Tag Germany

عدالتوں کے مثالی فیصلوں سے کہیں نہ کہیں شرمندگی محسوس ہوتی ہے ‘ احترام میں کیا اور کرتے رہیں گے :لیگی رہنما ،گفتگو
لاہور (ایمرا نیوز آن لائن)پاکستان مسلم لیگ (ن) کے سینئر رہنما احسن اقبال نے کہا ہے کہ قومی اسمبلی میں اپوزیشن لیڈر شہباز شریف کی رہائی سے ان کےخلاف ہونے والی سازش بے نقاب ہوگئی۔ہفتہ کو نجی ٹی وی سے گفتگو کرتے ہوئے سابق وفاقی وزیر داخلہ اور مرکزی رہنما پاکستان مسلم لیگ (ن)احسن اقبال نے کہا کہ اس سازش کا مقصد شہباز شریف اور پوری اپوزیشن کو دباو¿ میں رکھنا تھا تاکہ وہ اپنی آواز بلند نہ کرے سکیں۔انہوں نے کہا کہ اگرچہ ماضی میں عدالتوں نے ہمارے خلاف فیصلے دیے لیکن وہی عدالتیں جب انہیں فیصلوں کی مثالیں دیتی ہیں تو کہیں نہ کہیں انہیں شرمندگی کا بھی سامنا کرنا پڑتا ہے، لہذا ہم سمجھتے ہیں کہ ہمیں ضرور انصاف ملے گا۔لیگی رہنما نے کہا کہ مسلم لیگ (ن) کےخلاف جو کچھ ہوا ا±س کے پیچھے کچھ سیاسی مقاصد بھی تھے ،جس کے لیے ہماری جماعت کو مسلسل نشانہ بنایا گیا۔انہوں نے کہا کہ شہباز شریف کی ضمانت منظور ہونے اور ان کی رہائی سے یہ بات ثابت ہوگئی کہ ان کےخلاف یہ کیس بلکل بے بنیاد تھا۔احسن اقبال کا کہنا تھا کہ انہیں امید ہے کہ سابق وزیراعظم نواز شریف کو بھی جلد ریلیف ملے گا۔انہوں نے کہا کہ جو لوگ ڈیل یا ڈھیل کی باتیں کررہے تھے انہیں علم تھا کہ نواز شریف اور ان کے بھائی شہباز شریف کےخلاف کیسز انتہائی کمزور ہیں اور ایسے بیانات کا مقصد ہی صرف یہ تھا کہ کسی نہ کسی طرح عدالتوں پر دباؤ ڈال کر ہمارے خلاف فیصلے کروائے جائیں۔ لیگی رہنما کا کہنا تھا پہلے دن سے ان کی جماعت کا ایک ہی بیانیہ رہا ہے اور ہم نے عدالت کے ہر فیصلے کا احترام میں کیا اور آئندہ بھی کرتے رہیں گے۔

متعلقہ اداروں کو اکاونٹس ٹریک کرکے انہیں سمجھانے کی ہدایت اور اکاونٹ بلاک کرنے کا حکم
اسلام آباد(ایمرا نیوز آن لائن) وزارت داخلہ نے وی وی آئی پی وفد کی پاکستان آمد کےخلاف سوشل میڈیا مہم چلانے میں ملوث 5 تنظیموں کی نشاندہی کردی۔وزارت کی جانب سے تمام صوبائی چیف سیکریٹریز، انسپکٹرز جنرل پولیس، چیئرمین پاکستان ٹیلی کمیونکیشن اتھارٹی (پی ٹی اے) اور ڈائریکٹر جنرل فیڈرل انویسٹی گیشن ایجنسی (ایف آئی اے) کو بھیجے گئے مراسلے میں ہدایت کی گئی ہے کہ وہ ان اکاؤنٹس کو ٹریک کریں اور ان تظیموں کو سمجھائیں کہ وفد کےخلاف منفی پروپگینڈے سے باز رہیں۔ان تنظمیوں کی نشاندہی تعمیرِ وطن، امامیہ اسٹوڈنٹس آرگنائزیشن طالبات کراچی، امامیہ اسٹوڈنٹس آرگنائزیشن پشاور، تحریکِ حمایتِ مظلومینِ جہانِ پاکستان اور شیعہ وحدت کے طور پر ہوئی ہے۔