Tag fawad khan

(میڈٰیا92نیوزآن لائن) پاکستان کے مقبول ترین اداکار فواد خان کو سالگرہ کی موقع پر معروف بھارتی فلم فیئر ایڈیٹر جتیش پِلائی نے پیار بھرا پیغام بھیجا۔

فواد خان آج کل فلموں اور ڈراموں میں نظر تو نہیں آرہے لیکن ان کے مداحوں کو ان کے ہر ڈرامے اور فلم کا انتظار رہتا ہے۔ اداکار نا صرف لالی وڈ میں مقبول ہیں بلکہ سرحد پار بھی انہیں بے شمار لوگ پسند کرتے ہیں اور انہیں اسکرین پر دیکھنے کے منتظر رہتے ہیں۔

حال ہی میں اداکار کی 38ویں سالگرہ کے موقع پر جہاں پاکستان سے انہیں بے شمار لوگوں نے سالگرہ کی مبارکباد دی وہیں معروف بھارتی فلم فیئر ایڈیٹر نے بھی ان کی سالگرہ کے موقع پر ایک خوبصورت پیغام لکھا۔ فلم فیئر ایڈیٹر جتیش پِلائی نے اپنے انسٹاگرام اکاؤنٹ پر پاکستانی اداکار کی متعدد تصاویر اور ویڈیوز شیئر کرتے ہوئے فواد خان کو سالگرہ کی مبارکباد بھیجی۔

جتیش پِلائی نے فواد خان کو سالگرہ کی مبارکباد دیتے ہوئے یہ بھی کہا کہ ’ہم جہاں بھی جاتے ہیں آپ کا ایک حصہ اپنے ساتھ لے کر جاتے ہیں اور مجھے یقین ہے کہ آپ بھی یہی کرتے ہوں گے۔‘ بھارتی فلم فیئر ایڈیٹر نے نا صرف اپنی انسٹاگرام پوسٹ کے ذریعے فواد خان کو سالگرہ کی مبارکباد دی بلکہ انہوں نے انسٹاگرام اسٹوری پر بھی فواد کی پرانی تصاویر شیئر کرتے ہوئے ماضی کی یادیں تازہ کیں اور انہیں سالگرہ کی مبارکباد دی۔

جتیش پِلائی نے اپنی اسٹوریز میں یہ بھی لکھا کہ ’ہم آپ کو یاد کرتے ہیں‘۔ دوسری جانب بالی وڈ کی معروف اداکارہ سونم کپور جو کہ فواد خان کے ساتھ فلم خوبصورت میں اداکاری کے جوہر بھی دکھا چکی ہیں، انہوں نے بھی اداکار کو سالگرہ کی مبارکباد دی۔ عوام میں مقبول ترین ڈرامہ سیریل ہم سفر اور زندگی گلزار ہے میں فواد خان کی اداکاری کو بے حد پسند کیا گیا تھا۔

اداکار نے 2014 میں بالی وڈ میں قدم رکھتے ہوئے فلم خوبصورت میں اداکارہ سونم کپور کے ساتھ مرکزی کردار ادا کیا جس کے بعد انہوں نے 2016 میں بالی وڈ کی ایک اور فلم کپور اینڈ سنز میں بھی اداکاری کی تھی۔ فواد خان نے 2016 میں بالی وڈ کی ایک اور فلم کپور اینڈ سنز میں اداکاری کی تھی۔۔۔۔فوٹو: بشکریہ فواد خان انسٹاگرام
جس کے بعد 2016 میں بھارت کی جانب سے پاکستانی آرٹسٹ کے بھارت آکر کام کرنے پر پابندی عائد کی گئی تھی جس کے بعد فواد خان بالی وڈ میں دوبارہ کام نہیں کر سکے تھے۔

اس پابندی کے کچھ سال بعد 2019 میں ہونے والے پلوامہ حملے کے بعد آل انڈین سائن ورکرز ایسوسی ایشن (اے آئی سی ڈبلیو اے) نے بھارتی فلمی صنعت میں کام کرنے والے پاکستانی اداکاروں اور فنکاروں پر مکمل پابندی کا اعلان کرنے کے ساتھ اس عزم کا اظہار کیا تھا کہ جو بھی پاکستانی فنکاروں کے ساتھ کام کرے گا اس کے خلاف سخت کارروائی کی جائے گی۔ اس بیان کے بعد پاکستان میں بھی کسی بھی قسم کا بھارتی مواد نشر کرنے پر پابندی عائد کر دی گئی تھی۔

