Tag film

ہالی ووڈ(ایمرا نیوزآن لائن) فلم ”بیڈ بوائز فار لائف“ کا نیا ٹیزر جاری کر دیا گیا ہے۔

فلم ”بیڈ بوائز فار لائف“ کا نیا ٹیزر جاری کر دیا گیا ہے جبکہ فلم کا نیا ٹریلر آج ریلیز کیا جائے گا۔ فلم کی کاسٹ میں ول اسمتھ، مرٹین لورنس، وانیسا ،الگزینڈر، چارلس ملٹن، نیکی جام اور دیگر شامل ہیں۔

فلم 17 جنوری 2020 کو نمائش کے لیے پیش کی جائے گی۔

لندن: (ایمرا نیوزآن لائن) چراغ سے جن نکلنے کی کہانی اب بڑی سکرین پر، لندن میں ہالی وڈ فلم “الہ دین ” کا رنگا رنگ پریمئیر ہوا۔ ول اسمتھ سمیت فلم کی تمام کاسٹ شریک ہوئی۔لندن میں ہالی وڈ فلم الہ دین کا بلیو کارپٹ پریمئیر ہوا، الہ دین، شہزادی جیسمین سمیت فلم کی کاسٹ نے جادوئی قالین پر واک کی۔ چراغ کے جن کا کردار نبھانے والے اداکار ول سمتھ بھی مرکز نگاہ رہے۔فلم الہ دین کی کہانی ایک نوجوان لڑکے کے گرد گھومتی ہے جسے جادوئی چراغ ملتا ہے۔ فینٹسی فلم چوبیس مئی کو امریکی سینما گھروں کی زینت بنے گی۔