یہ مراسلہ جو سوشل میڈیا پر بھی گردش کرتا رہا ہے، اس میں کہا گیا کہ زیادہ تر فزیکل اور ڈیجیٹل سرگرمیاں کراچی سے ہورہی تھیں، ساتھ میں ہی یہ بھی بتایا گیا کہ اب تک 19 فیس بک پیجز اور 20 ٹوئٹر یو آر ایلز کو بلاک کرنے کے لیے کام کا آغاز کردیا گیا۔مراسلے میں متعلقہ انتظامیہ سے کہا گیا کہ وہ فوری طور پر ان اکاؤنٹس کو بلاک کریں۔اس حوالے سے پی ٹی اے اور ایف آئی اے کے سائبر کرائم ونگ کو کہا گیا کہ وہ ان لوگوں کو ٹریک کریں اور اکاو¿نٹس بلاک کریں۔مراسلے میں یہ بھی کہا گیا کہ ’وی وی آئی پی وفد کے پاکستان کے اعلیٰ سطح کے دورے سے متعلق مبینہ طور پر منفی تصور پیش کرنے کے لیے سوشل میڈیا پر ایک مہم چلائی جارہی ہے اور مخصوص مقاصد، مذموم مفادات یا ایجنڈے کے لیے وی وی آئی پی وفد یا پاکستان حکومت کو بدنام کیا جارہا‘۔اس تمام معاملے پر جب وزارت داخلہ کے سینئر حکام سے رابطہ کیا گیا تو انہوں نے اس مراسلے کی تصدیق یا تردید سے انکار کیا۔

پاکستانی ٹیم اعداد و شمار کا جائزہ لے کر بھارتی حکام کو جواب دے گی
لاہور(آن لائن)بھارت کی جانب سے پاکستانی وفد کو اپنے ہائیڈرو پاور منصوبوں کو معائنہ کروانے کے بعد سندھ طاس معاہدے کے تحت اب بھارت نے پاکستان کو دریا کے بہاؤ پر بنائے جانے والے منصوبوں کے اعداد و شمار بھی فراہم کردیے ہیں ۔میڈیا رپورٹس کے مطابق کچھ عرصہ قبل بھارت نے پاکستانی عہدیداروں کو بلتی کلاں، کلاروس، اور تماشا ہائیڈرو پاور منصوبوں کے اعداد و شمار فراہم کیے تھے ،جنہیں دریائے جہلم کے بلتی کلاں نالے اور کلاروس نالے اور دریائے سندھ کے تماشا نامی ذیلی اخراج پر بنانے کا منصوبہ ہے۔اس حوالے سے وفاقی سیکریٹری برائے آبی ذخائر خواجہ شمائل نے بتایا کہ ’بھارت کی جانب سے مستقبل قریب میں تعمیر کیے جانے والے منصوبوں کے اعداد و شمار پاکستان کو فراہم کیے جانا ایک اہم پیشرفت ہے۔ان کا مزید کہنا تھا کہ ہماری ٹیم ان منصوبوں کے اعداد و شمار کا جائزہ لے کر بھارتی حکام کو جواب دے گی۔دوسری جانب پاکستانی کمشنر برائے سندھ طاس سید مہر علی شاہ نے بتایا کہ ’سندھ طاس معاہدے کے تحت کسی بھی ہائیڈرو پاور منصوبے کا خاکہ فراہم کرنا ضروری ہے، آخری مرتبہ بھارت نے 2013 میں اس طرح کے اعداد و شمار فراہم کیے تھے، لیکن اس کے بعد نہیں کیے۔ان کا کہنا تھا کہ اس کے باوجود ہم اس بات کو سراہتے ہیں کہ ہماری جانب سے معلومات طلب کرنے پر انہوں نے ہائیڈرو پاور کے ان 3 چھوٹے منصوبے کے اعداد و شمار ہمیں فراہم کیے۔