لاہور(ایمرا نیوزآن لائن) فواد خان اور ماہرہ خان کی فلم ’’دی لیجنڈ آف دی مولاجٹ ‘‘کی تشہیری مہم کی تیاریاں ایک بار پھر شروع کردی گئیں ہیں فواد خان اور ماہرہ خان کی فلم ’’دی لیجنڈ آف دی مولاجٹ ‘‘کی تشہیری مہم کی تیاریاں ایک بار پھر شروع کردی گئیں ہیں ۔

بتایاگیاہے کہ نئے سرے سے پوری کاسٹ کیساتھ تشہیری مہم ماہ صیام میں جاری رکھنے کی منصوبہ بندی کی جارہی ہے جس کیلئے تمام فنکاروں کی مصروفیات کومدنظر رکھ کر شیڈول ترتیب دیا جارہا ہے ۔ملٹی سٹاررز مووی ہونے کی بناپر فنکاروں کویکجا کرنا ایک مسئلہ بناہو اہے ۔فلم کی دیگر کاسٹ میں حمائمہ ملک، ریشم، بابر علی ، حمزہ علی عباسی، شفقت چیمہ اوردیگر فنکار شامل ہیں۔

سونم کپور نے فواد خان کو بہترین اداکار قرار دے دیا ، کام کرنے کی خواہش ظاہر کردی
دوحا(ایمرا نیوز آن لائن) نامور بالی ووڈ اداکارہ سونم کپور نے پاکستانی اداکار فواد خان کو بہتریناداکار قراردیتے ہوئے کہا ہے کہ وہ ایک بار پھر فواد خان کے ساتھ کام کرناچاہتی ہیں۔پلوامہ حملے کے بعد بھارتی حکومت کا پاکستان کے لیے بغض اورکینہ کھل کرسامنے آیا اور مودی سرکار نے نفرت کی انتہا کرتے ہوئے پاکستانی فنکاروں پر پابندی عائد کردی۔لیکن بھارتی حکومت بالی ووڈ فنکاروں کے دل سے پاکستانی فنکاروں کی محبت نہ نکال سکی۔ اپنی حکومت کے برعکس بالی ووڈ فنکار نہ صرف پاکستانی فنکاروں کے ساتھ کام کرنا چاہتے ہیں بلکہ ان سے بے حد متاثر بھی ہیں۔نامور بالی ووڈ اداکارہ سونم کپور اورپاکستان کے خوبرو اور پرکشش اداکار فواد خان 2014 میں فلم خوبصورتمیں اداکاری کے جوہر دکھاچکے ہیں دونوں کی جوڑی نے باکس آفس پر دھوم مچادی تھی۔

لاہور(ایمرا نیوزآن لائن) پاکستانی اداکارہ ماہرہ خان نے فلم کی شوٹنگ کے دوران فواد خان کے ساتھ لی گئی سیلفی سوشل میڈیا پر شیئر کر دی ۔ماہرہ اور فواد ایک ساتھ کئی تقاریب میں ایک ساتھ شرکت کرتے دکھائی دیے ہیں لیکن دونوں ایک ساتھ سیلفی لیتے ہوئے کبھی نہیں دیکھے گئے لیکن اس بار اداکارہ نے فواد کے ساتھ سیلفی لی جسے اپنے مداحوں کے نام کیا۔ماہرہ خان نے ٹوئٹر پر سیلفی پوسٹ کرتے ہوئے لکھا کہ ’ہم سیلفی لے رہے ہیں، لیکن یہ والی خاص طور پر آپ سب کے لیے ہے‘۔دونوں اداکاروں نے شیخوپورہ کے تاریخی مقام ہرن مینار پر سیلفی لی جہاں ’دی لیجنڈ آف مولا جٹ‘ کی عکس بندی کی گئی ہے۔سیلفی پنجاب کے علاقے شیخوپورہ کی ہےجوکہ دی لیجنڈ آف مولا جٹ کی شوٹنگ کے اختتام پر بنا ئی گئی تھی۔واضح رہے کہ بلال لاشاری کی ہدایت میں بننے والی فلم ’دی لیجنڈ آف مولا جٹ‘ عیدالفطر پر سینما گھروں کی زینت بنے گی۔اس فلم کی کاسٹ میں فواد اور ماہرہ کے علاوہ حمائمہ ملک، حمزہ علی عباسی، گوہر رشید، فارس شفیع، شفقت چیمہ، نیئر اعجاز اور صائمہ بلوچ بھی شامل ہیں۔