لاس اینجلس:(ایمرا نیوزآن لائن) دنیا بھر میں ریکارڈ توڑ بزنس کرنے والی سپر ہیرو فلم’ایوینجرزاینڈ گیم‘‘ فرنچائز کے اسٹارز خود کتنا معاوضہ لیتے ہیں آئیے دیکھتے ہیں۔26 اپریل کو ریلیز ہونے والی ایوینجرز سیریز کی 22 ویں فلم ’ایوینجرز اینڈ گیم‘ نے دنیا بھر میں کمائی کے کئی ریکارڈ توڑے اور کئی نئے ریکارڈ بنائے ہیں۔’ایوینجرزاینڈگم‘دنیا بھر میں اب تک 10 ہزار کروڑ سے زائد کا بزنس کرچکی ہے اور یہ سلسہ اب بھی جاری ہے۔ایوینجرز سیریز کی ہر فلم میں نئے سپرہیروز شامل ہوتے رہتے ہیں لیکن اس سیریز کے چند کرداروں جن میں آئرن مین(رابرٹ ڈاؤنی جونیئر)، کیپٹن امریکا(کرس ایوان)،ہلک (مارک رفیلو)، تھور(کرس ہیمس ورتھ) اور بلیک وڈو(اسکارلٹ جانسن) شامل ہیں شروع سے اس فلم کا حصہ ہیں جنہیں مرکزی حیثیت حاصل ہے۔ تاہم ان میں بھی آئرن مین کو ان میں سب سے زیادہ اہمیت حاصل ہے اور اسی حساب سے ان کا معاوضہ بھی فلم کے باقی کرداروں سے زیادہ ہے۔
رابرٹ ڈاؤنی جونیئر(آئرن مین)
رابرٹ ڈاؤنی جونیئر کا مارول اسٹوڈیو کے ساتھ معاہدہ ہے جس کے تحت وہ فلم کے معاوضے کے ساتھ فلم کے منافع میں بھی حصہ لیتے ہیں۔ انہیں پچھلی فلم ’ایوینجرز انفنٹی وار‘ کے لیے 106 ملین ڈالرز تقریباً 736 کروڑمعاوضہ دیاگیا تھا جس میں 75 ملین ڈالرز فلم کا معاوضہ اور31 ملین ڈالرز فلم کا منافع شامل ہے۔ ان اعدادوشمار کو دیکھتے ہوئے اندازہ لگایا جاسکتا ہے کہ رابرٹ کو ’ایونجرز اینڈ گیم‘کی کامیابی کے بعد منافع میں بھاری معاوضہ ملنے کی امید ہے۔ یاد رہے کہ اس فلم میں آئرن مین کا سفر اختتام کو پہنچ چکاہے۔
کرس ہیمس ورتھ(تھور)
رابرٹ ڈاؤنی جونیئر کے بعد باقی ستاروں نے بھی مارول اسٹوڈیوز کے ساتھ معاہدہ کیا ہوا ہے جس کے تحت فلم میں تھور کا کردار اداکرنے والے آسٹریلوی اداکار کرس ہیمس ورتھ نے 2010 میں مارول اسٹوڈیوز کے ساتھ 5 فلموں کا معاہدہ کیاتھا تاہم ’انفنٹی وار‘اور’اینڈ گیم‘سے قبل انہوں نے اپنے معاہدے کے حوالے سے دوبارہ گفت وشنید کی جس کے بعد انہیں ایوینجرز سیریز کی دونوں فلموں کے لیے فی فلم 15 سے 20 ملین ڈالرز کا معاوضہ دیاگیا ہے۔
کرس ایوان(کیپٹن امریکا)
فلم میں کیپٹن امریکا کا کردار ادا کرنے والے کرس ایوان کو بہت زیادہ پسند کیاجاتاہے۔ ابتدا میں کرس ایوان نے مارول اسٹوڈیوز کے ساتھ 5 فلموں کا معاہدہ کیاتھا تاہم انہوں نے بھی ’ایوینجرز اینڈ گیم‘سے قبل معاہدے میں ترمیم کی جس میں ان کا معاوضہ بڑھ کر 15 سے 20 ملین ڈالرز ہوگیا۔
اسکارلٹ جانسن(بلیک وڈو)
فلم کی ایک اورمرکزی اداکارہ اسکارلٹ جانسن کا کردار بھی ’ایوینجرز اینڈ گیم‘میں ختم کردیاگیاہے۔ جانسن کو اس فلم کے لیے کتنا معاوضہ دیاگیا ہے اس کی تفصیلات تو فی الحال منظر عام پر نہیں آئی ہیں، تاہم رپورٹس کے مطابق وہ اپنی نئی سپر ہیرو اسٹینڈ الون بلیک وڈوفلم کے لیے 20 ملین ڈالرز کا معاوضہ لیں گی یہ فلم2020 میں ریلیز کی جائے گی۔

لاہور: (ایمرا نیوزآن لائن) عہد ساز پنجابی فلم ’’مولا جٹ‘‘ کیس میں نیا موڑ آ گیا، فلمساز سرور بھٹی کے بعد فلمساز چودھری جمیل کے بیٹے صائم جمیل نے بھی فلم مولا جٹ کے فلمساز ہونے کا دعویٰ کر دیا۔میڈیا رپورٹ کے مطابق صائم جمیل نے پریس کانفرنس میں کہا کہ گزشتہ کچھ عرصہ سے فلم مولا جٹ کے کاپی رائٹس اور دیگر معاملات کے بارے میں تنازعات دیکھنے میں آ رہے ہیں۔ان کا کہنا تھا کہ فلم مولا جٹ کسی ایک فرد کی ملکیت نہیں تھی بلکہ 6 پروڈیوسرز کی کمپنی نے مل کر اسے بنایا تھا، جس کا نام باہو کارپوریشن تھا۔ اس فلم میں میرے والد چودھری جمیل مرحوم کے 35 فیصد شیئرز تھے۔

اسلام آباد(ایمرا نیوز آن لائن )پاکستانی فلملال کبوتر نے ایک ماہ میں 30ملین کما لئے۔ذرائع ابلاغ کے مطابق علی اکبر کی فلم لال کبوتر نے ایک ماہ من30ملین روپے کا بزنس کر لیا،کملچیمہ اور بابر چیمہ کی پروڈکشن کمپنی نہر گھر کی تخلیق ہے،لالچ ، طاقت اور انتقام کے گرد گھومتی دلچسپ کہانی میں علی اکبر اور منشا پاشا نے مرکزی کردار ادا کیا.