ان کا کہنا تھا کہ اگر معاہدے کے مطابق اس طرح کے منصوبوں کے اعداد و شمار فراہم کردیے جائیں تو کئی مسائل منصوبوں کی سطح پر ہی حل ہوسکتے ہیں۔واضح رہے کہ پاکستان کا 3 رکنی وفد بھارت میں دریائے چناب پر تعمیر کیے جانے والے 4 ہائیڈرو پاور منصوبوں کا جائزہ لے کر یکم فروری کو وطن واپس پہنچا تھا۔وفد نے جن ہائیڈرو پاور منصوبوں کا معائنہ کیا تھا ان میں ایک ہزار میگا واٹ کا پکال دل، 48 میگا واٹ کا لوئر کلنی، 850 میگا واٹ کا راٹلے اور 900 میگا واٹ کا بگھلیار ڈیم منصوبہ شامل ہے۔اسلام آباد نے دونوں ممالک کے درمیان ہونے والے سندھ طاس معاہدے کی پاسداری کے لیے اس دورے کو خوش آئند قرار دیا تھا۔اس کے ساتھ انہیں اس بات کا بھی یقین ہے کہ بھارت کی جانب سے فراہم کردہ اعداد و شمار سے دونوں ممالک کے درمیان آبی تنازعات کو حل کرنے میں مدد ملے گی۔

کراچی(ایمرا نیوزآن لائن رپورٹ اظہر محمود سے) کراچی پولیس نے نیو کراچی انڈسٹریل ایریا،بھینس کالونی موڑ اور چاکیواڑہ سے جعلی پولیس اہلکار سمیت11 ملزمان کو گرفتار کرلیا۔نیو کراچی انڈسٹریل ایریا میں پولیس مقابلے کے بعد جعلی پولیس اہلکار گرفتار جبکہ ملزم کا ساتھی فرار ہوگیا، گرفتار جعلی پولیس اہلکار نسیم خان کے قبضے سے پولیس کی وردی، جعلی پولیس کارڈ، کراچی آوان بم،اسلحہ ،نقد رقم،موبائل فون اور چھینے ہوئے پرس بھی ملے ہیں۔گرفتار ملزم پولیس کی وردی میں ساتھیوں سے لوٹ مار کرتے تھے۔جعلی اہلکار نسیم خان پر سہراب گوٹھ اورسائٹ سپر ہائی وے تھانے میں متعدد مقدمات درج ہیں۔شاہ لطیف پولیس نے بھینس کالونی موڑ کےقریب سےاسٹریٹ کرائم میں ملوث ملزم نوید کو گرفتار کرلیا، گرفتار اسٹریٹ کرمنل سے غیرقانونی اسلحہ اور گولیاں برآمدکی گئی ہیں ، ملزم کیخلاف مقدمہ درج کرلیا گیا ہے، جبکہ برآمد کیا گیا اسلحہ فارنزک کیلئے بھیجا جائیگا۔دوسری جانب لیاری کے علاقے چاکیواڑہ سے پولیس نے جوئے کے اڈے پر چھاپہ مار کر9جواری گرفتار کرلئے۔جوئے کا اڈہ بدنام زمانہ لیاری گینگ وار سربراہ عزیر بلوچ کے ساتھی عزیز عرف چاچا کا تھا، چھاپے کے دوران عزیز عرف چاچا فرار ہوگیا، ملزم رینجرز اور پولیس کے ہاتھوں گرفتار ہوکر متعدد بار جیل چا چکا ہے۔

لاہور(ایمرا نیوزآن لائن رپورٹ عمر خالد سے) لاہور سے شیخوپورہ تک موٹر وے دھند کی وجہ سے بند ہے۔موٹروے پولیس کے ترجمان نے موٹر وے پر سفر کرنے والے شہریوں کو ہدایت کی ہے کہ سفر شروع کرنے سے پہلے ہیلپ لائن 130 سے مدد لیں۔ترجمان موٹر وے پولیس کا مزید کہنا ہے کہ موٹر وے پر سفر کرنے والوں کے لیے فون ایپلیکیشن ’ این ایچ ایم پی ہمسفر‘ میں تازہ ترین ٹریول ایڈوائزری جاری کر دی گئی ہے۔ترجمان موٹروے پولیس نے یہ بھی کہا ہے کہ سفر شروع کرنے سے پہلے اور دوران سفر ایپ کا استعمال مفید ثابت ہوسکتا ہے۔

