Tag France

اوکاڑہ(ایمرا نیوز آن لائن)اوکاڑہ کے قریب نیشنل ہائے وے پر بس حادثہ میں چار خواتین سمیت چھ افراد شدید زخمی تفصیلات کے مطابق اوکاڑہ اور اس کے گرد نواح میں کل سے ہلکی بارش کا سلسلہ جاری ہے جس سے جہاں کسانوں کے چہروں پر رونق ہے وہاں پھسلن کے وجہ سے حادثات بھی ہورہے ہیں گذشتہ 12گھنٹوں میں تین حادثات ہوچکے ہیں جن میں نیشنل ہائے وے پر بس کی پھسل جانے سے حادثہ ہوا جس کے نتیجہ میں دوخواتین سمیت چھ افراد شدید زخمی ہوگئے فیصل آباد روڈ پر موٹر سائیکل حادثہ سے ایک معمر عورت بلقیس زخمی ہوگئی جب کہ کرمانوالہ کے قریب موٹر سائیکل رکشہ کے پھسل جانے سے ایک طالبہ فوزیہ زخمی ہوگئی.

پاکستان کوسفارتی سطح پرتنہاکرنے کا بھارتی خواب چکنا چور ہوچکا
رہنما تحریک انصاف کی میڈیا سے گفتگو
اوکاڑہ(ایمرا نیوز آن لائن)تحریک انصاف کے راہنما چودھری عبداللہ طاہر نے کہا ہے کہ پاکستان کوسفارتی سطح پرتنہاکرنے کا بھارتی خواب چکنا چور ہوچکا حملہ کی صور ت میں اس کونانی یاد کرادیں گے ان خیالا ت کا اظہا رانہوںنے اوکاڑہ کے میڈیا پرسن سے الرحمت حویلی چک 32ٹو ایل میں ملاقات کے دوران کیا چودھری عبداللہ طاہر نے کہا ہے کہ بھارت نے پلوامہ میںخود ساختہ حملوں سے پاکستان کودنیا میں سفارتی محاذ پر تنہاکرنے کی ایک کوشش کی تھی جس کو ناکام بنا دیا گیا ہے اس کاایساخواب چکنا چور ہوچکا ہے عالمی برادری کواحساس ہے کہ مودی سرکار عوام میں اپنی مقبولیت کے گرتے ہوئے گراف کا سہار ا دینے کے لئے بھونڈے راستوں پر چل رہی ہے ایک سوال کے جواب میں انہوں نے کہا ہے کہ پاکستان کے عوام اور بہادر فوج ایک ہی صف میں کھڑے ہیں جو وطن عزیز کے لئے کسی بھی قربانی سے دریغ نہیں کریں گے اگر بھارت نے پاکستان پر حملہ کرنے کی حماقت کی تو اس کونانی یاد کرادی جائے گی.

گرفتاری اسلام آباد کے فائیو سٹار ہوٹل سے کی گئی ، آمدن سے زائد اثاثے بنانے، سرکاری فنڈز میں خرد برد کا الزام ہے
نیب کو کراچی سے ان کی گرفتاری میں کافی مسائل تھے اس لئے اسلام آباد سے اس لیے گرفتار کیا گیا کیونکہ وہ اپنے خلاف کیسز اہم دستاویزات پر اثر انداز میں ہوسکتے تھے
اسلام آباد (ایمرا نیوز آن لائن) قومی احتساب بیورو نے پاکستان پیپلز پارٹی کے رہنما اور اسپیکر سندھ اسمبلی آغا سراج درانی کو گرفتار کرلیا۔ذرائع کے مطابق نیب کی ٹیم نے آغا سراج درانی کو اسلام آباد سے گرفتار کیا اور ان پر آمدن سے زائد اثاثے بنانے کا الزام ہے۔ذرائع نے مزید بتایا کہ آغا سراج درانی پر سرکاری فنڈز میں مبینہ خورد برد کا الزام بھی ہے۔