسلام آباد میں امن اور ترقی کے موضوع پر منعقدہ سیمنار سے خطاب میں حفیظ شیخ نے کہا کہ عوام کی ترقی کے بغیر کوئی ملک ترقی نہیں کرسکتا، جن ممالک نے ترقی کی انہوں نے عوامی ترقی کو پہلی ترجیح دی، ہمسایہ ممالک کے ساتھ بہتر تعلقات کے بغیرعلاقائی ترقی نا ممکن ہے۔

انہوں نے کہا کہ ہمیں علاقائی مسائل کا سامنا ہے اور علاقائی رابطے کمزور ہیں، سرحدوں پر کسٹمز انفرا اسٹرکچر ایک جیسا نہیں ہے، پاکستان افغانستان میں حالات بہتر کرنے کی کوشش کررہا ہے، سعودی عرب اور ایران میں ثالثی کرانے کی کوشش کر رہے ہیں، امریکی صدر ڈونلڈ ٹرمپ سے کہا کہ خطے میں امن چاہتے ہیں۔

اسلام آباد(ایمرا نیوزآن لائن) وفاقی وزیر برائے سائنس اینڈ ٹیکنالوجی فواد چوہدری نے کہا ہےکہ ہم پیسہ نہیں چھوڑ سکتے اور نوازشریف واپس آئیں گے تو پیسے بھی واپس مل جائیں گے۔

نواز شریف کا معاملہ: سیکیورٹی بانڈ کی رقم العزیزیہ کیس کی مالیت کے برابر ہوگی اسلام آباد میں میڈیا سے گفتگو کرتے ہوئے فواد چوہدری نے کہا کہ کابینہ میں کل طویل میٹنگ ہوئی اور وزیراعظم کی تمام معاملات پر گہری نظر ہے، کابینہ نے نوازشریف کے معاملے کا انسانی بنیاد پر جائزہ لیا اور اسی بنیاد پر انہیں باہر جانے کی اجازت دی جارہی ہے۔

انہوں نے کہا کہ شہبازشریف، مریم نواز، خواجہ آصف، نوازشریف کی کرسی سنبھالنے کی دوڑ میں ہیں، نوازشریف کی صحت پر سیاست نا کریں، انہیں سیکیورٹی بانڈز دینے دیں، وہ واپس آئیں گے تو پیسے واپس مل جائیں گے اس لیے انہیں صحتیاب ہونے دیں، نوازشریف کی صحت سے پیسہ زیادہ اہم نہیں ہے۔

وفاقی وزیر کا کہنا تھا کہ نوازشریف کوئی ایسی گارنٹی تو دیں کہ ٹھیک ہوکر وہ واپس آجائیں گے، اسحاق ڈار بھی واپسی کی یقین دہانی کراتے رہے، حسین اور حسن نواز بھی واپس نہیں آئے لہٰذا ہم پیسے معاف نہیں کرسکتے کیونکہ یہ پاکستانیوں کا پیسہ ہے۔

فواد چوہدری نے مزید کہاکہ برطانیہ میں انہوں نے جائیدادیں چھپائی ہوئی تھیں، آج انہیں بغیر شک جانے دیں گے تو کل زرداری اور خورشید شاہ بھی باہر جانے کا کہیں گے، ہم نے مثال قائم کرنی ہے اور بیلنس قائم کیا ہے، یہ مثال باقی لوگوں کیلئے بھی ہوگی۔ ان کا کہنا تھاکہ 3 ہزار قیدیوں نے جیل سے نکلنے کی درخواستیں دائرکی ہیں، عدالت ای سی ایل سے نام نکال دے تو ہمارا کوئی مسئلہ نہیں، اب ساری ذمہ داری ہم پر ڈال دی گئی ہے، مسلم لیگ ن کی ساکھ متاثر ہورہی ہے، ہماری طرف سے کوئی تاخیرنہیں، ن لیگ کی طرف سے تاخیر ہورہی ہے۔

آزادی مارچ: فضل الرحمان نے ’پلان بی‘ شروع کرنے کا اعلان کردیا آزادی مارچ سے متعلق فواد چوہدری نے کہا کہ فضل الرحمان کے دھرنے میں روز نئے لطیفے سننے کو ملتے ہیں، وہ جہاں جہاں نکلنا چاہتے ہیں نکلیں، ہم دیکھنے کیلئے بیٹھے ہیں۔

اسلام آباد(ایمرا نیوزآن لائن) سابق وزیراعظم نواز شریف کا نام ایگزٹ کنٹرول لسٹ (ای سی ایل) سے نکالنے سے متعلق وفاقی کابینہ آج فیصلہ کرے گی جب کہ اس حوالے سے کابینہ کی ذیلی کمیٹی کا اجلاس جاری ہے۔

قومی احتساب بیورو (نیب) نے اس معاملے پر اپنی رائے دینے انکار کرتے ہوئے کہا ہے کہ وفاقی حکومت کسی بھی شخص کا نام ای سی ایل سے نکالنے کی مجاز ہے۔ نیب نے نوازشریف کا نام ای سی ایل سے نکالنے پر حکومتی خط پر نہ کوئی اعتراض کیا اور نہ ہی اس کی منظوری دی۔ ذیلی کمیٹی کا اجلاس نواز شریف کا نام ای سی ایل سے نکالنے کے معاملے پر وفاقی کابینہ کی ذیلی کمیٹی برائے ایگزٹ کنٹرول لسٹ کا اجلاس وزیر قانون بیرسٹر فروغ نسیم کی زیرصدارت جاری ہے۔