کراچی (ایمرا نیوز آن لائن) کراچی میں فائرنگ سے تحریک انصاف کے دو کارکن جاں بحق ہو گئے۔ تفصیلات کے مطابق کراچی میں ٹارگٹ کلرز ایک بار پھر سے سرگرم ہو گئے ، فائرنگ کے دو مختلف واقعات میں پی ٹی آئی کے دو کارکنان کو قتل کر دیا گیا ہے۔سائٹ ایریا میں فائرنگ سے پی ٹی آئی کارکن عبدالرحمن جب کہ اورنگی ٹاو¿ن ساڑھے گیارہ میں پچپن سالہ شفقت کو گولیاں مار کر قتل کیا گیا۔علاقہ مکینوں کے مطابق نامعلوم موٹر سائیکل سوار ملزمان نے فائرنگ کی۔مقتول شفقت ریٹائرڈ پولیس اہلکار تھا اور اس نے کچھ عرصہ قبل پی ٹی آئی میں شمولیت اختیار کی تھی۔ پی ٹی آئی رہنما خرم شیر زمان نے وزیراعلیٰ سندھ اور ڈی جی رینجرز سے تفتیش کا مطالبہ کر دیا۔انہوں نے کہا کہ ٹارگٹ کلنگ کو قابو نہیں کیا گیا تو حالات مزید بگڑ سکتے ہیں۔شہر میں امن قائم کرنا سندھ حکومت کی ذمہ داری ہے۔پولیس چیف نے ڈی آئی جی ویسٹ سے دونوں واقعات کی تحقیاتی رپورٹ طلب کر لی ہے۔

سمندر میں امن واستحکام کے قیام اور قانون کی بالادستی کیلئے پرعزم اور ہر لمحہ تیار ہیں، ترجمان پاک بحریہ
اسلام آباد (ایمرا نیوز آن لائن) پاک بحریہ نے اورماڑہ کے قریب کارروائی کرتے ہوئے سمندر سے شراب کی ایک بڑی کھیپ پکڑ لی۔ترجمان پاک بحریہ کے مطابق شراب کی یہ کھیپ سمندر کے ذریعے پاکستان سمگل کی جا رہی تھی۔ترجمان پاک بحریہ کے مطابق پکڑی جانے والی کھیپ کی مالیت تقریباً20 ملین روپے ہے۔ مزید قانونی کاروائی کے لیے کھیپ کو پاکستان کسٹمز کے حوالے کر دیا گیا۔ آپریشن زیرک منصوبہ بندی، مسلسل نگرانی اور بہترین انٹیلی جنس کی بنا پر کامیاب رہا۔ترجمان پاک بحریہ نے کہاکہ پاک بحریہ سمندر میں امن واستحکام کے قیام اور قانون کی بالادستی کے لیے پرعزم اور ہر لمحہ تیار ہے۔

امید ہے کہ شہباز شریف مثبت اپوزیشن کا کردار ادا کرینگے،وزیر اعظم کی خواہش ہے اسمبلی میں جو تماشے ہوتے رہے ہیں وہ ختم ہوں،معاون خصوصی
وزیر اعظم کی خو اہش پرسپیکر نے ضابطہ اخلاق کےلئے کمیٹی تشکیل دی ، پیر کو حکومت اور اپوزیشن کا اجلاس ہوگا اگر اپوزیشن نے مثبت رویہ اختیار کیا تو عمران خان بھی ایوان میں خطاب کریں گے،میڈیاسے گفتگو