آغا سراج درانی کی اسلام آباد سے گرفتاری کے حوالے سے ذرائع کا کہنا تھا کہ نیب کو کراچی سے ان کی گرفتاری میں کافی مسائل تھے۔ نیب ذرائع کا کہنا تھا کہا آغا سراج درانی کو اسلام آباد سے اس لیے گرفتار کیا گیا کیونکہ وہ اپنے خلاف کیسز اور اہم دستاویزات پر اثر انداز میں ہوسکتے تھے۔نیب کے مطابق اسپیکر سندھ اسمبلی کو نیب راولپنڈی میں رکھا گیا ہے اور انہیں راہداری ریمانڈ کے لیے عدالت میں پیش کیا جائے گا، جس کے بعد ان کی کراچی منتقلی یقینی بنائی جائے گی۔

حکومت نے چھوٹی اور درمیانی صنعتوں کو فروغ دینے کے لئے انقلابی سکیمیں دی ہیں جن کا اجراءآئندہ ماہ کیا جائے گا۔کاروباری برادری کے لئے آسانیاں پیدا کرنا ہماری ترجیح ہے، صوبائی وزیر برائے صنعت و تجارت کا کاروباری برادری سے خطاب
لاہور (ایمرا نیوز آن لائن)ڈبل ٹیکسیشن کے خاتمہ کےلیے وفاقی اور صوبائی حکومتوں کے تمام ٹیکسوں کو ایک جگہ کلب کیا جا ئے گا۔حکومت نے چھوٹی اور درمیانی صنعتوں کو فروغ دینے کے لئے انقلابی سکیمیں دی ہیں جن کا اجراءآئندہ ماہ کیا جائے گا۔کاروباری برادری کے لئے آسانیاں پیدا کرنا ہماری ترجیح ہے۔ایز آف ڈوئنگ بزنس پر کا م ہو رہا ہے۔تمام فیصلوں میں سٹیک ہولڈرز کو اعتماد میں لیا جا رہا ہے۔کارباری جگہوں پرانسپکشن کو ختم کیا جا رہا ہے۔کاٹیج انڈسٹری کے فروغ کے لیے پنجاب سمال انڈسٹری کی طرف سے تین پروگرامز کا آغاز کیا جا رہا ہے۔جس میں نیو سٹارٹ اپ ،کریڈٹ گارنٹی سکیم اور لون مارک اپ سپورٹ پروگرام شامل ہے۔جس میں طالب علموں کو نئے کاروبار کے آغاز کے لیے قرضے دیئے جائیں گئے۔خواتین کےلئے خصوصی مراعات رکھی گئی ہیں۔انڈسٹریل کلسٹرز کی ڈویلپمنٹ اور ون ونڈو سہولت سنٹر پر کام جاری ہے۔چار نئی ٹیکنیکل یونیوسٹیاں بنائی جائے گئی۔ان خیالات کا اظہارصوبائی وزیر برائے صنعت،تجارت و سرمایہ کاری میاں اسلم اقبال نے فیڈریشن آف پاکستان چمبرز آف کامرس اینڈ انڈسٹری(ایف پی سی سی آئی) کے ریجنل آفس لاہور میں کارباری برادری سے خطاب کرتے ہوئے کیا۔اس موقع پر ایف پی سی سی آئی کے سابق صدر اور ٹی ڈیپ کے سابق چیف ایگزیکٹو ایس ایم منیر نے کہاکہ حکومت ایف پی سی سی آئی ریجنل آفس لاہور اور پنجاب کے ٹریڈ چیمبرز کو آفس کےلئے زمین دے۔ان چیمبرز کی وجہ سے ہی ملکی معیشت کا پہیہ چلتا ہے۔ایف پی سی سی آئی کے نائب صدر و ریجنل چیئرمین عبدالرؤف مختار نے کہاکہ پنجاب میں انڈسٹریل کلسٹرز،اسٹیٹس اور زون کے قیام کے ساتھ ساتھ انڈسٹریل اسٹیٹس میں کاٹیج انڈسٹری کے لئے خصوصی جگہ کا تعین کیا جائے۔