علی عباس نقوی کی تحریر کی گئی شاندار کہانی کو ایوارڈ یافتہ ہدایتکار کمال خان نے ڈائریکٹ کیا ہے ، فلم اب بھی سینما گھروں کی زینت بنی ہوئی ہے اورامید کی جارہی ہے کہ لال کبوتر بزنس اور کامیابی کے مزید اعزاز اپنے نام کرے گی۔

لاہور(ایمرا نیوزآن لائن) پاکستانی فلم ’باجی‘ کاپہلا ٹیزر جاری کر دیا گیا ہے، فلم میں اداکارہ میرا مرکزی کردار ادا کر رہی ہیں۔فلم ’باجی‘ میں پاکستان کی پرانی اور جدید فلم انڈسٹری کو موضوع بنایا گیا ہے۔ ثاقب ملک کی فلم ’باجی‘ کے ٹیزر میں اداکارہ میرا اور آمنہ الیاس جلوے بکھیرتی نظر آرہی ہیں۔ٹیزر کا آغاز اداکارہ میرا کی آواز میں ڈائیلاگ ’سپنے تو ہوتے ہی سچ ہونے کے لیے ہیں‘ سے ہورہا ہے جبکہ ٹیزر کا اختتام بھی میرا کے شدید غصے میں کہے جملے سے ہوا ہےکہ ’آپ مجھ سے محبت یا نفرت کرسکتے ہیں مگر میرا متبادل کوئی نہیں ہوسکتا۔‘واضح رہے اسکینڈل کوئن اداکارہ میرا طویل عرصے بعد فلم’باجی‘ کے ذریعے بڑی اسکرین پر واپس آرہی ہیں۔فلم کے مرکزی اداکاروں میں اداکارہ میرا اور ماڈل آمنہ الیاس کے علاوہ، نشو، علی کاظمی، عثمان خالد بٹ، محسن عبا س حیدر، نیر اعجاز اور دیگر شامل ہیں۔ثاقب ملک کی ہدایت کاری میں بنائی جانے والی فلم 28 جون 2019 کو سینما گھروں میں نمائش کے لیے پیش کی جائے گی۔

ممبئی(ایمرا نیوزآن لائن) بالی ووڈ اداکارہ عالیہ بھٹ نے فلم کلنک سے متعلق بات کرتے ہوئے کہا ہے کہ ضروری نہیں کہ ہمیشہ سورج ہی چمکے، کبھی کبھی بارش بھی ہوتی ہے۔بھارتی میڈیا رپورٹس کے مطابق بالی ووڈ کی دلکش اداکارہ عالیہ بھٹ نے ممبئی میں گزشتہ روز ہونے والے ’کرٹکس چوائس فلم ایوارڈز‘ کے موقعے پر اپنی فلم کلنک کی باکس آفس پر ناکامی کے حوالے سے بات کی ہے۔انہوں نے کہا ہےکہ اس انڈسٹری میں ہر کوئی اپنی بہترین کارکردگی پیش کرنے کی کوشش کرتا ہے اور ہم وہ ہی کرتے ہیں جس کی خواہش کرتے ہیں، کبھی محنت رنگ لے آتی ہے اور کبھی نہیں۔عالیہ نے کہا کہ ہمیں ناکامیوں سے سیکھنا چاہیےاور بکھرے ٹکڑوں کو اُٹھا کر آگے بڑھنا چاہیے۔ انہوں نے یہ بھی کہا ہے کہ ضروری نہیں ہمیشہ سورج ہی چمکے، کبھی کبھی بارش بھی ہوتی ہے۔ بس یہ ہم سب کے لیے ایک سبق ہے۔واضح رہے کہ فلم کلنک کی پروموشن کے دوران اس کی جس قدرتعریف کی گئی تھی، اُس حوالے سے یہ ناظرین کی توقعات پر پوری اُترنے میں ناکام رہی۔چند روز قبل ریلیز کی گئی یہ فلم پہلے 5دنوں میں صرف 66 کروڑ کا بزنس کرنے میں کامیاب رہی ہے جبکہ اس فلم نے ریلیز کے پہلے روز 21 کروڑ بھارتی روپے کمائے تھے، بزنس میں کمیکی وجہ اس پر منفی تبصرے کیے جارہے ہیں۔اداکارہ عالیہ بھٹ نے فلم کلنک میں ’روپ‘ نامی لڑکی کا مرکزی کردار ادا کیا ہے، فلم کے دیگر مرکزی کرداروں میں بالی ووڈ کے مشہور اداکار ورن دھوان، سوناکشی سنہا، ادتیہ رائے کپور، مادھوری ڈکشٹ اور سنجے دت جیسے بڑے نام شامل ہیں۔