لاہور(ایمرا نیوزآن لائن) فواد خان اور ماہرہ خان نے ایک اور بڑا اعزاز حاصل کرلیا ہے، فواد خان اور ماہرہ خان نے دنیا کے 100 پُرکشش افراد کی فہرست میں اپنی جگہ بنا لی ہے.
فواد اور ماہرہ دنیا بھر میں اپنی شاندار اداکاری اور خوبصورتی کی وجہ سے دنیا بھر میں مشہور ہیں.
پاکستان کے معروف اداکار فواد خان اور خوبصورت اداکارہ ماہرہ خان سمیت 4 پاکستانی فنکاروں کے نام دنیا کے 100 پُرکشش اور خوبصورت ترین افراد کی فہرست میں شامل کرلیا گیا ہے۔میڈیا رپورٹس کے مطابق ٹی سی کینڈلر کی جانب سے دنیا کی 100 پُرکشش اور خوبصورت ترین افراد کی فہرست جاری کی گئی ہے جس میں پاکستانی اداکار فواد خان، ماہرہ خان، عمران عباس اور گلوکارہ مومنہ مستحسن شامل ہیں۔ پاکستانی اداکاروں کے علاوہ اس فہرست میں دیگر ممالک سے بھی متعدد اداکار و فنکار شامل ہیں۔گزشتہ برس بھی اس فہرست میں فواد خان اورعمران عباس جگہ بنانے میں کامیاب رہے تھےاور اس سال بھی دونوں کا نام اس فہرست میں شامل ہے۔واضح رہے کہ ٹی سی کینڈلر ایک فلمی تنقید نگار ہے جو کہ 1990 سے ’دی انڈیپنڈنٹ کرٹکس‘ کے نام سے ہر سال دنیا بھر سے 100 خوبصورت اور پُرکشش ترین چہروں کی فہرست جاری کرتا ہے۔ ہر سال کی طرح اس سال بھی ٹی سی کینڈلر نے سال 2019 کے لیے دنیا بھر سے 100 پُرکشش اور خوبصورت ترین چہروں کی فہرست جاری کی ہے جس میں فواد خان، عمران عباس، ماہرہ خان اور مومنہ مستحسن کے علاوہ بالی ووڈ سے دبنگ اداکار سلمان خان، شاہدکپور، عالیہ بھٹ، ورن دھون، دیپکا پڈوکون، کترینہ کیف،اور شارخ خان کا نام شامل ہے۔اس کے علاوہ نامزد ہونے والے ہالی ووڈ فنکاروں میں معروف اداکار ٹم کروز، ڈینیل ریڈکلف، لوقا ایونز، کرس ہیمسمور اور متعدد شامل ہیں۔