کاٹیج انڈسٹری کو سٹیٹ بینک اور ایس ایم ای بینک کی طرف سے کم مارک اپ پر قرضے دیئے جائیں۔پنجاب کے انڈسٹریل شہروں،لاہور،گوجرانوالہ،سیالکوٹ،فیصل آباد اور رحیم یار خان،میں اسپیشل اکنامک زونز کا قیام کیا جائے۔تجارت کے فروغ کے لئے انڈسٹریل ڈیٹا بیس کا قیام اور ٹریڈ پورٹل کا اجرا کیا جائے۔ڈبل ٹیکسیشن،کسٹم ڈیوٹی،انفراسٹرکچر سیس اورٹیکس ریفنڈ کے مسائل فوری طور پر حل کئے جائےں۔بزنس فرینڈلی پالیسز کا اجراءکیا جائے۔ٹیکس کے نظام کو آسان اور شفاف بنایا جائے۔نائب صدر ایف پی سی سی آئی شیر ی ارشد خان نے کہاکہ خواتین کے لئے انڈسٹریل پارک بنایا جائے۔کرافٹ بازار بہاولپور کر فعال بنایا جائے۔ خواتین کو خصوصی مراعات دی جائے،پاکستان کی آدھی آبادی خواتین پرمشتمل ہے ان کے لیے کاروبار کرنے کی آسانیاں پیدا کی جائے۔سابق سینئر نائب صدر ایف پی سی سی آئی و چیئرمین کوارڈینیشن پنجاب عامر عطا باجوہ نے کہاکہ حکومت چیمبرز آف کامرس کو ڈی سی ریٹ پرزمین الاٹ کریں۔تقریب میں سابق ریجنل چیئرمین منظور الحق ملک،میاں رحمان عزیز چن،سابق سینئر نائب صدر خواجہ خاور رشید،وائس چیئرمین ایل ڈی اے ایس ایم عمران،سماجی و سیاسی رہنما فوزیہ قصوری،گروپ لیڈر آل پاکستان کسٹم ایجنٹز ایسوسی ایشن امجد چوہدری، طاہرہ نسیم،وقار احمد میاں،جاوید ارشد،مزین منظور،سرفراز خان میاں شاہد اور دیگر شرکاءنے بھی اپنے اپنے شعبہ کے مسائل سے آگاہ کیا۔

پاکستانی خاص کر پشاور کھانوں سے تواضع ، غیر ملکی کرکٹرز انگلیاں چاٹتے رہ گئے
دبئی (ایمرا نیوز آن لائن) پاکستان سپر لیگ میں شامل پشاور زلمی کے غیر ملکی کرکٹرز بھی پاکستانی اور پشاوری کھانوں کے دیوانے نکلے۔پشاور زلمی کے چیئرمین جاوید آفریدی نے ٹیم کے اعزاز میں روایتی عشائیہ دیا جس میں پشاوری اور پاکستانی کھانوں سے کھلاڑیوں کی تواضع کی گئی۔ٹیم کے کپتان ڈیرن سیمی سمیت تمام غیر ملکی کھلاڑی پاکستانی اور پشاوری کھانوں پر انگلیاں چاٹتے رہ گئے۔ اعشایئے میں اسپیشل دم پخت، پشاوری چپلی کباب، افغان پلا اور پشاوری کڑاہی سے کھلاڑیوں کی تواضع کی گئی۔ڈیرن سیمی نے کہا ہے کہ کھانا بہت لذید ہے اور میں پشاوری کھانوں کا دیوانہ ہوں۔چیئرمین جاوید آفریدی نے کھانا خود تقسیم کیا۔ کھلاڑیوں نے پشاوری نمکین کڑاہی شوق سے کھائی اور ڈیرن سیمی بھی کابلی پلا کے شوقین نکلے۔یاد رہے کہ پشاور زلمی اسکور بوڑد پر دو پوائنٹس کے ساتھ دوسرے نمبر پر ہے۔ زلمی نے اب تک دو میچ کھیلے ہیں۔ ڈیرن سمیی کی کپتانی میں ٹیم نے لاہور قلندرز کو سات وکٹوں سے ہرا تھا جب کہ پشاور زلمی کو کوئٹہ گلیڈی ایٹرز سے شکست کا سامنا کرنا پڑا تھا۔