اجلاس میں نواز شریف کے ذاتی معالج ڈاکٹر عدنان اور (ن) لیگ کے ڈپٹی سیکریٹری جنرل عطا تارڑ شریک ہیں جب کہ نیب کے دو نمائندے اور وزیراعظم کے معاون خصوصی برائے احتساب بیرسٹر شہزاد اکبر بھی اجلاس میں شریک ہیں۔ ذرائع کے مطابق اجلاس میں حکومتی اراکین نے مؤقف اپنایا کہ نواز شریف کےعلاج سےمتعلق بیرون ملک روانگی کے لیے نیب کا واضح موقف درکار ہے تاہم اجلاس میں موجود نمائندوں نے واضح مؤقف دینے سے انکار کردیا جس پر ذیلی کمیٹی نے پراسیکویرٹر جنرل نیب کو طلب کر لیا۔

شہباز شریف کے نمائندے کابینہ کی ذیلی کمیٹی میں جائیں گے، مریم اورنگزیب: پاکستان مسلم لیگ (ن) کی ترجمان مریم اورنگزیب کا کہنا ہے کہ امید ہے حکومتی سطح پر ای سی ایل سے نام نکالنے کے امور کو جلد نمٹایا جائے گا۔ مریم اورنگزیب کا کہنا ہے کہ نواز شریف کو بیرون ملک لےجانے کے لیے ائیر ایمبولینس کا انتظام کرلیاگیا، ائیر ایمبولینس بدھ کو پہنچے گی۔ مریم اورنگز یب کا کہناہے کہ نواز شریف کی نازک صحت دیکھتے ہوئے ڈاکٹرز نے ائیر ایمبولینس کاکہا ہے،ان کے پلیٹیلیٹس کی تعداد قابلِ سفر سطح پر لانےکے لیے ڈاکٹرز کام کررہے ہیں، نوازشریف کی طبیعت ٹھیک نہیں،ڈاکٹرزکی تشویش ہر لمحہ بڑھتی جا رہی ہے۔

’نوازشریف کی بیرون ملک روانگی پر پوری کابینہ راضی نہیں‘: وفاقی وزیر برائے سائنس اینڈ ٹیکنالوجی فواد چوہدری کا کہنا ہے کہ کابینہ کے تمام اراکین نواز شریف کو بیرون ملک جانے کی اجازت دینے کے حامی نہیں ہیں۔

قومی احتساب بیورو (نیب) لاہور کی حراست میں میاں نوازشریف کی طبیعت 21 اکتوبر کو خراب ہوئی اور ان کے پلیٹیلیٹس میں اچانک غیر معمولی کمی واقع ہوئی، اسپتال منتقلی سے قبل سابق وزیراعظم کے خون کے نمونوں میں پلیٹیلیٹس کی تعداد 16 ہزاررہ گئی تھی جو اسپتال منتقلی تک 12 ہزار اور پھر خطرناک حد تک گرکر 2 ہزار تک رہ گئی تھی۔ نوازشریف کو پلیٹیلیٹس انتہائی کم ہونے کی وجہ سے کئی میگا یونٹس پلیٹیلیٹس لگائے گئے لیکن اس کے باوجود اُن کے پلیٹیلیٹس میں اضافہ اور کمی کا سلسلہ جاری ہے۔

نوازشریف کے لیے قائم میڈیکل بورڈ کے سربراہ سروسز انسٹی ٹیوٹ آف میڈیکل سائنس (سمز) کے پرنسپل پروفیسر محمود ایاز تھے۔ سابق وزیراعظم کی بیماری تشخیص ہوگئی ہے اور ان کو لاحق بیماری کا نام اکیوٹ آئی ٹی پی ہے، دوران علاج انہیں دل کا معمولی دورہ بھی پڑا جبکہ نواز شریف کو ہائی بلڈ پریشر، شوگراور گردوں کا مرض بھی لاحق ہے۔ اسی دوران نواز شریف کو لاہور ہائیکورٹ نے چوہدری شوگر ملز کیس میں طبی بنیادوں پر ضمانت دی اور ساتھ ہی ایک ایک کروڑ کے 2 مچلکے جمع کرانے کا حکم دیا۔

دوسری جانب اسلام آباد ہائیکورٹ نے 26 اکتوبر کو ہنگامی بنیادوں پر العزیزیہ ریفرنس کی سزا معطلی اور ضمانت کی درخواستوں پر سماعت کی اور انہیں طبی و انسانی ہمدردی کی بنیاد پر 29 اکتوبر تک عبوری ضمانت دی اور بعد ازاں 29 اکتوبر کو ہونے والی سماعت میں اسلام آباد ہائیکورٹ نے سابق وزیراعظم کی سزا 8 ہفتوں تک معطل کردی۔ خیال رہے کہ العزیزیہ اسٹیل ملز کیس میں سابق وزیراعظم کو اسلام آباد کی احتساب عدالت نے 7 سال قید کی سزا سنائی تھی۔