لاس اینجلس(ایمرا نیوزآن لائن) لاس اینجلس میں رابرٹ ڈاؤنی اوراسکارلٹ جانسن کی سپر ہیرو ایکشن فلم”ایونجرز:اینڈ گیم”کے رنگا رنگ ورلڈ پریمیئر کا انعقاد کیا گیا۔مقامی تھیٹر میں منعقد ہونے والے اس ایونٹ میں کرس ہیمسورتھ اور اسکارلیٹ جانسن سمیت دیگر فلمی ستاروں نے پرپل کارپٹ پر جلوے بکھیرے۔2012کی دی ایونجرز ،2015کی دی ایج آف الٹرون اور 2017کی ایونجرز؛ وار انفینیٹی کی اس اگلی کڑی کی ہدایتکاری انتھونی روسو اورجوئے روسو نے مشترکہ طور پر دی ہے ۔

جس میں رابرٹ ڈاؤنی جونیئر، کرس ایوانز،کرس ہیمسورتھ،مارک رفالو،جیریمی رینر،سیموئل ایل جیکسن، اسکارلٹ جانسن،الزبتھ اولسن،کوبی اسملڈرز اور آرون ٹیلر جانسن مارول کامکس پروڈکشنز کی سابقہ فلموں کے کرداروں میں موجود ہیں جبکہ ڈیو بیٹسٹا، زوئے سیلڈانا،کرس پریٹ،بریڈلے کوپر،ٹام ہیڈلٹن سمیت کئی نامور اداکار بھی ان فلم میں جلوہ گر ہورہے ہیں۔

کیون فیج کی پروڈیوس کردہ اس فلم کی کہانی اس بار نئے ولن کو منظرِ عام پر لائی ہے جو انسانوں کو اپنا دشمن سمجھتے ہوئے انہیں صفحہِ ہستی سے مٹانا چاہتا ہے جبکہ ایونجرز کی ٹیم اْسے روکنے میں مصروف ہے۔مارول اسٹوڈیوز کے اشتراک سے بننے والی یہ سپر ہیرو فلم والٹ ڈزنی اسٹوڈیوز موشن پکچرز کے بینرتلے26اپریل کو سینما گھروں پر تہلکہ مچائے گی۔