فواد خان اس وقت پاکستان میں موجود نہیں ہیں اور انسداد پولیو مہم کو مکمل طور پر سپورٹ کرتے ہیں، فواد خان کی ٹیم کا بیان
لاہور (ایمرا نیوز آن لائن)پاکستانی اداکار فواد خان نے بیٹی کو پولیو کے قطرے پلانے سے انکار کی خبروں کی تردید کر دی۔ تفصیلات کے مطابق فواد خان کی ٹیم کی جانب سے جاری بیان میں کہاگیا کہ فی الوقت فواد خان ملک سے باہر ہیں لیکن وہ انسداد پولیو مہم کی مکمل حمایت کرتے ہیں۔ فواد خان کی ٹیم کی جانب سے جاری بیان کے مطابق اطلاعات موصول ہوئی ہیں کہ فواد خان اور کے خلاف ایف آئی آر درج کی گئی، جس میں کہا گیا کہ فواد خان نے 19 فروری کو حکومت کی انسداد پولیو مہم میں مداخلت کی اور اپنی رہائش گاہ پر اپنی بیٹی کو پولیو کے قطرے پلوانے سے انکار کردیا۔لیکن سچ تو یہ ہے کہ پولیو ٹیم جس وقت فواد خان کے گھر آئی تب بچی کے والدین میں سے کوئی بھی گھر پر موجود نہیں تھا۔فواد خان 13 فروری سے ہی ملک سے باہر ہیں۔ انہوں نے پاکستان سپر لیگ کی افتتاحی تقریب میں پرفارم کیا جس کے بعد اب وہ امریکہ میں موجود ہیں۔ فواد خان کو اپنے خلاف درج کروائی جانے والی ایف آئی آر کا پریس کے ذریعے علم ہوا۔ بیان میں مزید کہا گیا کہ فواد خان حکومت کی انسداد پولیو مہم کی مکمل طور پرحمایت کرتے ہیں اور وہ عالمی ادارہ صحت اور بیماریوں کے کنٹرول اور روک تھام کے مرکز کی ہدایات سے بھی بخوبی واقف ہیں۔فواد خان کی بیٹی کی ویکیسنیشن کی تاریخ اور اس حوالے سے تمام ریکارڈ بھی موجود ہے۔ فواد خان کی ٹیم کی جانب سے جاری بیان کے بعد وزیر اعظم عمران خان کے فوکل پرسن برائے انسداد پولیو بابر عطا نے مائیکروبلاگنگ ویب سائٹ ٹویٹر پر وضاحت پیش کرتے ہوئے کہا کہ مجھے ڈی سی او کی جانب سے اطلاع دی گئی تھی کہ مقدمہ گھر کے سربراہ کے خلاف درج کیاگیا ہے جو فواد خان ہی ہیں۔کیونکہ حکومت ان کی بیٹی کو پولیو کے قطرے پلانا چاہتی تھی لیکن بارہا گھر پر جانے اور درخواست کرنے کے باوجود ٹیم کو اجازت نہیں دی گئی۔واضح رہے کہ گذشتہ روز ضلعی انتظامیہ نے بیٹی کو پولیو کے قطرے نہ پلوانے پر اداکار فواد خان کے خلاف مقدمہ درج کروا یا تھا۔ضلعی انتظامیہ لاہور کے مطابق انسداد پولیو ٹیموں کے ساتھ تعاون نہ کرنے والوں کے خلاف کارروائی کرتے ہوئے 6 افراد کے خلاف مقدمے درج کروایا۔ انتظامیہ کے مطابق بیٹی کو پولیو کے قطرے نہ پلانے پر ٹی وی و فلم اداکار فواد خان کے خلاف مقدمہ درج کروایا گیا۔ترجمان ضلعی انتظامیہ نے بتایا کہ فوادخان کے خلاف مقدمہ فیصل ٹان تھانے میں درج کروایا گیا۔

لاہور(شوبز ڈیسک/ایمرا نیوز) فواد خان اور ماہرہ خان کی فلم ‘’دی لیجنڈ آف مولا جٹ‘ کا ٹریلر ریلیز کردیا گیا ہے۔ بلال لاشاری کی ہدایات میں بننے والی اس فلم کی کاسٹ میں فواد اور ماہرہ کے علاوہ حمائمہ ملک، حمزہ علی عباسی، گوہر رشید، فارس شفیع، شفقت چیمہ، نیئر اعجاز اور صائمہ بلوچ بھی شامل ہیں۔

فلم کا ٹریلر مکمل طور پر ایکشن اور ایڈونچر سے بھرپور ہے جس میں فواد خان ‘مولا جٹ اور حمزہ علی عباسی ‘نوری نتھ کے کردار میں پرفیکٹ نظر آئے۔لالی ووڈ میں 1979 میں فلم ’مولا جٹ‘ ریلیز ہوئی تھی جس نے نہ صرف کامیابی کے نئے ریکارڈ قائم کیے بلکہ فلم کو آج تک پاکستانی فلم انڈسٹری کی کامیاب ترین فلم قرار دیا جاتا ہے، اسی چیز کو مدنظر رکھتے ہوئے نامور ہدایت کار بلال لاشاری نے فلم کا سیکوئل بنانے کا فیصلہ کیا۔