سندھ میں جاری منصوبوں سمیت ورلڈ بینک کے تعاون سے کراچی میں بی آر ٹی اورنج لائن، ڈرینج پروجیکٹ، شہر کے پرانے علاقوں کی بحالی اور دیگر منصوبوں پر تبا دلہ خیال
کراچی(آن لائن)وزیراعلیٰ سندھ سید مراد علی شاہ سے ورلڈ بینک کے کنٹری ڈائریکٹرپیچاموتھو لانگوان کی ملاقات، ملاقات میں ورلڈ بینک کے سندھ میں جاری منصوبوں سمیت ورلڈ بینک کے تعاون سے کراچی میں بی آر ٹی اورنج لائن، ڈرینج پروجیکٹ، شہر کے پرانے علاقوں کی بحالی اور دیگر منصوبوں پر بات چیت ہوئی۔وزیراعلیٰ سندھ مراد علی شاہ نے اس موقع پرکہا کہ ہم کوشش کر رہے ہیں کہ اربن ٹرانسپورٹ کا مسئلہ جدید طرز کی بنیاد پر حل کریں کراچی کیلئے ملیر ایکسپریس وے پر کام کر رہے ہیں اور اس پر جلد کام شروع ہو جائے گا۔#

رواں سال 14 ستمبر کو بھی چاند زمین سے 4 لاکھ کلومیٹر دور ہوگا‘ناسا
کراچی(ایمرا نیوز آن لائن) پاکستان سمیت متعدد ممالک میں سپرمون کا نظارہ کیا گیا۔تفصیلات کے مطابق سپرمون’ 14ویں کے اس مکمل چاند کو کہتے ہیں جب چاند اور زمین کی باہمی قربت کی وجہ سے وہ بڑا اور روشن دکھائی دے،گزشتہ رات چاند زمین سے صرف 3 لاکھ 56 ہزار 846 کلومیٹر کے فاصلے پر تھا ورنہ عام حالات میں یہ فاصلہ زیادہ ہوتا ہے۔ اس بات کا اندازہ اس امر سے لگایا جاسکتا ہے کہ اس سال 14 ستمبر کو چاند زمین سے بعید ترین فاصلے پر یعنی 4 لاکھ 6 ہزار 248 کلومیٹر دور ہوگا۔ناسا کے مطابق چاند زمین کے گرد مکمل گول دائرے کے بجائے انڈے کی طرح بیضوی مدار میں گردش کرتا ہے اور زمین سے کبھی دور اور کبھی قریب ہوتا جاتا ہے۔ ناسا کے مطابق پاکستان وقت کے مطابق 8 بج کر 55 منٹ پر چاند زمین سے قریب ترین اور خاصا بڑا اور روشن دکھائی دیا۔ اگرچہ اگلے ماہ کی 20 تاریخ کو بھی سپرمون ہوگا لیکن اس کا زمین سے فاصلہ لگ بھگ 3 لاکھ 60 ہزار 772 کلومیٹر ہوگا۔چیف میٹرو لوجسٹ کراچی عبدالرشید کے مطابق ملک کے جو علاقے ابرآلود موسم اور بادلوں کی لپیٹ میں رہے وہاں تو سپر مون کا واضح نظارہ کرنے میں دقت کا سامنا رہا،تاہم جن شہروں میں مطلع صاف تھا وہاں پر سپر مون کا بخوبی نظارہ کیا گیا۔عبدالرشید کے مطابق یہ سال کا دوسرا سپر مون تھا اس سے قبل سال کے پہلے سپرمون کا نظارہ 21 جنوری 2019 کو کیا گیا۔ ان کا کہنا تھا ایسا اس وقت ہوتا ہے جب چاند زمین کے 90 فیصد قریب آجائے اس وقت چاند اپنے حجم سے 14 فیصد بڑا جبکہ 30 فیصد زیادہ روشن دکھائی دیتا ہے۔ شہریوں نے سپرمون کا خوب نظارہ کیا، تصاویر بنائیں اور سوشل میڈیا پر اپ لوڈ بھی کیں۔(صداقت چوہدری)