ممبئی(ایمرا نیوزآن لائن) بھارتی دلکش اداکارہ کترینہ کیف نےنئی آنے والی فلم ’اسٹریٹ ڈانسر 3D‘ سے پیچھے ہٹنےکا فیصلہ کرلیا ۔یہ فیصلہ لیتے ہی انہوں نے سب سے پہلےفلم میں اپنےساتھی اداکار ورن دھوان کو فون کر کے بتایا، جس پر ورن نے کہا کہ مجھے خوشی ہے کہ کترینہ نے فلم چھوڑنے سے پہلےمجھے بتایا ۔’ٹائمز آف انڈیا‘ کی رپورٹ کے مطابق ریمو ڈی سوزاکہ ہدایت کردہ فلم ’اسٹریٹ ڈانسر 3D‘ سے اداکارہ کترینہ کیف کی اچانک برخاستگی کی بیشتر وجوہات گردش کر رہی تھیں ،تب ہی فلم کا مرکزی کردارادا کرنے والےاداکار ’ ورن دھوان‘ نے ریکارڈ پرکترینہ کے فیصلے کی اصل وجہ بتادی۔واضح رہے اس فلم میں کترینہ کیف ورن دھوان کے ساتھ پہلی بار کام کرنے جارہی تھیں، اُن کے اس فیصلے سے پہلےاسکرین پر اس جوڑی کی آنے والی پہلی فلم کا بے حد چرچہ تھا۔بھارتی ویب سائٹ کے مطابق ورن دھوان نے دوران ِ انٹرویو بتایا کہ کترینہ فلم کا حصہ رہنے کی خواہش مند تھیں کیونکہ وہ ان تاریخوں میں دوسرے پروجیکٹس میں مصروف تھیں تاہم اُنہوں نے فلم کی ٹیم سے شوٹ کی تاریخیں ملتوی کرنے کی بارہا درخواست بھی کی چونکہ شوٹنگ کےتمام انتظامات مکمل ہوچکے تھے، انتظامیہ نے آخری وقتون میں کوئی تبد یلی کرنے سے انکار کردیا اور کترینہ کو فلم سے پیچھے ہٹنا پڑا۔بھارتی اداکار ورن نے مزید کہا کہ اُنہیں بے حد خوشی محسوس ہوئی جب کترینہ نے اس فیصلے کے بارے میں پہلے اُنہیں فون کر کے بتایا۔ ورن نے اسے ایک عقلمندانہ فیصلہ قرار دیتے ہوئے کترینہ کے ساتھ مستقبل میں کام کرنے کی اُمید بھی ظاہر کی۔یاد رہے فلم میں کترینہ کی جگہ اداکارہ شردھا اداکاری کریں گی ۔

لاہور:(ایمرا نیوزآن لائن) ہائیکورٹ نے فلم ’لیجنڈ آف مولا جٹ‘ کی نمائش روکنے کی درخواست کی جلد سماعت کی ہدایت کردی۔

لاہورہائیکورٹ کے جج جسٹس امین الدین خان نے فلم لیجنڈ آف مولا جٹ سے متعلق درخواست پرسماعت کی۔ سماعت کے دوران وکیل بزدارحیدر نے کہا کہ فلم کی ریلیزاوراس کی تشہیر کیلئے انتظامات مکمل ہیں، فلم کی ریلیز کے خلاف درخواست پرجلد سماعت کی جائے۔ لاہورہائیکورٹ نے درخواست پر6 جون کے بجائے 24 اپریل کو سماعت کرنے کی ہدایت کردی۔

لالی ووڈ میں 1979 میں فلم ’مولا جٹ‘ ریلیز ہوئی تھی جس نے نہ صرف کامیابی کے نئے ریکارڈ قائم کیے بلکہ فلم کو آج تک پاکستانی فلم انڈسٹری کی کامیاب ترین فلم قرار دیا جاتا ہے، اسی کو مدنظر رکھتے ہوئے نامور ہدایت کار بلال لاشاری نے فلم کا سیکوئل بنانے کا فیصلہ کیا تاہم کاپی رائٹ قانون کی خلاف ورزی پر فلم کی نمائش کو چیلنج کیا گیا ہے۔دوسری جانب فلم ’دی لیجنڈ آف مولاجٹ‘ عید الفطر کے موقع پر ریلیز کی جانی ہے۔ فلم میں فواد خان مولا جٹ جب کہ حمزہ علی عباسی نوری نتھ کے کردارمیں نظر آئیں گے، 70 کی دہائی میں بننے والی ’مولاجٹ‘ میں یہ دونوں کردار لیجنڈ اداکار سلطان راہی اور مصطفیٰ قریشی نے ادا کیے تھے۔