یاد رہے کہ ماضی کی فلم میں لیجنڈری اداکار سلطان راہی اور مصطفیٰ قریشی نے مرکزی کردار ادا کیا تھا اور اب ان کی جگہ فواد خان اور حمزہ علی عباسی لیں گے جب کہ فلم میں ماہرہ خان اور حمائمہ ملک کو بھی شامل کیا گیا ہے۔یہ فلم اگلے برس عید الفطر پر نمائش کے لیے پیش کی جائے گی۔

ممبئی(شوبز ڈیسک/ایمرا نیوز) بالی ووڈ کے دبنگ اداکار سلمان خان بھارت سمیت پوری دنیا میں اپنی اداکاری اور فلاحی کاموں کی وجہ سے پہچانے جاتے ہیں لیکن پاکستانی اداکاروں کا کہنا ہے کہ ہمارے فواد خان بھی کسی سے کم نہیں ہیں۔ سلمان خان اور فواد خان کی نئی فلمیں آئندہ سال عید پر ریلیز کیے جانےکے اعلان کے بعد سے سوشل میڈیا پر ایک نئی بحث کا آغاز ہوگیا ہے۔

سوشل میڈیا صارفین کا کہنا ہے کہ سال 2019 کی میٹھی عید پر بالی ووڈ کے دبنگ اداکار سلمان خان اور لالی ووڈ کے دلکش اداکار فواد خان کے درمیان بڑا مقابلہ ہونے والا ہے کیونکہ اس موقع پر دونوں اداکاروں کی بڑی فلمیں ریلیز کیے جانے کا اعلان کردیا گیا ہے، اب دیکھنا یہ ہے کہ بازی پاکستان کا خان لے جاتا ہےیا بھارت کا؟پاکستان فلم انڈسٹری کے خوبرو اداکار فواد خان کی فلم ’مولا جٹ‘ کا مداحوں کوبے صبری سے انتظار ہے کیونکہ اس فلم میں اُن کے ساتھ ہر دل عزیز پاکستانی اداکارہ ماہرہ خان اور حمزہ علی عباسی بھی مرکزی کردار ادا کریں گے۔ بلال لاشاری کی ہدایات میں بننے والی اس فلم کو آئندہ برس عید الفطرکے موقع پر پاکستان اور چینی سینماؤں میں نمائش کے لیے پیش کیا جائے گا۔

دوسری جانب بالی ووڈ اداکار سلمان خان کی فلم ’بھارت‘ کو بھی سال 2019 کی عیدالفطر پر ریلیز کیے جانے کا اعلان کیا گیا ہے جبکہ یہ بھی کہا جارہا ہے کہ سلمان خان کا ریکارڈ ہے کہ ہر سال عید کے موقع پر ان کی ایک فلم لازمی ریلیز ہوتی ہے۔ ایک بالی ووڈ ناقد ’ترن آدرش‘ نے اس حوالے سے ٹوئٹ کرتے ہوئے کہا کہ ’سلمان خان بمقابلہ فواد خان!! آئندہ سال عید پر پاکستان کی بڑی فلم مولا جٹ ریلیز ہورہی ہے جبکہ سلمان خان کی فلم بھارت بھی عید کےموقع پرہی ریلیز کی جائے گی اب دیکھنا یہ ہے کہ باکس آفس پر سلمان خان کا راج ہوگا یا فواد خان کا۔ ترن آدرش کے ٹوئٹ کے جواب دیتے ہوئے پاکستانی اداکار ’گوہر رشید‘ نے کہا کہ ’سرہم سب سلو بھائی (سلمان خان) سے بہت محبت کرتے ہیں لیکن ہمارا فواد خان بھی کسی سے کم نہیں ہے۔‘ یاد رہے اداکار گوہر رشید بھی اس فلم میں فواد اور ماہرہ کے ساتھ شامل ہیں۔واضح رہے فلم ’دی لیجنڈآف مولا جٹ‘ واحد پاکستانی فلم ہے جو ایک ساتھ پاکستان اور چین میں ریلیز کی جائے گی۔ اس سے قبل دنگل اور ہندی میڈیم وغیرہ بھی چین میں نمائش کے لیے پیش کی جاچکی ہیں لیکن وہ بھارت اور چین میں ایک ساتھ ریلیز نہیں ہوئی تھیں بلکہ دو سے تین ماہ بعد انہیں وہاں ریلیز کیا گیا تھا۔