اسلام آباد (ایمرا نیوز آن لا ئن ) وزیر اعظم کے معاون خصوصی نعیم الحق نے کہا ہے کہ شہباز شریف کی ضمانت کے فیصلے کا احترام کرتے ہیں،امید کرتے ہیں شہباز شریف اپوزیشن کا کردار بہتر انداز میں ادا کریں گے، اگر اپو زیشن کا رویہ اچھا ہو ا تو وزیر اعظم عمران خان (پیر ) کو اسمبلی میں خطاب کر یں گے ،شہباز شریف کو پی اے سی کی چیئرمین شپ سے ہٹانے پر کبھی سنجیدگی سے غور ہی نہیں ہوا ۔ ان خیالا ت کا اظہا ر انہو ں نے جمعہ کے روز اسلا م آباد میں میڈیا سے گفتگو کے دوران کیا ۔ نعیم الحق نے کہاکہ تحریک انصاف قومی اسمبلی کو نئے اور مثبت انداز میں چلانا چاہتی ہے ہم امید کر تے ہیں کہ شہباز شریف قائد حزب اختلا ف کی حیثیت سے وہ کر دارا دا کر یں گے جس سے ملک اور عوام کو فائد ہ ہو گا وزیر اعظم عمران خان چاہتے ہیں کہ قومی اسمبلی میں آج تک جو تما شے ہو تے رہے ہیں وہ ختم کر کہ ایک نئی روش اختیا ر کی جا ئے اور ذاتیا ت پر حملے بند کر کے اسمبلی کی کا رروائی میں مکمل ڈسپلن اختیا ر کیا جا ئے وزیر اعظم کی خو اہش پر اسپیکر اسد قیصر نے ضابطہ اخلاق کےلئے کمیٹی تشکیل دی ہے ، اس حوالے سے پیر کو حکومت اور اپوزیشن کا اجلاس ہوگا اگر اپوزیشن نے مثبت رویہ اختیار کیا تو عمران خان بھی ایوان میں خطاب کریں گے اور اپو زیشن کے ساتھ مل بیٹھ کر ملک و قوم کے لئے اچھے فیصلے کئے جائیں گے امید کر تے ہیں کہ شہباز شریف ایک ایسا مثبت رویہ اختیا ر کریں گے جس سے قومی اسمبلی کی کا روائی آگے بڑھ سکیں گی اور عوام کے مسائل حل ہو نے کے ساتھ ساتھ ان کو یہ تاثر بھی ملے گا کہ اسمبلی کو ئی سرکس نہیں بلکہ قانون ساز ادارہ ہے جو ہما رے مسائل کے حل کے لئے کو شاں ہے ۔ نعیم الحق نے کہاکہ میڈیا سیاسی قائدین کے گرما گرم بیانات کو اہمیت نہ دے شہباز شریف کو پی اے سی کی چئیرمین شپ سے ہٹانے پر کبھی سنجیدگی سے غور ہی نہیں ہوا ۔ ایک سواال کے جو اب میں انہو ں نے کہا کہ پیر کو اپوزیشن سے اجلاس میں مثبت انداز میں آگے بڑھنے پر اتفاق ہوگا۔( درانی )

فیصل آباد(ایمرا نیوز آن لائن) فیصل آبادچیمبر آف کامرس اینڈ انڈسٹری کے سابق ا یگزیکٹو ممبر و چیئرمین قائمہ کمیٹی برائے کسٹم انیڈ ڈرائی پورٹ اورانجمن تاجران سٹی فیصل آباد کے نائب صدر حاجی محمد اصغر نے سعودی عرب کے ولی عہد شہزادہ محمد بن سلمان کی پاکستان آمد کاخیر مقدم کرتے ہوئے کہا ہے کہ سعودی حکومت کی جانب سے پاکستان میں اربوں ڈالر کی سرمایہ کاری سے پاکستان کی معاشی صورتحال میں انقلاب آئے گا ۔ انشاءاﷲ اب وہ وقت دور نہیں جب اسلامی ممالک معاشی‘ ایٹمی قوت کے لحاظ سے پوری دنیا میں سپرپاور بنیںگے۔ سعودی ولی عہد شہزادہ محمدبن سلمان کے دورے سے پاک سعودیہ دوستی کا ایک نیا دور شروع ہوگا۔ انہوںنے کہاکہ پاک سعودی تعلقات مضبوط سے مضبوط تر ہونگےسعودیہ نے ہرمشکل وقت میں پاکستان کا کھل کر ساتھ دیا اب جبکہ پاکستا ن معاشی بحران کا شکار ہے ا س وقت پاکستان کو سرمایہ کاری اور ویلیو ایڈیشن کی ضرورت ہے جس کیلئے موجودہ حکومت ہر ممکن مراعات دے رہی ہےسعودی عرب کی طرف سے اربوں ڈالر سرمایہ کاری اور تجارتی معاہدےانشاءاللہ ملک کی تقدیر ل دینگے ۔غیرملکی سرمایہ کاری سے پاکستان سے بے روز گاری کاخاتمہ ہوگا سعودی حکومت کی جانب سے ایشیاءمیں سرمایہ کاری کی بدولت پاکستان معاشی سرگرمیوں میں اضافہ ہوگا انہوں نے کہا کہ وزیر اعظم عمران خان کی ملک کو مالی بحران سے نکالنے کے ساتھ ساتھ ملکی برآمدات کے فروغ کےلئے مخلصانہ کاوشوں قابل تعریف ہیں ، سابق حکمرانوں نے آج تک پاکستان کےلئے کچھ نہیں کیا اور نہ ہی کوئی انڈسٹری کےلئے کیا جس کی وجہ سے پاکستان کا تجارتی خسارہ خطرناک حد تک بڑھ چکا ہے۔ اگرچہ موجودہ حکومت کی کوششوں سے برآمدات میں اضافہ اور درآمدات میں کمی کے ساتھ ساتھ غیر ملکی ترسیلات بھی بڑھ رہی ہیں تاہم پائیدار معاشی ترقی کیلئے براہ راست سرمایہ کاری کی اشد ضرورت ہے۔ انہوں نے کہا کہ سعودی عرب ،متحد ہ عرب ممالک کو مزید پاکستان میں سرمایہ کاری کرنی چاہئے جبکہ پاکستان انڈسٹری کےلئے یورپ سمیت دوسرے ترقی یافتہ ملکوں میں مقیم پاکستانیوں کو وطن عزیز سے محبت کے عملی اظہار کیلئے از خود سرمایہ کاری کی نئی راہیں تلاش کرنا ہوں گی۔ اس طرح جہاں وہ ملکی ترقی میں اپنا حصہ ڈال سکیں گے وہاں جدید ٹیکنالوجی سے ملک میں پیدا ہونے والے خام مال سے عالمی معیار کی اشیاءتیار کر کے دوسرے ملکوں کو برآمد بھی کی جا سکیں گی۔

اسلام آباد(ایمرا نیوز آن لائن) سپریم کورٹ این آئی سی ایل سکینڈل کے مرکزی ملزم محسن حبیب وڑائچ کی حفاظتی ضمانت کی درخواست واپس لینے کی استدعا مسترد کرتے ہوئے نیب سے جواب طلب کر لیا ہے ۔ معاملہ کی سماعت جسٹس گلزار احمد کی سربراہی میں 2 رکنی بنچ نے کی ۔درخواست گزار کے وکیل عامر عباس نے اس موقع پر عدالت کو بتایا کہ محسن حبیب نیب کے سامنے پیش ہو چکے ہین ۔ نیب نے محسن حبیب کے وارنٹ گرفتاری جاری ہی نہیں کئے ۔ وارنٹ جاری نہ ہونے کی بنیاد پر حفاظتی ضمانت کی دائرہ کردہ کردہ درخواست واپس لینا چاہتے ہیں ۔ عدالت نے معاملہ پر نیب کو نوٹس جاری کرتے ہوئے این آئی سی ایل کے مرکزی ملزم محسن حبیب کی درخواست واپس لینے کی استدعا مسترد کرتے ہوئے نیب کو آئندہ سماعت پر عدالت کو حقائق سے آگاہ کرنے کا حکم جاری کر دیا ہے ۔ معاملہ کی سماعےت غیر معینہ مدت تک کے لئے ملتوی کر دی گئی ہے ۔( جاوید/ توصیف احمد عباسی)