اجلاس میں ملک کی سکیورٹی صورت حال سمیت پاک بھارت تناؤ کا جائزہ لیا جائے گا
اسلام آباد (ایمرا نیوز آن لائن)وزیر اعظم عمران خان نے آج قومی سلامتی کمیٹی کا اہم اجلاس طلب کر لیا ہے ۔ جس میں دو نکاتی ایجنڈے پر غور کیا جائے گا ۔ تفصیلات کے مطابق وزیر اعظم عمران خان نے آج قومی سلامتی کا اہم اجلاس وزیر اعظم ہاؤس طلب کر لیا ہے ۔ جس میں چیف آف آرمی سٹاف جنرل قمر جاوید باجوہ ، چاروں مسلح افواج کے سربراہان ، جوائنٹ چیفس آف سٹاف کمیٹی سمیت دیگر کابینہ ارکان شرکت کریں گے ۔ اجلاس میں ملک کی سکیورٹی کی صورت حال سمیت پاک بھارت تناؤ کی صورت حال کا جائزہ لیا جائے گا جبکہ وزیر خارجہ شاہ محمود قریشی سفارتی رابطوں سے کمیٹی کو آگاہ کریں گے ۔( جاوید۔اشفا ق)

دنیا آگاہ ہے ، ہندوستان میں انتخابات کے دوران پاکستان سے تناؤ کی صورت حال پیدا کی جاتی ہے ، آج بھارت میں سوالات اٹھ رہے ہیں ، سفارتی سطح پر رابطے جاری ہیں دنیا کو قائل کر لیں گے ، آج وزیر اعظم نے قومی سلامتی کمیٹی کا اجلاس طلب کیا ہے ، صورت حال کا جائزہ لیا جائے گا ، چین کے موقف پر پاکستان شکرگزار ہے ، وزیر خارجہ کی نجی ٹی وی سے گفتگو
اسلام آباد (ایمرا نیوز آن لائن)وزیر خارجہ شاہ محمود قریشی نے اقوام متحدہ کا پاک بھارت میں مصالحتی کردار ادا کرنے پر شکریہ ادا کرتے ہوئے کہا کہ پوری دنیا جانتی ہے کہ ہندوستان میں انتخابات کے موقع پر پاک بھارت تعلقات میں جان بوجھ کر تناؤ پیدا کیا جاتا ہے ۔آج ہندوستان میں عوام ، صحافی ، شوبز سٹارز سوالات اٹھا رہے ہیں کہ پلوامہ واقعہ ایک بہت بڑا سکیورٹی فیلئر ہے ۔ان خیالات کا اظہار بدھ کے روز شاہ محمود قریشی نے نجی ٹی وی سے گفتگو کرتے ہوئے کیا ۔انہوں نے کہا کہ اقوام متحدہ اور سیکرٹری جنرل نے میرے خط کا مثبت جواب دیا اور پاک بھارت کے درمیان مصالحت کی پیش کش پر ان کا شکریہ ادا کرتا ہوں ۔اب ہم سب کی ذمہ داری ہے کہ جس طرح بلاوجہ ہندوستان ماحول میں تناؤ پیدا کر رہا ہے اس کو مثبت طریقے سے ہینڈل کیا جائے ۔ انہوں نے کہاکہ وزیر اعظم عمران خان نے جو پالیسی بیان دیا وہ بڑا جامع اور فہم و فراست سے بھرپور ہے اب مزید ماحول میں تناؤ پیدا کرنے کا جواز تو نہیں رہتا لیکن پھر بھی جواز بنایا گیا تو ہم متحد ہیں ۔ شاہ محمود قریشی نے کہا کہ سفارتی سطح پر بھی سب سے رابطے کر رہے ہیں اور ان سے گفتگو و شنید جاری ہے کیونکہ پاکستان کا موقف سچائی پر مبنی ہے اور ہمیں یقین ہے کہ ہم دنیا کو قائل کر لیں گے ۔ آج ( جمعرات کو) وزیر اعظم عمران خان نے قومی سلامتی کمیٹی کا اجلاس بھی بلایا ہے وہاں پر بھی سفارتی رابطوں ، وزیر اعظم کا بیان اور متعلقہ صورت حال کاجائزہ لیا جائے گا ۔ ایک سوال کے جواب میں شاہ محمود قریشی نے کہا کہ وقت گزرنے کے ساتھ ساتھ ہندوستان کی اصلیت سامنے آتی جا رہی ہے اور اب ہندوستان کی عوام ، صحافی اور شوبز اسٹارز سوالات کر رہے ہیں کہ الیکشن کے دنوں میں پاکستان کے ساتھ تناؤ کی صورت حال کیوں پیدا ہو جاتی ہے حالانکہ بھارت میں اینٹی پاکستان مفروضہ تو بگتا ہے لیکن اس مرتبہ سکیورٹی الرٹ پر بھی بات کی جا رہی ہے کہ یہ ایک بہت بڑا سکیورٹی فیلئر ہے ۔ جس میں مقبوضہ کشمیر میں بھارتی فورسز کی سکیورٹی کی قلعی کھول دی ہے ۔ آج اپوزیشن بھی بی جے پی کی پالیسیوں پر سوال اٹھا رہی ہے ۔ وزیر خارجہ نے کہا کہ چین کے موقف پر ان کا شکریہ ادا کرتا ہوں چین پاکستان کا دیرینہ دوست ہے اور انہوں نے ہمیشہ باوقار طریقے سے فیصلے کئے ہیں ۔( جاوید/ اشفاق)

پی سی بی کے ساتھ سندھ حکومت اورکمشنرکراچی کی جانب سے بھی لیگ کی تشہیری مہم کی جائیگی
کراچی (ایمرا نیوز آن لائن) پی ایس ایل 4کے میچزاور فائنل کے موقع پرکراچی کوسجانے کا عمل یکم مارچ سے شروع ہوگا۔ذرائع کے مطابق بلدیہ عظمی کراچی سمیت شہر کے دیگرمقامی انتظامی اداروں بشمول متعددکنٹونمٹ بورڈز سے قانونی اجازت نامے حاصل کرلیے گئے ہیں تاہم بعض حل طلب امورکے بعد شہربھرمیں لیگ کے حوالے سے تزئین وآرائش کا عمل شروع ہوجائیگا۔کوآرڈینیشن کمیٹی کی جانب سے قائد اعظم کے مزارکے قریب وجوار میں خصوصی طور پر پی ایس ایل مقابلوں کی تشہیرکا اہتمام کرنے کی تجویزدی گئی ہے، پی سی بی کے ساتھ سندھ حکومت اورکمشنرکراچی کی جانب سے بھی لیگ کی تشہیری مہم کی جائیگی۔صوبائی حکومت کے سیکریٹری اسپورٹس اختر حسین مینگل کے مطابق پی ایس ایس ایل میچزکے موقع پرمحکمہ کھیل کے تحت بھی شہربھرمیں مشہور کرکٹرز کے بل بورڈز لگانے کے ساتھ خیرمقدمی بینرز آویزاں کیے جائیں گے اور مہران رنگ کو نمایاں کیا جائیگا۔دریں اثنا لیگ کی تیاریوں کے سلسلے میں اسپورٹس مینجمنٹ سسٹم کے تحت شہرمختلف مقامات پرنمونے کے طور پرتشہری مہم کا اہتمام کیا گیا، اس موقع پرکمشنرکراچی افتخارشلوانی، میونسپل کمشنرکے ایم سی ڈاکٹرسیف الرحمان، ڈپٹی کمشنرکراچی ایسٹ احمد علی صدیقی، ڈپٹی کمشنرکراچی ساتھ صلاح الدین، اسی ایم ایس گروپ کے جاوید علی ودیگر بھی موجود تھے۔