کراچی:(شوبز ڈیسک/ایمرا نیوز) پاکستانی سپر اسٹار فواد خان اور ماہرہ خان کی فلم’دی لیجنڈ آف مولا جٹ‘ کی ریلیز کی تاریخ کا اعلان کردیاگیا۔پاکستان کی کامیاب ترین فلم ’مولاجٹ‘ کے ری میک ’دی لیجنڈ آف مولاجٹ‘ کا شائقین بے چینی سے انتظار کررہے ہیں۔ فلم میں پاکستانی سپراسٹار فواد خان، ماہرہ خان، حمزہ علی عباسی اور حمائمہ ملک کو کاسٹ کیا گیا ہے لہٰذا شائقین کے لیے پاکستانی لیجنڈ اداکار سلطان راہی اور مصطفیٰ قریشی کی جگہ نئے دور کے اداکاروں کو دیکھنا ایک خوشگوار تجربہ ہوگا تاہم فلم ابتدا ہی سے مشکلات کا شکار ہوگئی۔

’دی لیجنڈ آف مولاجٹ‘ بننے کے اعلان کے بعد اوریجنل ’مولاجٹ‘ کے پروڈیوسر سرور بھٹی اور باہو فلمز کارپوریشن نے ’دی لیجنڈ آف مولاجٹ‘کے ہدایت کار بلال لاشاری، پروڈیوسر اور فلم میں شامل اداکاروں کو کاپی رائٹ ایکٹ کی خلاف ورزی پر قانونی نوٹس جاری کیاتھا جس میں کہا گیا تھا’دی لیجنڈ آف مولا جٹ‘بنانے کے لیے ان کی رضامندی نہیں لی گئی۔ فلم گزشتہ کافی عرصے سے تیار تھی لیکن قانونی نوٹس کے باعث اس کی ریلیز میں تاخیر ہورہی تھی لیکن اب بالآخر فلم کی ریلیز کی تاریخ کا اعلان کردیا گیا ہے۔فلم’دی لیجنڈ آف مولاجٹ‘ اگلے سال عید الفطر کے موقع پرریلیز کی جائے گی۔ فلم میں فواد خان یادگار کردار مولاجٹ اور حمزہ علی عباسی نوری نتھ کے کردار میں نظر آئیں گے۔ فلم’مولاجٹ‘میں یہ دونوں کردار لیجنڈ اداکار سلطان راہی اور مصطفیٰ قریشی نے ادا کیے تھے۔ فلم کی ریلیز کی تاریخ کا تو اعلان کردیا گیا ہے اب شائقین بے صبری سے فلم کے پہلے ٹیزر کا انتظار کررہے ہیں۔دوسری جانب فلم کے مرکزی کرداروں فواد خان اور ماہرہ خان نے گزشتہ روز انسٹاگرام پر فلم کا پہلا پوسٹر بھی جاری کیا ہے۔ یاد رہے کہ ڈراماسیریل’ہمسفر‘کی کامیاب جوڑی فواد خان اورماہرہ خان کی ایک ساتھ یہ پہلی فلم ہے۔

ممبئی(ایم نائن ٹو)ہندو انتہا پسندوں کے ڈر سے بالی ووڈ کے ہدایتکار اور فلمساز پاکستانی فنکاروں کو کام دینے سے ہچکچاتے ہیں لیکن صورت حال یہ ہے کہ پاکستانی فنکار باالخصوص فواد خان اب بھی ان کی پہلی پسند ہی ہیں۔ اداکار سیف علی خان گزشتہ کئی عرصے سے اپنی فلم ’’کلاکندی‘‘ کے باعث خبروں میں ہیں۔ کچھ عرصہ قبل فلم کے جاری ہونے والے پوسٹر میں سیف علی خان کا انداز نہایت نرالا اورمنفرد تھا تاہم ہدایتکار کی پہلی پسند سیف نہیں بلکہ فواد خان تھے۔ ہدایتکار اکشت ورما نے کہا ہے کہ وہ اپنی فلم میں فواد خان کو مرکزی کردار کے لیے کاسٹ کرنا چاہتے تھے لیکن بھارت میں پاکستانی فنکاروں پر لگنے والی پابندی اوردھمکیوں کے باعث وہ اپنی فلم میں فواد خان کو نہیں لے سکے اوران کی جگہ سیف علی خان کو یہ کردار مل گیا۔